قصة قصيرة عيشة لعمشة

قصة قصيرة عيشة لعمشة

الكاتبة  بلا إسمم

ﺃﻣﺎﻟﻚ ﺃﻫﺪﺍﻙ ﺑﻮﺧﻨﻮﻧﺔ .. ﻳﺎﻛﻤﺎ ﺳﺨﻨﻮ ﻋﻠﻴﻚ ﺟﻨﺎﺑﻚ .. ﻭﺍﻟﻠﻪ ﻭﻣﺘﺤﻴﺪ ﻛﺮﻭﺳﺘﻚ ﻣﻦ ﺑﻼﺻﺘﻲ ﺣﺘﻰ ﻧوريك اش كنسوا

ﺧﺘﻲ ﻋﻴﺸﺔ ﺑﻼ ﻣﻌﻴﻮﻭﺭ .. ﺭﺍﻩ ﻋﻴﺮ ﺷﻔﺘﻚ ﺗﻌﻄﻠﺘﻲ .. ﻭﺣﻄﻴﺖ ﺑﻼﺻﺘﻚ ..

ﻭﺍﺧﺎ ﻧﺘﻌﻄﻞ .. ﻫﺎﺩ ﺍﻟﺒﻼﺻﺔ ﺩﻳﺎﻝ ﻋﻴﺸﺔ ﻣﻮﻻﺕ ﺍﻟﻘﺰﺑﻮﺭ .. ﻭﻟﻲ ﺟﺎ ﻟﻴﻬﺎ ﻳﻄﻴﺮ ﻟﻴﻪ ﺍﻟﺮﺍﺱ ..

ﺣﺪﺭ ﺭﺍﺳﻮﻭ ﻭﺩﻓﻊ ﻛﺮﻭﺳﺘﻮﻭ .. ﺑﻼ ﻣﻴﺰﻳﺪ ﺣﺘﻰ ﻛﻠﻤﺔ ﺣﻴﺖ ﻋﺎﺭﻑ ﺭﺍﺳﻮ ﻣﻌﺎﻣﻦ

ﻭﻣﻌﺎﻣﻦ ﻏﺎﺩﻱ ﻳﻜﻮﻥ ﻣﻦ ﻏﻴﺮ ﻋﻴﺸﺔ ﺍﻟﻌﻤﺸﺔ .. ﺷﻌﺎﻟﺔ ﺍﻟﻌﻮﺍﻓﻲ .. ﻟﻲ ﺩﻳﻤﺎ ﻣﺪﺍﺑﺰﺓ ﻭﻣﺤﻴﺤﺔ ﻓﺎﻟﻤﺎﺭﺷﻲ

