تحت رحمة سادي : جزء الاول

 بقلم : Sõfî Brada
بعنوان: تحت رحمة سادي 
الجزء 1
الأبطال : عائشة وعز العرب ☆☆☆
أبطال 2: إسحاق ، ميخائيل ، كارلوس ، فيريال ، زينب ، ليديا
هو كيقول "انتي ملكٌ لي .. فمن له الحق ان يحاسب الملك في ملكه !!
فتلخسأ كل القوانين التي تقف بيني وبين ما بين اذرعي "
هي تقول "احببته حتى نطق الحب بكلمة (أحبك ) ,فكان لي جلادا بسوط العذاب ..جردني...من حريتي ...إنسانيتي ...حتى شرفي وكرامتي .."

الجزء الاولـــــــ :

تحت_رحمة_سادي #بقلم_Sofi_Brada #بارت_1

 الدار البيضاء .. على مشارف كلية الأدب والعلوم الإنسانية بعين الشق .. (كان الرواق مزاحم بالطلبة لي خارجين ..على وقت التناش، وكان فوسط منهم ...عائشة وصاحبتها المقربة ليلى.... عائشة ...لي عمرها 22سنة ..وقفت كتجبد فالشوميز لي فلون الكريم بلا يدين وهبطت كتقاد فصايتها الصيفية لي بالكارويات لي تكمشت و فرجليها لي تنملوا بالجلوس ،..وشعرها الكستاني نزل ..مدرج ومخببي وجهها الملائكي ..لي ببشرة بيضة ...،عينيها جاو فلون قهويين ومجبدين بحال شي لوزة ومشفرين ، نيفها صغيور ..وشنايفها صغار وعامرين .. طايتها جات مربوعة القد ماغليظة ما رقيقة جاية مع قامتها القصيرة ...، إلا شفتيها ..من قريب ولا بعيد هتقول سبحان الله لي خلق من الشبه أربعين حيث تحلف عليها غير ..المغنية اللبنانية قمر ...وبزاف طلقوها عليها فلافاك "ميني قمر"...(ديديكاس للهند هه هي عارفة راسها)،عندها العام الثالت ..فلافاك ..فشعبة الجغرافيا ،بجنب صاحبتها ليلى....لي تعرفت عليها فالعام اللول ليها ...فالكلية ،تلاقاو صدفة ...فالمدرج فالصف الثالي ومنا تما وهما ...مكيتفارقوش ...كثر من الخوت تحسيهم حتى من السكنة قرابين فيما بيناتهم ..غير عشرين دقيقة ، ليلى دخلات ف23 عشرين ...زوينة بشرتها قمحية ..شعرها كحل ورطب عكس عائشة لي عندها مدرج ، اما عويناتها صغارين ....فالعسلي ..،نيفها طويل ...وجاية عريضة وطويلة وكتزيد بالطالو ...،هه المهم رغم إختلاف الأشكال متفاهمييين ...) عيشة :(كتأفف وتجمع شعرها للفوق بلاستيك من الصهد )أففففف ...ماخرجنا حتى تهديت فداك المادة .. ليلى~:(هازة التلفون وكتشوف عكارها فليكخون دالتلفون واش مقاد) وتشوفي أنا ..بالعمى واش فهمت ..راكي عارفة دايرة غير للخاطر للماما اما أنا هاد القراييية مكتطربنيش أخرتها هنتزوج ..ونعلق ديك الشهادة فالحييط ...غير خيطي بيطي بلا فايدة ... عيشة~: قبل ما تفكري فالزواج ..فكري تبني مستقبلك وتوفري كاع لي نفسك فيها ..راه الزواج ملحوق ملحوق كيف كيقولوا الزواج والموت هم لا يفوت ... ليلى~:ثاني بديتي تفلسفي ...كون غير قلبتي الشعبة للفلسفة تواتيك .. عيشة~: الجغرافيا من زمان عشقي .. ليلى~:ماعلينا واش هدوزي مورايا ولا هندوز موراك فالعشية .. عيشة ~:والله مافيا مانخرج خليييها للمرة أخرى .. ليلى~:ياربي السلامة شحال معقددددددة .. هنخرجوا غير نضربوا ضويرة فالسونتر ونرجع ا ... عيشة ~:غير عفيني والله مافيا مانخرج خاصني نراجع الدروس قبل ما يتعرموا عليا... ليلى~:افففف منك ..يلاه قلنا بسم اللله فالعام ...أش هتراجعي ، (جمعت شلاقمها كتغبن )ماشي سوقي حليها ..عارفة ماما الا مكنتيش معايا هتشك فين غادة غير دوزي عليا بحال ديما ورجعي للداركم إلا مبغيتيش تزطمي معاياة اش قلتييي....!? عيشة~:اش عندك الميت ما يدير قدام غسالو اللهم طولك ياروح معاكي.. ليلى~زيدي وسكتي ونتي قوات فيك الهدرة ... (زاود ..خارجين على باب الكلية ...حتى كيبان ليهم بنادم مكجكج بحال الذبان

.برا ...،شافت عائشة فصاحبتها كتسولها بعينيها شنو واقع... وهزو كتافهم فنفس الوقت ...بما نعرف ...دافعوا ما بين البشرية ..يرضيوا فضولهم ...) عائشة :مباني ليا واللللو ...يلاه نتحركوا راني ذبت بالصهد ليلى :تسناي تسناي ... و ديري نظاظرك ..تشوفي مزيان ... عائشة:(دفعت النظاظر حتى للقنت عينيها )راهم فعينييييا ..إلا كتشوفي ... ليلى:(ضحكتها واصلة للضرووسها وعينيها ماشي معاها خارجين فقنت اخور ..)بشاخ ..مي يا مي على الناس لي عايشين بصاحححح ..... عائشة:فهميني شنو واقع ...!? (دارت ليلى عندها منرفزة بتعاويد الهدرة ،مهدرتش ..هاد المرة ...شدت ودورت ليها وجههها ...فين كتشوف ) ليلى: (كتلوي ففمها وتحسر)ضربي لييييا على الحديدة ...الكحلة.... (عائشة حلات فمههههههها بإعجاببب ...عمرها شافت طموبيل واعرة كيف هذي ...،جاية فلون ماط كحل ...الحديد دالروايد والإطارات دالجناب كلشي فالذهبي ..الصافي...مولاها .مستيلي عليها مزيان ) عائشة: ...واوووووووووو ...صاروخ ماشي طموبيل هذي ... ليلى: نيت هههه ثمن صاروخ ...،كتعرفي ...شنو هذي !? عائشة:(هزت كتافها)منين هنعرف ..بنت ليك عندي لاميزو ديال الطموبيلات ...كنبيع ونشري فيهم ...! ليلى:الهبيلة ...هداك علامة الثور لي فيها ...سميتها "لامبورغيني ..." القليلة القليلة تكون كدير ديك مليون دالأورو إلا كان الماركة القديمة اما الجديدة كتوصل تلاتة مليون أورو ...اخخخ خليني ساكتة هاد الدنيا بنت الكلب شي عطاتو و شي زواتو ...على الخوى ...

#تحت_رحمة_سادي #بقلم_Sofi_Brada #بارت_2 

(عائشةكانت متبعة غير الطموبيل بإعجاب ، حتى كيبان ليها هاد مول الحديدة عاطي ظهرو جيهتهم متكي على الباب دسيارتوا ، كيهدر مع واحد ...عندو أودي صغيرة ، حققت مزيان ..ودارت للعند ليلى كتستفسر فيها لا يكونو عينيها كيكذبوا) عائشة: ليلى ماشي هداك لي واقف مع هاد البراني ..هو عبدو لي كيقرى معانا !? ليلى:(نقزت بحماس) ولهيلا هو بلحموا وشحمو ...،ولد الحرام كيعرف غير دوك ودوك الناس الواصلييين... عائشة:(ضحكت بعفوية )علاه بغيت يعرف شكلي وشكلك ضارب الزلط جَحْلاَلنا ....زيدي يلاه نمشيوا بحالنا.....! ليلى:(عوجت صيفتها فعائشة وولات فيكسات عينيها بمكر فجيهة عبدو وصاحبوا الغريب) والله مانتحرك من هنا حتى نعرفف شكون هذا لي مع عبدو ونسلموا علييييه قدام الأمة الطلابية كاملة ...لي معجبناه نفقسوهههه وما أكثرهم ... الحساد ...لي هيتبعوا لينا العييييين ...(شدت فيد عائشة جراها كيف الدري الصغير وراها ) عائشة:(نفضت يد ليلى وهي كتشوف فيها وتقراها واش بعقلها ولا فرفر) واش هبلتيييي ولا مالك ...!? فين هنمشي ....معاك ..!? ليلى: كنعرفوا عبدو هنمشيو للعندو ....أش فيها ،مالكي باغة تحرميها عليييينا !? عائشة: لا نتي مافيهاش الشك هرب ليك الريح بالقفة..... عبدو ...يلاه كنا معاه فالقسممم ..أش نمشي ندير جيهتوا.... ليلى: واكريطة واهيشة بغيت نقول وا عيشة ....مرة فحياتك سايريني ...ويلاه ديري يدك فيديا والفرصة كاتجي غا مرة فالعمر ،..أصلا أش خاسرين يد ولا رجل ...نديرو راسنا ...مشفنهاش مشغول ...بالهدرة ...،غير جايين نديرو الصواب ..ولا نسولوه على شي لعبة ..المهم نمشي ...و ... عائشة:(حركت راسها بشدة رافضة هاد التبرهيش لي كتقول ليلى لكن عارفة فقرارة نفسها هتبعها فاخر المطاف) هاحنا مثلا مثلا....مشينا جيهتهم ووقفنا بأي مناسبة ،وعلاياش هنهدرو وعلاياش هنسولوا العالمة ..هو يلاه كان حدانا ...جاية معيييقة بزاف وحق الله ليلى: ما معيقة ما واللللو ....البنات كيديرو كثر من هكا ... عائشة:هما ماشي حنا ،ماتجمعيناش فكفة مع الغير ليلى: وخا يالالة حنا غيرررر نرميو السلام ونرغيوا شوية ،(تفكرت) اه حقاااااااااا... ياك باقييين عندو البوليكوب دالدروس لي سلفتيه ... عائشة:اه باقيين مي اش علاقة شي بشي ... ليلى :ليهمم كل العلاقة ...زغرتي يا مو صلاحححح.... عائشة : (فرنست بلا هواها )حتى نلقى باين صلاح ههه باش . ليلى: المهم ...هنديرو السبة بوراقيييك ...ياك من الصبح فرعالي راسي باغة تراجعي دروسك المجتهدة .... عائشة: ويلي حشومة ..يلاه مديتهم ونولي ناخدهم .. ليلى:شفتيه غير هازهم معاه...هنديرو بيهم السبة والسلام .. واتحركي قبل ما يمشيييو ... عائشة: حرام واش ترجعي ...فقرارك ... ليلى: (نفخت شعرها فالهوى )نشري نشري الجمال بحالي وزيدي ....قدامي ... عائشة: هاهيا غادة ...(رجعت يبست فبلاصتها مترددة)عرفتي شنو سيري نتي بوحدك هنتسناك هنا حسن !! (ليلي مضغت فمها بالجنون وهي كتذبل فعيوناتها وتتمسكن ) ليلى: حبيبتي عمري

... عائشة: هاهيا غادة ...(رجعت يبست فبلاصتها مترددة)عرفتي شنو سيري نتي بوحدك هنتسناك هنا حسن !! (ليلي مضغت فمها بالجنون وهي كتذبل فعيوناتها وتتمسكن ) ليلى: حبيبتي عمري قمري وليلي ونهاري والمصيبة الكحلة لي مسلطة بيا ديالمن بيلكوب ياك دياولك ...،إلا مشيت بوحدي ها يقولي أش حرق شطاطتك ...اليلى أنا وياها ونتي مالك دارتك مرسول ، واش ترضاي ليا هاد التفزيگة من عند عبدووووووو.... عائشة:لا ....لي ضرك ضرني ولكن ... ليلى: (زربت عليها بالهدرة) ماكاين لا كا ولا ماكا ولا لك... ديري بوجهي ومتساليني حلوف ...اليوم الغدا على حسابي نخلص على الگنصة ديالي شوامرا ميكس ...سبعة دالطبقات وقرعة هواي ... عائشة :(طارت التقليقة بالضحك )هههههه وليتي طاشرون سبعة دالطبقات كاع ... ليلى: وهكاك نبغيك ضحكي ضحكي ....ومولاها ربي ... (حلات فمها )شوفي سناني ما فيهم ..والو ياكي!? عائشة:(بغات تشد فيها ) هما الزين زينين خاصهم غير إعادة الهيكلة ههه كل وحدة مشتتة فقنت كيف النجوم فالسمى .. ليلى:(هزات شنايفها غضبانة وضربتها عائشة للجنب ) وعقلي فيها السنفورة يا نص بلاصة يا يَترو دالزيت ... عائشة:(حطت يدها على فمها باش متزلعش تما بالضحك) حقك علييا وباش تعرفيني حقانيييية هنمشي معاك ..للعند عبدو... ليلى:(وهي طلق بشرة الفرحة على وجهها ) كنجوطيمك ...أنا بزافففف ... عائشة:ونا أكثر ... )عبدو لي فالصورة)

#تحت_رحمة_سادي #بقلم_Sofi_Brada #بارت_3

 (تقدمت ليلى كتعوج ...لابسة واحد سالوبيط ديال الدجين ..مزير عليها بزيادة تحت منو تيشرت فالبيض .وسندالة عالية ،أما عائشة ..تمشات حشمانة ومجبورة ...متبعة هبال ليلى فين هيخرجهم ، حاسة بحوايجها ضياقوا عليها ... ،بلا ماتحاول دير فيها الإغراء .ومشية الغزالة ..كان ..خصرها كيموج ...فوسط الصاية.... كتفراني مرة مرة متنادم عليها الحال ..رجل كتقدم ورجل كتوخر بيها ...،حتى وصلوا للجيهتهم ...مع النرفزة كانت هتخونها رجليها وتجيبها على وجهها ...،حمرت ليلى فيها العين ...بحالا كتقولها ...جمعي راسك بغيتي تردينا ضحكة قدامهم ، مي غير قشعت عائشة ...عبدو وقشعهم كحل بالعمى....معجبوش الحالللل ...يجيو جيهتوا فهاد الوقت بالذات....،دارت مراضياش ..كتخبي وجهها وتشوف فليلى ...بلوم ،مي كان فات الفوت وقفوا على رجلييييه بقات مركزة غير فيه ...مقدرتش دور تشوف فهذا لي معاه .. أما ليلى ههه تكفلت بدور الحدية ...وخلاتها واحلة من ساسها للراسها ..فشنو تقول عبدو ...،قدمتها للفم المدفع ووخرت ...) عائشة:(كتفتف بهمس...وتحك فيديها بثوتر)سسلام ..عبدو ! (عبدو ...27 سنة ...خريج كلية القانون ..سابقاً ودبا كيقرى الجغرافيا غير خضرة فوق طعام ..تدواز الوقت على ما يحل مكتب المحاماة ديالو ...، ولد عائلة فاسية كبيرة مرتاحين ماديا ...متخلق ..وملامحوا زوينة وهادئة كيف شخصيتوا وخا ديما خالق الفراجة فالقسسسم ...الكوميك دالضحك معاه وهاد الساعة لي هيدوز ههه هي أكفس ساعة فحياتوا) عبدو:(هز حاجبه بتسائل)سلام ..عيشة ..،لاباس عليك (هزت راسها بأه ورجع كمل ) فاش نعاونك ..!? (غرقت فحوايجها بالحشمة والصدمة حتى هيا عبدو عمر كان هكا معاها تسيف فخطرة وحدة لي شافو دبا ما يقولش هو نفسوا لي كان شادها تقشاب معاهم عاد قبيلة.،. فالوجه ضربها ليها...معطلهاش ...بحالا كيقولها شنو بغيتي علاش جاية ...بطريقة غير مباشرة ) عائشة:(همست ...كتكور فيدييها وطلع عين وتولي تنزلها ) ووووووالووووو ...سمحلييي (وجات دايرة تمشي وهي بحالة باغة تبكي ..،شدتها من كتفها ليلى قبل ماتدور .وشافت فيها كتحذرها بعينيها تبقى تم ) ليلى: ماديرهاش منها قلة صوابب ،غير أنا باغة نبدا نكوبي شي دروس ناقصين لييييا حيت هنسافر مبغيتهمش يتجمعوا عليا ...وسولت عائشة قالتلي عندك لي بوليكوب ديالها ...وعلى هادشي شفناك وجينا عندك الا كانو عندك دبببا ..

...كان حسن ليا .. عبدو:(دور عينيه كيخمم..ممتيق حتى حرف ) أه ....امم ،ديزولي فهاد الساعة والله مهازهم معايا ... ليلى:(بغات تطول الحديث) غير أوكان إمتى أخويا عبدو ، محتاجهم ضروري ضروري ... عبدو: غداا بالتأكييييد نجيبهم ...ليك ... (هذا ماقال وسكت كيتسناهم ...يا يتحركوا يا يقولوا شنو بغاو بلا ديك داخ دوخ والحركات دالبنات ،حتى ليلى حسست بيه كيجري عليهم بالعلالي اما كان حسابها كيف موالفين معاه الضحك والضرافة ويبدا يدي ويجيب معاهم فالهدرة و بحال البرد يعرفهم على هاد صاحببوا ويعرفوا عليهم ...،مي الواقع صدمها ..عضت شنافتها.معصبة وهزت نيفها فالسمى قبل ماتهدر ) ليلى: شكرا ..عبدو ، ..نخليوك زيد كمل هدرتك مع صاحبك دوز بخير هاد الساعة (قالتها مكشكشة ) (خونا فالله عجبوا الحال ..،معبرش كاع ليلى ..شاف غير فعائشة بوحدها بنظرة ناقصة حذة غلى قبيلة بحالا كيعتذر منها على أسلوبوا الفج معاها ،فنفس اللحظة لي كانوا كيبلانيو يمشييييو ويحفظوا داك شوية الماء دالوجه ...لي بقى ليهم ،تردد على سمعهم ...صوت ...رجولي "الله على صوت" ..رنان كيطرب الوذن لي تسمعوا ...جامع ما بين الشموخ والعزة والأنفة ..دأدم ) : أجي أصاحبي ...،مانويش تعرفني على ..الأنسات.. !?

#تحت_رحمة_سادي #بقلم_Sofi_Brada #بارت_4 

(دارت عائشة وليلى فنفس الوقت بحال دورة الطوبيس...فالفيروج ههه ، واووو هذا هو لي يسميوه عليه فارس الأحلام ...و محطم قلوب العذارى ....، كيفاش ومنين غنبدا نوصف ليكم فييه ...مستيكي على الحالة بالمزيان ماتقول عليه غير من الطبقة الراقية وهو كذالك ..غير الريحة لي داير كتسكر بنادم إلا شمها ...فنة ماشي بحال ريحة ربعمية ...تديرها دوز حتى الذبان يدوخ بقى غير بنادم....دير ليه الشقيقة فالراس .... لابس تيشرت ديال "بولو "فالزرق مغلوق ...مع شورت دالدجين من نفس الماركة ...وفرجليه سنيكرز ..فالقهوي ... جاية على شكل سبرديلة وصباط فنفس الوقت....، كان داير نظاظر على عينيه ....زولهم وحشاهم فجيبببوا ... وهما حاليييين فيه فمهم ....ساهييين فخلق الله ... جميل جمال ...مالو مثيييل....، بشرتوا قمحية ...شعرو كحل بحال ظلام الليل ...ورطب مرجعوا لورر ...، وجهوا مزين بلحية خفيفة ...وتاتو الخوت ههه مع نيفوا منگاد وشنايفوا حومر تعكري منهم ...أما العينين ...فيهم واحد الزروقية فشكل تقريبا بحال لون "صافير " ،ملي كتكون سمى مضببة ...ولا البحر صافييي...) عائشة:(نطقت بلا ماترد البال للهدرتها )ياه سويدي كيهدر بالدريجة ... على كلامها العفوي ..والمضحك فنفس الوقت ...ضحك هوا..حتى بانو سنينات الجوهر ... ليلى:(ضربتها للكتف تسكت ماتشوهومش) ههه لاواه بيزنطي .. عبدو:(تدخل بزربة معجبو حال كيشوف فعائشة وصاحبتها) احم ...هذي عائشة وهذي صاحبتها ..ليلى..بزوجهم طلبة معايا.....فنفس الشعبة (ليلى معجبهاش الحال وتقرست من هدرة عبدو علاش ديما كيفضل ويقدم عائشة عليييها وهي بحالا زايدة ناقصة .. سرطت داك الفقصة ورسمت ضحكة صفرة على فمها ) عبدو:(شير للصاحبوا هاد المرة ) وهذا عز العرب ..صديق قديييم ..ليا ومغريبي ماشي أسويدي (وعقد حجبانو) (عز سرح عينيه كيقيم البنات من راسهم للرجلييييهم ..وتبسم قبل ما يمد يديه ..لليلى حيت كانتهعلى يمينوا ) عز العرب :(هز راسوا ورد بإبتسامة) مشرفين ليلى ... ليلى:(طوالت الشدة فالسيد ..مساخياش حتى فلتها) مشرفين عز العرب ...الظاهر ماشي من البلاد... عز العرب: كيفاش أختي ما مفهمتش ..!? (ويلي ويلي تزنگت وتمنت الأرض تسرطها على كلمة ختي ، وخا هكاك هزات راسها فالسسسمى ..مبغاش تبين الحال معجبها ...كانت هه طامعة وكتحلم بعيييد) ليلى: زعما عنييييت باين معايشش فالمغرب ... عز العرب: أه وي الغربة بغاتني ..كنعيش فإسبانيا ..حاليا مي ديما رجل هنا ورجل لهيه ...، ليلى: (نقزت كتهدر على راسها وهو كاع محشاها ليها) أنا من الرباط ...مي عائلتي مستقرة هنا ... (شحال كدير للكذوب والسلوگات ..ههه بنت الرباط وهي جاية من تارودانت ....،معطهاش إهتمام كثر ما تستاهل ودور عينيه للعائشة ...لي غير جالسة متفرجة فيهم ) عز العرب:(مد يديه للعائشة ) متشرفين عايشة ... (جلست حالة عينيها كتشوف غير فاليد الممدودة ليها .. ومع عمرها شافت الوشام عن قرب ...تمعنت كتشوف داك الوردة لي فيها الشوك ..مرسومة على يدوا...حتى نحنح شوية عاد فاقت ...وطلقت يديها ...وعينيها كيدور مرة فوجهوا مرة تالفين .. زير على يدييييها ...قبل ما يطلقها بسرعة خطفت للعندها كتدلك فيها ،...بقات كتششوف فيه وداك الضحكة لي مفرقاتش وجهوا ...همست بمتشرفين عز .. ) عز العرب: ونتي منين ..أعايشة!? عائشة :(بلا ماتهز عينيها ) جينا من مكناس هذي عشر سنين للكازا ... عز العرب: شاي الله أسيد التيجاني ... إنبهرت فحلاوة كلاموا ....وتبسيمتوا الزيييينة ... دار وحنى على جيهة طموبيلتوا ....كيطل من الشرجم على شي واحد جالس جنبوا ...شاف فيه وولا شاف فيهم ... عزالعرب:(هدرت بالإسبانية ) روكي هذي عايشة وليلىى... وكون تشوفوا هاد روكي إسم على مسمى ..داير تحسينة الفروج ...جناب مقرطين والتشويكة فالوسسسط ... منظرو كيجيب الضحك ...قال "Hola "و دار باي باي بيديه من داخل الطموبيل ليهم ...

#تحت_رحمة_سادي #بقلم_Sofi_Brada #بارت_5

 بقاو متجمعييبن شي ربع ساعة ...ليلى ...لي لاصقة بالهدرة ما يتسالى سؤال حتى تبدى فحاجة أخرى ...عائشة وقفت سادة فمها ..كتجاوب غير بأه ولا ولا شي مرات غير كتحرك ليهم راسها...وتدور غير بعينيها كتسارى ما بين مرة فعز مرة فعبدو لي بايييين وسوغ كان معصب واحد العرق فذقنوا كيدير تيك تاك ..توك ،ههه قنبلة يدوية خاصها غير لي يجر الخييطة،اما عز محيدش عينيه من عويشة يدور ويدرو ويحط عينيه علييها ويمرگها بشي شوفات فشكل ماعرفت واش إعجاب ولا توعد ... جابولها الرهبة والتبوريشة ...وحركوا قلبها للداخل ..ولات كتلف كتر ماهي تالفة ماكتعرف فين ترمي عينيها ....، حتى أكتفى عبببدو ووصلات ليه للعظم وهو يهدر عبدو:(بلهجة قاسحة ) ماموراكمش شي طوبيس تبعوه .. راه يكون مشى عليكم الحال ... عائشة : وي عندك الصح ...(دارت لليلى مخنزرة فيها تجمع راسها للحد هناوبس ..ماهتزيدش دقيقة واقفة ) عبدو:(تنادم معاه الحال فيساع) نقدر نوصلكم ..! عائشة:(هزت راسها بلا ) لا بلاما ماتعذب راسك ...خليت ليكم الراحة ..(وتبسمت بزز فوجه عز وعبدووطلقات رجليها للريح ...غادة بحالها ،خلات ليلى جاية وراها كتجري ..وتعيط ...، حتى .وقفت عائشة على الطريطوار دايرة تسناها نيشان ..جات عينيها على عز وللصدمتها الشديدة ..غمزها على غفلة ...بطريييقة...زعزعت كلشي فيها خلاتها دارت كملت طريقها ...غير غادة نيشان من تأثير الصدمة عليها وقلبها كيدير دف دف دف فصدرها..ماتقدرش تنكر خطفها بسحر زينوا ...ولكن فرق بيناتهم كبيرررر ...هو شي وهي لاشئ مقارنة بيه ....ماشي غير ماديا ..،حتى فراسها مكانتش عندها التقة فراسها بلي غزالة وأي واحد يتمناها )

#تحت_رحمة_سادي #بقلم_Sofi_Brada #بارت_6

غير مشششاو وبعدو عليييهم ...دار عز للعند عبدو ..مغندف
عز العرب: مالك ..جريتي عليهم هكا ،أش ضارك !?
عبدو:ماعندو ما يضررني ...غير ماعندها معنى يبقاو واقفين معانا ...
عز العرب: أش فيييها ما بانلي عيب ..ولا نتا عندك أسبابك الخاصة ...!?(وهي هديك زاد حط الملح على الجرح للعبدو)
عبدو: خلينا من هاد الهدرررة ..أجي موضوعنا ،فين بقينا قبيلة ! واش ناوي تكبر الكلوبببب ...!?
(عز بقى كيحك لحيتوا ...وهو مكاينش فداك العالم ..بالو مشى غطس بعيييد و عينيه كيلمعوا بشرانية ...،وباقي متبع بعينيه الطريق لي دازو منها ..،عبدو حس بيه ممعاهش ..وبحالا عرف شنو شاغلوا من قبيلة وهو حاذي كيفاش كان كيشوف فعائشة ...بحذة
بحالا شي واحد ضامر لييها ...حوايج هما نيت ، وللأنه عارفو عز المعرفة ..عارف الا عز دار حاجة فبالو الجن هه الثالي ميزولهالوش من راسو ..لي شافها ديالو ولي مشفهاش عندو فيها النص ...اي حاجة كيوصل ليها مكاينش مستحيل عندو ..الفلوس والمنصب والوجوه كيسهلوا كلشي...وهو نيت ماشي شي واحد جاي من ورا الجبل مجرب ومدوز وعارف كيفاش يسلب لب دالعقل للبنات....جات معاه ههه بعدا)
عبدو :(نطق بلا ميعيق براسو) غير زول داكشي لي فبالك ...
عز العرب:(قوس حجبانو بتسائل) شنو كتعني ...بكلامك !?
عبدو: باز أخاي ...راحنا عشرة وحدة ...بلا مانلعبوا لعبة القط والفار ..انا فاهمك ونتا فاهمني علاياش كندوي ...!
عز العرب: ملي عارف هادشي بلا ماتلعبها كبير علياوحنا شاركينو بزوج ...
عبدو: ولو انا مبغيتكش ..
عز العرب :(بتحدي ) من إمتى كنت كناخذ رأيك أسي ،فشي
حاجة كتخصني ...!?
عبدو: ولا مرررة ومباغيش ندخل فصحتك وخصوصياتك...
غير ما تقربش.. منها متصلاحش ليك ....!!
عز العرب: شكون نتا باش تمنعني ..صاحبي أه ولكن دخل سوق راسك ..وخلييك بعيد ....أحسن ليك ...
عبدو:حضر عقلك هي ماشي ديال داكشي ...وماشي من نوعك ...قلب على قلة ...لي باغيين ...
(وفغي كاع لي دازو لي فحياة عز ..كانو .فنفس الشكل ..وبمعايير محددة تكون زعرة وعينيها ملونين...
و طايتها تكون بحال شي مانكن ...تكون لباسة ...،عمرو ماستهواتوا وحدة سمرة ولا قصيرة وشعرها ...كحل ..)
عز العرب:(هز صبعوا بتهديد ) ماتههددنيش ..أنا مكنتهددش
عرف شنو كتخرج على فمك ..ماشي ديما هنكون متسامح معاك ....
...(قاد وقفتوا .كيشوف بشك فعبدو) بغيت نعرف شنو هامك ...،ختك ..كتجيك ...من العائلة ...معجب بيها ...كتبغيها !?
عبدو:(سرط حجرة ونكر) نو مابيني وبينها غير الخير والإحسان ...مي بنت نقية ماشي ديال التشوفيج ديالك
عز العرب: (بمكر )عارف نوعها ...كيف داير ...خاصها غير شوية
التدريب وهتكون تحت رحمتي ...راكعة .
عبدو:(ممتيقش وذنيه ...) نو نو ..نو ..واش كتسمع شنو من المصبح كنخطب علييك ..خطيها عليييك ...
عزالعرب(ضد فيه وحبا للتحدي )ياه ...بحالا هنسمع ليك ...
(هز عز يديه و شاف فساعتوا باغي يخوي ...الطريق قبل ما يصدقوا فشي كومبا وواصلين للخزيت على والو ..
عز العرب :المهم يكون خير ...خاصني نشد الطريق للطنجة نوصل قبل ما يظلام الحال ...
عبدو: قبل ماتمشي أش درنا ...!?
عز العرب: (شَاف فيه بواحد الشوفا واعرة، بحال الى باغي يضّارب معاه)
شَاا برد دمك .مابغيتش نزيد نسمع كلمة لا مديرش هكا ..مرانيش دري صغير تگودني
خليني نقود بحالي من الأحسن قبل ماتقود معايا السوايع....
( عبدو صفارمسكين لدرجة أنه مابقاتش نقطة الدم تْبان فوجهو.تلفات ليه الهدرة على حقاش ما كانش ينتظر بحال هاد الرد من عز)
عبدو:أوكي صافي فهمتك ...
عز العرب: مزيان ...،نتقاشعوا ...فالحفلة ...
عبدو: ضروري هنكون حاضر ...
(تصافحوا ...باليدين وكملوا كل واحد طب طب على كتف لاخور ، وركب عز فطموبيلتوا ....وتحرك مديماري وكاع الرويوس دعيباد الله دورهم وراه بداك الحديدة ..ليغير صوتها.....كيزعزع....،مشى خلى وراه الغبرة وعبدو واقف عاقد يديه عند صدرررو ..بالعصبية ...لي كان حابسها فقلبوا.....ركل الرويدة دطموبيلتوا بالجهد حتى حس بصبعانو طرطقوا من قوة الضربة ...وطلع كيسب فخاطرو ...،
لي مبغاش هو لي طاح فييييه دبا كيفاش ...يبعدها عليه ...
فكر وهو مكسيري فالطريق كيسابق الريييح حتى طاحت عليه فكررررة ...وعفويتوا هي لي هتحل هاد المصيدة ..
المهم قرر وحط نصب عينيه عندو كلام لييه معاها غداً )

#تحت_رحمة_سادي #بقلم_Sofi_Brada #بارت_7

كان مشى الطوبيس ....كملت عائشة ...مشيتها هربانة ..

لحقتها ...ليلى كتلهث وتعكل فطالوها ،جات بحال شي زرافة وعواجوا ليها الرجلين ...

ليلى :عايششششة واتسناي المسخوطة راني سخفت بالجري وراك ،..مال مك ...تسناي ..!!

وقفت عائشة عاقدة يديها عند جنابها ههه باغة تدابز ...ولات بوطة وباغة تنفجر ...حيت حسات بالإحتقار ..والدونية و الذل لي مشات وحاشتها للداك عبدو وصاحبوا دبا يعلم الله اش هيقولو ا عليهم غير عطات الظهر ..

شافت الحولية (اللوطو ) وهي دوخ ..هي وصاحبتها طماعة بحالها بحال الأغلبية ..تابعين غير الورقة ...

عائشة :(درات فيها قبل ماتهدر )بعدي مني بسبابك ...تهنت اليوم تشتفات كرامتي ..

مالي على داك القرع نمشط ليه الراس ...

بغيتي تمشي ..تشوفي مول الحديد سيري بوحدك لاش جراني وراك ...سمعت لي عمر سمعتوا حتى من والديييا ...ولا شي قمقوم اخور ...

ليلى: (هزت كفوفها )كالما كالما ....مالكي دبا باغة دابزي معايا !?

عائشة :اه باغة ندابز حيت نتي سبابي كنقول ليك نجلسوا للأرض اش داني ليهم ...وخا يكون عند اصلهم ..لوزِينات ...

بحال دوك الناس حنا عندهم بحال سراق الزيت ...يزطموا عليه ويدوزو ..عرفتي باش حسيييت استعريت من راسي

و

ليلى:(تغوت بحر جهدها )زدتي فيه وحق المعبود ...داك الزوين مقال والو ...عندو لي ما يتحرق ما يتم وهدر معانا بكل بتواضع ...

من غير داك الطوفيطة ، ديك حِزْبونْ دعبدو لي جلس كينفخ معاجبوا حال

عرفتي علاش حيت حس بالنقص ..قدام لاخور ...

وبصاح أش جاب طز للحمدالله ...(بحالا كتهدر مع راسها وتقارن ههه بيناتهم )

عائشة :(حاولت تخفي ضحكتها ودير فيها باقة مقلقة مي مسعفهاش راسها تبسمت) غير كتقولي ...انا شفت شوفات هذاك كيفاش دايرين ..وخا هدر عادي مي عينيه فالسسسسمى ...والكبراياء ...تقولي مانعرف شكون هوا ..

أستغفر الله حاسب فراسو ...شاد السمى بيديه ...

(وهي فالواقع حسات مركز عليها بزاف وكرهت تكون تحت الأضواء ...مرتاحتش للوضع ومرتاحتش للعينيه ...فيهم شي حاجة ...مخبعة...غامضة ..شي حاجة كتخوف جامي باغة تعرفها .. ،منكرتشش أكثر من واعر كيحمق ..مي شي حاجة ماشي طبيعية ...فيه ،هكا إحساسها كيقولها ...)

ليلى: غير نتي بانت ليك هكاك ...انا بانلي كان مهتم بييك

(قالتها ليلى وسكت شحال ..كتفكر ...وحادرة عينيها فالطريق...

شافتها ساكتة عائشة هدرت وقطعت داك الصمت الكئيب ،كون مكانتش كتعرف صاحبتها وتيق فيها كثر من راسها تقول غارت )

عائشة : بسم الله عليك وليتي تهترفي ..،أش فيا ما يعجب ولا يجذب .. عادية .. ماعندو علاش يهتم بيا ....

زيدي فبالك أمثال هذاك كيترماو على رجليه البنات ...كيف دايرين ..

هيشوف فيا أنا ...!?(حركت راسها بلا )

ليلى:( بلا عكز عليها ...جبدات داك نص مراية لي عندها فالصاك ) شدي ...وشوفي وجهك فالمراية ...

عائشة:(خداتها مفاهمة )أش هنشوف ...راني كنشوف خنشوشي كل صبح ..

ليلى: نتي مشكلتك ..متيقاش فراسسسسسك بلي زينة ..

عائشة: أمم ...مبانليشش ..،لي بانلي الجمال هربان (ضحكت ) المهم الأخلاق ..حاظرة ...

ليلى: أريلي للمرايتي ..هتفقصيلي رَيْتِي....

راكي واعرة واعرة ...غير تزولي دوك النظاظر وديري شوية روطوشات ديال الماكياج ..وشعرك ...كيف ما درتي ليه كيجيك زوين وخا ماشي رطب ..عرفتي كيف تباني قمر ..بنفسها ..

عائشة : (و بقات كتلوى فمشيتها وتغني بصوت طفولي )

"و دى ناره بتحرقنى " (قمر )

"ده كتير اوى صدقنى "

"لا حاسب على قلبى شويه "

"لا بالراحه معاه

"طب خدنى كده بالحنيه "

"انا مش حمل هواك "

ليلى : الله على صوت ميعزان ..بقى غير نحزمك ونتحزم ونقلبوها شيخات الروبلة فالطريق ...

عائشة : هههه معيزو هيا نتي ....انا أراب أيدل كون مشيت ليه كون طيحت البق على المشاركين ...

ليلى: (تطوت بالضحك) لا باييييينة الحب ....

عائشة : أوه فكرتيني الله يفكرك بالشهادة ، العراضة الحبيبة

#تحت_رحمة_سادي #بقلم_sofi_Brada #بارت_8

ليلى: حرام واش كتنساي ...

عائشة :فين هتديني بالمناسبة !?

ليلى : الحب وفنظرك هنديك فين !? .

عائشة : فين موالفين ..ياك !?

ليلى : ياسسسس تما ...

(وطلقوها قولها وضحك علييييها كيميلوا فالطريق ...نساو تماماً التجفيفة دقبيلة بحالا عمرها وقعت ،هكا ديما حالتهم....كيرونوها فالطريق ..

خالقين الجو ..للراسهم بلا شئ ..بأبسط الجوايييح ...،

غير قربوا للواحد الدرب ...نغزت عائشة صاحبتها .دغيا جمعوا راسهم ومشاور بالرزانة ...)

ليلى:(همست فوذنها ) سدي وذنيك هاهما هيبداو عبيدات الرمى ...

عائشة :(عوجت فمها متأففة من نفس الموال لي كيسمعوه على يد ولاد واحد الدرب )راني عارفة .مكيتسالوش هاد البشار ...

(غير قربوا فين جالسين واحد ..المجموعة دالدراري .كلهم دارو مبحلقين عينيهم فعيشة وليلى ..ها لي وقف ها لي جلس ها شداه ههه السخفة من الركابي ،هاي لي شد كيتلمس فصدررررو ويميل فعيينيه ...وها لي كيعض فموا ...وبداو التصياد ..داكشي بالقوافي ياسلام .)

الأول :~يعطيك الصحة واش هداك زينك ولا مسلفاه عار الله تزوجيني بلكريدي ههههه

الثاني:~شي خالتو ففرنسا وشي ف فمو

الثالث :~امولات الصايا فى الزرق عالله تكونى ف الرزق..

الرابع:~ افين الزويتة منغمسوش ..

الخامس:كلك لوز وفقلبى دوز....احح ما تصلاحي غير للشي بوسة قاسحة...(القائمممممة طويلة lol! )

(شوية كانت هدور تسبنهم عائشة .عيقوا بزاف كل نهار كل نهار مكيعياووش ويزيدوها يتبعوهم ...كانت تمضي لسانها حتى رداتها للطريق ليلى بما تديش عليييهم غير تهدري معاهم هيزيدو يلصقوا .،داكشي من بعد كملوا طريقهم حتى دخلوا ..للسناك دالشوارما ...كل وحدة خدات ..شوارما ومونادا ...عرگوها ...وملي جات ليلى تخلص كيف واعدت...،لقات واحد بورزة خلص علييييهم ...شافوا فبعض ،حيت ههه عارفين هاد النوع هاد الشراف ...هيخلص عليك ..حاجة ويبغي يعصرها منك ...صرف هه

خلاوه حتى جى كيطلب النمرة مشاو معاه فالخط ..ومع صدق السيد كيعرفوه ههه وهوا مكيعرفهمش ...ساكن فنفس السيكتور ومزوج زوج عيالات ...لعبوا عليه مزيان بغى نماريهم بزوج ههه ،لكن عطاو غير ليه ...نمرة وحدة مكانت غير ديال بنتوا نيت ههه لي كتقرى معاهم فلافاك ..بحال الحلوف معاق بوالو ...قالها قيدي نمرتي صونيت ليك ...فاليل نولي نعيط ليك ...

خليه ههه باش يتعلم ....يجي يلعبها على بنات الناس ..)

#تحت_رحمة_سادي #بقلم_Sofi_Brada #بارت_9

للغد ...ليه...، كانت عائشة وليلى كيدورو فساحة لافاك ...

