العميل صهيوني والجاسوسة المغربية فصل الثاني

♚ الفـــصـــل الـــثانـــي ♚

بقلم ✒ : ♔♚ كاپيطوسة_المغربية ♚♔

قصة حصرية و مختالفة على القصص لي قريتو فيها عناصر جداد __ أحداث جداد __ أبطال جداد __ كاتشمل من كل فن طرب
#الحقد ... #الإنتقام ... #الغموض_و_تشويق ... #الأكشن ... #إستراتجية_الحرب ... #التحدي ... #المراوغة ... #الذكاء_و_سرعة_ال
بديهة ... #القتيلة_ودم ... #الأنانية ... #تفرشيخ ... و اخييرا #الحب ... #الغيرة ... #
الرومانسية_العنيفة


البارت 108 من قصة :
♚♔ العميل الصهيوني والجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚

#After_6_months

من بعييد كايتسمع صوت الغوات ديال صوت انثوي كان باين فيها معصبة .. واقفة بملامح يغزوهم فقط ملامح الغضب .و نظرات حادة لم تعهدها سابقا و عيون فارغة لا تحمل في طياتها شيئ سوا الغضب ، فنفس الساحة ديال تدريب ... فنفس المعسكر ... فنفس وقت تدريب ...و مع نفس الجنود و القياد ، ولكن ماشي فنفس البلاصة و ماشي بنفس الحوايج ديال الجنود و ماشي بنفس الشخصية و النظرة لي معاهدينها ، ماشي بنفس القلب لي واخا كان قسا عليه القدر كان باقي حنين ... و ماشي فنفس الظروف و الحالة ... كانت واقفة بنت شعرها بني غامق جامعاه شفنجة و مخبعاه بالكاسكيط لابسة سروال پارا و تيشورت كحل نص كم و بروطكان كحل نفس ملابس القياد و واقفة بوقفة بحالها بحال ديال القياد و قدامها جندي كايلعب طراكسيون و ضهرو متقل بثقل 4 حجرات كبار و تقااال نيت و لوكان كانو فوق ضهر شي شخص عادي كون ترزا فالعمود الفقري .. كايطلع و يهبط بصعووبة و فوقما كايزيد يتعطل باش يطلع كاتزيد تتقل عليه برجليها
***** : ( بالغوات ) طلععععععععع
الجندي : ( بتعب و كايلهت ) رحمينااا ... زادت حطات على ضهرو رجليها و جاوباتو بواحد الجواب كانت كاتسمعو ديييما
***** : ( بإبتسامة جانبية ) منين بغيتي رحمة كون بقيتي فداركم .. ( خنزرات فيه ) قلت لك طلعععععععععع ... بدا كايطلع و يهبط و ما حيلتو لتقل الحجر و ما حيلتو لتقل رجليها لي رخاتو عليه كايحس بالعروق ديال راسو غايتفركعو ولا وجهو حمرررر ، و بدون سابق إنذار عطاتو بركلة لجنبو حتى تدفع و طاح عليه داك ثقل لي كان فوق منو بدا كايغوت بسبب داك ثقل
***** : ( معصبة ) واااااش كاندربو رجااال ولا شيييخات؟؟؟؟؟؟؟؟ فينها القوة الجسماانية ( ضارت لعند مجموعتها ) ولفتو راحة ياك؟؟؟؟ هانا غانوريكم ... هبطوووووووووو ... كلشي هبط للأرض و بداو طراكسيون لي خلاتها تكون بعدد غير محدود مي لي عيا هو اللول غادي يكون نهارو كحل يلاه هادي 4 شهور باش تعينات قائدة و خرجات فيهم الوييييل كان عندهم اختيار يختارو واش يبقاو فمجموعاتهم العادية ولا يمشيو للمجموعة 8 وي نفسها المجموعة لي كانت فيها جندية و نفسها المجموعة لي كان أرسلان قائدها مؤقتا .. فاش قالو لهم بلي غاتولي تدربهم قائدة بداو كايستهزأو و فاش شافو شكون لي غايدربهم كانت بالنسبة ليهم واحد صدمة و فنفس الوقت زادو عبارات الإستهزاء و لي خلاهم يختارو يكونو فمجموعتها هو حيت يسحابلهم بلي غايكون تدريبها خفيف و ماقاصحش ولكن كاع دوك ظنون ديالهم تضربو فزيرو حيت فهاد 4 شهور قطرات منهم زييت البلدية ، فهاد المدة القليلة تعتابر تدريبها أقسى تدريب من بعد تدريب أرسلان مباشرة الفرق بينو و بين تدريب أرسلان هو أن أرسلان كايقتل لي غلط و إيفا كاتعاقب بعواقب قاااسية كاتخليهم يقربو للموت و يعاودو يرجعو منها فهاد 4 شهور لي دوزات هنا تلقبات بلقب القلب الحجري غاتقولو هادا مجرد لقب و غاتكون بحالها بحال غيرها و ايلا شافت شي مشهد مؤثر دغيا غاتتأثر ولكن بالعكس ديك ساعة ايلا لقات كي ديير تزيد تكمل على داك لي فالمشهد المؤثر كونو اكيدين غادي تزيد تكمل عليه ، تسمع صوت من بعيد كايناديها ماجاوباتوش ... مشات قربات لواحد بداو كايبانو عليه علامات التعب حطات رجليها فوق ضهرو و تقلات عليه
***** : ( كارزا على سنانها ) طللللع
أديب : من صباح و انا كانعيط لك ماسمعتينيش؟؟
***** : مشغولة علاش؟
أديب : ههههه رولاكس كاتباني ليا معصبة
***** : نو عادي
أديب : ميستر أرسلان اليوم غايجي
***** : ايمتا؟ غااا تهبط ولا نجي نلصق لك كمارتك فالأرض
أديب : ميستر أرسلان ماغلطش فاش عينك قائدة على العموم جيت غير بغيت نعلمك بلي غايجي اليوم مع 7 ديال العشية يراقب الأمور
***** : أممم صافي تقدر تمشي
أديب : كاتجري عليا ههه
***** : بحال داكشي
أديب : مقبوولة منك ا لالة
***** : وقفو تبعوووني ... مشات كاتجري و هما تابعينها
الجندي : دغيا نساتنا ا صاحبي
الجندي 2 : ها نتا كاتشوف دارت راسها بحالا عمرها عرفاتنا
الجندي : اوديي كون كنت عارف غاتخرج مننا هادشي كون بقيت غير مع القائد أصهب ولا إسحاق
ريماس : سكااااات ... كملو دورات ديال جري من مور ماسخفااااتهم بالمعقول ، وصلات 7 و كاع الجنود مشاو يرتاحو حيت أرسلان جاي و القياد غايكون عندهم إجتماع معاه من غير مجموعة ديك القائدة هما لي ماكانوش فالمعسكر
أديم : فينها *****؟؟؟؟
أديب : غاتكون يا فساحة تدريب يا فالغابة
إسحاق : ميستر أرسلان مابقا ليه وااالو و يجي ايلا مالقاهاش عاوتاني غاتوقع شي موصيبة كحلة
أديب : غانمشي نجيبها اطط
أصهب : فين غادي؟؟؟ شفتك وليتي ضور ضور و تقولينا غانمشي لعندها اش كاين تما؟ ... واقفين مستفين و عريانيين لابسين غير الكالسو و يديهم و رجليهم مربوطين بحبال و البرد كايضرب فيهم زغب لحمهم تشوك بالبرد و موراهم كاينا بحيرة غارقة نوعا ما ، كانت واقفة قدامهم و دايرا يد مور ضهرها و يد شادة بها عداد العد العكسي عاقدة حجبانها و عينيها مركزين غير معاه ، ضربات 6:50 ديال العشية و بدات كانقرب لهم خطوة بخطوة بدون سابق انذار بدات كاتلوحهم واحد بواحد فالبحيرة ... 


البارت 109 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚

لاحت 10 و قالت ل90 يتلاحو حتى هما ، مازادوش تناقشو معاها حيت هادا كايبقا تدريب و هاد تدريب ماداخلش نهائيا فتداريب لي عطاهم ارسلان باش يدربو بيهم الجنود الفائدة من هاد تدريب هي يتعلمو يفكو راسهم لاطاحو فبحال هاد المواقف فالمستقبل و منها نيت باش يزيدو يربيو سوفل ، مادايراش لهم عد عكسي حيت العد العكسي لي عندهم هو كمية الأوكسيجين لي مخزنينها فالرئة ديالهم يعني حياتهم فالوقت الحالي متوقفة على 2 حوايج " سرعة باش غايفكو راسهم" و " كمية الأوكسيجين لي كايقدرو يخبعوها " ... عطات أمر ل3 اشخاص ما مربوطينش باش يبقاو حاضيين ايلا شافو شي حد كايغرق يجبدوه ... و هاكا داز تدريب كايهبطو 100 و كايطلعو 100 كاين منهم لي كايسلك راسو و كاين لي كايبقا واحل تما تا كايجبدوه من الما و بلاصة مايديرو ليه تنفس اصطناعي ناعم كايجبدوه فالأرض و كاتمشي ريماس دير ليه تنفس اصطناعي بطريقتها كاتشكل يديها على شكل قبضة و كاتهز يديها حتى لسما و كاضرب فصدرو بكل قوتها ، 2 ضربات كايخليوه ينوض بلهلا يطريه ، وصلات 8 و إيفا و مجموعتها باقيين خارج المعسكر
الجندي 1 : مابقيت قاد ندير والو تسالا لي الباتري ا صاحبي
الجندي 2 : سكت راه غاتشوفنا و غادير لينا كفس من المرة الفايتة
الجندي 1 : دابا واش حنا غانحيرو فهادي؟؟؟؟ من اللول قلت لك ماعاجبنيش تدربني بنت
الجندي 2 : كاتقلب تبات معلق هاد الليلة ياك
إيفا : ( اشارت بيديها ) أجي لهنا
الجندي 2 : تكلم للقائدة راها كاتعيط لك
الجندي 1 : ( كايبلع ريقو ) علاش غانتكلم راه حتى هو كان كايهضر معايا
إيفا : ماغاتجيش؟؟؟ .. بدا كايتمشا بخطوات بطيئة لجهتها
الجندي : ا ا ا ... مزال ماكمل تفتيف ديالو فالهضرة جمعات معاه بتصرفيقة خلاتو ضاير لجهة وحدة و عاودات جمعات معاه بتانية
إيفا : عندي محضر شيخات فهاد الكروب ياك؟ ( بالغوات ) شنووووووو كانقولكم؟؟؟؟؟؟ كانقولكم سكاااااااات حس دبانة مانبغيهش يزنزن وسط لونطريمو واش كانقولها ولا لا؟؟؟؟؟؟؟؟
الكل : وي ميس إيفا
إيفا : و نتا شنو درتي؟؟؟؟؟؟؟ كادير لي فراسك زعما كاتتحداني؟ ماراضيش تدربك بنت مثلا؟؟
الجندي : ( بعصبية ) وي ماراضيش تدربني جندية عاد هادي 6 شهور كانت بحالنا و فنفس مستوانا
إيفا : اجي لهنا قلت لك اجييييي ... مشا لعندها مع وصل لعندها جمعات معاه بتصرفيقة خلاتو يضور حنا راسو و بقا شاد فحنكو شوية تسمع صوت تصفيقات من اللور كلشي هز راسو يشوفو منين جاي هاد صوت مع ضارو و شافوه تخطف منهم اللون ولا وجههم صفر ما قدهم فيلة زادهم فيل ( قلبتهم حيت ماجاتش نعطيه صفة المؤنث 😂 ) ، ضارت لجهتو كان كايشوف فيها بنفس نظرات المعتادة و بنفس الملامح ديال ديما و إبتسامتو الغرببة مرسومة على محياه خشا يديه فجيبو و نطق
أرسلان : ( كايشوف لها فعينيها ) شحال ساعة ا إيفا؟!
إيفا : ( كاتشوف ليه فعينيه ) 8:00 ا ميستر أرسلان
أرسلان : ماعلمكش أديب بلي عندنا إجتماع اليوم؟!
إيفا : علمني ولكن واش ماشي نتا ا ميستر أرسلان لي قلتي تدريب قبل كل شيئ؟! ... دوز يديه فذقنو و بقا كايفكر فشي حاجة دار إبتسامة إستهزاء و عاود نطق
أرسلان : تبعيني ... ضارت لعند الجنود لي كانو كايتهامسو خنزرات فيهم و نطقات
إيفا : ( بالغوات ) سالااا تدريب اليوم و باش نعلمكم غدا عندكم نفس تدرييييب ولا تكررو نفس الأغلاط ديال هاد نهار و لقيت شي واحد باقي واحل مع راسو كونو اكيدين بربي لا طلعتو من الما مفهووووووم؟؟؟؟
الكل : مفهووووم ميس إيفا .. شافت فداك لي هز صوتو عليها
إيفا : بلاتي دوز عندي للمكتب غاتلقا البرودويات باش غاتغسل طواليطات كايتسناوك ... ضارت لعند أرسلان لقاتو سبقها مشات كاتجري لعندو حتى لحقات عليه و بدات كاتتمشى حداه حيت ماكايعجبهاش تكون من مور شي حد .. بالنسبة ليها لي كايبقى من مور شي حد كايتسما مجرد ظل لداك شخص
أرسلان : ( بهدوء ) من ايمتا و نتي كاديري لهم تدريبات من عندك!!
إيفا : ( بنفس النبرة ) من نهار هبطنا كاملين للبحيرة و عرفت بلي نص فيهم ماكايعرفش يعوم .. ساد الصمت فطريق كااملة حتى وصلو للمعسكر حلو لهم الحراس الباب و دخلو
أرسلان : عندك أول و أخر إنذار فاش نقول بلي راني جاي يعني كاع القياد يتجمعو ( وقف ) فهمتيني ياك؟!
إيفا : ( بنظرة تحدي ) ميستر أرسلان كانحتارم وجودك و حضورك ولكن كي قلت لك هادي 10 دقايق ايلا كان عندي تدريب بيان سيغ ماغاديش نخليه حيت نتا بنفسك لي قلتي لينا تدريب قبل كل شيئ ولا لا؟ ... بقا كايشوف فيها مدة و رجليه غاديين بخطوات بطيئة خطوة مور خطوة لجهتها كايتسناها دير نفس ردة الفعل السابقة ديالها فالأيام الأولى لي كانت فيها عندهم ولكن لا ، بقات واقفة فبلاصتها بنفس وقفتها و بنفس نظراتها ماتحركاتش من بلاصتها دفعها للحيط بجهد حتى تضرب لها المرفق ديالها مع الحيط حسات بنفس ديك القضية فاش كاضربوه مع شي حاجة و كاتحسو بحالا ضربكم ضو خصرات سيفتها وصل لعندها بسرعة البرق و كالاها مع الحيط عينيه مفيكسيين فعينيها الممزوجتين ب3 ألوان الخضر و العسلي و شوية ديال الكري
أرسلان : حدي من هاد تخراج العينين لي فيك ماغايسلككش معايا
إيفا : حاشا واش نخرج فيك عيني مي واش ماشي نتا لي علمتينا مانحنيو راسنا لحد؟ ...

البارت 110 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚

زاد قرب وجهو ليها ولات بيناتهم فقط بضع سنتيمترات واحد كايشوف فواحد ... طرف كايتسنا تاني يهبط عينو و الطرف الثاني حالف دوك العينين لا هبطهوم ، نطق بصوت مخالف على العادة
أرسلان : ( بصوت هادئ و خافت ) جرأتك بقات هي هي همم كايعجبني بنادم لي كايبقا فصباغتو
إيفا : ( بإستغراب ) علاش واش كاين شي سبب باش نتبدل ا ميستر أرسلان؟؟ ، قلب وجهو و ترسمات ابتسامة جانبية على شفتيه
أرسلان : ضروري يكون سبب؟!! .. عاود شاف فيها ولكن هاد المرة عينيه بقاو كايتفحصو تفاصيل وجهها حتى تركزو على شفايفها الحميمرين
إيفا : ميستر أرسلان واش سالا الإجتماع؟؟ ممكن نمشي لعند القياد؟ ... شافتو فين كايشوف و قلبات وجهها لجهة ثانية مارتاحتش نهائيا لهاد القرب لي بيناتهم كون كان شي شخص اخر كون ماتردداتش فأنها تقتلو ولكن هادا كايبقا هو لي دربها منين كانت عندها 16 سنة ( هادشي لي كاتظن هي و فالأجزاء القادمة غاتفهمو ) و واحد من اهم افراد عائلة روتشيلد هي ماشي مكلخة باش دير شي تصرف غالط معاه ولكن لكل حاجة كاين حدود ... عاود هز يد و ضور لها وجهها لجهتو و عينيه باقيين مركزين فنفس البلاصة حط يديه فالحيط و يد دوزها على شفايفها تنطرات منو بزعفة
إيفا : ( بفقدان صبر ) ميستر أرسلا
أرسلان : ( بصوت خافت ) ششش ماتقاطعينيش ، بدا كايقرب وجهو ليها بشوية بشوية حطات يديها على صدرو و دفعاتو بشوية بلباقة شد لها يديها بيد وحدة
إيفا : ميستر أرسلان طلق مني ( كاتحاول ماتغوتش ) طللق مني خليني نمشي .. بقات كاتنطر ليه فيديه كاتشوف راسها لاغوتات غايجيو القياد و غاياخدو غاياخدو عليها نظرة فشكل و زيد عليها تقدر طيح فمشاكل لا يحمد عقباها مع أرسلان ولا ماغوتاتش غاتتجرح فكبريائها و كرامتها و فنفس الوقت واخا هكاك يقدر يجي شي حد و يلقاهم فداك الوضع و يفهمهم غلط ... بحركة سريعة جمع لها يديها الفوق و حط يد على المؤخرة ديال عنقها ، حسات بلحمها تبورش زاد ميل راسو شوية و بقا كايقرب شفايفو ببطئ حتى لتاحمو شفتين بدا كايقبلها ببطئ بحالا كايتذوق مذاقهم و مع كل ثانية كايزيد فالوتيرة حتى تحولات من قبلة بطيئة لقبلة عنيفة بكل المقاييس لدرجة ماخلاهاش نهائيا تتنفس مابقاتش قادرا تتنفس بقات كاتنطر فبلاصتها و كاضور فيديها لي كانو فيديه بزربة باش يعراقو و يزلقو فمها ساداه مشمئزة كل الإشمئزاز ... و بعد دقاااائق و دقائق و اخيرا نجحات و قدرو يديها يزلقو حطات يديها على صدرو و دفعاتو بكل جهدها مافكراتش فالعواقب حيت اهم حاجة كانت عندها فديك اللحظة هي تبعدو عليها ، تصدم من ردة الفعل ديالها للمرة الثااالثة ماكانش متوقعها .. كان عرقان و كاينهج و حتى هي كانت كاتنهج بسبب نفس لي ماكانتش قادرا تتنفسها ، هزات صبعها و عقدات حجبانها
إيفا : ( كاتحاول تتنفس ) اخر مرة ا ميستر ارسلان تقرب لي الااااا هادي .. ضور راسو للجهة ثانية رسم ابتسامة جانبية على شفايفو مرة اخرى و بدون سابق انذار شدها من شعرها و قربها لعندو
أرسلان : ( هاز حاجب ) كاتهدديني؟! ... كاتحاول تفك شعرها من يديه
إيفا : ( مغمضة عينيها ) ميستر أرسلان شعري
أرسلان : هددتيني؟!!!!
إيفا : ( الصمت ) ... بقات كاتحاول تفك شعرها من يديه و بدون سابق انذار مرة اخرى طار على شفايفها مي هاد المرة كاتحس بشنايفها غايطيرو من بلاصتهم مابقاتش كاتحس بيهم نهائيا سدات فمها و زيرات عليه باش يبعد عليها ولكن معامن هي ..هز يديه و زير لها على فكها حتى تحل فمها بقا كايعض فشنايفها ، هزات يديها و بدات كادفع فيه ولكن هو واقف بحال جبل ماتزعزعش هزات يديها لجهة عنقو و وركات عليه بضفرانها و مع ذلك مابعدش حيت اصلا ماحسش بيها حتى حسات بالملوحية ففمها عاد طلقها و دفعها مع الحيط ... دوز لسانو على شفايفو باش يرتاشف اخر قطرة دم ديال شفايف ريماس
أرسلان : ( بهدوء ) المرة الجاية لي غاتحاولي تجربي فيها معايا هاد زعامة الخاوية اعضائك غايتباعو واحد مور واحد و لحمك غانلوحو للكلاب كانظن مانحتاجش نعاود الهضرة؟!
إيفا : ( غمضات عينيها بنفاذ صبر ) وي فهمت ا ميستر ارسلان
أرسلان تقدري تمشي دابا ... مع قالها من تما تحركات من بلاصتها و تطلق شعرها لي رجع كتاسب طول ديالو فهاد 6 شهور و اخيرا ولا كايوصل لها للمؤخرة ديالها مرة اخرى ولكن طوال ديك المدة كانت كاتجمعو الشيئ لي ماخلاش أرسلان يلاحظ طول ديالو لي رجع كي كان و كيفما كان عطا امر لأسوار باش يقطعو لها حيت كان شعرها مثير للإنتباه من نهار حطات رجليها للمعسكر شاف نظرات الجنود ليها ماكانش باغي شي حاجة تشتت إنتباه القياد ولا الجنود داكشي لاش كان عطا أمر باش يتقطع شعرها و لكن ها هو طوال تاني بقا متبعها بعينيه ، غادا و ماكاتشوفش قدامها بالأعصاب ماحساتش بشعرها لي تطلق و فجأة دخلات فإديب لي كان خارج مم المكتب ديالو ...

البارت 111 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚

دازت فيه و كملات طريقها ... مشا تابعها
أديب : ( كايعيط لها ) إيفاا بلاتي تسناي ا مالك زربانة
ايفا : ( الصمت ) .. لحق عليها و شدها من دراها
أديب : إيفاا مال
إيفا : ( نفاجرات عليه ) جممممع يدك واش يسحابلكم انا جفاااااف هنا؟؟؟؟؟؟ مرة هو و مررررة نتااااا ناوييين ديرو عليا نوييبة؟؟؟؟؟ صافييي باراكاااا للهنا و بس ماتعاوش تحط يديك عليا ... تنطرات منو و خلاتو غير مصدوم من ردة فعلها و بيان سيغ هادشي كامل داز تحت اعين أرسلان لي كان باقي متبعها بعينيه و حتى أبراهام و مالك لي كانو عاد جايين
مالك : انا شفت ديك رقاقة مافادت فوالو باقا هي هي نفس الكاراكطير لا بغيت نقول زااااادت نيت
أبراهام : رقاقة خدااامة و لحد ساعة كلشي مزيان اما تصرفاتها الحالية راجعين للكاراكطير ديالها القديم لي ماتبدلش
مالك : ماعرفتش علاش ميستر أرسلان ماقتلهاش داك نهار كان غادي يتهنا من هاد صداع راس
أبراهام : كون ماكانش هادشي لمصلاحتو كاع ماغايخليها حية و كان غايقتلها بحال لي قتل دوك 2 كلاب لي كانو معاها
#Flach_back

مشات كاتسلت بنفس طريقة حتى وصلات للمكتب شافت فالعد العكسي كانو باقيين 5 ثواني .. بقات واش تزعم ولا ماتزعمش فاللخر دارتها فيد الله و هبطات كاتجري كاتسابق الوقت حتى وصلات للمكتب و هزات الماطريال فيديها و يلاااه بغات تخرج تسالا العد العكسي و كانت الصدمة الكبرى بالنسبة لريماس .. ماشي رجعو خطوط الليزر ولكن تسد شرجم و تضربات لها شوكة نيشان فالعنق و تحل الباب
ريماس : ا ا ا ارسلان ... واقف بوقفتو الإعتيادية بملامح ممحية
أرسلان : ( بإبتسامة باردة ) كنت عارفك غاتجي لعندي برجليك
أبراهام ( وجهو صفررر ) ميستر أرسلااااان القنابل مشااااااو ... حول نظرو لجهة صنادق و فعلا مالقاهمش
أرسلان : فين درتيهم!!! ... بداو عينيها كايتغمضو بفعل تأثير شوكة
ريماس : ( بإبتسامة جانبية ) عمرك ماغاتوصل لهم ... فقدات الوعي بقا كايشوف فيها بملامح خالية من اي تعبير و هي طايحة فالأرض فاقدة الوعي و غايبة على العالم الواقعي
أبراهام : مالك خرج تحقق بزربة شكون كان معاها انا متأكد مادارتش هادشي بوحدها ... خرج من تما مالك كايجري هو و رجال حتى لقاو جهاد معلق فالسور كايحاول يهبط .. حاصرو من كل جهة باش مايهبطش حتى جا أرسلان و عطاهم الأمر باش يقتلوه .. خرجو نص رجال مع أبراهعم باش يقلبو على باقي الأشخاص لي عاونوهم فهاد العملية ولكن لسوء حظهم و لحسن حظ ريماس كان مراد خرج من تما بالقنابل النووية و ماعاودش تلفت موراه و بهاكا تضحية ريماس و ارواح جاد و جهاد مامشاوش هباء منثورا .. من مور ديك الحادثة هزو ريماس و داوها لقصر تعذيب ماقاسوها ما هضروها حطو عليها حراسة مشددة و حرمو على شي حد يدخل واخا يوقع لي يوقع حتى يجي أرسلان ... بدات كاتسترجع الوعي ديالها حلات عينيها ولكن كايبان لها ظلام فظلام غير الكحولية خافت بزاف يكون وقع داكشي لي فبالها شنو واش حتى عينيها لي كاتشوف بيهم ضو رزاوها فيهم؟؟؟؟ ماقدراتش تتقبل هاد الفكرة .. زيرات على عينيها و بقات كاتغوت بحر جهدها
ريماس : لاااااااااااااااااااااااااااااااااا علااااااااش يا ربيييي علااااااااااش ... طلقوووووووووني خليوني نخرج من هناااااااااااا ... كادوز و تعاود على عينيها كاتحاول تشوف و لو حاجة بسيطة لي تخليها ترجع الأمل بلي مافقداتش نظر ديااها ولكن ماقدرات تشوف والو ، ناضت من تما و مشات كاتجري كاتقلب على الباب كاضرب بيديها فالحيط و لي لقاتها كادوز فيها حتى وصلات للباب بدات كادق فيه بجهد و كاتغوت بحر جهدها حتى صوتها بح و خارت قواها طاحت للأرض و تكمشات كاتشوف راسها كاتخسر حاجة مور حاجة و اخر حاجة بقات لها هي حياتها .. بقات مدة فالأرض على نفس الحالة ... ماكاتشوف والو و سكاااات بحالا غير هي لي كاينا تما ، دوزات يومين و هي فنفس الغرفة ، جوع دار فيها مابغا و البرد خلاااص حيت ماكاتشوف والو لا بغات تنوض خاصها تتعكز على شي حاجة باش ماطيحش بغات تحماق بغات تتسطا من فكرة انها فقدات نظر ديالها كي غادير دوز حياتها و هي ماكاتشوفش ، فوقما كانت كاتتفكر هادشي كاتبدا تغوت و تضرب فراسها .. حتى لنهار ثالث كانت جالسة كعادتها شوية سمعات الحس وقفات و بدات كاضرب فالباب بيديها و رجليها و كاتغوت
ريماس : حلو البااااااب واش كاين شي حد هناااا حلوووو علياااااااا .. بقات كاضرب فداك الباب و تغوت حتى سمعات خطوات جايين لجهة الباب ، رجعات شوية لور كاتتسنا الباب يتحل و ما هي الا ثواني حتى تحل الباب و هنا كانت صدمتها صدمة مخلطة بشوية ديال الفرحة ... واخا الحالة لي هي فيها ولكن فرحااات بزااف منين عرفات راسها بلي مافقداتش نظر ديالها ...


البارت 112 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚

واخا ضو كان خفيف ديال الكولوار ولكن ضرها فعينيها .. بدات كاتحقق من شكون جا و شكون من غيرو؟ اكثر يهودي كاتكرهو كايشوف فيها من الفوق بحالا هي مجرد حشرة ، بعدات اللور و دخل هو و ابراهام و مالك
( كالعادة الحوار بالعبرية )
ريماس : طلقني خليني نرجع لبلادي
أرسلان : جيتي حتى لعندي و نخليك تمشي بلا سوفونير؟!
ريماس : ( الصمت ) ... تركزو عينيها على يديه و بالضبط صبعو لي موالف يدير فيه الخاتم لقاتو فيديه ماكانتش متوقعة غايلقاه كيفاش لقاه و هي خبعاتو فبلاصة ماطيحش على بالو؟؟؟؟ بقات كاتشوف فصبعو و كاتشوف فيه بصدمة
أرسلان : ( شاف فالخاتم ) تصدمتي؟!
ريماس : ( بالغوات ) منين جاك الخاتم؟؟؟ كيفاش لقيتيه؟؟؟؟؟؟؟؟
أبراهام : ( هز عليها الفردي ) تزيدي تهزي صوتك فكلمة وحدة على سيدك نتقب لمك راسك
مالك : ( حتى هو وجه ليها الفردي ) كيفاش تجرأتي؟؟؟؟؟؟ ... عطاهم أرسلان باش يهبطو الفردي و يخرجو .. خرجو من تما و أبراهام غير مغزف عليها كون جات عليه كون قتلها و صفاها ليها من زمان حيت جنو و جنونو لي يغلط مع أرسلان
أبراهام : شفتيها بنت القح** كي كاتهضر مع ميستر أرسلان؟؟؟؟؟؟؟
مالك : كون غير خلاني ميستر أرسلان نقتلها هادي زادت فيه بزاااااف لا فاتت الحدود بدرجاااات
أبراهام : ااااااه و طيح فيدي ا مالك غانفديهم فيها وحدة بوحدة إبتداء من هاد زعامة زايدة ديالها ( كرز على سنانو ) و نكملها بداك نهار فاش تفلات عليا و رجعاتني ضحكة قدام ميستر أرسلان
مالك : وا حتى نتا مالقيتي ايمتا تتفكر صاحبك حتى لعندها هي هههههههههههه وا بزاااااف
أبراهام : صافي بلا ماتحمضها
♚ خاشي صبعانو بين شعرها و مزير عليهم يعني شادها من جدورا ديال شعرها
أرسلان : وصلات بيك تقربي لشي حاجة ماشي ديالك؟!!!
ريماس : ( كاتتألم ) طلق من شعري ااااااااي شعري طلقنيييي
أرسلان : فين الأسلحة النووية؟!!
ريماس : ماعرفتششش اااااه شعري
أرسلان : غانعاود نسولك فين الأسلحة النووية؟!!
ريماس : وا ماعرفتشش فينهم طلق من شعريي ... لاحها للأرض جات نيشان على عضم طيو بقات شادة فجلدة ديال راسها لي كانت كاتحس بيها غاطير من بلاصتها
أرسلان : ماعرفتيش!!
ريماس : ( الصمت )
أرسلان : حتى الخاتم ماكنتيش عارفة فين؟
ريماس : ( الصمت )
أرسلان : ماغاتهضريش ياك؟
ريماس : طلقني نمشي فيحالاتي ماعندك ماتستفاد مني الأسلحة ماعارفاش فينهم
أرسلان : صاحبكم غايكون عارف لا؟
ريماس : ( بإبتسامة استهزاء ) علاش نتا خليتي شي واحد حي فيهم القتال؟؟؟ ... دارت راسها كاتفكر شوية نطقات بنبرة ديال سخرية
ريماس : ( بسخرية ) تو تو تو واش هرب منكم؟؟؟ ما شاء الله بيكم قشلة على قدها و قدودها و هرب منكم؟ صراحة ماستغربتش حيت كيفما هربت انا ساهل يهرب حتى هو ... بقا كايتمشا بخطوات بطيئة لجهتها حتى وصل قدامها و جلس جلسة القرفصاء
أرسلان : ( بهدوء ) نتي ماشي هربتي انا لي سمحت لك تخرجي ترتاحي شوية و لوكان بغيت و درتك فبالي كون نهار لول لي هربتي فيك كنت غانجيبك ولكن خليتك حتى تجي لعندي برجليك
ريماس : مادام انا ميتة ميتة ، ( بإبتسامة جانبية ) غانقول كاع داكشي لي عندي .. منين عرفتيني كي درتي حتى خسرتي القنابل؟ ههههه ولا كالعادة الحراسة ماكانتش مشددة بالكفاية نصيحة من عندي بدل هاد الكراكيز لي عندك .. حنا راسو شوية بتاسم نفس الإبتسامة الغريبة لي كاتخلق رعب فنفوس حك ذقنو شوية و ناض من تما بدون اي ردة فعل على هضرتها خرج من الغرفة
ريماس : ( تنفسات براحة ) الحمد الله منين باقا كانشوف و ربي ماحرمنيش من هاد نعمة ولكن ضروري خاص نشوف كي ندير نخرج من هنا مشكييلة حتى سراجم ماكاينينش ماعرفت حتى فين انا واش قبو ولا شنو هادا ... مشات كاتحاول مع الباب باش تحلها حتى تحلات بوحدها و دخلو 2 رجال صحاح قد سخط لابسين كلشي كحل هي كاتبان قدامهم كي القزمة ، رجعات شوية اللور
ريماس : شكون نتوما؟؟؟؟ طلقووو منيييي فين غاديين بياااا طلقووووني ... واحد شدها و واحد ضرب لها شوكة و خرجوها من ديك الغرفة بقات كاتحاول تتفك ..


البارت 113 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚

بدات كاتحل عينيها بشوية بشوية ... عاوتاني كايبان لها غير ضلام و الكحولية قالت يمكن غير حيت الغرفة مظلمة حاولت تنوض و يلاه جات تنوض تضرب راسها ماقدراتش تنوض حيت البلاصة لي هي فيها كانت مضيقة بزاااف ، حاولات ضور ولكن ماقدراتش ، بدات كاتعراق و ضربات قلبها كايتسارعو حيت و يا للأسف عندها كلوستروفوبيا من البلايص المسدودة و المضيقة و أرسلان ستغل هاد النقطة و منين سكت لها و خرج هاداك كان غير الهدوء ما قبل العاصفة ... هاد البلاصة لي هي فيها بحال شي صندوق ولا يمكن ثابوت حديدي .. بدات كاضرب بيديها فيه بجهد كايتسمعو غير ضربات ديالها ... دقات قلبها تسارعو و ولاو غير منتظمين بسبب الخوف .. نفس مابقاتش قادرا طلعو لحمها كلو عراق و بدا كايترعد
ريماس : ( بصوت ممزوج بالبكاء و الغوات ) خرجوووني من هناااا اهئ اهئ خرجووووووني ماتخلييونيش هناا ارسلاااااااان خرجنييي من هنااااا مابقيتش قادرا نتنفس حرااااااام هادشي لي كاديرو خرجوووني من هنااا ( كاتبكي ) قتلوني غير ماتخليونيش هنااااااا أرسلااااااااااااااان
#بعد_10_دقائق
خارت قواها و الأكسجين لي كان فالثابوت تسالا .. بداو نبضات قلبها كايقلالو دقة دقة ... تنفسها نخافض بواحد سرعة كاتخلع ... صوتها بح و مابقاش كايتسمع
ريماس : ( بصوت طالع بزز ) أ ر س لان خخ ر ج ن ي من ه نا أ ر س لا ن ... تقطع صوتها فمرة و حتى تنفسها تقطع
مالك : زعما تكون ماتت؟؟؟
أبراهام : ( شاف فساعتو ) دازت 10 دقايق و هي تما كانظن غاتكون ماتت
أرسلان : رجعوها فين كانت و عيطو لطبيب ... خرج من تما و خلاهم واحد كايشوف فواحد
أبراهام : ياك باغي يقتلها لاش غانعيطو للدكتور؟ تلقاها اصلا ماتت و شبعات موت خليها تم تا ندفنوها
مالك : بان ليا العقل لي كان باقي ليك صافي طار ايلا بغيتي مشاكل مع ميستر ارسلان انا ماباغيهمش زيد نخرجوها من تما و نديرو اش قال لينا
ابراهام : وا صاحبي راه غاتكون ماتت و شبعات موت لاش غانعيطو للطبيب
مالك : عرفتهاااا ماتت ولكن اش عندنا مانديرو اوامر ميستر ارسلان هما هادو
أبراهام : صافي هاني عيطت ليه شوية و يجي
مالك : ماتت موتة ديال الكلاب موتة ماتبغيهاش لعدوك
أبراهام : تستاهل كتر من هاكا كون عرفت بلي ميستر ارسلان غايعدبها بأكثر حاجة كاتخاف منها كون زدت قلبت مزياااان نشوف واش كاينا شي حاجة خرا
مالك : دابا ماعندك ماتقلب سيدة ماتت و شبعات موت هضر غير مع رجال باش فاش يخرج من عندها طبيب يشوفو فين يدفنوها
أبراهام : هادا راه اقل عقاب تستاهلو على داكشي لي دارت وصلات بيها لدرجة تسرق الخاتم ديال ميستر أرسلان؟؟؟ رجااال و ماداروهاش
مالك : عجباتني شجاعتها ولكن ستعملاتها بشكل خاطئ ... عيطو للدكتور لي غير قالو ليه فين غايجي جا كايطير ، جبدوها من ثابوت جثة هاامدة
دكتور : من ايمتا و هي هنا؟؟؟
أبراهام : شي 15 دقيقة بحال هاكا ... حط يديه جهة نيفها لقاها ماكاتنفسش حط يدو على العرق لي فيديها لقا القلب سكت
دكتور : سيدة ماتت مابقا عندنا مانديرو لها
أبراهام : ( ضار لعند مالك ) قلت لك بلا مانعيطو ليه ماااتت و ولات جيفة .. تسمع صوت من وراهم
أرسلان : دير خدمتك
دكتور : ولكن ا ميست..
أرسلان : ( بإبتسامتو الغريبة ) مزال ما ماتت ، دقات قلبها قلالو ولا تحققتي من العرق لي فعنقها غاتحس بنبضات قلبها ( شاف فساعتو و كمل ) باقي 4 دقايق و ماغايبقاش يوصل لها الأوكسجين للدماغ و غايتوقفو نبضات قلبها بشكل نهائي ولا توقفو ماتجيش عندي بوحدك للمكتب ( شاف فأبراهام و مالك ) اجيو معاه حتى نتوما و بلاصة ماتوصيو على قبر واحد وصيوهم باش يحفرو 4 ... سالا هضرتو و خرج خلاهم واحد كايشوف فواحد ... مشا طبيب تأكد من العرق لي فالعنق و فعلا لقا باقي نبض ولكن ضعييف بزاف
أبراهام : ( بالغوات ) عتقهااااااا دغيااااااا لاش باقيييي كاتشوف فياااا؟؟؟؟
طبيب : ( كايبلع ريقو ) ف ف فين شانطة ديالي
مالك : ( كايشوف فساعة ديالو ) وا طلقناااااااا ديييير شي حاجة دغيا قبل ماتمشي من يديييينا
أبراهام : ها شانطة ديالك يا وييييلك و تموووت
مالك : يا ويلنا كامليين ( معصب ) لااااش باقي كاتشوف فيا سربييييي دغيا ... ب3 بيهم ولا ساكنهم الخوف كايحسبو بثانية قبل مايكملو 4 دقايق و تموت ريماس لي كانو فاللول مامسوقينش ليها تموت ولا تعيش ها هما دابا كايطلبو باش تعيش و مايوقع لها والو حتى و هي على فراش الموت مامخلياهمش يعيشو فراحتهم ... حياتهم ولات متوقفة على حياتها طبيب كايدير لها الاسعافات الأولية على ود تنفس ديالها ... كلشي كايجري من هنا
طبيب : خاصنا كيس ديال الاوكسجين ضروري ... عيط ابراهام لواحد من رجال
أبراهام : ( بالغوات ) سيييير دغيا للفريكو لتحت غاتلقا اكياس الاوكسجين جيبهم كاملين يا ويييلك تتعطل سربيييي دغيا ... مشا كايجري و خلا ابراهام و مالك كايضورو فبلاصتهم و العرق كايتصبب منهم طبيب شدو بوتفتاف بدا كايحاول يرجع لها نبضات قلبها على مايجيبو لو الاوكسجين ... بعدا دقيقة جا و فيديه كروسة فيها كاع الاكياس لي كانو تما و معدات خرين ، مشا طبيب كايجري لعندو هز واحد و بدا كايركبو لها و كمل خدمتو و ما هي الا ثواني حتى تسالا الوقت
أبراهام : ( بخوف ) امضرا؟؟؟؟ ...