ﻋﻴﺸﺔ ﺍﻟﻤﻠﻘﺒﺔ ﺑﺎﻟﻌﻤﺸﺔ .. ﺑﻨﺖ ﺍﻟﻤﺎﺭﺷﻲ ﻭﺍﻟﺴﻮﺍﻕ .. ﻋﻨﺪﻫﺎ ﺷﻲ ﻋﺸﺮﻳﻦ ﻋﺎﻡ ﻭﻟﻜﻦ ﻟﻲ ﺷﺎﻓﻬﺎ ﻳﻌﻄﻴﻬﺎ ﻛﺜﺮ .. ﻣﺒﻴﻨﻬﺎ ﻭﺑﻴﻦ ﺍﻷﻧﻮﺛﺔ ﻏﻴﺮ ﺍﻟﺨﻴﺮ ﻭﺍﻻﺣﺴﺎﻥ .. ﺩﻳﻤﺎ ﻻﺑﺴﺔ ﻭﺍﺣﺪ ﺍﻟﻜﻴﻄﻤﺔ .. ﻣﺮﺳﻮﻡ ﻓﻴﻬﺎ ﺭﺍﻳﺔ ﻣﻴﺮﻳﻜﺎﻥ .. ﺗﻘﺎﺷﺮ .. ﻛﺤﻠﻴﻦ ﻣﻘﻄﻌﻴﻦ ﻣﻦ ﺍﻟﻜﺪﺍﻡ .. ﻋﺎﻛﺴﺔ ﺩﺍﻙ ﺍﻟﺮﺍﺱ ﺑﻮﺍﺣﺪ ﺯﻳﻒ ﺣﻴﺎﺗﻲ ﺑﻴﺾ ﻭﻟﻜﻦ ﻣﻊ ﺍﻟﺮﺑﻴﻊ ﻭﺍﻟﺒﺎﺭﺑﺔ .. ﻭﺍﻟﻐﺐﺭﺓ ﻭﺍﻟﺘﺮﺍﺏ .. ﻭﻻﻭ ﻓﻴﻪ ﺃﻟﻮﺍﻥ ﺍﻟﻄﻴﻒ .. ﻗﺮﺍﺕ ﺣﺘﻰ ﻟﻠﺴﻴﺰﻳﺎﻡ .. ﻓﺎﺵ ﻣﺮﺽ ﺑﺎﻫﺎ ﻭﻣﺎﺕ .. ﺧﺮﺟﺎﺕ ﻣﻦ ﺍﻟﻘﺮﺍﻳﺎ ﺣﻴﺖ ﻫﻲ ﺍﻟﻜﺒﻴﺮﺓ .. ﻭﺧﻼ ﺧﻮﺗﻬﺎ ﺻﻐﺎﺭ ﻭﻣﻬﺎ ﻣﺮﻳﻀﺔ ... ﺷﻤﺮﺍﺕ ﻋﻠﻰ ﺍﻟﻜﺘﺎﻑ .. ﻭﺧﺮﺟﺎﺕ ﻟﺒﻼﺻﺔ ﺩﻳﺎﻝ ﺑﺎﻫﺎ ﻓﺎﻟﺴﻮﺍﻕ .. ﻭﺍﻟﻤﺎﺭﺷﻴﺎﺕ ..

ﻓﻈﺮﻑ ﻋﺎﻡ ﺭﺟﻊ ﻛﻠﺸﻲ ﻋﺎﺭﻓﻬﺎ .. ﻭﺗﻴﺨﺎﻑ ﻣﻨﻬﺎ .. ﻣﻦ ﻧﻬﺎﺭ ﻛﺎﻧﺖ ﻏﺎﺩﻳﺎ ﺗﻄﻴﺮ ﻟﻮﺍﺣﺪ ﺍﻟﺨﻀﺎﺭ .. ﻭﺩﻧﻴﻴﻪ..............