حتى تجي وقت الحصة التالية.....وهما غاديين غافلين ...

تعرض ليهم ...فنص الطريق ..عبدو ، جاي قاصدهم ..راسم بسمتوا ....على وجهوا ....
هما غير قشعوه ..تفرقوا ...بسخط ميكين عليه ...ودايرين ليه الطرق منين يدوز ...
هوا حسس بعظم الجرح ..والكره لي ساهم ..فيه بلسانوا ...
مشاوو وخلاوه موراهم ...جاي تابعهم وكيعيط ....
حتى وقف وقطع عليهم الطريق من ثاني ...
اندفعت ليلى ...بلسانها كتسسم وذنيه ....
ليلى : شنو بغيتي ...،قلب الطريق وسير وقف مع لي بحالك
مانتا من سهمنا ما حنا من سهمك ....!?
عائشة(ي بصوت رقيق وحزن فعينيها) ليلى عندها الصح ...
بلا ما ضيع صوتك ووقتك ....الغالي ..،نسى وجههنا .بالمرة و بلي كتعرفنا
عبدو:(دقق فوجههم بنظرة منكسرة وهو حاسس بالذنب عاملهم ناقص لبارح ..) لبارح ..أنا براسي معرفتش شنو وقع ليا ...ولا شنو ركبني حتى قسحت معاكم وسرقت البسمة من وجههكم ....،ماعندي حتى عذر ولا شرح من غير سمحولي ...كنعترف غلطت وندمت لي تعاملت معاكم ...
سمحيلي...ليلى ..سمحيلي عائشة.......
(قطبوا حجبانهم ...فبعض ..بحالا كيتشاورو غير بالعينين ..شنو يردوا علللليه ..،ليلى كانت معصبة ..للدرجة
تفركع عليه ...عائشة فالجهة لوخرا خدمت عقلها وعارفة لافوت منهم بزوج ...ماشي غلط عبدو ..غير كيكابرو معاه ويزيدو من الحبة القبة ...نطقت بلي خاصو يتقال وخا مهيعجبش ...ليلى)
عائشة : المسامحة أخويا (شافت فيها لوخرا مصدومة كملت هدرتها رغم ذالك )...هذي دارت لييينا العقل ...وكانت درس باش جامي ندخلوا راسنا فشي سواق بعاد علييينا ...(وطلت بجنب على ليلى وكيف توقعت راها كتفور ...وتضرب الأرض برجليها ...)
عبدو:(طأطأ راسو معترف بغلطوا)ولو ...الأصول ماشي هكاك كان خاصني نتعامل معاكم ...أستسممح مرة أخرى ...
عائشة : وهو كذالك ...متسامحين ...
(عضت ليلى لسانها لا تمشي تزيد تشبك الوضعية بلسانها اللفع ...,سكتت عائشة كتسنى ...فيه يتكلم حيت باغي يهدر كيحل فموا ويولي يسدوا بالصدمة ...،شافت فيه بجدية ..

كتحسب ليه قبل ما تمشي بحالها ..ملي مهدرتش خدات البادرة )
عائشة : المهم يمكن هادشي علاش جيتي ...(وحاولت تعطي ظهرها ...)
عبدو: لا ستناي ...
عائشة وقفت ووقفت ليلى بجنبها ...
عائشة : شنو ...!?
عبدو: (رمى عينيه لليلى )بغيت نهدر معاك بوحدنا ...!
ليلى هي ليلى متسناتوش يعاود هدرتوا ..تعصبات وهزات قنوفتها فالسمى وحرتت الأرض زايدة خلفة ...
عبدو: (سرط ريقوا مدوز يديه على شعرررو بتوثر ا و مشى وجى قبل ما يدوي)هادشي لينقولك يبقى بيناتنا ...انا وياك فقط لا غير
عائشة : هُوْ....هُوْ ..بشوية عليك ...شنو كاين علاش هاد الأسرار كاملين ..!?
خلعتيني !?
عبدو : انا عارف علاش واعديني ..تبقى هدرتنا هنا ...
عائشة (ترددت واحد الوقيييتة ونطقتها ): اوكي كنواعدك غير قوليي شنو كاين ...راه النعاس مهيدينيش الليلة...
إلا معرفت ...
(قرب و طلعها بنظرات قلقة ...فواحد اللحظة ..شد بكفوا يدها ...كيسولها بخوف ..،
ليلى مغابش على عينيها السيناريو ..بقات كتفرج فيهم مصدومة ...لاوية فمها وعينيها كيلمعوا ببريق غريب... )
عائشة:(كتحاول تدفع يديه والضيق على وجهها)وخا تسمح تطلق من يديي.....وتدخل فالموضوع نيشان ...
عبدو :(فاق وطلقها بسرعة قبل ما يسولها بنبرة جادة ) بلا شك كتعقلي على الولد لي كان معايا لبارح واقف
ملي جييتوا ...
عائشة : (فخاطرها واش هذاك يتنسى ) أه وي عاقلة عليه ....مالو ..!شرح ليا الله يرحم بيها الوالدين بلا هدرة الألغاز ...!?

#تحت_رحمة_سادي #بقلم_Sofi_Brada #بارت_10

عبدو: (زفر بجهد كيختار جوابو بحذر)هداك عزالعرب الا مشى حتى شي نهار تلاقيتيه صدفة ...و للا حاول يقرب منك ..ولا لا..، المهم الا شوفتيه جاي جيهتك قلبي الدورة ...ميصلاحش !
عائشة: (هزات راسها مفهماش )مفهمتش علاش جاي تقولي هادشي أنا بالضبظ ...حتى ليلى كانت لبارح ..،
و...علاش هادشي كامللللل ..!?
عبدو: (جمع فموا وكمل بإصرار) بلا ماتسولي اسئلة ردهم ..
ماعنديش ...،لي عليك ديريه إلا شفتيه هربي هربي هربي هربي هربي...متمشيش معاه وماتيقيش بيه وخا مانعرف شنو يقول ليك ...راكي هتندمي ...
عائشة:(ضحكت رغما عنها ) كتضحك معايا ياك ..ولا شي قالب هذا جديد ...من قوالبك ...!?
عبدو:(ضيق عينيه .وهو كيهدر يجدية) بان ليك فيا كنضحك...،هادشي ...مافيهش الضحك ..(كيعاتبها وكيشوف بحنية)
نتي عزيزة علييا بزاف ...كوكانت أخرى منضيعش وقتي معاها ...دبر للراسها مي نتي ...مبغيتكش تطيحي ..ف
(مابغاتش تسمع أكثر...كحزت منوا ،كازة على فمها خصوصا ملي حست بوجود خطر من كلاموا ..تبعها ..) مي بغيت نفهم شرحلي اش علاقتي انا بهادشي كامل ....وشكون هوا كاع فملك اللله ...،أش عندو مايدير ....
وزائد أنا مأديتوا بوالوووو....!?
عبدو:(تالف مالقى كيفاش يفسر ليها حيت هو براسوا عندو أرشيف كحل ودواسة موسخين )
هنصيغ ليك هدرتي بشكل اخر يمكن تفهمي بالخطر لي نتي فيه ...
إلا مدرتيش لي وصيتك بيه هتأذاي.....نتي فالصف اللول وهتضرري عائلتك معاك ...(ملي ذكر عائلتها جف حلقها ...وتخنق وجهها ،
يقدرو يقيسوها فعينيها إلا عائلتها ...وزوج أفراد لي بقاو ليها مها وختها من بعد موت الوليد ديالها فالحادثة لي وقعت فالحج هذي تقريبا عامين)
(كمل كيدقق فوجهها وملي لقاها باغة تسولوا سكتها )
بلا ماتزيدي تسوليني على التفاصيل ..ماعنديش جواب ..
( رجعت غادة...للعند ليلى هازة البوليكوب لي كانت مسلفاه وعقلها محاضرش معاها بالمرة ...حركتها ليلى من كتفها حتى فاقت )
ليلى : مالكي ...شنو كان باغي منك داك خْيِنة ..!?
عائشة(تفادت عينيها حيت ديماةكيكشفوها) والو ماكان باغي والو ...غير إعتذر ومد ليا بوليكوب !
ليلى :(متيقت حتى حرف ملي قالت )متأكدة ..
عائشة : وي ..
ليلى: من إمتى أعيشة كانوا بيناتنا أسرار...من إمتى وليتي تكذبي وتخبعي عليااا ..هذي كنبغيك بحال ختي لي ماولدتش مي ..شكرا !( دورت وجهها زعفانة )
عائشة :(رجعاتها حتى تلاقى وجههم نيشان) ماشي هكاك والله العظيم غير وكان أكد عليا منع...
ليلى :(قاطعتها كتغوت ووجها حمر بالغضب) أكد عليك شنو بالضبط ..ماتخلينيش كيف الأطرش فالزفة ! عاوديلي ياك ديما كنعاود ليك صغيرة وكبيرة !
(إستسلمت وعاودت ليها كلشي الغريب فالأمر ...هي غير سالات طلقتها بضحكة ليللى من قلبها )
لبلى :وحق المعبود إلا راكي على نيتك ...
عائشة: جاتني هدرتوا مجاياش من فراغ ...
ليلى: هههه والهبيلة ..والطرنونة راه الغيرة .هداك حاسد السيد على رزقوا وحيت حس بالحگرة قداموا ...وزيد يمكن غاير منو ملي عجبتيه ...بحال والو يكون ههه كيبغيك هاد الطوفيطة , و قال أجي نشوه صورتوا قدامها ...ومانخلي ليهم حتى فرصة تكون بيناتهم شي حاجة ....
عائشة: عبدو كيبغيني ههه قولي شي حاجة أخرى ..يتقبلها عقلي ..عمرو ما بينلي شي حاجة ...!
ليلى:(لوت فمها بتهكم) ونتي فين عمرك ...شفتي شي حاجة
ولا عقتيييي...،المهم متكونيش نية وماتيقيش بالكذوب لي قال لييك ...، وكون راني فبلاصتك ...ويجي هاد عز باغي يتعرف عليييا نعطيه ..الأوكي ...فين هتلقاي بحالللو ا ...
ولا فالأحلام ...
عائشة :(شافت فيها مفافية) اختي مانعرف هادشي لي قالي قلبلي راسيييي وخا نشوفوا قدامي نقلب الطريق ....اللهما سلامة ولا ندامة ...، هو عارف صاحبببوا حسن مني ..

ليلى : دغيا كلا ليك عقلك بزوج كليييمات ...وا تي فيقي هدرتوا كاملة مكدخلش للعقل ...من الأساس ...،
مالو بوعو هياكلك ...ولا قتال ...السيد من مظهرو باين ..أخلاق ...وربي عطاه زين ..و ولد ناس كبارر ..هدرتوا حلوة ونازل للأرض وخا لي عندوا ماعند الوزير ...
عائشة :(دورت كلامها فعقلها وبدت كتشك )عرفتي شنو بيناتو هو وصاحبوا إلا كان بيناتهم شي حساب غير يبعدو مني ...، ماكيهمنيش ...واش لي قال ليا عبدو ...كذوب ..ولا صح ....
هاد الساعة ...تالفة غير مع الدروس حالفة ندخل كلشي ...
ماعنديش الوقت لا للمصاحبة لا للتعارف ...
ليلى :إيوا نتي تعرفي ...!

#تحت_رحمة_سادي
#بقلم_sofi_Brada
#بارت_11

من بعد شهريين ....،فواحد النهار ....كانت خارجة فيه من لاصال ...فين كتلعب "الفول كونتاكت " ...مع الثمنية دالليل ...،فجو كئيب السمى فيه تلبست ..بالضبابة ...و لون مغيييم ...وقطيرات دالشتاء مرة كطيح شوية مرة كتفتر ...
دارت القب دالجاكييطة على راسها ..وزيرت ساكها دالاصال
على كتافها ..،وشدت طريقها حانيية الراس وحاضية جنابها
حتى ڤيبرا التليييفون فجيبها ..جاوبت ..غير من الكيط
بلا ماتخرج التلفون ...مابقات تقة ...السرقة عين باين ...
عائشة:(عرفتها قبل ماتسمع صوتها ) ألو مي ....
الحاجة فاطمة: فينك المرضية دبا ...
عائشة : يلاه زطمت برا لاصال ...علاش !?
الحاجة فاطمة : شوفي ختك مشهية الكفتة ...دوزي نيشان
للجزار لي فالشارع لاخور ...وجيبي ليها زوج سندويتشات
عائشة : اف اف اف ..شي يتوحم شي يتسخر عليه ....فهاد الجو باغاني نمشي حتى للعند داك الجزار ..
الحاجة فاطمة : سكتي ..سكتي ختك هذي ، بغيتي تحكها فوجهها ...وتخرج فالولد ..شي توحييمة قدها قداش فالوجه ...
سيري الله يرضي عليك أبنتي خفة زربة ..وباقي الناس برا
ماعندك مناش تخافي ....
عائشة : عطاتني شي فلوسسس ...باش نشري ليها ..!?
فاطمة الحاجة : غير شري من مصروفك حتى نرد ليك ..المرضية ديالي ...
عائشة : أنا بغيتها هي تردها شحال ميكت و ودرت فعين دالميكة ...،راجلها عمييييد وتطمع فيك وفيا ...نشري ليها
السندويتشات ..بربي الحبيب حتى عيقت وطلع ليا هادشي ديالها فراسي ...مراحناش دمادم ..تكمس فلوسها وتطعم فينا!
الحاجة فاطمة : سكتي سكتي ...ويا ويلك تقولي حداها هاد الهدرة ...،بغيتيها تغضب ماتولي ترجع .....
عائشة : مصاب مصاب ...غير تغضب..ودير فيها عزيزة...
نتوحشوها ....بعدا شوية وهي كل مرة شادة الطريق للعندنا ...
الحاجة فاطمة : يعطيك القطيع للداك اللسان ..اللفعة ،
بعدا كتجي مونسانا ...شكون بقالي من غيرك نتي وياها من بعد المرحوم ...وهيجي نهار تمشي حتى نتي وديري دارك ونبقى بين ربعة دالحيييوط وتشغلكم الدنيا عليا ..نبقى لا رحيم لا حنين ..هئ هئ هئ هئ (وهاهيا بدات تدمع وتهرنن وكلما تفكرت المرحوم ...الله يواليه الله برحمتوا،مزال كييية موصومة فقلبها ..خصوصا مات قدامها )
عائشة :(لعنت لسانها وزربتها ) وصافي أميييي...متبكيش ..
دموعك كيدوزوا ليا فقلبيييي بحال المواس ....
يعطيني اللقوة للهاد الفم أش دانيييي نهدر كاع ..،هنجيبلها لي بغات ...غير بقاي على خاطرك ..
الحاجة فاطمة: (كتمسح فدموعها وتنهد) لاباس علييك أبنتي ..
عائشة : وشنو نجيب ليك نتي الفِنِيدة ديالي ...تاكلي ...!?
الحاجة فاطمة : لا أبنتي أنا مبغييييت والو ..بغيتك غير تجيني سالمة للدار ...،اما العشى راني درت طاجين داللحم والجلبانة والقوق لي كيعجبك ...كنتسناك غير تجي ونتعشاو كاملييين ...
عائشة : يام يام ..بحالا قريتي خاطري ..كانت شهوتي فيه ،
لهلا يخطيك أتاج راسي ....والعوينة باش كنشوف ...
الحاجة فاطمة : عوينتك هي إلا سمعتي هدرتي ومتدابزيش مع ختك مسكييينة ...راه لي فيها يكفيها ..بالوحم ومقابلة داك الجن دحمزة ...(ولد ختها الصغير عام ونص )
عائشة : وخا أمي والله منهبب ناحيتها ولا نقلقها ،قولها غير هيا تبعد مني وهي حاضياني فالطالعة والنازلة ..وكتزيد تهز ليا حوايجي ...كطرطقهم وهي دايرة كيف الرموك دالرملة ...
كل نص يا نص ...

#تحت_رحمة_سادي
#بقلم_Sofi_Brada
#بارت_12

(الحاجة فاطمة طلقاتها بضحكة عالية من التلفون ...حتى سمعاتها ..حفيظة من الكوزينة وجات حاطة وذنها على تلفون كتصنت )
الحاجة فاطمة :ههههههههههههههه ......هههه ..,صافي قطعي دبا ومتعطليش أبنتي ...
حفيظة :(نطقت مقروصة ) شفتوني ونتوما تسكتوا ...ياك أَ أَ مي كتهدري فبنتك ...مع بنتك ...
(عائشة ..سمعت هه صوتها قالت بسلامة وقطعت دغيا ،
شدت الطريق للواحد الجزاررر ...كبير عندو سناك كيدير كاع لي تشهى الخاطر ...كفتة ..صوصيص...كبدة إلخ ...
دموندات على زوج سنديوتشات دالكفتة ...فاللول وزادت الثالت ...لا يمشي ما يقدوش ديك البرمة دختها ...
وجلست مكمشة من البرد ...على واحد الطبلة دالبلاستيك ...بكراسيها ...،وكطرطق صبعانها ...حتى وقف على باب المحل واحد الولد صغير ..تكون عندو ديك طناش للعام ...
موسخ فحالتوا ...باين مسكين ...كيبات فالزنقة ...،
حققت فيه بحنية ...وضرها فخاطررها ..باقي صغير ..
يلاه قال بسم فالله فالدنيييا و كيعاني ...وهاز الهم ...
شحال صعيبة تقول الله يسهل ملي الله مسهل عليك (Big)
عبارة فالصميم ...،
المهم دار بعويناتوا فالمحل ....كيلحس فموا ...ويشوف فالناس كتاكل....،)
شافو مول المحل وهو خايد كيطيب ...غوت عليه كينهرو
:سير البرهوش تقود ...مكتعياش ..فينما درت نشوفك ..فجنبي......
جاتها عيشة النفس علييه ...وهدرت
عائشة : غير خلييه ...راه مكيدير والو ...مسكين ...
مول المحل : أنا لي عارف هاد الجنس ...كيف داير .،
(ورجع كيشوف فالولد بغضب) تمشي تقود ولا نخرج عند مك ...
الولد جى وقف عند رجليها ..وعينيه فالأرض ...كيتحامي بيها من كلام الجزار ...وبطشوا المرتقب فأي وقت ..
المتشرد : فيا الجوع.....أختي ...مكليتش من لبارح ...
لا أنا لا مي لا خوتي.....!
عائشة:(شافت فيه وعينيها..دامعين تأثرت بسرعة )أجي جلس حدايا متخافش ماهنخليهش يقرب للعندك ....وقولي شنو تبغي تاكل ..!?
المتشرد:(دار عينيه على مول المحل لي زم فموا عاد جلس حاني راسو فالأرض) لي كان اختي ...الله يعطيك الستر ...ويرحم مك وباك ...ماوكليني ...
(خرجت بزطامها كطل على شحال بقى عندها دالصرف كانت باقة شي باركة من فلوس البورس ..،ووقفات وقالت ليه يتبعها ..تفرحوا ولو شوية وتوقفوا يختار شنو ياكل ...كانت واحد الزاجة ..كتفصلهم ..على شلة أنواع
دالتقاطع ..مشرملين )
عائشة : هانتا ختار شنو يطيب ليك نتا وخوتك وحتى ماماك ..نديرو بحسابها ...
المتشرد : (شير بيديه ) الكفتة ..والدجاج و الصوصيص ..
عائشة : (تبسمت بحنية ..ولعبت فشعرو) مايكون غير خاطرك ....أحبيبو ...
(طلبت الماكلة ...لي بغى ..،و مدت الفلوس كتخلص ...
حتى سمعت ....مول المحل كيغوت ...بالجهد ...)
الجزار : شد شدي راه طار ليك بالصاك ..شفار ولد الحرام ...
دارت بالصدمة ماعرفت باش تبلات لقات البرهوش طار ليها بالساك ..دالاصال ...فيه كلشي بزطامها ..وراقييها ..أيباد ..
سمحت فكلشي ....وطارت كتجريييي وراه

#تحت_رحمة_سادي
#بقلم_sofi_Brada
#بارت_13

مشات كتجري وراه ...البرهوش كان كيف الثعلببب ،
كيطيررر....سسبقها و وولا كيبان ليييها بعييييد ..،
خافت يتلف ليها ..زادت السرعة ..كتلهت .....ورجليها كيوصلوا للظهرها ...،ممتسوقاش للسروالها لي فزگ كلوا من التحت بماء دالشتاء ،...كابرت ...فين مامشى وراه ...دخلها فشي دروب ....وخرج من أخريين ...
دار مع واحد الدورررة ...غير وصلت لقاتوا طار بلعاتو الأرض ..،شدت راسها ...علاين تبكيييي و مهدودة بالجري ..
قالت تمشي مع نفس الطريق ميكونش مشى بعيييد ..
وهي تلاحظ واحد باب دالعمارة محلولة على مسرعيها...،غير ماقالها راسها ...تدخل ..تشوف شنو كايييين ....،من زهرها لقات البرهوش ..جالس على الدروج وكيبقش ..فساكها ...
طرطقت فيها عينيها حومر ونيفها حتى هو من البرد ومدت يديها كتغوت....
عائشة :(كتنهج مهدودة النفس فيها)مد الصاك ..للهنا ...
رجعليا صاكي ... حسن مانصدق جراك للبوليس ...(بغات تخلعوا)
المتشرد :(كشر فيها ) سيري عاوديها للأصل مك ...
عائشة:( مصدومة كملت هدرتها كتسايس ) هانتا عطيني غير وراقيييا ...الله يرحم بيها الوالدييين ..،بغيتي شي لاخور خودوا ..مي وراقيا محتاجهم ...
المتشرد :(زير على الصاك ووقف فالقنت) يديك فيه المِيمة..
هذا ماهتشدي مني ...
عائشة:(تكهربت تقولي حلمت وفاقت ياه هاد البراهش شحال خاسرين ) باغي تمشي للحبس على صغرك هادشي
لي كدير فيه ممزيانش ...
المتشرد: سيري تفرقي علييييا ...مديريش ليا فيا مصلحة إجثماعية ..ولا نخسر ليك داك الوجه ...
عائشة:(خافت يكون عندو شي موس قربت بلا حس )
هانتا تهدن ...بغيتي الفلوس خودها ..أيباد خودو ،عطيني غير البيرمي ووراقيا لوخرين ...
المتشرد : أتي طلعي التلفون ...حتى هو ونرد ليك كواغطك ..
عائشة: أوكي ..خويا ،ميكون غير خاطرك .
دارت راسها هتقلب فجيب سروالها ..وغفلاتوا ...،مطيرة ليه الصاك ...من يديه ، فنفس الدقيقة سمعت الحس وشي رجلين بزاف هابطييين بحال العسكر والهدرة نيت كانت دشي رجال ...
البرهوش دفعها بجهد حتى لصق ظهرها فالحييييط وعلق من العماررررة ...، يلاه حست بالروح كتجري فيييها ...حيت صاكها باقي فيدها وحيث ماشي وحدها ....،شي حد نازل و معندها مناش تخاف ...،و فضلت تشششوف واش كلشي فالصاك ..واش مطير ليييها والو ...قبل ماتخرج للزنقة ...
وهي حانية الراس ...كتبقشش ..مسكينة ...،ماعرفت لا إمتى و لا كيفاش ...ماسمعت والو ملي قربوا ...حتى كتشوف زوج دالرجال قد الغوال واقفين على الدروج التحتانيين ..دورت وجهها على غفلة وقفزت ميتة بالخوف والثالت فيهم كان قريب للوجها وكيطل عليييها ...وعينيه كيخلعوا حمريييين واش مقرقب ولا سكران ...ولا شاركهم بزوج ..مانعرف ..،
مي ماشي فحالة طبيعية وحتى لي معاه ...كتعطعط منهم ريحة الشراب خانزة ....،بعدت من جيهتوا شانقة صاكها فيديها
(نطق لي كان كيطل عليها بنبرة لئيمة وماكرة )
الرجل 1: ماتخفيش أحبي ...
زاد االراجل 2:(كيعريها بعينيه وبشهوة حيوانية،جالس يغمز للصحابو)تفو على بوك الحيوان ...راك خلعتيها ..،
(كمل نازل الدروج بشوية والثالت تابعوا) متخافيش مني أنا ....،خافي منو هو (كيضحك ويشير للول ) جنس ميسواش...
الرجل3 : (كيدوز يديه على قرجوطتوا )راه ولاد الحرام بزوج .
أجي معايا أنا نبرعك أعمرييييي....(وشد فزبلوا ) وراجل دالصح ....
(ولات كتبان بحال الميت غير كتسرط ريقها ..وتتمنى تكون كتحلم ،مي عينيها مكيحلموش ...كيشوفوا تلاتة دالكلاب جيعانين باغيين ينهشو فلحمها ....فأي ثانييية ..،
والخلعة جمدت ليها الركابي )

#تحت_رحمة_سادي
#بقلم_Sofi_Brada
#بارت_14

عائشة:(كتمتم ) مابغيت والو غير تبعدو مني ....
الرجل 2: قاسحة مع راسك .بزاف ..وحنا باغييين غير نلعبوا معاك العمر
ورجعت باللور بشوية ..، كتدور فراسها ..وتشوف جهة باب العمارة ...،كتحاور مع راسها تهرب واش تقدر تلحق تهرب
فالتة بجلدها ...!?
ماولاتش فكرت زوج مرات ...طلقت رجليها ..للريح ،
ولكن غير خرجت الباب حسات بيهم وراها ....
حتى لحقوها و دوروها كيف الذياب وسطهم ..، خرجت عينيها بالخلعة وفمها كيرجف ...
الرجل1: غادة للشي بلاصة بلا بينا ..الحب ..
الرجل2: أح على طرف عندك ..
والسهات فداك الزنقة ...لا طير يطير ولا بنادم ..يمشي .،وخا هكاك
كدور فعينيها ...على الله يبان ليها شي منقذ ..،
قشعت واحد الراجل وصاحبتوا ولا مراتوا كانو جايين ..من نفس الطريق ، غير قشعوها دايرين بيها هاد الثلاتة ...
قلبوا الدورة ومشاو هاربين بجلدهم ...بفف ،
صافي تشهدت على روحها ...حتى دموع مبغاو ينزلوا وهي كتشوف فمصيرها بين يدين هاد الوحوش ...
بداو كيقربوا جيهتها حتى ..صغروا الحصار عليها وخلاوها مقنتة ....فواحد القنت ..
الرجل 1: (مد يديه بغى يقيس فوجهها رجعت للور )أححح على رويحة فيك ..بحال الشامبوان ..
الرجل 2:(دفع الثاني بحالا كيتقاتلوا على شكون يفرسها اللول)...أنا للديلمك اللول ...ندشنها ....
تطلق لسانها و بدات كتغوت ...بالعداوووو ...عتقوا الروح عاونوني ....لا يكون شي قلب رحيم ..كيسمع ...
الثالت فيهم سب ..ساخط ..،و جى موراها وشد ليها فمها بالجهد علاين يخنقها ..
الرجل3: وا سكتي لللمك هتشوهينا ...قبل مانخرج ليك مصارنك هنا ،
الرجل1: تحرك ...الزبل ..ودخلها فالطموبيل ...
وتم جارها ...ودوك زوج كلاب معاه....كيوشوشوا ليه بشوية رخف على فمها هتقتلها قبل ما نذوقوا ليها الحلوة ..
بكل قوة ...نادت كتفركل بيديها ورجليها ...وكاع داك حركات الفول كونطاكت لي متبعة فالاصال ..بدات كتطغي للسطح ...وتعطيها قوة تبغي تقاتل باش تعيش ....

#تحت_رحمة_سادي
#بقلم_Sofi_Brada
#بارت_15

غير وصلوا للواحد الطموبيل ..ودوك الزوج حلوا البيبان ...
طارت على هداك لي خانق صوتها بعضة ...حتى سال دموا ...و هزات ركبتها ..ونيشان للحجروا ....خلاتوا ، كيشد فمابين رجليه ويتلوى ....
وهربت ...ليهم ..،ماشي ببزاف سمعتهم كيلهثوا وراها ..،
عندهم الركابي صحاح وخا سكرانين ..،مع واحد الدورة ..
جات قاطعة كتجري حتى فرانت طموبيلة كحلة حدا رجليها ،كون ماكان جاي بشوية كون طحنها فالطريق ..،
حيت خرجت للطريق على غفلة وبلا وعي ....
مشات كتجري وتدق عللى مول الطموبيل ..فالزاج لي كان مسدود وفيمي مكيبينش شكون فيه جالس كيسوق ...
نزلت الزاجة بشوية ديال الطموبيل ...وبدات كتهدر بحال المسكونة بزربة والخلعة ...فيها ...
عائشة: عاوني ...اخويا ،عاوني ..هيتعداو .عليا و يقتلوني ...،
(وتشير بيديها ..وراها )راهم ورايا ورايا عتقني ...أنا مزاوكة فيك
(جاتها هستيرية ديال البكى وهي كتشوف فداك الوحوش شافوها فين راها وجاييين لاحقيين عليها ...،دارت شافت كترغب فمول الطموبيل لي مع الظلام وعينيها ..مسدودين بالدموع مكايبنش شكون فيها للداخل واش مراة ولا راجل ...مجاها حتى رد )
عائشة:(زادت كتبكي وترجى ) راهم ...راهم ...،الميمة متخلينيش نموت ...
(دورت وجهها كتشوف فينهم ...حتى حست بالباب تفتحت دالطموبيل ..وشي واحد ..وقف وراها ذاتوا كاملة قاسحة ولاصقة عليها وكملها دور ذراعو كاملة على عنقها بحالا معنقها من تما ..، هربت من كلاب وطاحت فولد عمتهم كلب مقطر ...شدها زيرها تما ...على ميعاونها تهرب ...
بدات كتشهق بالبكى ملي جرها من جهة طموبيلتوا للفوق الطريطوار ...ومزال شادها هكاك لا تهرب ...
حست بنفسوا كضرب للعند وذنيها ..قبل ما يهمس بصوت كيجيب الهيبة :ماتحركيش ...!!.،حاولت تدفع يديه من فوق عنقها ماقدرتش وترخت مستسلمة للنهاية قبل البداية فحياتها ...)
:(سمعت سنانو كيصطكوا قبل ما يحذرها من ثاني )قلت ليك رساي ...ماتحركيش ...
(وصلوا ...عليهم دوك الثلاتة ...كينهجوا)
الرجل1: الله يحفظك العشير ملي شديتيها ...
الرجل 2:(مغزز عليها ) وطلق الدرية للهنا ...راه معانا ..جاية ...
:(ضحك بصوت خفيف وثابت مافيه حتى شعور ) غير بوحدكم العشران ...ونا لي شديتها ..ليكم من حقي نحط يدي معاكم .. ونلعب (و تنفس فوذنيها )
قرب الثالث وباقي كيحك فالضربة لي عطاتوا قبيلة بالسبرديلة ،وعروقوا خارجين ومقرب ليها بتصميم
الرجل3: وهو كذالك ....ثلاتة وربعة ...يالديلمك الليلة ،
نطحنك .....حتى تمشي على ركابيك ويديك ...
نوريك كيفاش تركليني الحمارة ...

#تحت_رحمة_سادي
#بقلم_Sofi_Brada
#بارت_16

: شكون باغي يدوز اللول ...
(قالها بلا رحمة ..وهو باقي شادها ...هكاك ،،ماتيقتش وذنيها...شكون كيقول هاد خينة ...،باغي يشدها
ويدوزو عليها بالنوبة ..فالزنقةة......،، بداو الدموع كينزلوا بحال الشلال على وجهها ...)
الرجل 1:(دفع صحابوا وزاد اللول ) أنا اللول ..أولاد الكلاب قرب جيهتها ...وهو كيلحس فموا ويحل فالسمطة وهود كيفتح السنسلة ....،..غير طلق يديه باغي
يقيسها من صدرررها ...، داز كلشي بحال ضربة الفلاش قدام عينيها ..فلحظة ...رماها ورا ظهررررو ..هاد الأخير لي كان شادها من عنقها ....، أما الحيوان لي كان باغي يغتصبها اللول ...،شافتوا كيغوت ويفركل فالأرض ...شاد فعنقوا ماعرفت شنو بيه ..،حتى شافت الدم ...مشرشر فالأرض ....بحال الروبيني ونازل من عنقوا ....ومزفگ حوايجوا ...واش تذبح قدامها !? ماعرفت لا شنو ..ولا حتى كيفاش وقع ليييييه ...داكشي مدخلش ليها العقل ...، بقات كتبيض عينيها جامدة فبلاصتها ...بالخلعة....
جراو ..دوك الزوج للعند صاحبببهم ..والخلعة باينة فعينيهم ..
الرجل2: (شاد فراسوا كاع ديك الرجلة دقبيلة ماتت ،نزل كيعيط للي فالأرض مابين الحياة والموت ) توفيق توفيق ...فيق أصاحبي ...
الرجل3:( تم جاي مدرم وعروقوا خاريجين ) ياولد الق**....اليوم نفرگع دينمك ....دم توفيق مهيضيعش الكيدار ...سمعتي ..ماهيضيعش ...!
:(بدم بارد هدر ) قرب إلا كنتي راجل ...
الرجل 3: ينعن ديلمك الشماتة رمي المطوة يا ولد الق** وواجهني راجل ...للراجل ...،نوري مك الرجلة كيف دايرة القْحِيبة ....
:(رمى داكشي لي فيديه كيبري مع الظلام تسمع غير طاك ملي طاح فالأرض) عندك الحق ...يلاه نتحذاك تقرب ..الرويجل ...نتا وهذاك لي معاك (وشاف فهداك لي باقي شاد فصاحبوا لي مليوح فالأرض مجاوبش بحالا تقطع ليه اللسان بالخوف )
الرجل3:(وجاي هاجم...كيسب ) تفو ...للزا** بوك ...
غير وصل بغى يعطيه بكروشية ..لاخور راوغ ...ونزل عليه
بزوج كروشيات ...الدم ولا خارج ليه من فموا ونييييفوا ...
قلب ليه الدماغ ...،رجع لور كيميل علاين يطيح ...وخا هكاك ولا تقاد معاه وجاي هاجم ثانيي كيف المسعور كيغوت ...ملي شدوا بقجة من عنقوا ...حس بعينيه وروحوا هتخرج
بقى كيحاول يفك يدين لاخور ويغوت بأعلى صوتوا
الرجل3: طلق.....طلق ..للدي* مك ....طلق ...
عارف شكون ...أنا للزا** بوك الكوميسير حمودة ......يا ديلمك حتى ندفنك....طلق .....
(مي مطلقوش ههه حتى عطاه قتلة دالكلاببب ...بالركل والبوني ...،ورماه كيف الجييفة فالأرض ...مسالي ..،نفس كيطلعها بسيف ...وينزلها ..، دار المنقذ ولا نقولوا أمير الظلام لي خرجها ليها كيف الملاك ..من حيت لا تحتسب
،شاف فأخر واحد ....باقي ....،كان جمع الوقفة كينهج كيف الثور
باغيي يدير حقوا...ولا نقول ياكل حقوا من العصى..باش يتقادو ليه العظام...)
الرجل2.: شنو كيحساب ليك كرك* ...
:(بتقة وتصميم) حفار القبوررر ...قباط الرواح ..عزرائيل لي عجبك سميني بيه ...يا الكلب ...
الرجل 2:اليوم نقبرك حييي ...
(جاي ...كيجري ...غير تقابطوا باليدين دغيا طف طف طف...نزل كيف الشرويطة فالأرض كيكح الدم ...،شنق عليه المنقذ
من الكراڤاط لي كان لابس كيف العتروس دالعيد و جررررو ...حتى وصل للصاحبوا لاخور الاوي وزدحوا ملاقي ليهم الريوس حدا بعض ...،ودار للعند عائشة ..كيقرب وهي كتزيد ترجف ...مقدرتش تحرك من بلاصتها بتاتا ..بحالا رجليها تدقوا بالمسامر فالأرض......،وصل للعند رجليها ...وطلعات فيه...من التحت لللفوق بشوية حتى ..بان ليها ...وجهوا مع شي تشاش ديال الضو ...،واو سيبافغي ..
نفس العينين الزورق غير هاد المرة بحالهم بحال السمى مغلوقين ومغيمين ....نفس الڤيكورة ....حسات براسها كيدور ..والضبابة كتزحف على عينيها قبل ما تنطق ب"عز"
وتسخففففف....كانت الحادثة كلها بزاف على عقلها يستوعبوا
تلاقت بيه هوا من ثاني ...والإغتصاب لي كان قريب تكون ضحيتوا على يد تلاتة ديال الكيادر ...لي ماعرفتهم حيين ولا ميتين ...هادشي كلشي نزف أخر قوة بقات ليها وطيحتها فظلام ...وظلام ....جفونها ..لا يمكن تفيق ويكون حلم ...تعاودوا ...وتفسرو ماشي حقيقية عاشتها ..بكل حذافرها ..

#تحت_رحمة_سادي
#بقلم_sofi_Brada
#البارت_17

( حاسة براسها ناعسة ومرتاحة فوق فراشها ...تنهدت وحركت راسها ....وهي كتحس بيد كتطبطب على وجهها كيحسابها غير مها كتنودها )
عائشة: مي خليني نزيد ..نعس ،باقي الحال ...
وفضلت داك اليد كتحرك فيها بشوية ...،وهي كتبرك على عينيها رافضة تحلهم ...حتى شمت ريحة غريبة ..وحست بحروشية اليد لي كتقيس فوجهها ماشي يد مها الحنينة ،عاد فتحت عينيها رغما عنها ....،شافت ضو مجهد فوق راسها ...فتحت وسدت عينيها زوج مرات عاد رجعت ليها الذاكرة شنو وقع ،،أوبس مراهاش ففراشها ولا هذي يد مها ...، دفعت داك اليد بعنف وقفزت مقادة فبلاصتها ....وكتشوف فحوايجها ..واش محلولين ...، تخلعت غير عرفت راسها كاينة فطموبيل واحد غريب مي مكانش غريب ...على عينيها ...،دارت كتحقق فلي جالس جنبها بلاصة الشيفور كان هوا نيييت "عز العرب" بكيانوا ..العظيم ...،
عائشة: شنو درتي فييا ...،فين أنا !?
عز العرب:(بغيظ طفيف) نتي هي نتي باقة صحيحة ...،أما فين نتي

راكي فطموبيلتي ...،مجاتنيش نخلييك سخفانة فوسط الزنقة ....

عائشة :(بالحس هدرت ) عز العرب سمحلي مقصدتش ...ن(نأش هي براسها معرفتش اش تقول ...دبا راسها وكتشك فيه من بعد هاد الليلة فالجحيم ،وبلا ماتنسى هدرة ...عبدو لي باقة عاقلة وخا هكاك رطابوا عينيها شوية ...كون مكانش هوا كون ولات فمحل كان...يعلم الله شنو كانو هيديروه فييها )
عز العرب : (مقوس جبينوا كيفكر ) سميتك عايشة أوكتقراي فلافاك دعين الشق مع عبدو الشرايبي ...لا كان عقلي يسعفني ...ياك !?
(إكتفت بهزة من راسها بأه )
عز العرب :أولاً ..يمكن ليك تعيطيلي غير عز كافية ،
ثانياً عارف لي داز عليك ماشي ساهل ومن حقك تسولي على راسك فين كاينة ،دبا كيف كتحسي براسك شوية !?
عائشة :(بصوت مبحوح وعينيها باغيين يبكيو)أه مزيانة...
عزالعرب : بنت بحالك ...مخصهاش تكون ..كدور فالزنقة فهاد الوقت ...
عائشة : عارفة ولكن ماشي للخاطري ...،كنت غير متسخرة
حتى صدقت تسرقت ....وكنت علاين ...(حكمتها غصة فحلقها...على كلمة نتغتصب ...)
عز العرب:(بعينين بحال الجليد تبع وجهها ..و مد ليها كلينيكس تمسح عينيها) شششش...متبكيش ..،ومتفكريش فلي كان ممكن يوقع الحمدالله للواقع الصدف كنت دايز من تما ...
عائشة : (تمتم بالحس علاين صوتها مقطوع)واش ماتوا كاملين !?
عزالعرب:(عينيه ولاو كيف الظلام ) يمكن أه يمكن لآ ...على حساب شكون سبق اللول واش الموت ولا الإسعاف ..!
(هاء توهها بهدرتوا ...مافهمت حتى لعبة ..وهي متأكدة واحد شافت عنقوا منحور ...والثانيين شي مبليسي شي مهرس ...،مبغتش تزيد تسول فدوك الكلاب الموت وبزاف عليهم ، شافت بعينيها ..فين واقفين بالطموبيل وسولت بخوف )
عائشة : واش باقيييين ...فنفس البلاصة ...دقبيلة ..!?
عزالعرب :لا ......ماعارفش فين ساكنة ولا فين نديك ..،وتقدري تقولي طريتتت نضرب بيك دويرة ونتي غايبة ..حتى تفيقي وتعطيني النعت مزيان فين نوصلك !?
عائشة:(دارت كتشوف مخلوعة )فين أنا دبا ...ياكما غبت بزاف ...م(وقطعت كلمة مي فالنص ،مبغات تعطيه حتى فكرة على معامن عايشة ولا تقربوا من الصورة دعائلتها ،باقة ممأمناش لييه المية فالمية ) ويلي ...واليديا هيكونوا مخلوعين عليا دبا ،،،،عفاك رجعني منين جبتيني ...(تفكرت حاجة )فين صاكي ....فين تلفوني ...