البارت 114 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚

مالك : هضر خلااااص ياكما وقعات لها شي حاجة؟؟؟؟
طبيب : ( تنفس براحة ) قدرنا ننقذوها فأخر ثانية ... تكا مالك راسو على كتف ابراهام و اخيرا رتاح
مالك : شكر للرب ( وقف راسو و خنزر فأبراهام ) شفتي بلاناتك الخاوييين فيت كانو غايوصلونا
أبراهام : ياك دابا ماوقع والو ( شاف فطبيب ) دوز لعند ميستر أرسلان للمكتب ديالو
طبيب : ( كايجمع المعدات ديالو ) واخا ا ميستر ابراهام ... جمع تخربيقو و توجه لمكتب ارسلان
مالك : علاش غايكون بغاه؟؟
ابراهام : راه باين علاش ، ماشفتيهش قبيلا فاش كان غايبدا يتفلسف على ميستر ارسلان؟
مالك : القبر لي كانت غاتتدفن فيه هاد خيتي غايتدفن فيه طبيب لي نقذها من الموت
أبراهام : عندها 7 رواح
مالك : شحال ما بقا غايتسالاو دوك 7
أبراهام : مهم تهلا غانمشي نرتاح مشا الحال و غدا عندي مايدار
مالك : نتشاوفو فصباح
اصبحنا و اصبح الملك الله
بدات كاتحل عينيها مامتيقاش راسها بلي باقا حية فواحد لحظة ظنات بلي داكشي ديال البارح كان غير كابوس حاولات تنوض و للأسف عاوتاني ماقدراتش تنوض حيت رجعوها لنفس التابوت
ريماس : ( بالغوات ) لااااااااااااااااااااااااااااااااااااا ... تسمعات صرخة ديالها فالقصر كامل تجرح لها صوتها إثر ديك صرخة فكرة ان احداث البارح غايتعاودو معاها خلاتها تتمنا الموت ماقالت انها رتاحت و تهنات من البارح حتى تعاود معاها اليوم ... دوزات سيمانة كاملة بلياليها و نهارها بنفس طريقة كايخشيوها فتابوت و يقطعو عليها الاوكسيجين و يخليوها فيه لمدة 10 دقائق حتى كاتقرب تموت بل حتى كاتبقى لها خطوة وحدة للموت و كاترجع تحيى ، دازت سيمانة و بدات كاتحل عينيها لقات نفس ظلام ولكن هاد المرة ماكانتش فنفس الوضعية ... هاد المرة كانت جالسة بدات كاتغوت بصوتها المبحووح مابقاتش قادرا تصبر بالنسبة ليها كان هاداك ابشع عقاب و كلكم عارفين العقاب النفسي كايكون ابشع من العقاب ديال ضرب ...الخ ... حاولات تتحرك من بلاصتها ولكن ماقدراتش تتحرك حيت كانت مربوطة مع كرسي .. بدات كاترطا فبلاصتها و كاتغوت ماعارفاش اشمن عقاب باقي كايتسناها
أرسلان : ششششش مزال الحال على هادشي ... تشعل ضوء خافت ، و اخييرا مابقاتش فتابوت مزال ماصدقات بلي تفكاات من داك الكابووس بدات كاضحك و كاتبكي فنفس الوقت بحال الحمقة كاتضحك حيت مابقاتش غاتعاود نفس تجربة و كاتبكي حيت مزال ماعارفا اش باقي كايتسناها نعلات نهار لي جات فيه لهنا ... يكدب عليكم الكداب لي يقولكم واخا يوقع لي يوقع غا يبقا كايبغي الوطن ديالو فمثل هاد الحالات و خصوصا فاش يكون بنادم مع شي ناس ماكايعرفوش رحمة كونو اكيدين غادي ينعلو نهار لي فكرو فيه فالوطن بيان سيغ بعض المرات هادشي كايكون دائم و بعض المرات كايسخط غير فاللحظة لي كايكون كايتعدب فيها ... تم داخل ابراهام و هاز فيديه مسامر طول ديالهم شبر و نص و مطرقة و مالك هاز فيديه 2 ديال لي بوط مصنوعين من الخشب مشاو وقفو حدا ارسلان
ابراهام : ميستر ارسلان نبداو؟
أرسلان : ( ببرود ) بدا ... مشاو لجهتها و هي غير كاتشوف بعينيها مافاهما والو لا شنو باغيين يديرو لا علاش جايبين داكشي ، شد لها مالك رجلها و بدا كايلبس لها البوط فرجليها و هي كاتنطر ماباغاش تلبسو
ريماس : بعد منييييييييي ... مابغيييييتش نلبسووو ... لااااااااا ماتلبسوووولييييش ... مابغييييييتوش مابغييييييييتوش ... ماهتمش لغواتها لبسر لها و زيرو لها بواحد سميطات فيه و مشا جاب واحد الطاولة قصيرة حط لها فوقها رجليها و ربطهم بواحد سماطي تما عيات ماتفركل ولكن فاللخر تربطو ، بعد للجنب
أرسلان : فين الأسلحة النووية؟؟؟
ريماس : الصمت .. عطا اشارة لأبراهام باش يبدا
ابراهام : حاضر ميستر ارسلان ... هز مسمار و بلاصاه فوق البوط و ضرب ضربة خفيفة باش شد بلاصتو شوية عاوتاني هز المطرقة حتى للسما و ضرب المسمار حتى ختارق البوط لي كان مصنوع من الخشب الصلب بدات كاتفيبري غير بوحدها عرفات اش كايتسناها و بدات كاضور راسها يمين و شمال بمعنى لا و ما هي الا لحظات حتى تسمعات صرخة قويييية و حااادة فالقصر كامل بسبب المسمار لي ختار لها لحم و خرج من الجهة ثانية ديال البوط حسات بقلبها تهز من بلاصتو و الم كبيير فرجليها عمرها جرباتو
ريماس : أااااااااااااااااااااااااااااااااااااااااااااااااااااااه
أرسلان : ششششش ماتغوتيش ، ماتقصحيش راسك و گولي لي فين الأسلحة النووية
ريماس : ( بصوت ممزوج بالألم ) مااااااعرفتش ... عاود ارسلان عطاهم اشارة باش يكملو .. بقا كايدخل لها فرجليها مسمار من مور مسمار متفاااادي انه يدخل فالعضم .. كايضرب غير فاللحم ، تقطعات الهضرة و بدا كايتسمع غير صرخاتها فالغرفة و فوقما كاترفض تجاوبهم كايضربو لها مسمار اخر ماحبسو حتى فقدات الوعي ديالها
أبراهام : ميستر أرسلان شنو نديرو؟
أرسلان : جيبو لها طبيب
أبراهام : حاضر ميستر أرسلان ، خرج من تما و خلاهم يعيطو لها للطبيب يداوي لها جروحها ... داز اسبوعين عامرين بتعذيب انوااع و اشكال كانت فيه بحال فأر تجاريب فاش كايبغيو يجربو شي طريقة تعذيب كايجربوها فيها ماخلاو ماجربو فيها ... قطرو عليها رصاص دايب حتى تحرقات ... الضرب ... الحريق و جميع الحوايج لي كاتخاف منهم دوزوها منهم
♔ بدات كاتحل عينيها بشوية بشوية هاد المرة كانت مختالفة حيت كانت ناعسة و مربوطة و فوقها كاين مصباح مضوي .. ماقدرات لا تغوت لا تبكي حيت جهد تسالا و موحال واش غاتكون شي حاجة يعدبوها بيها كتر من هادشي لي دوزاتو فهاد 3 ديال سيمانات ، تحلات الباب و تم دخل ارسلان و معاه 2 اشخاص باين من وجههم اطباء جراحيين و أبراهام و فيديه كانت واحد شانطة صغيرة فالكحل ، وقف مقابل معاها كايشوف فهاد قصوحية راس لي فيها ماخلاو مادوزو عليها ولكن مارضاتش تعتارف داكشي لاش دار شرع يديه و سد اي طريق يقدرو يهربو منها الاسلحة خارج اسرائيل
ريماس : ( بصوت خافت ) قتلني ... عطا اشارة لدوك الأطباء باش يبداو خدمتهم و خرج خلا معاهم ابراهام ..


البارت 115 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚

♔ بدات كاتحل عينيها بشوية بشوية هاد المرة كانت مختالفة حيت كانت ناعسة و مربوطة و فوقها كاين مصباح مضوي .. ماقدرات لا تغوت لا تبكي حيت جهد تسالا و موحال واش غاتكون شي حاجة يعدبوها بيها كتر من هادشي لي دوزاتو فهاد 3 ديال سيمانات ، تحلات الباب و تم دخل ارسلان و معاه 2 اشخاص باين من وجههم اطباء جراحيين و أبراهام و فيديه كانت واحد شانطة صغيرة فالكحل ، وقف مقابل معاها كايشوف فهاد قصوحية راس لي فيها ماخلاو مادوزو عليها ولكن مارضاتش تعتارف داكشي لاش دار شرع يديه و سد اي طريق يقدرو يهربو منها الاسلحة خارج اسرائيل
ريماس : ( بصوت خافت ) قتلني ... عطا اشارة لدوك الأطباء باش يبداو خدمتهم و خرج خلا معاهم ابراهام ، غمضات عينيها و زيرات عليهم مادارت حتى شي ردة فعل حيت بكل بساطة عيات حسات بشوكة تضربات فلحمها ضحكات بإستهزاء حيت فكل مرة كاتضرب لها هاد ليبرا كاتفيق و كاتلقا راسها غير فما كفس مرة فتابوت مرة فقبر مرة فصندوق مرة جالسة مرة معلقة كل مرة و فين كاتلقا راسها و هاد المرة علم الله فين غاتكون واش غاتعيش ولا هادي هي نهاية اللعبة ... بداو عينيها كايتغمضو بتأثير المخدر بشوية بشوية حتى فقدات تواصلها مع العالم و غابت
أبراهام : بداو خدمتكم
الجراح 1 : حاضر سي أبراهام ... حل ديك شانطة و جبد منها واحد صندوق صغير فالكحل فتحو و كان وسطو واحد صندوق اخر صغير فالبيض فتحو و جبد منو رقاقة صغيييييييرة شدها من عندو الجراح و حطها فواحد فمكان أمن باش ماتتلفش عاد بداو خدمتهم
أبراهام : ماناقصكم والو؟
الجراح : حاليا كلشي عندنا
أبراهام : راك عارف ايلا طرات لها شي حاجة غير ترحمو على رواحكم
الجراح : سي ابراهام كلشي غايدوز بيخير
أبراهام : ها حنا غانشوفو
♚ مخلي الكرسي خاوي و جالس فوق واحد طاولة و قدامو مالك و 2 رجال خرين مخليهم كايهضرو و مكتافي غير بالسمع و الاستمتاع بديك رنة الخوف لي كاينا فصوت دوك 2 اشخاص لي مع مالك
مالك : نتوما عارفين بلي لاوقع شي غلط و كانت رقاقة فيها شي ديفو ولا غلط بسيط غادي تكون حياتكم هي المقابل ... مالك كايهضر معاهم و هما عينيهم و عقلهم غير مع أرسلان حاضيينو بنص عين لا يصدق ضايرا ليه فالخوا و متيري فيهم و خصووصا هاد الهدوء و البرود ديالو كايخلي كلشي ديما حاضي معاه لايزلقو فشي كلمة قدامو ولا فشي فعل ، هز عينو فيهم
أرسلان : ( بإبتسامة ) علاش خايف؟! ... بدا كايسرط ريقو بزز كايحس براسو قدام عزرائيل
راجل 1 : ( كايبلع ريقو ) هه لا م ماخايفش لا بغيت نقول خ خخايف شوية
راجل 2 : ( كايهضر مع مالك ) داك نوع ديال رقاقات جربناهم مع 10 ديال ناس و ماكان حتى شي اثار جانبية من غير انه ايلا تعرضات لضربة فراسها يقدر يسبب لها داكشي واحد الألم طفيف ديك ساعة خاص ضروري تعطيوها هاد دوا و غادي يدوز اسبوع و غايمشي الألم ( عطاه واحد الباسطيات )
مالك : غاتبقا عاقلة على شي حاجة من حياتها الحقيقية؟؟؟
راجل 2 : لا ماغاتبقا عاقلا على والو و غاتولي حياتها و ماضيها و حاضرها مبنيين غير على ذكريات لي فديك رقاقة
أرسلان : ديانتها اصلها فصلها عائلتها اعدائها؟!
راجل 2 : كلشي غايكون على حسب داكشي لي حنا حطيناه فرقاقة
أرسلان : ( بهدوء ) فكرني فيهم
راجل 2 : إيفا فريدمان السن 20 سنة من اصل إسرائيلي ديانتها يهودية واليديها ماتو فسن ل15 سنة بسبب شخص فليسطيني مسلم و الاخت ديالها غتاصبها شخص فليسطيني ... جندية سابقة من سن 16 سنة و مدربها هو ميستر أرسلان من داك الوقت ، اعدائها العرب و المسلمين بصفة عامة قاعدتها فالحياة لا حياة للضعفاء و ممنوع تحني راس و ماكايناش شي حاجة سميتها رحمة
مالك : الكاراكطير ديالها و شخصيتها بصفة عامة كي غاتكون؟
الراجل 2 : مانقدروش نحكمو حيت داكشي كايعتامد على شخصيتها و الكاراكطير الأصلي ديالها ولكن اهم حاجة هي غاتكون مخلصة لبلدها
أرسلان : ( بإبتسامة جانبية ) مزيان
مالك : بما انها غاتتذكر بلي كانت جندية سابقة ايوا و تداريب؟ واش غاتعقل عليهم؟؟؟
الراجل 2 : سي مالك نتا عارف بلي دماغ هو لي كايتحكم فجميع الخلايا العصبية ديال الانسان راه تقدر تلقاها عارفة شي حركات و تمارين و تداريب عمرها دارتهم و هادشي كامل غير بسبب رقاقة لي كاتوهم العقل و اعضاء الجسم بلي هي فايتا تدربات عليهم تقدر تفوت توقعات ديالنا و هادشي ماغانتأكدو منو حتى تسترجع الوعي ديالها ... ناض ارسلان من تما و تم خارج
أرسلان : عطيهم مكافئة
♔ #بعد_12_ساعة
فواحد الغرفة كلها بيضة و مضوية بضو ديال نيلو مافيهاش شراجم كايتسمع غير صوت ألة القلب ريحة سبيطارات مالية الغرفة و فوق سرير ناعسة بوجهها الشاحب مالابسا والو مغطية غير بليزار بيض بدات كاتحل عينيها بشوية بشوية كاتبان لها غير ضبابة شوية بشوية بدات كاتوضح لها الرؤية حسات بواحد الألم طفيف فراسها .. تحسساتو لقات راسها ملوي عليه فاصمة ماعارفاش علاش هي هنا و فين هي؟ حاولات تنوض من بلاصتها ولكن لحمها كان كلو كايحرقها إثر العصى لي كلات ماعاقلاش شكون دار فيها هاد الحالة و ماحاملاش تبقى هنا ضغطات على راسها و نطرات الخيوطة لي كانو لاصقين فلحمها و ناضت من تما ملوية فداك ليزار البيض بدات كاتقلب على ماتلبس و علامات الاستغراب مرسومين على وجهها مالقات والو .. لوات ليزار على لحمها و توجهات لجهة الباب باش تحلها مع حلاتها لقاتو قدامها ...


البارت 116 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚

بقات كاتشوف فيه و هو كايشوف فيها حتى واحد فيهم ما هضر كايتسنا ردة الفعل ديالها ... رجعات شوية اللور و نطقات
إيفا : ميستر أرسلان شنو كاندير هنا؟
أرسلان : اخر حاجة عقلتي عليها؟!
إيفا : ( كاضور عينيها فالغرفة ) ماعقلتش و ماعرفتش كيفاش حتى وصلت لهنا ( تفكرات شي حاجة ) لا قدرت نعقل صافي تفكرت
أرسلان : شنو تفكرتي!!
إيفا : كنا فتدريب خارجي بحال لي موالفين حتى تسمع صوت رصاص ولكن موراها مابقيت عاقلة على والو ماعرفتش شنو لي وصلني لهاد الحالة و علاش راسي كايحرقني و علاش انا هنا كانحس بلحمي كايضرني ... ترسمات ابتسامة جانبية على شفايفو حيت عرف بلي العملية نجحات و رقاقة وهمات العقل بذكريات لا وجود لها
أرسلان : رجعي لبلاصتك و ماتحركيش حتى يجي أبراهام ... خرج من تما و راااشقا ليه ... مشا لعندها أرسلان دا لها ماتلبس و رجعو للمعسكر و من تما و هي كاتتصرف بشخصية إيفا ... تكلف أرسلان بتدريبها لمدة شهر باش يعرف قدراتها و فعلا كانت صدمة بالنسبة لأبراهام و مالك فاش شافو تمارين و تداريب لي كادير شي حوايج عمرها دارتهم و ولات كاديرهم دابا بكل سهولة ، فالبداية ديال داك شهر كانت كاتحتارم أرسلان و كان واحد الخوف شوية فقلبها من جهتو ماكانتش عارفة سبابو لدرجة كاتشوفو جاي كاترجع اللور مي من بعد تداريبو ليها و من مور القواعد لي عطاها بدات شخصيتها كاتتكون من جديد و مابقات تحني راس لحد تما ، عاودو تقبلوها الجنود و القياد بيناتهم و دازت مدة شهر و تعينات قائدة للمجموعة 8 و من تما و هي متكلفة بتدريبهم ارسلان مابقاش كايجي لتما لسبب ماعارفو حد كان غير أبراهام لي كايجي يزور المعسكر مرة مرة باش يشوف تدريبها للجنود فين غادي ... ماغاديش نقولكم كانت و نعم القائدة حيت كانت اقسى قائد فالمعسكر طوال هاد المدة كانو تصرفاتها مراقبين عن كثب ... كايشوفو شخصيتها و تدريبها كي داير و اسلوبها .. تصرفاتها ... نعاسها واش خفيف ولا تقيل ... طريقة كلامها ، كانو كايكونو اجتماعات فهاد 4 شهور ولكن كان كاينوب أبراهام على ارسلان ولكن كالعادة كانت هي اخررر شخص كايحضر للإجتماعات و هاد الصفة بالضبط ماكانت عاجبة حد تما حتى لنهار لي قالهم أرسلان بلي غايجي على ود اجتماع و جا و مالقاهاش لا بل لقاها كادير تداريب من راسها من غير تداريب لي كان عاطيهم
#العودة_من_الفلاش_باك
مخشية من تحت الدوش كاتفرك دراعها و رقبتها و ووجها و فمها بالخصوص معصبة و كارهاااا
إيفا : ( بعصبية ) كيفاش تجرأ يديرها؟؟؟؟ شنو زعما غير بسبب مكانتو الإجتماعية يدير مابغا؟؟؟؟ ولا غير حيت انا بنت باغي يدييير مابغاااااا انا ماشي غييييير بنت انا ماشي غيييير بنت ... بدات كاتسوط بالأعصاب غسلات صحتها و بدات كاتغسل شعرها لي طوال و رجع فنفس طول لي كان عندها فاش جات لهنا ولكن هي مامهتاماش حيت اصلا ماعاقلاش بلي سبق و تقطع لها بسبب ألذ اعدائها و ماعاقلاش بلي شعرها هو ذكرى الوحيدة لي بقا لها من الأم ديالها خرجات من دوش لاويا عليها الفوطة وفوطة فيديها كاتنشف بيها شعرها لي ولا كايعذبها لا فدوش لا فتنشاف ... لبسات عليها سروال سورفيط فزيتي واسع و تيشورط فالكحل مزير جمعات شعرها كوت شوفال و مشات للبيرو ديالها بقات حانية على شي وراق و كاتراجع نقاط ضعف لي عند المجموعة ديالها و الحوايج لي عندهم نقص فيها كادرسهم باش تشوف شنو تداريب لي خاص تزيد لهم و تداريب لي يناسبوهم باش تعمر داك نقص و تعالج نقاط ضعفهم و خصوصا مابقا والو للحرب غير شهر و فهاد شهر خاصها تخرج بنتيجة زوينة و حسن من القياد خاصها تثبت لهم بلي واخا هي بنت ولكن غاتكون قدرات تدرب اقوى مجموعة كانت منغامسة و قدامها 2000 ورقة و هادوك الوراق كانو ديال الجنود لي فمجموعتها كل ورقة فيها معلومات كل جندي ... سميتو ، اصلو ، نقاط ضعفو ، نقاط قوتو ، السن ، هواياتو و كلشيي .. هاد النظام هي الوحيدة لي غاديا بيه تما و هي القائدة الوحيدة تما لي عارفا الجنود ديالها عن قرب و عارفاهم واحد بواحد كانت منغامسة فالوراق حتى قاطعها دقان فالباب
إيفا : دخل
الجندي : ( حاني راسو عارف راسو اش دار ) احم القائدة ايفا ماغاتهبطيش تتعشاي
إيفا : ( ربعات يديها ) باغي تنسيني فأش درت؟ هز البرودويات و هبط راه طواليطات كايتسناوك و فاش تسالي دوز جمع لي روينة لي فدوش ... مشا يشوف باش غايسيق حتى تصدم من شنو شاف
الجندي : ( بصدمة ) الما القاطع؟؟؟ ولكن ا القائدة ايفا
إيفا : باش هاد المرة فاش تبغي تتهز عليا تفكر 100 مرة عاد ديرها ( كانت غادا شوية و هي ترجع ) عنداك تنسا طواليطات لي فالمكاتب ديال القياد لاخرين ... كملات طريقها لتحت و خاشيا يديها فجيبها هازا راسها للسما كان القمر مخبي من مور سحب الحمراء باين بلي الجو غايكون قاصح و بارد غدا وصلات للمطعم ديال المعسكر دخلات كاتشوف غير قدامها كان كل واحد ملاهي مع ماكلتو ... وصلات للطاولة المعتادة ديال القياد جلسات فنفس الكرسي لي كان كايجلس فيه أسوار لقات سلام و جلسات كانو اصلا باديين فشي حديث ماتسوقاتش و بدات كاتتعشا
أديب : نورتي كالعادة ، صحتك تدويشة
إيفا : ميرسي ...


البارت 117 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚

أديم : ا قصحتي معاهم هاد نهار
إيفا : لابغاو راحة يجلسو فدارهم لاش جايين؟
أصهب : ههههه نيشان
إسحاق : شكون كان كايقول الجندية المتمردة شي نهار غاتولي قائدة معانا
أوري : واييه و خصوصا انه عمرها كانت فتاريخ مرا تدرب جيش؟ ههه صراحة واو
أصهب : ايوا نتمنى غير تكون على قد المسؤولية .. تسمع صوت من موراهم
أرسلان : الإختبار النهائي لي غايحدد شكون كان كايستاحق يكون قائد و شكون لا
ايفا : ( فنفسها ) مزال مامشا بفففف ماعرفتش علاش ماعنديش معاه .. غير شافوه كلشي وقف احتراما له حتى جلس عاد جلسو مشا جلس مقابل معاها
أصهب : ( بتحدي للقياد ) راه باين شكون درب مجموعتو احسن تدريب
أديب : ( بثقة ) بيان سيغ انا
أديم : وااو كانحييك على ثقة فنفس لي عندك ولكن للأسف راه بااين شكون
أوري : كانحتارم ثقتكم فالنفس زايدة ولكن نصيحة من عندي قللو منها باش ماتصدموش
إسحاق : حيت فاللخر غاتصدمو منين غاتكون مجموعتي احسن مجموعة ... بقاو كل واحد كايقول انا و كلهم كايهضرو و يتناقشو من غير جوج اشخاص لي كانو جالسين و عقلهم كايفكر بعيد ... إيفا كاتفكر فالمشكلة لي كايواجهوها نص فالجنود لي فمجموعتها و كاتفكر فشي حل ليها قبل ماتوصل وقت الحرب كاتلعب بالفرشيطة فطبسيل ديال الماكلة و ساهية و أرسلان مرجع ضهرو اللور و مراقبها حجبانو معقودين شوية ترسمات ابتسامة استهزاء على شفايفو سبابها داكشي لي كايفكر فيه .. جرأتها لي وصلات بيها انها تغرز فيه طورنوفيس المشاكل لي كانت كادير فالسابق بدون ماتفكر فالعواقب واش هادي عندها بعقلها؟؟ ماخلات ماخربات ، من نهار جات كانت بحال الإعصار ماخلات حتى حاجة فبلاصتها كلسي خربقاتو حتى من القوانين اللولة خرباقتهم و ها هي دابا جالسة قدامو و قائدة من الفوق .. الحاجة لي عمرها كانت فتاريخ إسرائيل أنثى مكلفة بتدريب 2000 جندي لا و الأكثر كاتبتاكر طرق تدريب جداد حسن من القياد لي دوزو سنين فوظيفة قائد .. طريقة تدريبها مراقبها عن كثب كايشوفها كيفاش كاتدربهم كيفاش كاتدرس نقاط ضعفهم و كاتصلحهم نقطة نقطة قرارو انها تكون قائدة و فصفهم ماكانش غالط أبدا ... عاودات ترسمات ابتسامة استهزاء على ملامحو منين تفكر رقاقة لي المفروض تخليها تحتارم و زيد و زيد ولكن شخصيتها ماكانتش ضعيفة داكشي لاش بقات كيما هي .. هو بنفسو تكلف بتدريبها لمدة شهر عطاها قواعد و خلاها تلتازم بيهم من بينهم ماتخاف من حد كيفما بغا يكون حيت الخوف للضعفاء و الخوف من شيمهم ، ها هي دابا مابقات تخاف من حد كاتتصرف بلا فرانات و كاتهضر بلا فرانات مع كلشي بدون إستثناء ... ماتحني راسها لحد حيت غير الحمير لي كايحنيو الراس ، ها هي مابقات كاتحني راسها لحد كيف ما بغا يكون ... ماتمشي من مور حتى واحد باش ماتتسماش ظل حيت الظل بدون شخصية و كايتسما تابع غير مولاه ... تحتارم مدربها الإحترام التام و تخلي حدود بيناتهم ماتتجاوزهاش ... تكون مخلصة لبلادها واخا يوقع لي يوقع ... تدريب قبل كل شي واخا تكون نايضة القيامة ماتأجلش تدريبها ... الإنضباط فالخدمة ... و غيرها من القواعد ... هو بنفسو لي خلاها تلتازم بيهم ولكن ماكانش عارف بلي غادي تخرج ليه من جنب بسبب دوك القواعد لي ملتازمة بيهم قاعبة بقاعدة ، تمردها و قوة شخصيتها واخا هادشي كامل لي دازت منو فهاد ل11 شهر غير مازادت قوات ... باقي لحد الساعة حاير فيها كاتبان لك كتاب مفتوح و ردود فعلها واضحة ولكن هادشي ماكايكونش عندها دائم ، لاحظات نظراتو ليها و ضورات وجهها لجهة القياد لاخرين
أديم : جا معاك الشعر طويل
أديب : حتى القصير كان جاي معاك ولكن فصراحة طويل جا معاك وااو وليتي كاتفتني
أرسلان : ( ببرود ) ماتنسايش غدا دوزي لعندي نقطعو لك ... هزات فيه عينيها بصدمة
إيفا : علاش؟؟؟؟
أرسلان : موالفا كاتناقشيني!!
إيفا : ( نطقاتها بزز بسبب الأعصاب ) حاضر ميستر أرسلان معاياش و فين
أرسلان : وقت الغدا نلقاك فالمكتب ديالي
إيفا : واخا ا ميستر أرسلان ... بقاو القياد كايشوفو فيها بحسرة مزال حتى مافرحات بشعرها لي طوال ها هو غايتعاود يتقطع ياك هاد القوانين مفروضين غير على الجنود ، علاش دابا حتى هي غايتقطع لها؟؟؟ ياك مابقاتش جندية ولات قائدة بحالها بحالهم ... هادو هما الأسئلة لي كانو فبال القياد و نظرات الحسرة باينين فوجوههم بقا واحد كايشوف فواحد ما عدا إيفا لي ناضت من تما و تبعها أرسلان حتى هو ناض من تما و ضميرو مرتاااااح حتى صونا ليه طيلي دارو فودنيه
أبراهام : ميستر أرسلان عندي خبار جديدة من القصر
أرسلان : كانسمع ...

البارت 118 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚

أبراهام : ميستر أسوار غدا غايرجع للمعسكر على ود تدريب
أرسلان : حتى بقا شهر عاد سي أسوار تفكر بلي عندو مسؤولية خلاها و مشا
أبراهام : ميستر أرسلان واش كاتأمرنا بشي حاجة نديروها
أرسلان : ماديرو والو خليوه يجي
أبراهام : احم ميستر أرسلان سي أصلان كايسول عليك على ود الخطوبة ديالك حيت قربت التاريخ ديالها
أرسلان : ( بقا ساكت مدة و نطق ) إيمتا!!
أبراهام : من مور أسبوعين حيت كيف كان قال سي أصلان بلي غاتكون الخطوبة قبل الحرب
أرسلان : دابا نهضر معاه
أبراهام : ميستر أرسلان و شنو غانديرو فالخطوبة ديالك مع بنت عائلة جيبي مورغان؟ البارح سولوني
أرسلان : من مور الحرب و غانحددو الموعد ديال الخطوبة
ابراهام : حاضر ميستر أرسلان شي اوامر خرا
أرسلان : لا ... قطع عليه و مشا للمكتب ديالو
أصبحنا و أصبح الملك الله
فاقو على صوت الجرس كلشي ناض كايتجارا كالعادة باش يلحق وقت الفطور من غير إيفا لي فاقت قبل منهم بنص ساعة لبسات و فطرات و مشات كادير تسخينات فإنتظار مجموعتها يفيقو و يفطرو و يجيو ... بدات ساحة كاتعمر و القياد كايجيو واحد من مور واحد كايلقيو التحية على بعضياتهم ، نشدو النشيد الوطني ديالهم و بقاو كايتسناو فأرسلان لي قالهم بلي عندو شي هضرة ليهم ما هي الا لحظات حتى كان تما عطاوه تحية العسكرية و بقاو كايتسناوه اش غايقول
القياد : صباح الخير ميستر أرسلان
أرسلان : عارفين شحال باقي للحرب؟!
أديب : وي ميستر أرسلان
أرسلان : أسوار غايجي اليوم ( وجه كلامو للقياد ) بلا مانوصيكم و نعاود هضرتي ديال ديك المدة
اديم : وي ميستر أرسلان فهمنا
إيفا : إينا هضرة؟؟
أصهب : هاد الهضرة للقياد القدام ماديريش فبالك
إيفا : امم للقياد القدام
أرسلان : من مور الغدا غايجيو دكاترة ديال الجنود نبغي الجنود يدوزو عندهم واحد بواحد
أصهب : ميستر أرسلان على ود شوكة؟
إيفا : إينا شوكة؟؟
أديب : دابا نشرح لك من بعد
أرسلان : ( شاف فإيفا ) و نتي مور الغدا نلقاك عندي
إيفا : ( بغيض ) حاضر ميستر أرسلان ... مشا من تما و بداو فتداريبهم لي عاطيها لهم ارسلان ... كل مجموعة كاتتدرب على تدريب مختلف فساحة تدريب بقاو على داك الحال حتى وصل وقت الغدا و هو الوقت لي خاص إيفا تمشي فيه لمكتب أرسلان .. خوات ساحة و بقات غير هي لي تما ، خدات نفس عميق و توجهات لمكتبو بخطوات تقيييلة حتى وصلات ليه بقات واقفة مدة و حايرة واش تدق ولا ماتدقش يلاه بغات تدق و هي تتحل الباب
أرسلان : على سلامة كنتي كاتسنايني نجي نجيبك؟
إيفا : كانعتاذر تعطلت بسبب تدريب
أرسلان : دخلي ... دخلات و سد الباب موراها و دخل
أرسلان : جلسي
إيفا : سي أرسلان باقي تابعني تدريب من مور نص ساعة
أرسلان : ( ببرود ) و انا علاش قربت الموعد ديال ليباري لليوم؟! ... مشا جلس فبلاصتو و حط رجليه على المكتب ... بقات كاتشوف فيه مدة و مشات جلسات مستغربة حيت أبراهام و مالك ماكاينينش معاه موالفين كايكونو كي ظل ديالو عاودات شافت فيه لقاتو هاز فيديه واحد الملف فيه بزااف الوراق كايشبه لداك الملف لي عندها فالمكتب قربات شي شوية و بدات كاتحقق واش هو ولا غير جاب لها الله
إيفا : سي أرسلان هادا ماشي الملف لي
أرسلان : ( عينيه فالملف ) ناقصك شوية ديال تنظيم ولكن مابيكش
إيفا : هاداك الملف مامنظمش حيت يلاه البارح ساليت تنظيمهم فضوسي فالبيسي و كنت ناويا اليوم نخرجو
أرسلان : و صلحتي داكشي لي ناقص ولا غير حاطاه فالوراق!!
إيفا : مابقاش بزاف ولكن من هنا للإختبار غانكون ساليت ... حط الملف فوق البيروو رجع كايلعب بالخاتم ديالو و عينيه فعينيها
أرسلان : كاتظني غاتكوني حسن من القياد لي معاك!!
إيفا : ( بثقة ) ماكانظنش حيت متأكدة
أرسلان : شنو لي خلاك تتأكدي؟!
إيفا : حيت شفت اسلوب تدريب القياد لي كايدربو بيه القياد لي معايا ، ماكانقللش من خبرتهم ولكن ناقصين شي حوايج
أرسلان : بحالاش هاد الحوايج!؟
إيفا : ( دارت رجل على رجل ) مركزين غير على نقاط القوة ديال مجموعاتهم و نساو نقاط الضعف ديال كل جندي و هادشي كايخلي دفاع الجندي ضعيف حيت ممكن العدو يعرف نقطة ضعفو و يشدو منها
أرسلان : همم مزيان خدمتي على نقاط ضعف مجموعتك و بديتي كاتحيديهم وحدة بوحدة و نقاط ضعفك؟!
إيفا : ماعنديش
أرسلان : متأكدة!!
إيفا : ( بثقة ) متأكدة
أرسلان : تجربي؟!
إيفا : وي نجرب
أرسلان : كاتظني بلي راك مدربة تدريب كامل!!
إيفا : مادام نتا بنفسك لي دربتيني ا سي أرسلان و مادام دزت من تحت يديك المفروض ماتشكش فتدريبك ليا ... هز راسو و بدا كايضحك بدون سبب بقات غير كاتشوف فيه واش هادا مسطي ولا كيفاش ، عاود جمعها و حط صبعو على فمو
أرسلان : وجدي راسك
إيفا : إيمتا؟؟
أرسلان : قريب
إيفا : سي أرسلان واش نقدر نمشي نتغدا؟
أرسلان : علاش واش حنا سالينا!!
إيفا : مافهمتش ا سي أرسلان علاش شنو باقي
أرسلان : جيبي لي المقص راه لهيه ..


البارت 119 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚

إيفا : ولكن ماشي قلتي لي..
أرسلان : باقا كاتناقشيني؟! زعما هضرتي ضروري ديما نعاودها معاك!! ... بقات كاتشوف فيه بشي شوفات ديال القتيلة نيت عاد مشات تجيب المقص مافاهماش علاش كايدير معاها هاكا ، ياك فالماضي كان عزيز عليها و كانت عزيزة عليه داكشي لاش كان مكلف بتدريبها منين كانت عندها 16 العام و دابا شنو وقع؟؟؟ علاش تبدل؟؟ ما بقات معزة لا بقرة لي بان لها هو باغي ينكدها عليها بأي طريقة حتى شعرها بغا يحرمها منو و كون .. مدات ليه المقص و بقات واقفة فبلاصتها ، حيد رجليه من فوق البيرو و ناض فإتجاهها و فيديه المقص
ارسلان : تقادي فالوقفة
إيفا : ( ساطت ) واخا ... قادات وقفتها و جا وقف موراها وبحركة سريعة قطع لاستيك لي كان شاد لها شعرها ، تطلق شعرها الأسود على طولتو ( ملاحظة شعرها اللون الأصلي ديالو كحل ولكن قبل ماتجي كانو صبغوه لها فالبني ) ضرب حتى للنصف فمؤخرتها .. يد خشاها فجيبو و اليد الثانية خشا صبعانها بين خصلات شعرها دغيا زلقو ليه عاود خشاهم و بقا كايجبدهم بشوية بشوية كايدوزو بكل سهولة بين خصلات شعرها هو كان مستمتع على عكس ريماس لي كاتتحسر على شعرها ، هز خصلة منو بين يديه بقا كايشم فيها و عينيه مغمضين
إيفا : ( بنفاذ صبر ) ميستر أرسلان
أرسلان : شششش ... زاد قرب لعندها و حيد المسافة صغيرة لي كانت بيناتهم غير قرب حسات بحالا ضربها ضو بزربة بعدات منو عاود قرب لعندها و هو باقي منغامس فالخصلة لي فيديه زادت بعدات و عاود قرب عصبها و عاودات بعدات و دارت يديها من مور ضهرها باش لاعاود قرب يديها يبقاو فاصلينهم يلاه بغا يزيد يقرب حتى فيقوه يديها لي كانو من مور ضهرها .. حل عينيه و لاح الخصلة من يديه
إيفا : سي ارسلان يقدر يدخل شي حد و يفهمنا غلط بهاد الوقفة
أرسلان : و يدخل و من بعد؟! ... ضارت لعندو و هزات راسها فيه مع هو طويل عليها يعني لابغات تهضر معاه ضروري تهز راسها
إيفا : ميستر أرسلان احتراماتي ليك ولكن نتا ماغايقولو عليك والو انا لي غايكترو عليا الأقاويل واخا مادايرا لا بيدي لا برجلي ... شدها من كتافها و ضورها و هز المقص
أرسلان : هممم ... هز شعرها فيديه و بقا كايشوف فيه مدة و ما هي الا لحظات حتى بداو خصلات شعرها كايطيحو فالأرض كاتحس بشفرات المقص كايجرحو فخصلاتها خصلة بخصلة غمضات عينيها ماقدراتش تشوف شعرها لي كايطيح فالأرض .. بعد منها شوية و بدا كايشوف فشعرها غير حسات بيه وقف حلات عينيها و بقات مترددة واش تقيس شعرها تشوف فين وصل ولا لا ، تشجعات و بدات كاتهز فيديها بشوية بشوية و بعد ثواني حطات يديها على شعرها باش تتفاجئ بشعرها لي باقي طويل بقات كاتقيس فيه بيديها بجوج و كاتتأكد من طول ديالو لقاتو باقي هو هو فنفس طول ماقدراتش تيق .. هبطات عينيها لتحت باش تشوف شحال قطع لها لقاتو قطع لها غير دوك الخصلات القهويين لي كان باقي فيهم اثار صباغة ضارت لعندو كاتشوف فيه بصدمة بينما هو بادلها بملامح خالية من التعابير
أرسلان : تقدري تمشي و المرة جاية جمعي شعرك فاش تخرجي من هنا و طلقيه
إيفا : ( بفرحة مخبياها ) واخا ... يلاه بغات تخرج من تما حتى منعاتها يدو لي شداتها من دراعها
أرسلان : شنو ڭلت عاد دابا؟
إيفا : ولكن لاستيك تقطع ا ميستر أرسلان ... عاود ضورها من كتافها بجهد و شد شعرها ضفرو ليها بواحد شكل داير بحال العقدات ماكايتفكش واخا ماتكونش شاداه ببانضة
أرسلان : تقدري تمش ... خرجات من تما و ماعاوداتش ضارت لجهتو لاش غاضور لعندو و هو يلاه كان غايقطع شعرها ، تكا على البيرو و بقا كايشوف فدوك الخصلات لي طايحين فالأرض و إبتسامة غريبة مرسومة على شفتيه لاا ماشي نفس الإبتسامة لي موالف يدير فاش كاينويها فشي حد .. لا هادي كانت فشكل اخر
♝ واقفين دايرين صفوفة و فكل مرة كايدخلو 10 جنود و كايخرجو 10 جنود بحكم انهم جايبين 10 دكاترة باش يتكافاو مع داك الكم ديال الجنود فجنب واقف أبراهام و مالك رادين البال ليهم شكون دخل و شكون مزال و فجنب لاخر كاين 2 حراس خرين
واحد هاز لائحة فيديه كايعيط بسميات و ثاني هاز باقي اللائحات كايمدهم ليه و القياد واقفين كايهضرو فأمور التداريب و عينيهم مع الجنود لايفلت شي حد كلشي مشغول و راد البال معاهم حيت هاد الموضوع مامعاهش اللعب و دوك شوكات ضروريين حيت كايضاعفو جهد ديال الجنود فالحرب و باش يكونو اكثر قدرة على تقبل الصدمات و ضرب و اي حاجة غايواجهوها ، شوية بدات كاتتحل الباب ديال المعسكر و دخلات منو سيارة جيب فالكحل ماردوش لها البال حيت كانو ملاهيين
أديم : هاديك ماشي لوطو ديال أسوار؟؟
أديب : شنو جا كايدير هنا؟
أصهب : شفتك بحالا ماعجبكش الحال ياك ميستر أسوار صاحبك و زايدون ماتنساش بلي هو لي كان مكلف بهاد المعسكر كامل و كون ما داك المشكل كاع مايمشي
أوري : أديب ماديرش شي تصرف غالط ولا تقرر شي قرار غالط يخليك تخسر حياتك
إسحاق : راه ديييك المرة هضرت معاه و قلت ليه يعطيها تيساع ماغايجيه من موراها غا صداع و المشاكيل ايلا تفك من أسوار غايطيح فمشكلة مع ميستر أرسلان و بربي مايخرج منها حي
أديب : ( كايشوف فجهة اللوطو ديال أسوار ) ميستر أرسلان ماشي من مصلاحتو ايلا تزوج بيها خوه حيت راكم عارفين عائلة روتشيلد عمرهم تزوجو بشي حد قل من طبقتهم
أصهب : راك كاتلعب بالعافية و فاللخر غاتحرقك هانا فين قلتها لك و عقل على هضرتي
أديب : صافي جمعو و طويو ميستر أسوار جاي لجهتنا ...

البارت 120 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚

أصهب : شفتك بحالا ماعجبكش الحال ياك أسوار صاحبك
أديب : و شفتيني دابا قلت العكس؟؟
أصهب : ماتنساش بلي هو لي كان مكلف بهاد المعسكر كامل و كون ما داك المشكل كاع مايمشي
أوري : أديب ماديرش شي تصرف غالط ولا تقرر شي قرار غالط يخليك تخسر حياتك
إسحاق : راه ديييك المرة هضرت معاه و قلت ليه يعطيها تيساع ماغايجيه من موراها غا صداع و المشاكيل ايلا تفك من أسوار غايطيح فمشكلة مع ميستر أرسلان و بربي مايخرج منها حي
أديب : ( كايشوف فجهة اللوطو ديال أسوار ) ميستر أرسلان ماشي من مصلاحتو ايلا تزوج بيها خوه حيت عائلة روتشيلد عمرهم تزوجو بشي حد قل من طبقتهم
أديم : إييه و من بعد؟؟
أديب : هادشي محرم غير عليهم و زايدون شكون جبد سيرة شي زواج دابا؟
أصهب : راك كاتلعب بالعافية و فاللخر غاتحرقك هانا فين قلتها لك و عقل على هضرتي
أديب : صافي جمعو و طويو أسوار جاي لجهتنا ... جاي لجهتهم و يديه فجيبو باينا فيه ماراشقاش ليه نهائيا
أوري : عاااش من شافك فين هاد الغبور
أسوار : ( بإبتسامة خفيفة ) غير مع دنيا
أديم : غبرتي حتى بياضيتي ههههههه
إسحاق : ما عشرة ما والو ... رتب ليه أسوار فكتفو و رسم ابتسامة خفيفة شوية ضار لعند أديب و ضربو بكروشية خفيفة لكتفو كتعبير على السلام بيناتهم
أسوار : فين ساهي
أديب : ماعندي فين نسها غبرتي مددة ا صاحبي
أسوار : غبرت و رجعت ( ضور عينيه على المعسكر ) بان ليا سالا تدريب بكري هاد العام
أصهب : علاش
أسوار : ليباري موالف أرسلان يخلي تاريخهم حتى لأخر نهار فتدريب و دابا باقي شهر كيفاش القضية؟
أديب : بحالي بحالك كلشي تعجب حيت ماموالفش يديرهم فهاد الوقت
اسوار : بان ليا تبدلو بزاف ديال الحوايج هنا
أديم : ( بصوت غير مسموع ) كون تشوف اش تبدل يضرك خاطرك
أسوار : أرسلان فالمكتب ديالو؟
أديب : وي راه جا البارح على ود واحد الاجتماع
اسوار : امم مهم تهلاو غانمشي نطل عليه ... مشا فجهة مكتب أرسلان و خلاهم واحد كايشوف فواحد
أصهب : مشكيييلة ا صاحبي و ايلا شافها؟؟؟
أديم : حنا لي علينا لاسولاتنا مانتسوقوش كيفما قالنا ميستر أرسلان
أديب : اصلا موحال تعرفو
إسحاق : ماعرفتش اصلا هاد الموضوع مخربق المهم نصيحتي ليك هي فوتها عليك راه موجود البنات ... وصل للمكتب ديال أرسلان دق ولكن ماسمع حتى جواب حل الباب لقاه متكي على الكرسي مرجع راسو اللور و مغمض عينيه
أرسلان : ( بدون مايحل عينيه ) على سلامتك ... مشا جلس فالكرسي لي مقابل مع أرسلان و رد ضهرو اللور
أسوار : ماتوحشتينيش
أرسلان : ( باقي فنفس الوضعية ) اش غانتوحش فيك و خبارك كاتوصلني كل نهار
أسوار : هههه مراقبني؟
أرسلان : ضروري باش ماديرش شي تصرف طايش
أسوار : تبدلت غير تهنا من هاد ناحية
أرسلان : دابا نشوفو
اسوار : اش خبار تدريب؟ جيت لقيت كلشي مقلوب
أرسلان : ( تقاد فالجلسة ) كلشي مقلوب غير فهاد القنت اما المعسكرات لوخرين كلشي غادي بطريقتي
أسوار : شنو زعما بغيتي تقول طريقة تسييري خايبة تا لهاد درجة؟؟
أرسلان : ماشي طريقة تسييرك لي خايبة .. داك الكلاخ لي ضربك مؤخرا هو لي خرج عليك و كان غايخرج علينا ... بقا أسوار ساكت مدة و كايشوف فأرسلان شوية نطق
أسوار : ماعرفتش شنو لي خلانا نوليو هاكا
أرسلان : مثلا؟!
اسوار : مابقيناش بحال اللول
أرسلان : قلتها لك و غانعاودها ، دير عقلك و بدا تفكر بيه و عاد اجي سولني علاش و كيفاش
اسوار : علاش واش كانبان لك طاير لي العقل؟
أرسلان : و شكون عرف؟
اسوار : علاش كاتصرف معايا بحالا انا عدوك
أرسلان : لمصلاحتك حيت كاتبقا خويا صغير مابغيتش تنزل قيمتك عند جدي و تعطي فرصة لشي حد اخر باش يكون بلاصتك
اسوار : ( بإبتسامة سخرية ) على اساس كاتفكر فبلاصتي
أرسلان : ( كايشوف ليه فعينيه ) كون ماكنتش كانفكر فيها كون راه شحال هادي ولاد العم العزاز خداوها لك ( غمزو ) ماتنساش شحال غطيت عليك
أسوار : المهم بلا مانبداو نجبدو طباسل القدام ماجيتش باش ندابز معاك
أرسلان : و علاش جاي؟! تدريب مثلا!! راه ساليناه
أسوار : جاي نوقف مع خويا
أرسلان : ( بإبتسامة خفيفة ) دابا درتي عقلك
أسوار : عاااوتاني
أرسلان : سير لمكتبك غاتلقا كاع لي وقع فهاد شهورا تما
أسوار : هههه بعدا ماناسيينيش
ارسلان : الخدمة هي الخدمة
أسوار : مهم نطلاقاو فالعشية غانمشي نطل نشوف اش كاين
أرسلان : تهلا .. تسالمو سلام رجولي و خرج من عندو ... نمشيو لقنت اخر نشوفو اش واقع فيه شحال مابقينا زرناهم
♛ في المغرب ♛
فغرفة الإجتماعات سي راضي مترأس طاولة الإجتماع و فجنبو كاين سي مصطفى و فجنب لاخر كاين مراد و فباقي البلايص كاين ممثلي دولة الجزائر و ممثل دولة تونس و ممثل دولة مصر و ممثل دولة ليبيا و ممثل دولة سودان بالخلااصة كاينين جميع ممثلو افريقيا الشمالية ...


البارت 121 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚

نرجعو اللور شوية باش تعرفو اش وقع فهاد المدة لي دازت
#Flaxh_back

مراد : جهاااااااااااااد نقز دغياااااااااااا راهم جاااو
جهاد : مراد هرب دغيااا انا غانلاهيهم هررررررب
مراد : ماعندي فين نمشيييي حتى نديكم معاااايا نقز دغياااا حتى نشوفو كي ننقذو ريماس
جهاد : مانقدرش ننقز غير هرب مراااااااااد هررررررب راهم جايييييين هرررررررررب
مراد : ماغانهربش ا جهاااد نتا خويا هبط دغياااا خلينا نمشيو ب2
جهاد : مراد قلت لك هرررررررب دغيا على مانلاهيهم حياة الملااااييين و مستقبل بلادنا ولا فيدك ا مراد هرب عااافاك ... شاف ضو بدا كايتضرب فجهتو
مراد : غانرجع كون متأكد ا خويا ماغانخليييكش ... قبل مايكملها بان ليه جهاد شد فيه ضو حتى شعلات العافية
مراد : جهااااااااااااااااااااااد لاااااااااااااااااا .. سمع صوت الجرس عاود تطلق و البوابة عاودات تفتح بقا راجل باللور حتى طلق رجليه للريح لجهة الشاحنة و منظر صاحبو شاد فيه ضو و هو حي باقي بين عينو هادشي ركب فيه الرعب و تقريبا عرف معامن كايتعامل دابا ، و بما ان ريماس باقا لداخل فكان عارف بلي موحال تعيش و غايطرا لها بحال لي طرا لجهاد داكشي لاش مارجعش يقلب عليها ... بقا كايجري و ماضارش موراه نهائيا حتى وصل للشاحنة و كسيرا بأقصى سرعة ماحبسش نهائيا حتى من المازوط لي غايعمر كانو هازين معاهم زايد احتياط سرعة شاحنة كاع مانقصها بالعكس كون كان بإمكانو يطير بيها كون طار حيت عارف بلي من دابا غايتطلق الأمر ديال تفتيش عليه حياتو ولات فخطر كبير و مستقبل المغرب و الدول المجاورة ليه ولاو فعاتقو ايلا مشا حتى دار اي غلط ولو يكون بسيط غادي يكونو ضحايا هاد الغلط عائلات ولا نقولو غايكون ضحيتو قارة افريقيا شمالية ، شد طريق وحدة نيشان لتل ابيب هز طيلي ديالو و عيط لداك سوري تافق معاه على الوقت لي يطلاقاو فيه و فين يطلاقاو باش غير يوصل لتما مايحتاجش يتسنا و فعلا داكشي لي وقع من مور ماوصل لتما طلاقا بداك السوري لي غايشري من عندو 2 قنابل و من حظو ان ريماس كانت دايرا عليه توصية باش السوري يتكلف بالسفر ديال مراد خارج اسرائيل و يوصلو للمغرب سالم غانم بحالا كانت عارفة بلي ماغاينجاوش .. عطاه القنابل و السوري سلمو الفلوس و بقا كايتسنا بعيد باش يتكلف بالسفر ديالو ... عاود تاصل بالمهرب لي غايهرب القنابل و تفاهم معاه على البلاصة لي غايطلاقاو فيها داز اللقاء بيخير و كلشي مشا كيفما خططات ليه ريماس سلمو القنابل و عطاه نصف المبلغ المتفق عليه و تفارقو .. مشا مع السوري لي وقف معاه وقفة رجال و قدر يسفرو حتى وصل للمغرب بكل سلام كانو زملائو فالمخابرات فإستقبالو مع وصل للمغرب اول شخص لقاه قدامو هو سي راضي لي بقا كايقلب على ريماس بعينيه
سي راضي : فينها ريماس و جهاد؟؟؟؟؟
مراد : ( حنا راسو )
سي راضي : مراد سولتك فينها ريماس؟؟؟؟؟
سي مصطفى : ياك كنتو دايرين غاتجيو مجموعين؟؟؟؟؟
سي راضي : مراد مالك ساكت جاوبنيي فينهم
مراد : ( بأسف ) ماقدروش ينجاو ا سي راضي
سي راضي : كيفاش ماقدروس ينجاو؟؟؟؟؟ و انت بنفسيييي هضرت معاهم و بهااد العينين شفتهم سالمين
سي مصطفى : مافهمتش كيفاش حتى وقع لهم هادشي؟؟؟؟
سي راضي : مراد هادا ماضي وقت تفلية فينها ريماس؟؟؟؟؟
مراد : مااااتت ا سي راضي ريماس مااااااتت هي و جهاد فاش بغاو يسرقو منهم القنابل ، سي رااااضي سي راااااضي ماااالك سييييييي راضي عيطو للإسعااااااف دغياااا ... شد فقلبو و طاح إثر الصدمة لي تلقاها ، تخربقات دعوة و بداو شي غادي شي جاي ... داز اسبوعين على داك الحادث ولكن مع ذلك سي راضي باقي مامقتانعش بلي ريماس فعلا ماتت غاتقولو مالو على حالتو حتى وقع فيه هادشي كامل و ياك عندو ولادو .. سي راضي كان حاسب ريماس بنتو قبل من كلشي و كيف شفتو فالأحداث السابقة شحال من مرة ضار فمصطفى على ودها و شحال من مرة حذرو باش ايلا وقعات لها شي حاجة ماغايلوم غير راسو نرجعو للفلاش باك .. من مور ماخرج من المستشفى مباشرة مشا عندو مراد للفيلا عطاه الأمانات لي عطاتو ريماس و عاود ليه على اخر مغامرة دارتها ريماس لي هو بنفسو بقا مصدوم على العملية الانتحارية لي دارت على ود بلادها لا و الأهم انها نجحات فيها
سي راضي : و فين القنابل؟؟؟
مراد : راني مخبعهم عندي كنت كانتسناك تصحى باش تقوليا اش غانديرو بيهم
سي راضي : شكون عارف بلي راهم عندك و من ايمتا و هما عندك؟؟؟؟
مراد : يلاه وصلوني هادي سيمانة بالنسبة لشكون عارف بلي راهم عندي لحد ساعة حتى واحد ماعارف غيرك حيت ريماس قبل ماتنفذ العملية اكدات عليا باش مايعرف حد من غيرك
سي راضي : مزيان احسن ما درتي
مراد : تبغي تمشي تشوفهم ا سي راضي؟
سي راضي : وي باش نشوفو لهم شي حل حيت حاجة باينا ماغايسكتوش و غايحاولو يسترجعوهم
مراد : وي عندك الحق ا سي راضي ... خرجو من الفيلا ديال سي راضي و مشاو للدار ديال مراد وراه الصنادق و دييك ساعة نيت طلبو شاحنة باش ينقلوهم و مايزيدوش يتعطلو ... 


البارت 122 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚

بداو كاينقلوهم بحذر لمكان أمن ماعارفو حد من غير سي راضي و مراد و من موراها رجعو للفيلا هو و مراد كايتحققو من ذاكرة لي وجدات ريماس و الملفات لي سيفطات ليهم و تبعوها بديك ذاكرة لي وصات مراد باش يوريوها لدول افريقيا الشمالية ... ترسمات على ملامحهم صدمة بقا واحد كايشوف فواحد حيت شي حوايج ذكراتهم كان مستحييل يعرفوهم ... و شي معلومات جابتهم ماكانش عندهم خبر عليهم نهااائيا ... و زيادة على القنابل النووية لي كايتقدرو بمئات الملايير لي سرقات لإسرائيل .. هادي بنفسها راها خسارة كبيييرة ليهم كان المغرب ماعندو حتى وحدة و دابا عنده 8 ديال القنابل ماشي وحدة و ماشي 2 و حتى هما راهم عارفين بقيمتهم داكشي لاش خبعوهم فمكان مايطيح فبال حد ... غادي ندير ليكم الخلاصة غير باش تعرفو اش وقع حيت المهم ماشي هنا ... من مور ماخبعوهم عقد سي راضي اجتماع مع الأفراد لي كانو متكلفين بتدريب ريماس و وراهم انجازات ريماس و شنو قدرات تجيب لهم .. ماجبدس سيرة القنابل النووية حيت هادوك سلاح محرم دوليا و ماشي غير اجي و دوي عليهم هادشي يقدر يجبد لهم مشاكل ، علامات الإنبهار كانت واضحة على وجوههم و لما لا؟؟ و جاسوسة مغربية مبتدئة قدرات دير لي ماداروهش رجال ... قدرات دير شي حوايج فاتو توقعاتهم بزااااف ، عطاتهم المعلومات على تداريب ديال إسرائيل بتفصيل و زادت ليها ملاحظات من عندها .. عطاتهم معلومات على الأسلحة لي غايستخدمو فالحرب و زادت ملاحظات من عندها ... عطاتهم معلومات على البذلات المخصصة للحرب و كذلك عطاتهم نقاط ضعف دوك البذلات ... عطاتهم معلومات على الخطة لي راسم أرسلان كي يديرو يدخلو للمغرب و ايمتا ... عطاتهم معلومات على عدد الجنود و زيد و زيد ... و اهم حاااجة رسمات خطة بنفسها خطة محكمة كإقتراح ليهم كانت اول خطوة فيها هي واحد القرص يسيفطوه لرؤساء دول افريقيا الشمالية لي غير غايشوفوه ماغايترددوش ولو لثانية انهم يدعمو المغرب فالحرب و هادي كانت اول خطوة فالخطة حيت هي عارفة بلي الجيش المغربي بوحدو ماكافيش و ماغايقدرش يواجه الجيش الإسرائيلي و خصوصا ان الجيش الإسرائيلي عددو هااائل و متكون مم عدة قوات داعمة داكشي لاش كان خاصها تلقا حل باش يكون بعض الدعم للمغرب من الدول المجاورة ولكن كي غادي يديرو يخليوهم حتى يقبلو؟ كان أنسب حل هو تخلي واحد نسخة ديال الحوار لي كان داز بين أرسلان و القياد على الخطة ديال الحرب و من زهرها ان ارسلان كان قال فداك الحوار بلي غايستعمل القنابل النووية ضد المغرب و ماكايهموش واش غايتضررو دول المجاورة ليهم و ماشي غير هادشي و صافي ، قال بلي ايلا تضررو الدول المجاورة غادي يرجع لهم هادشي بالفائدة و غادي يستفادو من موراهم و بزاف ديال الكلام تقال فهاد القضية لي خلاتو ريماس يكون فصالح المغرب و سجلاتو و خلاتو فقرص بوحدو ... فاش وصل داك القرص لرؤساء دول افريقيا الشمالية خلاهم يفقدو اعصابهم و يقررو يسيفطو اشخاص يمثلوهم فالمغرب ... و فعلا داكشي لي وقع قدر سي راضي يقنعهم باش يديرو اليد فاليد و يفطرو بيه قبل مايتغداو بيهم و فالأخير كانت النتيجة مرضية حيت و اخييرا العرب قررو يتاحدو مع بعضياتهم و يدعمو المغرب بالجنود و بالأسلحة و حوايج خرين باش مايخليوش العدو يدمر قارة بأكملها و كانو اول المساندين هما دولة الجزائر و دولة تونس لي قدرو يقنعو دول لاخرين باش يساندو المغرب من مور ماقنعوهم بلي غايتكلفو بالقنابل النووية لي هما فالأصل راهم عند سي راضي غير هما ماعارفينش بهاد القضية و بهاد طريقة قدرو يضاعفو عدد الجيش و الأسلحة بفضل خطة ريماس .. فهاد الفترة تبدلو تداريب بشكل كامل و رجع تدريبهم مشابه لتدريب إسرائيل لجنودهم تماما مع بعض تعديلات لي حطوهم بعض القياد الجزائريين لي كانو عندهم منافع وااضحة ... قدرو يستوردو أسلحة متقدمة و حديثة من بعض دول افريقيا الجنوبية لي فضلو يساعدو غير من بعيد باش مايدخلوش فصراعات كبيرة ماقادينش عليها و خصوصا ان هاد الموضوع ماكايعنيهمش ... دازت 6 شهور كلها فتجهيزات مقدرين فيها خطورة الحرب لي غايدخلو فيها و مقدرين فيها ذكاء العدو لي غايواجههم دايرين جهدهم كامل باش تضحيات لي ماتو ماتمشيش هباء منثورا نقدرو نقولو بلي تقريبا غاديين فنفس المستوى لي غاديين بيه اسرائيل فتجهيزاتهم فالوقت الحالي غير الفرق لي بيناتهم هو فإسرائيل كايدربوهم بشكل قاسي و ماكايرحمش و فالمغرب كايدربوهم بكل جدية مي كايراعيو ظروف الشخص ... فإسرائيل من نهار سيفطو لهم الدول القوات الداعمة و الأسلحة قطعو معاهم التواصل و تلهاو فتجهيزات ... ولكن فالمغرب لحد ساعة باقي تواصل بين الدول لي دعمات المغرب و لحد ساعة كايزيدو يوجدو راسهم للحرب لي ماعارفينش نتيجتها و ماعارفينش واش غايكون فيها الفوز ولا غاتخيب امال المغرب العربي فيها و افريقيا الشمالية و الجنوبية بصفة عامة ...


البارت 123 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚

♚ في إسرائيل ♚

كلشي مخشي فالبيت ديالو من مور ما دكو ليبرا تعطا لهم بقية اليوم راحة من غير القياد لي كل واحد فين شادها اما بالنسبة لريماس بقات مخشية فالمكتب ... وصل وقت العشا و المطعم ديال المعسكر بدا كايعمر شوية بشوية بالجنود ، بداو القياد كايجيو واحد من مور واحد
أديم : ههههه بلاصتك كانت كاتسناك
أسوار : بطبيعة الحال غا تسنا مولاها
أديب : ههه فصراحة فهادي مانعرفت
أسوار : شنو لي مانعرفت ( شاف فيه ) منين جيت و نتا ماعاجبنيش اش كاين تم؟
أصهب : ههه والو والو غير مشوش بالحرب
أسوار : همم
اوري : شفت هادو تعطلو
إسحاق : ها ميستر أرسلان جاي ... وصل لعندهم أرسلان وقفو من بلايصهم حتى جلس عاد جلسو و بداو الماكلة
أسوار : خويا العزيز
أرسلان : راجعتي كاع داكشي لي وقع فهاد شهورا؟!
أسوار : بان ليا كلشي غادي مزيان حسن من داكشي لي توقعت هههه صراحة كاع الأغلاط لي موالفين يكونو تصلحو هاد العام
أرسلان : أنا هنا و باغي يكونو الأغلاط؟!
أسوار : علاش شكون يقدر مي لاحظت شي حوايج جداد تزادو و ماموالفش ليهم يكونو عندنا
أرسلان : مثلا؟
أسوار : من ايمتا و حنا كانعينو قائدات يدربو الجيش؟؟ ماموالفاش ليك
أرسلان : ( ببرود ) عاد العام كاين إستثناء
أسوار : همم واخا ماعرفتش علاش ماكايناش سميتها فالملف لي عطيتيني ولكن من تنظيم لي دايرا و الإستراتجية ديالها فتدريب بان ليا ماعينتيهاش غير هاكاك
أرسلان : كاتهمني مصلحة الدولة لا غير ... القياد لاخرين غير كايتسنطو و كاياكلو
أسوار : ( كايقلب بعينيه ) ولكن فين هي؟؟ مابانتش ليا صراحة متشوق نشوفها خصوصا منين قريت الملف ديالها ... هزو راسهم و بقا واحد كايشوف فواحد
أرسلان : مابقاش بزاف و تعرفها
أسوار : ( غمزو ) نتمناو تكون تستاهل نتسناو على ودها
♔ كاتحس برقبتها كاضرها بقوة الڭلاس و اخييرا سالات و صلحات كاع نقاط الضعف ... ناضت بدلات عليها الكسوة ديال القياد و لبسات سروال سورفيط فزيتي واسع مع تيشورط كحل مزير جمعات شعرها كوت شوفال و خرجات متوجهة للمطعم ديال المعسكر وصلات و دخلات كالعادة بمشيتها المعتادة ... كانو الجنود ملهيين بالهضرة مع بعضياتهم مع دخلة ديالها لمحها اديب ، غير شافها وحلات ليه لقمة فحلقو
أديم : كول بشوية ا صاحبي مالك على حالك ... عينيه ماتحيدوش من جهة إيفا كلشي ضار يشوفو فين كايشوف مرة كايشوفو فأسوار مرة فإيفا أسوار ماشافهاش حيت كان عاطيها بالضهر اما أرسلان كانو عينيه فطيلي
أسوار : مال وجهكم صفار
أرسلان : ماتخافش ها نوبتك جايا
أسوار : هههه علاش ... خشا أرسلان طيلي فجيب و قرب لأسوار و جاوبو و عينو فعينيه
أرسلان : ( بشبه إبتسامة ) عمرك سمعتي بالموتى لي كايرجعو للحياة؟!
أسوار : ( بإستغراب ) كي غايديرو يرجعو للحياة و شنو مناسبة هاد الموضوع ... رجع أرسلان لجلستو و كتافا انه يشوف فإيفا ... اما عند إيفا لي كاتشوف القياد كلهم كايشوفو فيها و وجههم مامفسرش مزال ماشافت بلي البلاصة لي والفات تجلس فيها عامرة
أسوار : مالكم فين كاتشوفو؟؟؟ ... ضار يشوف فين كايشوفو و علاش ولاو فهاد الحالة حتى تصدم صدمة العمر منين شاف حبيبتو بشحمها و لحمها واقفة قدامو شيئ لي مغير فيها هو شعرها الكحل ترسمات ملامح الصدمة و الفرحة و الإستغراب و دهشة فوجهو ولكن غلبو ملامح الصدمة عليهم بدا كايضور يشوف فيها و يشوف فأرسلان لي ماكانش مسوق
أسوار : ( بصدمة ) إيفاااااا؟؟؟؟ ( بس للمعلومة راه عارفها كانت جاسوسة ) ... غير شافتو تبدلو ملامحها للغضب و الحقد إتجاهو زيرات على يديها و لون ديال وجهها تبدل
إيفا : ( بغضب ) باقي عندك الوجه تنطق بسميتي؟؟؟؟؟؟ ... ناض من بلاصتو بزربة
أسوار : ( بصدمة ) كيفاش هادشي .. مافهمتش .. كيفاش .. واش نتي باقا حية؟؟؟ ... بدا كايضحك غير بوحدو مزال مامصدق بلي هي حية مرة كايشوف فأرسلان لي ماكايشوفش فيهم نهاااائيا ملهي مع طيلي و مرة كايشوف فيها و بدون تفكير قربها لعندو و عنقها ولكن صدماتو بردة فعلها بالأحرى ماكانش متوقعها نهائيا ... دفعاتو بكل جهدها
إيفا : ( بالغوات ) نزززل يدك مابااقيش تحطهم علياااا المجرم ، باقي عندك الوجه هاه؟؟؟؟ كنتي باغي تتهنا مني؟؟؟؟ باغي تقتلني؟؟؟؟ ... مابقا فاهم والو من هادشي كامل لي وقع كيفاش هي حية؟ و كيفاش هو بغا يقتلها؟ و اش كادير هنا اصلا منين هي جاسوسة و كيفاش واش هي القائدة مابقا فاهم والو و دماغو تقلب
أسوار : كيفاش؟؟؟ اش كاتخربقي
أرسلان : ( بهدوء ) مشاكلكم حلوهم فاش تكونو بوحدكم ماعنديش مع الغوات
أسوار : أرسلان واش ماشفتيش؟؟؟ إيفا بااااقا حية مابقيت فاهم والو ( ضار لعندها ) اش كاديري هنا؟ و فين كنتي هاد المدة؟؟؟؟
إيفا : عند بالك صافي قتلتيني ا سي أسوار؟؟ ههه راك غالط و بزااف
أرسلان : واقيلا راني هضرت و قلت سكات مور العشا و حلو مشاكلكم ... بدا أديب كايشوف فأرسلان بنظرات ريبة ماشي غير خطير و كايقتل بدم بارد بل شيطان بصفة بنادم ، كانو كلهم خايفين من ردة فعل ايفا و اسوار فاش غايطلاقاو و كلهم كانو متوقعين فاش غايطلاقاها غايعاود لها اش وقع و ها المشكل تحل حيت فنظرهم هي كانت كاتبغيه و يقدر كاع يدابز اسوار مع ارسلان حيت خبا عليه بلي هي حية .. ولكن هاد اللعبة الخبيثة لي دار أرسلان ماطاحتش لهم فالبال نهائيا ...


البارت 124 من قصة
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚



ديك رقاقة ماكانوش فيها ذكريات فقط على الماضي الأليم الوهمي ديالها ... ولكن كانو فيها ذكريات بلي أسوار حاول يقتل ريماس بسبب خلافات كبييرة كانو بيناتهم و فاش عاق بيه أرسلان طردو من المعسكر و هو لي نقذها من الموت زعما و باقي حوايج خرا بيان سيغ ... و هادي هي الخلاصة و تفسير علاش فاش شافتو ماكرهاتش تقتلو ، مازال ماقدر يصدق الخبث ديال أرسلان لإينا حد وصل و باقي بكل دم بارد كايقولهم من بعد و حلو مشاكلكم عااارف راسو اش دار ، دابا عاد فهم اديب علاش أرسلان ماتسوقش لغواتهم و هضرتهم حيت اصلا كان عارف هادشي غايوقع
أسوار : ( عينيه فريماس ) مور العشا بغيت ضروري تعطيني تفسير حيت مابقيت فاهم والو ... ماجاوباتوش و مشات جلسات فبلاصة خرا خلاتو متعجب من هاد تصرفات و هاد الجرأة و زعامة و زيد و زيد لكن لي متأكد منو هو ان أرسلان عندو يد فهادشي هاداك خوه و كايعرفو ماكايكون فهاد الهدوء حتى كاتكون شي حاجة فراسو ... تعشاو ولا غا نسميوه عشا حيت حتى واحد ما ذاقو حيت كل واحد و فاش كايفكر ... ريماس ولا نقولو لها ايفا ... كاتفكر غير فالجرأة ديال هاد القتال لي حاول يقتلها حيت زعما أرسلان كان غايخليها هي لي تتكلف بإدارة المعسكر كامل و هادشي ماعجبش اسوار لي فالسابق كان حبيبها و عماتو الغيرة علااش ارسلان يختارها هي داكشي لاش حاول يقتلها و ضربها و داك الاثار ديال ضرب لي كان خلاه فيها ارسلان لصق كامل فأسوار و هادشي كامل لي كاتفكر فيه و يسحابلها فري وقع مجرد ذكريات وهمية ... أسوار بزاف ديال التسؤلات فراسو و من بينهم علااش رجعات و كيفاش أرسلان مخليها حية؟؟؟؟ و كيفاش تقلبات ضد بلدها و كيفاش كاتقوليه قتال ... أديب كل همو هو واش غاترجع ايفا مع أسوار ولا لا؟؟؟ كايخطط غا كيفاش يحرض أرسلان عليهم ( لا واش هادا من نيتو؟ الله يا ولدي اديب مزااال القفة مقلوبة عليك و يسحاب لك عندك خصم واحد ) ... أرسلان مامسوقش لهم حيت عارف اش دار ولكن حاليا عقلو غا مع طيلي بسبب الاجتماع الضروري لي عندو مع جدو و عائلة اردوغان و عائلة روكفيلير و لي مستحييل يتأجل ... اما باقي القياد هما براسهم باقيين مخربقيين فهادشي لي واقع مابقاو فهمو والو ولكن لي متأكدين منو هو هادشي موراه أرسلان ولكن علاش؟؟ واش غا حيت هي مسلمة و اصلها مغربية و زيد و زيد ولا كاينا شي حاجة خرا ... فيقهم من تفكيرهم أرسلان لي هضر مع ريماس
أرسلان : باقا فكلمتك؟!
إيفا : ماكانرجعش فهضرتي ا سي أرسلان ... هز طيلي عيط لأبراهام
أرسلان : غدا فالليل غانمشي ل**** تكلف نتا و مالك
أبراهام : حاضر سي أرسلان واش تجهيزات كالعادة؟
أرسلان : لا هاد المرة غاتكون واحد ضيفة ديرو بحسابها
أبراهام : حاضر سي ارسلان كاين شي اوامر خرا؟
أرسلان : غدا نلقاك نتا وياه هنا ... قطع عليه و رجع ضهرو اللور
أسوار : شحال مابقينا خرجنا بحال هاد الخرجات دير بحسابي غدا
أرسلان : ( شاف فأسوار ) ايلا كان باقي عندك جهد ليهم راهم دايرين بحسابك مسبقا
إيفا : فين جات هاد البلاصة؟؟
أرسلان : ( ربع يديه ) تما غانشوف واش قد هضرتك ولا لا ( شاف فالقياد ) باغي شي حد يمشي؟
أديب : وي سي أرسلان ايلا كان ممكن نمشي حتى انا
أصهب : اوسي سي أرسلان
أسوار : و ايفا علاش غاتمشي؟؟؟
أرسلان : ( شاف فإيفا و ترسمات ابتسامة جانبية ) مخاطر انا وياها
أسوار : نتا و إيفا؟؟؟
أرسلان : وي
أسوار : واش من نيتك باغيها تا هي تمشي؟؟؟ ( شاف فإيفا ) ماعندك فين تمشي و مزاال غا تشرحي لي مزيااان اش واقع هنا
إيفا : ميستر ارسلان معاياش خاص نكون واجدة؟ ... شاف فساعة و ناض من بلاصتو
أرسلان : غدا و تعرفي ... مشا من تما و خلاهم واحد كايشوف فواحد
أسوار : نوضي تبعيني باغي نهضر معاك
أديب : اسوار يقدر سي ارسلان يشوفكم و يتعصب سمح لي لاتدخلت غير مابغيتش لك مشاكل مع خوك
إيفا : و شكون نتا باش تأمر فيا؟؟؟
أسوار : واقيلا نسيتي راسك معامن كاتهضري زيدي قدامي ... شدها من يديها و جرها
أديب : اسوار اسواااار
أديم : واش ماناويش تحشم؟؟؟
أصهب : بان ليا العقل لي كان عندك صافي طار
أوري : و قريب غاتتبعو روحك ايلا خليتي داك العقل مديساكتيفي راك كاتلعب بالعافية و الخسايل لي وليتي كادير ماشي هما هادوك
إسحاق : راك صاحبنا ولكن سي اسوار خيرو سابق علينا و عليك ماشي تلعب من مور ضهرو على ود مرا انا علمتك و غانعاود نعلمك ايلا لقيتي سلاكة مع سي اسوار راه ماغاتلقاهاش مع سي ارسلان
أديب : و اش دخل سي أرسلان فهاد الموضوع؟؟
أديم : ( ضحك ) هههههه بان ليا مقلوبة عليك القفة ا سي
أديب : علاش اش واقع؟؟؟
أصهب : ماشفتيش بلي شعر إيفا ماتقطعش و نتا عارف سي أرسلان فاش كايقول الهضرة كايدير بيها ... عاد لاحظ بلي فعلا ماتقطعش شعرها مالاحظوش فاللول حيت كان مشوش فاللقاء ديال ايفا و اسوار
أديب : وي ولكن عادي يقدر يكون أجلها
أصهب : وا نوض الله يجيبك على خير
أديب : شنو بغيتي تقول زعما سي ارسلان و ايفا بيناتهم شي حاجة؟؟ ههههه واش عارف راسك اش كاتقول ولا لا؟؟ راه بان ليا نتوما نيت لي طار لكم العقل
أديم : حنا لي طار لينا العقل؟ سمع بعدا اش شفنا و ديك ساعة غاتعرف واش حنا لي طار لينا العقل ولا نتا لي باغي تعجل ساعتك
أديب : كانسمع ... يتبع

البارت 125 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚



أديم : هاد صباح كنا دايزين من حدا المكتب ديال سي أرسلان و شرجم كان مسدود غير الزجاج ديالو و بدون قصد قدرنا نشوفو شي حاجة
أديب : شنو شفتي؟؟؟
أديم : ( بصوت خافت ) قرب نعاود لك ماناقصني صداع تصدق واصلا لسي أرسلان
أديب : ( بإنفعال ) هضر خلاص اش شفتي؟؟؟؟
أديم : شفت لي اكد لي بلي سي أرسلان و ايفا بيناتهم شي حاجة ولكن ماطولتش تما باش مايقولش كانراقبهم
أديب : مافهمتش شرح لي كتر
أديم : كيفاش مافهمتيش كاتتفلا عليا واش حتى هادي خاصنا نشرحوها كانو متقربين لبعضياتهم بقا ناقص غير ندخل لك فالتفاصيل، انا عاودت لك غير باش تعطيها تيساع ماباغيش نخسرك حتى نتا بحال دانيال
أصهب : صاحبي نصيحة من عندي خطيها عليك
أديب : لا دابا تأكدت بلي نتوما لي طار لكم العقل واش عارفين اش كاتقولو؟؟
أوري : ا صاحبي واش ماعندكش العينين تا لهاد درجة؟؟؟؟ فنظرك علاش ماقطعش لها شعرها؟؟؟ و زيد عليها ماشفتيش كيفاش من نهار حطات رجليها لهنا و هو حاط عليها .. ياك سي عرفها مسلمة و من العدو اذا علاش باقي مخليها عندنا؟؟؟؟ كان يقدر يخليها غير جندية علاش عينها قائدة؟؟؟ علاش خلاها تكره اسوار؟
إسحاق : راه باين اش كاين غير لابغيتي دير راسك ماشفتي والو
اديب : صافي خطيوني عليكم مابغيت نسمع والو ... خرج من تما معصب و خلاهم واحد كايشوف فواحد
أوري : انا بعدا ماباقيش غانعاود ننصح شوف شحال حفيت معاه الحجرة و لي فراسو فراسو
أديم : راسو قصح من الحجر
إسحاق : راه صاحبنا ضروري نعاونوه ، حاليا عينيه معميين ولكن ماغانخليوهش هاكا حتى يطيح فالهاوية