2

ﺩﺍﻙ ﺍﻟﻨﻬﺎﺭ .. ﻛﺎﻥ ﺑﺤﺮﺍ ﻣﺎﺕ ﺑﺎﻫﺎ .. ﺟﺎﻳﺔ ﻟﻠﻤﺎﺭﺷﻲ ﻛﻴﻒ ﺍﻟﻌﺎﺩﺓ .. ﻟﻘﺎﺗﻮ ﺷﺎﺩ ﻟﻴﻬﺎ ﺑﻼﺻﺘﻬﺎ .. ﺑﻘﺎﺕ ﻣﻌﺎﻩ ﺍﻟﻬﻀﺮﺓ ﻭﺍﻟﻤﻌﻴﻮﻭﺭ .. ﺣﻠﻒ ﻻ ﺗﺰﻋﺰﻉ ﻣﻦ ﺑﻼﺻﺘﻬﺎ .. ﻃﺎﺭﺕ ﻟﻴﻪ ﻃﻴﺮﺓ ﻭﺣﺪﺓ ﻋﻠﻰ ﻭﺫﻧﻴﻪ ﺑﻌﻀﺔ .. ﻛﻮﻥ ﻣﺎ ﻓﻜﻮﻫﺶ .. ﻛﻮﻥ ﻃﻴﺮﺍﺗﻬﺎ ﻟﻴﻪ .. ﻭﻛﺎﻧﺖ ﺩﻳﻤﺎ ﺗﻐﻮﺕ ﻭﺗﻬﻠﻞ .. ﻭﻣﺤﻴﺤﺔ .. ﻭﻛﺎﻧﺖ ﻣﻌﻘﻮﻟﺔ ﻓﺎﻟﺒﻴﻊ .. ﻭﺍﻟﺸﺮﺍ ﻣﺘﺪﻱ ﻟﺤﺪ ﺩﻳﺎﻟﻮﻭ .. ﻣﺘﺨﻠﻲ ﺣﺪ ﻳﺪﻱ ﻟﻴﻬﺎ ﺩﻳﺎﻟﻬﺎ .. ﻣﻨﻘﺪﺭﻭﻭﺵ ﻧﻌﺮﻓﻮﺍ ﻭﺍﺵ ﺯﻭﻳﻨﺔ ﻭﻻ ﺧﺎﻳﺒﺔ .. ﺣﻴﺖ ﻣﻼﻣﺤﻬﺎ ﻣﺨﺮﺑﻘﻴﻦ .. ﻛﺎﻧﻮ ﻋﻴﻨﻴﻬﺎ ﻣﺮﺍﺽ ﻭﻓﻴﻬﻢ ﺍﻟﺤﺴﺎﺳﻴﺔ .. ﻭﺍﻟﻄﺐﻳﺐ ﻗﺎﻟﻴﻬﺎ ﺗﺒﻌﺪ ﻋﻠﻰ ﺍﻟﺮﺑﻴﻊ ﻭﺍﻟﻨﺒﺎﺗﺎﺕ .. ﻭﻛﻴﻒ ﺗﺪﻳﺮ ﺗﺒﻌﺪ .. ﻭﻫﺪﺍﻙ ﻃﺮﻑ ﺍﻟﺨﺒﺰ ﺩﻳﺎﻟﻬﺎ .. ﺩﺍﻛﺸﻲ ﻻﺵ ﻛﺎﻧﻮ ﻋﻴﻨﻴﻬﺎ ﺩﻳﻤﺎ ﻣﻌﻤﺸﻴﻦ .. ﻭﻛﻠﺸﻲ ﺗﻴﻌﻴﻂ ﻟﻴﻬﺎ " ﻋﻴﺸﺔ ﺍﻟﻌﻤﺸﺔ ." ﻭﻛﺎﻟﺔ ﺍﻟﻮﺫﻧﻴﻦ ﻫﺎﺩ ﺍﻟﺼﺒﺎﺡ ﻧﺎﺷﻄﺔ .. ﻭﻓﺮﺣﺎﻧﺔ .. ﺳﻠﻌﺘﻬﺎ ﺟﺪﻳﺪﺓ ﻭﻃﺮﻳﺔ .. ﺃﺯﻳﺪﻭ ﺯﻳﺪﻭ ﻣﺎﺑﻘﻰ ﻭﺍﻟﻮ ﺍﻟﺮﺑﻴﻊ .. ﺍﻟﻜﺮﺍﻓﺺ .. ﺍﻟﺤﻤﺺ ﻓﺎﺯﻍ .. ﺯﻳﺪﻱ ﺍﻟﺤﺎﺩﻛﺔ ﺩﻳﺮﻱ ﺍﻟﺤﺮﻳﺮﺓ .. ﺗﺘﻐﻮﺕ ﻭﺍﻟﻌﻴﺎﻻﺕ ﺗﻴﺸﺮﻳﻮﺍ ﻣﻨﻬﺎ ﻭﻳﺘﻌﺎﻭﺩﻭ ﻣﻌﺎﻫﺎ .. ﻣﻮﺣﺎ ﻣﻮﻝ ﺍﻟﺼﻨﻚ ﺗﻴﺪﻭﺭ .. ﻏﻴﺮ ﺗﺘﺸﻮﻓﻮ ﺗﻴﺘﺨﺴﺮ ﻟﻴﻬﺎ ﺍﻟﻨﻬﺎﺭ ﺻﺒﺤﻨﺎ ﻉ ﺍﻟﻠﻪ ﻭﺟﻪ ﺍﻟﻨﺤﺲ ﻣﻮﺣﺎ : ﺻﺒﺎﺡ ﻧﻮﺭ ﻋﻮﻳﺸﺔ .. ﻓﻨﻔﺴﻬﺎ : ﻋﻴﺸﺔ ﻗﻨﺪﻳﺸﺔ ﻟﻲ ﺗﻀﺮﺑﻚ ﺗﻌﻮﺟﻚ ﻭﺍﻧﺖ ﻣﻌﻮﺝ ﻣﻦ ﺭﺑﻲ .. ﻋﻴﺸﺔ : ﺍﺵ ﻛﺎﻳﻦ ﺃﻣﻮﺣﺎ ﻭﺍﺵ ﺗﺒﺪﺍ ﺑﻴﺎ ﺍﻧﺎ ﻟﻮﻟﺔ .. ﺭﺍﻩ ﺍﻟﻤﺎﺭﺷﻲ ﻃﻮﻳﻞ ﻭﻋﺮﻳﺾ .. ﺧﻠﻴﻨﻲ ﻧﺘﺮﺯﻕ ﺍﻟﻠﻪ ﺑﻌﺪﺍ .. ﻣﻮﺣﺎ : ﻭﻋﻮﻳﺸﺔ .. ﻭﺷﻜﻮﻥ ﻗﺎﻟﻚ ﺃﺭﻱ ﺍﻟﻔﻠﻮﺱ .. ﻏﻴﺮ ﺭﺿﻲ ﻋﻠﻴﺎ .. ﻭﺗﻌﻴﺸﻲ ﻣﻌﺎﻳﺎ ﻓﺎﻟﻌﺸﺔ ﻣﻴﺨﺼﻚ ﺗﺎﺧﻴﺮ .. ﻋﻴﺸﺔ ﺧﺮﺟﺎﺕ ﻓﻴﻪ ﻋﻴﻨﻴﻬﺎ : ﺗﺎ ﺗﻤﺸﻲ ﻭﻻ ﻧﻮﺽ ﻟﻴﻚ ﺃﻋﻴﻨﻴﻦ ﻣﻮﻛﺎ .. ﺍﻟﻌﺸﺔ ﺗﺨﺮﻛﻬﺎ ﺍﻥ ﺷﺎﺀ ﺍﻟﻠﻪ .. ﻭﺍﻟﻠﻪ ﻭﻣﺎ ﺗﺒﺪﻝ ﺍﻟﺴﺎﻋﺔ ﺣﺘﻰ ﻧﻌﻠﻔﻚ ﺍﻟﺮﺑﻴﻊ ﻭﺍﻟﻜﺮﺍﻓﺺ .. ﻳﺎﻟﻠﻪ ﺩﻭﻭﺏ ﻣﺸﺎ ﻣﻮﺣﺎ ﺗﻴﺠﺮﻱ .. ﻭﺧﺎﻳﻒ ﻻﺩﻳﺮ ﻓﻴﻪ ﺷﻲ ﻣﺼﻴﺒﺔ .. ﻛﻤﻼﺕ ﺍﻟﺒﻴﻊ ﻭﺍﻟﺸﺮﺍ .. ﻣﺸﺎﺕ ﺷﺮﺍﺕ ﺧﻀﻴﺮﺓ ﻭﻟﺤﻴﻤﺔ ﻟﺪﺍﺭﻫﻢ .. ﺃﻏﻠﺒﻴﺔ ﺗﻴﻌﻄﻴﻮﻫﺎ ﺍﻟﺨﻀﺮﺓ ﻓﺎﺑﻮﺭ ﺑﺎﺵ ﻳﺴﻠﻤﻮﺍ ﻣﻦ ﺷﺮﻫﺎ ... ﺩﻓﻌﺎﺕ ﻛﺮﻭﺳﺘﻬﺎ ﻭﻣﺸﺎﺕ .. ﻃﻠﻌﺎﺕ ﻣﻬﻠﻮﻛﺔ ﻟﻠﺪﺍﺭ .. ﻭﺗﺰﺍﻭﻃﺎﺕ ﻓﻮﻕ ﻭﺍﺣﺪ ﺍﻟﺴﺪﺍﺭﻱ ..