#تحت_رحمة_سادي
#بقلم_Sofi_Brada
#بارت_18

عزالعرب:(كتم غيظوا مسيفط زفرة طويلة)بلا ماتخلعي مرانيش بوعو هياكلك ..صاكك تحت رجليك، تلفونك ...كان طاح منك ملي سخفتي ..،حلي ديك البواطة حداك فين كندير الوراق هتلقايه ،
وعلاه فين حنا دبا فالمعارف .....وماشي بزاف باش غايبة (دار فيها شوفة بحالا كيقولها باقي شي حاجة مزال ماسولتيني أريها ) .
عائشة : (عضت فمها كتخفي توثرها وتبرر) لا ماشي هكاك
ماعندي علاش هنتخلع منك ...غير ميمتي (إستدركت راسها )لي عنيت واليديا هيكونو مخلوعييين عليييا ...مي مريضة ومبغاش نكون الموت ديالها خاصني ...نتصل دبا (حلت القجر لي قال ليها ولقات نيت التليفون تما, وخا دازت فراسها بلي التليفون كان فجيب السروال دالجين كيفاش مطاحش ملي جرت مراتون وغير سخفت فلت ليها من جيبها المهم نفضت كتافها ورمت الشك من بالها كلشي ممكن يوقع ،طلت على تلفونها مالقات حتى إتصال من مها يعني باقي الحال ومبغتش تعيط وتخلعها بالواقعة وتزيد تمرضها ..فضلت تخليها فقلبها ...تجربة مريرة وفاتت ..،حكت راسها كتشوف فيه بجنب عينيها حشمانة تسولوا ..)
عائشة:(عارفة سؤال غبي مي محيلاها )امم وخا نسولك ..
عزالعرب: وي ڤازي ...
عائشة: كيفاش حتى وصلت ... للطموبيل ونا كيف كتقول كنت غايبة على الوعي ...
عزالعرب:(مقدرش يتمالك راسوا ميضحكش ) نسيت نقولك كتمشي ونتي ناعسة ،(عوج فموا ويد راميها على فولون دلوطو)من نيتك كتسولي !
عائشة:(حادرة عينيها ووجهها تلون بحمرة الخجل) أه ..كنهدر نيشان ...
عزالعرب : إيوا ألالة ...نعاود ليك بالتفصيل ...، تجسست على نبض قلبك ،واش بعدا ميتة ولا حية....
(خرجت عينيها حاطة يدها على صدرها كتخمم كيفاش بلانوا ،فهمها وكان سباق للجواب)
غير شديت فيدك ..درت جس النبض ..باش ماتمشيش بعيد ...،ملي لقيتك حية ...،درت يد تحت من راسك ...ويد اخرى تحت رجليك ...،كنت ديجا فاتح الطموبيل دغيا بلاصيتك فين راكي دبا ...وربطت ليك حزام السلامة ...هذا ماكان ..كنظن وضحت ..أكثر من لي كنتي كتتسناي !!
عائشة:(نزلت رموشها )أه...أه...،الله وحدو لي هيجازيك على وقفتك وعونك ليييا ....كون مكنتيش نتا ...كون كون مانعرف ف(وتخنق صوتها بالحزن ....هو شَشْهَا ..برفق مقرب ليها ما طبطب .لا يجفلها منو.. )
عزالعرب : فين كتسكني !
عائشة :(جاها على غفلة ..تلفت ،هزت صاكها وبغات تحل الباب دالطموبيل كتهدر بالزربة )بلا ماتعذب راسك هنشد طاكسي من هنا ....
عزالعرب :(بسرعة كليكا حداه على بوطونة سدات كاع البيبان بالقفل وخرج صوتوا كهيّب) جلسي للأرض ...
عائشة:(بلا خاطرها جلست مقادة كتشوف فالخوى قدامها ويديها كيدخلوا فبعض ..وفمها ناشف رهبة من الجاي )بغيت نمشي بحالي ..حلي الباب ...واليديا هيتهولوا علللللليييا ..وزيد تعطلت ..
)كتخرج وتدخل فالهدرة ..،هو حس براسوا هيَّب عليها بلا قصد )
عزالعرب:(تأفف) مابغيتش نخلعك مني ..،
ولكن واش نتي مريضة ?..فين هتمشي بوحدك دبا ...
خليني نوصلك حتى للفين ساكنة ...ومنها نطمن عليك ويرتاح ضميري معاك ...أما نطلقك هكا ...منقدرش .نرتاح مع راسي !(العجب ههه )
عائشة: الله يجازيك بالخير ...وخيرك عمري نساه ما حيييت ، غير مبغيتش نعذبك ...هنشد طاكسي ...حسن وعذرني باقي ..كلشي بيا كيدور كلشي مخلط عليا ،عقلي مشوش ...
عزالعرب : وي فهمتك ...المهم نتي تعرفي مصلحتك فين جات ...(وحل القفل دالطموبيل كيشير بيديه للباب ) تفضلي إذا بغيتي ...مهنحصركش ...،(ودارها ليها على قد فمها حيت كان متأكد مهتنزلش ...وهترجع فهدرتها .. )
(بقات كتسرط فريقها ..كيف الحجر كينزلوا وتدور تشوف برا وتولي تشوف فيه كان كيطقطق صباعوا على الڤولون و عينيه كيشوفوا غير للقدام ...معطهاش قيمة ولا زاد حزرها ، لعنت لسانها ديما مسبقة العيب مي معذورة ..
كيفاش تيق فواحد بارد وقاسح ...منظر الدم ...مكيروعوش ويخليه ...صفر كيف وقع ليها هيا،فركت فيديها ورضخت للواقع حتى الا بغات تشد طاكسي الفلوس
مكملينش عندها وهو خصوصا بعد ها على حومتها ببزاف )

#تحت_رحمة_سادي
#بقلم_Sofi_Brada
#بارت_19

عائشة : (تمتمت حشمانة من راسها شحال وهي تجبد تمشي بحالها ملي طلقها سقلت فبلاصتها)وخا توصلني ل ...
عزالعرب:(مطلع حاجب فيها ومتظاهر بلي مسمع والو ماوخدش معاها البال)شنو ...ماسمعتكش !?
عائشة:(هزت صوتها )قلت ليك واخا توصلني ...فكرت ولقيت هدرتك على صح ..!
عزالعرب: أوك ..فين باغة تمشي !?
عائشة: لبورنازيل ..!
عزالعرب:(بتنهيدة كتحرق عاود موراها ) بورنازيل ..
عائشة:(صفارت وخضارت غير كتكذب كتبان فيها)أه تما دارنا ....ساكنين
(مجوبهاش حرك راسسسسو بأه....وديمارا الطموبيل ..، بحالا راكي غادة فطيارة شحال ديال الصداع فيها ملي كديمارا ولا يمشي بسرعة ، ...يلاه إنتبهت الطموبيل ديال زوج بلايص و للكراسة كيف دايرين فالكوير حمر ...وموريحين جدا بحالا جالسة على الفطويات...،بقاو ساكتين ...غير النفس لي كتحرك فيهم هو شانق على الڤلون سايق ومركز وهيا معنقة صاكها وكتحاشى تبعوا بعينيها ،
حتى هدر )
عز العرب : ناقصانا واحد الحاجة ...!
عائشة: شنو هيا !?
عزالعرب: موسيقى ...،(شير بعينيه للبلاصة ليفين محطوطين لي سيديات ) أش يظهر ليك تسمعينا شي حاجة على ذوقك ...
عائشة:(ارتبكت ...) نو غير ختار شي حاجة نتا ...
(حرك راسوا ...ومشى نيشان ...شعلها على أغنية غربية )
justin Bieber,Let me Love you (خليني نبغيك )

غير وصلوا ...للبلاصة فين نعتات ليه ..وقف قدام واحد القهوة قالت ليه كنسكن فنفس العمارة ديالها ...، ومعرفتش شنو تقول لييييه ...
عائشة :شكرا بزافففففف ...معرفتش كيفاش نشكرك أكثر ،
عزالعرب :أي وحدة كنت هندير معاها نفس الشئ ..
حذي راسك مرة أخرى ...ومن الأحسن متبقايش دوري فدوك الزناقييي ...بالليل ...
عائشة: هذي والثوبة ...شكرا مرة اخرى ..،أوكي باي ...
قبل ما تنزل....مد يديه ....وسلم عليييها ..وحتى هي سلمت عليه ، باغة غير تنزل دغيييا حست بالخنقة ..، طلق منها وخرج كارت بيضة من جيب الفيستة لي لابس ....
عز العرب :..سو هاهيا كارت فيها نمرتي إلا حتاجيتي شي حاجة ...شي نهار ...(عيطيلي )...
"Give me a call " .
كانت نزلت وحانية ظهرها كتطل عليه من الباب جيهتها ...مترددة تشد ماتشد ،تشد ماتشد هادشي لي كانت تقول فبالها وفتالي قررت تشدها حشومة تردها فوجهوا وهو مدار معاها غير الخير ...،يمكن تعيط يمكن لا ولا تلوحها كاع ...وخا فالداخل ديالها أحساسيها مخربقة ...قدرت تلمس شوية ديال الإعجاب ملي كيشوف فيها ،وهي كثار معجبة بيه بزاف وخا عطاتوا النخال فالطموبيل ..مي مبغاتش تهز ليه العلام ويحسب فراسو هو ديجا عارف راسسسوا شنو كيسوى....وشكون هوا وشنو قادر يدير .فالبنات ..،،مبغاتش تكون بحال كاع البنات ..غير يفرنس ليها تحل ليها كاع ...،
مدت يديها وخدات الكارت رادة عليه "بإنشاءالله"قبل ما تدسها فجيبها ..،شيرت بباي....هو أيضا وتبعات الطموبيل حتى غبرررت ...،بقات واقفة شوية ..وولات شافت يمين وشمال وتأكدت بلى مشى بحالوا...،شيرت للطاكسي حمرة كانت دايزة ...،ركبت دغيا)
الطاكسي: فين أختي !?
عائشة :للحي السلامة ...

 (هههه وعلام هذي ..صدقت ساكنة فحي السلامة ،غير دارت ليه داخ دوخ باش مايعرفش فين ساكنة بالضبظ ...،دازت فالطريق على داك الجزار خطفت داكشي لي شرات قبل مايسرقها داك البرهوش ...ورجعت فنفس الطاكسي حتى للباب دارهم ..غير دخلات تقبلات ليها....ختها كتميل بنصها)
حفيظة :(كتعيط للمها) وامي ..اجي تشوفي بنتك إمتى راجعة...،كون غير بتيي ...تما لاش راجعة ...!!
عائشة:(مكشكشة ..بسباب هاد البوديزة دالزيت جرى كليها كلشي )بعدي منييي ...ومن طريقي ..ساعة للله ....
(ورمات ليها ميكة دالماكلة فوق الطبلة قبلل ماتزول سباطها كتهدر من تحت سنانها) ها زبلك ....كون تعرفي شنو جرالي فمسبتك ...كاع ماتهدري معايا ...هكا !
حفيظة :(كتغوت) مابقيتي تحشمي مابقيتي تحترمي لي كبر منك ...
المزيودة ...
عائشة : (دازت مدرمة ..مافيها لي يسمع نفس الكاسيطة ديالها) قلبي علييييا ...
خرجت مهم ..من الكوزينة ...كتغوت....
الحاجة فاطمة:مالكم عاوتاني ..ماعرفتكم خوت ولا ضرايرات ...
حفيظة : ماهنا تربية ربيتي فيها أمي ..،سولتها فين تعطلات !
دازت فيا مدرمة ...كيف البگرة وماردت علييا ....
شي نهار تجيب ليك شي مصيببببة وماتحذيها ...هاني فين گلتها لييك ...
الحاجة فاطمة : الله يستر ..فمك لحسوا كلب ..،عيشة بعقلها ماتتخير ...قدام بنات الناس ...
(خلاتها كتبرگم ودخلات عند عيشة للبيت لقاتها كتبكي ..،ديما مشانقة مع ختها الكبيرة مكيتفهموششش ...بالمرة ، حيت حفيظة كتشوف ختها كتقرى ووصلات لي بغات وعندها الحرية دير لي بغات ماشي بحالها ...زوجها باها صغيرة
زواج تقليدي ...ماشافتوا ما شافها ما بغاتوا ما بغاها ..،وفارقوها على ولد عمها لي كانت كتبغي حيت العمام مكانوش متفاهمين وجات هيا بين الرجلين زوجها باها بسيف ...عليها كلما تشوف عيشة تحس بلي حياتها تخطفت منها كانت خاصها تكون ...بحالها ...،قالت ليها الحاجة كيف كل مرة ختك كبيرة ولازم ماتديش عليها ..تقول لي تقول قلبي عليها الوذن ..ماتهزيهاش منين تقالت ...نفس الإعادة كل مرة هترد بوخا أمي ميكون غير خاطرك ..ويقلبوها سباط للغد ليه ...

#تحت_رحمة_سادي
#بقلم_Sofi_Brada
#بارت_20

مامشاتش للافاك شي خمس يام كتحس براسها مهدودة بالوراح وضلوعها كاملين كيحرقوها علييييها جات تطل ،ليلى مزال ...يلاه هتقول لييييها شنو وقع...داك الليلة المشؤومة....،جراتها للبيتها وسدت الباب ...،تلاحت ليلى جالسسة ومربعة رجليييها ..وبجنبها جلست عائشة مدورة زيف حياتي على راسها وتحت منو معشبة ..هههه ها الخزامة ...ها فليييو ونزيدكم حتى الحامض ...،لهلا يخطي الميمة وخلاص لي ..ممحنة وبغاها تبرى ..مسكينة دغيا ،حييت لا دوى لا نعاس نفع فيييها ..وهادشي ماشي دقة البرد دقة الخلعة ...والحادثة لي باقة متسجلة فعقلها ..كتفيقها كل ليلة بحلم كفس من خوه ...
المهم ..تنهدت ...وعاودت كلشي لليلى منين مشات تسخر وصولا للسرقة ..للهداوك لي بغاو يتعداوا علييها وكيفاش نقذها عز وقتلهوم عصى ....الا ماكانوا ماتو مركزتش هنا وحكت بالتفصيل....إكتفت بقول كون ماكان هوا كون راكي مكتشوفيش فيا دبا حداك ...حية ،
حلات فمها ليلى كل مرة على حساب شنو كتقول صاحبتها ،
فتالي نقزت ...وعنقت عائشة كتبكي بلا دموع ...
ليلى: ويلي ويلي ..الحمدالله على سلامتك ..كنتي هتمشي أصاحبتي....ليا ...
عائشة:لهلا يوريك باسسس ...
ليلى: أميمتي وعلاش عاد كتقوليلي هادشي خمسيام هذي ،
ونا أونكونطاكط معاك ...مكتهدري ماكتقوليلي والوووو ..
نسولك كتخسري علييا مريضة وصافي ..
عائشة:مجبتهاش الهدرة ...وخلاص ،فراسك حتى مي مقلت ليها والو ...،كنتي حالتي حالة حتى راسي مكنهزوش من الفراش ..فضلت حتى نكون شوية لاباس ونقولهاليك فايس تو فايس ....
ليلى: وهو ...ماوليتيش هدرتي معاك مولاش سول فيك!
عائشة:(تظاهرت بالغباء) شكون !?
ليلى :شكون من غيرو ..الفارس المغوار ! عز صاحب عبدو !
عائشة:شنو من الصبح كنعاود لييك ...،هو لي عطاني ..نمرتوا....،أنا معطيتوشش ونيت كون سولني منعطيهش ...حسن هكا!
ليلى : ياختي مالكي معقدة ...بالعكس خاصكي تكوني ممتنة ليه ...وأقل الإيمان ...تسيفطي ميساج كتشكريه ...ولا حاجة هاك ....،(نزلت عينيها ساهية ) شنو لي محيرك أعويشتي !

عائشة :(قالت لي فقلبها بكل صراحة) خايفة نبدا شي حاجة أنا مقداش عليها ولِي بدا بميساج يتطور للحاجة أكبر من هكا ...ونتعلق ...ونسلم قلبي ... منكذبش عليك باين ليه ناس وناس ...هداك مستحيل يكون سيليباطيغ .. !(بقات كتهدر بلا فرانات كتفنذ أي حاجة شافتها ولي باغة تقنعها بيه ليِلا) يصدق ..مدوز بيا الوقت ...وخاسرة راسي ..
.(حركت راسها يمين وشمال غير هدرت ليلى ثاني قبل ماتسمع حتى كلامها )مالي على حالتي ..نو نو مانديرش الضحك فراسي.....
ليلى: غير بالشوية عليك هتسخفييي بوحدك ..ههه هنا تأكدت ..بلي كيعجبك المسخوطة ....وماشي بعيد طايحة فيه ...من راسك للرجلييييين ...
عائشة:(دورت وجهها حمر مكذبت ما أكدت)وزايدون أش عرفني بلي عاجباه ولا معجباهش...!?
ليلى :غير سيفطي ميساج ماشي قلت ليك سيري خطبيه ميساج ..ماهيدي ما هيجيب.....وكون معجبتيه ميعطيكش نمرتوا ويعذب راسوا مضيع وقتوا باش يوصلك ...بحال هذو مكيضيعوش الوقت هكاك !
عائشة : منظنش فكرة مزيانة ...دبا من بعد ونفكر ! بلا ماتجريني هه للرذيلة
ليلى :(ضربتها للقفاها) على حسابي والله حتى مزيانة وزينة وفُنطَاستيك ..
فينها النمرة ...!?
عائشة: (قوست عينيها) علاش باغة النمرة !
ليلى :ياخِتيه على الناس كيغيرو ....
عائشة: هههه خليني ساكتة قبل مانقولها قداش ، شفتوا زوج مرات هنولي نبغي و نغير ..وممن منك أصاحبتي ..،قولي غيرها !
ليلى:إيوا ..تبتِيلي ..كلامك ،نودي جيبي التلفون ...ونمرتوا وأجي حدايا نفتي علييك أش ديري ..!
عائشة : أنا منعيط مانصوني ..بغيتي تعيطي عيطي نتي من تلفونك !
ليلى :مال مك ...واش عطهالي أنا .كوني أكيدة مكنتش هنتردد لحظة فالإتصال ...، ساعة ..تمدت ليك نتيا !
واتحركي الله يرضي عليك وجيبيها دبا دبا دبا نيت
عائشة :قطعتها ...ورمتيها ...
ليلى:(عوجت فمها ) الله يجعلني نتيق ....
عائشة: وتيقي ولا لا تيقيش ...الحلوفة ..
(عائشة دارت واحد الحركة معيقة ملي بدات كتكحز بجنبها ...باغة تجلس فين كابببنة وسادتها..،تما دفعاتها
ليلى وقلبت تحت الوسادة لقات الكارت نيت مقطعة على ربعة ...مي النوامر باقيين باينين نقزت ليليى كتهرب فالبيت وعائشة وراها ..)
عائشة:(استسلمت جالسة وهي سخفانة بالجري ) أوكي أوكيييي....أري ماحد دمي سخون هنسيفط ميساج ..قبل مايتنادم معايا الحال ...
ليلى :ياس بيبي وأخيرا ترجلتي ...
عائشة :الا مشى حتى نخلني أحسن صندالة فالدار ...هنسيفطها ليك للفم ....يا صديقتي العزيزة....
ليلى : شوفي الا مردش عليييك أجي عكريلي بالباربة ...
عائشة : ههه الباربة ...للأسف معندناش فالدار كاين الهريسة ...هي لي نقضي بيها معاك ...
ليلى:سيفطي سيفطي ونشوفوا ...ديك الساعة !
(لصقت الكارط ديالو بالسكوتش ...كانت صفحة بيظة فيها غير نمرة بلا سمية بلا والو....،شدت عينيها وحلتهم قلبها كيدير قفز الحواجز ....،ممرتحاش للقضية كلها ...،
مي غصبت.....صبعانها ...وكتبت ميساج فيه سطر ...
"Slt ..Az ..., ci Aicha "
غير سالات صفقت ليها ليلى ...متحمسة ...،تشوف النتيجة.
ليلى:شتي مامتيش باقة حية ...مطارت لا رجل لا يد ،
إيوا على سلامتك (كطنز عليييها)
عائشة : خودي راحتك ...طَوبي عليييا ...وبْنِي وعْلِي....،إلا مردش عليا ...ههه هنرجمك بيهم ...(ضربتها للكتفها بالضحك)
ليلى : فكرتيني ...حلي الفايس ...ياك داخل عندك عبدو ،
عائشة: أه ...علاش نتي مداخلش عندك !
ليلى:سيفطتلوا قرن وغزة هذي مقبلنيش ولد الحرام ...،
عرفتي علاش سولتك ...هتلقاي هاد عز معاه فليزامي ...!
عائشة : كظني !?
ليلى: وي بيانسوغ ..مكنقول الحاجة حتى كنكون متأكدة منها ....
)هزت حجبانها لليلى ..وتكات على كرشها وحداها ليلى ، الفايس كان ديجا محلول فالتلفون دغيا مشات للصفحة دعبدوا ....وبقات كتقلب ...فليزامي لي عندو حيت كان عندو باينين ...، نزلت على حرف ع بالعربية والو ...وحتى بالإنجليزية ووالو ...مكانش داخل عندو ولا معندوش الفايس من أصلوا ....، مشات تهزت عائشة جابت شي شيبس وسقاطة ...وجلسوا كياكلوا وكيتجمعوا وكل مرة عينيها كيمشيوا للتلفون ..مع كل دقيقة كتفوت وجهها كيتهجم ...وكتفقد الأمل يجاوبها ....دازت ساعتين ولا رد ..،كانت ليلى هتمشي وقفت ..كتلبس جلابتها قبل ماتهدر)
ليلى:(بإبتسامة إنتصار غريبة ) مديريش فبالك ...كيف قلتي ..
(قبل ماتكمل كلمتها ...صونا التيلفون دعيشة فوق الفراش ،
طارت كطل ...عليه ووراها ..ليلى ...عينيهم خرجوا )
عائشة:( كتشوف فالنمرة وتعاود ) هوا .....هو والله حتى هوا .....
ليلى :جاوبي أش كتسناي ....
عائشة:(رمات التلفون لليلى فيديها) جاوبي نتيييا فبلاصتي قوليلوا مشات للحمام ....
ليلى :(رماتوا ليها ) تسطيتي ولا مالكي ..جاوبي أ زبل قبل ما يقطع ....
عائشة :لا غير جاوبي ..بحالي بحالك ..
ليلى : (ضحكت من خاطرها) هههههههههه عويشة ماشي هيا ليلى ....هو باغيك نتي ...ردي ماتصعرينيش !
(ورماتو ليها ...تقول هازين حجر العافية ...لي شداتو بزاف كتحرق وترميه لوخرا ...تلاتة دالمرات وهو كيصوني ، أخيرا ...ليلى فتحت الخط ...وقالت ألللللو ...
وحطات التليفون على وذن ...عائشة ..ولصقات هي كتصنت ....،وقضاتها حشمانة كتجاوب بالحساب غير ب
أه وي .ونتا ..لا باقي ...أه كنعرفها ...،..اه مسالية ....اوكي باي ..، هههه وموعد تحدد ...
نقزو الهبيلات كيشطحوا ...فوق الناموسية ...حتى تهرست واحد الرجل ...وجات الحاجة كتغوت ....وبيها تسالى الإحتفال المبكر ...

#تحت_رحمة_سادي
#بقلم_Sofi_Brada
#بارت_21

مطت وتجبدت كيف القطة فوق الفراش ..وعينيها .مقلوبين
بالشهوة ...وصوتها خرررج خافت و حنين ...
: واش مستعد للدوزيام مييييطا(الشوط) ..أنا وياك ..
(شاف فيها....كيسرط فريقوا ...والإشمئزاز ..طالع ليه مع حلقوا ...زفر وضغط على سنانو حتى تحكوا )
:وي ....أخر شوط ...ليك ...
(ونقض عليييها كيف الفهد ، قابط على عنقها الرقيق ..)
كانت زويييينة ...مافيهاش الشك ..وصغيرة ما بين العشرينات، رجلييها ...طوال وبحالا منحوثيين ،يلاه دقايق معدودة كانت ملوية بيهم علييييه ...،بشرة رطيطبة ...مهلية فراسها بزاف ...، وعويناتها جاييين فاللون الحجلي ..كيحمقوا ،كون متلاقتش طريقها مع طريقوا...هاد الليلة ، يمكن كانت ..تمشي بعيييد فحياتها تزوج شي واحد لاباس عليييه ...دير مودليين (عرض ازياء)...ولا تعيش بخدمة شريفة،
(كشر على سنانو ...وهو كيشوف فيييها كتلون وتجبد وتشهق باش تنفس....،عينيها خارجييين فيه تقدري تشوفي سنانو باينين كيبريو فعينيها ...، زحفت بيد ...على يدو
وظفارها المصبوغين بالحمر كيتغرسوا فلحم يديه ..
محاولللة صغيرة منها بائت بالفششششل ...،قبل ما تاطلق واحد الشهقة ...طويلة ....،بحالا ...زادت أججت النار فيه .
:سكتي القحب**.....(وزاد زير على عنقها ...) وموتي بسلامممممم.....
حلات شفايفها لي ولاو فلون زرق ...وعينيها علاين ينقزو من بلاصتهم ..،وحبست مقاومتها هازة الراية البيضة ...
مستسلمة ...ليه ...وللموت على يديه ...
:شفتي هكا نبغييييك .... (وبهاد الكلمات ختمها بقجة حس بعنقها طرطق تحت يديه )
ماتت و عينيها ...باقيين محلولين وحومر ...،وضوات عالموا ...عالم....كيلقى فيه راسوا عايش ...متحكم فكل حاجة
قادر يواجه أي حاجة فحيييياتو ...من بعد هادشي !
وسد عينيه كيتلذذ بطعم الإنتصار و الراحة النفسية لي لقي من بعد ماقتلها ...،كانت العملية كلها برمها ..كتستاهل هاد لحظة السكون لي خايض فييها دبا ...وهو كيتنفس بعمق ويعمر ريتوا بداك الريحة الرخيسة لي كانت دايرة و حتى ريحة النشوة لي دارت بيناتهم فلحظة تلاحم أجسادهم بزوج باقة كدور تما ...
ذاتها كاملة لوات بين يديه ...،وخا هكاك تسنى شوية ..
قبل ما يرخف صبعانو وحسب حتى للعشرة ..عاد طلق يديه ...من عنقها مخلي غير الإمارة ديالهم مرسومة ..،
تحرك من فوق الناموسية ...عريان ..ونزل ...كيقلب على سروالو ...فالأرض ..ومشى نيشان للجيب الدجين ملي لقاه ،
جبد موس كيتطوى ..من نوع إيطالي ...،وولى لاح السروال
فالأرض ..، فتح الموس ..كيشوف فيه ويتبسم ...
ثم مشى للجيهتها من الناموسية ..زول عليها داك الغطى البيض ...حتى بانت كيف تخلقت عريانة ....
بتصميم ...حاذ ...شاف و قادها نيشان ...فوسط الناموسية ..
وطلع فوق كرشها ...كيقيس عنقها ...، جا للفين كاينة واحد الخوية كتكون فالعنق و تجي تما تعليقة سنسلة ...
وبشوية عليه بدا كيحفر بالموس ...والدم طشطش فالسمى،
ماهمش صغر عينيه بحال شي نصر مركز ..و كمل نقيششوا بكل رزانة وتباتة ..تقولي هه كينقش تما فالخشب ...
ملي سالى ....مسح داك الدم ...بواحد الشرويطة من حداه ...حتى بانت الكتابة لي دار ...،كان رمز على شكل قلب وسط منو حرف
"B"....
ابتسم وعينيه كيبرقوا كيف النجوم فالليل ...بكل فخر ،
سد ليها عينيها وقاد ليها البوز بواحد الطريقة المغرية ...
شعرها الشهب...ناعس طويل فوق كتافها ونازل على صدرها ...ويد بلاصاها تحت خدها .والثانية على خصرها محطوطة ...ومن التحت خلاها بدون حتى حاجة ، وخدا كاميرة "دكانون" كانت على وحدة من القوافوزات .وبدا تشاخ ..تشاخ ..بحالا مصور محترف كيضرب التصاور من كل قنت ...شدها ونعسها على ظهرها نيشان وخدا تصوار قراب للعنقها ....،غير سسالى من كلشي ...،دخل للدوش كيدوش ...وهو كيدندن ...معلابالوش ..مخلي جثثة فوق الفراش ... ولا ذرة ندم بانت عليييه ..،كان فمنتهى الغبطة ..
دور فوطة على نَصُوا ...ووحدة صغيرة مسح بيها شعرو ...
ووقف مقابل المراية ...كيتنفس ...بحرارة ويزفر ...ثم دوز يديه على المراية لي كانت عامرة بخار ومسح جيهة عينيه حتى إنعكسوا فالمراية ...بحال البحر إلا هاج....فالظلام كانو هكاك ....زورق .....مظلمين ....كيعكسوا روحوا ...لي عايشة ...فظلام أعمى ...ومتجردين من كلشي حتى أبسط الأحاسيس الإنسانية ...

#تحت_رحمة_سادي
#بقلم_Sofi_Brada
#بارت_22

طل النهار ...بأول بوادر نورو ...،وعلى صوت تيليفونها كيصوني نادت عائشة مخلوعة ...من بلاصتها ،كانت غير ليلى ..كتفكرها فشننننو كاين اليوم ،فنظركم شنو ...!
اليوم ..هتلاقى بالعز من أول مرة هدرت معاه ...دارو يتلاقوا مي كل ساعة توقع شي حاجة وكتأجل الملاقية ...،خصوصا كانت فيها كريب صعيبة ...،بقى كيطمن عليها ...للمدة اسبوع ....و قالها غير تبراى شوية وتقدري تخرجي نتلاقااو ....واخيراً تهنت من داك السهطة لي كانت فيها وعاد رجع اللون فوجهها كيف كان ...
فاقت ...كطير من بلاصتها .للحمام وموراه .مشات للماريو كترمي وتحط فوق الناموسية ...وتقول واش عجباتها شي حاجة ...
قيسات الماريو كامل وحتى حاجة معجبتها ..جلست بإحباط شادة حناكها ...كتفكر وتطل على الوقت لي قريب يوصل وهي مزال مالقات لي تلبس ويحمر الوجه ..، وهي تذكر على غفلة ..واحد اللبسة شراتها هذي مدة ملي كان الصولد ومخبعاها حتى يسخن الحال شوية ووقتها نيت دبا ...ماسخون مابارد بزاف ،خرجت الشميشة فالصبح بكري .....
لبست بودي بيض وفوقوا جاكيطة معتدلة الطول ..دالجلد الكحل فالوسط عندها فيرور فالبيج والقهوي جايين خطوط عراض ..،وسروال سليم كحل وبوط من دوك الستايل الجديد دقطيفة فالغري وواصل بطولتوا للركبة متفرقيهش على السروال حيت جاي طالع ولاصق ...،ظفرت شعرها ...وقادت ماكياج خفيف غير ماسكارا و كلوز فالغوز ...وقرصت حناكها وهي كتبسم فالمراية و تدور وتلف على راسها عاجباها النتيجة ...رشت رشيشة دالريحة فعنقها ويديها..و
تسلتت بشوية من بيتها هازة ساك مايهزش حتى ستيلو فيه،
غير ديال الزاز والشيكي ...ودفتر تحت باطها ..،
خرجت قبل ماتشوفها مها ...وختها ....عارفة فيساع دير ليها لونكيط وفين غادية مزوقة ...حيت مامولفينش عليها
التأنتيك ...لي جى كتلبسوا ...فوق ظهرها ..،
سورتت الباب البرانية وخشات نظاظرها فعينيها ومشات كتجري للدار ليلى تدوز وراها ...حيت باغة تديها معاها ..
وهو وافق على هاد الشرط ...
ليلى ...خرجت دايرة كيف مونيكة عاشورة ...بقى ليها شوي وتضوي ههه بالماكياج ....،حتى هي بجاكيطة ديال الدجين قصيرة ..وليبا فالكحل فوق منها جوبا مفرفرة فالكحل ..
وكونيفغس ..فالبيض والكحل بقى ليها غير الگرينات وتكمل الباهية ..ساعة كانت طالقاه ..المهم جاية ههه عاطة للعين بشكل سوقي ..وعائشة بشكل كلاس ..
ليلى:(كتشوف فالوقت وتأفف) افف إمتى قالك يجي وراك !
عائشة:صبري دبا وهو جى مالكي فيكي بوقزقاز ...
ليلى : ياخوفي يكون غير كيتفلى ويخلينا منشورين هنا ..والريح كيزوي فينا ..
عائشة:(طلعتها وهبطتها بعينيها )ههه ونتي لي جاية ..
مقزبة ...واش غادييين نقطعوا فالبحر !!
(تقرصت وسكتت ما عجبها حال ....فيساع عائشة ندمت على هدرتها ....ورجعت بغات تراضيها)
عائشة :ليلى ...ليلو ...لولو ...راه والله غير كنضحك معاك ..
اللبيسة جاتك زوينة وكيوت بزافففف...تمنيت كوكان عندي الكوغاج نلبس بحالك مي راكي عارفة مسمار جحا لي عندي فالدار خاصها غير ماتشم علييا حتى تشريهالي فالكحل مع مي ...
ليلى دورت عينيها بحالا كتقولها للمن كتعاودي زابورك أداوود ..ماهمنيش أش كتقولي ورجعت كتشوف فالشارع ..
منخلاها بالمرة ،دوزتها عائشة بجغمة ماء وضحكت ..كدفعها بكتفها ....
عائشة: وصافي أليلى والله حتى زدتي فيه ..راه ماقصدتش نستهزأ بيك .ضحكت فقط وندمتينى ...،عارفة ضحكي كيف داير وحيت نتي صاحبتي كناخد راحتي معاك ....
متقلبيهاش عليا دراما تركية ..
ليلى:(على اخر كلمة حلت فمها ضاحكة) ههههه ونا نقدر نتقلق منك أماروخا ديالي...
عائشة :لا تقلقتي ...وكانت باينة فيك ....
ليلى:(نفخت بضيق) صافي نسايييييييي ....أصاحبتي ،
شوفيلنا شحال فالساعة فيدك ...
عائشة:(طلت على ساعتها كانت قريبة العشرة)باقي خمسة دالقايق للعشرة ....
ليلى:(بنفاذ صبر )باينلي هادشي مامنوش ...على الأقل يجي بكري ...
عائشة: شوية صبر ..راكي قلبتيلي مخي بالنگير ...

#تحت_رحمة_سادي
#بقلم_Sofi_Brada
#بارت_23

ليلى: (ضربت صدرها )ضربني ياخبزي ....ياكي أعويشة مزيان رديلي أنا اللومة ...ظهري مالح من زماننننن ...

ياك نتي لي قايلالي كاذبة عليه فين ساكنة ....وفعاوط ..

مانمشيو للبورنازل ...قلت نتسناو فالسونتر حسن ..
حتى إلا ماجى ..مانصدقوش مضيعين صباح هكاك ونضربوها بتسركيلة ...فالشارع ..،مي هانية انا هبيلة لي كنخمم ليك ونهز الهم على قلبي ...!(وعقدت يديها على صدرها حاقدة )
عائشة : ليلاَ سمحيلي انا حمقة وهبيلة ونكارة خير وشنو أخوررر نسيت ماذكرتوا!
ليلى: خطفتيهم من فمي ...نسيتي ..ماكتغشينيش فالإمتحان زائد ...كتاكلي بوحدك ومكياكل بوحدوا غير الطبل ..زائد غير ضاحكة معاك ...
ههه ياك كنعرف نرد الصرف....
عائشة: (دفعاتها بيد)أووووف منك يحسابني بصاح ...كتهدري وتلومي فيييييا ...(قبل ماتكمل كلامها ...كانت طموبيل ...كحلة رباعية الدفع غالبا تكون "رونج روڤر" ...واقفة ...عند طريطوار ..،وبشوية ..
عينيهم بزوج ...ركزوا على لي نازل من اللور دالطموبيل ...كان عز بكل عزو....كاجوال ...كلاس ...فكاع حلاتوا كيطير العقل ويقول للقلب شد فيا لا نطيح .هه..،
حلوا فواهمم فيه ...لاصقين فبلاصتهم مزال .،قبل ما يقرب كانت ريحتوا سابقاه ...مخلطة مع ريحة الحسانة ..،وخا لحيتوا ...باقة غير نقص منها شوية.....وشعرو ناقصوا شوية من الجناب ومرجعوا لور كيف دييما ...
دار تبسيمة جنب وسلم علييييهم ...ومشاو بجنبوا كيف الأصنام ...خصوصا عائشة ...كتشوف غير بنص عينيها ..
كتبان قداموا كيف الذبانة ...بداك الطولة والفورمة ...
وتصدمت ..ولمعوا عينيها ملي دار ليها واحد الحركة زوينة وحل ليها الباب ...الورانية تركب ...حداه...،بقات مترددة شوية كتشوف فيه وتشوف فليلى لي وجهها تهجم ...
قطع عليها التفكير ..غير قالها ..ماتخميش الشيفور هيتكلف
وداكشي لي كان نزل واحد الشيفور (تي راه أنا ههه لي شيفورة )..لا يقل تبوكيسة ...وضخامة على عز ..غير هو شهب ..بيضة مصلوقة وعينيه ...كوحل ...،لابس الكلاس ...كرا فاط وكوستيم فالكحل تقول مخيط عليه ،جايوا حساب ...،وحل للالة ليلى لي تزاد فيها كعبور غير حل ليها الباب القدامية تركب حداه ..،شافت فيه ناقص وركبت ..وشوفليك ههه على الناموسة ...تقول لقاتوا فْشَلْها مي حيت شيفور ههه بغات تشوف بعيد .
من بعد هتعرف عائشة بيلاَ سميييتوا .."كارلوس" ..ومكيقفل والو فالعربية ، هدر معاه عز بالسبليونية ...وقلع ..الطموبيل
الطريق كلها وعويشة كتشوف غير فالطريق ...لاصقة فالباب ،حشمانة ..وجايها اللقاء كلوا فشكل ..شيفور وطموبيل كتخلع ..وبوكوس تمناه أي وحدة فخاطرها جالس بجنبها ...
و جي حتى للعندها ...ونزل وفتح ليها الباب ..هادشي مولفة تشوفوا غير فأ.م.ب.س.ي. دراما ..ماشي الواقع المغربي ،،
خلاها على خاطررررها .....حتى وصلوا ...للواحد..الأوطيل
سميتوا "فور سيزون" كيمشيو ليه غير ..لاكريم فريش ديال المجثمع ...ماهيمشيش ليه المسكين ولي كيشد حزقة لارُبْ،
نزل وقبل مايوصل جيهتها كانت فتحت الباب ونزلت ..ساهية متسناتوش يحل ليها ،وقفت تايهة فجمالية المكااان ...منين مدازوا الناس كيعطيوه التحية
وخا كان نفسها تسول أش جاييين يديرو "فأوطيل "،
مي سدت فمها وصفات النية حتى تشوف فين غادي بييييها
قبل مايمشي وشوش شي حاجة فوذن ...الشيفور ديالو .رد عليه كارلوس غير بإيمائة من راسوا وتكلف بالأمر ..لي هوا جر ليلى ...او ههه هدر معاها بالإشارة ...حتى وصلها ..للواحد الطبلة ....جلست مَرْحَة فيها وعينيها كينغلوا
فالناس لي جالسين ...تما ...،بقات تنعس فعينيها يحسابها هه هيفاء و تشدق ففمها ...
وتضرب ههه على الله تخرج بيديها عامرين ماشي خاويين ،كانو غير الناس النقيين والزوينين ..ههه ماديا ومعنويا ...وهيا حبها هاد الفئة ، مشى كارلوس للعند واحد الگارصون ...ووصاه عليها قبل ما يخوي ساحتها ...ويمشي للبار ..لي فنفس الأوطيل ..