♔ طلقني فين غاديي بيا باغي تعاود تحاول تقتلني القتااال المجرم طلق منيي ... يلاه بغا يدخلها للمكتب ديالو و هي توقف
اسوار : شرحييي لي اش واااقع؟؟؟؟؟ بغيت التفاااااصييييل كنتي كاتتفلاي عليا يااااك؟؟؟؟ هضرييييي مالك ساااكتة ... مع نطقها جمعات معاه بتصرفيقة خلاتو مصدووم و مخرج عينيه
إيفا : باش تتعلم تعااود تحط يدييك عليا ماشي حيت مرتبتك كتر من مرتبتي هنا تجرجرني سمعتيني ياااااك؟؟؟؟؟
اسوار : ( معصصب ) واش صرفقتييييني عاد دابا؟؟؟؟ كبرتو لك و رفعت لك شان حتى وليتي تهزي يديك على سيادك دويييي ... هز يدو حتى لسما باش يجمعها معاها بتصرفيقة ماجات فين توصل للحنك حتى شداتها واحد اليد .. كانت اليد ديالها بيان سيغ هي لي حبساتو باش مايضربهاش
إيفا : وااااياك وااااياك ثم وااااياك تعاود تهزها عليا شخصصص واحد لي ملزوم عليا نحتارمو هناااا هو سي أرسلان ماشي خوه و ماشي صاحبو و ماشي غيرو ... قبل ماتشوف اش درت شوووف اش درتيييي نتا و عاد باقي جاي كاتتحاااسب معايا
أسوار : ( بالغوات ) إيييييييييفاااااااااا تجااوزتي حدودك بزااااف واش عارفة معامن كاتهضري ولا لا؟؟؟؟؟؟؟
إيفا : عارفة و عارفة مزياااان ا سي اسوار خو سي ارسلان شخصيا ولكن بالنسبة ليا كاتبقا واحد قتاااال و مجرم حاول يقتلني بسبب الغيرة لي عماتووو
♚ أرسلان : بعد غدا غانكون تما
أبراهام : ميستر أرسلان شوية و غانسيفط لك العنوان و كيف قلت لك هاد الإجتماع ضروري بزااف
أرسلان : غا يحضرو هما ولا الممثلين ديالهم؟!
أبراهام : لا ا ميستر ارسلان غايسيفطو غير اشخاص غايمثلوهم فداك الاجتماع
أرسلان : ( ببرود ) اذا حتى حنا غانسيفطو غير شخص يمثلنا فالإجتماع
أبراهام : ميستر أرسلان ولكن هادشي ماشي يقدر يقلق سي أصلان؟ …

 

البارت 126 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚



أرسلان : بان ليا وليتي فضولي بزاف
أبراهام : كانعتاذر ا ميستر أرسلان ماقصدتش ... ماخلاهش يكمل هضرتو قطع عليه و دوز رقم سي أصلان كايتسناه يجاوب و عينيه مراقبين اش واقع فالكولوار
سي أصلان : ولدي أرسلان ايمتا غاتجي؟؟؟
أرسلان : عاد كنت تما هادي يومين دغيا قنطتي؟ ياك كاينين ولاد العم تما كلهم هاد اليامات
سي أصلان : و عارفني كانعول عليهم فشي حاجة؟ ( بغضب ) خدمتهم خدمة العيالات و هادشي لي مقابلين غير العيالات
أرسلان : ( بهدوء ) دويت معاك ديك المرة ا جدي و سولتك واش نتكلف بيهم ولكن نتا لي مابغيتيش
سي أصلان : نساليو من هادشي لي نايض دابا و ديك ساعة اجي بالي بيهم المهم ماشي هادا هو موضوعنا ... قالك أبراهام على موضوع الاجتماع؟
أرسلان : وي ولكن ماغاديش نحضر ليه انا
سي أصلان : و علاش؟؟؟؟ نتا عارف الاجتماع مهم بزاف لمستقبل عائلة روتشيلد و تأجيل غير مسموح
أرسلان : لا ماغايتأجلش ولكن غادي نسيفط شخص يمثل عائلتنا فالإجتماع
سي أصلان : غاتسيفط شخص يمثلنا فإجتماع مهم بحال هادا لي المفروض نمشيو و نوقفو عليه هنا؟؟؟؟
أرسلان : ( ببرود ) هاد الهضرة قولها لهم هما لي مسيفطين ممثلين يمثلوهم فالإجتماع ، منين هما سيفطو من 2 ممثلين تا ل3 باش يمثلوهم حنا غانسيفطو ممثل واحد يمثلنا فالاجتماع
سي أصلان : كيفاش عرفتي غايسيفطو غير الممثلين؟؟؟
أرسلان : جدي واش مستخف بيا حتى لهاد الدرجة!!
سي أصلان : ( بإفتخار ) كانفتاخر بيك كحفيد و خليفة ليا كون كنت كانشك فقدراتك كاع ماتيكون خليفتي و احسن مادرتي باش مايقولوش ماعندنا مايدار و حاضرين لو برجلينا
أرسلان : هادشي لي بغيت نوصل لك
سي أصلان : كانتيق فيك و فقراراتك كنت كانتمنا كون كان حتى باك بحالك ولكن ماعندي ماندير
أرسلان : ماتتعصبش بزاف و بعد على الأمور لي كاتعصبك ... بقا كايهضر معاه فالأمور ديال العائلة و الصحة حتى قطع الاتصال و كمل فراجتو

♔ أسوار : إيفا غبري من قدامي باش مانديرش شي تصرف نندم عليه
إيفا : عنداك يتفركع فيك شي عرق غير بشوية عليك كنتي بغيتيني نموت؟ مزال غاتشوفني حتى لأخر يوم فحياتك
أسوار : ( بعصبية ) غبريييييييييييي ... خنزرات فيه و مشات لبيتها معصبة و مخلياه موراها معصب كتر منها حتى سمع صوت جاي من موراه
أرسلان : حتافض بطاقتك لغدا مزال غاتحتاجها
أسوار : ( بعصبية ) اش درتيييي لها؟؟؟؟؟
أرسلان : لي خاصو يدار
أسوار : كي درتي حتى لعبتي بعقلها؟؟؟؟؟؟ هادي كانت لعبة من عندك ياك؟؟؟؟ كنتي عارفها حية و سيفطتي لي الكلب ديالك يوهمني بلي ماتت؟؟؟؟؟
أرسلان : ( حط يدو على كتف خوه ) مزال غايجي وقت و غا تفهمني علاش كاندير هادشي ... شاف فيه بنظرات مليئة بالغضب و دخل للمكتب ديالو غايحماق بالتفكير ... مشا أرسلان حتى هو للمكتب ديالو و تفرق المجمع
اصبحنا و اصبح الملك الله
كلشي فاق كاين لي فاق راشقة ليه و كاين لي فاق خاسر ، دارو الروتين الصباحي و تداريب الصباحية كان كلشي غادي هو هاداك و بشكل عادي حتى جا وقت التداريب لاحظات ايفا بلي المجموعة ديالها تزاد لهم جهد و كانو مواكضين على غير العادة و كاع تمارين لي كانت دارت معاهم فسابق ولاو كايديروهم بكل سهولة و كايعقلو عليهم عرفات هادا غير المفعول ديال الشوكة ... وصل وقت الغدا كلشي مشا يتغدا و رجعو للتداريب و دوال تدريب كاتخدم لهم غير على نقاط الضعف لي بدات كاتتهنا منهم و قربات تسالي بقاو على داك الحال حتى بدا كايضلام الحال و طوال نهار اسوار مابانش فالمعسكر شوية بان لها مالك جاي لجهتها
مالك : سيري وجدي راسك مابقا والو و تتحركو
ايفا : اش غانوجد؟؟
مالك : بدلي الكسوة ديال تدريب باش تمشيو هادا هو الوقت ... شافت فالساعة لقات تدريب وقتو سالا عطات الاذن لمجموعتها باش يمشيو
ايفا : واخا ...

 

البارت 127 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚



دخلات نيشان دوشات باش تحيد العرق بزربة و خرجات نشفات شعرها و لحمها ، مشات لخزانتها ختارت حوايج بسييطة جدا سروال جينز و ديباردو فالبلوماري قصير مع قاميجة كارويات كحل و زرق مغلوق عقداتها فخصرها و فرجليها لبسات صباط كحل طالع بسيور ... خلات شعرها على راحتو و بيان سيغ مادارت والو فوجهها حيت اصلا هي فالمعسكر دابا و ماكاين لا مكياج لا زعتر .. خرجات من تما من مور ماتأكدات بلي سدات المكتب مزيان و تمات هابطة لعندهم و تفكيرها غير فين غايمشيو و شنو غايديرو ما هي الا لحظات حتى كانت هبطات لتحت
أبراهام : تعطلتي من صباح و هما كايتسناو فيك
إيفا : ( كاتقلب بعينيها ) مشاو؟؟
أبراهام : كلشي على برا كايتسناو غير سيادتك تشرفي ... خرجو لعندهم لبرا لقاو 3 ديال طوموبيلات كل وحدة من اينا نوع .. ارسلان راكب فسيارة من نوع بولاريس مغطية فالكحل و الحمر .... و مالك راكب مع أسوار فسيارة من نوع غاز تايجر حربية فالكحل و البيض و أديب راكب فسيارة رينو فالكحل ... واقفين مستفين وحدة من مور وحدة .. مشا أبراهام ركب حدا أديب و خلاها واقفة فبلاصتها كاتشوف فين غاتركب هي
أرسلان : ناويا تبقاي تما؟!
إيفا : فين غانركب؟؟ كلشي عامر ... طل عليها اديب من شرجم ديال لوطو
أديب : إيفا دوزي ركبي حدايا ايلا بغيتي
أبراهام : و انا فين ناوي تحطني؟ فالكوفر؟؟ لوطو ديالي هادي ... شاف فيه أرسلان بملامح خالية من التعابير و عاود شاف فإيفا
أرسلان : ( حل لها الباب من الداخل ) طلعي ... بقات كاتشوف فالطوموبيلات لاخرين لعل و عسى تلقا شي بلاصة فيهم ولكن كان باين بلي فكل لوطو كايركبو 2 و هي ماحاملاش تركب مع أرسلان و خصوصا من مور هادشي لي ولا كايوقع مؤخرا بيناتهم و هي عمرها خلات شي حد يقرب لها و لو حتى بشبر داكشي لاش كانت قررات تبقا تتفادا تكون معاه فبلاصة وحدة حيت عارفا راسها هاد المرة لاوقعات شي حاجة موحال تسكت
أرسلان : غا نبقا كانتسناك؟ طلعي
إيفا : واخا ... مشات لجهة لوطو ديالو و طلعات بدا كايشوف فيها من الفوق لتحت و ضور وجهو لجهة شرجم ضحك بإستهزاء
أرسلان : على السلامة
إيفا : فين غانمشيو؟؟ ... ماجاوبهاش و ما هي الا ثواني حتى كسيرا و خلا غير العجاج موراه تبعاتو لوطو ديال أسوار و موراها لوطو ديال أبراهام لي كان جالس فجنبو أديب بقاو غاديين بتنظيم واحد مور واحد اما عند ايفا غير شافتو مكسيري بديك السرعة دارت سمطة حيت عمرها جربات تركب معاه و هو سايق بهاد سرعة بحال إكس يدخلهم فشي حيط شكون عرف .. شافها دارت سمطة و نطق بلا مايشوف فيها
أرسلان : كاتخافي زعما
إيفا : ماشي كانخاف من السرعة ا سي أرسلان غير الإحتياط واجب ماعرفنا اش يقدر يطرا
أرسلان : ماتايقاش فيا!!
إيفا : حاشا تايقة فيك ولكن فبحال هاد الأمور من الأحسن بنادم ياخذ الإحتياط
أرسلان : قلتي لي ماعندكش نقاط ضعف ياك؟
إيفا : ( بثقة ) وي سي أرسلان و هادشي علاش انا هنا باش تتأكد بلي ماعنديش نقاط ضعف
أرسلان : ( بإبتسامة جانبية ) ولكن بان ليا العكس قادر نحس بخوفك من الموت فهاد اللحظة .. خايفا تموتي!!
إيفا : بطبيعة الحال ماخايفاش كاينا موتة وحدة داكشي لاش ماعنديش علاش نخاف
أرسلان : الهضرة ماكافياش
إيفا : ولكن البلاصة لي غانمشيو لها دابا اكيد غاتكون كافية باش تعرف بلي ماكانخافش من الموت
أرسلان : الموت وحدة من نقاط ضعفك ايلا قدرتي توريني بلي ماكاتخافيش منها هادشي ماكايعنيش بلي ماعندكش نقاط الضعف
إيفا : و لاكان هادشي بصح شنو المغزى من هاد المشية ديالنا ا سي ارسلان
أرسلان : ( ببرود ) مليت و بغيت نبدل الجو ...



البارت 128 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚


تقطع الحس و ولا كايتسمع غير صوت ضجيج روايض ديال طوموبيل و بعد نص ساعة ديال طريق و اخيرا وصلو للمكان المقصود تحت واحد الجسر كبير كانت ديك جهة مافيهاش حس طوموبيلات حيت بكل بساطة المواصلات كاينين فوق الجسر ماشي من تحتو حس بنادم ماكاينش ، طريق خاوية و باين بلي هنا كايكونو غير شماكريا و الرسوم لي على الحيوط كافيين باش يخليوك تعرف ... تحلو البيبان و خرجو كلهم من السيارات ... لقاو قدامهم 10 سيارات من نوع رونو فالكحل خرجو كل سيارة خرج منها 2 اشخاص صحاااح و باينا من لباسهم من الكاردكور ايفا مافهمات والو فهادشي
أرسلان : كلشي واجد؟
أبراهام : وي ميستر أرسلان ها هما قدامك
أرسلان : و سلاح؟! ... عطاهم أبراهام الإشارة مشاو جابو فاليزات فيهم فرادا كايتهزو باليد اشكال و انواع و العمارة ديالهم ، ستفوهم فوق طوموبيلات باش يشوفهم أرسلان كتافا غير بيضرب طليلة عليهم
أبراهام : كلشي واجد ا ميستر أرسلان
أرسلان : إيفا قربي لهنا ... مشات لجهتو بخطوات ثقيلة علم الله اش بغاها دير
إيفا : هاني ا سي أرسلان
أرسلان : غانعطيك الحق تختاري نتي اللولة
إيفا : مافهمتش!! شنو غانختار؟؟
أرسلان : السلاح لي غاترتاحي فيه
إيفا : واش كاين شي تدريب ديال التصويب ا سي ارسلان؟
أرسلان : قريب غاتعرفي
إيفا : همم واخا ... بدات كاضور عليهم واحد بواحد حتى واحد ماعمر لها العين و خصوصا هي مزال ماعرفات علاش غاتحتاجهم يعني خاص تختار 2 يكونو مناسبين بان لها واحد عجبها الشكل ديالو
إيفا : بغيت هادا
أرسلان : عارفة النوع ديالو و شحال كايهز من قرطاسة ولا لا؟
إيفا : عاقلة عليه ا سي أرسلان حيت فايت دربتيني باش نهزو هو من نوع اس اي جي بي 250 ايلا ماخفت نكدب
أرسلان : ذاكرتك قوية ولكن إختيارك خايب
إيفا : علاش؟
أرسلان : كون كنت فبلاصتك غانختار نوع اتش كي مارك هو لي يصلاح لك فهاد الوقت
إيفا : ولكن تقيل شوية ا سي ارسلان
أرسلان : كايصوب بدقة و يقدر يهز لك 18 رصاصة .. تقدري تندمي من دابا نص ساعة ايلا ماختاريتيهش ... بقات كاتشوف فالسلاح مدة و ضوراتها فراسها
إيفا : موافقة بغيت اتش كي مارك و بغيت حتى هادا
أرسلان : همم والتر P99 و قادا عليه!!
إيفا : قادة
أرسلان : هزيهم
أديب : غايعجبك الحال بزاف انا متأكد ... شاف فيه أرسلان بنظرات غير مفسرة و عاود شاف جهة سلاح كايختار واحد ليه ... كان أسوار واقف بعيد عليهم و كايشوف هاد تخربيق لي واقع دابا مع إيفا و أرسلان هاد تغيير الكبييير لي مازال مالقاش ليه جواب و اي واحد كايسولو ماكايبغيش يجاوبو حتى قاطعو أديب من تفكيرو
أديب : أسوار واش ماغاتختارش سلاح؟؟
أسوار : وي هاني جاي ... ختارو كلهم الأسلحة لي بغاو و هزو حتى العمارات ديالهم
أديب : حظ موفق إيفا
إيفا : ميرسي ولكن ماكانحتاجش للحظ
أديب : تقدري تحتاجيه هاد المرة
إيفا : ماكانظنش
أرسلان : ستعدو ... هضر مع مالك وصاه على شي حاجة ترسمات على شفايفو نفس الابتسامة الغريبة عاد مشا ركب فلوطو
أرسلان : ستعدي
إيفا : مستعدة ... مع كملاتها كسيرا بأقصى سرعة حتى تسمع صوت احتكاك روايض فالأرض و تبعوه حتى أسوار و أبراهام لي كانو هما لي سايقين شوية تبعوهم دوك ل10 طوموبيلات
إيفا : سباق؟؟ ولكن اش غانستفاد انا منو؟؟ ... قبل ماتكملها تسمع صوت الطلقات النارية من جميع جوايه
أرسلان : ( بإبتسامة جانبية ) تزوري الموت و ترجعي ... خرجات راسها من شرجم بزربة باش طل لقات دوك رجال كايضربو بالقرطاس جهة لوطو ديال ارسلان و اسوار و أبراهام و عاودات دخلات راسها
إيفا : ( بصدمة ) هادو راه كايضربو لجهتنا ياك هادو رجالك؟؟؟
أرسلان : كانو ولكن فهاد الساعة مابقاوش ... يتبع

 

البارت 129 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚



إيفا : كيفاش دابا؟؟؟ واش باغيين يقتلونا؟؟؟
أرسلان : ( ميل راسو شوية و صغر عينيه ) ماڭلتش لك غاتموتي ڭلت لك غاتزوري الموت و ترجعي ... عاودات خرجات راسها من شرجم لقاتها نايضة قرطاس و عاودات دخلاتو بزربة
إيفا : غانبقاو هاكا؟؟؟ راه تقدر تجي فينا شي وحدة
أرسلان : هادا كايبقا شغلك ... بقات كاتشوف فالبرودة ديالو مافهمات والو شنو زعما واش تقلبو عليهم؟؟؟ ولا هادي خيانة ليهم؟؟ ... قررات تتصرف راسها عمرات سلاح و خرجات راسها من شرجم بدات كاتيري فدوك طوموبيلات الكوحل لي تابعينهم و كاتتخبع لاقيا صعووبة باش تيري و خصوصا ان أرسلان ماشادش طريق مستقيمة بل كايعواج بطوموبيل باش يتفادا تتضرب شي قرطاسة فروايض و تتقلب بيهم لوطو ولا مشات حتى تقلبات بيهم و هو سايق بهاد السرعة موحال ينجاو .. تسالا لها القرطاس و عاودات دخلات راسها جبدات الفردي الثاني لي كان نصحها فيه أرسلان
أرسلان : ( بإبتسامة جانبية ) بان ليا خسرتي القرطاس فالخوا الخاوي
إيفا : سي أرسلان كي غاندير نجيب القرطاسة فالبلاصة لي بغيت و نتا ما شادش طريق نيشان ... شاف فيها بشي شوفات ماكايدلوش على الخير و ماجاوبهاش كمل سوڭان بيد و اليد الثانية هز بيها الميكرو لصقو فودنيه
أرسلان : دير داكشي لي ڭلت لك
مالك : حاضر ميستر أرسلان ... كمل سوڭان و خلا ريماس حتى خرجات راسها من شرجم و وقف لوطو بلا مايقلل السرعة حتى تسمع احتاك روايض و بسبب هادشي كانت إيفا غاتخرج من شرجم كون ما شدهاش من دراعها .. تلاحت فالكرسي لي كانت جالسة عليه
أرسلان : المرة جاية جاوبي بإحترام هاد المرة شديتك ولكن المرة جاية ماكانضمنش لك
إيفا : شنو درت؟؟؟؟؟ ماجاوبهاش شوية كتر القرطاس فجهة لوطو ديالهم و تحاصرو من القدام شاف فإيفا
أرسلان : شدي راسك
إيفا : علاش؟ .. مع كملاتها كانت غاتخرج من زجاج القدامي ديال اللوطو ... بقا راجع مارشاريان و غادي بأقصى سرعة
أرسلان : هزي سلاحك و تيري فروايض
إيفا : ( بغضب ) واخا
أرسلان : غانعاود نقولك تيري فلوطو ولا روايض ماتيريش فبنادم لي فلوطو فهمتيني؟
إيفا : فهمت ... هزات سلاح و دارت ليه العمارة ديالو شوية عاوتاني وقف لوطو و عاود كسيرا ولكن هاد المرة كان غادي نيشان فطريق .. خرجات راسها من شرجم و بقات كاتيري فروايض ديال طوموبيلات و لوطو لي ضرباتها كاتنحارف على طريق ضربات 3 ديال سيارات كوحل شوية كايبان لها أبراهام مخرج راسو من اللوطو و كايضرب فجهة لوطو ديالهم كانت باغا دخل تسول أرسلان شوية ضربات لها طن فراسها هادي هي الفرصة لي تنتاقم من أبراهام على هاد الغرور و تكبر ديالو صافي غير حيت هو اليد اليمنى ديال أرسلان زعما راه مانعرفت شنو تفكرات فاش كان هو لي مراقب المعسكر قبل ما يجي أرسلان و كي كان كايعيب خدمتها
إيفا : ( بإبتسامة شر ) وي سي أرسلان قاليا مانتيري فحد ولكن مافيها باس نلعبو شوية ضربة فالكتف ما دات ما جابت مزيانا نيت باش يغبر عليا كمارتو شي يامات ... جهزات سلاح و وجهاتو لجهة أبراهام غمضات عين و بقات عين محلولة و ما هي الا لحظات حتى كانت قرطاستها ختارقات كتفو جابتها فيه نيشان ... شوية كاتبان لها لوطو ديالو حتى هي نحارفات على طريق بحال طوموبيلات لي ضرباتهم و نحارفو و وقفو ... دارت راسها بحالا مادارت والو و كملات شنو كانت كادير و هي راشقا لها بقات كاتيري فروايض و هاد المرة بكل دقة .. بداو كاينحارفو وحدة مور وحدة حتى بقات غير لوطو ديالهم عاد دخلات لداخل و كايرجع لفضل لأرسلان لي كانت سياقتو خطييرة ماخلاش الفرصة لاخرين يضربو لوطو بالقرطاس و كايرجع الفضل لإيفا لي بقات كاتحيدهم وحدة بوحدة بالرغم من صعوبات القرطاس غير كايتشاير و زيد عليها سياقة أرسلان الجنونية كان ممكن تصدق خارجة من شرجم بسبابها
إيفا : ( راشقة لها ) مابقات حتى وحدة
أرسلان : مزيان
إيفا : فنفسها ( هادشي كامل لي درت و روحي لي كانت غاتزهق و فاللخر يقوليا مزيان ) ... تمحات ضحكتها حيت ماقدرش مجهودها ، رجع مارشاريان و كمل طريقو لنقطة البداية تحت الجسر عاد وقف تما ... كان سكاات و حس دبانة ماكايزنزن دازت 15 دقيقة و حتى واحد فيهم ماكايهضر .. هو حاط يديه على شرجم و كايشوف على برا و هي كاتعمر دوك الفرادا و كاتعاود تخويهم بقوة الملل ولكن هاد سكات مادامش حيت كسرو أرسلان بسؤالو لي صدمها
أرسلان : علاش تيريتي فيه!!
إيفا : ( بصدمة ) فيمن تيريت؟؟؟
أرسلان : أبراهام ... بقات كاتشوف فيه مستغربة كيفاش عرف ياك هو كان ملهي بالسياقة و زيد عليها كان القرطاس غير مشتت كيفاش حتى عرفها تيرات فيه احسن حاجة لقاتها هي نكران ثم النكران
إيفا : انا تيريت فيه؟؟؟ ايمتا تيريت فيه؟؟؟ ... ضار لجهتها و بدا كايشوف فعينيها
أرسلان : نعتابر هادشي كدوب فوجهي؟!
إيفا : ولكن انا ماكدبتش ا سي أرسلان
أرسلان : بان ليا ماسمعيتينيش مزيان فاش هضرت معاك ماضربي حد ياك؟ وتروها نظراتو حيت كانو كايدلو بلي هو متأكد هي تيرات فأبراهام
إيفا : فنفسها ( إيفا تبتي ) احم يسحابلي دار إنقلاب عليك داكشي لاش بغيت نربيه ... يتبع

 

البارت 130 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚



أرسلان : ماناوياش تحبسي من هاد الكدوب ديالك!!
إيفا : وا راه بصح ا سي أرسلان كنت باغا نسولك واش نتيري فيه ولكن قلت ننقذ الوضع قبل مايضرب لينا روايض ... رجع ڭلس فبلاصتو شوية تسمعو صوت طوموبيلات جايين مكسيريين شافتهم من زجاج القدامي ديال لوطو بداو كايبانو وحدة من مور وحدة اول وحدة كانت ديال أسوار و تبعاتو ديال أبراهام و عاد موراهم دوك ل10 ديال طوموبيلات الكوحل غير شافتهم بدات كاتعمر سلاحها بزربة
أرسلان : ( هاز حاجب ) اش كاديري؟!
إيفا : كانوجد راسي ا سي ارسلان بانو ليا مزال ماستسلمو ... بدا كايشوف فيها مدة شوية و حرك راسو بمعنى الله يستر
أرسلان : حطي سلاح من يديك ماغاتحتاجيهش
إيفا : ولكن ا سي ارسلان
أرسلان : إيفا يا إيفا مابغيتيش تفهمي بلي ماكانحملش لي كايناقشني!!
إيفا : كانعتاذر ... تستفو طوموبيلات قدام لوطو ديال أرسلان ... كلشي خرج من طوموبيل كان كلشي حاضر و خارج كايضحك
أسوار : ( كايضحك ) من زماان ما بقينا درناها
أرسلان : ( متكي على لوطو ) بغيت نرجع أيام الخوالي
إيفا : بلاتي مابقيت فاهمة والو واش رجالك ماشي غدروك؟؟ داكشي لاش درنا هادشي كامل ... بقاو كايشوفو فيها مدة و بدون سابق انذار تفرشخو عليها بالضحك كلهم بالدموووع
مالك : هههههههههه اش قلتي؟؟؟؟ إنقلاب؟ لا بزااااف
ايفا : و علاش هاد القرطاس كامل و هادشي كامل؟.؟
أبراهام : ( بحقد ) ماشي مشكيل نشرح لييك انا اش كاين هادا ا أنسة إيفا سباااق ماشي بحال كاع السباقات العاديين حنا عندنا سباق خااص بينا " سباق دموي " منو سباق و تحدي و منو تدريب الفااهمة ولكن هاد المرة كان تغيير حيت ميستر أرسلان أمرنا باش مانتيريوش فالمشاركين فهاد السباق على خلاف السباق الإعتيادي ديالنا و هادوك لي كاتشوفيهم و كايسحابلك دارو إنقلاب كانو مشاركين معانا بصفة المهاجم
مالك : تقدري تقولي هادي لعبة كايبغي ميستر أرسلان و ميستر أسوار يدوزو بيها الوقت ... قرب لودنيها شوية و نطق
أرسلان : ( بهمس ) ماكايجيش معاك دور الغبية خليك فطبيعتك
إيفا : مافهمتش .. شنو كاتقصد ا سي أرسلان؟
أرسلان : باغا تثبتي لي بلي ماكنتيش عارفاها لعبة؟
إيفا : الصمت
أرسلان : بلا ماتبداي دوخي عليا راني عارفك تيريتي فيه عن قصد ... بعد عليها و رجع لبلاصتو ... بقا كايشوف فيها أسوار و قلبو محروق عليها كايشوفها كيفاش كاتهضر مع كلشي و دايرا راسها ماعاقلاش عليه كيفاش ولات كاتهضر مع أرسلان و هو ماقادر يدير والو و مافاهم والو ولكن حالف حتى يعرف اش وقع
أبراهام : فهمتي دابا؟؟؟؟
أسوار : أبراهام باين ليا هاد المرة القرطاسة جات فيك
أبراهام : ( كايشوف فإيفا بحقد ) هادا لي تيرا فيا يا عور يا ماكايعرفش يتيري يا متقصد يديرها
إيفا : ( بضحكة صفرا ) غاتكون جات فيك غير بالغلط و صافي تكبر و تنسا
أسوار : بلاتي فين أديب مابانش ليا؟؟؟
أبراهام : ماكنتش باغي نعلمكم دابا ولكن للأسف ماشي غير انا لي تضربت
أسوار : اش كاتقصد؟؟؟؟
أبراهام : ماعرفتش كيفاش ولكن أديب فاش كان كايتيري جاتو قرطاسة فالقلب ... حول نظراتو لمالك و مالك حول نظراتو لأرسلان لي ماكانش مسوق
أسوار : كيفاش وقع هادشي؟؟؟؟؟؟؟
أبراهام : ماعرفتش ولكن الظاهر ان القرطاسة جات فيه بالغلط و للأسف ماقدرش ينجى منها ... مشا أسوار كايجري اللوطو ديال أبراهام لقا أديب اللور غارق فدمو قاس النبض ديالو لقاه متوقف خرج صاعر من تما فإتجاههم
أسوار : علاش ماقلتيهاش؟؟؟؟؟؟؟ كنا غانقدرو ننقدووه فالوقت المناسب
أرسلان : مشا الحال كانظن هادا هو الوقت لي نرجعو فيه للمعسكر
أسوار : و اديب؟؟؟؟
أرسلان : ( ببرود ) ماشي هو أول واحد ولا أخر واحد غايوقع لو هادشي فبحال هاد النوع ديال السباقات ... بقا أسوار كايشوف فأرسلان مدة بحالا كايتأكد واش فعلا هاد القسوة مجموعة فشخص واحد و لي هو خوه ما شبه لا لباه لا لمو ... مشا ركب فاللوطو ديالو و ديمارا بلا مايتسناهم هضر ابراهام مع رجال أرسلان
أبراهام : جمعو سلاح و رجعوه لبلاصتو ... مشاو كايجمعو الفرادا رجعوهم لفاليزات
مالك : ميستر أرسلان واش ندفنو؟
أرسلان : لوحو ولا شوف فين ديرو ... عطا إشارة لرجالو باش يمشيو و عاود ركب فلوطو و حداه ريماس كسيرا ديريكت للمعسكر ... بقات ريماس غير كاتشوف فهادشي لي وقع هاد نهار هي متأكدة بلي هو لي عطا الأمر باش يتقتل أديب .. مابقاش فيها نهائيا ...

 

البارت 131 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚



أبراهام : ميستر أرسلان لي أمرك باش تقتلو ياك؟
مالك : وي قبل السباق
أبراهام : كنت عارفها حيت عمرك غلطتي فتصويب ولكن واخا هكاك كان عندي واحد الشك صغير
مالك : داكشي لاش بغيتي تغطي عليا؟
أبراهام : ايوا الأصدقاء وقت الضيق
مالك : دابا حنا عارفين سي أرسلان دغيا كايكتاشف الكذب نفتارضو كنت فعلا غلطت فتصويب و كدبتي و عاق بيك
أبراهام : ( كايضحك ) ديك الساعة غادي نشركك معايا حتى لاكنت غانموت نمشيو انا وياك ولكن مافهمتش واحد الحاجة
مالك : علاش سي أرسلان قاليا نقتلو؟
أبراهام : تماما
مالك : بحالي بحالك ولكن باينا دار شي حاجة ماشي هي هاديك
أبراهام : سي أسوار مقلق بزاف
مالك : بطبيعة الحال غايتقلق ماتنساش اديب كان الصديق المقرب ديالو فالمعسكر
أبراهام : ايوا شوف هو شنو دار ماكانظنش سي أرسلان غادي يأمر باش تقتلو من دون سبب
مالك : كان عليه يفكر فعواقب اش كايدير
ابراهام : ( بنظرة شك ) كايبان لي عارف شنو دار و مابغيتيش تقوليا
مالك : من نيتك؟ علاش فين عمر ميستر أرسلان عطانا مبررات على شنو قرر ولا شنو كايدير نوض اولدي شفتك وليتي غير كادبز ديك ضربة بانت ليا أثرات عليك اجي بعدا عاود لي كي وقع لك
أبراهام : ( بحقد ) ماتفكرنيش
مالك : مايبقاش فيك الحال هههههه هاديك حاجة عادية فبحال هاد السباقات عادي شحال من مرة تضربنا
أبراهام : كون ماكانتش من جهة ميستر أرسلان كون خويت فيها الفردي بدون تردد
مالك : نووو ماتقولياش إيفا؟؟؟
أبراهام : و شكوون من غيرها انا متأكد كانت متقصدة ديرها
مالك : هههههه ماعطلاتكش جاتها الفرصة ترد لك الصرف و رداتو
أبراهام : ااااخ باغي غير شي نهار ميستر أرسلان يوصيني عليها بالرب مانرحمها
مالك : بان ليا موحاال يجي هاد نهار
أبراهام : كلشي ممكن ماعليا غير نتسنا
مالك : حتى ايلا جا كون متأكد غايتكلف بيها بنفسو
أبراهام : قلب عليا غير كاتزيد طيح عليا الضيم ... بقاو مكملين حديثهم حتى وصلو للمعسكر كان ضلام و غير الإنارة ديال المعسكر هي لي مضوي الساحة .. لقاو أسوار سبقهم بلاصا أرسلان لوطو و بقا فيها بينما أبراهام و مالك كانو لحقو عليه خرجو من لوطو و بقاو كايتسناوه يخرج حتى عطاهم إشارة باش يمشيو عاد مشاو
إيفا : ليلة سعيدة ا سي أرسلان ... جات تهبط ولكن منعاتها يديه
أرسلان : قلت لك هبطي؟
إيفا : ( بإستغراب ) نعام؟
أرسلان : هضرتي لي مادرتيش بيها عنداك يسحابلك غادوز لك هاكاك
إيفا : ولكن ا ميستر أرسلان انا درت هادشي غير حيت يسحابلي
أرسلان : ( بإبتسامة جانبية ) على حد علمي إيفا ماكاتخافش ولكن بان ليا دابا العكس ، نعتابر هادشي تهرب من العقاب؟
إيفا : ( عقدات حجبانها ) ماكانخافش و ماعنديش علاش نتهرب ا سي أرسلان ولا شفتيني غلطت اوك تقدر تعاقبني بالعقاب لي بغيتي و غانتحمل عواقب الفعلة ديالي
أرسلان : هاد الهضرة ماغاتشفعش لك .. غدا وجدي راسك
إيفا : لاياش؟؟؟
أرسلان : ( ببرود ) غاتتحيد لك شارة القائد و مرحبا بيك فرتبة الجندية مرا خرا
إيفا : ( بصدمة ) كيفاش؟؟؟؟ انا غانرجع جندية؟؟؟؟ و تدريبات لي مجهزة للجنود؟؟؟؟ الحرب لي مابقا لها والو و نقاط ضعفهم لي باقي خاصني نحيدهم؟؟؟؟
أرسلان : هادشي كان عليك تفكري فيه قبل ماديري لي فراسك .. بقات كاتشوف فيه مصدومة
إيفا : ( بعصبية ) انا غانرجع لرتبة جندية؟؟؟؟؟ و غانتدرب مع دوك الجنود المبتدئين؟؟؟؟ انا لي 5 سنييين و انا تحت تدريب غايدربني قائد مبتدأ و غانكون بحالي بحال دووك الجنود؟؟؟؟
أرسلان : ( بملامح خالية من اي تعبير ) إيفا
إيفا : اشمن إيفا؟؟؟ واش هادشي كااامل غير حيت ضربتو لكتفو؟؟؟؟ و هو فاش كان كايبغي يحكر عليا فاش كان كايراقب المعسكر علاش ماهضرتيش فيه؟؟؟؟ ولا حيت هو ... قبل ماتكملها لقات الفردي وسط عينيها
أرسلان : زيدي كلمة خرا لاسخيتي بروحك ... بقات كاتشوف فالفردي لي فجبهتها و كاتشوف فأرسلان لي ماباينش عليه كايضحك بيان سيغ فبحال هاد الأمور ماغايضحكش و يبقى السؤال المطروح علاش لي باقي صابر لفعايلها تال هاد المدة؟ واقيلا صبرو طويل ياك؟ ولكن انا ذكرت فاللول بلي صبرو قليييل بزاف ولا نقولو ماعندوش الصبر و ماكايعرفش شي حاجة سميتها الصبر
إيفا : باغي تقتلني ا سي أرسلان؟ انا لي تدربت تحت يديك 5 سنين باغي تقتلني على ود غلط بسيط بحال هادا اوك انا مستاعدة قتلني .. قتلني و ماتعاقبنيش بأنني نتدرب مع جنود مستواهم قل من المستوى ديالي و يدربني قائد مستواه دنيئ قتلنيي ...

 

البارت 132 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚



و ماتعاقبنيش بأنني نتدرب مع جنود مستواهم قل من المستوى ديالي و يدربني قائد مستواه دنيئ قتلنيي
أرسلان : سمعتيني ڭلت غايكون تدريبك تحت يد شي حد اخر؟! تدريبك انا لي غانشرف عليه باش نكون حريص على بحال هاد الأغلاط مايتعاودوش مرة خرا
إيفا : الصمت
أرسلان : غدا نلقاك مع 4:00 لتحت فالساحة
إيفا : ( قلبات وجهها ) واخا
أرسلان : نسيتي شي حاجة؟
إيفا : ا سي أرسلان ... حيد سلاح رجعو لبلاصتو و هو كايشوف هاد الغرور و قصوحية راس لي مزال فيها واخا تفورماطات طبيعتها هي طبيعتها
أرسلان : هبطي .. هبطات بلا اي كلمة ساخطة على الوضعية
إيفا : الحقير لاخر كلشي بسباااابو كون ماكانش كايجبدني كاع مانفكر نتيري فيه تفوووو .. مشات فإتجاه مكتبها نيشان مابقات عندها لا كانة للعشا لا للهضرة
♚ أبراهام : ميستر أرسلان الإجتماع كاين غدا و سيادتكم مزال ماقررتو شكون تسيفطوه باش يمثل عائلة روتشيلد
مالك : سي أصلان عاود صونا هادي 5 دقايق حيت لقا طيلي ديالك طافي و عاود سولنا شكون غاتسيفطوه للإجتماع
أرسلان : لي غانسيفطوه راه واضح
أبراهام : شكون ا ميستر أرسلان؟
أرسلان : الممثل ديال العائلة
مالك : " پول واربورغ؟ paul warburg "
أرسلان : أبراهام تكلف ... مشا من تما و خلاهم
مالك : العجب علاش ميستر أرسلان مابغاش يحضر لإجتماع بنفسو و قرر يخلي داك شارف هو لي يمثل عائلة روتشيلد
أبراهام : و شنو بغيتي؟ يمشي هو بنفسو يحضر فإجتماع حاضرين فيه غير ممثلين العائلات؟ هادي بحد ذاتها غادي تقلل من قيمة عائلة روتشيلد داكشي لاش قرر يسيفط ممثل واحد و مادام هو سيفط غير واحد يعني تايق فيه
مالك : علاش العائلات لاخرين شحال مسيفطين؟؟
أبراهام : " عائلة روكفييلير " سيفطو 2 ممثلين لي غايمثلوهم فالإجتماع " نيلسون أدريش " و " فرانك ڤانديرليب " و بالنسبة " لمؤسسة مورغان " غادي يسيفطو 3 ديال الممثلين " هينري داڤيدسون " و " شارلي نورتون " و " بينجامين سترونتيوم "
مالك : مسيفطين غير الشارف لخوه
أبراهام : واخا شارفين ماتستاخفش بيهم هادوك راهم الممثلين الرسميين ديالهم بحال الممثل ديال عائلة روتشيلد ماتنساش حتى هو راه الممثل الرسمي ديالهم داكشي لاش هو لي غايمتلهم فهاد الإجتماع
مالك : باينا اجتماع مهم بزااف
أبراهام : مهم بزاف كتر مما كاتصور و خصوصا لمستقبل هاد العائلات ب3 داكشي لاش ميستر أرسلان غايكون مع تواصل مع واربورغ باش يعرف تفاصيل الإجتماع
♚ جالس فالجلسة فسطح المعسكر لي كانو جهزوها ليه قبل مايجي كاتتكون من 2 فوطويات واحد جالس فيه هو و واحد قدامو جالس فيه أسوار و وسطهم طبيلة صغيرة فوقها قراعي ديال الشراب الفاخر .. كايلعب بالكاس ديالو و كايسمع لأسئلة خوه لي ماكايتقاضاوش من علاش علاش علاش و كيفاش و ايمتا و فين.. الخ
أسوار : علاش ماغاتمشيش تحضر للإجتماع؟ ماموالفش ليك تفلت بحال هاد الإجتماعات
أرسلان : غانسيفط واربورغ يمثلنا و تفاصيل الإجتماع غايدوزو من تحت عيني
أسوار : منين ماتايقش فيهم علاش غاتتافق معاهم فشي حاجة كبيرة و مهمة بحال هادي؟
أرسلان : حيت غادي نحتاجوهم
أسوار : انا راه لحد الساعة مافاهمش اش باغي تصنع نتا و جدي واش مقدر المشاكل لي يقدرو يجيونا من هادشي ولا لا؟؟ راه هادشي كايتسما خيانة ل3 اعضاء مهمين من عائلات ماسونية و زيادة على هادشي راه عندهم مكانات حتى هما فالمجتمع هادشي غايجبد لينا مشاكل بزاااف ... قرب لعندو أرسلان و شاف ليه فعينيه
أرسلان : فنظرك انا غاندير مخاطرة بحال هادي بلا مانكون ضارب الحساب لكلشي؟
أسوار : و شنو ناوي دير؟؟ ... رجع أرسلان لبلاصتو تكا بضهرو على الفوطوي و طلق يديه من فوقو
أرسلان : ( ببرود ) ماشي شي حاجة كبيرة غادي نبنيو سفينة كبيرة و مغرية ماكاينش بحالها و لي بطبيعة الحال غادي تاخد لينا شوية ديال الوقت ولكن هادشي ماكايهمش حيت كاتهمني النتيجة ديال هادشي و من مور مانساليو منها غادي نخليو شركة " وايت ستار نايت لشركة السفن " ديال مؤسسة " جي بي مورغان " دير ليها ترويج بسمية السفينة لي مستحيل تغرق
أسوار : ايوا و شنو الفائدة من هادشي؟؟ ...