#تحت_رحمة_سادي
#بقلم_Sofi_Brada
#بارت_24

الگارصون :مدام....
ليلى:(خنزرت فيه )مِيس لو سمحت ماشي مدام ...
الگارصون : سمحيلي ....أميس ..،شنو تطلبي !?
ليلى :بغيت المُونِي ...
الگارصون:(شير بعينيه للطبلة)راه حداك أختي ..( وولا صححها قبل ماتنطق )أمدموزيل ....
ليلى:(هزت الموني شي فهماتوا شي تتهجى فقرايتوا مي الثمن ...خلاها دوَر عينيها ويجيها الصهد رققت صوتها وحنات..باش ما يسمعها حد من غيرو ) الشوفوغ لي كان معاك واقف ..موصاكش ولا قالك الحساب علامن هيكون !?
الگارصون: لا قالي الحساب هيكون على ...ميستر,أورتيغا .
طلبي لي بغيتي ...!
ليلى:(شافت فيه بتساؤل كدور السينتة فعقلها)شكون هاد مستر,أورتيغا...مكنعرفوش !?
الگارصون: (دور عينيه فالمكان)هادشي كلشي لي كتشوفي فيه ..،هواَ مول الشئ ....بلا الإسثتمارات لي عندو فمْدُونة اخرى خارج وداخل الوطن ...!
ليلى:(قفزت جالسة مقادة والفضول هياكلها ) وا خويااا وشكون هواااا...راني مكنعرفوش .....جيت مع صاحبتي ..
وشي ناس ...
الگارصون: السبليوني ...
ليلى:(عصبها ماكرهتش تطير عليه بقجة)أشمن سبليوني ..
الشيفور ...كوكان عند مال راسوا هادشي كاع مايكون شيفور ....
الگارصون : السپليوني ...لاخور ...لي يهدر بالدريجة ..
ليلى:أويلي حي واش هتهبلني نتا ...ماتجيب خبار مگودة ماتسكت ...
الگارصون:(تعصب وبانت فيه)شوفي أختي لي كنعرفوا گلتوا ليك ...طلبي دغيا أش بغيتي ....باش ندوز للكليان أخرين كيتسناوني ...
ليلى:هتجاوبني ولا هنسوط ونجمع عليك أمة محمد ..نقول ليهم ...كتحرش بيا ...وتقول ليا كلام فاسق ويانا يانتا نشوفوا للمن هيسمعوا ...وإلا ضربتي فيها الضربة فهاد الخدمة اجي وشملياااا !
الگارصون:الله يرحم ليك الوالدين اختي ...ها العار ماتخرجي عليا وعلى خدمتي ..راه لي عرفتوا ..گلتوا ليك ...
لبلى:لا باقي ...مكملتي ليا ،قلتي سپليوني و حبستي وهو سميتوا عز العرب وفراسي مغريبي ماشي سپليوني غير عايش تما ....
الگارصون : هانتي أختي مو مغربية ...باه سپليوني ...كثر من هادشي ...وحق الله ماكنعرف ...
ليلى:(تأففت بحنق كتشير بيديها )صافي سير سير ..بحالك.
(غير جى داير بحالوا ...طلقت صوتها ..العذب ،كاغسون كاغسون ...كاغسوون ،رجع طاير للعندها ....
بدات غير كتشير فداك الموني ...شي سميات مكتعرفهمش
أحتى ش كيعنيوا ، غير على الله كتشير كاع لي ثمنوا غالي طلباتوا ...ههه وزادت حتى شي حلاوي طلبتهم يزيدهم فالحساب هتديهم أومبوغطي ....الحاصول الله ينجيكم من بحال هذو )

#تحت_رحمة_سادي
#بقلم_Sofi_Brada

#بارت_25

ڤيبرا التليفون فجيبها ....حشمت تجبدوا خلات حتى للمن بعد وتقرى الميساج لي وصلها ....طبعا متأكدة ما هيكون غير ديال ليلى ...،
تبعاتو حتى جلسها فواحد الجهة كطل على البحر على منظر كيشهي تبقاي غير مقابلاه نهار كلوا ...،وغير هما لي شادين
الجليسة على شكل فطويات دائريين ووسط طبلة دالزاج ،
دورت عينيها كانوا غير هما وحدهم لي تما ...وولات كتقلب على صاحبتها ليلى فين مشات ، غير من شوفة منو عرفها
وطمنها بلي جالسة فالقهوة لي كاينة جهة الباب ..للتحت،
جى السرباي ....وطلب عز الماكلة ليييهم بزوج .،
كانت عندها هانية وخا تعيي تقرى فداك الموني شي أكلات مهتفهمش ليهم غير هتحشم راسها قداموا، ... ،و زاد طلب ليها عصير من إختيارها وهو ...قهوة ...
كلاو فصمت ....الحاجة الوحيدة ..لي كان يسولها مرة مرة
واش مرتاحة كيف بقات من الرواح ...وواش بغات شي حاجة أخرى !
الماكلة قداموا كانت بحال إمتحان ليها ، كتاكل وتقيس ومتوثرة بزاف ...مع الوقت طلقوا اعصابها وانسجمت مع موسيقى دالبيانو لي كانت خدامة ..
مابقاتش عاقلة شحال من حاجة تحطت ليها نقبت وتهزت شي ستة دالمرات السرباي غادي وجاي هاز فيديه ،هادشي ههه غير الفطور ...
فتالي اخر كورس ..كانت واحد التحلية زوينة وعجباتها ،شدات معلقة صغيرة وبقات ملهية مع "ترافل" بالحامض والشكلاط بيض لذيذ كيذوب فالفم كتاكل ..وتصنت عليه فين كينزل ...
عز العرب :بغيتي نعيط يزيدوك !(يلاه فاقت من الغيبوبة
كان هو حبس من الماكلة وغير متبع ليها العين رامي كتافو على الكرسي وراه
توردو خدودها على غفلة وهزت المنديل كتمسح فمها ..)
عائشة :نو ساليت ،وكلشي كان لذيذذذذذ .
(غرقت فحوايجها ساكتة )
عز العرب:(فهمها ) ماعندك علاش تحشمي مني !
بغيتك تستمعي ..بوقتك وتجلسي أليز مع راسك ..
واش ...تمت المهمة بنجاح ..(وعوج فموا هاز يديه كيدعي )متخيبيش أملي ... !
عائشة:(تبسمت بخجل ) وي تمت ..شكرا ...
عز العرب :(تبسم ) مزيان ...
وهز ...الجورنال ..فتح فيييه كيقرى شوية ..وهو هازو
على غفلة هزات عينيها ..وهي تجي نيشان فواحد المقال مكتوب بخط عريض .." جثثة بلا رأس وجدت متعفنة على مقروبة من مكب نفايات"...،قفزت فبلاصتها وعينيها خارجييين ...
بدات كتحك.....وتكح ...علاين تجييف ...رمى بزربة الجورنال ...ووقف غادي جالس بجنبها ...حيت كان جالس مقابل معاها ماشي حداها ...،وعطاها كاس دالماء .وهو متبعها ..بقلق ...،شرباتوا دقة وحدة وهي باقة مصدومة ...
عز العرب: عايشة .....
عائشة:(جاوبت ساهية وعينيها كيشوفوا فالطبلة) هاا.....
عز العرب:سولتكي ...مالكي !!
عائشة: تخلعت ...
عز العرب :(بصوت مرتفع) شوفي فيييا ملي نهدر معاك ..
)هزات عينيها فيييه ..مضظرة ، وهي كتفكر شنو يكون!? زعما هاد مول الجثتة لي لقاو ...فبالها غير واحد من دوك الثلاتة ..لي بغاو يتعداو عليييها ....،وخصوصا هداك لي ضربوا عز بالموس ..كان لابس نفس التجاكيط فالكحل دالجلد ....لي لابس هذا لي فالجورنال غير هذي كتبان مغبرة .. فالتصويرة لي حاطين ليه ،...بقات كتقول زعما يكون مات ...زعما يكون هوا ...و طار ليه الراس...وحدوا ورماوه ...وشي أفكار جنونية نزلوا عليها دبا،
بدات كتحس بالبرودة كتجري معاها والرجفة ...،
فجأة عز شد فيدها ..لي كانت كترجف فوق الطبلة ...وبعبارات ..ونظرات ...مهتمة سولها )
عز العرب :عايشششة قوليلي ...مالك ..!
هدرييييي ...
(الهدرة تقول تسرطت لييها كلما حلت فمها ..تهدر مكتقدرش تخرج حتى حرف على لسانها ...بقات كتشير للجورنال ...
خلاها وهز بزعفة الجورنال ورجع بجنبها ...فتح وفتح حتى طاح فالصفحة اللولة ....تما حطات صبعها ..وعينيها خارجين ...بحالا كتقولوا هوا هوا )..
عز العرب:(تنهد كيدوز يديه على شعرو ) شنو مفهمتش أش علاقة هاد الإعلان بحالتك دبا !?
عائشة:(نطقت بمشقة النفس) ياا .....ك ....هوا ...!?
عز العرب: شكون هوا ...فهميني راكي دوختيني فراسي !?
عائشة : (دورت عينيها كتأكد مكاين حد وهدرت هامسة)
ياككك ...هذا ...لي كان ...معاهم ...ولي ضربتيه بالموس!
عز العرب: (بوجه بارد واجهها) شكون قال ليييك هوا ،
قراي اش مكتبوبببب !

#تحت_رحمة_سادي
#بقلم_Sofi_Brada
#بارت_26

(شافت فيه مفهماش ...ونزلت عينيها كتقرى ..لارتيكل المكتوب تحت من العنوان ، ....بقات تقرى حتى وصلات ..
لكلمة "متشرد ..معروف بعبيقة فالدرب " كيفاش متشرد
بقات دروها فراسها ...هداك لي كان كيحاول يتعدى علييها قبل ما يبان ...عز ،مبيناش عليييه متشرد ولا حالة متشرد
وسؤال ثاني ..شغلها ،كيفاش عرفوه بلي متشرد وهو بلا راس ..دارت عند عز )
عائشة : مافهمتش ...تقريباً نفس الجاكيطة ....(كتشير للتصويرة فالصحيفة ) شوف شوف مزيان ....شنو لابس !?
عزالعرب:(هز حاجب خاطفة نظرة صغيرة فالتصويرة) جاكيطة كحلة ...دالجلد أي واحد ...يمكن تكون عندوا هذا ماشي معيار ...باش تشبهيه بهذاك ..(حسدتوا ههه بعدا أنا على برودوا) والخبر كيقول شمكار ..متشرد ..
عائشة:(حركت رايها ممتيقاش) باش عرفوه متشرد وهو بلا راس !
عزالعرب: كاينة ببزاف حواييييج ... يقدرو يعرفوا شكون !
العلم تطور ..مثلا من الدم دييالو ..هيئتوا ...ولا عاهة ولا وحمة ..ولا عائلتوا وصحابوا تعرفوا عليييه ...حتى حاجة ما مستحييلة ...فهمتي !?
عائشة :(تنهدت بحرقة وتوجس فعينيها ) أه فهمت ....ولكن ..ياكما هذاك مات ...عندك يمشيوا يلقاوه ويلقاوني ....ونمشي للحبس على صغري ...،ويلي ويلي
نسيت عضيتوا من يدوا صافي ...من تما هيبحثوا علي شكون عضوا !...ويجروني من دارنا للحبس (بدات كتبكي )
عز العرب:(قاطعها بشدة شادها من كتافها وكيهزها ) شكون قال ليك هتمشي للحبس....
عائشة : (شافت مخلوعة كيفاش تقلب فلحظة من هدوء تام للسخط) و إلا كان مات ....لا لا خاصني نعلم البوليس ...
عز العرب: (زول يديه من كتافها وحطهم على ركابيه )
هذي أكفس حاجة ...تديريها ...، نتيجتها هتكون مصيبة كبيرة...
مكيقتصرش الأمر غير علييييك ...،الدقيقة لي وقفت وعاونتك فيييها وليت فالخط معاك....وليت داخل فهاد المعمعة .....، تخليت على شحال من حاجة ملي عاونتك ...
الا علمتي البوليسسس ..أنا ..هنكون اول واحد فالمصيدة ...
(حبس شوية وكمل هاز فيها العين ) دبا لي وقع وقااااااع ،،
مكاينش رجوع ...ليك ولا ليا ...للوراء ..
حياتنا بزوج ...غادة فنفس الخط.....،واش كتفهمي شنو كنعني ولا غير كتهزي راسك ليا !?
عائشة: (شهقت )سمحلي ..بزاف .على كلشي ....
عز العرب : ماعندي علاش نسمح ليك دبا ...،انا لي بغيت نعاونك ...،الحاجة الوحيدة لي تقدري ديري نساي وديري فراسك بلي داكشي عمرو وقع ...حتى تيقي ...راسك .
عائشة : نو نو نو نو مانقدرش ...
عز العرب : هاتقدري وهتحاولي ...حيت معندكش ..إختيار ثاني ، خاصك تنساي الماضي ...(دوز يدو فوق من يديها بسرعة وحيدها)
عائشة :نو خاصني نمشي ...للبوليس ،كون هاني ماهنجبدش سميتك ...على فمي ،هنمشي غير بوحدي نعاود ليهم شنوو وقع ...ونقول ليهم بلي تقاتلوا مع شي واحد مع الظلام مبانش ليا وجهوا ،ونا إستغليت الوقت و هربت ..منهم
حتى إلا كان هينود ليا شي مشكل ولا شي واحد شافني معاهم نكون هدرت على حقي...
عز العرب: (خدى وقتوا وهو كينطق سميتها ) عايشششة...
إلا مشيتي ومكان والو ونا متأكد مكايييين والو من هاد الشك لي خالعك دبا ...
هيشدوك ...على ضمة التحقيق ...هتخلقي مشاكل للراسك نتي فغنى علييهم ...وخصوصا إلا كانو دوك الخنثات صحابوا من البوليس ..كوني أكييييدة مهتخرجش العواقب سلييمة ..
هيسيفطوك للتحت فين تگلساي ..وموراها للحبس ...
والحبس ...ماشي للبنات بحالك ..،مهتعيشيش فييييه ساعة هي التالية ...فداك المكان ...، نساييي وبقاي بعييدة على المشاكل ...على برا الحبس ، فين عندي القوة ونقدر نحمييييك ...!
عائشة : وإلا كان شي واحد شافنييي ..ديك الليلة !
وو....(كتمتم) مشى يعلم بييييا البوليسس بلي كنت تما حاضرة ...و و
عزالعرب: فاهم بلي خايييفة ..،ولكن أنا ..لي .خاصني نخاف ماشي نتييي ...!
وقادر نخلي داكشي كامل لي دزتي فيه بحالا عمرو كان غير تيقي فييييا ومتتهوريش !
(سكتت ..مطولا عينيها نازلين للأرض وقلبها كيدق بحال شي ساعة ..،وولات هزات نظرها حتى تلاقت بعينيه )
عائشة:علاش درتي معايا هكاك ...وعلاش كدير معايا دباا هكا ...ونتا ماكتعرفنيش حتى !

#تحت_رحمة_سادي
#بقلم_Sofi_Brada
#بارت_27

عزالعرب:(طأطأ راسوا للجنب)أنا إنسان مزيان والناس المزيانين كيعاونوا ...ناس أخرييين ، ملي تلاقيتك داك النهار
بالليل ..كنتي تايييهة ..وكتبكي ...كيفاش نخليك فديك الحالة وخا نكون كافر منفوتكش ...كنتي محتاجة لي يعاونك ويمد يدو ..ليييك ...داكشي لي درت .
عائشة: إلا بان ..ولا صحابو خلاوه للموت ومات ...ومصدقش حي .ولا
عز العرب:(هز راسوا بجدية حتى سكتت) دبا خاصكي تخليني نكمل خيري ....اي حاجة وقعات أنا قاد بيها غير مدخليش راسك فيها ...
إلا كان هوا .....نفسسسوا ...هنلقى الحل ...،غير نتي خاصكي تكوني معايا فصفي ماشي غذا و لا بعدوا ...
تقوليلي نمشي للبوليسسس ..
(بقات كدور الهدرة فعقلها ميات مرة ،"أناري انا معنديش صحة الحبس شنو ندير شنو ندير أربي !، يمكن هدرتوا صح
نسمع ليه حسن ")
عائشة :(وعينيها مدمعين جاوبت) أأ أ أه شكرا ....
وي ...عفاك .....تكلف .....نتا ....
عزالعرب: (قالها ووقف ....جابد التلفون من جيبوا ...)
مزيان ....مسحي دموعك و تهدني على مانجي ..
دقيقة ونا راجع ..
(بهذا ....لصق التليفون ..فوذنيه ...غادييي ...مبعد من جيهتها ...)
عزالعرب :قوليهم ...يتكلفوا بالأمر ...ما يخليييوا حتى دليل
هادشي لي سمعت ..بالدريجة قبل ما يقلبها ..للسبليونية ...
ويختفي ورا واحد الباب دالزاج ...
(لاحت راسسسها ...وغرقت...وسط داك الفطوي دالجلد ...
شادة راسها ...بيديها ...كتهز كتافها ...وتشششوف فالأرض
وتبكي....عرفت حييياتها ....كيف عرفاتها ..مبقاتش ...،
هتبقى عايشة خايفة ...كدور راسها دييما وراها ،مدارت والو
ولكن كانت ...حاضرة وخا كان دفاع عن النفس مي البلاد لي المظلوم كيولي ظالم ..أش يدير فيها .....يسكت أحسن ليه!
وخا هاد السكات وحدو كيتسمى بحالا مشاركة فالجريمة وتقدر تغرق فيها ...)
(ملي ..رجع ...،مشى نيشان جلس فين جالس قبل ..مقابل ليها ،ووجهوا جامد ما كيتبسم ما كيضحك ...)
عز العرب :كلشي سالى كان هوا ولا ماشي هوا ملف القضية تردم للأبد ..،أحسن حاجة ديري دبا تنساي وتعيشي بحالا داك النهار عمرو كان ...، من زهرك كنت تما ...ودرت لي خاصوا يدار ...،إذن بلا ماتحركي الماضي ...وتجبدي عليك النحل ..ماعندكي مناش تخافي...بالعكس أنا لي خاصني نخاف على راسي ...حيث أنا لي المواس فظهري ماشي نتي .
(هزات راسها ...متبعة كلاموا ..فاهمة ..وعارفة كلامو صحيح ..،هي مدارت لا برجليها لا بيديها غير كانت واقفة صحة بيناتهم ...مي ماشي ساهلةةةة عليها ...)
عائشة:(سولات على غفلة)علاش نتا مخايفش ...بحالي !
عز العرب: علمتني الوقت ...نقدر ندير كلشي وخا يكون صعيب ....و لي مكيعرفش ..يعوم
مايتلاحش يعوم ....ومعاك شخصياً ..."ميطْخ ُنَاجُوغْ" هه ...(maitre nageur)
عائشة:(تبسمت لا إراديا ) سعداتك....
عز العرب :(تفكر حاجة) هتواعديني هادشي بيناتنا يبقى حتى صاحبتك....متعرفش !
كنظن ماقلتيش ليها كلشي من اللول ....ولا أنا غالط !
عائشة: نو ماقلتش ليها ...كلشي ...،قلت ليها بلي حاميتي عليا وصافي ..
عز العرب :مزيان ...المهم واعديني ...بالسكات ..ولا مهنقدرش نعاونك فالمستقبل .ولا وقعت شي حاجة ..
هنخرج سوقك بالمرة ...كتفهميني !
عائشة: كنواعدكككككك ....عمري عمري عمري نهدر على هادشي ...(كملتها ونزلوا زوج دمعات متسابقين على خدها رغما عنها ، رمقها بشوفة حنينة ووقف جاي وهاز معاه كلينيكس ..،تصدمت ورجعت براسها للور ملي لامس كفوا جزء من وجهها وهو كيدوز كلينكس على دموعها ...تمتمتب"شكرا" وخداتها من يديه مرتبكة ...وبعدت شوية من جنبوا كتجفف عينيها وخدودها ولاو مزنگين ...من الموقف ...من قربوا الشديد ...مكتقدرش حتى تطول فيه الشوفة ..بلا ماتحس بالتوثر ...)

#تحت_رحمة_سادي
#بقلم_Sofi_Brada
#بارت_28

قاطعهم ...دخول ...سرباي ...بقاو ساكتين كيهدرو غير بالعينين ...،حتى سالى لاخور جميع الطبلة ...قبل ما يمشي بحالو شاف فإتجاه عز وهدر...
: أي أوامر أخرى ...ميستر.أورتيغا ...
عزالعرب : شوف الأنسة اللولة شنو بغات ..أنا زيدني قهوة كحلة والسلام ...
عائشة :نو شكرا مابغيت والو ....
(هز عز راسو للسرباي باش يمشي فحالوا .وداكشي نيت تحرك فيساع بحال الروبو ،
وعاد حست بالدم طالع كيجري للراسها ...وفمها تحل بالخبر
المنقذ ....ديالها ...،مكان غير ...عز.ع أورتيغا ...مالك عدة فنادق منهم هذا لي هما جالسين فييه ...،كانت دارت عليييه مقالة
فالعام لي كانت فشعبة الصحافة والإعلام ..مي مكتابش قرات غير شهر وبدلت الشعبة للجغرافية ...حيت الإعلام جاها صعيببب.وملقاتش راحتها ..فيه ..كيف الجغرافية ،
ولكن عمرها ما شافتوا ...ولا لقات لييه شي تصويرة غير تعريف صغير عليه فالأنترنيت كيشمل شي مقالات ،وفايتة سمعت ليه حتى حوار فالراديو ،و هذي شحال كان بان فالتلفازة فشي إفتتاح ديال أوطيل ولا كازينوا فالمحمدية ..مي مكتابش تفرج فيه ،....أكثرية ماعندوش تصاور ليه مع عائلتوا .حيت السيد خصوصي ..بزاف ....
مكيعجبوا لا يتصور ولا يبان على ظهر المجالات و لا يهدرو عليه الناس مخلي أعمالوا كيتكلموا فعاوطوا ....)
مرة اخرى ...شدها بسؤال وهي فغفلة منها ...
عز العرب: عاوديلي على راسك شوية ...يلاه كنعرف حاجات قلال عليك !
عائشة : سميتي عائشة كيف كتعرف ،فعمري (22 سنة)
مكنخدمش ...غير كنقرى حالييا عندي العالم التالي فالجغرافيا...مزال ماعارفة شنو ندير إلا شديت الإجازة ..
هذا ماكان ...مكاين ميتقال عليييا بزاف !
عز العرب: ومعامن كتعيشي !
عائشة :(مبغاتش تقول كثر ملي كيعرف) غير مع واليديا ..
(بان ليييها ...كيخمم فالهدرة لي قالت وكيشارجي المعلومات فراسوا...شداتوا على غفلة كيف داررر ليها وسولاتوا )
عائشة :ونتا ...شنو كتعاود !
عز العرب:(هز حاجب ) كيفاش !?
عائشة :(بغات تسولوا باش ميبقاش مركز غير فيها بعينيه )
شحال فعمررك ...?
عز العرب : كبير ...بقد الفايدة ...، حاليا عندي (32 سنة)
ماعنديش مع الكذابة وكنكره ...الغدارة ...،شعاري فالحياة ..
ياطريقي يا الڤيراج ...،يكون معايا بنادم مزيان ...نكون معاه فوق بيخير ....
يغدرني و يلعب علييييييا ...العشرة .....هندوزو ..على الماء عطشان ..وندموا على النهار .لي ..خرج من كرش مو....
ماعمري تزوجت ...، الأب مييت و الأم باقة حية وأحسن وأقرب إنسانة ...فالدنيا عندي ...للقلبي ...
عندي زوج خوت ...وأخت وحدة ...كلا واحد مشغول بحياتوا ومشاريعوا كنتلاقاو ...قليل ..،
باقة شي حاجة أخرى ..باغة تعرفيييها ...!?

#تحت_رحمة_سادي
#بقلم_Sofi_Brada
#بارت_29

(واووو ...كان كيبان لييها تجمع الوقفة ...وتهرب بحالها ،
سولات سؤال واحد ....حط ليها السيرة الذاتية وزاد ...
كيحذر ،حسات بحالا كان تقريبا كيدق عليييها ويرمي ليها الهدرة ...ملي قال مكنحملش الكذابة ..قالت فراسها
"ماكذبت علييه فوالو .،لا كذبت فالوليد لي ميت ..مي ماشي شغلوا فعائلتي وحياتي الشخصية ...وإلا عرف كذبت عليه حتى فين ساكنة يعلم الله كيف يرد عليييا .."
بقات تخمم تقولها ولا تسكت ...تجيه للحقيقة وتقول ليه باها ميت ...ولكن كدور وترجع وتقول هاء ماشي شغلوا ...
بغات تجييه للحقيقة غير فين كتسكن ...حيت إلا مشى حتى بغى يوصلهم هتوحل ...وحلة ..،اللهما تقولها دبا )
عائشة: كنسكن ..فحي السلامة ..
عز العرب :(قوس عينيه بلؤم) شنو كتعني !
عائشة :كنعني كذبت عليك داك المرة ...سمحلييي ،
مي أنا كنسكن ...فحي السلامة ...
عز العرب: همم...كنتمنى نبداوها صفحة بيضة بلا كذوب ...،
ماعندي ما عدا من الكذوبببب .
عائشة:(سرت ريقها وتبتت كلامها ) وي ... وحتى أنا نفس الشئ ...
(شاف فيييا بعمق وهو كيقرى ملامحها ....وهي أيضا سهات فملامحوا....كلما كان جدي ...ملامحوا كيبانوا عشرين مرة أوسم من لي كيضحك ..هه كتواتيه التقليقة يا الحباب ،
غرقت فعينيه لي كيفكروها ..غير بشي زوج ويدان غارقين ولونهم زرق ...قاتم ، تتشهى تغطس فيهم وتعوم واصلة للقعر ديالهم
ولكن فنفس الوقت كتخاف ...ملي مخبي تحت ..داك الما
الغامق ....،...فرمشة عييين مد يديه وزول نظاظرها من عينيها ،بقات غير مشوكية و ضاربها الضو ...)
عز العرب:(حط نظاظرها فوق الطبلة) ماعمر شي حد قالك
عينيك ...بحال الحور ،،،، أجمل لون فالقهوي شفتوا فحياتي
كيشهيك تهز طرف دالخبز وتغمسها فداك العسيلة لي عندك تما (وشير بصبعوا للعينيها ...نعم ههه ياسادة إنه المغربي ملي كيتَشعر )
عائشة :(شداتها الكحة والجيفة والقفقافة بدا غير كتكح وعينيها خرجوا بالكحان ) كح كح كح كح كح
عز العرب:(هز الكاس ليها وهو كيبتسم ) هاكي شربي ....
وبشويييية عليييك ...يلاه هدرت غير على العينين ...
عائشة :(نزلت على النص فالكاس ومسحت جناب فمها بيديها ههه مكاين لا أناقة ولا ستيكتيك) سمحلي...
عز العرب : ههه لا نتي لي سمحيلي ...هجمت عليك
مي الصراحة ...عويناتك زوينين بلا ماتخبيهم ورا النظاظر .
عائشة :(مالقات ماتقول تسالات ليها الهدرة ) شكرا ..
(قالتها ودورت وجهها كتشوف بعينيها البحر ...هربانة من عينيه
وكلشي فيه كيكركبها إحساسيا ..ويخليها ماشي على
بعضها ...) البحر زويييين من هنا ...كيبان.....
عز العرب : وي ...متافق معاك ، مي إلا بغيتي نخرجك
تجلسي قريبة ليه .ماعندي حتى مشكل ...
عائشة :(شافت فبه بإمتنان ورحعت للشرجم الزجاجي كتبع
منوا البحر) نو شكرا ،،غير منها فيها الكفاية وزايدون البرد برا ..
عز العرب: فين بقييينا قبيلة ..فالهدرة ..
عائشة : (عضت فمها بثوثر) على الصراحة والكذوب ...وصفحة بيضة ....
عز العرب : أه ..فغيييي ، فكرتيني ...عندي ليك إعتراف
يمكن يعجبك يمكن لا ....يمكن تقبليه ...يمكن لا أيضاً ...
مي بغيت ..نكون صريح معاك ....من هاد اللحظة ... لي جمعانا ....!
عائشة:(قمست يديها ومقدرتش تشوف فيها غير بجنب) أوكي ..
عز العرب:(بصرامة) مي دوري وشوفي فيييا ....
ملي نهدر معاك ....!

#تحت_رحمة_سادي
#بقلم_Sofi_Brada
#بارت_30

عائشة :(درات بزربة على نبرتوا لي مكتقبلش لا )هاا.....
عز العرب :(نفسوا تزادت .وعينيه كيطلعوا وينزلوا من فمها للعينيها ..بحالا باغي يبوسها لكن قابط راسو ،خرج صوتوا ضعيف .متقطع ) الحقيقة ...من نهار شفتك بجنب الجامعة ،
مقادرش نخرجك من تفكيري ..مقادرش نحبس نهار ومنفكرش فيك ....شهرييين بعيدة ...ونتي فبالي ليل ونهار ...،
من الدقيقة لي طاحت عينيا عليييك ...حسيت براسي ..
مشيت فيييييها ...(تنهد بالجهد ) يإما هتكوني خلاصي ولا عذابي...ولكن ...موليتش شفتك ولا تلاقيتك ...كنت هنخليها هكاك ...فيد القدر ...يمكن ننسى ...!!،ساعة كان للقدر تدابير أخرى كيف كيقولوا ....،جابك ..كتجري فعز البرد ..
قاطعة عليا الطريق..فالليل ...،ماكنتش كنتخيل هنتلقاك من ثاني ..وبداك الحالة
كنتي مرعوبة ...كتبكي ...مقدرتش نخلييييك ...وجامي كنت هنخليك ....بالعكس بغيت نحميك ...نخبعك تحت ظلي ....نهز ونهد الدنيييييا على حسابك ...غير تكوني بيخير ...ساعتها.....
(سكت .....مخليها كتهضم داكشي لي رماه فوجهها دبا ،
عارفها ...مخربقة ....تالفة ...وزاد تيَهها بكلامووا ...
عائشة :(كتحل فمها ويخرج غير حرف ) ما........ما......ما...
(سرطت نفسها ) ما عرفاش باش نجااوبك ...
(قرب أكثر ليها وسط دهشتها....لف كفوفوا على وجهها ...
مدفي خدودها ....أكثر ما هما متورديين ..)
عز العرب : صافي !...ماتقولييييي ...والو ...!
عطي فرصة ...."لييييينا" حتى نكون أنا وياك واحد...!
(تالفة فعينيه وفحلاوة كلاموا ...حنى راسوا ...حتى حط فموا على فمها ....ملاصق الشنافة على الشنافة ...
فاللول ...تجمدت ...،لكن دغيا ذابت .فلمستوا ..مغمضة عينيها ..، وحلت فمها شوية ...خداها ..بحال الضو الخضر ليه ، بقى ...كيجبد شفايفها بشوية ...كل وحدة كيذوقهها بشوية ...ويكملها بعضة خفيفة ....حتى ولا كينهج ...
وزادت نفسسوا سخونية على وجهها بحالا فران شاعل ...
بدى كيقسحها ففمها ...مبقاتش بوسة حلوة وحنينة ولات ..
بوسة جوع ...شراهة ...حيوانية ...مقدرتش تساير فيه أكثر ،
حلات عينيها ...ودفعت راسها ....لور ..لكن كان شادها باقي من وجهها ...ومزير ..
عائشة : عز ... نو ...حبس ....
عز العرب :(حل عينيه مطرطقهم فيها ..بحال السهومة ) مالك......
عائشة :(حاطة يديها فوق يديه تحيدهم من وجهها )مالي!
كضرني ...
عز العرب :(بحالا ماسمعش هدرتها نزل على فمها ثاني مجبد فمها ببوسة قاسحة هذا عقاب ماشي رومنسية) بحالا هكا ...
عائشة:صافي ....حبس ....حبس ...، كتقسحني بسنانك ،(دفعت يديه بعصبية من وجهها وكحزت بعيد)
عز العرب :(معجبوش الحال ...ولاو العروق كيبانوا ليه خارجين من عنقوا و يديه ..منطقش دار جالس مقاد .كيخربق فشعرو بعصبية ويتنهد بحرارة حتى إستنفذ ..وخرج شوية النار لي شعلات فيه ..وحرقاتوا ،عاد رجع بوجهوا للعندها وعينيه نادمين ) سمحيليييي ...ماحسيتش براسي ...فلحظة نسيت راسي معاك ...
عائشة:(بعتاب ) هادشي مكانش خاصوا أصلا يوقع ....(وتفكرت بلي هيا لي خلاتوا ..يتمادى معاها موقفاتوش من اللول ...حشمت من راسها وهدرت بخفوت وضعف )
عز ...أخر مرة تعاملني هكا .....!
عز العرب:(لعن فخاطرو ماشي هادشي لي باغي ...يهربها منو من اللول ...باقي الطريق طويلة ،وقف مكيشوفش فيها ومشى ونيشان وقف على ديك الواجهة لي قدامهم دالزاج وكتطل على البحر ..،حشى يديه فجيابوا ...وتبع البحر كيهيج ...بحالا داك الهيجان
ضربوا فميات مرة واقع ليه للداخل...هدر بهمس ) كنعتذر منك للمرة الثانيية و حسبيها أخر مرة ...
(وخلعها ...على غفلة ملي دار مبتسم ..بحالا حتى حاجة وقعت وهو لي كان يلاه كيفور من رفضها ليييه بداك الشكل ،
بادلاتوا الإبتسامة ...صواب والسلام ..اما هيا مازالة حاسة راسها دايخة من الأمر كلوا برمانتوا ...،هز زوج صبعان وشير ليها تجي توقف حداه ....تبددت ..غمامتها الشكية ههه
وعرفاتوا نسى وحتى هي نسات شنو طرى ولا تناست أما فمها باقي كيوزوز ..متورم ...عاقل على كلشي تصرف فحقوا ، وقفت كتقاد لباسها ومشات وقفت بجنبوا ...
عطاها نظرة رقيقة ...قبل ما يسترسلوا فالحديث وهدرة مشات كتبجد هدرة ..وضحكة كتجيب ختها حتى لقاو راسهم .....فساعتيييين......كيهدرو...ويعبرو ...كل واحد عينيه كلمعوا ....مي كلا واحد فيهم و نواياه ...

#تحت_رحمة_سادي
#بقلم_Sofi_Brada
#بارت_31

حيدت .ليلى ..الجاكيطة ديالها ...ورماتها على الكرسي جنبها ...
مبينة على المؤهلات الصدرية ...،حيت كانت لابسة غير واحد ديباغدوغ ..مشبك....حلفت اليوم الا ما جى بالزين يجي بالعرى ...هاد متعوس اليام لي تالف علييييها ...
وجلست ...كتاكل البيض بالفرشيطة والشوكة ...،،فين يلاه الصبح بنت المزلوط ..كضرب فالزيت البلدية وتغمس ...
طرف دالخبز قدوقداش ...كتعوموا فالزيت وتخشي فمها مع براد داثاي صغير....ماكيجي يكمل حتى كيكون الخبز كمل قبل منوا ....،فينك السعديييية ههه اجي شوفي بنتك ...فينك المهِيدي شوف ختك ....ليلى والبوزات...وداكشي .. !!..
كتمضغ طريف صغير ...وتدور عينيها بإغراء فعيباد الله ..
كانوا غير شي شراف نصارى ...وديكوبل ...،تأففت ...كتقلب على الصغر ...وولد البلاد ...
وهي حاطة عينيها فطبسيل ...دخلوا واحد الرباعة دالصحاب ....، باينين شخصيات وولاد الفشوش ..غير من لباسهمم ...
والسوارت لي شادييين فيديهم ...، كانوا تلاتة جلسوا
بعيد عليها بطبلة.....،هي عاد مزادت فالتسلگيط ...
كتشوف فيهم وتاكل ...وشي حركات ..ينودو الميت ..خليوني.ساكتة ،
واحد مداهاش فيييها.مشغول غير مع تلفونوا. والزوج لوخرين ..كيتغامزوا ما بيناتهم ....عينيهم ..كياكلوها ...،
مسحت طرف فمها بالمنديل ...وهزت التلفون ...وخا مصونا حد عليها دارتوا ...على وذنيها تلفت الإنتباه ...،
وطلقت صوتها كتقول "وي ...واحد الشوية واني نايدة ،متعطليش عليا ! باش يسمعوها مزيان ...لوخرين ،دغيا قطعت ورداتوا للساكها ....،مفاتش بزاف وناد واحد فيهم ....جاي جيهتها ،
كان زوين ..وباين ..عليه الخير ...، لابس دجين وشوميز فالسماوي فوقها منها ...فيستا....،منكدبش عليكم ضربها على الشعى ...خصوصا ملي قشعت ... كوناطكط دالطموبيل ...ديال ...البورش ...
:(نحنح) ...مال زين جالس بوحدوا ....
ليلى : (جمعت فمها بدلع وحاطة يد تحت حنكها ) مقلق ..
:(واقف على الكرسي بجنبها باغي يجرو يجلس) واش تسمحي ...نجلس معاك (دور عينيك بحالا كيقلب) ولا راكي كتسناي شي حد ..نهرب قبل مانحسب سناني !?
ليلى:(ضحكت بالجهد) ن...ن....تفضل كاينة غير أنا ...
:(جلس واخد راحتوا ومد يديه) نسيت نعرف براسي ...
سامي أديب ...والغزالة شنو سميتها ...!?
ليلى: (سلمت بغنج)مشرفين سامي ...موا "ليلى أُوتِيتِي"...
سامي : الشرف كلوا ليا ليلى ....وعاشت الأسامي ..
إسم غزال بحال مولاتوا....
ليلى :(كتدور فواحد ليميش)زعما !
سامي : قولي ميات زعما ...كلك على بعضك .،دمار شامل العفريتة (وغمزها القرد )
ليلى:(طلقت ضحكة الهجالات)زين زينة والعفريتة لاش ...
سامي : لأنك ...ملي طاحت عليك عينيا ونا مقابلك ...
ونتي ولا هامك ...أمري ....!
ليلى : أمم وشكون ...المسطية لي تقدر تنخل واحد بحالك
سامي :أ نِتي ...
ليلى :لاواه لاواه ...،(بغات تدخل نيشان فالمعقول )المهم شنو كدير فحياتك أسامي ...!?
سامي : (هز راسوا بتكبر ) مقابل الشركة دالوليد ...
ليلى : (تبسمت بحالا ربحت اللوطو هذا هو الڤيكتيم لي كتسنى )مزيان ليك ...،فاش مختصة الا سمحتي نسولك !
سامي : متعلقة بصناعة النسيج ..لا تكوني تعرفيها سميتها"Swifil"
ليلى :(الله ياربي دجاجة بكامونها نياح)امم مزيان ...بالتوفيق ..
سامي: يزين يامك ويحلي يامك السكارة ...
إيوا الزين مربوط ولا مخطوب ولا كيتسنى فالمكتوب ..
ليلى:تصور معايا ....كنتسنى فالمكتوب ههه
سامي :هيا زهري عيططط عليييا ...،مكونتش نتصورك
على باب الله ..وحدة بحالك وبجمالك ...خاصهم يتخاطفوا عليها تكون جوهرة فقلب شي قصر ...
ليلى :وهانتا تشششششوف ...الرجال مكيشوفوش..
سامي : هذا من رضاة الواليدددين عليا فين كنت نلقاك لو شافوك ...فين !
ليلى : ههه ماتزيدش فيه حتى نتيق راسي..
سامي :(عينيه على صدرها لي كيتهز بالضحك) أحححح
الزين والتواضعععع ....