 

البارت 133 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚



أرسلان : الفائدة هي من مور ماغاتكون واجدة غادي يتكلف " جي بي مورغان " بالدعوة ديال دوك 3 لي تعقد هاد الإجتماع عليهم و لي غادي نبنيو اكبر سفينة على ودهم غايسيفط لهم دعوة لأول رحلة فيها .. و بطبيعة الحال ماغايرفضوش بحال هاد العرض المغري و خصوصا انه غايقنعهم بلي هو بنفسو غايمشي فيها هادشي ماغاديش يخلي ليهم الشك
أسوار : بلاتي بلاتي ماتقولياش ناوي تغرقهم فيها؟؟؟
أرسلان : كايعجبني ذكائك لي كايفيق مرة مرة
أسوار : و ناس لي غايكونو راكبين فيها؟؟؟؟؟ و الأرواح لي غايمشيو؟؟؟
أرسلان : ( بعدم إهتمام ) ماضربتهمش على يديهم باش يركبو فيها
أسوار : واش عارف اش كاتقول ولا لا؟؟؟؟ راه هادشي ماشي اللعب راه قضية مئات الأرواح غاتمشي غير حيت باغي تقتل 3 ديال ناس علاش هادشي كامل؟؟؟؟ و نتا قادر تقتلهم بلا هاد المعمعة كاملة؟؟
أرسلان : كاتعجبني الإثارة و منها نيت يبانو ماتو موتة طبيعية
أسوار : و كي غاتكون هاد الموتة الطبيعة؟؟؟ كي غادير تغرق سفينة بهاد الوصف لي عطيتيني؟
أرسلان : قنبلة وحدة فالسفينة كافية و وافية
أسوار : و نسيتي فاش غادي يبدا تقلاب فهاد القضية؟؟؟؟ كيفاش غرقات السفينة وعلاش غرقات؟؟؟؟ نسيتي بلي هاد 3 ديال ناس لي ناوي تقتلهم ماشي ناس عاديين؟؟؟ واش عارف شكون باغي تقتل ولا راك غير هاضر؟؟؟ راك غاتقتل
" بنجامين جوجنهايم " ... " إيزيدور اشتراوس " ... " جون جاكوب اسطور " واش سهلتيهم؟؟؟؟ عند بالك موتهم غادي دوز بهاد السهولة؟؟؟ ماتنساش بلي عندهم مكاانة اجتماعية هاد الأفكار ديالك غادي يخليو الشبوهات يتوجهو لينا حنا وي فهمناااا حتى واحد مايقدر يهضر معانا ولا يحاسبنا ولكن سمعتنا؟؟؟؟ واش فنظرك ولادهم غادي يسكتو؟؟؟ راه غاتبااان بلي السفينة غرقات بسبب قنبلة مافكرتيش فهادي؟؟؟
أرسلان : ( دار راسو كايفكر ) جبل جليدي كافي باش يقنعهم بلي السفينة دخلات فيه و هادشي لي تسبب فأنها غرقات و بيان سيغ القوارب ديال النجاة غايكونو ماكافيينش ( رجع راسو اللور ) اااه شكون بحالهم غايموتو موتة كلاسيكية ... بقا مصدوم فخوه
أسوار : ( بصدمة ) نتا موحال تكون بنادم ناوي تقتل المئااات على ود حاجة بحال هادي؟؟؟؟
أرسلان : ( بدون مبالاة ) غانعطيك الحق تقتارح شي سمية تناسبها
أسوار : واش كاتسمعني ولا لا؟؟؟؟
أرسلان : اش بان لك فسمية تيتان؟ همم بانت لي مزيانة
أسوار : كيفاش؟ دابا نتا ناوي تطبق داكشي لي قريتيه فالكتاب ديال " العبث"؟؟؟؟؟هاديك راه افكار جنووونية
أرسلان : كانهنئ الكاتب ديال داك الكتاب على هاد الأفكار
أسوار : أرسلان راني داوي معاااك
أرسلان : مابقاتش عاجباني سمية تيتان اش بان لك " فسمية تيتانيك" ؟ همم غاتناسبها
أسوار : فكر غير فردة الفعل ديال ولد " جون جاكوب اسطور " يقدر يبقا كايقلب فهاد الموضوع بزااف ... شاف فيه أرسلان و بدون سابق إنذار طلق ضحكة بصوت عالي صدمات أسوار واش هو كايهضر معاه و لاخر كايضحك من نيتو عاود حبسها
أرسلان : واش فنظرك ولدو فاش غايشوف الثروة لي خلا ليه باه و هو باقي عاد فسن العشرين عاد باقي غايسول كيفاش مات و شكون قتلو!!
أسوار : و شنو ناوي دير من مور هادشي؟؟ غاتكمل مخططاتك نتا و جدي و دوك خياتنا لي غايتعقد معاهم اجتماع على حساب ارواح الناس؟؟؟
أرسلان : عادي غادي نكملو داكشي لي بدينا فإنشاء النظام العالمي جديد " الإحتياط الفيديرالي الأمريكي "
أسوار : كاتقصد " البنك المركزي" ؟
أرسلان : نفس الشيئ حيت من مور ماغايموتو دوك 3 لي كانو معارضين هادشي ماغاتبقا حتى حاجة مانعانا
أسوار : مابقيتش كانعرفك تبدلتي بزاف
أرسلان : نقص شوية من دراما ديالك نصيحة ليك حيت ماصالحاش ليك
أسوار : لاكانت دراما هي انني مانتقبلش يمشيو مئات الأرواح ضحية لهاد المخطط الخبيث ديالك وي غانعتابرها دراما ولكن نبغي نعلمك بحاجة وحدة انا ماغاندخلش فهادشي لا من قريب لا من بعيد
أرسلان : و شكون قالك انا محتاجك تتدخل؟! خليك غير بعيد على هادشي و ماديرش شي تصرف غبي
أسوار : ليلة سعيدة ... ناض من تما و خلا أرسلان مستمتع بمنظر النجوم ... يتبع
و هادي هي المعلومة لي كنت باغاكم تعرفوها سفينة التيتانيك عمرها كانت فكرة رومانسية حيت هاديك هي ابشع جريمة عرفها التاريخ لي كانو من موراها الماسونيين و بالضبط دوك 3 ديال عائلات روتشيلد و روكفييلير و جي بي مورغان ... و هادشي كامل باش يتهناو من دوك 3 رجال الاعمال الأثرياء لي كانو حتى هما اعضاء مهميين فمنظمة الماسونية ولكن عتارضو على قرار البنك المركزي لي فأمريكا و لي هو جزء من النظام الإحتياطي الفيديرالي و ماشي رؤساء امريكا لي كايسيرو إمريكا كيف كايسحابلكم لا ... الحاكم الحقيقي هو " نظام الحكم الفيديرالي " لي أسسوه 3 عائلات و راه ذكرتهم ليكم و على مر التاريخ كانو كايترأسوه غير اليهود و من مور ماتهناو من دوك 3 ديال رجال الأعمال دازت عام و تنشأ داك النظام و داز عام اخر و تشعلات الحرب العالمية الأولى و الخطة كانت هي يتنشأ داك النظام باش غادي يكون التمويل للحرب العالمية الأولى منو ...

 

البارت 134 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚


أصبحنا و أصبح الملك الله
فاقت راشقة ليها ولكن غير تفكرات بلي تجردات من شارة القائد طلع لها الدم ... دارت روتينها الصباحي و مشات تفطر كان المطعم خااوي حيت أرسلان دار معاها تبدا تفيق مع 4:00 و هاد الوقت كايكون باقي كلشي ناعس فطرات و خرجات للساحة و بدات فتسخينات بينما يجي أرسلان دازت 5 دقايق .. 10 دقايق ... 15 دقيقة ... 30 دقيقة و والو مزال ما جا بقات كاتشوف بإستغراب
إيفا : كيفاش دابا واش انا غانبقا غير ندير فتسخينات ... شوية جا عندها أبراهام
أبراهام : شفتك جالسة فايقة باش تشمي الهواء الصباحي مثلا؟؟
إيفا : ( بدون ماتعطيه اهمية ) كانتسنا سي أرسلان
أبراهام : مييستر أرسلان قالك عندك 3 دسوايع ديال تسخينات و تدريبات العادية و موراها طلعي عندو للمكتب
إيفا : كيفاش دابا هادو هما التداريب؟؟
أبراهام : كاتسوليني انا؟؟ ديري داكشي لي قالك ... مشا و خلاها متبعاه بعينيها
إيفا : دابا فايقة مع 4 ديال صباح باش ندير تسخينات؟ واضفاك ... بقات كاتشوف مدة و لقات احسن حل هو دير اش قال باش تقدر ترجع لرتبتها واخا هادشي ولا كايبان لها مستحيييل .. الساحة بدات كاتعمر و علامات الإستغراب ديال الجنود بداو كايبانو علاش لي ماكادربش مجموعتها حتى قالهم أبراهام شنو كاين واخا ماكانتش باغاهم يعرفو دارها بلعاني باش يبرد الضربة لي تسببات ليه فيها و هدشي تسبب لها فنظرات تشفي من بعض الجنود بغاوها فيها نيت ... حاولات تنساها هادشي و مشات كاتجري دازو 3 ديال سوايع بسرعة البرق ماحبساتش فيهم التداريب و كي غادير تحبس و أبراهام مراقبها؟ و اخييرا سالات ... مشات لجهة أبراهام
إيفا : سالييت
أبراهام : زيدي نمشيو عند ميستر أرسلان ... مشاو فجهة المكتب ديالو وصلو و دقو عاد دخلو لقاو تما ارسلان و مالك
أرسلان : درتي داكشي لي قلت لك؟
إيفا : درتو كامل و ها أبراهام شاهد ... أبراهام لقاها فرصة نيت و ستاغلها
أبراهام : مهم شوية و صافي بنتي لي مرخية نييت
إيفا : انا مرخية؟؟؟؟؟؟ 3 ساعات ماحبستش نهااائيا و كاتقوليا مرخية؟؟؟
أرسلان : سكات
أبراهام : ميستر ارسلان شي اوامر خرا؟
أرسلان : لا
إيفا : سي أرسلان قاليا أبراهام بلي بغيتيني
أرسلان : باش نعاود نذكرك بالقواعد
إيفا : و كون اكيد ا سي أرسلان ماغاننساهمش
أرسلان : ( ببرود ) 4 قواعد مايتختارقوش ذكرتهم لك فاللول و غانعاودهم و غاتكون هادي اخر مرة نعاودهم
إيفا : شنو هما؟
أرسلان : الإحترام و ممنوع تناقشيني و ممنوع تسوليني و ركزي ليا مزيان على كلمة علاش مانبغيش نسمعها
إيفا : فهمت ولكن عندي سؤال بسيط
أرسلان : ممنوع الأسئلة
إيفا : ولكن ضروري نعرف
أرسلان : ممنوع النقاش
إيفا : ( بنرفزة ) علاش
أرسلان : ( بهدوء ) و هكدا ببساطة خرقتي 4 ديال القواعد
ممنوع الأسئلة
ممنوع النقاش
ممنوع كلمة علاش
و الإحترام
إيفا : الصمت ... عطا إشارة لأبراهام و مالك باش يخرجو و مشاو ... و جا لعندي قرب مني دوز يدو على حنكي رجعت بزربة اللور
أرسلان : غاندوزها لك هاد المرة و المرة جاية مانضمنش لك ( غمزة )
إيفا : ( بغضب ) فهمت ا سي أرسلان ... رجع اللور جلس فالطاولة ديال البيرو
أرسلان : همم ماعاودتيش ليا
إيفا : شنو غانعاود لك ا سي ارسلان؟
أرسلان : كي كانت علاقتك مع أسوار!!
إيفا : ( بإستغراب ) بحالها بحال كاع العلاقات
أرسلان : همم نفهم بلي تعمقتو فيها مزيان ياك!!
إيفا : شنو كاتقصد بهاد الهضرة؟؟؟
أرسلان : راك عارفة اش كانقصد ماتلعبيش عليا دور الغبية لي ماكاتفهمش حيت ماكايجيش معاك ... بقات كاتشوف فيه مطولا و جاوبات
إيفا : كانت علاقة محترمة حتى خصرها المحترم خوك ا سي أرسلان فاش حاول يقتلني
أرسلان : هممم ( بقا ساكت شوية و نطق ) فاش كنتي باغا تسوليني؟!
إيفا : واش غانبقا فرتبة جندية طوال هاد المدة لي غانبقاو فيها هنا؟؟
أرسلان : بان ليا دغيا مليتي ا إيفا
إيفا : حاشا ولكن بغيت نعرف ... ناض من فوق البيرو
أرسلان : فاش غانشوفك درتي عقلك غانرجعك لبلاصتك
إيفا : يعني باقا غانرجع ياك؟؟؟؟
أرسلان : ماتفرحيش بزاف مادام مزال مادرتي عقلك غاتبقاي جندية عندي ...

 

البارت 135 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚



إيفا : ولكن ا سي ارسلان شحال تقريبا غانبقا تحت التدريب؟؟؟
أرسلان : مادام كاتنساي القواعد بهاد زربة مانضمنش لك بلي غاترجعي لرتبتك
إيفا : كانعتاذر ... هز فيديه درع مضاد للرصاص
أرسلان : تبعيني ... خرج من المكتب و كالعادة مابقاتش موراه بل مشات معاه فنفس الخط ... وصلو لساحة التدريب كان كلشي مشغول بالتداريب و مجموعتها كان شادها أسوار كايدربها تعصبات بزاف فاش شافتو كايدربهم
إيفا : الحيوااان لاخر انا متأكدة باغي يضرب لي كلشي فزيييرو
أرسلان : قلتي شي حاجة؟
إيفا : وي ميستر أرسلان قلت لك شنو نوع التداريب ديال اليوم
أرسلان : ماتزربيش على روحك مزال نهار طويل ... بقاو غاديين حتى وصلو لواحد الجهة فالساحة خاوية و وقف
إيفا : انا فكامل الإستعداد لأي تدريب
أرسلان : لبسي هادا .. لاح لها الدرع و فهماتها طاايرة بلي باغي يختابرها واش كاتخاف من رصاص حيت سبق لها دارت هاد التدريب لمجموعتها باش تجيد منهم الخوف من القرطاس و فعلا نجحات فداكشي ولكن عمرها توقعات بلي غادي دوز من نفس التدريب لبساتو و هي فكامل الإستعداد ديالها واخا عمرها جرباتو ولكن هي عارفا راسها ماغاتخافش من القرطاس حيت بكل بساطة ماكاتخاف من والو
إيفا : حاضر ميستر أرسلان
أرسلان : مستعدة!!
إيفا : فكامل الإستعداد ا سي أرسلان
أرسلان : وقفي نيشان
إيفا : تم
أرسلان : قلت لك قادي وقفتك ماشي عوجي رجليك
إيفا : تم ا ميستر أرسلان ... كانت واقفة و حالة يديها ، جبد سلاحو و وجهو لجهتها و ما هي الا ثواني حتى بدا كايضرب بالقرطاس فجهتها بدا بقرطاسة و شاف فملامح إيفا لكن مادارت حتى ردة فعل ... عاود ضرب 2 قرطاسات متتالياتين و نفس الشي ماكان حتى شي ردة فعل شوية بدا كايتيري بدون مايحبس و هي غير مازايدا و كاترجع اللور عارفاه ماغايغلطش فالهدف ديالو من غير لادارها بلعاني ... بقا كايتيري حتى خوا الفردي عاد حبس
أرسلان : همم ماخيبتيش ظني
إيفا : عارفا راسي ا سي أرسلان
أرسلان : نقدرو نقولو الموت ماشي من نقاط ضعفك ولكن ضروري غايكونو نقاط خرين غايبانو مع الوقت
إيفا : ( بثقة ) غانعاود نقولها ا سي أرسلان انا ماشي ضعيفة باش يكونو عندي نقاط ضعف ( شافت فيه بنظرة عميقة ) بحالك تماما ا ميستر أرسلان
أرسلان : ( هز حاجب ) كاتقارني راسك بيا!! نعتابرها جرأة؟
إيفا : حاشا انا عطيت غير مثال ا سي أرسلان واش من الخطأ نعطي مثال بالقدوة ديالي؟؟
أرسلان : غانمشي دابا و بالنسبة ليك عندك تمارين طراكسيون نهار كامل و ماشي هنا
إيفا : فين؟
أرسلان : لهيه حدا صحابك
إيفا : حدا هادوك؟؟؟؟
أرسلان : بان ليا نسيتي بلي راك كنتي منهم و رجعتي ليهم ، غانمشي و من الاحسن ليك تبعي القواعد ... مشا للمكتب ديالو و خلاها كاتشوف فين قالها تتدرب
#بعد_ساعة
مجبدة فالأرض كاطلع و تهبط كاتلعب طراكسيون و كاتنعل اللحظة لي فكرات فيها تضرب أبراهام حتى فيقاتها ضربة فطرمتها ناضت قافزة و القرودة طالعين لها فراس
إيفا : ( بالغوات ) كيفاش وصلاااااااات بيك تحط يديك عليا؟؟؟؟؟؟؟
الجندي : بنتي لي تطرمتي ( غمزها )
إيفا : ( كاتحاول تكتم اعصابها ) غانعطيك فرصة تحذف هضرتك و تعتاذر
الجندي : بما انك رجعتي بحالك بحالنا اش بان لك فشي ليلة معايا؟ مانستاهلش زعما؟؟ ولا عاطياها غير للقياد؟
إيفا : ( بنفااذ صبر ) باااقي عندك فررررصة اخيييرة و بربي و ماطلب سماحة ملامحك نخربقهم لك
الجندي : كالم ا بنتي صافي سالاو منك و رجعوك لعندنا؟ من سي أسوار لأديب و من اديب لسي أرسلان و شكون اخر؟؟؟ كانظن هادشي شي حاجة عادية بالنسبة ليك ... ماجا فين يكملها حتى نزلات عليها بكروشية للنيف رعفاتو قاس نيفو لقا الدم و عاود ضار لعندها
الجندي : كيييييفاش تجرأتي العااااهرة ... رجع لها الدقة و عاودات رجعاتها ليه مضوبلة ... ناضت المطايفة بيناتهم و الجنود دارو حلقة عليهم ... بقاو ضربة مني و ضربة منك و كلمتها بأنها غاتخصر ليه الملامح ديال وجهو مامشاتش غير هاكاك ... حيت فعلا خصرات ليه ملامح وجهو بردات فيه الغدايد ديال الدنيا و الدين ... ابراهام ... رتبتها لي نزلات ... عودة اسوار ... تقرب ارسلان منها ... ماحبسات حتى سمعات واحد الصوت
أش هاد الفوضى؟؟؟؟؟؟؟؟؟؟؟ ..


 

البارت 136 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚


بقا كلشي مصدوم فيها و حتى واحد مادخل يفك حتى حبسها واحد الصوت
أسوار : اش هاد الفوضى هنا؟؟؟؟؟؟؟ ... ناضت من فوقو و بدات كاتمسح فنيفها لي كان كايسيل منو الدم
الجندي : ( بغضب ) ميستر أسوار هي لي بدات اللولة
أسوار : شنو دارت؟؟؟؟
الجندي : ( حاني راسو ) عايراتني و بدات كاضربني بدون سبب
إيفا : ( بعصبية ) كاتكدب و انا كاينا؟؟؟؟؟؟؟؟؟ علاش ماقلتيش ليه اش درتي حتى عايرتك و خليت عشتك؟؟؟؟؟
الجندي : ماتسمعش لها ا ميستر اسوار راها غير كدابة
إيفا : كدااابة ياك؟؟؟؟ ... بغات تمشي ترجع تكمل عليه تا عاود قاطعها صوتو
أسوار : سكاااااااااات
إيفا : كون ماحاولتيش تتقرب مني و تجاوز حدودك ماكنتش غانضربك و ماكنتش غانعايرك الحقييير
الجندي : ( موجه الهضرة ليها ) ماتغوتيش عليا ... مشا بخطوات سريعة لجهتهم و هضر مع إيفا
أسوار : ( بعصبية ) شنو دار؟؟؟؟؟؟ ... بقات كاتشوف بحقد فداك الجندي
إيفا : ( بحقد ) كنت كانتدرب على التداريب لي عطاني سي أرسلان حتى جا هو و ضربني فف ( حبسات كلامها )
أسوار : هضرييييي شنو دار؟؟؟؟؟
الجندي : غير كاتكدب ا سي اسوار راه.. ... ماجا فين يكملها حتى سكتاتو ضربة لفكو لي كانت من عند اسوار هز يدو و ضربو بالمرفق تحت فكو حتى تسمع الصوت ديال سنانو دخلو فبعضياتهم ... طاح للأرض و شدو من شعرو هز ليه راسو
أسوار : عاقل على القواعد ولا لا؟!
الجندي : ( حاني راسو ) عاقل عليهم
أسوار : اول قاعدة؟
الجندي : فاش يكونو قدامي القياد ولا ميستر أرسلان نحدر عيني للأرض .. اخررر مرة عمرها تعاود ا ميستر اسوار كانواااعدك
أسوار : ( بعصبية ) طلب منها سماحة ... جا يوقف و عاود ضربو ضربة خطيرة لرجليه حتى تهرسات و بدا كايغوت بحر الحريق حس بالضو ضرب ليه فرجليه
أسوار : ( بعصبية ) غاطلب منها سماحة و نتا راكع ... كان جاي من بعيد و ابتسامتو الجانبية مرسومة على شفايفو و علاش لا؟ و هو شاف كاع لي وقع
أرسلان : اش واقع هنا
أسوار : ( بعصبية ) هاد الحيوان غلط فحق ايفا و دابا غايطلب منها السماحة
أرسلان : ( كايشوف فإيفا ) شنو دار!!
إيفا : ( بحقد ) قلل عليا الحيا و عتابرني وحدة رخييصة ... شاف فيها و عاود شاف فيه
أسوار : اخرررر مرة غانقولك طلب منها سماحة
الجندي : كانعتاذر ا انسة ايفا اخرر مرة غانعاود نضور بساحتك
أرسلان : ( بهدوء ) بوس لها رجليها و طلب منها سماحة ... هز عينيه فأرسلان كايشوف بصدمة
أرسلان : هبط عينيك للأرض
.. هبطهم بزربة و ركابيه لي راكع عليهم براسهم مابقاوش قادرين يهزوه بقوة الخلعة لي راكباه فاش شاف أرسلان .. بغا يبوس لها رجليها ولكن ماخلاتهمش حيت جبداتهم لعندها
إيفا : صافي ا سي أرسلان ماكاين علاش يكفي انه عتاذر قدام كلشي
أرسلان : ( ببرود ) مدي رجلك ... شافت فيه لقات عينيه قربو يثقبوها مدات رجليها لداك الجندي باسها و طلب السماحة
إيفا : ماشي مشكيل ... مع كملاتها كان أرسلان جبد سلاحو و تيرا ليه فالرجل التانية لي كانت مامهرساش
أرسلان : ( بهدوء ) هادي حيت هزيتي فيا عينيك و خليتيني نعاود كلامي و ترددتي باش تنفذ .. دابا سير للطبيب و فاش تبرا ليك رجليك عاود اجي عندي للمكتب ( عاود شاف فإيفا ) سيري كملي تدريباتك ... طلق منو اسوار و ضار كايشوف فالجنود
أسوار : ( بالغوات ) بااااااااااااقي نشووووف شي قواااد كايضور بساحة إيفا ماغانرحمووووش سمعتوووووني؟؟؟؟؟؟؟ ... بقاو كايشوفو فيه ولكن غير هز ارسلان راسو و شاف فيهم دغيا تفرقات الجوقة بحالا عمرها كانت
إيفا : كانستأذن غانمشي نكمل تداريبي
أسوار : إيفا تسناي باغي نهضر معاك
أرسلان : من بعد و هضر معاها اما فالوقت الحالي محتاجك فشي حاجة تبعني للمكتب .. بقا اسوار كايشوف فيه و كايشوف فإيفا فاللخر تبع أرسلان ...

 

البارت 137 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚


مشات تكمل تداريبها و نوعا ما رتاحت شوية منين تيرا فيه أرسلان حيت بالنسبة لها هاداك اقل عقاب كايستاحقو ... كملات نهارها غير فدوك التداريب كيما قالها أرسلان و مرة مرة كايجي عندها أبراهام يتأكد واش مكملة تدريبها ولا يمشي يشريها لها مع أرسلان داز نهار و مشات لغرفتها ترتاح طاحت دودة اما عند أسوار منين مشا مع أرسلان مابقاش عاود رجع للساحة حيت سيفطو للقصر بحجة سي أصلان محتاجو يكون فجنبو حاليا و أرسلان زعما مايقدرش يمشي
أصبحنا و اصبح الملك الله
فاقت و مشات دارت نفس روتينها الصباحي ولكن هاد المرة لقات أرسلان لتحت كايتسناها
إيفا : صباح الخير
أرسلان : تبعيني ... مشا كايجري و تبعاتو حتى هي بالجرا حتى لحقات عليه بقاو كايجريو لمدة ساعتين بلا مايحبسو و بما أن أرسلان ماكايجريش بالشوية فكانت عند إيفا واحد الصعوبة هاد المرة باش تمشي معاه فنفس ريتم ولكن مع ذلك قدرات تبقا غادا معاه و ماشي تابعاه .. وقف كايشرب الما و كايشوف إيفا لي غادا جايا كاترد النفس
أرسلان : ماتبقاش تحبسي النفس لمدة طويلة فالرياضة
إيفا : ماكانحبسوش ا سي أرسلان
أرسلان : و شنو التفسير لتصرفك دابا!!
إيفا : إينا تصرف؟ ... لاح لها القرعة و شقماتها
أرسلان : شدي شربي ... شدات القرعة هبطات عليها هبطة وحدة
إيفا : ميرسي ، نكملو؟
أرسلان : تحركي ... كملو تمارينهم ولكن هاد المرة خدم معاها تمارين عادية حتى وصل وقت الغدا و طلع للمكتب ديالو و ريماس مشات لمطعم المعسكر هاد المرة كان كلشي راد منها لا من الجنود حيت شافوها اش دارت فداك خونا و فشنو تسببات ليه ولا من القياد ولكن اكثر شي هما القياد
أوري : راها جايا ا صاحبي
إسحاق : انا غانوض مابقا خاصني بو غدا يصدق شايفها ميستر أرسلان كاتهضر معايا و يعجل ليا فأجلي
أصهب : ريح ا صاحبي مزال ماعرفنا واش ميستر أرسلان لي قتل اديب ولا لا
أديم : واش ماشفتيش شحال من واحد مات بسبابها من نهار جات للمعسكر؟؟؟؟
أوري : شششش
إيفا : مساء الخير
القياد : مساء الخير ختي إيفا
إيفا : مالكم تجمعتو كلكم فديك الجهة و مخلييني جالسة هنا كي المجدامة؟؟ ها الكراسا خاويين
أوري : ماشي هاكاك ا ختي إيفا غير لقيتينا كنا كانهضرو فشي موضوع داكشي لاش تجمعنا فجهة وحدة ... كلهم تجمعو فجهة تانية ديال طبلة و خلاوها بوحدها فجهة لاخرا و هادشي كامل خوفا من أرسلان و حتى فاش كانت كاتهضر معاهم كانت على فمهم غير كلمة ختي ختي ... سالات الغدا و خرجات من تما و هي مستغربة .. مشات للساحة كاتسنا أرسلان حتى صدق جاي عندها أبراهام
أبراهام : بلا ماتسناي ميستر أرسلان حيت ماغايجيش اليوم باش يدرب سيادتك
إيفا : علاش؟؟
أبراهام : و نتي مالك؟؟ لاش باغا تعرفي
إيفا : من حقي نعرف حيت كايبقا المدرب ديالي
أبراهام : كاتتجاوبي معايا؟؟؟؟
إيفا : وي كانتجاوب حيت راك بحالي بحالك خدامين عند سي أرسلان
أبراهام : طوال لك اللسان بزاااف ... تحلات البوابة ديال القصر و دخلات لوطو فالكحل من نوع رونو ، تحلات الباب و بقات إيفا و ابراهام كايشوفو جهتها و كايتسناو شكون غايهبط حتى تصدم أبراهام من الشخص لي شاف او بالأحرى ستغرب
أبراهام : اش جات دير هادي هنا ... كانت امرأة فالثلاثينات انيقة و نفسها خطيبة أرسلان ايلا عقلتو عليها حيت ذكرتها مرة وحدة فاش لقاها فالبار ... جايا بمشيتها لي كلها انثوية حتى وصلات لعندهم
أبراهام : انسة أريل اش كاديري هنا؟؟
أريل : جيت نشوف ارسلان مدة و هو غابر عرفت بلي راه مشغول هنا
أبراهام : يقدر مايعجبوش الحال فاش يلقاك هنا ا أنسة أريل ... شافت فإيفا طلعاتها و هبطاتها
أريل : هاداكشي كايبقا بيني و بين أرسلان شكون هادي؟
أبراهام : قائدة فالمعسكر
أريل : قائدة فالمعسكر؟ من ايمتا و ارسلان كايحط قائدات فحوايج مهمة بحال هادي؟؟
أبراهام : علاش و كيفاش هاداكشي كايخص ميستر أرسلان ... رجعات طلعاتها و هبطاتها
أريل : أرسلان حط قائدة؟ و باينا فيها مزال مبتدأة .... بقيت كانخنزر فيها كيفاش كاتعيط ليه أرسلان بلا سي ولا ميستر و شكون هادي بعدا لي مخليا حتى هاد الغبي ديال ابراهام يحتارمها؟ ابراهام لي هو دراع اليمين ديال سي ارسلان هو بنفسو مايقدرش يحيد كلمة ميستر ولا سي من فمو من سمية أرسلان سواء فحضورو ولا فغيابو و اصلا شكون هادي لي كاطلع و تهبط فيا بهاد شوفات
أبراهام : كيما قلت لك ا انسة أريل هادوك كايبقاو قرارات ميستر أرسلان ... ماجاوباتوش و مشات و خلاتنا
إيفا : شكون هادي؟
أبراهام : خطيبة ميستر أرسلان و فنفس الوقت بنت عائلة مورغان ( خنزر ) و نتي علاش كاتسولي؟؟
إيفا : ( مخنزرة ) حرام الأسئلة؟؟
أبراهام : مسينا عالله و ما مسينا على وجهك فينما نشوفك كايوقعو لي المشاكل ... مشا و خلاها كاتشوف فهاد خيتي لي جات مادخلاتش لخاطرها نهائيا ... شوية عاود رجع أبراهام
أبراهام : نصيحة مني ليك ماتحاوليش تقللي الاحترام عليها باش ماتجيبيهاش فراسك عارفك كاطيري بزاف
إيفا : مامحتاجاش للنصائح و مسؤولية افعالي كانتحملهم بوحدي
أبراهام : ضبري مخك ... يتبع

 

البارت 138 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚


أبراهام : المهم تكلمي لميستر أرسلان
♚ كان جالس كايتناقش مع مالك و مع أسوار لي رجع دغيا من القصر حتى تحلات الباب بدون إذن هز عينيه لقاها هي .. خطيبتو مشات كاتجري لعندو عنقاتو بينما هو بقا فنفس وضعيتو
أرسلان : اش كاديري هنا!!
أريل : توحشت حبيبي و جيت نشوفو علاش مابقيتيش كاتجاوبني؟؟
أرسلان : و من ايمتا و نتي كاتجي لعندي فاش كانكون خدام؟! شحال من مرة نبهتك!!
أريل : دارها ليا الشوق و كون ما هو كاع مانجي راه 6 شهور مابقيت سمعت عليك حتى شي خبار
أرسلان : طريق لي جيتي منها غاترجعي منها و ماتظنيش بلي غادوز لك هاد المجية بالساهل ... تسمع دقان فالباب و دخل أبراهام و إيفا من مور ماعطاهم الإذن
إيفا : ميستر أرسلان عيطتي لي؟
أرسلان : وي
أريل : شكون هادي؟
أرسلان : قائدة معانا
أريل : و من ايمتا و نتوما كاتخدمو العيالات فبحال هاد الأمور؟
أرسلان : وليتي كاتتدخلي فيا؟!
أريل : نو حبيبي ماشي هاكاك ولكن ستغربت .. هيه نتي
إيفا : عندي سميتي إيفااا مارانيش بهيمة تعيطي لي بديك الطريقة
أريل : كيفاش؟؟
إيفا : كيف سمعتي
أرسلان : خرجي تا نعاود نعيط لك
إيفا : حاضر ميستر أرسلان ( تمات خارجة و نطقات ) عاهرة
أريل : كيفاش؟؟؟؟ ... إيفا يسحابلها قالتها بصوت ماغايسمعو حد ولكن الهدوء لي كان فالمكتب خلا الكلمة تتسمع .. ضارت لقات كلشي كايشوف فيها
أريل : قلتي ليا عاهرة؟
إيفا : خرجات بوحدها اش بغيتيني ندير؟ بعض المرات لساني ماكايقدرش يخبع اش بغا يقول ... بقات لاخرا مصدومة من جرأتها مشات لعندها بخطوات سريعة وصلات لعندها و هزات يديها تا للسما و جمعات معاها بتصرفيقة ... خلات إيفا مصدومة كيفاش وحدة بحال هادي تصرفقها؟؟؟؟ هزات راسها و عاودات هزات يديها تا للسما و رجعات لها تصرفيقة حتى ضار وجهها خلات كلشي مصدوم ولكن مزال ما تشفا غليلها بغات تعاود تتلاح عليها و دمها كايغلي كيفاش تصرفقها حتى شدوها يدين أسوار
إيفا : طلق منييي طلق منييي
أريل : بغااات ضربني ا أرسلان واش ماشفتيهاش؟؟؟؟ ضرباتني بتصرفيقة
أسوار : ( بالغوات ) إيييييفا رصااي واش عارفة راسك اش درتي؟؟؟؟؟
أريل : هبطيي عينيك و مزااال كاتشوفي فيا؟؟؟؟ واش عارفة شكون انا ولا لا؟؟؟؟
إيفا : نتي لي واش عارفاني شكون انا؟؟؟؟؟ انا لي غاناخد رووحك أسوار طلقنيي عليها ... ناض أرسلان من بلاصتو و يديه فجيبو
أرسلان : أريل شششش
أريل : قللات الاحترام علياا و صرفقاتني قداامك و مادرتي لها والو لي عارفة انا هنا كاينين قواعد و ممنوع يقللو الاحترام على لي كبر منهم ... علاش مزال ماتعاقبات حتى هي مادام القواعد و القانون هنا غادي على كلشي
أرسلان : ششش غاتتعاقب ( ضار لعند إيفا ) عارفة راسك اش درتي ياك؟!
إيفا : وي ميستر ارسلان ولكن كون ماهزاتش عليا يديها ماكنتش غانقلل الإحترام عليها
أرسلان : هبطي عينيك و نزلي على ركابيك جلسي و حسك مانسمعوش ولا اخر حاجة غايسمعوها ودنيك هي صوت القرطاسة لي غادخل لك للدماغ ... بقات كاتشوف فأريل بحقد
إيفا : الغلط ماشي ديالي ا مي
أرسلان : كلمة خرا و غانسيفطك تزوري قبرك قبل الوقت ماتخلينيش نعاود الهضرة
إيفا : ( بحقد ) حاضر ميستر أرسلان ... حنات على ركابيها و عينيها مركزين فقط على أريل لي ماكرهاتش تغزها بسنانها
أرسلان : طلبي منها السماحة

إيفا : الصمت
أرسلان : ماتخلينيش نعاود هضرتي ... و مع ذلك مانطقاتش عينيها مابغاوش يتحيدو من أريل
أريل : لا لا لا هادي خارجة على السيطرة ماشفتيهاش كي كاتشوف فيا؟؟؟
إيفا : الصمت ... جبد الفردي ديالو و وجهو لراس إيفا تسمعات طرطقة ديال زر الأمان
أرسلان : اخر انذار عندك ... بقات كاتشوف فيه و فيها و فأسوار غمضات عينيها وضغطات على راسها ما خرجاتها من فمها غير بزز
إيفا : ك ك كانعتاذر
أريل : ماسمعتش مزيان
إيفا : ( كارزا على سنانها ) كانعتاذر
أريل : هانيا ماتعاوديهاش و هاد المرة عرفي حدودك
أرسلان : تحركي للمكتب ديالك و ماتعاوديش توريني وجهك ... يتبع

 