#تحت_رحمة_سادي
#بقلم_Sofi_Brada
#بارت_32

(بقاو غزل فيييا نغزل فيك ...ووصلات للشدين اليدين ،
فيساع تطورت الأحدات ..والسيدة طاحت بولد فلان والبورش ...والمظاهر ، تبادلوا النماريييي ...الفايسات ،إيموا ،هوتمييييل ...ههه ،وخلاها ومشى ....مع صحابوا ...ضاربين هه مواعيد هما ...
مجلستش بزاف .موراه ..بانت ..عائشة ...هي و عز جايين جيهتها ..،
رمقاتهم ...فشكل والغل فصدرها كيكبر ...حيت كانوا جاييين بحال شي بورتكلي وصاب خوه ..جاييين مع بعض بزاففف ، ...سدات على ساكها ههه الكبير لي معمراه حلوة
مخافت تبغج تما توسخ كلشي لا والو ! ...كانت جايبة ميكة حشاتهم فيها ...وسقرت كتعطيهم ضحكة صفرة حتى وصلوا ناحييييتها ....،وهو كذالك ....كيف جابوهم كيف الأمانة ..وصلوهم كيف الأمانة .....شوية بعيد على الحومة ديالهم ...لا يشوفهم شي حد ...من الجيران ...،
غير جايين نازلين وبغات عائشة تسلم وتنزل بحالها ..،
بدات كتسوّط وتغوت ختكم فالله ...ليلوش ههه ومن لا يعرفها )
ليلى :(كتضرب ففخاضها )أويلي وحدي ...أويلي ...وحدي .
فين مشاووووو ...!
عائشة:(طلات عليها براسها من الكوسان اللوراني ) مالكي ... أليلى ...!?
(كتضرب ففخاضها وتشوفةوتبقشش فساكها وتحت رجليها ..وكلشي كيشوف فيها مستغرب ...)
ليلى : اليوم تقتلني ...مي ...,اميمتي اش ندير !?
عائشة : (بالغوات حيت تخلعات لا يكون شافهم شي حد ) مالكي ...
(ليلى مجوبتش ومردتش عليها ..غير كتسوًطْ وتنذب ...)
عز العرب : تهدني أختي ....وقوليلنا شنو واقع ..!
ليلى :(عاد دارت جيهتهم) فلوسي مشات مشات...وماشي حتى ديالي ....ديال الما والضو ...الا مخلصت هيقطعوه ونبقاو بالظلمة ..!
(عائشة بقات غير مصدومة وعينيها خارجين ، شكت فيها تكون غير كتكذب ومترضاتششششش ....قدام عز ،نطقت
بجدية وهي كتشوف فليلى بنفاذ صبر )
عائشة : شوفي فساكك ....
ليلى :(كتمخض فالساك بعصبية) شفت حتى عيييت واش هنكذب عليك ...
عائشة :(بتهكم)لا حاشة ..مهتكذبيش عليا ،مي تأكدي مزيان تكون طاحت ليك تم ولا تحت رجلييييك ...ماعندهم فين يمشيو ...!
ليلى : وووالو وتقولي سرطتهم الأرض ...(حنات راسها كتشوف حدا رجليها وتويولل) يا خوفي نكون نسيتهم فالقهوة ولا طاحولي تما ...،أربي شنو هنگول للمي وبا ...!
(بغات تنطق ...عائشة ،ساعة سبقها عز ..)
عز العرب : شحال طاحت ليك ...هنعوضها ليك !
ليلى :(دورت عينيها بفز )...لا لا حشومة ...، ما عندي ماندير نقولها للواليديا ..وربي يحن ...
عز العرب:(بلهجة لا تقبل النقاش) مدام طاحت ...ليك ونتي معانا ....هنتكلف أنا ،شحال !?
ليلى : خمسطاش للألف ريال ...
( شافت عائشة خرجوا عينيها ....مقالت الف الفين حتى عشرة الاف وهي تبرر ) ديما مغلييين علينا الضو والما ،الله يعطيهم مصيبة ....
(حرك عز راسوا ..وجبد بزطاموا ..من الجيب .،)
عز العرب : ماعنديش ...الصرف ...و كاين غير ألف درهم لي عندي فجيبي ...هاد الساعة..خوديها ( السيد كيهز غير ليكارط والفيزا ،مدها ليها ...الفلوس ..ترددت هه بلعاني ، حتى هز عينيه تشدهم ..عاد شدتهم مكمساهم فيديها )
ليلى : (منزلة عينيها )ماعرفتش كيفاش نشكرك ...اخويا ،
عز العرب :لا داعي ...الناس للبعضهم ..
ليلى: حشمانة منك ...والله ، غير تكون عندي نسيفطهاليك مع عائشة ...ولا قلبتي مزيان فالطموبيل يمكن تكون غير هنا الفلوس لي طاحت ليييا ...والباقي نكملوا ليك اخويا..
عز العرب : لا بلاش ....ميحتاجش ...،مالنا عمرنا شفنا الربح ...غير بصحتك ....
ليلى : الله يعطيك مانويتي فخاطرك ...
عز العرب :(حقق فوجه عائشة ورد بخشوع )أميييييين ...
(وسبقات ...ليلى نازلة هي اللولة ..حسبات وخبعات الفلوس ،وبقات عائشة للداخل الطموبيل ...)
عائشة :(معرفت ماتقول)شكرا على اليوم داز زوييين ...بزاف ..
عز العرب : ههممم هي إلا عوضناه مرة ثانية وثالتة ورابعة ..
عائشة :(ردت حشمانة )علاش لا ،إنشاءالله ...
(وسلمت دغيا ،،،ساعة شد يديها كيشوف نيشان فعينيها بحذة ،هي دفعات نظاظرها فعينيها بحالا كتهرب وتخبع من
شوفاتوا ...الحاذة ،)
عز العرب :
"i'll miss you untill i see you again "
(هنتوحشك حتى نشوفك مرة أخرى )
(فلتت يديها ..ونزلت ..وجهها مطوف ..، وقفت جماد حتى تحركت الطموبيل عاد زادت ،منخلة ليلى بالمرة ...،حست بيها لوخرا ماشي هي هاديك ..غادة وكتضحك وتقشب وعائشة غير كتهز ليها بأه والسلام حتى مقدتش تصبر وهس تسولها على غفلها )

#تحت_رحمة_سادي
#بقلم_Sofi_Brada
#بارت_33

عائشة : علاش درتي هكاك ..!
ليلى :شنو درت ما درت والو ،ياك عطيتكم التييساع حتى تاخدي راحتك معاه وبقيييت بوحدي...(كتحاول تحسسها بالذنب )
عائشة : كنهدر علاش كذبتي ، باينة مطاحت ليك بوفلوس ،
علاش تحطيني فداك الموقف البايخ ونبانوا....طماعات !?
ليلى :(هزت عينيها بغيظ ) هدري على راسكككك ...
أنا مطمعت فيه ما طمع فيييييا ... !
عائشة:(حست بالهدرة عليها ) وضحي كلامك ..مزيان ،
شنو زعما أنا خرجت معاه حيت طامعة ففلوسوا ...!
ليلى : إلا كنتي كتشوفي راسك هكاك...،شكل أخور هداك !
عائشة : ولا هدرتك لي كتقول هكا ماشي أنا !
ليلى : متكونيش حساسة بزيادة .ماشي عاد لبارح هتعرفيني ،بيناتنا سنين دالعشرة.....ماعندي علاش نحشي فيك الهدرة ...والا تعقلي أنا لي قنعتك تتلقاي بيه حيت يستاهل رجولة.....وباين ولد الناس ...(وعنكشتها من نيفها بمرح )ونتي متتخيريش عليه الكبيدة ديالي ..،(وختمتها )سعداتك بيه ...مضيعيهش من يديك...راه مامنوش زوج....
عائشة : حيت عطاك الفلوس ولا مامنوش زوج ..،
ليلى :(حطت يد على يد وغادة كتنهد) إيوا الله يكثر خيرو ،مكانش ملزوممممم يعطينيى...أما كون معطانيش كون الليلة الحومة كاملة تسمع غواتي ...هيقتلوني عصى ..على الفلوس لي ضيعت ....
عائشة :(حست بالذنب و بداو ملامحها كيتفرجوا ) مظنيتكش كتهدري بصاح ...
ليلى :(كتهز يديها وتدعي وتدمع فعينيها) أنا أعيشةةةة تكذبيني ...الله يرزيني فصحتييي وفحياتي ...وبغيت داك الملح والطعام لي مشاركين يوحل ليا فالركابي ..إلا كذبت ..
هئ ...هئ ...و😢
عائشة:(طبطبت على كتفها )لاباس عللللليييك ،متدعيش فراسك....
ليلى : ملي تكذبيني نتيييي ...لي كان حسبك كثار من طاسيلتي كاملة ...أش خليتي للناس ماتقول ....!
بغيت ربي يشتتني ...قبل ما نوصل للدارنا ...
عائشة : الله يعطيك الستر ما حبسي من هاد الدواعي ...
كو كنتي فبلاصتي هتنواواي وتشكي بحالي ،،غير ديري راسك فبلاصتي وهتفهميني
ليلى : صدمتيني مانويتش منك يخرج هاد الكلام،،،كيف ماكان الحال ....كنت نتيق بيك وعينيا مغمضين ..
ولا لحظة .....سمعتي ولا لحظة كنت نشك فكلامك ..و .ماعندي علاش نشك حيت أي واحد يمكن يوقع ليه هاد البلان ...!
عائشة :أوفففف ...أليلى ..،هتقلبيها عليييا دراما ..
دبا أنا جيتك للصراحة وسولتك مبغيتش تبقى فقلبي ...
ليلى : الصراحة راحة ...(وحلت ساكها كتخنشش حتى جبدت الفلوس) وهاد الفلوس لي تخليك تنويها فيا عوجة وتعكر صحبتنا ....هاهما بلاش من بوهم ...رجعيهم ليييه ماعندي ماندير بيهم ،
الاهما يزوقوا لحمي عصى ولا حاجة دالذل .. لي تجرح كرامتي ....
عائشة:(دفعت يديها لعندها رافضة تشد ) رجعييييهم أليلى للصاكك ....
ليلى : لا ...هترجعيهم يعني هترجعيهم ..
عائشة : والله مانشدهم ...بحلوفييييي ...لا قست فيهم،رديهم للساكك وحسبيني عمري سولتك ...
ليلى : كتجيك ساهلة تقولي نساي !? ونتي مدايرة فيها ما يتصلح ...أعيشة
عائشة :(مصدومة) الله يسمح ليك ...انا غير سولتك يمكن كنت قاسحة فكلامي كيف قلتوا ليييك مي هذا ماكان ....
ديزولي ...ليلى ....
(حشات الفلوس ...ومشات هازة شنايفها فالسمى بقلق زائف...،مشات معاها ..عائشة بالجنب ...،وضربتها بكتفها )
عائشة : وا صافي لي غلب يعف ...
ليلى: لا أعيشة ...جرحتيني ...بكلامك .،خليني مع راسي نبرد شوية ....غير سيري نتي ...
عائشة : شنو !
ليلى :كيف سمعتي ..غير سيري مهنمشيش ..للحومة دبا !
عائشة : هادشي كلشي دايراه حيت دويت وسولتك وحق الله حتى زدتييي ..فيييه...
ليلى : يمكن مي باغة نبقى بوحدي دبا ...نتلاقاو غذا ..
عائشة :(بنفاذ صبر حيت عيات تسايس وعارفة وجودها مامنو طايلة ) أوكي نخليك براحتك و ضبري للراسك ....لي عليا درتوا ..أنا غادة للدار ...
ليلى(ببرود) :بالسلامة ...ونهدرو من بعد !
عائشة:(بعدم إكثرات) أها ...وخا بسلامة !
(ومشات عائشة وعلامات القلق على وجهها مكدور لا يمين ولا شمال ...شادة الطريق نيشان للحومتهم بوحدها ...،مخلية ليلى متبعاها وراسمة نص بسمة لئيمة ....وجبدت تليفونها ...لي من الصبح وهو يڤيڤري ...فجيبها ...وشداتوا بشدة كتشوف المتصل قبل ماترد بغنجية ...ودلال فصوتها.....)
ليلى : وي ...حبيبي سعدوششش....

#تحت_رحمة_سادي
#بقلم_Sofi_Brada
#بارت_34

داخل ....الطموبيييل....
جالس ...عز ...لور ...،مرجع ظهرو لور ..وكيشوف قداموا
بنبرة خافتة ....درتك فراسي ..مزيان ...وحتى واحد معندوا كيف يحبسني ...ولا يبعدني ....من طريقك ....
واضح ...اخرك يومين ...إلا كنتي واعرة
گاع ...ربعيام بالكثير ...وهتكوني مسلمة ...راسك ليا برغبتك ...
ساعتها ..هندير فييك ما بغيت ...هتفضلي الموت ...على شنو ناوي ليك ...!
( سهى بذاكرة اللور ...كيتفكرر واحد الفلاش وقع ...هذي كثر من شهرييين ....فواحد الحفلة خاصصصة جدا..تقامت فواحد النايت كلوب ...من ديالوا .....سميتوا
" Sherbrooke "
فالمحمدية ...بنهار الحد ....مع نص الليل ...
كانت كيتهز ... هاد الكلوب بموسيقى صاخبة ...وليكاردكور ..على الباب
كلا واحد قد الباب ...مكيخليوش يدخل أي كان غير لي عندو....بطاقة الدعوة ....وفيهم ريحة اللعاقة ...
كلا واحد جاي وجايب ...وحدة فيديه دالبنات ..غير التوت ،
صغارين وزوينين ...ولابسين تقريبا ..لاشئ ..
فالدخلة ...دالكلوب على اليمين ...كان واحد القنت داير بحال...بار جى وتحط تما ..فيه ولد وبنت كيسربيوا لابسين لباس موحد من الجلد فالكحل ...وحتى النادلات لي كيسربيوا ..الضيوف ....لابسين مِنيات فالجلد فالحمر...والفوقاني غير على شكل سوتيام ..فنفس الشكل ..واللون ...كيبين كاع المفاتن مكيخلي والو للعقل يتخيلوا ...!
فالوسط فيه كثرة الطبلات ...وفطيويات ....فالحمر القاني
وكل طبلة ...عامرة شراب ...ماكلة ......إلخ ....
وكانوا شي حواييييييج كيخلعوا وغراب ...بزاف ....مزوقين بيهم بحال إكسسوارات المكان،سماطي ،عصيِ...طوال..ديال الجلد وفالراس ديالهم حديدة مدورة ،بجنبهم.. شي سواط ...حتى صنادق بالقفل ..كانو شادين كل قنت ...،زيد عليهم قنبات موجودين معلقين على راس واحد الخشبة ..
كان فالمقدمة ...قنت مخصص ....غير للعروض و ماشي أي عروض
عروض ديال العرى والمسخ .من نوع أخور .جاي على شكل قفز كبير داير بيه السياج .، كيطلعوا ....بالتناوب البنات ويبداو ...يتعراو ...ويذلللوا قدام الرجال ..،وكل واحد كيختار وحدة عجباتو وكينزلها.....للسفلي ....تما عالم أخورررر ....😈
عز وصحابوا كانو ..شادين ...كَنبِي طويل وجاي داير على طبلة عريضة ...ماشي وحدهم ...كل واحد بوحيدة ...مرمية عليييه إلا عز ...لي واقفة على راكابيها ...عند رجليه ...ويديها ورا ظهرها وراسها محني ،و فعنقها ...طوق عريض بحال ديال الكلاب تقريبا....ومشدود بسنسلة طويلة ...تاليها فقبضة عز ....،ويدو الثانية هازة فيها كاس المرار كيگرگب ....فيه ..بالشوية عليه ...
نطق ...صاحبوا لي على شمالو .....
:(كيشوف فالشقرة لي تحت رجلين عز ) راك شايييع ..أشيخنا "الدوم "(المسيطر =السادي )
عز :( داز على الكاس بجغمة وحدة .وعينيه كلهم فخر ) ههه
مجاوش ...وسماوني .."كينغ ..أوف دوم " غير هكاك ...
: إمتى دوزها لييينا ....!(حيت كيتشاركوا لي عجباتوا شي بنت وخا تكون مع صاحبوا ..كينعس معاها ..عادي جداً )
عز :(دار بعينيه على صحابوا كاملين لي حداه ) كلشي ..ديالكم ...من إمتى كنا ...نخبيوا على بعضنا !(قال اخر كلمة وركز عينيه فعبدوا ههه وي كان معاهم ..وعينيه حومر ومشقلبين بالشراب ..)
(ونزل عينيه على الشقرة لي معاه و وجر السنسلة ...جار راسها كامل للبين رجليه ..وزول السنسلة من الطوق ..)
عز : Kami....baby ..give us a show
كامي ....حبيبة ...ديري لينا عرض...
(هزت كامي (كاميليا ) راسها ...كانت شقراء وملامحها أوروبية محضة ...لابسة كسوة شفافة فلون لحمها كلشي كيبان بسهولة ....حتى من الضربات الزورق فلحمها ..من همجية هه عز باينين ، كاميليا ستة وعشرين سنة ...تولدت وففمها معلقة من ذهب ... عاشت حياتها تقريبا كاملة فمريكان قبل ماتجي تستقر ...مع والديها ..فالمغرب بالضبظ بالرباط ، حيث مها كونصل معتمدة ديال كندا ...فالمغرب ...كتفهم فالدريجة ...هذي سنين وهي عايشة هنا ..لذا تعلمت ...)
كامي:(هزت عينيها مبتسمة بإرضاء) ...
Yes sir ...
وخا ...سيدي ..(وكملتها بدريجتها المعكلة ) من عيوني هذو للهذو ....
عز : لكن ماشي وحدك ....نتي و وهذيك السميمرة .(شير بعينيه للسمرة لي جالسة بجنب صاحبوا ..)
كامي :(عضت شنافتها ...بحماس )
of course (طبعا)
(دفع ...صاحبوا ...البنت لي معاه ..حتى تطلع فوق الطبلة ...)
: نودي.....الماروخة ديالي ...وريني علاياش قادة ...
(شافت فيه تالفة ) راه ماعمري درت هادشي مع شي بنت ..
:(تعصب وشدها بنتفة من شعرها ) ملي نقول الهدرة تنفذ ..
تعرفي تشلقمييي....شلقمي ...أبنت الحرام ...وسيري مع البيضة فالخط ...واش هادشي صعيب ..أبنت ال****!
:(هزات راسها متفادية بطشوا ) لا لا ...
(طلق من شعرها ودفعها حتى جات على وجهها مزدوحة على الطبلة ) يلاه تحركي ...تاقي شري هاد الساعة ومتحركيش جنوني ...عليييك ...،راكي عارفاني ملي نود ..
(وناد خوى الطبلة بيديه ...وكحز كلشي للجنب ...وكل واحد هز كاسوا فيديه ...،وطلعت السمرة وتبعتها كاميليا ...بكعبها العالي ....
واقفة على ركابييها ...باشرت هي اللولة ...بكل طلاقة ،
كتلعب فشعرها لوخرا وتشم ...وشبكت ،ولي بدى بلمسات هنا لهيه تحول بسرعة ...للقبلات حارة ..ما بين الزوج ،
وكل وحدة كتهز ...كسوة لوخرا ...كاشفة غير على سليب بالخيوطة ...والدراري كيصفررو ...للمشهد ......لي وتطور للممارسة ....نيشان ...،منظر فات كل الحدود ....السفالة والعهر ...والإشمئزاز ....
وهما فوسط داكشي ...كان كلشي كيتهز مع المشهد غير عز
جالس كيشششوف بحذة ..فعبدوا ...حتى هدر وسكت كلشي موراه من الهيلالة )

 

#تحت_رحمة_سادي
#بقلم_Sofi_Brada
#بارت_35

عز : الدراري ..مفراسكمش ...عبدوا ..طاح ..!
(كلشي دار كيشوف فيه بإستفهام ..، وكمل )
طاح فواحد الدرية ..فلافاك ....معاه ...،و هددني مانقربش ناحييييتها ...واش كيبان ليكم هذا عبدوا نفسوا لي كنعرفوا جميييع ...!
(كلشي سكت ...كيهدرو غير بالعينين..بيناتهم ;
سرط ...عبدو ...ريقوا قبل ما يهدر حيت عارف كيستفزوا )
عبدو : شنو مشكلتك دبا أعز !? طحت ولا ماطحتش أش هامك فالأمر !
عز :(زدح الكاس مع الطبلة) وي فغي ...ماهمنيش ، هماني هيا ...وبيني وبينك عجباتني ...مغايرة على لي كنعرف ..
والتجديد مرة مرة ...زوين ولا نتا كتخالفني الرأي !?
عبدو : (شير بيديه ...للبنات لي دايرين بيهم ) بغيتي التجديد غير دور عينيك حداك هاهما مزلعين ...هنا..،من العزية ....للزعرا ...ولا غنان فيييا باغي تحداني ..
نبصم ليك علييييها بالعشرة ..غير هديك لي جامي تحلم بيها ...تجي ناحييييتك ..!
عز :(عروقوا علاين يخرجوا من عينيه ) شفتك واتق من كلامك ...شنو لي كيضمن ليك ..بلي جامي جامي تشوف جيهتي ...ولا نسيتي شكون وشنو كنسوى !
عبدو :(تگرع ريحة الشراب ووفف كيميل ) لاااا مانسيتش شكوون نتا ..مي .. شتِي نتاااااااا

أكبر حگارررر عرفاتوا الكرة الأرضية ..وحيت انا ماشي لحاس الكابة ...هنقولها ليك فاسْسْ ...سير ضرب الفقد
فراسك و داوي كر*..
راك مريض ....
(جمع عز الوقفة ناوي على خزيت ومزير على يديه ،غير شافوه البنات لي معاهم منهم كامي هربوا من طريقوا حيت عارفينوا لي جى فطريقوا هيخلطوا ..، قبل ما يزيد وقفوا زوج كانوا معاهم بوكريشة و الثاني ...حابسينوا على عبدوا ...كيهدوا النفوس ..نطق الصداري بوكريشة)
:عز خليه ينبح .....حتى يعيى ...ماديرش يديك فيه راه ماشي فوعيييوا ...هاد الساعة ..
(نطق الثاني) : نسى الموضوع ميستاهلش ...وحدة بيئة مكتصواش ..،مكتستاهلش ...تدخل بيناتكم ...كبر عقلك ....أعَزْ...

(وتم غادي عبدو وفجأة تفكر حاجة ودار كيخوي المزيدوة) هأوَا نسيت ..
شتي ديك البنت أشرف منك و نقية ...من ألف وحدة عرفتي ،...وجاب الله شارجيتها مزيان علييييك ...هههههه ..حتى متوليش تشوف جيهتك ....ثاني ..
(حط يدو تحت ذقنوا وضحك بالجهد وبطريقة مستفزة كمل ) شنو هيدير الدْوم الخطير ..فهادشي ...! ساكت ...تؤ تؤ ..منرضهاش ليييك ...هااااااه
مكملش عبدوُ. كلاموا ..كانت الطبلة ...تقلبت ..،و هو طار جى لهيه ...،مخلاهش يستوعب منين جاتوا الدقة ...،نزل عليه عز ثاني .. بالكروشي ....والركيل ..،و عبدو مسالي
دمياتوا غاسلين وجهوا ..ولا شرويطة فالأرض ...الشراب والعصى
قضاوْ عليه ...، كان باقي مسلاش معاه عز ...شدوا من عنقوا ...وطلعوا للفوق ...موقفوا ...على رجليه ...،
ووجهوا ولا غير حبة مطيشة ...تخنق ...الدم فيه ،
جراو ..خمسة ناحيتهم....كيفرقوا ..عز على عبدو...قبل
ما يصفيها ليه ...، صحة كلا زوج شدوه من يد ..حتى طلق
والخامس جر ...عبدوا ...بعيد ..برا على الكلوب ...
عز:(كيسعر معاهم يطلقوه ويغوت )طلقوني ...طلقوني ..على الكلب ...
ومن داك النهار ...مابقات حتى رفقة كتربط بينوا وبين عبدو ، وزيد عليييها ...حط المعنية بالأمر(عائشة) دبصاح فدماغو ودارها تحدييي ...
مع راسو ...هيوصل ليها هيوصل لييييها طال الزمان ولا قصار ويشوف بنفسوا هاد الملاك ..الطاهر ...هوا عارفهم كلهم فالبداية كيكونوا هكا البرائة كتنطق منهم ..من بعد كيوليوا رخاس لا شرف لا حتى لعبة ...،مكسورين مذلولين ...وعند رجليه ...مليُوحين ،
نفض ..الذكرى من راسوا و تنهد ...براحة ...فالكوسان و ولا دار يديه ورا ...عنقوا ...كيشوف فاص نيشان ..،وعلى فموا إبتسامة....شيطانية مضيق عينيه كيهدر فنفسوا..."و غنديرها حيث ..عز العرب أورتيغا كينفذ كلاموا ..."

#تحت_رحمة_سادي
بقلم Sofi_Brada
#بارت_36

من بعد جلسة ماجنة مع شي رفقاء السوء .....و فاتت الخمسة ...دالعشية ...عاد ليلى ..راجعة للدارهم ..،كتمضغ فكلوركيس ..وتشم فحوايجها واش باقييين فيهم ريحة الشيشة ...،غير طلت على دربهم ..بان لييها من الراس دالدرب الشيبة العاصية كيف كتسميه (باها الخمار ) كينگر من الشرجم ...على شي دراري صغار كيلعبوا حدا الباب ...

الخمار :(مخرج نصو من الشرجم وكشاكشو خارجين) سيرو الله يتبع بوكم البلا ..ماتعرفوا لي مريض لي ناعس
كتعجبكم غير هاد العتبة تحنقزوا قدامها البراهش ...بغيت ليكم بوحمرون ...أتفووووو
ليلى : (وقفت حدا الباب مطلعة راسها)وا بااا دخل دخل ...
الخمار : جيتي ابنت الحرام ..فين كنتي دايعة ...حتى للدبا ،سيري الله يغرق للبوك الشقف حتى نتي ..
ليلى :(كتحل الباب كتأفف وبعدم مبالة) دخل أبا ...ونهدرو فالدار ..ونتا شوهتنيييا فهاد الحومة...(قالتها بينها وبين راسها) الله يعفو عليا منكم ...جونيمار هاد الحزاق كامل ...
أغير دخلات ....وقالت بسم الله تعرض ليها باها كيشوف فيديها ...ويخطي ...
(الخمار ...راجل كبير شارف متقاعد عواج ظهرو فليزوزين دالصبار .. عياه الزمان وولادو لي طلعوا مساخيط ولكن أش هيستنى منهم وهو يظل يسكر حداهم وها الشيخات ها التيرسي ، مقابل غير ولد وطلق للزنقة هي لي هتربي ..حيت عندو لي مربي من عند ربي ههه ...، عندو الكبير سميتوا رشيد ..شفار بروفيسينيال غفلتي طارت عينك ، تابعوا ..المهدي أو المهيدي المسخوط سكايري ...وصباغ أحيانا إلا كان صاحي ،تابعوا ..يونس
البرهوش الصغير مكاملش تمنطاش للعام وراه مرمي فالحبس دعكاشة حيت شلظ وجه واحد الطالب ...خلى ليه الإمارة مدى الحياة ، العنقود الأخير وبلا شك عرفتوها
ليلى ههه عندها عدة مواهب منهم النصب والإحتيال والكذوب منقولش ليكم كيف كدير ليه كتشربوا ماااا )
الخمار :...بارْكا عام فالزنقة عاد طافية عليك الشمعة وجاية ، تي گولي ليا لا خدمة لا ردمة مقابلالي غير الدوران فالزناقي ..
ليلى :(رمات سبرديلتها باردة مولفة الديسك )اش هنخدم ....! شفتينا لقينا شي خدمة فهاد البلاد وقلنا لا ..
الخمار : سيري راه المعامل ..كنت قدك ...من معمل للمعمل
ليلى : وصافي داكشي لي بقى ليا ،أخر يامي نولي تراسة فالمعامل ...
الخمار : واش هتولي بالسلامة ...مهندسة دولة على قرايتك الزينة ...يحسابك ...شرفت وماعندي عقل نميز بيه بين لي كيقرى ولي كيتفلى ! نتي يا بنت الحرام كتفلاي ..
ليلى : ياخخخ وا قلب علياااا ...الله ينعل لي ما عيى فهاد الخربة معاكم ..شي نهار نهز راسي نبات ما نصبح ..
الخمار : مصاب ديريها ....عواد مجالسة ليا فالركنة ..
تنقصي خبزتك ...الويل الكحل ..
ليلى : وملي نمشي ..بلاصتي دير فيها محيبقات ...الوليد ،
يطيرو عليك الناموس فالصيف ..
الخمار :(حيد بلغتوا من رجليه ..قبل ما توصل ليها خوات الطريق هاربة للبيت ) سيري الله يعطيك مصيبة تصيبك يا بنت الحرام ..

#تحت_رحمة_سادي
#بقلم_Sofi_Brada
#بارت_37

(بدلات ...دغيا ...وخرجت لابسة بيجامتها ...، وهازة
داك الحلوة فيديها ...،مشات للكوزينة ...وحطاتهم فطبسيل ،
وجات جلست بجنب باها ..كان جابد واحد مولاي سبسي كيكمي فيه ...ويبخ ...وخا الكحة قاتلاه ...لي فيه ماهناه، شيشت على وجهها اللهما دخان ...و تاكل فخاطرها قبل ما يجيو دوك الوحوش دخوتها ...)
ليلى : هانتا أبا ....لا تقول ناسياك ...
الخمار : (خشى وحدة ففموا وكيتبنن ) الله يرضي عليك!
(وسكت و هدر كيتمتم ) أبنتي منلقاش .. عندك ...شي تقرقيبة ...راني على الجوانط ...وشي ناس كيسالوني ..
ليلى: شحال بغيتي هاد المرة !?
الخمار : ماشي بزاف ...غير شي ميِتين درهم ..
ليلى :(جبدت من كمها واحد ميتين درهم ) هاك ....شد الوليد ....،(وزادتوا 40 درهم ) .وهذي باش تشري الدخان ...(الكارو) ودعيي معايا ...
الخمار:(شدهم وعينيه فرحانين مسولها لا منين جاو ولا كيفاش ونعم الأب ههه) الله يسهل عليك ..أبنتي ..ونشوفك مهندسة ولا معلمة ..
ليلى :أمين ....أباااااااا ....
( سمعوا الساقطَة دالباب كتحل ...،ودخلت موراها ..مها السعدية ..
كتسوط من الباب بالعيييى ....،لاحت جلابيتها ..لي الفنيدي،
وبقات غير بالشورط ...والسوفيطمة ...ومساسطها كلهم ..باينين ،...كانت وخا كبيرة شوية باقة شادة فراسها دك ودردك عللى راجلها المعلول ولي شاد القنت ...
شعرها ديما الصباغة الكحلة وحجبانها ديما مقاديين وبيضة
هيا لي هازة الدار خدامة مع شي عوينيات ...فالأعراس ،
بجانب حوايج أخررررى كلشي كيعرفها ..اش خدامة من غير العراس ..ولكن ضاربين الطم ودايرين عين ميكة حيت ...الحاجة عندهم كتبرر كلشي ...وخا يكونوا فلوسها حرامممم....)
السعدية :(جلست شادة سداري اخور كتنهج ) تگعدي ..عتقيني ..بكاس دالماء بارد هنسخف ...
ليلى :وخا أمي ..(ومشات طايرة وجات طايرة بالماء)
(نزلات...على كاع دالماء فدقة وحدة...عاد انتبهت للحلوة ،هزات وحدة كتسول بعينيها ...نطق راجلها )
الخمار : ليلى لي جابتهم ....
السعدية :(كلات ومسحت يديها ) هادشي مجهد ...ماشي دقة الباتيسريات ...
ليلى : داكشي أمي ماشي من باتيسري من قنت أخور من بعد ونعاود ليك ...
الخمار :(كيكمي مقوس عينيه ) واش مشيتي شفتي داك الجن الصغير ...
السعدية : مشيت ...وهذي أخر مرة نزطم عند داك المسخوط ...
ليلى :أمالو أمي أش دار ثاني ....مزال ما بغى يتهد وخا فالحبس !?
السعدية : هداك عام مُوحلاش يگر فيه ..خاصو يتضرب بخمس سنين وشوف تشوف ،
مشيت على سعدي ووعدي مقضية و داية ليه غير اللب ..دالماكلة ...والغطاوات ،،بغى يقلب عليا الحبس..قالك حقا ما حقا ..بغاها فلوس مانجيب ليه والو ...نعطيهالوا فلوس ...وا شوفي ولد الحرام ..،مكفاهش ..كيبيع القفة لي ندي ليه ...كلا شهر ...خاصوا الفلوس ..دبا ..ولا يقجني عليهم ....!
الخمار : هداك الحِيبور ...الحبس حسن ليه من الدار ..،
واه كيفاش يدوي معاه بنادم ..يشرطوا ...
السعدية : لي سمعك تهدر هكا ..،تقول كنتي فصغرك تجود القرأن ...غا هو كيشرط نتا كنتي تعلق للشيخات ...،مجابوش من الزنقة ..
منين داك الغصن من داك الشجرة ...
الخمار :(ناد كيسب ) أتفو من وجهك ...يا وجه الحبس ،
كون ديت بنت خالتي كوراني فميريكان ...زهري تبليت بيك
منين تسلطتي عليا منين ..نتي وولادك ..من نهار شفتكم
ما شفت الربح ما ربيت الريش ودرت لاباس كيف الناس ..
السعدية : واسير ...سير ..تصنت للعظامك ..ونتا شرفتي وهرفتي ...
الخمار : هاهو غادي ...يضرگ كمارتوا من كمامر الويل ..أتفو
السعدية : تا سير الله يلگيها لييييك ...بشي موتة تستر عيبك ...
(مشى كيشير بيديه ...ويغوت طالع للبيتوا ...فالفوقي يسترح ....،غير غاب على وجوههم دارت ...السعدية عند بنتها كتسولها ...لوخرا سرسرات ليها من اللول حتى السلام عليكم....،حلات هديك عينيها مصدومة ..وفنفس الوقت كتشوف فبنتها بتهكم )

#تحت_رحمة_سادي
#بقلم_Sofi_Brada
#بارت_38

السعدية : واشوفي ليك بنت الفقيه ...علاياش مدبرة ..ومها ظل تفتخر بيها قدام الناس وتقول بنتي و بنتي و بنتي مكاينش فحالها، ...صدقت ساقرة عليهم .. ماسهلاش حتى هي بخبيزتها ..داك الجدرة ..
ليلى : وامي ...باها كان أستاذ إسلاميات ماشي فقيه ...
السعدية : بحال بحال....،المهم ..دبرت على راسها تدبيرة صحيحة ونتي أصكعة اليام لي محزمة بيها ...،فينما كان شي شمكار ...فالحومة....شومور ...كتجمعيه ..عليك ،
علاه شنو ناقصك رجل ولا يد
الزين هو هداك....لاطاي هي هاديك ...مالكي ما ديري كيف دارت بنت الفقيه ..وتشوفي للفوق ...ولا وجهك وجه المزيرية ....،
ليلى : الله يعطينا زهر الخايبات ...والسلام ..،ملي هيدق زهري راكي هتعرفيه ...وراني قولي تقريبا ...طحت على كرمة بكرموسها ...
السعدية :(جمعت فمها جنب بعدم تقة ) هانشوفوا اخرة هاد الكرمة لا تصدق ....كيف لي قبل منها....خربة ...
وكيف كنقول ديما هنقول دبا....ديري كلشي ..الا ..
ليلى :(كملتها ) إلا ...****** .... نحضيها ...
السعدية :أيِه ...، إيوا مدي شي حاجة من دوك الفلوس ..
راه هاد الشهر الخدمة ناقصة بزاف عندي وحتى خدمة الليل عيانةةةة.....
(تنهدت ليلى ...ومدات ميات درهم للمها ...،شافت فيها مقنعاش ...كتلوي ففمها )
السعدية : تي زيدي ...هادشي ..ما يگدنيش ..حتى من هنا للصبح ...
ليلى :( تنهدت هازة جبل ..على قلبها وجبدت ميات درهم اخرى)
هاككككي ...شدي ..وقنعي ...
السعدية : و مالكي كتهزي وتحَطِ عليا ...تما ...!
ليلى : واحلبيني حسن وليت بگرة ...ماكقتنعيش يالاطيف ..
السعدية :(شيرت عليها بسندالة جاتها فالوجه ) تگعدي من قدام خليقتي ...لي يشوف كمامركم ما يشوف الربح ..
سيري قادي الدار ..كتخلع....نود نشوف شنو ندير للدوك الهيوش للعشى ...(ونادت كتميل )
ليلى :( جالسة كتبرد حرقة الضربة وتسب فخاطرها )وخا وخا أمي ....
(قبل ما تجمع الطبلة ...بان ..السكايري دخوها ..المهدي ببيكالتوا مدخلها حتى للوسط الدار كيف العروسة ، حطها ونقز على الطبلة كياكل ..، نوصف ليكم كيف داير ..
هو شكلا مقبول غير الشراب خرج عليه ، والمدابزات ههه
كيسكر ويدابز ...حتى مشاو ليه زوج سنات لي فالقدام على صغرو ..وبلا المرة لي فاتت قرعوا ليه ههه شي براهش شعرو وهو سكران كاووو )
المهدي : الحوادرية ...فورني عليا ...، نحدم نردها ليك
والكلمة هيا الراجللل ...
ليلى :(جبدت خمسين درهم من جيبها حطات ليه فيديه عارفة هه مهيرجع والو ) هاك ...هاد خمسين درهم لي نكساب هاد الساعة ...
المهدي : (شدها ...وغادي كيدعي معاها ، هاز قرعة خاوية معاه وجار بيكالتوا وراه )الله يحفظكككك ...الحوادرية ..تبقاي مهزوزة للفوق .،
سيري الله يسهل عليك وتشريه بحالك من هاد الدار
ليلى : (هزات يديها للسمى ككترد مخشعة) أميييييين ..
(وحنات كتجمع ...الطبلة ..وتمسح الفراتت دالحلوة ،ودازت للكوزينة ...لقات مها ...كتدير ..مرقة ببطاطا وواحد الفخض ديال الدجاج وبيهم ههه قومان ...,حنزت فبنتها )
السعدية : علاش ...مادة ..للداك كْويلة الفلوس ،
هيمشي ...يشريها ...غير ماحيا خانز ويجي ..كيكميل ريحتوا خانزة كيف المش ....
ليلى : لي عطى الله عطاه ...راه ماشي عاد هتعرفيه ولدك ونتي عارفاه ...شمكار ...من شحال هذي !
السعدية : مالك اللفعة ديما ..أنا وياك نتهازو على الهدرة ..
ليلى : وغير كنهدر أمِي.....مالكي شاعلة غا بوحدك ...
السعدية : باركة من الضسارة ديالك و تحركي من قداميييي..(بالغوات )
(طارت من حداها قبل ما ضرب ليها شي نتفة ومشات ،للصالون كتقادوا ...من بعد ما طالقات الداودية على ديسك ...."حاول و حاول " .....،وطلقت حلوقها كتغني وراها .."حاول ..وا حاول أعبدو ...حاول وا حاول على گلبِي يااااا " .وتهز ..فخصرها ...حتى نزلات عليها دقة للراس من حيت لا تدري وتبعتها نتفة عالمييية من يدين خوها الكبير رشيد ..(الشفار) )

 

#تحت_رحمة_سادي
#بقلم_Sofi_Brada
#بارت_39

رشيد :(كينتفها ويعطيها فالطرش ) أجي ...للديلمك .للهنا ..نوريك حاول على الگلب ،..يا الموسخة ...باغة تشوهيييني ..قدام جمامِي ...فالحومة ماخليتي ...حتى واحد حتى سعد النفَايحِي ...بان ليك فيه البلان ...
ليلى :(كطاكي وجهها وتغوت ) وامييييي ...وا باااااا ....
عوك عوك ...عوك ...وا عتقوننننيييي ....!
طلق ..أعفة الرجالة ....يا الشمكار ..يا الشفار ...،انا حسن منك الشماتة ...كندبر على راسي ...كيتك نتا ...لا خدمة لا ردمة كيفك كيف الهجالة ...
رشيد : هانوريك الشماتة ..شنو هيدير (زادها زوج ضربات للحنك ) الليلة نقاد للمك الرجلين خرجوا الشواري ...رخفنا علييك حتى وليتي تبوردي ..عاين باين ...
( مكملش تشنديل فيها ...نزل باه بهرواة ...ليه ومو جرات من الكوزينة ...، فراقوه على ليلى ...بالزفيط ...والسبان )
السعدية :(كدفع فيه )فعشنا وينشنا ....خرج عليييا الشفار ...من داري ...
رشيد : ماشتيش ..الشيخة دبنتك ..اش كدير !
الخمار :نعلة الله عليك الشفار ....حتى تولدهم وحكم فيه ..
براااااااا عليييييا ....من خربتي ...والله لا ضربتي فيها الضربة ..المسخوط ...,تنعس وتاكل ..تقول عجل هنعلفوا فالسوق ...برا ...
(بقات كتشوف فيه ليلى وتفقصوا بحجبانها ...حتى تلاح برا الدار ...،)
____________________________________________
عائشة ...فتحت عينيها ....بسيف ..على صوت الصداع فالزنقة ديال شي سكايري...كيغني ..."حبك جابني بالليلللل.....ما عليييييا بييييييا...."
مشات كتجري تطل ...من الشرجم وتشوف شكون ...،
لقات مها الحاجة ..و ختها بزوج سبقوها مدلدلين راسهم من الشرجم ...
عائشة: شكون أميييي ...فهاد الوقت سكران !
الحاجة فاطمة : شكون من غير دوك المساخط ديال الخمار ....
ليلى : خوت ليلى ...
الحاجة فاطمة : وايييه ..الكبير ..والوسطاني ..بزوج الله يستر ..شي كيميل على شي ....
(بزوج قفزوا ..من بلاصتهم غير سمعوا ...القراعي دالزاج كيتهرسوا مع الحيط ..وواحد فخوت ليللى كيسببب ويعرعر)
: واطلوا ...على **** ...حسان ..،يا جماعة الحنزازة ...
(دارت الحاجة مخلوعة ...من هاد الهدرة الخاسرة لي سمعت ودفعت بناتها وسدات الشرجم ...)
الحاجة فاطمة : زيدو زيدو ..قبل ما يشير علييينا بشي قرعة هاد المسخوط ..مكايعرف لا حرمة الجيران لا إحترام .
(ومشات للبيتها وهي كتحسبن ..وتقول الله يستر )
حفيظة :(دارت عند عائشة ) ماعرفت اش عجبك فداك اللفعة مصاحبة معاها ،بحالها بحال مها ....غير مها خارجة ليها طاي طاي نيشان .وهي لي هازة الدار ...وبنتها من تحت الدف كضرب ...
عائشة : حفيظة دخلي سوق راسك وخليك بعيدة على لي مكتعرفيش وباركة ماتاخدي فذنوبهم...،ليلى الله يعمرها دار
صاحبتي وعمري شفت فيييها العيب ...أما مها مولاها أولى بيها ...ماشي شغلي شنو كدير ولا باش عايشين ...
حفيظة : نتي ياإما بوهالية ...ولا ساحرة لييك بنت السعدية ، كتبروفيطي فيك .ونتي كيف الحمارة ،صاحبتي صاحبتي يصحبوك الجنون ...!
عائشة : يوووووووووه .....
حفيظة : زيدي سوطي ...كيف الثور .،كنقول ليك الهدرة ليتنفعك ...و بلا لولة الشفير لي فيها ..هديك متصلاحش تكون صاحبتك....ماخلات حتى واحد فالدرب ما تصحباتش معاه
ويجلسوا يجبدوا ليها فصدرها ورا الدار ....على درهم دكاوكاو ،غير تباني معاها ويشوفوك الناس يقولوا الله يخليها سلعة ...كيفها كيف صاحبتها ..وكيقولوا معامن شفتك معامن شبهتك ...!
عائشة : عرفتي أش يجيك مليييح ،قلبييي عليييا وقابلي غير دارك وولادك وراجلك ...،أنا قادة براسي ..وعارفة شنو يصلاح وشنو ما يصلاحش....
(وبهذا دارت عيشة قالبة وذنيها وزادت للبيتها ..خلات ختها كتنگرش تما وتنگر.......حيت فبالها ..ليلى صاحبتها الحقيقية ،وخا يقولوا لي قالوووا صورتها عمرها تبدل فعينيها ...حيت دارت معاها مواقف ...رجولية ...وضحكوا
وووو .بزاف حاجات ،....المهم عائشة ..عمرها ظن فييها السوء يدابزوا ويتصالحوا ...ويوليوا احسن من قبل ..هكا هما )
(هذا غير مقتطف من الواقع ما خفيا أعظم )

 

#تحت_رحمة_سادي
#بقلم_Sofi_Brada
#بارت_40

فاتت....يام ...وليالي ...حتى ولاو السيمانات .. شهورة ...
وعائشة ..كتحس براسها ..بحالا فحلم ..ماشي فواقع كتعيشوا ...مع عز العرب ...دايرها فعينيه .كيعاملها كيف الزاج خايفوا لا يتهرس ..ومكيحشمش يقول هذي حبيبتي قدام الناس لي كيعرف ...
"ملي الناس كيسولوا كيفاش تلاقاو" كتشوف فيه ويشوف بيها بلا تعليق ...،
لاقاتهم ...مصيبة ...فنص الليل ،فعاوط ماتبعدهم على بعض كانت ...اللصاق لي جمعهم بزوج رغم الظروف ..وإختلاف الطبقات ...

خرجت من سناك صغيرة تغدات فيها ، و غادة ...مع جنب الطريطوار ...كتقرقب فكعبها العالي ... ....وخصرها كيميل ...بحال ...المواج ..دالبحر ..ملي كيضربوا فالحجر .،فسروال زرق ..ديال دجين ...باهت فيه زوج تقطيعات .....وللفوق بودي فالبيض ...جايين السماطي ديال يديه نازلين من فوق كتافها ومفرفين ..يعني عنقها وكتافها كلهم باينين ..كيشعلوا بيوضة.. ، رجعت صاكها القهوي لي جاي أسوغتي مع الصنديلة العالية ...فالقهوي أوسي ، ومرة مرة كتهز يدها وترمي شعرها ورا ظهرها من الصهد ...كانت مشيشوراه ونازل ...رطب ومع دارت لي التريتموا ديال "الكيراتين" ولا حرير كيبري ...فايت نص ظهرها ..بطولتوا ...
وقفت ..وزولت نظاظر الشمش من على عينيها ...وبانو عويناتها المعسليين ..وزايدة ليهم "أيلانير" حتى تجبدوا بحال عينين القطوط ..وجاو غاية الروعة .، وجهها لاعبة فيه بشوية ديال الماكياج ..ولا نقول "أوڤر ماكياج " دارت ..بحالا غادة للعرس ...، كونتورين للوجه ...عكار فالگرونة ماط ...والبريو فالحناك ...المهم ماخلاتش ..من جهدها ..
وقفت على راس الشارع تحذي لا بانت ليها شي طاكسي تشدها لافاك ...ومع كانت بوحدها ليلى مجاتش اليوم ،خافت ..تمشى بوحدها خصوصا منين مدازت كينگو عليييها ..وشحال ديال الضسارة ...وحنا فيها نيت مزال مسخنت وقفتها كتسنى الطاكسي لا دوز وقفت حداها "مرسيدس بينز" كحلة ...،وبلا عكز مولاها ...واحد الزويزو ...زوين ..عندو ديك تقادة خمسة عشرين ،الشعر فلون شهب محروق وعينين كوحل ...، بلاصة اللوطو ..من الطريق ونزل هاز تليفونو فيديه ..والسنسلة فالعنق كتمشي وتجي وسط داك مولاي صدور ...،غير قشعاتوا بجنب عينيها تنهدت مكرهة ونزلت النظاظر على عينيها ..،حيت علمت عليه جاي جيهتها ومقصدها ...منين خرجت من السناك قشعات نفس الطموبيل كانت غادة نيشان ..بزربة دارت دومي طوغ وولات فنفس الخط ..لي هيا ماشة معاه ..
"الزين ..."(طلعها ونزلها بعينيه بحال الثعلب ،..كينحنح ..)
"غير...شوفي ...فيا ورحميني للوجه الله "( جى وقف قبلاتها .نيشان .كيخطب ،ونفسوا كتحس بيها قريبة ,تأففت بملل ...طالع ليها هاد الزبل فراسها ،وتمت غادة باغة تخطاه وتقطع الطريق حدو باقي الضو الخضر...ساعة إنتشلها قابطها بلا حشمة من مرفق ديالها )
عائشة :(..بكل عصبية كتدفع فيديه ) طلق من يدي .ولا هنجمع عليييك أمة محمد هنا ....
"..غوتي ....جمعي حتى الأمم المتحدة ، هدري معايا ..وعطيني خو جوابييي ...راني هنتسطى اليوما..
إلا ماتعرفت علييييك "( بعزيمة و إصرار ..بقى قابط على يدها وهيا ياعيني مخلووووعة ومكاينش لي كيدوز .قدامهم ...ومايمكش ، ويقلب عينيه ...وباينة فيها واقفة بزز عليها ،مي هي لي دارتها للراسها ..بهاد اللباس .طرى ليها بحال داك لي ما عمرو ما حبا ونهار حبا طاح فالبير ..بغات تبان واعرة نهار ليكسبُوزي لي عندها فلافاك ..ساعة هاهيا واقفة مع واحد راس الطنگ..
باغي بسيف يتعرف )
عائشة : مخطوببببة ...البشار ...،طلق مني هتجبد ليا الصداع ...،(كتعنتت وتدففع فيديه )
"مخطوبة ماشي هييييا مزوجة ..االقرطاسة ، وكوكان هاد خطيبك راجل ما يخليكش خارجة بهاد الحالة .،نتي خاصك أنا "(وطلع صبعو كيشير للحوايجها وعينيه حومر ...مشهيين فيها ....، جمعت قوتها كاملة ونفضات يديه علاين تبخ الدم شكون هوا باش يطيح منها ..)
عائشة:شماتة ...حمار ..كلب ..بزاف على مك الرجولة وبزاف عليك أنا باش توصلني (تمتت بهادشي وتمت هاربة غير بان ليها ..كبتاتها على راسها ملي سباتو ،،ولاو عينيه ويديه كيترعدوا كون ماهربوها رجليها هاد الدقيقة كون خلطها قدام العالم ،،،قطعت الشانطي ماحدو خضر وملي جى يتبعها ولاو الضواو حومر والطموبيلات قاطعيين الطريق ،
ضرب يد مع يد كيتغدد ...وهي تنفست الصعداء غير لفت عنقها وبان ليها راجع .بحالو .ماقطعش الطريق وراها ،،،مي هيهاتْ هيهاتْ....
،حتى ولا الضو فوجهها وتهدنت ..كتبان ليها بجنب عينيها بحال طموبيلتوا جاية ..طايرة ...غير دارت بوجهها كامل كتصدم بيه ..تابعها جاهل ..وكيغوت ...من الشرجم دالطموبيل ..ووجهوا كلوا والبيوضية لي فيه ولا حمر حمر ..
"وقفي ...نهدر معاك ...،إلا مشيت حتى نزلت عند مك هندمك ونوريك الحمارررر ...شنو كيدير للبحالك "
(حطت يديها على قلبها مخلوعة كيضرب فالميتين ..،
وزربت فالمشية ..وخا العلو مامسعدهاش فالمشي مي زاطمة على ضرها وغادة كتهرول ...مبغاش تجري وتبين ليه بلي خايفة ..،غادة وكتدعي ربي يسلكها ويخرجها هانية من هادشي ، بقات متبعة الطريق وكل ساعة كتهرب ليه للقنت وتقطع ...للجهة أخرى باغة غير تلفوا علييها حيت الهربة بالرجلين ماشي بحال الطموبيل ،مي ولد الحرام معلم فالسوقان ...كيطير ..

#تحت_رحمة_سادي
#بقلم_Sofi_Brada
#بارت_41

وهي غادة ..هربانة من هاد الموسخ لي لاصق فيها ،كتسمع الروايض دشي لوطوا ...فراناو بالجهد ..محتكين بالشانطي ..حتى تسمعت بحال صوت البرق ملي كيضرب على غفلة وفدقة مجهد ...
تخطف اللون فوجهها ويبست واقفة فبلاصتها مقدراش تدور تشوف شنو كاين ..كيحسابها غير هذا لي تابعها وقف الطموبيل بالجهد .. وجاي ...ليها ...كيف شي سبع هايج،
شنو سمعت من بعد ..غير شي ضرب ...مجهد ..وشي غوات مخلط ...دالناس ....، فضولها ماهناها ..دارت بالعرض البطئ
حتى كتشوف لي خلاها ...مصدومة ...
زولت النظاظر من عينيها لا تكون كتخايلوا حيت توحشاتوا سيمانة مشافتوش ...، سافر ...فيها .."للكاب ثاون بجنوب أفريقيا".....،رمشت عويناتها ...زوج مرات عاد بان ليها الفرق ...والله حتى عز ...ملاوح على هاد مول الطموبيل وداخل عليه من الشرجم ..كيعطيه بالبوني ..، حتى غوتات "عزززززززز ....لا ....طلقوا ! هتقتلوا !" عاد فاق من الضبابة لي على عينيه ديال العصب ....، عطاه أخر ..ضربة و طلقوا سخفان على الكوسان دياللللوا ...وناس كلشي خارح كيتفرجوا ...فهاد المدابزة ...وكيفاش هلكوا عصى ولاخور داخل طموبيلتوا ، هذاك غير شاف عز عطى الظهر ...،مانعرف كيفاش ديمارا الطموبيل وعلق من تما ...،
"فاللول عز معرفهاش من البعيد بلي عائشة ...ومعقلش عليها ..بالمرة ..بهاد اللبسة ، كون مزولت الشعر من جيهة نص وجهها ورماتوا ورا وذنيها كون كاع ميعرفها ...هيا ،فداك البودي ..لي صدرها كلوا مزحم تما .غادي وكيتهز معاها ...
كوكانت وحدة ...من لي دوز فحيياتوا ..،هيقول واوو كتبان سيكسي ...،كان هيعجبوا الحال ...ويخضر عويناتوا كيفو كيف ..كاع ألوفات الرجال لي دازت من حداهم ..
للأسباب ...كثيرة ..مع عائشة ..،كان كيموت بالغيرة عليها..
غير قشعاتوا ..وقشعها مزيان ..."
شافت فيه ...مبهوتة...، وهو جاي ناحيتها و عينيه مصغرهم فيها بكره ...ولا حقد ولا مانعرف تلفت فين تصنف داك الشوفة ...،غير هوا بالتأكيد ..كان طافيييي ..مافرحان ما ضحكان ..كيف موالفاه ...عادة ..
بهتت داك التبسيمة شيئا فشيئا ..لي رسمت على فمها .وهو كيقرب ..ليها ،
غير وصل للعندها ..فرفرت ..غير حطت شنايفها على حناكو ورجعت ...قالت ...،
عائشة : ...سلام ..!
(وهوا خرج عينيه فيها كان علاين يطرطق عليها تما كيفاش سيمانة مشفهاش ...توحشها....وكتلقاه بهاد الوجه البارد ..خلي المنظر لي دايرة فراسها....،)
عائشة : عز شنو جابك للهنا !?
عز العرب : (ضحك بالفقصة لي فيه ) شنو جابني للهنا !
(كون ماتكذب عينيها هه باينين ليها الدخاخن كيخرجوا منوا ..،كمل )والو ...أش هيجبني ..للهنا واللللو !!...غير تالف فالطريق ...
عائشة :(قربت للعندوا بقلق) عز مالك !
عز العرب : ممالي والو ...!
عائشة : نو ..بيك شي حاجة ،بليززز قولي ..مالك !
عز العرب : (قرب كيتربص بيها بعينيه كون ماحشم هيدير هنا شوهة ليها.)....مفرحناش تشوفيني ..! فرحانة نكون بعييد علييك ...،عاجبك ...الحال ياك !(سول راسوا وجاول بنفس الوقت )
وي ماهوا بايييين ....خلى ليك الجو غير مشي وعجبك ..تمشي وتجري وراك الزلالة ...كيف الكلاب كينبحوا ...
عائشة : عز شنو هاد الهدرة ...!
عز العرب : مكاين لا عز لا ز* ...تحركي قدامي ..
الهدرة ماشي هنا .....
عائشة : فهمني مالك ...معصب ..!
عز العرب : هأوااااا ...على مالي .،لا ممالي والو ..غير من الصبح ونا هابل بالصوني عليييييك فالتلفون ..ونتي أخر همك تهزيه وتردي عليا ..بالعكس ...غادة كتعواجي فالزناقي ...!
عائشة : وحق الله ماسمعتوا ...ولا طليت عليه ملي حطيتوا فساكي...!
عز العرب:(ماهموش مبررها )شنو هاد الشوهة لي لابسة ...!?
عائشة : عادي ...لباس عادي ...،
عز العرب : أه عادي ..الا جيت نزلت عليه يدي ..يتقطع .بقوة ما مزير على لحمك..،شنو انا شماتة عندك ...ماكنحس ما كنخرا ...!
عائشة : ماتهدرش معايا هكا ...انا مدرت والو غلط ...
عز العرب : هنهدر مع زبور مك كيف بغيييت وأجي منعيني
عائشة :(هزات كتافها ..باغة دور ) لا صافي ما بقات هدرة معاك دبا ،سير حتى تهدن ..
ونهدرو فهادشي ..انا غاده لافاك تابعيني دروس ...
عزالعرب :هنفدفنك واقفة تما ودبا نيت ، ..إلا مازدتي قدامي ...
عائشة : سير حتى تبرد ...دبا نتا ماشي فوعيك باش نهدرو ..
(شدها من قفاها وجرها ..حتى للطموبيلتوا ..ديك الفحمة بوعوينات ذهبيين ...، وحل الباب راميييها ..فالجهة لي جنبوا ....
خرجهم من داك البلاصة ...ومشى طايررررر مع الطريق كل دقيقة كترجع حتى كتبغي تزدح قدامها .،ولات خايفة لا يقلبهم فالطريييق ..بهاد السرعة الهائلة ..)
عائشة : (كتغوت مخلوعة بالمعقول )حبس ..حبس ...عز حبس ..هتقتلنا ...بزوج هكا ..
(صغر عينيه ماجوبهاش ..فاتت شوية وقفهم مع واحد الخلا
،وضرب الفولون بجهد .....)
عز العرب :فاككككك ...فاكككك ..هتخرجيني على عقلي ..
هتخليني نقتلك ..بفعايلك ...
عائشة : علاش كاتهدر هكا ..بليزز راكي كتخلعني أنا مدرت والو لي يخليك باغي تهد الدنيييا عليااا...

#تحت_رحمة_سادي
#بقلم_Sofi_Brada
#بارت42

عزالعرب :(زأر بصصوت وحشي ) ماتقوليش مادرتي...والو حيت درتي.....
حلي وذنيك مزيان ...من دبا للفوق ...شفتي النفس باغيك ماتنفسيها ..حتى نأمرك ...، باغي كلشي يدوز عليييا اللول ...،ماشي سوقي فين ..ولا شنو عندك ..أنا اللول تعلميني ...وتاخدي مني الإذن ، ..ماتوليش تقوليلي رفيقي ..صديقي ..فلافاك ...هنجلس معاه فالبوڤيط ..
عادي كنفطرو ....مكاينش عادي ...ومكاين صداقة ..مسحي مها من دماغك ...كاين أنا وبس ...(جبد دوك الفرافر لي فالبودي لي لابسة ...وعينيه دماررر )
فايت گايل ليك ...مكنحملكش تلبسي ..المزير ...،علاش لابسة هكا ..على قلة الحوايج المحترمين ..وشنو هاد الصباغة المائية لي ملونة بيها وجهك ..،كتباني بحال ق*اب الخلييج ...
مسحيه دباااا...
عائشة :(كتحاول تبين قوتها قداموا) لا ...وباركة ماتغوت عليا من الصبح ونا صابرة ليك ..مالك جاي طافي عليا !?
عز العرب :(بالغوات) مسحييييييه ...دبا ...
عائشة :ماعندي باش نمحسوا ..وزايدون كلشي كيدير الماكياج ماجتش غير علييا...
عزالعرب : نتي ماشي هيا الناس ...
(ودفل فيديه ...ومدوز على وجهها بعصبية مجلخ ليها كاع وجههها ...عيات كتدفع وتخصص ..ماطلقها حتى ..ذوب كلشي فوجهها ولات حالتها حالة ،تقول هاربة من السبيطار وكملها لوى شعرها على يديه ...جارها للوجهوا كيهدر ما بين سنيه..،ورامي لييها ..كلينكس ..)
عز العرب :دبا مسحيه ...مزيان ، كنشوف فيك كتعيفيني ...
(ودفعها ...حتى تزدح راسها مع ..فين جالسة ..،
مشات كتمسح وجهها ودموعها علاين يهودو عاضة على فمها باش ماتضعفش ..وينزلوا ...كيجيريو ا ....،
طلعها ونزلها وهوا عاقد حجبانوا كيف شي شيطان )
عز العرب : عجبك الحال ..خارجة مزيرة على زكك ..وصدرك خارج ....،هانية عندك لي ما شرى يتنزه
شحال من ...قواد ...تبعك ...وعطاك نمرتوا (كيهز صوتوا ويغوت )شحال ،غير عديهم علييا ..فضولي قاتلني باغي نعرف ..أنا حاجتي ....ولاى كلشي شاركني فييها اليوما...لي ما ضسر ...شاف .....
(جر يديها على غفلة بزعفة وحطها على ديييالوا ...،شافت فيه بعينين مخلوعيين
ومفافية من ..لوجيسط ديالو ..، حاولت تجر يديها للعندها،ساعة ..قبطهم مزيان وبعنف ..حتى سدت عينيها كتوجع وطلقت أنين من الألم ..،ورجع وحطها تما ....مزيان ، كيتحسس بيديها فوق إنتصاب العمدة هه)
ولي شاف هاد اللباس ....ها شنو نودتييي فيييه ..غريزتوا الحيوانية ...( هزها بعنف ..كيغوت بغضب ..عاد دفع يديها ..حتى ترددت وتزعزعت فبلاصتها،
شدت ...فيديها كتمصدها وتبكي بلا دموع مصدومة ومقادرة تهدر ولا توصف شنو كتحس بيه ...،ونيت صدمة
تخرس أي كان ...عمرو كان وقح ..وجرئ وكيخسر الهدرة معاها ولا يهدر معاها هكا ويكون هايج ...قبيح ...،اليوما شافت الدوبل فايس ،الوجه لي عمرررها شافتوا الصراحة كلمة تخلعت قليلة فحقها ...)
عائشة :(بعناد جاوبت كتمتم وترد شوية من كرامتها المسلوبة)أنا ماشي حاجة ..أنا بنادمة ..
من حقي ..ندير لي بغييت ،من حقي نلبس ..لي بغيت ،
ماهتجيش نتا تقيييد حريتي ..ونا حرة ...هندير لي بغي...
عز العرب :وي ديري لي بغيتي وشوفي ساعتها شنو هندير ...فييييييك ...، (وهز يديه حتى للسمها ..كان علاين ينزل عليييها بطرشة ..للحنك ، غير شافتوا هكاك رمت ساكها ..وهزت يديها مخبعة وجهها ...وكتحميه من بطشوا ..ندمانة على هدرتها،،،يمكن داك الحركة لا إرادية لي دارت طاكي بيها وجهها والخوف ..منو ..نغز شي حاجة فيه وخلاه ينزل يدييه للأرض...، وفعاوط ما يبرد فيها جنون جنونوا ..،فرتك لييها الساك وهز داك التليفون لي شحال وهو يصوني علييييها فييه ...بلا رد و وهرسوا مع الفولون دالطموبيل ..حتى ما بقى فيه ما يتجمع ولا فراتت ...بين يديه ...،مقدرتش تشوف فييه بقات غير مخبعة وجهها وكتنهد ..وتشهق .برعب....من إصراره لي كيخوف .والغيرة لي فاتت حدودها ...،)

تحت رحمة سادي
#بقلم_Sofi_Brada
#بارت_43

عز العرب : ششفتي شنو خليتيني ندير ...(حط صبعوا على راسها ..بنبرة محذرة )
أحسنلك وخير لييك تخلي دوك التهديدات الخاوية للراسك و تقادي ..معايا ، ولا هتشوفي الوجه الثاني لي ماعمرك ماشفتيه ...ولي كيخلع ..،هادشي ديال دبا ..كيف والللو ..،مزال ماطلقت فيك سَمِي ..دبصاح ..
هاتَقي شري هاد الساعة ...وهننسى شنو سمعت منك ...
حيث إلا مشيتي حتى زيگزاگيتي معايا...هنفذ كلامي ...
وساعتها ..هتوقفي على هدرتي ..وتقولي ياريت لي فات يولي ....إتقفنا !
( هزت راسها بخوف ..ماكتشوفش فيه ، زادت إستفزاتوا هكاك ...،جر يديها ...شادهم فيد وحدة ...،و شدها من فكها بارك عليه بقسوة ، ودور وجهها ..بسيف للناحيتوا حتى طلعت عينيها ..وجات فعينيه ..وهمس ..بنبرة خطيرة..تجمد الما فالركابي )
عز العرب : كتعرفيني مكنبغيش نعاود هدرتي ...،ملي نكون كنهدر معاك شوفي فييييا ...مفهوم ...،
(هزت راسها ...، رمقها ..بنظرة مشككة بحالا ما فهمش. حدو حط يدو ورا وذنيه ..بثمتيل زائف ..على أنه مزال ما سمعها و.مزال كيتسنى ردها ...،فهماتوا بغاها تهدر)
عائشة :(بصوت خافت )أاه ...فهمت ...
عز العرب : كتعجبيني ..ملي كتسمعي الهدرة ...
عائشة :(انفجرت بهستيرية فوجهوا ) أنا مدرت والو ...مادرت والو ...مادرت والو ...علاش كتعاملني هكا !
عز العرب : كون عرفت مالي وعلاش محيح دبا كون داويت راسي ...براسي ..
عائشة : كتعصب على والوووو ..،ماعمري درت ليك شي حاجة ..ماعمري ..شفت فشي واحد من غيرك ...
بوحدك ..لي كنبغييك ..بوحدك ..لي باغة نكون معاه ...!(قالت هاكة .باش تحسسوا بالذنب ..على كل كلمة جرحها بيها ...)
عز العرب :(بدى يحس بتأنيب الضمير لكن غير تخيل شحال من واحد ..شافها اليوم وعراها بعينيه ..تضرب كلشي فالزيرو ورجع للهيجانوا ) تزيدي كلمة أخرى ..هنخمج ليك وجههك الزوين ولي فرحانة بيه ..ومزوقاه كيف المونييييكة ،،،،،فين كنتي !....فييييين ..كنتي..قبل ما نحصلك فالزنقة ..!
(على إثر صمتها ..ناد كيعاود سؤالوا و كيصغر عينيه فيها بشك ...وحذة )
هدري ماتجننيش ...جنونييييي .كثار ماراني ساعررر !
عائشة :(الهدرة وحلات فحلقها شحال ..عاد خرجت ) كن ...كن ...كنت ..فسناك كنتغدى ...عرفتي السناك لي غير قريبة لافاك ...(سكتت كتقرى وجهوا )
عز العرب :زيدي .. كمليييييي ...كنسمعك
عائشة : حيت اليوم كان عندي بروجي فلافاك ..وموراها وقتي مزير داخلة ..
عليها بقيييت وتغذيت فالزنقة باش تجيني ساهلة نرجع لافاك ...ونكمل ..الحصص ليعندي ...
عز العرب :(جلس كيتغدد ويضرب فيديه ) هادشي درتي البروجي .... ومزال عندك الوجه باغة تكملي الحصص ونتي معرية عليييه ..أدوِي !
عائشة :(كتحرك راسها بإستسلام ) عارفة راسي غلطانةةةة...متزيدش على ما بيا ...،
عزالعرب : لا هنزيد باش نبين ليييك ..شنو كاييين وكيفاش كتباني ...للفانييين ..بحال صحاب غنوة خاصك غير ..سراتل ...ديال ..الذهب وخلخال فرجلك ..و دخلي تشطحي ليهم ...!
و شحال من مرة قلت ليك شدي طاكسي .ولا عيطيلي نوصلك .ماتمشيش على رجليك ...من داك القنت ..(قطعاتوا فالنص...بالغوات ..)
عائشة : صافي ..باركة ...باركة ...باركة
(غوتات ..حتى عروقها علاين يخرجوا من عنقها بقوة ما
باينين...كيزدحوا ..وإنفجرت ..بكباء حاد ،كتبكي و تقول ما بكات ....
هو ضعف قدامها وبحالا تنادم معاه الحال ...على صورة دمعتها وصوتها الباكي ...)
عزالعرب :(حط صبعوا على شفايفها لي كيرجفوا بالبكى )أوشش ...متبكيش ..عايشة ...عايشة ..سمحيلي ...، مي هيَجتي ديلمي ..اليوما ....،خاصك تفهميني ..غيرتي مقودة ..بزافففف يمكن ...نسامح فكلشي إلا ..انني نولي ملعوب وضحكة ...وحاجتي تولي فرجة ..للشماييييت ...
( ركز فشفايفها ....متملكاه رغبة رهيبة ..، مقدرش يحبس راسوا ...،شد وجهها بين كفوفوا ..كيشوف مرة فعينيها ومرة ففمها ...،وحنى ..باسها بخفة ...و قبل ما يرغمها على أكثر ويهيج ويتعصب إلا مبادلاتوش البوسة ..،داز للحناكها ...بحال هه ممسحة ..،مص وجفف داك الدموع ...لي نازلين ... بفموا ، ورجع راسوا لور كيشوف فعويناتها لي كيذوبوه ويجيبوا ليه التمام ...،كانو كيبرقوا بخوف ...دهشة ...حزن ...،عرف راسوا ...خلعها .ودوخها
بأفعالوا ..طلق من وجهها وهي كتشهق ...وطأطأ راسوا للجنب ..قبل ما يهدر .وللأول مرة هيخرج مكنونات صدرو بكل صراحة ...حيت قبل مايعرفها ماكانت حتى وحدة كتعني ليه شي حاجة ..كثر من نزوات ..كان لي هاموا وعاجبوا ..يبان بيهم ...قدام صحابوا ..،ولكن مع عائشة بدلات منظوروا للبزاف حاجات مبقاش كيشوفهم بنفس النظرة ...،خرجت أحسن حاجة فيييه ...و خلاتوا يحس شنو معنييية تكون إنسان طبيعي ...من جديد ..،وتستمتع بأبسط الحوايج ...بحال أي كوبل عادي ..فعاوط السهير والليل ..وخماجوا ..
كان نسى راسوا وناسي ..هادشي ..ملي كان مع كاميليا ...ولا لورا ولا جينيفر ..عدد كبير منهم ...هما دازو على يديه ، كان ك.يتباهى كيفاش ...كيذلهم ..ويجيب زنافرهم للأرض ..وهما ...فرحانين بداكشي ..وعاجبهم ..العذاب على يديه ..،شحال من واحد كيتمنى يكون فبلاصتوا وتكون عندوا داك السلطة ..وشحال من وحدة كتمنى تكون فبلاصة هدوك لي باسط عليهم سيطرتوا ...وخاضعين ليه ..جسديا ومعنويا ..)

#تحت_رحمة_سادي
#بقلم_Sofi_Brada
#بارت_44

عز العرب :(دوز على شعرو .بتنهيدة ) عرفتي علاش بغيييتك ...حيت نتي مغايرة....وبسباك تغيرت نظرتي للحياة
بغيت الطريقة ..باش كتهدري ..كضحكي ..كتحركي ...كتلبسي ...شخصيتك الحلوة ..، شغفك ..فالدنيا ...وصدقك ...كتعطي ..ومكتسنايش المقابل
كتفيقي وتخرجي ..شعرك مشعكك فالسمى ..ومهامكش البشار ..، يكون لي يكون ..نتي هيا نتيا مكتبدليش .
وتصطنعي باش تعجبي بنادم ...كيف ماكان ههه .وخا يكون أنا ! فاللول كنت كنتعجب فيك .. ومافهمتش كيفاش ..كتعطيك نفسك تهملي راسك ساعات ...وتخرجي بحالا ضاربك تران ( شدت ضحكتها بسيف وعينيها مدمعين)
مي مع الوقت ...ونا كنتعرف عليك ..مبقاوش هامني المظاهر حتى أنا كيف ماكنتي ...
وليكان كيجي عليك زوين ..بلا ماجهود بلا والو ..كتباني ليا أيقونة جمال ...وطبيعيية ...ومرحة ...وشيطانة ...
بحال شي درية صغيررررة ...ملي مكتاخدش شنو بغات كتقلبها مقالب ..، بغيتك تبقاي هكاك ...متبدليش راسك باش تباني بشخصية غير ديالك ..لا بالعكس لي بغاك ..ييغيك كيف ما نتي ...فأسوء حالاتك وأجملها ..
ونا هكاك بغيتك من كل قلبي ...
( مجاوبتوش غير كتبكي ...وتهرنن تبوحيط هه ونص متأثرة بكلاموا )
عز العرب : (كيطبطب على كتفها )عائشة شوفي فيييييا ...!
عائشة:(كتغنج ودلع عليه ) لا بغيت ننزل بحالي ...حلي الباب نمشي بحالى ..
عز العرب :(شد راسوا بيديه بزوج ) واش اعيباد الله كنقول ليك كنبغيك ونتي غادة باغة تنزلي ...كنبغيك كنبغيك كنبغيككككك ...
عائشة :(تبسمت وعينيها مدمعين وقلبتها غوباشة فيساع بعناد فيه قالت )وانا مكنبغيكش يلاه ..
عز العرب :(هز صبعوا بلا فوجهها ) لا كتبغيني ...بإمارة ...داك النهار ..تعقلي ..!
عائشة :لا معقلاش ...حتى شنو كليت لبارح ومكنبغيكش غير كتعجبني ودبا وليت نكرهكك....
عزالعرب :(دور عينيه بتأفف) مهنديش عليك دبا حيت عارف راسي ..عصبتك ..،مي حاولي تشوفي الحاجة من جيهتي ..،جاي موحشك ..هنحماق بالتعييييياط ...تسنيت حتى طبت بعيد على لافاك ..حيت سيادتكم مباغة حد يشوفك ...معايا ..كيف كتقولي ...هيأولوها كيف بغاوا ...ويخرجوا عليك الهدرة ماعلينا ...(وهي فالحقيقة مبغاتش عبدوا يشوفها معاه ويكون موقفها حرج قداموا ،وخا هيا حاسة ..مكدير حتى حاجة عيب، ولكن مبغاتوش يشوفها والسلام معاه ..ويشوف فيها ناقص زعما رغما شنو قال ماسمعتش ليه ودارت لي فراسها )
عز العرب : وملي مبان ليك حتى أثر ...زدت شوية ..،حتى كتباني ليا فالطريق كتعواجي بنصك ...و كنلقاك غادة وواحد الشماتة موررررراك ..شفتي ملي مقتلوش راه عندو الزهرررر.....!
زيدي عندك ..غير وقفت عليييك ..مكاين لا فين حبيبة توحشك لا كبيدة ، صدماني شنو كدير هنا ..واقف كنتشمش ..مالقيت ماندير ..مثلا ً
وجيت نتقاتل مع عيباد الله ....
عائشة : فهمني ..غير تصدمت ..مكنتش مستنية نشوفك .!
ونا فبالي راك ..فأخر الدنيا مسافر ...وزدتي خلعتيني..كتضرب فهداك...باغي تقتلوا ...كيفاش بغيتي ردة فعلي تكون !

#تحت_رحمة_سادي
#بقلم_Sofi_Brada
#بارت_45

عز العرب : مي خاصكي تعرفي راني كنت بحال الهبيل كنقلب عليك ،كنعيط مكتجوبيش ....تقلقت عليك للواحد الدرجة أنا براسي تخلعت من راسي ...كنقول مال هذي ..
شنو واقع ليها ..، زيدي عليها ...ربعيام ..ماسيفطتي ميساج ماهدرتي معايا ...،بحالا زايد ناقص عندك ...كيف بعيد كيف قريب حتى حاجة ..مكتأثر فيك من جيهتي !
(عز ممولفاش ليه ..شي وحدة تعاملوا بجفاء هكا ، موالف
بيهم هما ديما محتاجين ليه و كيرميوا راسهم تحت رجليه ...،ديما لاصقين فيه وكيسولوا ..عليه ..،يعني يضربهم ...مايخلي ما يدير فيهم ويوليوا راجعين ليه متشبتين بحال العمى فالظلمة ...كثار من قبل ..،هادشي مالقهاش مع عائشة ...، مكتبانش مهتمة بزاف كثر من الازم ...وهادشي خلاه ...يترمى برا من دائرة جلمودوا وكبريائو ...و يطيح من داك العرش العالي لي كان مفروش ليه )
عائشة : ...ماشي هكاك ....،وعلاش ...نتا ..نتا ماسولتيش فيا ..!
عز العرب : (بإمتعاض) حيث حمار ...،فكرت ..نبعد ونعطيك مسافة تيقاررر ..، باش نشوف واش هتوحشيني !
عائشة: (مطت شفايفها ..وقلبها كيفرفر للداخل )تشوف واش هنتوحشك ! واوووووو.....هذا أقل ما يتقال ..حيت كلمة توحشتك قليلللللة ....
ونتا كل ماكان شاغل بالي ...، كنفيق ...كنفكر ...كننعس ونا كنفكر فيك ...،ولا دقييييقة فاتت وماجيتيش فبالي ..
القراية بوحدها ..لي كانت شوية كتشغلي ..عليك ..وتهد حيلي ..،
عز العرب : وعلاش ..الزمر..ماتقوليهاش ...نمرتي عندك ..
عائشة : (بنغمة سخرية )قلت نخليك على خاطرك بلا مانصدعككك ...ونتا رجل أعمال كبيررر وقتك من ذهب ماشي بحالي !
عز العرب : سكتي ..سكتي ..ماديريش فيها عايقة ..وحليوة ،قبل مانلسقك مع السقف دالطموبيل ...
عائشة : (عقدت يديها عند صدرها وتبسمت بالجنب ) هِمَجِيي ..
عز العرب : همجيييييي.. ولكن لييييك ومعاك وعليك ...نقربْل مو العالم وهذا لي يحاول يقيسك غير بعينيه نقلعها من بلاصتها...خوديها مني ....مكنرحمش ...فهادشيييي....سو ديري بحسابي...
واخر مرة ديري هاد العجب فوجهك وهاد الحالة ...لي لابسة
سمعتيني ....
(حركت غير راسها بأه ....
عائشة : غيرتك شي مرات كيوت وشي مرات يالاطيف منها !
عز العرب : صبري معايا ..،ماعمري عرفت شنو هيا الغيرة
ولا كانت من طبعي ...،خاصني نتعلم كيفاششش ..نسيطر عليها ..ونتي خاصك تعاونيني ..ماشي تخرجيني على طوعي ..وتزيدي تخرجي عينيك فيا ...وتسولي علاش ومالي ...!
عائشة : هذا شك ..ماشي غيرة ...
عز العرب :(بمرح مصطنع وعينيه كيترجموا لي على لسانوا) هكا أنا أحبيبة حسبيها شك غيرة ماكيهمنيش ...لي كيهمني هو يا أنا يا حتى واحد ...
يعني تشوفي هاك ولا هُوك ...هنقتلك ...وندفنك ونزيد نزورك فعزاك ...
عائشة :(حلات فمها ...ماعرفت تاخد كلاموا بجدية ولا مزاح ..غير ضحكت بإرتباك ملحوظ ) أوكي ..هاهاها ها ...ماكضحكش .
عز العرب : ويلاه أري نيت شي بوسة .على ود هاد الضحكة ...باش نصفيوا الخواطر ..(شير بصبعوا للخدوا )
(شافت فيه بحالا كتشوف حمق حداها حال وحوال ،وقربت ناحيتوا ...،غير جات تطبع بوسة خفيفة على حنكوا ،زرب عليها فلمحة بصر ودور ...وجهوا حتى تلاصقوا شفايفهم ..فملحمة وحدة ...،توسعت عينيها من الغفلة لي دار ليها ..،هو زير يديه .على وجهها باش ماتهربش ..منوا ...، وغرقها فاللحظة حتى إندمجت وذابت بين يديه ..وقلبها كيشطح ههه طالق الطرب .الأندلسي ،
برك ..بشوية ...بنابوا على فمها..حتى حلاتوا ..مرغمة كتأوه من العضة ،و دخل لسانوا گود ...كيعوم وسط فمها ...وهو كيفور كيحس بالسخانة طالعة ليه من للتحت للفوق والسروال كيتزير على الدجال الأعور ..الغدار ..قاهر الفتيات ..، رجع راسوا لور كيشوف فعينيها ..القهويين والكبار ..ذايب فيهم و مهووس بوجهها الملائكي ...همس مابين ..تنهيداتوا الحارة "كنبغيك .."
نزلوا دميعاتها ..بتأثر ...حيت اليوما ..وللأول مرة كيعترف بلي كيبغيها ...حرفيا ، عمروا مانطقها وهي عمرها ..ما بززت عليه ولا دفعاتوا ...ينطقها .كيف نطقتها ،خلات الأمور تاخد مجراها الطبيعي معاهم ، حيت ولو منطقهاش ..كلشي فتصرفاتوا كيبنوا الحب المرسوم فعينيه فكلا مرة ..شافها ،
باس دموعها ..مبعدهم من عينيها ..،ورجع للفمها بكل شغف
وحاجة ...وجوع ..كيمارس طقوس وفن القبل عليه ،من بعد ما شحفها مزيان ..وطالب الزيادة ،دفعاتوا ..من وجهها وقطعت ..اللحظة حيت بان ليها السيد ...شعل شعلة وحدة ..وأجى مطفاه ..، شاف فيها شوفة الذيب الجيعان غير بعدت منوا ...بقى كازز على فموا وساكت وحط وجهوا على الفولون كيتنهد...،بان ليها الجو مكهرب ..بغات تهدر .)