البارت 139 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚


ناضت من بلاصتها و الدم كايغلي فيها عطات وعد لراسها كيما خلات كرامتها تتجرح ... غادي تندمها و تخلي كرامتها تحت الرجلين ... صرفها غادي ترجعو مضاعف على 10 مرات ... خرجات من تما حاقدة و طالع لها الدم لواحد الدرجة ماكاتصورش
أرسلان : خرجي
أريل : راها خرجات ا حبيبي
أرسلان : كانهضر عليك نتي ... خرجي و مانعاودش نشوف وجهك من بعد و غانتفاهمو على هاد المجية و البلبلة لي دايراها قدامي
أريل : ولكن ا ... ... واخا بدون مايهضر غير خنزر فيها خرجات من تما و هي ماراضياش على الأسلوب لي هضر بيه معاها
أسوار : علاش جات لهنا؟؟
أرسلان : غدا سير وصلها منين جات ... خرج من تما و خلاهم شوية تبعو حتى اسوار خرج ساخط
أبراهام : نهارها قرب مابقا ليه والو
مالك : هي نهضرو مع حفار القبور من دابا
أبراهام : ماشفتيهاش كي هضرات مع انسة أريل؟؟ كون يعرف مورغان بهادشي ماكانظنش غادي يخليها حية و خصوصا انها صرفقات بنتو
مالك : بقا لها شوية و تنوض ضربنا حنا
أبراهام : ديك الرقاقة غير مازادت كملات الباقي مابقات تحتارم حد
مالك : ولكن ايمتا ميستر أرسلان غايحيدها لها
أبراهام : ماعرفتش انا براسي حرت من هاد الأحداث الأخيرة
♔ منين خرجات من تما طلعات نيشان لسطح المقر نهار كامل و هي تما قلبها شاعلة فيه شي حاجة كتر من العافية كيفاش يتفرض عليها طلب السماحة و قداام كلشي .. بقات تما مراقبا تداريب الجنود و عقلها كايفصل فالطريقة المناسبة لي غادي ترجع بيها صرفها ... بقات على داك الحال حتى ضلام الحال و الساحة بدات كاتخوا مافيقها غير الصوت لي جا من حداها
أرسلان : خاصك تعرفي بلي ممنوع شي حد يطلع لهاد البلاصة من غيري ... ضارت لقاتو جالس حداها و كايشوف فالساحة ناضت من تما بزربة حيت عارفا بلي ممنوع شي حد يطلع لتما ولكن هي كاتعجبها ديك البلاصة و هي فاش كاتعجبها شي حاجة ماكاتهتامش ايلا كانت ممنوعة ولا لا ولكن فالوقت الحالي ماشي من مصلاحتها تاخد و تعطي فالهضرة ... ناضت بزربة من تما و باين فيها طالع لها الدم ماحاملاش تهضر معاه
أرسلان : جلسي علاش وقفتي
إيفا : حيت ممنوع نطلعو لهنا ا سي أرسلان و حيت خاصني نلتازم بالقوانين ماخاصنيش نزيد نبقا هنا ولا لا؟ ... ناض من تما و مشا لجهتها كانو واقفين حدا الحافة ديال سطاح
أرسلان : اش كاديري هنا فهاد البرد؟! ... تعجبات من سؤالو واش من نيتو هادا؟؟؟ مرة يهز عليها سلاح و يجرح كرامتها و مرة يسولها اش كاديري هنا فهاد البرد ... هزات راسها جات عينيها فعينو و مع ديك الهزة ضرب فيهم ضو ديال القمر عطاهم واحد البريق سااحر ... عاودات قلبات وجهها لجهة الثانية حيت ممنوع يهزو العينين فلي عندهم رتب كبر منهم ... وي فعلا ممنوع يهزو فيهم العين ولكن مامفروضش يحنيو عينيهم للأرض و هادشي عارفاه هي داكشي لاش ماكاترضاش تحني راسها ماشي بحال الجنود لي متبعين سياسة العبيد ...
إيفا : انا جيت لهنا خصيصا باش نتبرد ا سي أرسلان ... سمعاتو صاط
أرسلان : تقدري تشوفي فيا عادي فاش نكونو بوحدنا ... عاودات شافت فيه و ترسمات ابتسامة استهزاء على شفايفها
إيفا : و فاش نكون مع الجنود و القياد و مع الأنسة اريل؟
أرسلان : إلزاما عليك تحتارمي بحالك بحال غيرك
إيفا : داكشي علاش ا سي أرسلان غادي نحتارمك و مانهزش فيك العين سواء كنت مع الناس سواء كنا بوحدنا
أرسلان : كايعجبني العناد ديالك و قصوحية راسك
إيفا : الصمت ... رجعات كاتشوف ولكن هاد المرة كانت كاتشوف فالغابة البرانية
أرسلان : داكشي لي شفتي فالصباح مع الجندي ... بقات كاتشوف فيه كاتتسناه يكمل
أرسلان : حاجة عادية و ابسط عقاب نقدر نوجهو لشي حد هز عينو فيا .. هنا كلشي كايحتارم لي من فوق منو باش ماتكونش السيبة فهمتي؟ يعني الإحترام و الإخلاص هنا هو كلشي و الثمن حياتك ... بقات كاتشوف فيه ماتخلعاتش من هضرتو حيت الإخلاص راها مخلصة ولكن الاحترام ماعاطياهش لكلشي ... عاطياه ليه غير هو ... بقات كاتشوف فيه مدة شنو زعما واش كايحاول يخلعها بهضرتو؟
أرسلان : ولكن مانضمنش لك غاتبقاي لابقيتي كاتشوفي بحال هاكا ... عاودات قلبات وجهها للجهة لاخرا
إيفا : كانعتاذر ماقصدتش ... شدها من الذقن ديالها و هز راسها تقابلو عينيها مع عينيه لي ظلام فظلام كاينفث منهم الشر
أرسلان : ( بنبرة خافتة ) ماعنديش مشكيل تبقاي تشوفي ... تنطرات منو بزعفة ماكاتحملش هاد التصرفات لي ولا كايدير معاها .. مع ديك النطرة لي تنطرات رجعات رجليها اللور و كانت غاتجي لتحت كون ماجرها لعندو حتى تخبطات مع صدرو
أرسلان : تبقاي تردي البال ... بعدات منو بخطوات
إيفا : ليلة سعيدة ميستر أرسلان خاصني نمشي باش غدا نقدر نفيق بكري
أرسلان : مزال ما ساليت هضرتي ... وقفات كاتسناه اش غايقول
أرسلان : تقدري من غدا ترجعي للرتبة ديالك ... يتبع

 

البارت 140 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚


ربعات يديها و هزات حاجب بقات كاتشوف فيه مدة
إيفا : علاش ا سي أرسلان؟
أرسلان : ( خشا يديه فجيبو ) بديتي فخرق القوانين
إيفا : ماقصدتش ولكن ستغربت ا ميستر أرسلان ...
أرسلان : ماكايعجبونيش الأسئلة غدا رجعي لبلاصتك ... خلاها واقفة مستغربة ، عاودات رجعات لنفس الوضعية لي كانت فيها قبل مايجي و كاتفكر فشي خطة محكمة تنتاقم منها من ديك العاهرة ديال خاطبتو باقا كاتفكر حتى شافتها واقفة وسط الساحة هي و أسوار و باينا فيهم كايدابزو ماقدراتش تسمع هضرتهم داكشي لاش ضطرات تهبط لتحت و تتسنط ... و فعلا داكشي لي دارت هبطات كاتسلت فالدروج حتى وصلات و طلقات ودنيها
أريل : انا غانبقا هنا فهمتيني ولا لا؟؟؟ و ماعندكش الحق تقوليا واش نمشي ولا نبقا
أسوار : أريل فهميني راك غاتجبدي غير المشاكل قالك سيري صافي سيري حتى يعيط لك
أريل : اخررر هضرة عندي هي غانبقا ولا هادشي كامل غايوصل لسي أصلان هو لي غايفك هادشي و كانظن لاوصلو هادشي اكيد ماغايعجبوش الحال ... شدها من دراعها و زير عليها
أسوار : كاتهدديني دابا؟؟؟؟
أريل : حسبها كيف بغيتي
أسوار : ( ربع يديه ) كايبان لي باغا نيت سي مورغان يعرفك كاتمشي للبيران ياك؟؟ اش بان لك نقوليه حتى على المخدرات لي ولاو عندك بحال شريب الما؟؟
أريل : و شكون قالك غايتيق بيك؟ علاش ياكما يسحابلك بابا غايتيق فالغريب و يكدب بنتو ... جبد باليد الثانية طيلي ديالو و بدا كايدوز فتصاور و ابتسامة سخرية مرسومة على وجهو شوية صور لها طيلي باش تشوف
أسوار : ماغايتيقش بيا ولكن هاد الفيديو كانظن غادي يخليه يعاود التفكير واش فعلا نتي فخر لعائلة مورغان ولا جايبا ليهم الذل ... كان فيديو كاتشم فيه الكوكايين و كاتتصرف بحال شي وحدة مسطية بغات تحيد ليه طيلي ولكن بعدو عليها
أريل : حقييير ماكاتسواش
أسوار : كوني اكيدة مانوصلش لحقارتك ... تنطرات منو و تمات غادا لجهة اللوطو ضحك بإستهزاء عليها و تبعها وقفها
عند ريماس ... ترسمات ابتسامة خبيثة على محياها هادي فرصة و ماكاتعوضش ... جاتها فرصة تال بين يديها تنتاقم منهم بجوج هو حيت حاول يقتلها و هي حيت جرحات لها كرامتها ... خرجات من بلاصتها و مشات كاتسلت لجهة اللوطو لي غادي يركبو فيها و عينيها بالكاميرات لايشدوها متغاظية ... وصلات للوطو و هبطات للأرض بزربة نعسات على ضهرها تخشات من تحت اللوطو بقات مدة و هي كاتخربق فيها حتى قدرات تقطع لهم الفرانات ... شوية سمعات الصوت غادي و كايقرب ليها
إيفا : شيييت اش هاد الخرا مشكيييلة هادي ... بقات مخشية تحت اللوطو و كاتفكر اش دير ... ماخاصهمش يشوفوها حيت لاشافوها اكيد غادي يعرفوها هي لي من مور هادشي احسن قرار فالوقت الحالي هو تبقا فبلاصتها ... جمعات يديها عندها و دارت بيهم علامة إكس فوق صدرها و جمعات رجليها فجهة واحدة مستقيمة باش مايصدقوش دايزين عليها روايض ... ما هي الا لحظات حتى وصل أسوار و أريل لجهة اللوطو كاتسمع هضرتهم بوضوح باقيين مناكرين ، ركبو فاللوطو كاتسناهم بفارغ الصبر يدوزو و يدوز هادشي بيخير و الأهم مايعييقوش بيها ... شغل أسوار اللوطو و ديمارا و لحسن الحظ ماتأذاتش إيفا .. تفتحو البوابات و خرج و اخيييرا .. ناضت من بلاصتها بالزربة و هي كاتشوف فيهم غاديين للهلاك لي وجدات لهم .. بقات كاتسوس فيديها من الغبرة و ابتسامة الشر مرسومة على وجهها
إيفا : ههههه طريق السلامة ... مشات من تما و راااااشقة لها ... يتبع

 

البارت 141 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚


غادا متغاظية على العينين لي مراقبينها ... طلعات فالدروج و غير وصلات للكولوار لقاتو قدامها واقف تمحات الابتسامة من وجهها
إيفا : ميستر أرسلان
أرسلان : نقدر نعرف سر هاد الإبتسامة
إيفا : والو ا ميستر أرسلان
أرسلان : متأكدة؟!
إيفا : هه شنو غايكون
أرسلان : المورال عندك كايطلع دغيا ... بقا كايشوف فيها بشي شوفات فشكل الشيئ لي خلاها تحاول تتهرب من تما بأي طريقة باش ماتكشفش
إيفا : هه وي بحال داكشي ا ميستر أرسلان احم نخليك غانمشي ننعس باش غدا نفيق بكري ... ماجات فين تكمل طريقها حتى شدها من دراعها و تم جارها لجهة مكتبو
إيفا : سي أرسلان اش واقع؟؟؟ طلقني راه غايجي شي حد غايفهمنا غلط سي أرسلااان ... ماسمعهاش او بالأحرى دار راسو ماسمعهاش .. وصلو للمكتب ديالو دخل و سد الباب و دفعها على الحيط قرب منها حتى بقاو سنتيمترات قلال بيناتهم و فكل ثانية كايزيد يقرب لعندها و يقلل المسافة حتى غطاها بالكتلة الجسمانية ديالو مطلعة راسها و عينيه فعينيها و قلبها كايضرب غايخرج من بلاصتو عمرها كانت قريبة ليه حتى لدرجة تحس بسخونية لحمو من فوق الحوايج ... أنفاسو الباردة كاضرب نيشان فوجهها ... عينيه ختارقو عينيها بدوك النظرات توترات و التوتر بان عليها تخلطو عليها العرارم
أرسلان : شنو قلت لك على الكدوب ا إيفا
إيفا : ميستر أرسلان بعد شوية و غانشرح لك كلشي بالتفصيل
أرسلان : قلت لك ماكانحملهومش ولا ماقلتهاش؟ ... عرفات راسها قوداتها بالمعقول و خلات الشيطان يلعب لها بعقلها اكيد ماغاديش يدوزها لها و هي بغات تسيفط خوه من لحمو و دمو للمقابر ... بدا كايبان فوجهو الإنفعال و هادي حاجة جديدة عليها و على الجميع حيت كلشي كان كايقول الجليد لي فألاسكا يدوب و الما ديالو يسخن ولكن أرسلان هو لي عمر دمو يسخن و هادو من الأشياء لي خلاها تتوتر نزيدو هادي على القرب لي بيناتهم فالوقت الحالي
إيفا : غير سمعني عافاك و غا نشرح لك
أرسلان : واش قلتها ولا ماقلتهاش؟؟؟؟
إيفا : قلتيها قلتيها ولك..
أرسلان : بغيتي تقتليه ياك؟؟؟؟ وصلات بيك الجرأة تبغي تقتلي خويا؟؟؟
إيفا : ( كاتنفي براسها ) لا لا ماكنتش باغا نقتلو كانقسم لك ماباغاش نقتلو كنت باغا نربيها حيت هي السباااب باش تجرحات كرامتي هاااد نهار واخا هي لي غالطة تيق بيا ماكانكدبش
أرسلان : باقا كاتكدبي؟؟؟ صوتك كايرجف بسبب الكدوب و باقا كاتكدبي؟؟؟ و فوجهيي؟؟؟
إيفا : ( بغضب ) همااااا لي ظلمووووني اااه كنت باغا نقتلهم حيت هما لي ظلمونيييي انا ماغلطتش هما لييي غلطوووو هما لي خاصهم يتعاقبو كنت عارفاك ماغاتعاقبهوومش حيت من طرفك و انا؟؟؟؟؟ انا شكون ياخد لي حقي منهم لاماخديتوش منهم؟؟؟؟ لا ا ايفا نتي ليك الله خاصك تصبريي و تتقبلي الاهانات و الظلم لي فحقك حيت كاتبقاي يتييييييييمة .. مقطوووعة من الشجرة ماعندك لي يسول فيك واخا نقتلوك ماعندك لي ينصصصفك ... اااااه بغيت نقتلهم و نعطيهم عقااابهم بيدي سمعتيييي بيديييي
أرسلان : إيفا
إيفا : ( بعصبية ) بغيتي تقتلني على هاد الفعلة؟؟؟ قتلني هاني قدااامك خود روحي اصلا مابقا عندي علاياش نعييش فهاد الدنياااا لي كانو الدراع الحاااامي لي مااااااتو ... هاني قدااامك خوود حق خوك لي غايكون دابا جا عزرائيل ياخد روحو عاقبنييييي اش كاتسناااااا هاني قداااامك عاقبنيييييي خاصك تعرف واحد الحاااجة كون تعطات لي الفرصة باش نعاود نقتلهم كون اكيد كنت غادي ندير نفس شي حيت ماندماااااناش نصبر لكلشي الا كرااااامتي ... بقات كاتهضر و العصبية باينا فوجهها مابقات عرفات اش كاتخرج من فمها قرييب تسبو حتى هو معاهم .. الصبر لي كان صابر معاها تا لحد الساعة تسالا منين بدات كاتغوت ليه فوجهو و منين وصلات بيها تبغي تقتل خوه ما بقاتش عندو و لو نقطة ديال الصبر ... يتبع

 

البارت 142 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚


بعد شوية من حداها و جبد الفردي و و صوبو لجهتها
أرسلان : ترحمي على روحك ... ضغط على زر الامان بقات حركة وحدة هي لي غاتحدد مصيرها واش غاتعيش ولا لا ... فهاد اللحظة ساد الصمت فالمكتب ولكن بالداخل ديال كل واحد شتاعلو صراعات كتيرة ... فهاد اللحظة بدا صراع القلوب مع القلوب لشخصين كانو قلوبهم ميتة ... لأول مرة يبقا مطول و مايتيريش فلي قدامو مع العلم هاد الغلط لي دارتو كون دارو شي حد اخر كون تفنن فتعذيبو و يخليه يطلب الموت و مايلقاهاش ... يقتلو و يحييه 100 مرة بالنهار ( كانقصد يعدبو و يداويه .. شرحت لكم باش مايمشيش تفكيركم بعيد ) ... ولكن علاش مزال ماقتلها؟؟ علاش مزال يديه ماضغطو على الزناد ... علاش هي مزال لحد الساعة قدامو؟؟؟ عقلو كايقوليه قتلها ولكن قوة داخلية مجهولة مانعاه باش مايقتلهاش ... عمرو تحط فهاد الموقف حتى لدابا عمرو تحط فهاد الموقف حتى انهار دخلات ريماس لحياتهم تبدلات شحال من حاجة ... بالرغم من اغلاطها الكتاار لي اقل عقاب يستاهلو هو القتل ولكن فكل مرة كان كايستبعد ديك الفكرة و يعوضها بأفكاروالو، ن ... علاش نهار كانت كاتتصنع الرقاقة عطاهم امر باش يحطو ذكريات يخليوها تكره اسوار اشد الكره ... على هاد الحساب الغلط منو حيت اكيد كون كانت فوعيها ماكانتش غاتفكر تقتلو ولكن هو ماكايغلطش هو ماعمرو يغلط ... هادو هما الافكار لي كانو فراسو ... اما عند إيفا هاد المرة فاش هز عليها الفردي كانت مختالفة على جميع المرات السابقة ... صافي بهاد السهولة غايقتلني؟ هه على غلط بسيط بحال هادا باغي يقتلني؟؟ وانا شماتة ديال خوه هو لي غلط وانا ديك العاهرة ديال خطيبتو هي لي غلطات فحقي؟ هادشي كامل حيت درت ردة فعل على داكشي لي دارو فيا ... ماتفوهو بحتى كلمة حيت النظرات كانو كافيين ... و بدون سابق إنذار لاح الفردي و شدها من المؤخرة ديال راسها نقض على شفايفها بدا كايقبلهم بعنف و كايعض فيهم كانت قبلة عنيفة ولمن مانقدروش نقولو قبلة مجردة من المشاعر حيت فعلا كانت كاتحمل بزاف ديال الحوايج ... غضب أرسلان و الحقد ديالو ... صدمة إيفا و غضبها... دامت لمدة 5 دقايق جميع محاولات إيفا باش تتفك بائت بالفشل عيات دفع فيه و ضرب فيه ولكن لا حياة لمن تنادي ... ماخلاش لها منين تتنفس و بدات كاتخنق شنايفها كاتحس بيهم غايطيرو من بلاصتهم شوية بشوية بدا كايقلل فالوتيرة تحولات من قبلة عنيفة لقبلة مليئة بالأحاسيس و المشاعر الجديدة لي ماسبق لحتى واحد فيهم جربها من قبل... بدا كايتحسس مذاق شفايفها لي كانت عندهم حلاوة خاصة بالنسبة ليه فكل مرة كايبغي يبعد ماكايقدرش .. كايحس بشي حاجة كاتجرو بحال المغناطيس و مخليها تجرو على خلاف إيفا لي وانا حسات بشي حاجة جديدة تحركات فقلبها ولكن عقلها غلب حيت عتاقدات بلي الخوت كايتلاعبو بيها ... بقا شاد بيد و اليد الثانية بقا هابط بيها و كايتحسس لحمها بتثاقل طلعات معاها تبوريشة و حتى هو حس بيها .. تلمس وجهها و بقا هابط حتى لعنقها كايتحسس بتثاقل و واخد وقتو ... بدات ايفا كاتجيد ليه يدو و كاتلوحها بغضب و كايعاود يرجعها بقات كادفع فيه بيديها و رجليها و كاتحاول تبعد راسها ولكن كان حاكمو برزطوه يديها و جمعهوم لها بجوج الفوق ... و عاود كمل تلماس بقا هابط بيديه حتى وصل للخصر ديالها هبط يديه الثانية للجهة الثانية ديال الخصر ماجا فين يخشي يديه من تحت تيشورط حتى قاطعو دقان لي فالباب ... تنفضات منو بالزربة و بدات كاتمسح ففمها بزعفة كان داك دقان بمثابة سطل ديال الما رجعو للواقع بعد ما كان بحالة سكر من خمر شفايفها ... شاف فيها و بقا كايقاد فالكول ديالو
أرسلان : دخل ... تم داخل أبراهام و وجهو صفر
أبراهام : ميستر أرسلااان ميستر أرسلااان
أرسلان : اش كاين؟!
أبراهام : ( حاني راسو ) سي أسوار دار حادث خايبة بزااف باللوطو ديالو هو و الأنسة أريل
أرسلان : اش وقع ليه؟؟؟ باقيين حييين؟؟
أبراهام : سي أسوار باقي حي و احتمال كبير يكونو عندو كسور ولكن للأسف الأنسة أريل ماتت كانت هي المتضررة الكبيرة فالحادث ضار كايشوف فإيفا لي نوعا ما جاها تأنيب الضمير ماكانتش باغاها تموت كانت باغا غير تسيفطها للسبيطار ها هي دابا صدقات قاتلة روح ... بقا كايشوف فيها بنظرات غير مفسرة
أرسلان : خرج سبقني هاني جاي
أبراهام : حاضر ميستر أرسلان ... خرج أبراهام و خلاهم واحد كايشوف فواحد .. جرها من دراعها حتى تخبطات معاه قرب لودنيها و همس بنبرة صوت قريبة لفحيح الأفعى
أرسلان : دعي لربك مايوقع لو والو حيت لاوقعات لو شي حاجة مانضمنش لك واش غاتبقاي حية موراه ... يتبع

 

البارت 143 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚


خرج و خلاها فبلاصتها ... فعلا تصرفات بدون ما تفكر كون مات خوه كون تبعها ليه حيت كيفما كان الحال و واخا مابقاوش مفاهمين ولكن هاداك كايبقا خوه ولكم ديك خيتي تستاهل على شي لي دارت ... خرجات من مكتبو و مشات لمكتبها دخلات و عقلها مرفوع فهادشي لي وقع فهاد النهار ... كان نهار طويل بكل معنى الكلمة
♚ عند أرسلان
خرج من تما و شد طريق نيشان للكلينيك لقا مالك تما و الرجال و العائلة ديال روتشيلد كلها مجموعة تما و معاهم حتى عائلة مورغان ... الدنيا مقلوبة تما بالبكا و طيليفونات واحد كايطفا و واحد كايصوني كلشي كايتجارا من هنا لهذه مع الدخلة لي دخل تعرضات ليه مو كاتبكي
مدام أديرة : خوووك ا ارسلان خوك كايمووووت عتق لي ولديييي عتقوووووه ... تلاحت عليه عنقاتو و بدات كاتبكي و تنخصص المشكلة هي انه ماعندوش مع هاد الدراما كاااملة و البكا و نواح حيت كايديرو لو صداع الراس ... بدا كايبعد الأم ديالو عليه بشوية بشوية
أرسلان : تهدني أسوار ماوقع لو والو
سي إيتان : اجي معايا باغي نهضر معاك
أرسلان : سبقني غانشوف مع طبيب و نلحق عليك
مدام أديرة : عتقو لي ولدي اهئ اهئ ولديييي كبدتييييي ... عيط على ممرضة تجي تتكلف بيها و مشا فإتجاه المكتب ديال الدكتور بلا دقان بلا جوج دخل يلاه غايبدا الدكتور يحرنط غير شافو و هو يبدا فالترطاب
الدكتور : ميستر أرسلان المستشفى نور بوجودك بلاتي نقولهم يجيبو ليك شي حاجة تشربها قهوة ولا عصير
أرسلان : ( بملامح ممحية ) أسوار
الدكتور : عفوا؟؟
أرسلان : شنو عند خويا أسوار؟؟؟
الدكتور : احم رتاح بعدا ا ميستر أرسلان باش نقدر نشرح لك حالتو
أرسلان : غاتبدا تتبهلل عليا؟!!!
الدكتور : ( كايبلع ريقو ) حاشا ا ميستر ارسلان احم سي أسوار بيخير ماعندكم مناس تخافو عندو كسر فاليد اليسرى مع جروح خفيفة قدرنا نعالجوها
أرسلان : ايمتا يقدر يخرج من هنا؟!
الدكتور : تقدرو من دابا تخرجوه ا ميستر ارسلان ... خرج من تما و توجه لعند الأب ديالو لقاه كايتسناه
سي إيتان : أرسلان اش هادشي؟؟؟
أرسلان : وضح كلامك
سي إيتان : خوك مادارش حادثة سير عادية هادي راه محاولة إغتيال رجالنا دارو بحثهم لقاو بلي الفران ديال طوموبيل كان مقطوع خوك نجا ولكن للأسف أريل ماقدراتش تنجا
مورغان : كيفاااااش
سي إيتان : مورغان اش كادير هنا؟؟
مورغان : ( بعصبية ) بنتيي الوحييدة ماتت و انا اخر من يعلم بلي هادي محاااولة اغتيال؟؟؟؟؟
أرسلان : هبط صوتك و ماتهضرش معاه بديك الطريقة
مورغان : واش عارف شكون هاديك لي ماتت شكون ولا لا؟؟؟؟؟ هاديك بنتيييي و باقي كاطلب مني نبرد ؟؟؟؟
أرسلان : و هاداك لي ناعس لداخل حتى هو خويا
مورغان : ( بحقد ) كوون نعرف هادا لي خلاني نفقد بنتييي ماغانرحموووش
سي إيتان: خلي هاد الموضوع حنا غانتكلفو بيه حيت الموضوع كايهمنا حتى حنا و اكيد هادا لي دار هادشي كان متقصد يقتلهم بجوج
مورغان : غانجبدو غانجبدو واخا يكون من تحت لرضضض
أرسلان : رجالي كايقلبو فاش غايلقاوه انا غانتكلف بيه
سي إيتان : اكيد القران تقطع فاش كانو جايين احتمال كبير بالمعسكر حيت من تما كانو جايين
أبراهام : احم ماكانظنش ا سي إيتان حيت ماعندهمش اعداء بالمعسكر و كاع لي تما تقة ... خلاهم أرسلان و مشا لغرفة أسوار دخل لقاه حال عينيه
أسوار : خويا
أرسلان : ماشي شي حاجة خطيرة غير فيك الفشوش
أسوار : قولها لهم عييت معاهم بغيت نخرج ماخلاونيش
أرسلان : كيفاش حتى وقع لكم؟!
أسوار : ديك الحمقة ديال أريل هي سباااب
أرسلان : اش وقع؟
أسوار : ماكانتش باغا ترجع فيحالاتها الا بصعوبة و كان كايسحابلي قتانعات صدقات خلاتنا حتى ركبنا فاللوطو و بقينا غاديين فطريق مدة شوية جاها حماقها و بدات كاتبرزطني فصوكان ماخلاتنيش نصوك و حيت كنت ملهي معاها ماشفتش الكاميو لي كان جاي جهتنا حتى وقعات الفاجعة فينها هي بعدا؟؟
أرسلان : ( ببرود ) ماتت ... بقا مصدوم فهضرة خوه واحد شوية
أسوار : كيفاش حتى ماتت و سي مورغان عرف بهادشي؟؟؟؟
أرسلان : راه على برا ... المهم رتاح هاني غادي
أسوار : أرسلان
أرسلان : وي؟
أسوار : شكرا حيت جيتي تطل عليا ... خرج و ماجاوبوش لقا أبراهام قدامو دار ليه اشارة بعينيه باش يتبعو و خرجو من الكلينيك مشاو ركبو فلوطو ديال ارسلان ... يتبع

 

البارت 144 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚


شوية لحق عليهم حتى مالك لي كان غابر لو الأثر
أبراهام : ميستر أرسلان غانواجهو مشاكل مع عائلة مورغان بسبب هاد الموصيبة لي وقعات و خصوصا ان اللوطو كانت خارجة مم المعسكر يعني الفران تقطع فالمعسكر
مالك : انا درت كيفما قلتي لي ا ميستر أرسلان ولكن للأسف ماقدراتش تنجا أنسة أريل
أرسلان : ( ببرود ) حيت بكل بساطة وصلتي معطل فين كنتي حتى وقع لهم هادشي؟؟
مالك : ( حاني راسو ) ميستر أرسلان كان هاداك هو الحل الأخير لي بين يدي باش نقدر ننقذهم و مانخليهمش يطيحو فشي حاجة كتر من هادي
أرسلان : كانو حلول بزااف ولكن ببساطة نتا مشيتي لأغبى حل لي كان غايقتلهم بجوج
مالك : ميستر أرسلان راني حاولت نحبسهم بأي طريقة عييت نصوني على سي اسوار باش نعلمو بالمشكل ولكن ماكانش كايجاوب و رجالي عياو يكلاكصونيو عليهم من اللور ولكن سي اسوار مالاحظش هادشي و اللوطو ديالي بوحدها ماكانتش غادي تقدر تحبسهم بل كانت غاتتسبب ففاجعة كتر من هادي لي وقعات داكشي لاش ستاعنت بكاميو ( حنا راسو ) ماكنتش قاصد تمشي فيها انسة أريل
أبراهام : ( بصدمة ) نتا مول الكاميو؟؟؟؟؟
أرسلان : اهم حاجة خويا ماوقع لو والو
أبراهام : و أنسة أريل؟ ا ميستر ارسلان؟؟
أرسلان : قلت المهم هو أسوار ما وقع لو والو
مالك : كايبقا السؤال شكون قطع الفران ... بقا كايشوف أبراهام فمالك بمعنى ماشي وقت هاد السؤال حيت باااينا أرسلان عارف شكون ... دابا اكيد تخربقتو ياك؟ ايوا بلاتي نفهمكم ... فاش قطعات إيفا الفرانات و ناضت كاتسوس يديها و كاتشوف فجهة اللوطو لي خرجات مم الباب .. شافها أرسلان و حوايج بحال هادو ماغاديش يخفاو على شخص طول حياتو قضاها غير فالإغتيالات و القتل هز طيلي صونا على مالك و خلاه يتكلف بالوضع قبل ماتوقع شي حاجة لأسوار حيت فهادشي كاامل كان هامو غير خوه الصغير موراها عاد داز عند إيفا يتحاسب معاها
أبراهام : سي ارسلان المشكلة كبرات بزاف و مابقاتش غير فمحاولة اغتيال سي اسوار بل ولات فتسبب موت البنت الوحيدة لسي مورغان و هو موحال يسكت على هادشي و خصوصا ان اللوطو خرجات من المعسكر لي كنتي فيه
أرسلان : يعني؟
أبراهام : يعني ايلا ماتوضحش شكون هو لي كان مور هادشي كامل اكيد غادي تنوض حرب دموية بين العائلتين حيت غادي يشك فيك احم غايشك بلي نتا لي مور هادشي ا ميستر أرسلان و فالوقت الحالي عائلة روتشيلد مامستاعداش لحرب معاه على ود الإتفاق لي بيناتكم و على ود الحرب لي قرب التاريخ ديالها
أرسلان : ايلا كانت عندو الجرأة يوجه اصابع الاتهام ليا خليه يديرها
مالك : ماكانظنش غادي يشك فميستر أرسلان حيت بنت سي مورغان كانت خطيبتو فأكيد ميستر أرسلان ماغايفكرش باش يقتلها
أبراهام : هدا كايبقا غير إحتمال بسبب المشاكل صغار لي كانو بين العائلتين من قبل
مالك : يعني خاصنا نلقاو لي من مور هادشي عاجلا ام اجلا بش نتفاداو هادشي كامل
أبراهام : حتى ايلا مالقيناهش حنا ماكانظنش سي مورغان غادي يخفى عليه اكيد غايجبدو من تحت الارض حيت فالأول و الاخير هاديك لي ماتت ماشي شي وحدة عادية ... مشكيلة كبييرة طيحات راسها فيها و طيحاتهم حتى هما فيها بسبب داك الغلط تقدر توقع عداوة مع العائلتين
أرسلان : تكلفو بهادشي لغيو لهم الاحتمال ديال الفران لي تقطع عندنا فالمعسكر
أبراهام : حاضر ميستر أرسلان
أرسلان : تقدرو تمشيو ... غير خرجو من اللوطو كسيرا نيشان للمعسكر
أبراهام : مابقيت فاهم والو علاش بغانا نبعدو الشكوك على المعسكر؟؟؟
مالك : ماعرفتش ولكن لي متأكد منو هو الفاعل كاين فالمعسكر ولكن ماعرفتش شكون يقدر يدير هادشي؟
أبراهام : السؤال الصحيح هو واش كان متقصد يقتل سي أسوار ولا انسة اريل ولا متقصد يقتلهم بجوج
مالك : هادا لي دارها جرأتو زادت على حدها
أبراهام : هادا لي دارها انا متأكد سي أرسلان عارف شكون هو ولكن باغي يبعد الشكوك عليه
مالك : نو ماكانظنش حيت بالعكس كون كان عارفو شكون كون قتلو على هاد الفعلة لي دار
أبراهام : واخا اذا عطيني سبب علاش سي أرسلان بغانا نبعدو الشكوك على المعسكر؟؟
مالك : يقدر حيت بغا يبعد المشاكل على عائلة روتشيلد
أبراهام : شي حاجة مامفهوماش فالموضوع ماعرفتش شنو كان غايستفاد هاد الفاعل ايلا مات سي اسوار و انسة اريل
مالك : تقدر تكون قضية انتقام
أبراهام : كلشي ممكن ... يتبع

 

البارت 145 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚


ديك الليلة مانعس حتى واحد فيهم مرتاح تفكيرهم واحد و هو هاد الموصيبة لي طاحت على ريوسهم و هادشي كامل بسبب تهور إيفا و إندفاعها للإنتقام من غير واحد الشخص لي كان تفكيرو مخالف تماما لهادشي ... دازت سيمانة بالضبط من مور هادشي لي وقع أسوار خرج من الكلينيك و مشا للقصر ... أرسلان مابقاش عاود رجع للمعسكر ... أبراهام و مالك كايديرو كتر من جهدهم باس يقومو بتظليلهم فالبحث على الفاعل و كايحاولو ما امكن يبعدو الشك على المعسكر اما بالنسبة لإيفا فكانت ملهية غير فالتداريب
♚ القصر مقلوب رأسا على عقب الخدامات كايجريو من هنا لهنا و أم أرسلان واقفة عليهم باش مايوقع حتى غلط اكيد غاتوقف عليهم و لما لا و هادي خطوبة الإبن البكر ديالها خليفة سي أصلان الشيبة العاصية لي كلشي ضارب لو 1000 حساب و حساب ... أجواء التجهيزات مالية القصر ولكن كالعادة خدامين فصمت و هادشي من أوامر سي أصلان كبير العائلة لي ماكايحملش صداع نهااائيا اليوم العائلة كلها حاضرة فالقصر و هضرتهم كلها على أرسلان و خطوبتو ... كان جالس جنب جدو لي كان فالفراش و حداه طبيب كايفحصو
سي أصلان : ا ولدي راني بيخير عاد فحصني طبيب هادي يومين
أرسلان : ماغانخسرو والو ايلا عاود فحصك قدامي ... سالا طبيب الفحص ديالو و ضار لعند أرسلان
طبيب : ميستر أرسلان سي اصلان ماعندو والو ولكن خاصو يعطي الراحة لراسو و مايبقاش يدير جهد ماكايتحملوش الجسم ديالو و خصوصا فالاشخاص لي فهاد السن خاصهم يحاولو على راسهم
أرسلان : تقدر تمشي ... خرج طبيب من تما
أصلان : مزال ماغاتمشي توجد راسك؟ راه خطبتك اليوم زعما خاصك
أرسلان : كان خاصني نتأكد بلي جدي صحتو مزيانة باش يقدر يحضر
أصلان : واخا نكون على فراش الموت مانقدرش نغيب على مناسبة كاتخص حفيدي الغالي
أرسلان : عشتي قوي و غاتموت قوي ماشي حنا لي كانموتو ضعاف
أصلان : هادي حاجة اكيدة ا ولدي
أرسلان : كانستأذن منك ... باس ليه راسو و خرج من تما باش يجهز راسو على ود الخطوبة مشا لغرفتو دخل للحمام خدا دوش ستغرق فيه 5 دقايق و عاود خرج مشا لجهة دريسينغ ختار ملابس ملائمة للخطبة عبارة على سروال كمل مع قاميجة كحلة و كرافاط كحلة و كوستيم كحل و لتحت لبس صباط رجالي كحل مكحلها بحال الغراب ... حط الساعة فيدو و رش البارفان ديالو دار اخر تعديلات و ها الخطيب كامل مكمول جا فكامل اناقتو .. غير خرج من الجناح ديالو لقا قدامو أسوار حتى هو لا يقل اناقة عليه ولكن داير الجبص ليديه و سبارادرات فوجهو مغطيين ليه الجروح
أسوار : ( مبتاسم ) حييت حتى لنهار لي نشوف فيه خويا عريس
أرسلان : حييت حتى لنهار لي نشوف فيه خويا معطوب فين مشات الصحة؟
أسوار : ايوا راني معذور كاميو ماشي ساهل
أرسلان : عمرك تخلق اعذار للضعف على العموم ماغاتهبطش!!
أسوار : سيفطوني نعيط لك نتا اما انا عاد كنت لتحت ... توجه للطابق التحتاني و فجنبو اسوار كايهضر على الخطوبة وصلو و كان القصر من لتحت كلو مزين و عاامر بالشخصيات و اشخاص الفي اي بي حاضر غير شكون و شكون ماتلقاش تما شي واحد عندو شركة صغيرة و جاي حاضر ولا مقاولة صغيرة و جاي حاضر ... الشخص لي ماتلقاش عندو تما على الاقل تلقا عندو شركة عندها فروع و مصنع .. غير وصل لتحت بداو الحضور كايجيو يسلمو عليه باش يشريو المعرفة معاه زعما ماكانش مهتم لهادشي حيت عارفهم غير لحاسين الكابا .. تلقا ليه سي اصلان و سي ايتان
سي ايتان : ولدي ارسلان ولدي اسوار كلشي كايسول عليكم
سي اصلان : حفيدي الغالي ماغاتمشيش عند خطيبتك؟
أرسلان : نسالي شي غرض و غانمشي
أسوار : شوية و نمشي لعندهم الواليد
سي أصلان : ماتعطلش اولدي ... تحرك من تما و تبعو اسوار
أسوار : شفتك ماراشقاش لك اش تم؟
أرسلان : ماعنديش مع صداع كان ضروري هاد تخربيق كامل؟!
أسوار : ههههه من نيتك؟ علاش واش فنظرك جدي غادي يخلي شي مناسبة بحال هادي بلا مايدير لها حفلة تناسبها و تخلي كلشي يهضر عليها ( شاف فجهة بنت عمو و عاود شاف فأرسلان )
أسوار : شيرا جات غزالة بداك الفستان ماغاتمشيش لعندها؟ ... ماجاوبوش و مشا لجهة خطيبتو و العائلة ... يتبع

 