#تحت_رحمة_سادي
#بقلم_Sofi_Brada
#بارت_46

عائشة : ...وخا توصلني لافاك قريب عندي وقت الدخول
(واسكتي المسخوطة ما كتشوفيش حالتك وكتقولي باغة تقراي ....شتي ويعيطك قتلة والله لا فكيتك منو ...أحيزبونة...)
عز العرب : مكتقشريش ....مكتحشميش ...
عائشة .: عنيت توصلني ..شوية قريب للدار نبدل هادشي لي لابسة و نولي لافاك
عز العرب : مكاين لا لافاك لا غيرو اليوما ....
عائشى : هاء وشنو نديير ..!
عزالعرب : مكتحتاجش ذكاء خارق ..،هتبقاي معايا ...موحشك ...ولا نتي عندك راي اخر !
عائش: لا حتى انا توحشتك غير ..وك..
عز العرب : مكاين لا كان ولا يكون ..لافاك ماهطيرش ويمكن ليك تكوبي اي حاجة من عند صحاباتك ، العشية هتبقاي معايا ...
عائشة : هيا إلا تحركنا ..منا ..،فين هنمشيوا بعدا ..
عز العرب :هنبدلوا هاد الشراوط لي لابسة ..!
عائشة :(قاطعاتو) هاء ..علاش ...مالهم ..!
عز العرب : بلا ماتسوليني مالهم ..ولا هندوز فيهم بمقص ونخليك تمشي عريانة فالزنقة ...،شنو عجبك نديك..تشري حاجة ..تستر هادشي (ودار سكانير بعينيه عليها)..ولا الإختيار الثاني!
عائشة : ولكن ...راه ماجبتش معايا فلوس زايدة ..
عز العرب: علاش كل حاجة ،لابد ديري ليا فيها ميات عقدة ،
رزقي ونا حر فيه ، هنشريهم ليييك....وتَخْدِيهم بسيف عليييك ...!
(بغات تهدر ...هز صبعوا كيهد عليييها تسكت ...،سكتت مضظرة ) ...
عز العرب :(حك جبهتوا ) فين وقفت ...قبل ، أه ...
غير تبدلي هاد الحالة ....،هنخرجوا و نشبع من وجهك
ونختومها بَعشوِية تحت الشمع الراس فالراس ..وعاد نقول ليك ...تصبحي على خير ..
عائشة :(صفقت كتشوف فيه بشغف) أوكي ...متحمسة ...
عز العرب :(سيفطلها بوسة فالهواء طايرة وعينيها كينشهوا فلحمها كيطلع ..ويهبط ) مواحححح....
عائشة :(عاقت بيه قادت جلستها ..حشمانة ، وجمعت داك الصاك لي خواها وحطاتوا عند حجرها ) هيييي...شوف ..قدامك ....،ويلاه نتحركوا من هنا !
عزالعرب : زوينة عندك هاد شوف قدامك ...، ونتي شعلتي فقلبي للداخل لعافية ...وخليتيها ..شاعلة ...
عائشة : وشنو المطلوب مني ..،نجيب ليك وِيوِيوْ ..
عز العرب : شنو هاد ويويو ثاني ..
عائشة : ههه البومبية حيت العافية شاعلة...فففف ..(تفافت تما غير كتهز حجبانها وتشير للموقع الحدث ..بمكر )
عز العرب : كطنزي عليا لللمك ...
عائشة : حاشى أعمري ،غير لقيت ليك الحل ....
عز العرب : (جر وجهوا للعند عنقها ...كيشم ريحتها ..وكيهمس ) دوايا عندك ...نصيبُوا ..،مزال مبغاش يهديك الله علييييا ..وتحني ،حيت هاد البوسان مبقاش ..
كيشبع الجوف ...غير كيزيد يحرقني ..
عائشة :( دفعت وجهوا بسلاسة ..كتشوف بيه بتحذير)
حتى نتزوجووووا ...ولا نتا مانويش معايا الحلال ..
عز العرب : (ضحك بسخرية وبصوت عالي )
الله أودي ...ناوي .....،ولأن الحلال أجمل هنتسنى ...!
إمتى قلتي ...تهدري مع داركم علييييا !
عائشة :(صفارت وخضارت ..الكذبة دباها حي مزال كتخدم عليها .كل مرة تجي تصارحوا كتأجل ، كيفاش هدير وتفتح معاه الموضوع بلي كذبت عليه ،) أه ..قريب...، على منسالي ....الإمتحانات ...باش نكون متفرغة ..وبالي هاني ،
ونتا هدرتي عليا للعائلتك ...ولا لا !?
عز العرب : (بلا مبالاة فعينيه) أنا لي هنتزوج ماشي هما !
(سكتها ..بهاد الجواب ...القاسح .،وديمارى الطموبيل ...
وحل الشراجم ...،عجبها الحال ..،شدت ذقنها متبعة الطريق
والهوا كيلعب ...فشعرها ...، دارت للعندو غير سمعت الأغنية
لي شعل ...ديال الشاب خالد .."عايشة" ....
وتبسمت ...بفرحة ..،شاف فيها بجنب عينيه ...،قبل ما يتفكر واحد الحاجة.....ويطلقها بضحكة ...)

#تحت_رحمة_سادي
#بقلم_Sofi_Brada
#بارت_47

عائشة : شنو كيضحك ...ضحكني معاك !
عز العرب : هههههه .هههههه ، مقادرش نسى نهار ديال "الباراشوت" ...،ملي وصلنا للأرض ...ههه وشديتي فقلبك
وهازة صبعك كتشهدي ...، وبطريقتك ..الحلوة ..قلتيلي .. ليا إلا جاتني سكتة قلبية ...ومت ...
عرف بلي كنبغيك ...ومندماش ...عليها...!
عائشة:(ضرباتوا للكتفوا ..بتلاعب ، وحدرت مغطية وجهها بين يديها ، محرجة من راسها داك النهار دارت من راسها كْلُونْ ...) ضحك بيهم رايبين ....،معاك بصاح كنت هنموت ...داك النهار ...ومكنتش موجدة ولا مستعدة نقز ههه من السمى السابعة ..للأرض..
عزالعرب : فراسك....ماكاينة حتى حاجة هتفرق بيناتنا حتى من الموت .، اما داك النهار درت شنو كان خاصني ندير .قلتي باغة تنقزي ببراشوت ...وتررررَا حققت حلمك ولكن بغيتوا يتحقق معايا !
عائشة :(مسحت وجهها ،بشبه إزعاج ) هه أنا وباز ليك، نتا سولتيني شنو
لي كتتمناي ومحققتيهش ...،جاوبتك على نيتي ...!
محسابنيش ...من جد عقلك ...هتجرني حتى للتما مغمضة العينين وتقولي مفاجأة ...ههه بليز خلي مفاجأتك عندك .من دبا للفوق ....
عز العرب : منظمنش ليك ..هاد الهدرة..،معايا ...توقعي ..كلشيي...!
عائشة :(غلضت صوتها كتعيبوا بكل عجرفة وإنِية ) ههه وحيت أنا ..هكا ..وماعمري هنتبدللل ...
عزالعرب :(قرصها من حنكها بزربة ) تنكري ..هادشي ...
عائشة : أبداً ...ونا هكا كنزيد نموت فيك ..، حيت متهور كتحسسني بلي كلشي ممكن معاك ......
( متكلمش ...غير ضحك والضحكة وصلات للعينيه ،فلحظة
شاعرية بحال السحر ..تبادللوا نظرات طويلة كانت أبلغ من الكلام نففسوا.....،.و دور عينيه ..للطريق ...كيتفكر )
"فلاش باك ..."
كان جالس ..مكونستري فالطريق.....من بعد ما سيفط ميساج ..للواحد من أعوانوا ...، باش كلشي يكون واجد ملي يوصل ..لل"بني ملال"....
شافت فيه ساكت ..ماشي من عْوَايْددُو ...
عائشة : شنو كاييين ...مالنا ...بحالي غاديين فموكب ديال الجنازة !
عز العرب : (دار كيشوف فيها ساهي وحاط صبعانو على ذقنوا ويد الثاني كيسوق بيها) هممم ...شنو قلتي !
عائشة : فين غادييين !
عزالعرب : هههه صبري على خبزتك شوية ، مفاجأة الا قلتها ماهتبقى لا مفاجأة لا توزة ...فهمتي أعويشة ديالي !
عائشة : أه ...فهمت...،المهم هندير شوية موسيقى ..هاد السكات قنطني ...
عز العرب : خودي راحتك ....
(جبدت....كارت ميموار من التلفون ..ديالها وبرونشاتها فواحد اللعيبة بحال .."usb" ودارتها ..تقرى فالطموبيل ،
وبداو الأغاني لي تما كيطلعوا ليها فالشاشة ..ديال المسجلة،
وطلقت شاكيررررا....وطلقت حلقها...كتهز فكتافها ..وشدها الحال ...،حل فيييها فمو....تسيفت عليه فخطرة وحدة )
عائشة :
Oh baby when you talk like that
You make a woman go mad
(مد يديه و قلب الأغنييية ..كيضحك من جد عقلوا )
عز العرب : هههههههه بقات ليك غير شاكيرا ...،غا قوليلي منين كتطفاي منين ..،تقولي ملصقين ليك بريز ديال الضو ..بْلاَها ..موسيقى ...خلييينا هانيييِن ...
عائشة :(بعناد فيه ..رجعت شعلت الموسيقى) ماباغي تصنت ..وباغي تحرمها على كلشي ....(ودوزت الديسك للأخور نيت ديال "شاكيرا" وتبعت كتغني معاها )
عائشة:ليلِيليِليليِلي....،...وينِيڤر ...ويرِيڤر ...،ويمِينْت تُوبي توگيدر ،
(ضد فييها بدل الموجة ...وجى أغنية تالتة حافظاها حتى هيا)
عائشة :
Well, I don't need a parachute
"مامحتاجاش ...باراشوت "
Baby, if I've got you
"ونتا عندي .."
You're gonna catch me
"هتشدنيي ..."
You're gonna catch if I fall
" هتشدني ...إذا طحت "
Down, down, down
"للتحت ...."(ههههه قبلوا على الترجمة )
( مبدلش ليها الديسك هاد المرة ...،خلاها على هواها كتحنقز تما مجهدة ليها على أحر من جهدها ..وكتغني معاها ..وهو كيضحك فخاطرو ويقول "دبا نشوف ..هاد الزعامة ...والجبهة ملي نوصلك ...للباب الطييارة ..تنقزي ،
هه هتولي طلبي السلة بلا عنب .."
غفل عليها شوية لقاها كتسرح عجول الأخرة متكية راسها على الشرجم والهواء كيلعب فمقدمة شعرررها ..، بيد شد سايق ..ومد الثانية ..متكيها ...فبلاصتها لا يعواج عنقها هكاك ويضرها ، طفى الموسيقى مرة وخلاها ...ناعسة كيتبع ...ليها العين مرة مرة .. حتى وصل ..مبتغاه وعبر واحد البوابة ..كبيرة ...ودخل للداخل ...، تما ...طل ..عليها قداموا كانت باقة ...ناعسة ...،
صورها بداك المنظر لي كانت فيه ..،حالة فمها ...وموسدة صاقها تحت راسها...ورجليها هازهم للكرشها بلا سبرديلة إمتى لاحتها مانعرف ...، عاد تحرك كينغزها ...)
عزالعرب : بسسسس....كَسْكَس ...زين وا فيقي ..راه وصلنا ...
(تهزت مخلوعة كتشوف بجنابها وتشوف فيه وتشوف من الشرجم..سادة عين وعين مقوساها ..وحنكها فيه طبعة كبيرة حمرة من الصاك لي نعست عليه )
عائشة: فين انا ..شكون نتا .اش كندير هنا !
عز اللعرب : بسم الله عليك ..هادشي غير نعستي ساعتين دالطريق جاك زهايمر ....كون خليتك تما ستة دالساعات ،
متعقليش حتى على سميتك ...

#تحت_رحمة_سادي
#بقلم_Sofi_Brada
#بارت_48

عائشة :(تفوهت ..ورخات عينيها سداهم من ثاني ..كتمتم بشوية) خليوني ..نعس ...باقي....الحال ....
(عزز عليه يفيقها ثاني ...،خلاها غفات شوية ...، وشعرها تفسخت العقدة لي دارت ليه ونزل بإهمال ..على وجهها ..
،نسى راسوا كيشوف فيها....كيف كل مرة كيشوف فيها نفس الإحساس ..كيتردد ..حاجة ..فيها أقوى منوُ ..كتاخدوا وتجرو ليها ،.بعد ..واحد زوج خصلات من عينيها.. ضايقوها ..،
وخشى ..يد وسطها شعرها كيلعب فيه ....ومرة مرة كيتلمس فوجهها ..بقبلات حنان ..وخفاف ، زادت أنفاسوا كتسخن ..وتسارع كلما قرب كثر للوجهها ..، زول يدو من شعرها ...نازل حاطط صبعوا على فمها ..كيدوزو بشوية ويتبع حدودو....و اللهفة والشوق فعينيه ..
قرب للعنقها ....وبدا طالع نازل ..كايشم فيها ...حتى وقف عند شحمة وذنها ..الليسرية ..ومصها بفموا .بشوية .،وخا ناعسة ...استحلاتها ...وبورشها للنخاغ ....،اتبسم بمكر ...قبل ما يعضها ..من تما .، نقزت ..على إثرها كتشهق
مرجعة راسها بسرعة بعيد عليه وكتقيس فوذنها ..لا يكون .دم ..ساعة ماكان والو ..غير قرصة وذن قاسحة )
عائشة :(مقطبة جبينها ..بغضب )..علاش درتي هكاك ..!
واش مريض ....
عزالعرب : مريض بيك ..طبعاً.
عائشة: كنهدر معاك بصاح ...شي نهار هتموتني بأفعالك ..،
(بغنج كتعض شنافتها ) كاين شي واحد كيفيق حبيبتوا بعضة وفين فالوذن ...!
عزالعرب :(العروق فوجهوا ولاو يزدحوا بالسخونية) همم...
وفين بغيتي نعضك ...(حط صبعوا ..على حنكها ..حركت بلا ..،داز للفمها ....حركت بلا ..ووجهها ولا كيف الفريزة ..
نزل ..بصبعوا ..للصدرها ..،خرجت عينيها ودفعت يديه قبل ما يهبط ههه للمقر الرئيسي ..)
عائشة : أحيِييه ...كون تحششششم ...!
عزالعرب :(كيغمزها ) كتصعبيها على راسك ...
عائشة : غير ضحكت معاك ونتا على سبة ...!
عزالعرب: أحح ونطولك يا سليحفانة ...،ندمك على هاد الضحك الباسل ....
راكي كتلعبي بالخطررر ...
عائشة :(شادة الضحكة بالسناسل ) علاه وليتي ..سلك دالضو ...هنلعب بيه يشويني ...
عزالعرب: لآ ..هذا أخطر من الضو ..،دقتوا كتزبر ..إلا شدك .
هيخلف القديم والجديد ...يعني هاتموتي هاتموتي ....
عائشة : (بدلال طلقت اسم الدلع لي كيكره تعيط ليه بيه ،حيت شافتوا سخن الطرح بغات تغير تفكيرو ) عززززز...وززز
عزالعرب : دخلت عليك ..بالله ..وملائكة الرحمان ..شنو سميتي !
عائشة : عزززز....وز.....،كندلعك أبب...ونا عندي غلا منك !
عزالعرب : عاوديييها !
عائشة : عز
عزالعرب: إيوا هكاك ....نهار نسمعك كتقولي عزوز ،نطير ليك الشنايف ...،
عائشة :عيقتي ..مافيها والو ..عزوز !
عز العرب : أنا قلتلك قبل شي ميات مرة متعطيليش بهاد عزوز ، مكيعجبونيش هاد المشاعر الزايدة ..بغيتي دلعيني ...مكاينش غير الشفوي ..ديري التطبيقي ..
هدلعيني أخر دلع.....ونكون فرحان ...
عائشة : تفكير خماج..ونا يا سيدي عندي غير مع الشفوي الله يداوي ...،غير ولف عليا هكا ...
عز العرب : هووو ونهار نلقاك كتبحلسي عليا بعينيك وتقوليلي بوسني بيهم ...هندير هندير ...
عائسة : أش فجهدك مادير ...
عزالعرب : ماتغغريش ..الخُوشيبة ديالي ..ويحسابك كتخلعيني...،الا قبطتك .صح وصحيح ..هتتمناي الموت ولا أنا ...متنقصيش منييي ...وتخليني نتحداك ونبرهن ليك على صحة كلامي ...
عائشة : بعد مني ...ماتهدرش معايا ..يلاه !
عزالعرب: ماقصدتش اعمري نرفزك ...مي كتستفزيني ملي كطيحي من قيمتي ومقامي ...وقوتي ...
عائسة : وجه الوصلة دالخبزة ....
عزالعرب : اش كتمتمي تمْ ...
عائشة : والو ...كنهدر مع راسي حمقة ...
عز العرب : ههه الحماق فيه وفيه ولكن نتي تقنتي الدور وجى علييييك ...
عائشة : وهيا الا دوزتيني .."للترونت سيس=36" ،علاش مخليي حمقة بحاليييي ...جالسة بجنابكم السعيييد ...
عزالعرب : حيث حمقةةةه ديالي بوحدييي ...،من حقي بوحدي ...نحكم عليك بالحماق ولا بالعقل ....
عائشة : وفين العدل فهادشي ..
عزالعرب : العدل ..( وحط صبعوا على خذو).هوا تسكتي و تبوسي حبيبك ...
عائشة : حلام ..على هدرتك الزينة ...نبوسك ..
عزالعرب: تبوسي ..ولا نجي نبوسك ...
عائسة : بوس يديك ...
عزالعرب : الا نزلت وجيت ..للجيهتك ..هنلصقك مع اقرب حييييط ..و ....ن..
عائشة :(دارت ليه بوسة الفشوش غير حطت شنايفها وهزاتهم من حنكوا) هاني بسسستك ...صافي تهنيتي ويلاه نزلوا ..
عزالعرب :وا مت أنا .....أعيباد الله ،بوسي مصگد واش هذي بوسة ولا ..قرصة نملة ..
عائشة : هادشي لي عندي .يا ترضى بيه يا تبوس راسك فالمراية ....
عز العرب : (شدها من عنقها ..وانقض عليها طابع قبلة عميقة فحنكها عاد رخى منها مخليها غير كتبيض فعينيها)شفتي هاكا كنبوس ...
عائشة :(كطل على وجهها فالمراية جهة حنكها ولا حمرر ) وحشششش ....
عز العرب: ههه ونتي مستقبلا ..مراة الوحش ..
عائشة : (دست المراية فصاكها وشافت فيه بغنج ودلال) عز ....قرب نقولك حاجة فخاطري!
عزالعرب:(على نيتوا قرب ) ...مم ..هانا ..قوليها !
عائشة :(حتى قرب وهي تغوت ليه فوذنوا بالجهد مقفزاه ) فتح الباب خليينا نزلوا ...،
(وفتحت البابببب. ونزلت كتجري ...،وصوت ضحكتها مالي المكان ...، خرج هيطرطق غيظ ..ووقف كيتهز فبلاصتوا ..
هربت للبعييد ..حالة عين ومغمضة الثانية ههه فضول وحشمة وباغة تشوف اش كيدير ..وشافتوا كيقاد و ينعس بيديه .الماتريكول ...فالسروال ...،ميبقاش داير ليه خيييمة تما ...ومع الدجييين ..داير بحال "حميدة الفرشة" ...
شاف للجيهتها لقاها ...كتغمض عينيها ..وسادة فمها بسيف .
ملي شافتوا شافها وجات معيقة تسد عينيها حلاتهم ببرائة مصطنعة ....)
عز العرب :(زعفان ) غير طلقيها ونتي حناكك هيطرقوا بالضحك ..
عائشة : بواهههههههههه ....أأأأمِي...

#تحت_رحمة_سادي
#بقلم_Sofi_Brada
#بارت_49

( لوات كتضرب بيديها على ركابيها ..وتضحك بهستيرية
خلاها كضحك وجى كيجري ..هزها ما بين يديه على غفلة ...وكيطَطشها بالجهد تعلقت بعنقوا ،خافت لا طييح ...)
عائشة : الميمة الميمة .أعز نزلني نزلني ....
عز العرب : بيزو اللول ...
عائشة: شفتك والفتيها قاعدة ...
عزالعرب :(بغى يقرب بوجهوا )واش لي داق البنة ...مايتهنى حتى ....ي.....(كيغمزها ويمعني ليها ..تفهم ، نهراتوا بشوفتها .وبدات تفركل ...بيديها ورجليها ..حتى نزلها بسيف عليه...)
عائشة : الحية والحشمة ..طارو ودارو الجنحين من عندك ...!
عز العرب : هههه صباح الخير ..من زمان طايرين ..غير يلاه فقتي بيا وبديتي تفهميني ....
(وحيث حنا المغربيات الأصيلات فينا ضلعة عوجة و حُبنا نگد لازم تنگدها عليه ودير تحليل ومناقشة ..للأخر جواب ،
لي منزلش فزورها ...)
عائشة : هيا قولي موالف ...!
عزالعرب : (مافهمش اش كتقصد ) أشنو موالف ...زيدي وضحي كلامك !
عائشة :(سرطت ريقها بزز ) أحم ...دوك الحاجات من الحاجات ...!
عزالعرب :(فهمها وبدى يلعب عليها ) أممم ...أشمن حاجات ! واش هنقضيوها ألغاز بيناتنا ، أجيني گود لا تجيني معگودة ! ماعندي ماعدى من الخروج والدخول فالهدرة !
عائشة :(كتفتف فنفسها "درتها للراسي أش داني ..كيفاش نشرح ليه ..اه جاتني فكرة ندير ليه الواحد و الزيرو ،يعني العشرة ..بصبعاني وهو يفهمها ..") ...ها واحد ..ها الزيرو ..(وهزت صبعها مشكلة ليه كلا رقم ) إلا دوزتي الواحد فالزيرو شنو كينتج عليييه ..الذكي !? ثقب فطبقة الأوزون
عز العرب : (كابت ضحكتوا بزز منو وهو كيشوفها كتحمار..حتى كتبغي طرطق وتولي عليها بالصفورة) بالعمى واش فهمتك .?!.تي هدري ...اشمن أوزون اشمن زيرو ...وا شرحي ليا مال لسانك مشلًلْ!?
عائشة: هووووووا....كاي....ن.....
عزالعرب :(بإبتسامة ذئب قاطعها ) شنو باغة تعرفي ..بالضبظ ،نعاودوليك بالتفصيل الممل ..بحالا كتفرجي فيه قدامك !
عائشة: نو نو نو ...ماباغة نسمع والللو....وماتعاود ليا والو ،
نجيك نيشان ...لي كيوقع بين الراجل والمراة ملي كيتزوجوا ..، ومن هدرتك أسي ..عز ..باين ...مقزدر مولف ..وخبرة فهاد المجال ...،ومتحاولش تنكررر ..وتقولي نتي أول وحدة فحياتي عرفتها....قديمة !?
عزالعرب: (نبضت نزعة السيطرة فيه و ماعجبتوش لهجتها خصوصا موالف حتى واحد ما كيأمرو هوا لي كلاموا كيمشي ويسود على الكل )هبيلة شوية ،فكري فكلامك اللول ....أنا وياك ما كنديرو والو أصلا ً !
ونزيدك حاجةةةة ..أنا راجل ولي درتوا جى معايا ..ماعند حتى واحد الحق يجي ويبدى يتدخل فحياتي ويحكم عليا ..،وكون هانية ...ماشي نتي اللولة ....
عائشة : (سرطت غصة فحلقها وشافت فيه بغضب )هيا هكاك ...اسي المحترم !
مزيان ...حتى أنا نود نتمتع بشبابي ..ونعيش كلا نهار بنهارو
وونخبلها هوايال ..ونديرها من السطاش ..!
عزالعرب:(بوجه جامد) وي ديري شكون حصرك ...، ومتنسايش توريني فين نجي نعزي فيك...

 

#تحت_رحمة_سادي
#بقلم_Sofi_Brada
#بارت_50

عائشة: (بغيض ) الله يسترني من شي موت ...ولكن غير إفرض أنا لي جربت ...واش كانت نظرتك هتبقى هييا هي....
(ملحقتش تكمل سطرها ...حتى جمع شعرها المطلوق ولاواه
على يديه ..لي بياضو بقوة ..الشدة ،ودفع وجهها قريب ليه )
عز العرب : يا ويلك ...ويل ..إلا مشيتي عاودتي هاد الكلام
ثاني ، هنشتت ليك سنانك ....هاني هدرت معاك ....
نتي ديالي ...بوحدي .. وأي واحد يشوف فيك ..ويطمع ..
نقتلواا ..فهمتيي ولا غير حاله فمك فيا !
عائشة :(كتدفع يديه ..من شعرها بقوة قبل ما تخونها شجاعتها وتبكي ) أي...ظ.طلق ...من شعري ...كضرني ،طلاقققْ....مامنحقش تقيس فيا هيا مليون !
(شاف فيها كتوجع وتقوس عينيها ..وولا شاف فيديه
لي على شعرها ،رخى منها بسرعة ..كيغمض ويحل فعينيه
باش يكسر الغضب ..ويتحكم فأعصابه ...،)
عز العرب : من حقي ..وفهمي حاجة ..ماشي .."عز أورتيغا"
لي تحكم ...فيه بنت المراة كيف كانت ونمشي على أوامرها
يحسابك غير مفششك ..وكنتعامل معاك مزيان تجي توريني شنو ندير وشنو مانديرش ..راكي غالطة..فراسك ،
كلامي واضحححح ..
عائشة:(شافت فيه بغل وغضب وصدمة للهاد المعاملة الجديدة) واه واضح وباين ..وضوح الشمس ...
ودير لي بغيتي ماشي شغلي فيك ...لا شنو دير ولا ماديرش ...
(وعطاتو الظهر ...غير غادة معارفة حتى فين هياا )
عز العرب : تسناي فين غادة ..راني كنهدر معاك ...
عائشة :(منخلاه وحاطة يديها على وذنيها ) لا لا لا ..ماهنسمع واللللو ....(تمتمت بخفة ) غير زيد الدوزيام عليا ..والله ماتبقى فيك ...ونوريك معامن نتا إلا مازدت
الثاني وفتَك بالثالت ...منتسماش أنا عائشة ...
عز العرب :(مسمعهاش غادي وراها مذهول للعنادها): تسناييي.....عائشة تسنايييي ...(ساط مبتسم متبعها كدور على الطموبيلات فالباركين ...و هو كيهدر مع راسو )
"صبرني يا رب...قبل ما نرتكب فيها شي جريمة "
(نزلات يديها .من وذنيها .و سمعات ...وقع أقدامو وراها ،
لقى روحو كيدور فدائرة ويضحك ...على راسو ..ويردد
"نتا خليتي فيها شي عز العرب أورتيغا ..ملي وليتي تجري ورها فباركييينغ من طموبيل للطموبيل ...ههه كلعب الغميضة هنا ..."
،مشات كتجري ...حتى نقز وجى قدامها شوية وتدخل فصدرو ..كون مردت البال ...، شدها من ذراعها قبل ماتدور ليها فالخوى وتبع حماقها ...ثاني )

#تحت_رحمة_سادي
#بقلم_Sofi_Brada
#بارت_51

 

عز العرب : صافي رسايييي ....
(بغات تمادى ..ففعلتها لي بانت ليها اي وح.ة فبلاصتها تعصب وتقلب عليه الدنيا ..وكانت غادة .تزيد تعصبوا ساعة ملي بغات تنفض يديها منو بكل وقاحة ...،لكن شافت عينيه تبدلوا بحالا كيشوف غير الحمر قداموا ..وكيزْهَر بالجهد بحال الثور ..،خدات نفس عمييييق وبغات تهدؤووا ..ومدت يديها تحطها على اليد لي لي ماسكة ذراعها ساعة بحالا خوات الماء على الزيت سخونة ...، شدها ليها بيدو الثانية بعنف حتى تأوهت بألم كتعوج فخليقتها ..وعينيها مدمعين شوية بالوجع)
عائشة : أأأأَ ....ه.....يدي ...يدي ...هتهرسها ...،
(وشهقت ببكية ...صامتة ، ساعتها ...حس بلي زاد فيه
وبنغيزة فقلبوا ...،ساط بالجهد ورخف على يديها ...
شادهم بين كفوفو بحال الماء القليل ...،وقرب حاني راسوا وطابع على كلا يد قبلة حنينة كإعتذار ...،و ولى هاز ذقنها للجيهة عينيه ...ومسح برقة ...زوج دمعات ..كانوا محبوسين ...فجناب عينيها..)
عزالعرب : سُوري ...،إنتي عارفة ...كنكره بنادم يغلط ...
عائشة :(جامعها فمها كتخسس) انا ماشي بنادم ...وماعمري شفتك هكا ...فهاد الحالة !
عزالعرب:(تبسم بجنب للردها) نتي ماشي بنادم ..نتي عويشتي ...، وهانتي دبا عرفتيني ..وشفتيني كيف داير حيت كنكره الغلط ..كنكره الإستفزاز ..كنكره .كلمتي طيح للأرض ...وخصوصا منك ...
عائشة :(شافت فيه ببرائة وشفرانها فازگين) انا والله ماكانت نيتي نعصبك ...كنت غير...غ(وهي دير سطوب للكلامها ..مبغاتش تبين ليه بلي طايحة طيحة خايبة وللمجرد تخيلوا مع أخرى قلبها كتحس بموس كيدوز فيه )
عزالعرب :(فهمها ورمقها بخبث ) نتي ...شنوووو...!?
عائشة : نسيت ...مابقيتش عاقلة حتى على شنو بغيت نقول ...
عزالعرب :(قرب وجهوا ..باغيها تعترف ) نقدر نفكرك ..
عائشة :(كترمش عينيها بزربة بالتلفة )أحمم ...تفكرت ..فيا الجوع ...!
عزالغرب :(هز عينيه بإستفهام ) باقي فيك الجوع ..غير نزلوا ..وناخد ليك لي بغيتي ...(قوست عينيها بشك وهو يتدارك هدرتوا ..حيت مزال معارفة شنو هيا المفاجأة ...ولا فين هينزلوا... )زعما غير نوريك واحد الحاجة ...ومن موراها هنديك ..تاكلي ....متافقين بعدا ?!
عائشة : (ببسمة خفيفة )أوكي ...لي تشوفوا ..
(وهز عز حاجب كيطلعها بعينيه وينزلها على صحتها وجسمها لي على قدها نحيف ...ويضحك فخاطرو ، على ماكلتها ...ماكلة فيل ...،يلاه ضاربة قل من ساعتين هذي بانيني وشاورما ..وكانيطة دكوكا ووحدة دفانتا ...وباقي فيها الجوع .،غرقوا خدودها بالحمورية وهي كتشوف فيه كيكوبيها بعينيه من رجليها ساسها ..مشات بعيد فبالها هه،
وهي تنزل تشوف هندامها كانت لابسة سروال دجين سليم فالزرق مزوق بشي زوقات لاصقين فيه وسبرديلة عصرية خليط بين زرق والحمر ،و سوفيطمة فالبيض ...وجنابها فالحمر وفايتة خصرها بالطول غير للفوق بالسميطات و...حيت كان الصهد فالطموبيل زولت ...الفوقي لي عبارة على جاكيت خفيفة دالربيع فالبيض ومقلمة بالزرق وشي وريدات حومر مزينة بيهم جاية غاية روعة مع اللبسة كلها وخاتمها
بكاسكيط دالدجين ..وشعرها مطلوق ..لور .وعلى كتافها مغطية بيه ذرعانها لي باينين )
عائشة : أحممم ...عز رجعني للطموبيل ..خاصني نهز حوايجي نسيتهم ...,
عزالعرب :(عاد كيخرج عينيه كان ناسي شنو لابسة ..،حرك عينيه بجنابوا ..وركز فيها ) زيدي زيدي تحركي ...
عائشة :(دورت عينيها فراسها كتقول مال هذا) هاهيا غادة بلا نهير ...
(وصلات هزت جاكيتها لبساتها دغيا وطلعت السنسلة حتى للعنقها وجبدت ساكها ديال الزاز .صغير فالحمر ديا ويديه على شكل سنسلة ...لي كان طايح فين كانت جالسة ،كانت دايرة نهز شانطتها لي فيها كتوباتها و طوني ديالها ..دالرياضة ..ملي كتمشي تلعب فلاصال ،مي وقفها وقالها غير خليه بلا ماتقلي بيه ...دبا ..،وسدت الباب وقفت تجمع شعرها على شكل شفنجة كيف قالها سي السيد )
عائشة :(شافت كيتبسم وعينيها عليها ،داخت وبقات تلعب بصبعانها فالجاكيطة وتبسمت بسعادة حتى هيا ) عجباتك ..اللبيسة ...فالحمر...
عزالعرب:(بمكر ) هو صراحة لا عجبني شنو كاين تحت ..من الحوايج ...

 

تحت_رحمة_سادي
بقلم_sofi_Brad
بارت_52

(ضربتوا للصدرو ..بخفة وتأوه بلعاني ..على ضربتها لي دايرة كيف الريشة ،كليكا بتيليكومند وسد الطموبيل ..ويدو كتحك على صدرو ..، لوات فمها ساكتة ودارت كتستكشف للأول مرة البلاصة فين راهم ..حيث قبيلة كانت منفعلة ومكتشوفش قدامها، سرحت عويناتها كتشوف كان عبارة على باركينغ أرضي...مغطي ...وكتبان من بعيد ..واحد الخرجة ...كطل على بيِسط ولا طريق طويلة برا ...،رجعت قابلت وجهوا بعلامة إستفهام فراسها )
عائشة : فين حناااا ...
عز العرب : فمطار صغير .. خاص ......
عائسة : علاش !
عزالعرب : خلي حتى للوقتهاوتعرفي ...،اللول هنلبسك هذي علي عينيك ...(وجبد باندة كحلة من جيبوا )
عائشة : لا لا كنخاف من الظلمة ...
عز العرب : إلا كتيقي فيا ...انا هنكون عينيك ...
غير ديري النية ماهتخسري ..والوو.
عائشة : بلاش عفاك...
عز العرب :كتيقي فيا ...
عائشة : (هزات زوج صبعان تقريبا ملاقياهم كتعطيه القياس،بصوت طفولي ) واحد الستيتتتتو ...
عزالعرب : هنتعامى ونقضي بهاد....الشتيتو..
عائشة: ولكن عفاك عندك نتعقل ونطيح ونهرس سناني ..
عزالعرب : هههه. شنو هاد الجو الهندي أبنتي ...، راني هنشد فيك ونگودك .....بقى ليك شوية وتقوليلي هتخطفني ..
عائشة:(بشقاوة) زعما ديرها ...!? عندك تكون مافيوزي ..?
عز العرب : دخلت عليك بالله باش عرفتيها ...!
عائشة : عقلي شاوَر ليا وصافي ...،أواعدي هيا بصاح !?
عزالعرب : مليون فالصح ...مافيوزي،وقتال ونزيدك كنبيع بنادم تقاطع ..ولا بالجملة على حساب السوق ..أش طالبة!
عائشة: هيااااا ..مشيت كفتة مصهدة ..
عزالعرب : ههه نتي هتمشي خليععع ..وقديد ..حتى من صوتك نديرو صُونري فالتلفون....،إلا ماسكتي وزدتي خلاص قدامي ..(وضربها ضربة خفيفة للقفاها )
عائشة: خلاص ...خلاص ..الإنسان ..كيعيش مرة وحدة فحياتوا ..،هاني زايدة قدامك ، يخخخ مابقى حد يضحك معاك ...
عز العرب : ههههه ياقيمرونتي ...زعما عمرنا نخرجوا وماتنگديهاش عليييا ...
عائشة : ههههه أستسمح مي فدمي كيجري عرق مغريبي..
سوُ..التنگيد من طبعنا ...ياتولف يا تقلب وتشوف ليك سويدية ...
عز العرب : يحْسَن عَونِي معاك السوسة ..، مي اللهما ...خروب بلادي ..ولا عسل بلادات الناس ..
(مدت ليه نظاظر دالشمش لي كانت هازة فيديها ديرهم وغمضت عينيها ..وخلاتوا دار الباندة ..وگودها ...، كتسمع غير الريح .وهدرة بعيدة ،حتى تحبست فدقة بحالا
دخلوا للشي ..بلاصة مغطية ..،و سمعت شي حاجة كتقرقب بحال سنسلة ..،حتى تحطت عليها ..، ماعرفت شنو كيلبسها
سولاتوا سكتها بششش ..صبري .وسكتت ،،سالى منها سمعاتو داز كيلبس هواَ ...وخرجها من ثانييي....كيهدر فوذنها باش يهدئها بانت ليه يبسَت كيف الخشبة غير قربوا وبدات كتسمع محرك الطائرة خدام ....،تما زَوَل الباندا ...وخلاها تلقى اكبر مفاجئة ولا صدمة كتسناها ..،طلعاتو ونزلاتو هوا كان لابس شي حاجة معرفت اشنو هيا فيها قوة السماطي( ديرو راسكم هه فهمتوني ) ..و السدات وهاز ..شانطة فظهرو ..و كاسك داير بحال ديال لي كيديروه الشيفورة فمسابقات السيارات السريعة ..وفراسوا كاينة كاميرة لاصقة واليد الثانية هاز نظاظر كبار ...، حنات كتشوف فراسها....مدورة بنفس العجب لي عندو ...،شافت وولات شافت فيه هازة حاجب ..هز يديه حاطها على فمها
عزالعرب : جاوبيني قبل ما نجاوبك !
شنو اليووممما !
عائشة : شنو هيكون والووو ..طبعاً
عزالعرب : أوكي ملي معقلاش ..حتى إمتى خلاقيتي أنا راني ،عاقل ...ولأنه ..ماشي كلا يوم ...هتبلغي 23 عام
قررت اليوم يكون تاريخي ..ويبقى متورخ فبالك ...
عائشة : نو نو نو نوووو ..ماتقوليش داكشي لي فيالي ..
عز العرب : هو هداك ...
عائشة : (شهقت وغوتت كيف الدراري الصغار ) أعاااااااااااااااوووووووووووووووووو.......،نتا يمكن تلحستي فعقلكككك ..

#تحت_رحمة_سادي
#بقلم_Sofi_Brada
#بارت_53

عزالعرب : ...متخافيش أنا معاك ..وهنكون معاك طول الطريق ....!
عائشة : نتا بالذات نخاف معاك ....أويلي من نيتك ...جايبني ندير باراشوت....ونا بيسكليطة هيا التالية
عمري زعمت نركببببها .....
عزالعرب :(ضحك على ضعفها وهدرتها ) ههههههههههه ههههه
راه مهتنقزيش بوحدك ...
عائشة:(قاطعتوا كتهدر بزربة ،سارطة كاسيطة) ضحك ضحك نتا لي جاي عليك الضحك....،منقدرش منقدرش ندير هاد الحماق لي كتقول فيه ..،لا لا لا.....مستحيل...
يلاه رجعني ...منين جبتيني ...رجعني للكازا .....
عزالعرب : هتلوحي الخوف من فوق ظهرك ..وهترجلي معايا....،
عائشة : انا ماشي راجل باش نترجل معاك ..،غيربنت باب الله .....بليززز رجعني بحاليييي ....
عزالعرب : رجوع مكاينش ...غير زوليها من راسك ،
هنرجعوا للكازا ..بهاد الطريقة ولا هتبقاي هنا ههه...بت نبت معايا ،
كنشوف فيك وتشوفي فيا حتى تشجعي وتقوليلي ...أه ...
عائشة : خليت ليك الشجاعة ....،انا مسخياش بعمري هذا إنتحار عندك ماشي مفاجأة ....،الا مشيت نقزت ..غير وجد ليا فين نتدفن حيت هنموت ...واش كتسمعني هنموت !
(إنفجررر بالضحك ....وكملتها جلست فالأرض مربعة رجليها وملقمة حناكها ...كتشوف فرجليه ...ورافضة توقف ولا تركب الطيارة ...معاه ..)
عزالعرب :(دوز يديه على شعرو بملل وبدى صبرو يقلال)
نودي ...تگعديييي....من الأرض !
عائشة :(بعناد) لا ...مانيش واقفة ...علاش أصلا جايبني بلا علمي !
عزالعرب :(بضييق)جبتك واش كليتك ...، واوقفي دبا ..راني ممساليش للهاد الهبال ديالك !
(زادت عقدت حجبانها فيه ..وعقدت يديها عند صدرها)
عائشة : هبال هو لي ساير دير فييه ...أنا معمري تدربت وماعندي حتى فكرة على هاد الزبل دباراشوت ..وجايبني بكل سهولة ...وباغيبني نركب مع سيادتك باش طلعني للسمى السابعة وتلوحنييي...،هذا هو الهبال بعينيه !
(معاودش معاها الهدرة ...شدها عز من يدها لي كانت تشابلي بيها وتعبر ...بعصبية وجرها جرة وحدة حتى وقفت ،بغات تعننت معاه شوية وتقاوم مخلالهاش الفرصة
حنى شوية ...وهزها فوق كتافو ..كتفركل ...وتضرب فظهرو وداك الضرب هه كيجيه بحالا والووو )
عائشة :(شعرها نازل على وجهها كتبان ليها الأرض مقلوبة ورجليه فقط ) ...نززززلنييييي.......نزلنيييييي....
(ماوقفش ...ومانزلها حتى دخلها للداخل ...الطيارة ...،
عاد نزلها ...وشاف فيها بتحذير ...)
عزالعرب: ماتعصبينيش داخل الطيارة حتى هيا ..كيف عصبتيني برا..
عائشة :(جلست قبالة الباب عاقدة ححبانها) أوفففف نتا ماشي طبيعي ....
(عطاها ...بالظهر ..وهو باقي برا الطيارة ..كيهدر مع شي واحد كيبانو غير يديه لاح ليه سوارت الطموبيل ليمخلي ب فالباركينغ وولا ...دخل الطيارة ونزل واحد الباب خفيف كونتابل ماشي كيف موالفة تشوف ..وتعرف , بغات تسولوا واش زعما هاد الباب تشد الريح هه ،عرفها .هتسول بلا ما يشوف فيها ..جاي يجلس بجنبها ..رفع ليها ثلاتة الصبعان وعاد هز راسوا )
عائشة: شنو ...!
عزالعرب:(تقاد بجنبها) الغلطة الثالتة ...اليوما ، تزيدي الرابعة ....هنلوحك ...بوحدك ...تعومي فالسمى ...،
(بغات تجاوب حط صبعوا مسكتها) غير حركي راسك ..أه
هديري عقلك ولا لا ...(حركت راسها بإيمائة نعم وسكتت كدير فيها مقلقة ، حتى هو خلاها ببرود )
(لكن مشى البريستيج و والتظاهر الخاوي غير بدات الطيارة كتقلع ...،تخشات بجنبوا شادة فيديه ..وراسها حانية بيه ،وقلبها كتحس بيه كيطير من بلاصتوا حيت الطيارة ..صغيرة كتحس بكل هزة ...،شبك يديه فيديها ولف ذراع على كتفها ... مزيرها للعندوا ...حتى طافت الطيارة فالسمى وسكنت شوية ..الحركة وخا الريح وصوت المحرك مجهد ...ولكن ماشي بحال القلوع هه قلع ليها القلب من بلاصتوا ..، هز راسها ...كيطبطب على كتفها ويقولها صافي راحنا قلعنا غير حلي عينيك ...، حلات عينيها كتشوف فيه ودورت راسها نيشان ..كطل ...من الشرجم ...وتبسم ،
منظررر روعة ...كوماكنش خوفها من لي مستنيها كون راها كضحك من وذنيها ...، مي دروت سولاتوا ..كيفاش هدير
علمها بلي هيربطها هه معاه ...حيت أول مرة ليها متقدرش تحكم فحراكتها ولا منين تحل الباراشوت ...، غاست كتفكر طمنها بلي كلشي هيدوز مزيانن .....ماشي أول مرة لييه
هوا ديييما ...كينقز ...منين كان فعمرو 19 للعام ...وهذي هيا الحاجة المفضلة عندو ..بجانب الغوس .