البارت 147 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚



حط اصبع السبابة و اصبع الإبهم على جبهتو كايكالمي فهاد الأعصاب لي عاد ولاو كايجيوه عمرو تعصب و عمر خلا شي حاجة ولا شي واحد يعصبو حيت بكل بساطة كان كايتيري فيه و يرتااح ولكن من نهار عرف ريماس و مشاكلها لي ديما دايراهم ليه و علامات الأعصاب بداو كايبانو عليه ... كنت قلت ليكم فالبداية بلي أرسلان واحد الشخص دمو بارد و عمرك تعرفو فاش كايفكر ولا واش معصب ولا فرحان ولا مقلق حيت بكل بساطة كانو ملامحو خالية من اي تعبير كان المعنى الحقيقي ديال الرجل الثلجي ولكن من بعد كلشي تبدل من نهار لي غرسات فيه طورنوفيس و كانو اول تعابير ترسمو على وجهو هما تعابير الصدمة و من تما بدا كايتبدل شيئا فشيئا
أرسلان : طلعي و ماتخلينيش نعاود هضرتي
إيفا : ولكن مافهمتش شنو كاين؟؟؟؟ شرح لي اش كاين ماشي غير تجي و تقوليا طلعي ... دفعها فاللوطو و سد الباب و ضار لعند مالك و أبراهام
أرسلان : تكلفو بيهم
ابراهام : حاضر ميستر أرسلان ... مشا للجهة الثانية ديال اللوطو ركب و كسيرا بيهم شيفور
إيفا : ميستر أرسلان ماغاتشرحش ليا اش كاين؟؟
أرسلان : ( بحدة ) حسك مانسمعوش ... تقطع الحس فاللوطو بقات كاتفكر غير فين غاديين و علاش دوك رجال كاملين لي خلاهم فالمعسكر كاتشوف فأرسلان لي مهدن ولكن هاد المرة هدوئو لا يوحي بالخير ... ساد الصمت ولكن داك الصمت مادامش حيت ما هي الا لحظات حتى تسمع صوت الرصاص موراهم و صوت روايض كايتحكو مع الأرض ضارت ضارت بزربة كاتشوف اش كاين لقات سيارات كوحل تابعينهم مستفين و خارجين منهم رجال كايضربو جهة اللوطو ديالهم رجعات لبلاصتها و نطقات
إيفا : ميستر أرسلان ماقلتيش ليا غانعاودو نفس التدريب ديال ديك المرة؟ ولكن هاد المرة ماعندناش سلاح كي غانديرو ندافعو؟
أرسلان : قلت لك حسك مانسمعوش ... ضار يشوف شحال من لوطو تابعاهم لقاهم غاديين ل15 لوطو غاديين و كايقربو ليهم حتى ولاو 2 طوموبيلات فجنبهم وحدة من اليمين وحدة من ليسر يلاه ضار باش يهضر مع شيفور شوية و هو يتسمع زاج اللوراني ديال لوطو تهرس بفعل القرطاس لي كايتضرب
أرسلان : أرا المانيطة لي حداك ... عطاها لو شيفور بالزربة ... كانت عبارة على مانيطة فالرمادي حلها و كانو فيها نفس نوع الأسلحة ديال ديك المرة جبد 2 فرادا دار ليهم العمارة ديال القرطاس و لاح المانيطة لجهة الثانية ... حل الباب ديال اللوطو و بدا كايتيري فدوك لي راكبين فاللوطو من جهتو بدا بالشيفور هو اللول عاد تبع ليه دوك لي راكبين معاه و كايتيريو فاللوطو ... بدات اللوطو ديالهم كاتعواج فطريق حتى نحارفات على طريق ... سد الباب و حل واحد لعيبة كاتكون فسقف ديال اللوطو طلع فوق الكرسي و بدا كايتيري فاللوطو لي من جهة إيفا حتى صفاها لهم كاملين .. هي عاد سرات معاها بلي ماشي كايدوزو بحال المرة الفايتة حيت المرة الفايتا ماكانوش كايموتو بل كان القرطاس كايتضرب غير فروايض و زاج ديال اللوطو ... هزات ديك المانيطة و جبدات منها 2 فرادا واحد و دارت لهم العمارة واحد خشاتو بين سمطة و سروال و واحد خلاتو فيديها .. حلات شرجم ديال اللوطو لي من جهتها و جلسات عليه يد شدات بيها ماش ماطيحش و يد جهزات بيها السلاح و ما هي الا ثواني حتى خرجات راسها و بدات كاتحدد المناطق لي غاضرب فيهم و احسن منطقة جاتها هي زاج القدامي ديال طوموبيلات لي تابعيهم ... بدات كاتيري فيهم واحد بواحد و أرسلان من الفوق كايتيري فدوك لي خارجين من شراجم و كايضربو بالقرطاس فجهتهم لاحظ القرطاس لي كايتضرب من اللوطو ديالو لقاها عاقدة حجبانها و عينيها مركزين على طوموبيلات
أرسلان : إيفا رجعي اللوطو
إيفا : لا ا ميستر أرسلان ماغانرجعش و نتخبع
أرسلان : إيفا قلت لك دخلي اللوطوو
إيفا : لااااا كنت اقسمت بالإخلاص ليك و للدولة و مانقدرش نتخبع
أرسلان : ايفا دخلي اللوطو ولا غاتتعاقبي
إيفا : ماكايهمنيش العقاب و غاندير خدمتي لي المفروض نديرها
أرسلان : إيفاا
إيفا : الصمت ... مابقاتش عاودات جاوباتو خواو لها الفرادا بجوج و ضطرات تدخل باش تعمر الفرادا تاني بدات كاتعمرهم بزربة و رجعات لبلاصتها فشرجم ... القرطاس غير غادي كايجهاد أرسلان قدر يقتل اكبر عدد من لي كانو تابعينهم و إيفا كاتحاول ما امكن ماتخليهمش يقتاربو من اللوطو ديالهم ... يتبع

 

البارت 146 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚


تبعو عاوتاني أسوار
أب شيرا : اهلا بولد خويا و نسيبي توحشناك
أرسلان : على هاد الحساب عزيز عليك بزاف منين وليتي كاتوحشني واخا تكون شفتيني عاد فالصباح ... شاف فجهة شيرا كانت شابة فالعشرينات من عمرها بشرتها قمحية و حروفها كحلين بحال عينيها ... شعرها اسود فنفس سواد شعر ارسلان واصل لتحت كتفها طايتها مقادة كانت لابسة فستان طويل و مشبك من اليدين .. واقفة حدا الأم ديالها كاتهز راسها فأرسلان و كاتعاود تحنيه ماشي بالحشمة ولكن كاتخاف منو ... عارفة أرسلان اش كايسوا و طبعو كي داير عمرها كانت متوقعة غادي يختارها جدها ليه و عمرها فكرات فيها ولكن ها هي ماطاحت غير فيه بدات كاتنغزها مها باش تهضر مع أرسلان
شيلا : أرسلان لاباس عليك ... بقا كايطلعها و يهبطها مدة عاد نطق
أرسلان : بيخير
سي أصلان : ولدي شفتك مامرتاحش شي حاجة مقلقاك؟؟
مورغان : سي اصلان
سي أصلان : اووو شوف شكون عندنا هنا
مورغان : كايبان لي عندكم احتفال بالخطوبة ديال سي أرسلان
سي أصلان : سيفطنا لك دعوة ولكن ماكنتش متأكد واش غاتجي ولا لا
مورغان : راك عارف مانقدرش نرفض دعوة واحد من اهم شركائي ... ضار يشوف فأرسلان لقاه ملهي مع طيلي ديالو
سي أصلان : كانظن صافي تافقنا على داكشي لي فبالي و بالك
مورغان : وي ا سي اصلان هاداك اخر قرار ضروري مانحيدوهم من طريقنا
سي أصلان : هادي ماشي بلاصة هاد الهضرة من بعد و البقية فحياتك على ود بنتك مورغان : كايبان لي سي أرسلان مشغول
سي أصلان : أرسلان واش كاينا شي حاجة؟
مورغان : يقدر يكون وصلو شي خبار ماشي هو هاداك ولا لا ا سي أرسلان ... أرسلان ماكانش عقلو معاهم نهائيا بل كان مع الخبر لي عاد وصلو دابا بداو ملامحو كايتبدلو شيئا فشيئا حتى خرج بزربة من تما بلا مايجاوب لا جدو ولا مورغان وبلا مايتسوق لداك الكم الهائل ديال الحضور لي غايلقاو الموضوع لي يشدو فيه و خصوصا انه خرج وسط الحفلة و مزال حتى ما كمل الخطبة خلا خطيبتو معلقة ما هي مخطوبة ما هي مامخطوباش
سي أصلان : ارسلاان اش واقع؟؟ ... خرج من تما بزربة تحت نظرات استغراب كاع الحضور شنو الحاجة لي خلاتو يخلي خطوبتو بهاد الشكل و يخرج بلا مايفكر لا فخطيبتو لا فالعائلة؟ شنو الحاجة لي خلاتو يخرج بهاد السرعة
♔ عند إيفا
اسبوع كامل و هي حاسة بالقنط القياد عطاوها التيساع و مابقاوش كايقراو عليها حتى السلام خوفا على روحهم ... الجنود ولاو محتارمينها كل الاحترام من مور الحادثة لي كانت وقعات لها مع الجندي و كايتفاداو يجبدو معاها صداع تدريباتها سالاتهم دابا ولات كادير معاهم غير تدريبات العادية ... يعني مابقا عندها حتى حاجة تتلها فيها حتى أبراهام لي كانت موالفا تبقا كاتعاطا معاه ماكاينش لاحظات غياب الكل على المعسكر و هادشي خلاها تستغرب
صباح الحال و بدا نهار جديد ولكن هاد نهار من صباحو باين كي غايكون .. منين فاقت و هي حاسة بشي حاجة غاتوقع ماشي هي هاديك عيات ماتطرد داك الإحساس ولكن والو .. بدات نهارها كالعادة بالتداريب العادية حتى وصلات ديك 3:00 شوية تسمع صوت البوابة ديال المعسكر لي تحل و دخلو منها 5 ديال طوموبيلات لوطو ديال أرسلان و لوطو ديال أبراهام و لوطو ديال مالك و 2 طوموبيلات كبار عامرين بالرجال ديال أرسلان ... وقفات كاتشوف فيهم و علامات الإستغراب مرسومين على وجهها ... غابو سيمانة و فاش جاو جاو بعجاجتهم بان لها أرسلان خرج من اللوطو ديالو و جاي فإتجاهها و تابعينو مالك و أبراهام مخنزرين فيها
إيفا : ميستر أرسلان؟ ... ماجاوبهاش جرها من يديها و تم راجع اللوطو بالزربة و ملامحو ماكايتفسروش
أرسلان : طلعي
إيفا : مافهمتش فين غانطلع؟؟ و شنو واقع؟؟ ... يتبع

 



البارت 148 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚


أنك تواجه 15 طوموبيل و فكل طوموبيل كاينين 4 ديال الأشخاص يعني ضرب 15 فربعة كاتتسما مواجه 60 شخص مسلحين هادي بحد ذاتها كاتتسما شجاعة هادشي فحالة كنتي راجل و ايلا كنتي بنت؟ و واجهتي هاد الكم كامل؟ و زيد عليها راكبة فلوطو و ما حيلتك لواش تشدي راسك باش ماتصدقيش مردوخة فالأرض و ما حيلتك للقرطاس لي كايتضرب من كل جهة و مع ذلك ماتخبعتيش بل واجهتيه بكل شجاعة شنو كايتسما هادشي؟ ... بقاو ملهيين مع طوموبيلات لي اللور و للأسف مالاحظوش طوموبيلات لي كايتسناوهم القدام ... بدا القرطاس جاي من اللور و القدام ... ضار أرسلان لقاهم 15 لوطو خرا دخل لداخل كايعمر فالفرادا و إيفا بقات كاضرب لي اللور و ماشافتش لي القدام ... أرسلان يديه كايعمرو فالفرادا و عينيه مع ريماس و مع دوك لي القدام حتى لواحد اللحظة بان ليه واحد كايصوب الفردي فجهة إيفا لي عاطياه بالضهر جرها أرسلان جرة وحدة للوطو كانت على شوية تاخد تاخد الدقة فالعمود الفقري بسباب ديك الجرة
أرسلان : مابقيتيش كاتسمعي للهضرة؟! وليتي كاتخالفي أوامري؟؟
إيفا : انا بغيت غير نعاون ماشي نتخبع بحال الجبناء و هادشي ماشي مخالف للأوامر ولا القوانين
أرسلان : قلت لك تدخلي ولا ماقلتهاش لك؟؟؟؟ بقا كايشوف فيها بحدة شاف فالشيفور من المراية لي بدورو فهمو و زاد فالسرعة بقا ساكت و مرة مرة كايطل يشوف شحال من لوطو تابعاهم كانت لوطو وحدة وفيها غير شخص واحد هو لي بقا حي ... ماعرفاتو فاش كايفكر سكوتو ماكايدلش على الخير واش يكون أسوار مات زعما؟ فضلات تسكت و خصوصا فاش شافت الحالة و المكان لي راهم فيه زيادة على دوك شوفات لي كايدير فيها حاديين بحال سيف .. الملامح ديالو كانو ممحيين و ماكايعبرو على والو ماتعرفو واش معصب ولا مهدن .. و بدون مقدمة ضور يديه على الخصر ديالها عنقها و تكا عليها جا من فوقها جات ناعسة على الكرسي و هو من فوقها .. بقات كادفع فيه
ريماس : ( بعصبية ) نووووض عليا اش كاديير .. مزال ماكملات هضرتها حتى حسات باللوطو تزعزعات بيهم و دخلات فبوطو ديال ضو و ما هي الا لحظات هبطو 8 رجال مسلحين من ديك لوطو لي زدحاتهم بقاو كايتيريو فلوطو ديال أرسلان شيفور مات بسباب رصاصة ختارقات راسو .. قربو من شرجم ديال اللوطو باش يشوفو واش صافي قتلوها حيت ايفا هي الشخص المطلوب باش يتم قتلها و حذرهم مورغان يبعدو من ساحة أرسلان ولكن هما فهمو أوامرو بالمقلوب ... مالقاو والو فلوطو لا إيفا والا أرسلان
***** : فين مشات هادي؟؟؟؟
***** : هربااااات ... ما هي الا لحظات حتى تفاجئو بأرسلان لي كان موراهم هاز 2 فرادا موراه تيرا فيهم فدقة وحدة حتى تناثر قطرات الدم ديالهم على لحمو ... ضار لعند لاخرين مرة كايزيدو القدام و مرة كايتراجعو خطوة اللور مترددين واش يجيو ولا لا دار لهم اشارة بيديه باش يجيو شوية كايبان لك البشري غادي كايجري فجهتو ... و كلما كايقرب شي واحد فيهم كايتيري فيه خواو الفرادا بجوج و جبد 2 فرادا خرين كل واحد شادو بيد بدا كايتيري فكل واحد كايهز الفردي فوجهو تسالا القرطاس من الفرادا و حاليا مابقا عندو حتى واحد عامر و كايشوف باقيين جايين لجهتو ترسمات إبتسامتو الشيطانية على ثغريه حيد الفيستا لاحها و بدا كايطوي الكمام ديال القاميجة و كايطلعهم و عينيه علئ دوك لي جايين مع وصلو عندو جوج شد واحد فيهم و لوا ليه يديه خلاه يتيري فراسو و عاود ضور ليه يديه خلاه يتيري فصاحبو و لاحهم و مشا كايجري لجهة الباقيين بدون سلاح و بدون واقي رصاص بدا كايقتل هادا و يدبح هادا ماقدروش يلحقوه كيفاش غايديرو يلحقوه و ارسلان معرووف بالخفة ديالو؟ ماجاو يستوعبو اش وقع و كيفاش وقع حتى كانو كلهم جثث هامدة مشات إيفا كاتجري لعندو
إيفا : شكون هادو؟؟؟ و اش بغاو؟؟؟ علاش بغاو يقتلونا؟؟؟؟؟ .. ماجاوبهاش و ماشافش فجهتها كان مركز مع الصوت لي كايسمع ... كانو صوت خطوات ديال رجال خرين جايين بشوية زعما باش مايشوفهمش ولكن معامن هما جاو حتى لعند أرسلان لي كايقدر يميز الكذب من الحقيقة من صوت بنادم و مابغاوهش يسمع صوت خطاويهم؟ ... بحركة سريعة دفعها للوطو لي كانو راكبين فيها لي تيراو فلوطو و سد عليها الباب و دابا عاد اجيو تشوفو المجزرة لي وقعات ... اكبر مجزرة خاضها فحياتو ... دمايات غير سايحة حتى غطات شرجم ديال لوطو ريماس مابقات قادرة تشوف والو بسبب الدم لي غطا زاج ديال اللوطو ... بغات تخرج تعاونو كاتسمع غير صوت القرطاس و صوت الضرب ولكن أرسلان حذرها باش ماتهبطش .. فواحد اللقطة تقطع الحس و ما هي الا ثواني حتى تحلات الباب ديال لوطو كان نفسو أرسلان تصدمات من المنظر ديالو عينيه كانو مظلمين و خط ديال دم دايز من جبهتو ملابسو السوداء تغطات بلون الدم القاتم يديه كلهم دم كان كايبان بحال شي شيطان ركب و ديمارا لوطو ... يتبع

 

البارت 149 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚


كسيرا فإتجاه المجهول يد صايك بيها و يد شاد بيها طيلي دوز نمرة أبراهام
أرسلان : قلت لك تكلف ولا ماقلتهاش لك؟؟؟؟
ابراهام : ميستر أرسلان حنا بالفعل مكلفين و بالسلطة لي عطيتيني ماخليناهمش يدخلو للمعسكر حتى يجي لي مكلف و عطيتهم تحذير و قلت لهم نفس شي لي قلتي لي بلي هادشي ايلا ماوقفش هنا .. غادي تكون عندهم الخسارة كبيرة و غادي تقطع مع عائلة مورغان اي حاجة كاتربطكم
أرسلان : هادشي لي كاين؟!
أبراهام : سي مورغان قال بلي ضروري خاص يهضر معاك ولا هاد الخبار غاتوصل لسي أصلان
أرسلان : خليك مراقب المعسكر ... قطع عليه شوية و هو يصوني طيلي ديالو طلعات ليه نمرة مورغان
مورغان : سي أرسلان اش هادشي؟ كنتي عارف القاتل ديال بنتي و خبعتيه علينا؟؟؟ ... بقا كايشوف فإيفا كايجاوب فطيلي شوية رجع عينو للطريق حيت صايك
أرسلان : ( ببرود ) علاش واش نتا سولتيني عليه ا مورغان !!
مورغان : شنو المعنى ديال فاش جينا نديوها مابغيتيش تسلمها لينا؟؟ سي أرسلان هادشي لي كادير فيه راه غايضر علاقة عائلتي بعائلتك ... وقف اللوطو و ترسمات ابتسامة جانبية على وجهو
أرسلان : و الخاسر الوحيد فهادشي هو نتا .. خسارة حليف بحالك ماعندو ما ينقصني
مورغان : ماتنساش ا سي أرسلان بلي عندي حلفاء من غيركم
أرسلان : مانسيتش هادشي ماتخافش ا مورغان ولكن لي بان ليا نتا لي نسيتي بكلمة مني كلشي غايقطع علاقتو بيك و فالأخير غا تبقا بلا حلفاء بحال لي وقع لأل مارشال
مورغان : كاتهددني؟؟؟
أرسلان : انا ماكانهددش كاندوز نيشان للتطبيقي تبغي تجرب؟
مورغان : لي ماتت راها بنتي الوحييدة باغيني نتغاظا على هادشي؟؟؟؟
أرسلان : ايلا كنتي كاتفكر فمصلاحتك
مورغان : مشكل بسيط بحال هادا كانظن ماعندنا لاش نوصلوه لهاد المواصل ولا لا ا ميستر أرسلان
أرسلان : الرجال لي سيفطتيهم يتبعوني نعتابرها خيانة منك!!
مورغان : ( بإستغراب ) اينا رجال؟؟؟؟؟؟
أرسلان : همم كايبان لي ماعندكش قدرة السيطرة على رجالك
مورغان : اينا رجال كاتهضر عليهم؟؟؟؟
أرسلان : لي سيفطتي يقتلو قائدة متدربة من تحت يدي و دراعي ليمن الثانية ... ضار كايشوف فإيفا لي كانت مصدومة أرسلان ماموالفش يكدب و عمرو كدب كيفاش قضية دراعي ليمن؟؟؟ و أبراهام؟؟؟
مورغان : ديك العاه.. ديك الجندية دراعك ليمن؟؟؟ بلاتي انا هضرت مع رجالي يجيبوها فقط لاكانت بوحدها
أرسلان : مورغان غانلخص لك كلامي فجملة وحدة حيت ماعنديش مع كثرة الهضرة المرة الجاية لي غانعاود نشوف واحد من رجالك كايضور بشي حد كايخصني ماغاديش نتردد فأنني نخليك على الحضيض و نشرد عائلتك اول تنبيه و اخر تنبيه ليك المرة جايا ماغانهضرش غادي نطبق
مورغان : كيفاش كاتخصك و بنتي أريل؟؟؟؟
أرسلان : بنتك أريل فالقبر
مورغان : كانظن خاصنا نعاودو نهضرو فهادشي من جديد
أرسلان : باغيني نعاود هضرتي!!
مورغان : حق بنتي و حق خطيبتك يضيع؟؟؟
أرسلان : ماغايضيعش حيت بكل بساطة هادي لي باغي تقتلها ماشي هي السبب باش ماتت بنتك ... قطع عليه فوجهو علاه شنو يحساب ليكم واحد بحال مورغان غادي يدهشر أرسلان؟ هو فعلا مورغان عندو نفووذ و اموال و سلطة ولكن لي خاصكم تعرفو هو ان ارسلان هو لي خلا بزاف ديال العائلات يكونو حلفاء مع عائلة مورغان و هادشي عن طريق انه كان فواحد الوقت كايبان هو و مورغان و بزاف ديال المشاريع مشاركهم أرسلان مع مورغان و ايلا مشا أرسلان حتى نساحب منهم غادي تكون خسارة كبيرة بزاف لمورغان و هادو من الأسباب لي خلاه يبدا يرطب معاه ولكن واش فنظركم غايبقا ساكت هاكا؟ مع العلم هو عارف بلي لامشا حتى قرب لأي شخص قريب لعائلة روتشيلد اول واحد غادي يتقلب عليه هو سي أصلان بنفسو ... عائلة مورغان من اهم حلفاء عائلة روتشيلد و خصوصا انهم متشاركين بزاف ديال الحوايج ... متشاركين فمنظمة الماسونية ... الاعمال ... الخطط و البلانات و كانو غايكونو عائلة وحدة ولكن هادشي كاامل كان غايمشي بسبب المشكل لي دارت إيفا
إيفا : سي ارسلان مافهمتش قضية دراع ليمن واش كدبتي عليه؟؟ و علاش هو بغا يقتلني؟؟
أرسلان : ( بدون مايشوف فيها ) راجعي راسك و شوفي التهور لي درتي مؤخرا
إيفا : اينا واحد فيهم؟
أرسلان : مزيان منين عارفا راسك مادرتيش غير واحد ... يتبع

 

البارت 150 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚


سكت شوية و كمل هضرتو
أرسلان : من اليوم غاتكوني دراعي ليمن
إيفا : و أبراهام؟؟؟
أرسلان : أبراهام غايبقا فبلاصتو نتي غاتكوني إحتياطية فحالة كنت مكلف أبراهام بحاجة خرا
إيفا : و الحرب اش غاندير بيها؟؟؟ اكيد ماغادي نفلتهاش شحال و انا كانوجد لها
أرسلان : ( بدون مايشوف فيها ) هاد الأيام وليتي كاترادي معايا فالهضرة مابقاو كايوقفوك لا قوانين لا قواعد بان ليا بغيتي نرجعو لزمان التداريب
إيفا : ولكن نتا بنفسك كنتي قلتي لي قبل مانولي قائدة بلي أمر مؤكد غانمشي مع القياد
أرسلان : كاان ولكن دابا ماغايكونش
إيفا : شنو تبدل؟؟ شنو درت ا سي أرسلان؟؟؟ كنت و نعم القائدة و هادشي بشهادة الجميع و دابا غاتحرمني ندخل فالحرب على ود بلادي؟؟؟؟
أرسلان : هضرتي قلتها
إيفا : اوك فهمت .. حتى انا مقدرة المنصب لي باغي تعطيني ولكن كانعتاذر حيت ماغانقبلوش
أرسلان : ( الصمت )
إيفا : و غانرجع لرتبتي كقائدة ماشي كانخالف اوامرك ولكن بغيت ناخد حق عائلتي لي تقتلات على يد المسلمين الأنذال و ختي لي تغتاصبات و تقتلات و هي باقا طفلة
أرسلان : ( الصمت و متجاهل كلامها )
إيفا : اخر قرار عندي هو هادا
أرسلان : ( الصمت )
إيفا : نعتابرها موافقة من عندك؟؟ ... حبس طوموبيل فواحد الخلا بقات غير كاضور عينيها فيه .. الحال ضلاام و تما كاين غير الخلا و القيفار
أرسلان : ( ببرود ) هبطي
إيفا : فين حنا؟ و علاش غانهبط؟؟
أرسلان : بغيتي تبقاي فرتبتك؟ هبطي ... بقات مستغربة اش هاد الطلب تاني ، حلات الباب و هبطات بقات كاتسناه اش غايقول
إيفا : هاني هبطت؟
أرسلان : تحركي لقدام
إيفا : فين؟
أرسلان : قدام اللوطو
إيفا : ميستر أرسلان مافهمتش واش هادشي ضروري؟؟
أرسلان : بغيتي ترجعي لرتبتك؟؟ فنظرك كاتستاحقيها؟!
إيفا : ( بثقة ) بطبيعة الحال كانستاحقها
أرسلان : سيري لقدام اللوطو ... الإختبارات لي دازو منهم القياد غادوزي عليهم بحالك بحالهم
إيفا : واخا ... مشات لقدام اللوطو و بقات كاتسناه اش غايقول
أرسلان : جري فنفس الخط لي غانمشي فيه انا
إيفا : كاتقصد انا نجري و نتا تتبعني باللوطو؟؟؟؟
أرسلان : ايلا كملتي غاترجعي لرتبتك
إيفا : و ايلا ماكملتش؟
أرسلان : القبر كايتسناك
إيفا : ماكانخافش من الموت
أرسلان : بداي جري .. ضارت و بدات كاتوجد راسها الاختبار كان كالتالي غادي تبدا كاتجري و هو غادي يتبعها باللوطو بواحد السرعة محددة و فحالة حبسات غادي يدوز فيها و عادي و فحالة تقلات الجري كذلك غادي يدوز فيها و بالنسبة للوقت لي كايسالي فيه هاد الاختبار ... غير محدد حتى كاترشق ليه ولكن ماكاينزلش على ساعة و نص يعني لاااكان عندها زهر غادي يخليها كاتجري ساعة و نص و صافي و هاد الاختبار واحد من الاختبارات لي كايختابر بيهم القياد لي كايتعينو فرتبة قائد و هادا اسهل اختبار بين ال20 اختبار لي كايدوزو منهم يعني حتى كايشوفو الموت بعينيهم عاد كايطلعو لرتبة قائد ولكن هي كان عندها إستثناء حيت مادوزات حتى اختبار منهم و هادا واحد من الأسباب لي كايخلي انه ماكاينش نهائيا قياد اناث عندهم حيت ماكاينش لي تقدر تصبر على هاد الاختبارات لي رجال براسهم ماشي كلهم كايتحملوهم ... داكشي باش بقاو القياد معجبين فيها كيفاش بنت بحالها قدرات دوز اختبارات بحال هادوك و السبب هو انهم كايظنو بلي هي فعلا دازت منهم حيت عارفين أرسلان صارم فبحال هاد الأمور ... يتبع

 

البارت 151 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚


ستاعدات و خدات نفس عميق و بدات كاتجري ماعطلهاش مع بدات كاتجري ديمارا طوموبيل ... على عكس لي كايدير مع القياد لاخرين كايعطيهم دقيقة باش يبعدو فيها قدر المستطاع عاد كايتبعهم هاد الاختبار دارو لهم باش يعرف قدرة التحمل ديالهم تحت الضغوطات ... مع بدات كاتجري ديمارا لوطو و خلاها تمشي فسرعة محددة ماتسمعوش ديماراها تقولو ديمارااااها نيت حيت كان داير سرعة بطيئة شوية ... بقات كاتجري لمدة ساعة و اللوطو باقا تابعاها مابغاتش ضور تشوف فين وصلات .. دازت ساعة خرا و نفس الشيئ باقا إيفا صامدة و ماباغاش تستسلم دازت نص ساعة بداو كايبانو عليها علامات التعب دقات قلبها تزادو و بدات كاتعراق حيدات القاميجة بقات بديباردو و عاقدات القاميجة فالخصر ديالها و هي باقا كاتجري .. دازت نص ساعة خرا بداو رجليها كايعياو و أرسلان مزال ماهداه الله يقولها باراك 5 ديال سوايع و هي كاتجري ... رجليها عياو و مابقاتش كاتحس بيهم ولكن الإستسلام هو لي ماكاينش فقاموسها ... دازت 15 دقيقة خرا و هي باقا مكابرا ولكن صافي جهدها تقاضا بدات كاتتقل رجليها شوية بشوية حتى لحقات عليها اللوطو ديالو و بدات كاتقيسها ... رجليها فشلو عليها فأي وقت يقدرو يخواو بيها و تجي فالأرض ولات غير كاتلاوحهم ما هي الا لحظات حتى طاحت فالأرض بانت لها اللوطو رجعات مارشاريان حتى بعدات مدة ... شوية و هي تبان لها جايا مكسييريا لجهتها صااااافي منين ماقتلهاش مورغان ها هو غايصفيها لها أرسلان نيت بيديه غمضات عينيها كاتسنا اللوطو دخل فيها بقات مغمضة عينيها شي 5 دقايق و اللوطو مزال مادخلات فيها
أرسلان : غاتباتي تما؟ طلعي ... بدات كاتشوف فيه بعدم تصديق ياك عاد قالها القبر كايتسناك اش وقع دابا؟؟
إيفا : نجحت؟؟؟
أرسلان : كانظن موضوع الرتبة هنا غايتسد مادام عرفتي بلي ماكاتستاحقيهش ... لاح لها قرعة ديال الما و عاود كسيرا مارضاتش تخسر كيفاش خسرات فإختبار بحال هادا؟؟؟ لي ماعارفاهش هي هو ان ارسلان عمرو طول فشي اختبار اكتر من 3 ساعات يعني لا جينا نشوفو من واحد الناحية غانلقاوها هي مافشلاتش ولكن هو لي مابغاهاش تربح
إيفا : فين غاديين؟
أرسلان : المعسكر و من اليوم البلاصة لي نكون فيها غاتكوني فيها مفهوم كلامي ياك؟
إيفا : ( بغيض ) امم
أرسلان : ماسمعتش
إيفا : مفهوم كلامك ا سي أرسلان ... وصلو للمعسكر كانت حراستو مشددة و فينما ضرتي كاتلقا مجموعة ديال الحراس ... خرج من اللوطو و خلا واحد منهم يبلاصي اللوطو
أرسلان : سيري لبيتك و غدا ماتنسايش تنقلي حوايجك لمكتب اديب
إيفا : و علاش؟ ... خشا يديه فجيبو و صغر عينيه
أرسلان : كاديريها بلعاني؟!
إيفا : شنو درت؟؟؟
أرسلان : عاودتي درتيها!!
إيفا : مادرت والو
أرسلان : عاودي راجعي القوانين ولا غانراجعهم معاك بطريقتي 😉 ... غمزها و مشا عاد عرفات علاياش كان كايهضر كلمة علاش لي ولات كاترددها بزااف مؤخرا و الأسئلة لي ولات كاتسول بزاف و النقاش ... و هادشي ما بدا كايوقع حتى نبهها عليهم عاد كتارو بدون ماتحس ... باش تعرفوها كاتمشي بالعكس داكشي عندها فطريا سواء بالرقاقة ولا بلاش عزيز عليها العكس ... طلعات لبيتها مشات نيشان دخلات للدوش عاد مشات تنعس ... يتبع

 

البارت 152 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚


كان جالس فالمكتب ديالو و فيديه طيلي كايهضر مع جدو لي كانو الكشاكش خارجين لو بالأعصاب بسبب الشوهة لي دار لهم أرسلان خرج قبل حتى مايكمل خطبتو و خلا بنت عمو و عمو و مركاتواجه نظرات بنادم كاع الحضور كانو كايهضرو على هادشي لي دار أرسلان هو فعلا ماغاديش يخرج هادشي فالإعلام حيت سي أصلان مانع على الإعلام يقربوه سواء من قريب ولا من بعيد
سي أصلان : اش هاد التصرف الطائش درتي؟؟؟؟؟؟
أرسلان : جدي طبيب نصحك باش ماتتعصبش غانجي و نهضر معاك على السبب لي خلاني نخرج بديك الطريقة
أصلان : ماكاين حتى شي سبب يقنعني .. هاد التصرف كنت نتوقعو من اي واحد فولادي و حفادي ولكن يكون صادر منك نتا؟؟؟؟؟ عمرني توقعتهااا .. ماهماتكش سمعة العائلة؟؟؟؟؟؟ ما همك والو خرجتي بلا ماتقوليا حتى كلمة؟؟؟؟؟ .. بدا أرسلان كايرطب معاه و يسايرو و خصوصا انه عارف بلي جدو مؤخرا قلبو ولا ضعيف بزاف
أرسلان : جدي تهدن كون ماكانش الموضوع كايهم العائلة و سمعة العائلة ماكنتش غادي نخرج
أصلان : غداا غاتشرح لي اش كااين و شنو هادشي لي كايهم العائلة ... عمك ناضو مشاكل بينو و بين باك غير بسباب هاد التصرف لي درتي
أرسلان : ماكايهمونيش قد ما كاتهمني صحتك ا جدي .. غايتخاصمو و يتصالحو .. بدا كايهدن فجدو بطريقتو حتى خلاه يتهدن بحالا عمرو كان معصب و هادشي من بين الحوايج لي كايخليو أرسلان عزيز عند أصلان حيت كايبقا داير ليه الخاطر و مسايرو حتى كاينسيه فداكشي لي معصبو .. مهتم بيه و بصحتو و مواعد طبيب و كل ماكايخص صحتو .. قطع معاه و لاح طيلي رجع ضهرو اللور و هز راسو للسقف غمض عينيه و أول صورة جات بين عينيه هي فاش كان مكالي إيفا مع الحيط ترسمات إبتسامة على محياه ... غادي تقولو كيفاش مارفضش هاد الإحساس و بدا كايقول لا مايمكنش... الخ و ديانتها و طبقتها و زيد و زيد و ايلا كان فعلا جا هاد السؤال للذهن ديالكم غانعرفكم بلي مزال مافهمتو أرسلان مزيان ... أرسلان من واحد النوع لي قليل بزااف ... كايدير لي بغا و كايوصل لداكشي لي بغا و كايحقق داكشي لي بغا سواء كان مقبول أو مباح حيت بكل بساطة ماكاينش عندو قوانين ولا قواعد يحبسوه .. القوانين هو لي كايرسمهم و يخليهم بزز عليهم يطبقوهم ماشي بنادم لي كايجي و يعطيه قوانين .. بدا كايحس بشعور غريب اول مرة يتسلل لقلبو من جهة ريماس و مارافضش هاد الشعور ولكن فنفس الوقت باقي لحد الساعة كايخدم بعقلو ... بقا مغمض عينو حتى نعس
♔ صبح صباح جديد عندها مشات طرفات و بدلات حوايجها ... بدات كاتمشط شعرها و كاتفكر نهار كان غايقطعو لها ... و دابا مادام هي مابقات لا جندية لا قائدة يعني ماكاينش مشكل طلق شعرها فاللول كانت كاتجمعو غير على ود القوانين ولكن دابا تبدل الوقت ... عاودات مشات حيدات حوايج القياد و لبسات حوايج عاديين عبارة عن سورفيط ديال البارا و واحد لعيبة فليموني قصيرة مشطات شعرها و طلقاتو ... دارت روتينها الصباحي صبحات بقهوة كحلة سالاتها عاد بدات كاتجمع حوايجها و كاتنقلهم لمكتب أديب ... دابا عاااد عرفات علاش قالها تنتاقل لمكتب أديب حيت كان مكتبو قريب بزاف لمكتب أرسلان مابقاتش فاهمة ها التصرفات لي ولا كايدير معاها مؤخرا شنو سببهم؟؟ ماتنكرش بلي حتى هي بداو كايتخلقو فيها مشاعر و احاسيس من جيهتو ولكن لي كاتخشاه هو يكون غير كايدوز الوقت ... نفضات راسها من هاد الافكار البايخة لي غير غايخليوها ضعف وي هو فعلا ماكاينش شي بنت تقدر تقاوم جاذبية أرسلان و ماكاينش شي بنت لي ماتأثرش عليها الكاريزما ديالو ولكن هي ماشي اي بنت داكشي لاش خاص تخوي راسها من هادشي و ماتتعلقش فين تفلق ... كملات فتنقال ديال حوايجها رتباتهم و تمات خارجة .. مع الحلة ديال الباب لي حلات ... حتى هو حل الباب ديال المكتب ديالو طلاقاو عينيهم فواحد الجزء من الثانية ... بدا كايهبط بنظراتو شيئا فشيئا حتى تركزو على الكرش لي مخلياها عريانة اما عند إيفا غير شافتو كايشوف فيها بدوك النظرات سدات الباب و بقات كاتتمشا فالكولوار و عينين ارسلان كايتفحصوها ابتداء من بداية شعرها حتى لنهاياتو ما وقفاتها غير هضرتو
أرسلان : كانظن قلت لك غاتكوني دراعي ليمن ماشي راقصة فالكباري
إيفا : عفوا؟ ... بدا كايشير بصبعو لجهة حوايجها
أرسلان : حيدي هاد شرويطة لي لابسا
إيفا : كاين لباس موحد للدراع ليمن؟ ... بقا غادي عندها بخطوات ثابتة حتى وصل لعندها جرها من ديك لي لابسة الفوق حتى كان على شوية غا يبانو سوتيانات كون ماشداتها بيديها عندها
أرسلان : غا دخلي تحيديها ولا نعاونك فيها 😉 ... بقات كاتشوف هاد الطريقة لي ولا كايهضر بيها معاها لا اكييد شي حاجة تما
إيفا : ميستر أرسلان حوايجي كلهم توسخو بالتالي ماعندي باش نبدلها ... شدها من دراعها و قربها لعندو
أرسلان : الكدوب ولا عندك عادة ا إيفا و انا ماعزيزش عليا بنادم الكداب .. بدات كاضور راسها لايشوفها شي جندي ولا قائد هي و ارسلان فهاد الوقفة و فنفس الوقت كاتحاول تتفك من يديه لي كانو شادينها كي لقاط
إيفا : سي أرسلان طلق مني غايشوفنا شي حد غانتفضحو
أرسلان : ( بهدوء ) الفضيحة هي لي غاندير فيك لا ماسمعتيش للهضرة ... يتبع

 

البارت 153 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚


فالجهة الثانية كانو جايين اديم و اصهب و اسحاق لعند أوري للمكتب ديالو باش يفيقوه
إسحاق : أووو هادا كامل نعاس عندو
أديم : وا بزاااف
أصهب : تلقاوه غير ملهي فشي حاجة ... غير وصلو للمكتب ديالو لقاوه عاد كايسد باب المكتب .. بقاو مصدومين و صدمتهم ماشي حيت عاد خارج من المكتب نو نو نو صدمتهم كانت بعيدة كل البعد على هادشي بقاو عينيهم كايشوفو فجهة وحدة
أوري : صباح الخير ا مالكم مصدومين عالصباح
إسحاق : كماااااالت
أوري : اش كمال؟؟؟؟
أصهب : مابقيت فهمت والو فهاد المعسكر
أوري : بلاتي بلاتي علاياش كاتهضرو نتوما؟؟ ... ضار لجهة فين كايشوفو و ضرباتو اللقوة حتى هو
إسحاق : صافي مشا الزي ديال القياد
أديم : و مزال ماقتلها؟؟؟ لا هادشي بزااف
أوري : بلاتي بلاتي بان ليا كايوبخها عليه واقيلا
أصهب : فين عمر ميستر أرسلان عطا توبيخ؟؟؟ من نيتك؟؟؟ انا بالرب مابقيت فاهم شي حاجة
أوري : و ديك الشدة لي داير ليها؟؟
♔ إيفا : سي أرسلان طلقني و غانمشي نبدل
أرسلان : خاصني تا نعاودها و نعاودها معاك عاد تسمعيها ياك؟
إيفا : ( كاتشوف فجهة القياد ) وا غير طلقني راه القياد كايشوفو فينا
أرسلان : و من بعد؟! ... غير ضور راسو لجهتهم شداتهم تلفة بداو كايضورو راسهم للسقف و مرة للحيط و مرة فالأرض
أوري : فين خليناها قلنا الجنود كايتسناونا
إسحاق : وي وي دوزو نهبطو تعطلنا عليهم ... مشاو من تما بزربة واحد مور واحد ، عاود رجع كايشوف فيها طلق منها
أرسلان : دخلي بدلي و تبعيني للمكتب
إيفا : واخا
أرسلان : واخا!!
إيفا : واخا ا ميستر أرسلان فهمت هاني غانبدل
أرسلان : ماتبقايش تنساي
إيفا : اخر مرة غاننساها
أرسلان : لبسي شي حاجة ديال الخدمة ماشي ديال راقصات الكباري
إيفا : اوك ا سي أرسلان ... دخلات لمكتبها و هو دخل للمكتب ديالو بدات غادا جايا فالمكتب و كاتسب و تنعل فراسها على دوك الافكار لي كانو جاوها على انه ممكن يكون معجب بيها
إيفا : عجبك الحال دابا ياك؟؟؟ اش داك لشي اعجاب ولا زمر نتي فيين و هو فيين ها هو قالك ديك ميستر ماتبقايش تنسايها هو كايأمن بالطبقيات و نتي من نيتك بففففف اوووف ا إيفا اوووف مالقيتي شكون يعجبك غير واحد ماعندوش القلب بحالو ( وقفات فبلاصتها ) ولكن فاللول و الأخير هادا كايبقا غير اعجاب تفوو فاش وليت كانفكر فأخرة يامي ... مشات لصاك و جبدات تيشورت فالكحل لبساتو اما السروال خلاتو هو هو ، خرجات من المكتب و توجهات لمكتب أرسلان دقات عاد دخلات
أرسلان : تبعيني ... خرج من تما و بدات كاتزرب فخطواتها باش تمشي معاه فنفس ريتم وصل اللوطو طلع و مشات طلعات فجنبو
إيفا : فين غانمشيو؟
أرسلان : بدينا!!
إيفا : ممنوع الأسئلة ... ديمارا لوطو و حلو ليه البوابة ديال المعسكر عاد كسيرا
أرسلان : مزيان بديتي كاتتعلمي ... البلاصة لي غانمشيو لها غاتبقاي مع أبراهام و ماتتحركيش حتى نرجع
إيفا : اوك
أرسلان : اوك؟
إيفا : ( ساطت ) اوك ميستر ارسلان ماغانتحركش من بلاصتي تا ترجع ... بدا كايشوف فيها زاد تأكد بلي كاراكطيرها السابق باقي هو هو الإحتراك زييرو واخا كان لااازم تكون كاتحتارم شخص واحد لي هو ارسلان ... و هي فعلا كاتحتارمو ولكن بعض المرات كايخرجو تصرفات فطرية ناتجين على شخصيتها ك ريماس ... يتبع