#تحت_رحمة_سادي
#بقلم_Sofi_Brada
بارت_54

كلشي من بعد داز بحال حلم ..حتى لقاو راسهم ..فالأرض .
حلي لي كان رابطهم بزوج ونزلت طايحة على ركابيها...
كتشهق ..وتشهد.....،خبى ضحتكوا ...، لكن دغيا تمحت ملي سمعها كتعترف ليه بحبها وخا هيا فأسوء حالاتها ههه
جاتوا....حلوة تتكال على صراحتها ، بقى غير مخرج عينيه كيشوف فييها مصدوم معارف ومالاقي مايقول ليييها....
مزال كيتشاور مع راسوا واش يعترف ليها بلي فقلبوا ولا يستنى أكثر يمكن نزوة ...ولا حالة إعحاب وتمشي فحالها،
هي بقات كتعض شنافتها التحتانية ومعلية العين فيه ...كتسنى ردوا ...وفنفس الوقت عقلها وقلبها هه لاعبين البوكس ..واحدةكيقول لاخور ..نتا حمار...وحنين بزاف خاصني ندير للمك "كود بين" ..باش نتهنى ..ومطيحنيش فشي زوبية ،القلب رد عليييه بكل إعتزاز وتقة بقرارو ..نتا لي حول ...ومكتشوفش ...بعينيك...شنو كيدير على قبلها كون يكون مكيبغيهاش نقطع شرايييني ونحرم الحب وسنينو ...،العقل ثاني رجع للواجهة ..سكت...يسكت ليك الحس ملي تقطع شراييينك نعيشو بالدوارة ...يخخ منك ،
القلب : تفو علييييييييك ....يلاه ، وهما فعز الدباز والحوار الباطيني ..، عائشة حست بمعدتها ...نيت بدات كدير إنقلاب عسكري عليييها ..،شافت فييييه مزيرة على سنانها وباقة على هيئتها
يديها على ركابيها ..)
عائشة : همممم ,عز واش نتا كدور ولا ..راسي لي كيدور ..
كنظن هنتقييييا .....( وغير كملت كلمتها طاحت لللأرض وتقيات على حوايجها لي لابسة اللول ..قبل ماتخوي ما تبقى فمعدتها ...فالربيع ...، رمش بسرعة باقيي مدهوش من إعترافها ..ونزل للمستواها ...كيعاونها مرجع ليها شعرها لور متوسخوش ....وقلب فجيبوا لقى مشوار ديال الثوب على الله ، مدو ليييها ...، مقدرتش تشد والو فيديها ، كحزت حانية ...وهوا تابعها بشدة شعرها ...حتى دارت وخشات راسها فصدرررو هه كتمسح وجهها وفمها فيييه ...، ورجعت شافت فعينيه ...كتقولوا نتا سبابي ..، مقدرش ميتبسم
دوز ماسح وجهها بطرف الثوب لي فيديو ومسح فمها ..
كيتمعن فعينيها )
عزالعرب : كيف بقيتي ...شوية !
عائشة : (ضربتوا للصدرو وهي باقة ممخشية فيه بحال درية صغيرة خايفة من العقاب ) كيف هتكون حالتي ..فنظرك ..، ونا رديت كلشي لي كليت ...على شوية ما يجيني فشل قلبي وكلوي ...ووووو...(ضحك بالجهد ..حتى سكتت من شكواها وضحكت بالجنب غير بعدت وشافت حالة حوايجوا ..كيف رداتهم ..بالتقية ، يخخ
حشمت من راسها ..وحنات الراس )
عزالعرب : هههه جاك هادشي كلواااا....، ماكتشوفيش زدتي فيه وبزاففف ...(شافها حانية الراس محرجة من التخرميزة لي دارت ليه للتيشرت ديالو ..،هز بصبعوا ذقنها حتى تلاقاو عويناتهم ) ماعندك مناش تحرجي ....،عادي كتوقع وفأحسن العائلات ...
عائشة:(خدات منو الثوب وبدات تمسح حوايجها وتدوز على تيشرتوا وفنفس الوقت كتسول هربانة من نظراتوا ) فين حنا ...بان ليا نزلنا....فأرض شي واحد !
عزالعرب: وي ...(وقف يديها )يلاه زيدي نقولو ليهم طحنا ماعرفنا فين حنا ونخرجوا من باب واسع ...
عائشة : لا لا ...يلاه نرجعوا بحالنا ..،ضروري تكون شي تخريجة اخرى
عزالعرب : (هز يديه كيشير للمكان كلوا )كتبان ليك شي تخريجة من هنا ، انا بعدا مبانلي والو ...غير الشجر والخضورة ..... دايرين بيها ...
غير زيدي وماضربي هم أنا هنهدر ...
(حيد المظلة لي كانت لاصقة ..فظهرو ..و جمعهم فيديه جارهم وراه ...،تبعتوا بشوية ساكتة ..غادة وكتسرح عويناتها فبديع خلق الله ...،على أرض وعلى طبيعية خلابة ..كيف دايرة ،كانت شاكة تكون شي كلوب فين كيلعبوا الكولف ...مي ملي مبانش ليها الناس ولا حتى دوك الحفاري فين كيرميو الكورات غيرت رأيها ، وخضرت عويناتها فالأرض كلها مزربة بشجر النخيييل مع السوار ديالها ..والربيع مقطع تقولي كتمشى فوق تيران ديال الكرة ...كلشي مقاد فيه ..)

 

#تحت_رحمة_سادي
#بقلم_Sofi_Brada
#بارت_55

شافوهم شي زوج رجال واحد فمقبل العمر وواحد كبير فعمرو ،..ومشاو كيجريو جيهتهم ،هي خافت وتخبعت ورا ظهر عز ....،قرب اللول ...ولصدمتها حتى حلات فمها للوذنيها (يشوفني الوصف ينتحر هه)، ...مد للعز قرعة دالماء معذني .. ..والثاني مد ليها وحدة أخرى .ووخر لور .حاني عينيه ...كيهدر .وداير يديه ورا ظهرو ...
الرجل2: سيدي نجيب ليك الطموبيل ...حتى توصلك للقصر
عزالعرب: نو باغي نتمشى ميحتاجش ...أجمال ..، غير سير قابل شغلك
الخدام (جمال): ☺ (تبسم وقلب الدورة ..مخلي غير الراجل الكبير واقف مع عز ...)
الراجل 1:(بضحكتوا البشوشة تبسم ) على سلامتك ..أسيدي ..،
عزالعرب : الله يسلمك ..اسماعيل ....،
الخدام (اسماعيل) : على سلامتك أمدام ..( ومد يديه بعادته البلهاء حتى يسلم عليها ...أول مرة كيشوف سيدو خارج مع بنت ..كيدير معاها شي حاجة جاه الأمر كلوا خارق للعادة ..، حشمت من كلمة مدام ...وفرحتها فنفس الوقت تمنت ...تَتَوج فالواقع ،
ومدت يديها للهاد الخدام تسلممم ...حشمت تخليه مسكين منشور تما ..،ساعة بسرعة البرق ..ناد عز ونزل ليها يديها بعنف وشادها من ذراعها ،وولى شاف فالخدام ديالو ..)
عز العرب : شنو كايين ...أسماعيل ...
الخدام اسماعيل : والو أسيدي ..
عزالعرب : معرفتش علاياش كتبارك مي وصلات المباركة ديالك ..،قلب رجليك ..و تحرك للشغلك ...
اسماعيل : وخا نعام اسيدي ..سمحلي ..على دورنجوموا
عز العرب : هاك قبل ما تمشي دي معاك هادشي...حطو فالطبلة دالجردة ...
(ومد ليه الكاسك ديالو ..والباراشوت ..لي كان جامعو فالشانطة ديالو ودوك احزمة السلامة ديالها وديالو ..وحتى النضاضر لي كانت دايرة ...ومشى طاير الخدام مخلي غير العجاجة درجليه وراه ...ملي حس بنبرة التحذير على فم عز ..وقال بينو وبين راسو "باين الشاف طايح على راسو ،لكن إمتى ..و وكيفاش مانعرف !" )
عائشة : علاش ....تعاملتي معاه خايب ..مالك !
عز العرب :(غوت حتى قفزها )عائشسششششة ....
عائشة : صافي ...بلا ما تبدى تخطب عليا تما ، أنا غير جاتني هدرتك مستفزة وحسبتيه بحال الجفاف ماشي بنادم
أما عادي ..نسلم عليه ...راه راجل كبير بحال الوليدبالضبظ
عز العرب : باكككك هو لي فالحالة المذنية من غيرو ماتقوليلي لا قد با لا بحال با ، ماكنحملش لي يقيس فيك ..
مفهوم كلامي .يا عائشة !
عائشة :(كتشوف فيه ببلاهة ..مزال مالحقت تفرح بغيرتوا لي انفجرت مرة وحدة فوجهها .رجع ليها وجهها فكفاها)
واش من نيتك ..دبا مشحططني ...على كلمة "كيف بحال الوليد" .ومرانيش نكذب ..راه السيد كبير قد با ماعندكش علاش تغيرررر ....!
(بسرعة البرق .،غير سالات ...من جملتها .حتى شدها ..عز من ذراعها بعنف وهو كيكز على أسنانه من شدة الغضب ...)
عزالعرب :قلت ليك متقوليش بحال با ولا زبل . شنو نتيا شنو ! علاش مكتفهميش ،كيفاش وحدة بحالك متعلمة وكتقرى فالجامعة وغبية للهاد الدرجة ....كتفهمي ( هزها كيزعزع فيها )
عائشة :(برقت الدموع فعينيها دغيا) اه فاهمة ...حاجة وحدة ..انا حمارة منسواش لي جاية معاك ...وغلطانة حيث ..تايقة فيك ..دايني للأخر الدنيا ونتا على كلمة ...وحدة باغي تاكلني عليها وكتشك فكلامي وتبني وتعلي بوحدك ...، وريني منين نخرج ولا عرفتي شنو ..هنقلب على الباب بوحدي ...
(وجات تمشي ...ساعة شدها على وجه السرعة....)
عز العرب :دغيا أ توتو ..كتقلقي ..من حبيبك ..
زعمت و شدت فموا كتعصروا فلحظة غضب : متقوليش توتو .. ديرها قداش وتقولي متعصبيش يا توتو ...
عزالعرب: (بمكر )شنو نقول ليك يا طوطو أحسن ..
عائشة :طوطو فعينك إنشاءالله .وراني فاهمك اش كتقصد
مرانيش طايحة على راسي ...!
عزالعرب : نعام يا ختي ..!
عائشة : نتا واحد قليل الأدب ماكتحشمش ..
عزالعرب : هههه تي هانية ...لا حياء فالدين ، دزنا منو كلنا ولا نتي هه خرجتي من الوذنين ...
عائشة: بعد مني ..ماتزيدش معايا الهدرة ..راني مكنشوفش حدايا بالأعصاب ..
(حط يدو على كتفها ..كيعنكشها ويستفزها ،كتجي تزول يديه...كيولي يرجعها ..ويتقل عليها ..وتولي تقاتل وتزولها
ويرجع يحطها ..علاين يحمقها ..وغضبها تلاشى شيئا فشيئا
حتى تبسمت بزز من عنادوا الهبيل لاخور ..باغي يشلها بالأعصاب ...حتى التقليقة ماكيخليها تقلق فراحتها ودير فيها عزة نفسي ما بتسمح لي...وكرامتي ثِرُ سعادي..وتقاشري ..رأسُ مالي ....)

 

تحت_رحمة_سادي
بقلم_Sofi_Brada
بارت_56

عز العرب : كنغير عليك من الهوى الطاير ...صافي رتاحيتي ....
(خلاها كتهضم فكلاموا و شدها من يديها و جرها معاه....حالة فمها ...وكدور عينيها ...،فالمكان كانت كتبان ليها فيرما كبيرة ..مبنية بناء تقليدي ..وبجنبها واحد القنت مسيج ..فيها الخيل كيجري ،..حيت دوزها . من طريق بجنبهم ،..ماوقفش هنا كيف كانت كظن ...،زاد و كلما قربوا كتزيد تيبان .ليها ..قصر كيطل عليهم .ماشي ڤيلا ..مستقلة على الفيرما ..،
حتى وصلها للواحد سور قصير غادي طويل إلا مانهاية ، و ودخلها من باب على الليمن ... غادة وكتلفت يمين وشمال ...فممر طرقي صغير واقفين تلات دالطموبيللات متابعين ...وحدة ورا وحدة ..كانت الرونج الكحلة و ميرسيدس والتالتة معرفتش نوعها مي كبيرة ، وشافت بعيد باينة كاينة باب رئيسية أخرى ، طلعوا دريجات للواحد مولاتي خصة كتخطف النفس جاية على شكل شلال ..متلئلئ ....كيطير العقل ...،دايرة بيه جردة كبيرة وشجيرات ديال النخل كلا وحدة فقنت مشتتة ،ثم ...دوزها من شلة دروج ...على ما وصلوا للباب خلفي زجاجي ...مفوه شوية كيدخل نيشان فقلب الدار ...،
كان فبالها مليون سؤال ...وسؤال ،هي براسها معرفتش حتى كيفاش سكتتت وسقرت هاد المدة كاملة مي الصدمة ديرها خرساتها ..،.مكانتش كظن فعز أحلامها ..هو عايش فهاد الخير كامل هذي جنة ...جنة فوق الأرض ..،بدات كتشوف فراسها وتفكر فين عايشين ..وتقول بلاصتي ماشي هنا ...
مسولهاش لا لاش ساكتة لا والو .خلاها هازة عينيها كتشوف فواحد الثرية كبيرة نازلة بكل شموخ فوسط البهو ..وتحنيِ تشوف فالأرض لي معرفاتها واش رخام ولا شنو داك العجب كتبري ..كتقدر تشوف وجهها فالأرضية لي فلون بيج فاتح ....متناسق مع الصباغة دالقصر ،زاد شي خطوات بعييد عليها و قاطع سكونها غير بدى كيعيط أعلى صوتو ... مارثثثثا ...مارثا......
خرجت واحد المراة لابسة لباس كيلبسوه اكثرية دوك المشرفات على الخدم عند الأغنياء ..تكون فالخمسين سميمرة وسموريتها حلوة ،باينة عليها ماشي من المغرب من لهيه ...،وقفت مجبدة الظهر وإبتسامة على وجهها ...
مارثا :(للإشارة هه كتهدر بسبليونية مهرسة مع شوية انجليزية) مرحبا ..بسيدي ....
عزالعرب : شكرا مارثا ...(دار جهة عائشة طالق يديه ليا وكيهدر بكل فخر )
Mia amore ...Ven aquí esto es martha !
Ella es como una si la familia para mí
(تبسمت عويشة بكل سعادة والفرحة خارجة من عينيها .،وخا ماقشبلت غير ديك .."ميا مور " حبي ولا حبيبتي ..،مي خطات جاية للجيهتهم ،ضرب جبهتوا بغباء)
عز العرب : أوه نسييييت ...ههه وقلبتها معاك إسبانية ...
المهم هنترجم ليك ..حبي ،بغيتك تعرفي على مارثا ...
راه بحال وحدة من العائلة بالنسبة لييييا ....
(حط يديه على كتاف عائشة ..ودفعها قدامو بكل حب ، وهي كتسلم على مارثا لي بدورها سلمت علييها بكل حب ووئام ...، عاد وجَهْ كلاموا للمارثا ..تطلع ..للبيت لي كتشغْلوا ختوا ملي كتجي ،
تما تديي عائشة تدوش وتريح شوية ...حركت ليه مارثا الراس بأه)
مارثا :(موجهها هدرتها للعيشة بكلام متقطع) أجي معايا ..
My dear ..no worrie( ..عزيزتي ...بلا ماتقلق)
عزالعرب: عائشة سيري معاها تديك ..تدوشي وعطيها حوايجك قبل تغسلهم ليك ..ملي يجي الوقت يكونو نقيين ليك ..
عائشة :(بدات كتشم فجنابها ونيت طلعات معاه ريحة التقية فحوايجها وخا تكب سطل دالريحة الا ماتغسلوا ماتمشي) ولكن شنو هنلبس ماعندي والو إحتييياط ..!
عزالعرب : كظني هنخليك كتسراي ...ملوية لحاف عليك ،وخا تشهيت نشوف المنظر مي راه هتوصلك مارثا للبيت ختي ..راه مخليياه فيه سطوك دالحوايج هتلقاي ماتلبسي ..،لكن تلبسي القصير والعريان مانظمنش ليك راسي حداك ..(وغمزها بمعنى الفاهم يفهم ..وقد أعذر من أنذر .)
عائشة : نو متخافش ..من جيهتي ..،ششد غير عينيك عندك ويكون خيررر ...و(بغات تحل محضر وتبقى تسول)
عزالعرب : شششششش ....عارفك باغة تموتي وتسوليني وديري ليا تحقيق مفتوح ..مي ماشي وقتوا حتى تسالي ..لي قلت لييك ...
عائشة : أوكي ....هاني غادة ...
عزالعرب : متعطليش ...
عائشة : لآ ثواني وتلقاني حداك كيف سحت الليل ..،
عزالعرب: تفوتي ساعة هندخل نجرك كيف ماكنتي ماشي شغلي ..
عائشة : أتحداك ديرها ....( خرجت لسانها ومشات كتجري ورا مارثا لي سبقاتهم كتضحك للمنظرهم بحال رايا وسكينة ملي كتشادو بالهدرة ...، وصلاتها للبيت خت عز فالطابق الثاني وعطاتها سلة ..تدير فيها حوايجها لي خاصهم يتصبنوا وتحط قدام الباب ..على برا باش دوز موراهم ..، دخلات طيرت حوايجها دغيا ولوات عليييها فوطة بزربة ،ولاحت الحوايج الموسخين فالشبكة ونيشان بلاصَتهم قدام الباب وسدات عليها بالساروت ..،وخلاتوا تما ، عاد تكات على ظهر الباب و حلات عينيها مخلوعة من هول ما شافت ...وفمها طايح للأرض ، كأي أنثى عندها عاطفة تزلزل خاطرها وسط هاد الخير ...والجمال ...)

تحت_رحمة_سادي
بقلم_Sofi_Brada
بارت_57

ماعرفتوا بيت ولا برطمة بوحدها مجموعة فيييه ،
شي حاجة عمرها شافتها حتى فالتلفزة ولا أفلام هولييود
بيت يجريو فيه الخيييل .بالبالكوا ديييالو ...بشلة بيبان فيه واش خزانات ولا ماريو ..ماعرفت ، بقات مركزة غير فالناموسية لي فوسطوا ...ينعسوا فيها عشرة ويشيط التيساع ...طاغي فيه للون الموڤ مغلوق والبيج حتى من الدوارة فالسقف لي مدلية منها الثرية من الثوب فالموڤ.،يعني الغرفة كاملة مجهزة بأحدث العصريات والتصاميم والأثات ...،بحال الدرية الصغيرة مشات طايرة كتنقز فوق السرير وتبونبا ..حتى نزلات ليها الفوطة وهي ضرب خدها وتفكرت خاصها دوش دغيا .. ، دغيا وقفت ونزلت من فوقوا كتفتش على فين جاي الحمام حتى كتبان ليها باب وحدة محلولة
كان يحساب ليها بيت ملحق لهذا ولا بيت الزينة ...هه‍
المهم دخلات ليه كتمشى على صباعها لا توسخوا برجليها ،كان نقى هههه ومرتب من حياتها ...كيليق بملك ولا قيصر ...،عمرت البانيييو(جاكوزي) دالحمام عريض لي جاي على شكل دائري ..بالرغوة ....وبركت على شي بوطونات فالجنب شعل الضو ..فالموف ..وبدا الماء كيبقبق ..ويتعبق الجو بريحة الخزامة ..لي زادت فتالي على شكل زيت عطري .،عاد جمعت شعرها للفوق شفنجة و لاحت الفوطة ...ودخلات ...فييه كتلعب بالرغوة بيديها ورجليها وتخيل فراسها هه دايرة فيديو كليب ..غنائي .، ومرة مرة ضرب شوفة فراسها فالمراية لي فالحيط قبالتها ...، تكات راسها على واحد الحافة ...وغمضت عينيها ..حتى تعطلات تما ونسات راسها ....وإستحلت الجاكوزي خدام ...كيبقبق ...،
سمعت الذقان جاي من برا حيت سدت الباب عليييها ديال الحمام بالصاقطة ....،و حلات عينيها كتشوف بجنبها ..مخلوعة
عاد وْعات براسها تعطلات بزاف ،غطست وجهها وشعرها .
فالماء ...حيت نسات تغسلوا ...،وخوات داك الماء ..العامر رغوة ، و طلقات واحد نقي ..، وتجبدت حتى جرت واحد المشطة وديميلوغ ...دغيا طاف طاف ..طرفت شعرها وشلاتوا ...، وخرجت كتقطر ...وتنقز مع الوقت ...،لوات الفوطة عليها ووحدة على راسها ....وخرجت راسها كتطل من باب الحمام لا يكون بصاح دارها ودخل للبيت وخا صداه،
مبان ليها والو ..عاد حلت الباب مزيان وخرجت كاملة ...
ومشات كتفتح فدوك البيبان ..كتقلب على الماريو ..
حتى فتحت وحدة ...ودخلات ..ماعرفتها واش خزانة ولا محل ديال الحوايج والإكسسورات والصيكان والسبابط
كاع لي تقدر تحل علييه فمها موجود تما ...حتى من اصغر الحاجات ..ملابس داخلية ،...بقات كتخربق بيديها بزربة وخا هيا مكرهتش تاخد وقتها وتشوف على خاطرها كلشي كيحمق ومكرهتش تقيسسوا عليييها ..، بانت ليها كسوة فالسموِي بارد ..مزوقيين فيها ورادي بالقهوي ...وجاية غير سميطات للفوق ....ومن جهة البطن مشدودة بشريط قهوي على شكل بابِيو ..،.لبساتها جاتها كتحمق حساب على فورمتها تقول مخييطة عليها ...،ععجباتها طويلة و مفرفرة للتحت ....بقات كدور بيها ودور بيها حتى داخت وشدت الأرض ..وبان ليها فواحد المجر ...كايننين دي شابو وهي مهووسة بيهم ..تقول الأخت تولدات فالميكسيك ، خرجت واحد الشابو ..زوين مزوق بشريط فالقهوي حتى هوا ...
وبقات ليها غير تلوح شي حاجة فوق كتافها عيات دور دور هه كاين غير جواكط سخان ...،هزات غير واحد الشال شداتو فيديها .وخرجت من تما من بعد ما لبست غير صندالة
فالقهوي حادرة ...، ومشات وقفت قدام المراية ..فين كاين مايكاب ...وكل مجاورهما ،دفعت الكرسي وجلست كتشوف فوجهها ...وتشاور مع عقلها واش عادي الا إستعملت شوية ديال الماكياج ....ترددت شوية وردخت للرغبتها ...حيت ليعندها هاد الخير كامل ..لي يتحرق ما يتم ..ماهتلاحظش شنو لي تستعمل وشنو للي لا ...،
هزت كتفها وقالت عادي منظنش ختوا هتمانع الا درت شوية ، ...و زولت الشابو ..و شوشرت شعرها دغيا ...تقاد ليها ونزل مسبسب..،ودوزت شوية مسكارا ..وفراجو ...هنا ولهيه ..تعطي لون للخدودها
ودازت دارت عكار ماط فالوردي بارد ...ورشت شوية
ديال الريحة فعنقها ويديها ...ونادت نايضة ...،
خرجت من البيت ونسات حتى منين جات ...بقات غير تالفة تما حتى بانوليها دروج منقسمين على ليمن وعلى شمال ،قصدت اليمين و نزلات منهم صدقت فجانب اخور من القصر ...ماشفتوش قبيلة ...،دوزت يديها متلهفة كتلمس على لي كنابي والديكورات ....،حتى بان ليييها واحد ...aquarium
فالوسط ...شاد من السقف للأرض ...فيه الحوت ..بمختلف الأشكال ...،بقات غير حالة فمها وحايرة منين كيدخلوا ليهم الماكلة ...،طبطبت على الزاج ...كتجبد انتباه الحوت ليها .
ودارت ...للجهة ...الريح لي كييلعب فشعرها بان ليها باب البالكو...مفتوح ،مخرجتش ليه غير وقفت شادة فالخامية .....و تطل مستمتعة بالجو....والريح لي كيلعب فشعرررها ...مرجعوا لور ...، غمضت عينيها مستقبلة خيالها حلم ...حياة سعييييدة وأسرة صغيرة متكونة منها وهوا وولدهم ولا بنتهم كتجري بين ثماتيل الجردة ..طيح وتوقف ويمشي كيجري عز يلتقطها ويلوحها فالسسسسمى ..وتجي عائشة طايرة ...وقلبها هيطيح بالخلعة وتقول ليه عز حاول علييييها ...يلاه كلات هترد عليييك كلشي ..،يحرك راسوا بعناد ...فيها ويقولها بنتي ونا قابل عليييها ترد علييا ..نتي مالك !
ظلت ..مغمضة عينيها ..،.جفونها حاضنين حلم .دافئ...و ..زوين ..متشوقة تشوفوا حقيقة خارج أسوار الحلم !!

تحت_رحمة_سادي
بقلم_sofi_brada
بارت_58

و هو كان واقف ....ورا الحوض دالحوث ..منين نزلت قبيلة ساعة ما شقعت والو ، ما شافتش عينيه بحال النصر ..لي متبعة كل حركة صغيرة وأهة تنهيدة ..صغيرة كتهرب من فمها ....، إنبهر بجمالها الخلاب ملي شافها منين نزلات كيف شي سندريلا ...هازة الكسوة ...من الأرض ...حتى بانوا رجيلاتها الصغيورين ،وركابيها .....و ملي رمت شعرها ورا وذنها كيف موالفة ..تعمق بعينيه وتغلغل ..فرقبتها البيضة نزولا لليدييها ومعصمها ...والسعادة كتشع من عينيها العسلين ..والإبتسامة مرسومة على فمها ....
دار على الحوض ....رجليييه ..سايقينوا للجيهتها ..،كيشوف فييها ساهية مراهاش فداك العالم ...، سكناها بعينيه من صبعها الصغير الباين من صندالتها ...للأخر شعرة فراسها ...
تسلت ...بشوية من وراها ..وقف نيشان ...جيهة عنقها ...
حست بيه ....بريحتوا لي والفها بينفوا ...بهيبتوا الحاضرة ...بقوة ، ..ساط فعنقها ...بشوية ..وعوجت عنقها حاسة بالتبوريشة طالعة صاروخ معاها ...ودارت كضحك ..
وتواجه ديك الجاذبية ...الطاغية لي قدامها ...لابس كاجوال
تيشرت بيض مرسوم فيه هيكل عضمي ههه ..ودجين ..
وكان شعرو باقي كيبري معنيتها يلاه غسل ...،شافت فيه بكل حب ...وهيام ...، شدها من خصرها ولصقها مع صدرو ....حاط نيفوا على نيفها وجبتوا على جبتها بقاو يتلاقاو ببوسة ..،خطفت وجهوا لور شوية ...بمرح وخلاتوا كيتغدد
عز العرب : هذي هيا نبهتك ....وقلت ليك تستري ...،
(شير بعينيه للجهة صدرها وعنقها ) أش هادشي ...الشريفة ،ومكملاها بالماكياج .....!?
عائشة :(شافت بملل) ملاحظتيش وليتي بحال شي عكوزة حاضية عروستها فالداخلة والخارجة ، متلومنيش أنا ..راه هذي الكسوة الوحييدة لي لقيتها مستورة يعنييي ...ومغطييية ..وعريضة وطويلة....،ومتقوليش نمشي نبدل .... !(بحالا عرفاتو هيقولها سيري بدلي ...سبقات ليه)
عزالعرب : ههه جوابك على نابك ...وعارفك كتكذبي بلا حشمة بلا حيييية فوجهي ...!
عائشة :(شهقت كتبيض فعينيها ) أناااااااااا ....بالعمى !
عزالعرب: شحال نتخاطرو كاينين ...حوايج مغطيين على هذي ...! ملي كتكذبي ...عينيه كيبداو يرمشوا بزربة ...
عائشة :(ارتبكت و تحركت يديها ورى ظهرها كتفك العقدة ديديه .لي عاقد ورا ظهرها وملصقها معاه ) أوكي أوكي ميحتاجش ...،ربحتي ...،مي هذي لي عجباتني ...وطيراتلي العقل وهانتا شوف محترمة ....!(طوت فمها بغنج )
عزالعرب : محترمة جدااااااا ....
عائشة : زدتي فييه ...المرة جاية ضد فيك هنقلع ملط كيف خلاوها ...خوتنا المصرييين ..
عز العرب:(طلق ضحكة بحر صوتوا على حركاتها وهدرتها )
هاحنا فيها ....ماتجي نديك للبيتي وقلعي ملط ...وخليني ...ن...
عائشة :(جابت يديها بزربة وحطاتها قدام وجهوا كعلامة قف) سطوبببب.......حدك تما .., سير تاكل راه نتا ماشي هو نتا ونتا جيعان ههه ....(باستوا بخفة ..كان مستني ..كثار هه ، ورخى يديه منين كان شادها ..،غير طلق علقت ...،للقنت أخور ...واحد البهو ...فيه فطويويات مختلفين ...و شميني عصري وفوق منو كان تصاور مصتفيين ...يمكن دعائلتوا !،بقات حالة فمها ....حتى وقف ثاني وراها )

 

تحت_رحمة_سادي
بقلم_Sofi_Brada
بارت_59

شيرت للواحد الطوف فيها عز هاز واحد المراة وهي نفسها مصورة معاه فزوج طوفات اخرين ،فوحدة معنكشاه و .معصرة فموا بحال شي دري صغير ...والثالتة كتبوسوا فحنكوا وهو الفرحة خارجة من عينيه ،باينة كيبغيها بزاففف وكتبغيه يا إما خالتوا ولا من عائلة حيت مكتشبهش ليه كاع ..لا من بعيد لا من قريب..هي سميمرة شعرها حمر وفيه بعض خصلات زوعر ...نيفها كبير وفمها حتى هوا مي مليلحة )
عائشة : شكون هذي ...!?
عزالعرب:(تبسم وعينيه كيبرقوا) هذي ..ماَّ....
عائشة:(مفهمتش) زعما ماماك ....
عز العرب : أه وي ...
عائشة : أوه سبحان الله كاع مكتشابهوا ..تقول غير مسخرة ههه للباباك ....
(تنهد بقوة ....وعينيه تبدلوا من بريق بالفرحة والإعتزاز للحاجة غريبة ..وبقى عاض على لسانوا وساكت ..., شافت فيه بإستغراب عيشة ..ورجعت كتحقق فالتصاور ..،شافت تصويرة راجل كبير فكادر كبير داير بيه الورد ..،وخا شارف عينيه فيهم شي زروقية كتحمق وشعرو كامل بيض ..كيظل على الوقار والهيبة ....فيساع عرفاتوا باه ..،عضت شنافتها مبغتش تسولوا وتنود عليه المواجع حيت فايت قايلها ميييت ...، تخطاتوا ..وحطت صبعها على الطوف ..الثالية ...كانت ...للولد ولا نقول راجل ..نظرتوا حادة مخنزر يا لطيففف ههه وخا هو غاية الوسامة ...عينيه زورق بزافف ....و شعرو قهوي فاتح ...،وتقاسيم وجهوا منحوثة ..نيف صغير فم عامر وصغير ..وشعرو ..محسنوا مزيان من الجناب مخلي غير شوية للفوق ...و باين على كتفوا ...الوشام ...، هذا بوسطر ماشي تصويرة ...عاديية ، شيرت ليه ودارت للعند عز كتسولوا بعينيه )
عز العرب : هذا ميخائيل ..مي كنيعيطو ليه ميخيل ..فالدار ، خويا ...الصغير ...يلاه فعمرو ستة وعشرين ...
عائشة : كيبان شديد صعيب غير من هاد الشوفة ...لي كتجمد الماء فالركابي ...
عز العرب : (طلق قهقهة خفيفة) كلشي كيقولها علييه ، غير هوا لي معرفوا خسرو وخا صعيببب عندو إيجابياتوا، حْقاني مكيظلم حد ...ومكيسمحش فحقوا . .
عائشة : أممم (قالت فسرها "شكون شكار العروسة مها وخالتها هه زعما هتقولها خايبة فخوك وهو باين جلاخة )...وشكون هذا !?(شيرت للطوف اخرى ،فيها واحد مكسَل ...صدرو ويديه عامرين وشام ...عينيه فالصفر ولا الحجلي هكاك تقريبا ،شعرو كحل و بشرتوا بلقة ..و تقاسيمو هادئة ووسيمة
مكبر شوية ديال اللحية ...كيتخللها شوية ديال الشيب باين الكبير فيهم الا ماخانتها فهامتها )
عزالعرب:(بكل فخر نطق اسموا باين كيحترموا) إسحاق ...
خويا الكبير ....،العقل والرزانة ديال الدار كيف كتقول "ماَّ"...
عائشة : (دارت كتغمزو ) بايييييينة ..فيه مختلف وكيف قلتي رزييين ....ماشي بحالك نتا وخوك الصغير ....
عزالعرب: (قوس عينيه بغيض و بلهجة صارمة نطق )هيه هيه هيه هيه هيه ..
عائشة : بلا ما تبدى ...مكاينش لي معمر ليا عينيا من غيرك .قلت غير الحقائق لي شفت ..ولا بغيتيني نكذب ونمشي للجهنم !?
عزالعرب: ههه هههه لا غير كذبي فهادشي من جهتي غير طلقيها تسرح ....
عائشة : وخا ماطلبتي غير الموجود ..

تحت_رحمة_سادي
بقلم_Sofi_Brada
بارت_60

(ورجعت كتحقق فأخر طوف ديال بنت ..خطيرة فالزين ،هي بنت وبقات حالة فمها فيييها ...،كانت مبوزية دايرة يد ورى راسها والثانية جرا بيها خصلات فتالي دشعرها ..لي فلون قهوي محروق ..نازل حريرررر على كتفها و جايباه جنب على الليمن ديالها ...،عويناتها قطة وخلاص لونهم خليط بين زرق ...و الرمادي ،نيفها طويل ومنگاد ..شفايفها بحال الكرز وسنانها هه بحال الجوهر ،
لابسة غير واحد بودي صيفي فالبيض مبين صدرها العامر مزيان وبلا يدين ... وكاشف البروناج ...لي واخدة بشرتها ..البيضة ، يعني السيدة قرطاسة قرطاسة من نوع كلاشيكنوف ...،هزت عيشة عينيها فعز ونار الغيرة كتحرق فيها للداخل ...)
عائشة: بالسلامة ...شكون هذي لي حاط تصويرتها مع تصاور عائلتك !?
عز العرب : (عطاها وجه جدي) هذي الحب ...الثاني ديالي ..
عائشة :(حست براسها هتسخف وقلبها كيدق يدق ) عز شنو هاد الهدرة ...!
عزالعرب : وي الحب الثاني ...، من بعد الحب الأول لي هيا "مىَّ" كاينة أخر العنقود ختي ..."جنينة " , واش حتى واحد مبقى يبغي ختوا ...!?
عائشة : (هجمت عليه كضربوا للصدرو ..وهو كيشد ليها فيديها حتى عيات وحبست )متبقاش ضحككك معايا هاد الضحك ....
عزالعرب: قوليييييها للراسك ....،شحال من مرة أستفزيتيني اليوم و طيرتي عِيشتي ...جاتك ساهلة وملي جربتي ...،ها عرفتي كيفاش كنحس ...!
عائشة : انا مدرتهاش عن قصد نتا لي كتعصب على والو ..
عز العرب : على والو ...سكتي سكتي شفتي هاد السقف لي فوقنا هيطيح بقوة الزعت ديالك ...،إعترفي راه الإعتراف فضيلة.....!
عائشة : اوفففففف .....ديما كنولي أنا ممزياناش ومكنراعيش ليك ...وزيد وزيد وخا مسح كلشي فييييا وسمحلي ...على والو ....
عز العرب :(شدها من شنايفها ) شي نهار هنقطع ليك هاد اللسان ..لي قوات فيه الفهامة ...
عائشة: (كتخرج الهدرة عوجة وهي كتجبد مع يديه باش تزولها) ...عَر ..طْرَق من فمي...
عزالعرب : ههههه جى معاك التنفنيف ...،تْتَاكْلِي أعمري ...
(زطمت على رجليييييه ....بعنف عاد تفكت من قبضتوا، بدات كتحرك ففمها وتقيس فيه ...وتحسر على العكر لي مشى ههه)
عائشة : واش غير نتا لي مريض بالغيررة ولا عائلتك كاملة
عزالعرب : لا بسلامتك ...،كيف كتشوفيني دبا كاين زوج ...فوطوكوبيات ديالي .....وكل واحد ودرجة جنونوا !
عائشة : هههه فوطوكوبي فالأفعال ، أما الشكل لا خوك الكبير ولا الصغير ولا حتى ختك الصغيرة كتشبه ليك ..
نتا بوحدك لي مغاير عليييهم بدرجة كبيرة ..تجي معاك شي مكسيكي ولا برازيلي ....!
(كتهدر وضحك ...وتعبر كيف بغات ونسات بلي هدرتها لي قالتها بالضحك ..راه نيت حقيقة ..مؤكدة طاحت فيها نيشان بلا ماتعيق براسها ...، فتحت علييه جروح الماضي
فتحت عليييه ...الماضي لي هرب منو هذي شحال ...
لي كيتعامى علييييه رغم كل الحب والدفئ والمساندة لي لاقيها من عائلتوا مي ديما هتبقى حفرة فقلبوا ..وحلقة مفقودة ...منو مهيعوضها غير الأصل ..,كز على سنانو وهو كيهدر بحذة ..وعينيه ولاو نقطة ديال دم غادة وكتكبر فمُومُو عينيه ...البيض .)
عز العرب : هدرتك صحيحة ....،مكنشبهش لييهم حيت ماشي خوتي ...الحقيقييين ...،(بصوت جهوري زلزلها بردوا العنيف )أنا فقط خوهم بالتبني ...!
عائشة :(ذبلات ضحكتها وحست بوذنيها كيصفرو وعقلها طايررر ..ممتيقاش ومقدراش تستوعب هدرتوا) نو ..ماشي بصاح ،كضحك معايا ....ياك ... !?