 

البارت 154 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚


بعد ساعات وصلو لحدا للميناء كان تما أبراهام و معاه 2 رجال خرين ... خرج من اللوطو و مشا يهضر مع أبراهام تبعاتو و مشات وقفات حداهم بصفتها الدراع ليمن الاحتياطي بقا أرسلان مستغرب كيفاش هاد خيتي وصلات حتى لهنا المفروض هاد الوقت تكون فالمعسكر
أبراهام : مرحبا ميستر أرسلان
أرسلان : وصلاتك الخبار شنو وقع فالقصر من البارح لليوم؟
أبراهام : وي ميستر أرسلان وصلني تقرير كامل
أرسلان : هضر كانسمع
أبراهام : اول حاجة من مور ما خرجتي الحفلة بقاو مكملينها و شرح لهم سي أصلان بلي وقعات حاجة مهمة ماكاتتأجلش و دازت نص ساعة ستأذن سي مورغان و مشا للقصر من مور ما سالات الحفلة سي أصلان تعصب و بدا كايغوت عليهم و ناض سي إيتان دابز مع عمك حتى فارقهم سي أصلان
أرسلان : سولتك اش وقع فالقصر ولا طلبت منك تعاود لي على مدابزات السوق؟ ... نقزات إيفا و نطقات و يا ريتها ما نطقات
إيفا : ميستر أرسلان نتا لي طلبتي منو يعطيك التفاصيل ... شاف فيها أبراهام بنظرات قاتلة كيفاش كاتقاطعهم؟؟؟؟ بينما أرسلان شاف فيها بنظرات خالية من التعابير ... هاد المرة ما جبد لا سلاح لا هم يحزنون بحركة سريعة شد لها يديها من تحت المعصم ديالها غرس صبعانو فيهم حتى شد العصبات ديال يديها عزلهم على اللحم من فوق جلدة بدات كاتصفار و تخضار بالحريق تطلقات صرخة صادرة منها إثر ديك شدة لي دار لها ... واحد الألم ماتبغيهش لعدوك بقا كايهضر و يديه باقيين شادين فيها
أرسلان : ( بهدوء ) شششش خليه يكمل ... كمل هضرتك و عطيني تلخيص ماعنديش الوقت
أبراهام : و عاودو دابزو هاد صباح فمائدة الفطور و للأسف سي أصلان ماقدرش يتحمل و فقد الوعي ديالو
أرسلان : جدي اش وقع ليه؟؟؟؟؟ و فينو دابا؟؟؟؟
أبراهام : ( حنا راسو ) فالكلينيك ا ميستر أرسلان ... ماخلاهش يكمل هضرتو مشا كايجري للوطو و هو باقي شاد إيفا بنفس الشدة غير مبالي لصرخاتها لي شاغلو فالوقت الحالي هو وضع جدو ... حتى بغا يدخل للوطو عاد شاف راسو باقي جارها بنفس الشدة طلق منها و بدات كادوز يديها على معصمها لي باقا كاتحس بالألم ديال دوك العصبات لحد الساعة كايضروها كان على شوية يحيدهم من بلاصتها خلاها تما و كسيرا نيشان للكلينيك ... بدات كاتسب فيه فخاطرها لاش دار لها هاكا
أبراهام : ( مخنزر ) اش جيتي كاديري هنا
إيفا : و نتا مالك؟
أبراهام : لي مصبرني عليك هو ميستر أرسلان كون ماشي هو كون راك فخبر كان ... ماطالعاش ماطالعاش و معصبة من الفوق اللهم ماتبقاش غير هي لي معصبة
إيفا : ( ربعات يديها ) وااايلي؟ ايوا سمعني و حل ودنيك مزيااان عندي خبار غاتفرحك
أبراهام : خبارك خليهم عندك
إيفا : ( بإبتسامة عريضة ) وليت الدراع الأيمن ديال سي أرسلان سوووغبغاااايز
أبراهام : بان ليا مزال ما فطرتي هاد النهار
إيفا : ت ت ت ت ايامك ولات معدودة فبلاصة دراع ليمن ديال سي أرسلان
أبراهام : واااو عندك خيال وااسع بزاف
إيفا : خلي تا يجي سي أرسلان و يعلمك بالخبار جديد هو فصراحة انا ماكنتش باغا دراعو ليمن الاحتياطي ولكن ضد فيك غانبقا
أبراهام : ااااااه يا إيفا شحال كانتسنا نهار لي طيحي بين يدي
إيفا : لهاد الدرجة انا عزيزة عليك؟ لهلا يحوجك ها نتا غاتولي تشوفني ليل و نهار
أبراهام : ماغانجاوبكش ... شوية جا مالك
مالك : عااااوتاني مدابز معاها
أبراهام : شي نهار غانقتلها
مالك : برد ا صاحبي و نتي اش كاديري هنا؟ ماشي المفروض تكوني مع ميستر أرسلان دابا؟؟
أبراهام : نو مايمكنش لها حيت ميستر ارسلان ماشي فالمعسكر دابا
مالك : وي عرفت داكشي لاش خاصها تكون معاه دابا
أبراهام : و هي اش جابها لميستر أرسلان؟؟؟
مالك : علاش مافخباركش؟؟ إيفا ولات دراع ليمن ديال ميستر أرسلان تقريبا بحال المساعدة ديالك
أبراهام : كيييييفاش؟؟؟؟ كي دارت لها؟؟؟؟
مالك : انا هادشي لي قاليا ميستر أرسلان هاد صباح فطيلي
أبراهام : صااااافي كماااالت لالة زينة و زادها زين الحمام غير فرتبة القائدة و كانت دايرا فيها صعصع اما دابا علم الله فين غاتوصل ولات كاطلع بشوية بشوية
مالك : الصبر ماعندك مادير و نتا عارف ميستر أرسلان ماكايدير شي حاجة حتى كايكون عندها سبب ... و نتي دوزي نوصلك للكلينيك
أبراهام : قريب غاتجيني شي جلطة بسباب هاد خيتي ... يتبع

 

البارت 155 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚


( قبل مانبداو بغيت نفكركم بلي أرسلان و أسوار عندهم أخت و حيت عارفاكم نسيتو داكسي لاش غانقولكم رجعو للبارت 53 و غادي تلقاو تما بلي فعلا قلت عندهم ختهم و تما غادي تتعرفو على عائلة أرسلان باش مايتخربقوش لكم السلوكة )

طلعات فاللوطو و تبعها مالك ديمارا اللوطو و خدا وجهة الكلينيك الطريق كاملة و هي ساكتة
إيفا : شد طريق لاخرا باش نوصلو دغيا
مالك : هههه كيفاش
إيفا : طريق لاخرا مختاصرة على هادي
مالك : ( بإستغراب ) و نتي باش عرفتي طريق لاخرا مختاصرة على هادي؟
إيفا : اش هاد السؤال؟ راني ضايرا إسرائيل قنت بقنت ماتنساش بلي انا إسرائيلية أبا عن جد ... بقا مالك صايك و مبهور فذكاء أرسلان حتى من الطرقان دخلهم فالرقاقة باش ماعندها فاش تشك
مالك : غانمشي هاد المرة على هضرتك نشوفو فين غاتخرجينا
إيفا : ماتخافش هاد طريق راني حافضاها مزيان
مالك : غانعطيك نصائح و ديري بيهم هادشي لمصلاحتك
إيفا : ديالاش هاد النصائح؟؟؟
مالك : فاش نوصلو ماتبعديش من ميستر أرسلان و خصوصا فهاد الوقت يقدر يسخرك ولا يسيفطك ديري شي حاجة
إيفا : فهمت
مالك : حاولي ماديري حتى شي غلط ولا تهور و خصوصا فالوقت الحالي جدو سي أصلان مريض من الأحسن تتفاداي ديري شي غلط
إيفا : وي عرفت
مالك : ماعرفتي والو هادشي لي كانقولك ديري بيه .. ايلا شفتيه كايهضر ماتقاطعيهش سواء كان كايهضر معاك ولا مع شي حد اخر
إيفا : ماكانقاطعوش اصلا
مالك : لا باينا نيت مهم خليني نكمل ... فاش غانوصلو غاتلقاي العائلة الملكية كلها تما حذاري ثم حذاري تغلطي مع شي واحد ولا تزلق لك شي هضرة ولا شي تصرف ماشي هو هاداك حيت ميستر أرسلان ماغايعقلش عليك لذلك حتارميهم نفس الإحترام لي كاتحتارمي ميستر أرسلان ولا عرفتي شنو حاولي تبقاي بعيدة عليهم
إيفا : فهمت
مالك : واياك ديري شي غلط هادشي كانقولو لمصلاحتك حيت شفتك مزال يلاه ترقيتي خليك تا تسخني بلاصتك بعدا
إيفا : ايوا ولا سولوني شكون انا؟
مالك : قولي لهم مساعدة أبراهام ماتزيدي عليها ماتنقصي
إيفا : هممم ... بعد دقائق وصلو للكلينيك
مالك : دخلي نوريك فين غاتلقايهم
إيفا : نو ماتحتاجش غادي نسول الراسي و غانلقاهم
مالك : مهم بلا مانحتاج نوصيك ا إيفا
إيفا : اوك اوك ... تسناها مالك حتى دخلات عاد تحرك يكمل داكشي لي كلفو بيه أرسلان .. دخلات خاشية يديها بجوج فجيب اللوراني ديال السروال كاتقلب بعينيها لا عل و عسى يبان لها أرسلان ما بان لها حد ماعليها غير تمشي تسول الإستقبال على سي أصلان اكيد غادي يكونو عارفين مشات لعندها ماكاين لا سلام لا كلام دخلات نيشان فالموضوع
إيفا : نقدر نعرف الغرفة فين كاين سي أصلان روتشيلد
فتاة الإستقبال : ( بإبتسامة ) وي مرحبا ( بدات كاتقلب فالبيسي شوية عاد جاوبات ) سي أصلان كاين فالغرفة *** فالطابق الثاني ... مشات و ماجاوباتهاش توجهات للأسانسور و كليكات على البوطون 2 ما هي الا ثواني حتى تحلات الباب ديال الأسانسور مرة ثانية مع الحلة ديال الباب لقات أسوار قدامها
♚ واقف حدا الباب ديال الغرفة لي ناعس فيها جدو و قدامو سي إيتان و عمو .. كايتسنط بكل هدوء لتبريراتهم على المدابزة سواقية لي دارو فالقصر و لي بسبابها جدهم وصل لهاد الحالة نبههم شحال مرة يبعدو عليه الخبار الخايبة حيت قلبو ضعيف ... مايدابزوش قدامو حيت قلبو ضعيف ... و يا ويييل لي غلط معاه يصفيها ليه بدون مايرمش ليه جفن .. و دابا بسببابهم دخل للسبيطار ... يتبع

 

البارت 156 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚


سي إيتان : هضرت مع داوود كون ماكانش الموضوع ضروري كاع ماغاتخرج و تخلي الخطبة ولكن هو لي بغا يكبر الموضوع
داوود : يومين و حنا كانوجدو فحفلة الخطبة باش يجي سي أرسلان يخلي بنتي و يخرج بلا مايعطينا حتى شي سبب ولا يقول لينا علاش؟؟ و اش غاندير دابا مع بنتي شيرا؟؟؟؟ منين ماباغيش تخطبها من اللول قول ماباغيش بنتي ماشايطاش عليا
أرسلان : موالف نعطيك إستفسارات على شنو كاندير و شنو لا؟! الهضرة ماشي دابا .. فاش يخرج طبيب من عند جدي و نعرف مالو ديك الساعة غانتفاهمو مزيان على هاد المهزلة لي دايرين قدامو
♔ أسوار : ( بإستغراب ) ريماس اش كاديري هنا؟
إيفا : ( بإستهزاء ) بقوة البنات تلفو عليك سميات ا سي أسوار ( شافت فيديه ) على سلامتك يسحابلي متي ... جرها من يديها و دخلو فالأسانسور
أسوار : اليوم غاتعطيني شرح لهادشي لي كايوقع ماكاين لا غدا لا بعدو
إيفا : ( بعصبية ) طلق من يدي بأشمن حق كاتشد فيا .. تنطرات من يدو و مشات كليكات على رقم 2 زعما باش ترجع للتحت عاود هو كليكا على الرقم 13 بلا مايفكر بلي هادشي غايقدر يخليهم حاصلين ... عاودات كليكات على 2 و عاود هو كليكا على 13 يلاه جات تكليكي على 2 خصر بيهم الأسانسور و تطفا الضو بقاو حاصلين الوسط
إيفا : صافي عجبك الحال دابا؟؟؟ ماكفاك كنتي باغي تقتلني و دابا حالف تا توصلني بيديك للموت عاد ترجع ... شد لها فدراعها
أسوار : هاكا حسن نيت باش نفهم اش هاد تخربيق لي واقع و هاد الأسلوب لي وليتي كاتهضري بيه بلا احترام بلا حشمة
إيفا : التخربيق هو لي داير نتا طلق من يدي ماتعاودش تشد فيا
أسوار : ( بعصبية ) بغيت الشرح و داااابا كيفاش انا حاولت نقتلك؟؟؟؟؟؟؟ واش عارفة اش كاتقولي ولا لا؟؟؟؟
إيفا : صافي دغيا نسيتي؟؟ ههههه الله الله على سي أسوار قلت لك طلق من يدي ماتبقاش شاد فيا وا كررررهتك مابقيتش كانحمل فيك الشعرة عطيني التييساع ا عباد الله لاش باقي تابعني؟؟؟؟؟
أسوار : ( كايغوت ) تاااابعك باغي الحقييييقة علاش وليتي كاتصرفي هاكا واش بغيتو تسطييييوني لي كانسولو كايقوليا مانعرفت اليوووم و دااابا غاتقولي لي اش هادشي وقع
إيفا : ماتغوتش عليا الله يرحم باك دايرها بوجهك حمر و باقي كاتسولني؟؟؟؟؟ و علاااياش؟ حيت ميستر أرسلان منافسة شكون غايتكلف بالمعسكر بالكااااامل ولكن يا خسااارة كون غير طلبتي مني نخسر على ودك كنت غانخسر بكل صدر رحب عرفتي علاش؟؟؟؟ حيت كنت فعلا كانبغييك ولكن نتاااا ... نتاااا بداك الجشع لي فييك و هوس الفوز بغيتي تتهنى مني و تحيدني من طريق لحمييييي كامل رجعتيه ضرابي رجلي كلهم رجعو تقاااابي هادشي علااااش ا أسوار علااااااش؟؟؟؟؟ كنتي كاتشوفني كانموووت قدام عينيك نفس اليديين لي كانو كايحضنوني هما نفسهم لي حاولو يقتلوني كون ماكانش ميستر أرسلان لي عتقني فأخر لحظة كون راني من تحت التراب انا بفضلو عايشة اااه بفضلو عااايشة دابا ... هو عطاني حياة جديدة بينما نتا كنتي كاتحاول تسلبني حياتي فضل ميستر أرسلان عمرني ننساه و دير فبالك حاجة وحدة عمرنيييي نسمح لك سمعتيني؟؟؟؟ عمممرني ... بقا أسوار ساكت مدة كايحاول يستوعب هادشي لي قالتو ليه عاد دابا عقلو رفض انه يتيق هادشي خووه؟؟؟ خووه لي من لحمو و دمو دار فيه هادشي؟؟؟؟ ماكتافاش انه يبعدها عليه فقط ولكن خلا كره و حقد عظييم يكبر فقلبها علاش هادشي؟؟؟؟ من مور هاد الهضرة لي قالت زاد تأكد بلي خوه زرع لها رقاقة كان فاللول غير شك ولكن دابا تأكد ... بدا كايزعزعها من يديها
أسوار : ( بقلب محطم ) واش عارفا كاتقولي ولا لا؟؟؟ نسيتي شحال هتاميت بيك فاش كنتي كاتكوني مريضة؟؟؟؟ نسيتي خويا لي كنت غانواجهو على ودك؟؟؟؟؟ كاتقولي انا قتلتك واش عارفة شحال تعدبت فاش وهموني بلي راك ميتة؟؟؟؟؟ هضريييييي بطبيعة الحال ماعااارفاش واش عارفة شحال قلبت عليك ولا لا؟؟؟؟؟
إيفا : ههه جاك تأنيب الضمير مثلا؟؟؟؟؟؟
أسوار : ريماس فيييييقي واش انا غانقتل رووووحي و حياااااتي؟؟؟؟؟ واش انا غانقتل البنت لي كانبغي و كنت ناوي نكمل معاها حياتي؟؟؟؟؟
إيفا : باش تعرف راسك اكبر كداب على وجه الكون يا الغدااااااار باقي كاتقوليا ريماس؟؟؟؟؟ ماجات فين تكملها حتى تحرك الاسانسور ورجع شعل الضو
أسوار : نتي رييييماس دخليها لراااااسك ريييييماس انا ماحاولتش نقتلك و عمرنييي فكرت فيها
إيفا : شنو دابا باغي تبين لي بلي طار لك الفريخ و هادشي لي درتي كان حيت نتا كنتي ماشي فالوعي ديالك باش دوز مدة و تقول ليا كنتي مريض عقلي داكشي باش حاولت نقتلك اوك اوك اوك نبغي نسبق لك من دابا بلي راك ممثل فاااااااشل
أسوار : ماتايقاش بيا ياك؟؟؟ اوك انا غانوريك الدليل على كلامي ... مع كمل اخر كلمة تحلات الباب ديال الأسانسور لقاو أرسلان قدامهم غير شافتو نطرات دراعها بالزربة من يدين أسوار
إيفا : ميستر أرسلان
أسوار : ( بعصبية ) اليوم غانوضحو كلشييييييي ... يتبع

 

البارت 157 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚


من هادشي كامل هو كانو عينو مفيكسيين غير فإيفا لي مشات فيها هاد المرة كفتة نييييت بلاتي بلاتي ماشي على أسوار مايمشيش بالكم بعيد على حاجة خراا
أرسلان : تبعيني
أسوار : ماعندها فيين تبعك ريماس غاتبقا هنااا حتى نوضحو هاد تخربيق لي واقع هنا ... رجعها مور ضهرو و حيدات من حداه مشات لجهة أرسلان
إيفا : و شكون نتا حتى تقرر فبلاصتي .. سي أرسلان هاني حاضرة ... أسوار كايشوف غير النظرات لي موجه أرسلان لريماس نظرات كايعرفهم مزياااان كيف لا و هو خوه و كانو من قبل كتر من الخوت
أسوار : ريماس ماتمشيش معاه غايقتلك
إيفا : قلت لك 100 مرة ماتعيطش ليا ريماس سميتي إيييييفا
أرسلان : تبعيني .. سبقها بينما هي شدها أسوار ماخلاهاش تمشي
أسوار : إيفا تيييقي بيا ايلا مشيتي غايقتلك تيييقي بيا واخا غير هاد المرة
إيفا : واش ولدتك و نسيتك كل مرة شاد فيا طلق منيي ... اوووف طلق من يدي ... و فجأة جات يد أرسلان حيدات يد إيفا من يد أسوار و تم غادي و شاد فيها و أسوار تابعهم كايغوت بينما أرسلان كان هااااادئ واحد الهدوء فشكل ماهضر معاها لا علاش تدخلات لا علاش هضرات مع أسوار بديك الطريقة
أسوار : ( كايغوت ) لااااااا ا أرسلان مادييييييرهاش أرسلااااااااان ماتعاودش تبعدني علييييها كانترجااااااك خوك الصغييير كايترجاااك ... مشا كايجري لجهتهم و شد إيفا من يد ، أسوار شاد من يد و أرسلان شاد من يد و إيفا وسطهم باغع تجبد يديها من يدين أسوار بأي طريقة ولكن كان كارز عليها
أرسلان : أسوار طلق منها
أسوار : ماغانطلقش منهااااا ماغانسمحش لك تقتلها ( كايغوت ) ماغادييييييش نخلييييييييها ... شوية تمات العائلة كاتجري بسبب الغوات ديال أسوار
إيتان : اش واقع؟؟؟؟؟ اسوااار ولدي مالك
داوود : اش هاد الغوات فالكلينيك شكون هاديك؟؟؟؟؟ ... كلشي قلب نظرو لإيفا لي باقا كاتجبد يديها من يد أسوار ... جرها أرسلان جرة وحدة لعندو و كمل طريقو بخطوات سريعة ، مشات أديرة كاتجري لعند أسوار لي كايحس بقلبو كايتقطع للمرة الثالثة من نهار عرف ريماس .. طاح على ركابيه و عينيه متبعينهم
أديرا : ( بخوف ) اش واقع؟؟؟ ولدييي مالك؟؟؟؟؟
إيتان : شكون هاديك البنت؟؟؟؟
داوود : علاش أرسلان داها معاه؟؟؟؟؟ ... عاود ناض و بقا غادي كايجري و كايردد جملة وحدة " ماغانخليهش يقتلها "
أديرا : ولدييي هضر مالك قوليا اش واقع؟؟؟؟ ولدي جااوبني ماتبقاش ساكت
♚ دخلو لطواليط ديال رجال و سد الباب موراه طلق من يديها من مور مارجعها قدامو
أرسلان : تحركي لقدام
إيفا : سي أرسلان اش واقع؟؟؟
أرسلان : تحركي
إيفا : سي أرسلان واش غلطت فشي حاجة؟؟؟ ... جبد الفردي ديالو و بدا كايركب فيه قرطاسة بقرطاسة عرفات هادي هي اللخرة ليها
إيفا : واش على حسب أسوار؟؟؟؟ سي أرسلان راه هو لي غلط معايا
أرسلان : الصمت
إيفا : سي أرسلان كانقسم ليك حتى هو لي غلط معايا ... هز الفردي فيديه و صوبو لجهتها
أرسلان : من نهار دخلتي للمعسكر شحال من غلط درتي!!
إيفا : سي أرسلان غير قوليا اش درت نعرف غير غلطي
أرسلان : رحمتك و ماقتلتكش و كانقول دابا توبي
إيفا : سي أرسلان غير سمعني نشرح لك
أرسلان : طغيتي بزاف ا إيفا حذرتك و عاودت حذرتك تحدي من التهور ديالك ... ضغط على زر الأمان
إيفا : كانقسم لك ماعرفتش علاياش كاتهضر خليني غير نعرف اش درت
أرسلان : حاولتي تقتلي أسوار و كانظن ماربيتكش مزيان
إيفا : انا كان.. ... مع ثاني كلمة بغات تبداها تطلقات رصاصة من سلاح ديال أرسلان ولكن هاد المرة ماضربهاش فالخوا لا بل هاد المرة ختارقات صدر ريماس نيشان حيت هاد المرة الغلط لي دارتو كبير بزااااااف و مستحييل يدوز بالساهل ... تهورها هو لي خلا سي أصلان يوصل لهاد الحالة حيت كون ماقطعاتش الفرانات للوطو ديال أسوار كاع ماكانت غاتموت بنت مورغان و كاع ما كان مورغان غادي يفكر يشد ريماس و كاع ماكان أرسلان غادي يخلي خطوبتو و يمشي يحمي ريماس و هادشي هو لي كان السبب فمخاصمة داوود و إيتان قدام سي أصلان لي قلبو ضعيف و بالتالي كاع ماكان سي أصلان غاتجيه نوبة قلبية ... بقات كاتشوف فيه بصدمة و كاتتفكر هضرة أسوار فاش كان كايحاول مايخليهاش تمشي مع أرسلان كان عارف خوه ماناويش على الخير ... خرج أرسلان من تما بدون مايتلفت موراه و خلاها غارقة فدمها ... يتبع

♔ ريماس - إيفا ♔

♚ أرسلان ♚

البارت 158 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚


سي إيتان : بغيت غير نفهم اش هادشي تسلط علينا هاد العام ها الواليد جاتو نوبة ها ولادي مدابزين ها الحادث ديال ولدي الصغير ها خطوبة ولدي الكبير ماكملاتش ها القنابل لي تسرقو علم الله اش باقي غايوقع مايجي فين يكمل هاد العام حتى يدي معاه شي روح مننا
أديرا : ( كاتبكي ) ماكايهمنيش انا هادشي بغيت نعرف ولادي مالهم اهئ اهئ ... جا طبيب لعندهم كلشي مشا كايتجارا لعندو
داوود : كي بقا؟؟؟؟
سي إيتان : ياكما وقعات ليه شي حاجة؟؟؟؟؟
طبيب : ماعندي مانخبي عليكم صحة سي أصلان تدهورات بزاف السن ديالو ماكايسمحش ليه يدير إجهاد فكري ولا جسدي زيادة على هذا قلبو للأسف مابقاش كايتحمل .. صدمة صغيرة تقدر تلحق ليه أجلو
سي إيتان : و عملية نقل القلب؟؟؟؟ واش ماتقدرش تنفع؟؟
الطبيب : للأسف لا حيت ممكن يموت لينا وسط العملية بسبب السن ديالو
سي إيتان : مشكيييلة هادي و دابا ماكاين حتى حل؟؟
الطبيب : الحل ا سي إيتان هو تبعدو عليه جميع الخبارات الخايبة
سي إيتان : ايمتا نقدرو ندخلو عندو؟؟
الطبيب : بعد 3 ساعات ا سي إيتان
سي إيتان : شكرا تقدر تمشي
♚ جالس فالغرفة مع جدو لي عاد خرج من عندو طبيب كايعاود ليه شنو دار مورغان و السبب لي خلاه يخرج من الحفل مع حذف بعض المعلومات
أرسلان : جدي تبقا تحاول على راسك هاد المرة تشوفهم منوضينها عيط لي انا نجي نفك اش كاين
سي أصلان : قريب ا ولدي غانرجع صحتي و نرجع أصلان القديم ديك الساعة غانشوف هاد روينة
أرسلان : قريب غايلقاو لك قلب يقدر يتقبلو الجسم ديالك
سي أصلان : ولدي ماتديش عليا ضرت فيك البارح
أرسلان : كاين شي واحد كايتقلق من جدو و الأب ديالو؟
سي أصلان : عارف لي كاين ا حفيدي العزيز
أرسلان : ماتحتاجش تقولهم على العملية ديال نقل القلب
سي أصلان : رتاح ا حفيدي الغالي من هاد الناحية عارف نصهم كايتسناني غير ايمتا نموت
أرسلان : خليهم يتجرأو و يقولوها قدامي هاداك هو النهار اللخر ليهم
سي أصلان : ( بصرامة ) لا أولدي هادي ماغانقبلهاش منك .. ممنوع يتسفك الدماء داخل العائلة حنا ماشي بغينا العائلة ينقصو الأفراد منها بغينا يتزادو
أرسلان : فحالة دارو شي تصرف كايعرض حياتك للخطر مانقدرش نواعدك
سي أصلان : واخا يوقع لي يوقع ممنوع تقتل شي واحد من عائلتنا هادي اخر هضرة عندي
أرسلان : الحرب مابقا لها والو
سي أصلان : 7 ايام بالضبط
أرسلان : بدينا فالتحركات ديالنا
سي أصلان : غادي بنفس الخطة؟!
أرسلان : بدلت فيها شي حوايج قلال
سي أصلان : انا تايق فقراراتك ا ولدي
أرسلان : و انا ماغانخونش تقتك فيا .. الخطة كالتالي ... غادي يتقسمو فالأول ل4 مجموعات
مجموعة غادخل لعندهم عن طريق البحر السفن و الغواصات وجدناهم النص ديال الأسلحة غادي يكونو عن العسكر لي فالغواصات و بالنسبة للعسكر لي غايكونو فالسفن غادي يتكلفو بالقوات البحرية ديال المغرب باش يقدرو يدخلو
المجموعة الثانية غادخل للمغرب عن طريق الجو الطائرات الحربية واجدين
المجموعة الثالثة غادي دخل بقناع المهاجرين السريين فهاد الحالة هادو غايدوزو لافريقيا عاد غايدخلو للمغرب
المجموعة الرابعة غادي يتقسمو العسكر ديالها ل12 أقسام كل قسم غايمشي لدولة مختالفة عاد غايعاودو يسافرو للمغرب بحال السياح نتا عارف بلي المغرب بلد سياحي بإمتياز ماغاديش يشكو فيهم
سي أصلان : هممم ماعندي مايتسالك ولكن نص الثاني ديال السلاح شكون غايدخلو للمغرب؟ الدبابات و الأسلحة الكبيرة
أرسلان : غادي نسفروهم فالسفن و فطائرات خاصة و الباقي غادي ندخلوه للمغرب تحت قناع موارد مصدرينها ليهم من الصين
سي أصلان : و شكون غايراقب الأمور تما؟؟ نتا عندك مايدار هنا
أرسلان : غايمشي أبراهام و مرة مرة غانبقا نمشي نطل لحد الساعة مزال ماعرفنا شحال ديال الوقت غاتاخد الحرب ... يتبع

 

البارت 159 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚


سي أصلان : مزال ماوصلتو للقنابل النووية لي تسرقو؟؟؟
أرسلان : مزال ولكن مابقيتش محتاجهم
سي أصلان : و شنو الأسلحة لي ناوي نستعملوهم فالحرب؟
أرسلان : الأسلحة ثقال غانستخدمو طائرات حربية .. دبابات ... مدفعيات ... مدرعات ... 10.000 جوستاف تقيلة ... غراند سلام ( قنابل عادية ) ... قاذفات الصواريخ كاتيوشا اخر نوع ... و أسلحة خفيفة بحال الكلاشينكوف ... الرشاش...الخ
سي أصلان : هممم كايبان لي هادشي كافي
أرسلان : بالنسبة للتكتيك العسكري فاس غادي يوصلو العسكر ديالنا للمغرب غادي يتبدل التقسيم ديالهم غايتقسمو ل5 مجموعات ... المجموعة اللولة غادي تكون فالجو غادير لهم إبادة من الفوق
المجموعة الثانية غاتبقا فالبحر فحالة بغاو يهربو يقضيو عليهم
المجموعة الثالثة غاتتوزع فالغابات فحالة بغاو يتخبعو تما كي الفيران
المجموعة الرابعة غادي تتقسم على 2 نص غايمشي للعاصمة و نص غايمشي للعاصمة الإقتصادية غاتكون ضربة قوية ليهم من مور مايساليو من تما يتوزعو للمدن الكبيرة
المجموعة الخامسة غادير ليهم الحصار
سي أصلان : كايبان لي فكرتي فكلشي ولكن ضروري تسيفط القياد ديالهم معاهم باش يعطيوهم التعليمات
أرسلان : هادي حاجة ضرورية باش يقسموهم لوحدات كل وحدة يكلفوها بنوع ديال الأسلحة
سي أصلان : كانظن ضروري دير وقت محدد فوقاش تسالي الحرب
أرسلان : خليها حتى تسالي على خاطر خاطرها ماعنديش مشكل قدما طولوها قد ما كانت عندهم الخسارة كبيرة و هادشي هما عارفينو زيادة على هذا العسكر ديالنا مزود ببذلات كاتحميهم من بزاف ديال الحوايج يعني الفوز ديالنا مضمون ماشي انا لي كانخسر
سي أصلان : نهار على نهار كانزيد نفتاخر بيك
♔ غارقة فدمها بسبب القرطاسة لي جاتها فالجهة اليسرى من الصدر اي فالقلب ما هي الا ثواني حتى تم داخل أسوار لقاها غارقة فدمها مشا كايجري لعندها
أسوار : إيفااااا فيقي .. كاتسمعيني؟؟؟ علااااش ا إيفا ماسمعتيش ليا علاااااش ... بغا يهزها ولكن ماقدرش بسبب اليد لي عندو مهرسة بدا كايغوت للأطباء لي تما يجيو يعتقوها قبل ماتموت غير سمعوه من عائلة روتشيلد جاو كايتجاراو لقاوها فديك الحالة
الطبيب : شكون دار فيها هاد الحالة؟؟؟؟؟
أسوار : دييير خدمتك عتقهاااااا ماخصهاااااش تموووووت ... بداو كايتجاراو جابو الحمالة و هزوها فيها و دييريكت لغرفة العمليات .. بغا يدخل معاها ولكن منعوه بقا كايلوم راسو علاش لي ما واجهش أرسلان و حيدها ليه من يديه؟؟؟ كاينعل الحظ و هاد تهريسة لي فيديه لي مامخلياه يدير والو .. دازو ساعات و ساعات و هو باقي كايتسنا خارج غرفة العمليات بقا حاط راسو على الحيط ماقادرش يتخيل بلي غايعاود يخسرها مرة اخرى هو شاف بعينيه القرطاسة جات فبلاصة القلب يعني العملية خطيرة بزاااف غير تحلات الباب ديال غرفة العمليات مشا كايجري لعندهم
أسوار : ماتقولياااااش ماتت ماتقولهااااااااش قلت لك بغيتها تبقا حييية مايمكنش تموت
الطبيب : سي أسوار تهدن وقعات معجزة ماكناش ماتوقعينها نهائيا
أسوار : هضررر خلاص اش وقع؟؟؟؟؟
الطبيب : بفضل الرب المريضة قدرات تنجا و الرصاصة ماجاتهاش فالقلب حيت هي من القلااائل لي عندهم
أرسلان : ( ببرود ) القلب فجهة ليمن
الطبيب : هادشي لي بغيت نقول ا ميستر أرسلان الصراحة هادي معجزة حيت كنا متوقعين القلب غايكون عندها فجهة ليسر بحال الناس العاديين
أرسلان : والفت غبائكم
أسوار : اش باقي باغي عندها؟؟؟؟؟
أرسلان : جدي فاق سير لعندو ... يتبع

البارت 160 من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚
♚ الفصل الثاني ♚


أسوار : ماغانتحركش من هنا و ماكايهمنيش اش غادير ... قرب عندو أرسلان حتى ولا وجهو مقابل معاه
أرسلان : وليتي ضعيف بزاف مالاحظتيش هادشي
أسوار : ضعيف حيت كانخليك دير لي بغيتي و تاخد مني لي بغيتي ولكن مابقيتش غانعاود نخليك تبعدها عليا
أرسلان : شنو كنتي كاتحاول دير فاش بغيتي تعاود لها الحقيقة يسحابلك بديك الطريقة غاتفكرها فشي حاجة؟
أسوار : انا عارفك زارع وسط راسها رقاقة كشفتك و كشفت خطتك ماغانخليكش تكملها كون اكيد ماغانخليكش توصل لداكشي لي بغيتي ماغانخليهاش هنا و ماغانخليهاش معاااك وليتي شيطان واش ماكاتحسش براسك؟؟؟؟؟ نهار على نهار كاتزيد تطغااا كتر و كتر وليتي شيييطان واش مالاحظتيش هادشي؟؟؟؟
أرسلان : لي لاحظت هو هاد الدراما الخاوية لي ولات فيك
أسوار : إيفا ماغاتبقاش فهاد الحال و هادي اخر هضرة عنديي غير يسمح لي الطبيب نخرجها ماغاتعاودش تمارس القسوة ديالك عليها
أرسلان : ايلا بغات تمشي معاك ديها .. بان ليا نسيتي الإتفاق لي تافقنا عليه قبل شهور ولا نفهم بلي خويا العزيز مابقاتش عندو الكلمة؟!
أسوار : من نهار بديتي هاد اللعبة الخبيثة ديالك مابقاش الإتفاق بيناتنا ( نهار دارو المصارعة بيناتهم و تافقو على لي خسر بيناتهم غايبعد منها )
أرسلان : على العموم هاداك كايبقا شغلك ديها ولا ماتديهاش ... مشا من تما و خلا أسوار كايتسنا تما ... شوية تمو خارجين بيها من غرفة العمليات باش يديوها لغرفة خرا
أسوار : ايمتا غاتفيق؟؟؟
الممرضة : فاش يمشي مفعول المخدر ا ميستر أسوار ... كملو طريقهم و هو غادي و شاد لها فيديها لي كانت باااردة مامنعوهش بيان سيغ ماغايمنعوهش .. وصلو للغرفة و قادوها فبلاصتها بقا جالس حداها و يديها باقيين وسط يديه
الممرضة : ميستر أسوار الزيارة ممنوعة دابا
أسوار : ( مخنزر ) كاتوريني اش ندير؟؟؟؟ خرجي ... خرجو الممرضات من تما و خلاوه معاها كايهضر معاها و هي غايبة على العالم
أسوار : ااااه ا ريماس علاش ماسمعتيش ليا فاش قلت لك ماتمشيش معاه كيفاش باغاني نأذي روحي؟؟ كيفاش غانحاول نقتلك؟؟ عارفك ماكاتبغينيش عارف كلشي ولكن فنفس الوقت ماكاتكرهينيش .. علاقتنا ماشي حاجة مستحيلة ... بقا كايهضر كايهضر كايهضر و كايخرج داكشي كاع لي فقلبو ضلام الحال و هو باقي عندها ما مل ما والو حتى جات عندو الممرضة
الممرضة : ميستر أسوار الجد طالب حضورك
أسوار : ( كايشوف فإيفا ) هاني جاي ... وقف باس لها جبهتها و خرج من تما

♚ واقف مع أبراهام و كايعطيه فالأوامر
أرسلان : شنو قالو لك
أبراهام : ميستر أرسلان سولت الدكتور لي كان مشرف على العملية ديالها قاليا غاتبقا 15 اليوم فالكلينيك كأبعد تقدير
أرسلان : دير داكشي لي قلت لك
أبراهام : الليلة ا ميستر أرسلان؟
أرسلان : مابغيتش نشوف شي غلط اخر منك
أبراهام : حاضر ميستر أرسلان .. كان غادي حتى وقفو ارسلان
أرسلان : بلاتي
أبراهام : ميستر أرسلان شي أوامر خرا
أرسلان : كلف شي حد يراقب تصرفات أسوار
أبراهام : حاضر ميستر أرسلان نقدر نمشي دابا
أرسلان : تقدر ... يتبع

تتمة 
الاجزاء مــن 161 الـــى 181

الاجزاء من 182 الـــى 220

الاجزاء من 221 الـــى 250