3

ﻣﻬﺎ : ﺍﻧﻮﺿﻲ ﺣﻴﺪﻱ ﺩﻭﻙ ﺍﻟﻨﻘﺎﺷﺮ ﻭﻏﺴﻠﻲ ﺩﻭﻙ ﺍﻟﺮﺟﻠﻴﻦ ﺑﻌﺪﺍ .. ﺭﺍﻛﻲ ﺩﻭﺧﺘﻴﻨﺎ .. ﻋﻴﺸﺔ : ﺃﻣﻲ ﺭﺍﻩ ﺭﺟﻠﻴﺎ ﻣﺘﻴﺪﻳﺮﻭﺵ ﺍﻟﺮﻳﺤﺔ .. ﻣﻬﺎ : ﺃﻭﻳﻠﻲ ﻧﻮﺿﻲ ﺷﻮﻓﻲ ﺧﻮﺗﻚ ﺳﺎﺩﻳﻦ ﻧﻴﻮﻓﻬﻢ .. ﻋﻴﺸﺔ : ﺍﻭﻭﻭﻑ ﺍﻟﻠﻪ ﻳﺴﺘﺮ ﻣﺘﺨﻠﻴﻮﺍ ﺣﺪ ﻳﺮﺗﺎﺡ ﻣﺸﺎﺕ ﺧﺸﺎﺕ ﺭﺟﻠﻴﻬﺎ ﺗﺤﺖ ﺍﻟﺮﻭﺑﻴﻨﻲ ﻭﺟﺎﺕ .. ﺣﻄﺎﺕ ﻣﻬﺎ ﺍﻟﻐﺪﺍ .. ﺗﻐﺪﺍﺕ .. ﻭﻣﺸﺎﺕ ﺗﻨﻌﺲ ﺑﺎﺵ ﻋﺸﻴﺔ ﻋﻨﺪﻫﺎ ﻣﺎﻳﺪﺍﺭ .. ﻭﻓﺮﺍﺳﻬﺎ ﻭﺍﺣﺪ ﺍﻟﺒﻼﻥ .. ﺷﺨﺮﺍﺕ ﻣﺰﻳﺎﻥ ﺣﺘﻰ ﺟﺎﺕ ﻣﻬﺎ : ﻋﻴﺸﺔ ﻭﺍ ﻋﻴﺸﺔ ﻋﻴﺸﺔ : ﻣﻤﻤﻢ ﻣﻬﺎ : ﻭﺗﻲ ﻧﻮﺿﻲ ﺭﺍﻩ ﺍﻟﺨﻤﺴﺔ ﻫﺪﻱ .. ﻋﻴﺸﺔ ﻗﻔﺰﺍﺕ : ﻭﺗﻌﻄﻠﺖ ﺃﻣﻲ ﻧﺎﺿﺖ ﻧﻴﺸﺎﻥ ﻟﺒﺴﺎﺕ ﺳﺒﺮﺩﻳﻠﺘﻬﺎ ﻭﻫﺒﻄﺎﺕ .. ﺍﻟﺒﺎﺭﺡ ﻓﺎﻟﺴﻮﻕ ﺳﻤﻌﺎﺕ ﺍﻟﺘﺠﺎﺭ ﺗﻴﻬﻀﺮﻭ ﻋﻠﻰ ﻭﺍﺣﺪ ﺍﻟﺴﻴﺪ ﻟﺒﺎﺱ ﻋﻠﻴﻬﺎ .. ﻋﻨﺪﻭﻭ ﺍﻟﻔﺎﺭﻡ ﺗﻴﺒﻴﻊ ﺍﻟﺨﻀﺮﺓ ﺭﺧﻴﺼﺔ .. ﻭﻫﻲ ﻗﺮﺭﺍﺕ ﺗﺒﺪﻝ ﺍﻟﺤﺮﻓﺔ .. ﻋﻼﺵ ﻣﺘﻮﻟﻴﺶ ﻫﻲ ﻟﻲ ﺗﺒﻴﻊ ﻟﻴﻬﻢ ﺍﻟﺨﻀﺮﺓ .. ﻭﺗﻮﻟﻲ ﻣﺮﻓﺤﺔ ﻭﺗﺪﻳﺮ ﺑﻴﻜﻮﺏ .. ﻭﻻ ﻛﺎﻣﻴﻮ ﻛﺎﻉ .. ﺭﻛﺒﺎﺕ ﻃﺎﻛﺴﻲ ﻣﺸﺎﺕ ﻟﺪﻳﻚ ﺍﻟﻔﻴﺮﻣﺔ .. ﺗﻤﺎﺕ ﻏﺎﺩﺍ ﺩﺍﺧﻠﺔ ﺑﺤﺎﻝ ﺍﻟﻰ ﺩﺍﺧﻠﺔ ﻟﻜﻮﺭﻱ .. ﺟﺎﻱ ﻭﺍﺣﺪ ﺍﻟﻌﺴﺎﺱ ﺗﻴﺠﺮﻱ .. ﺷﺪﻫﺎ ﻣﻦ ﻳﺪﻳﻬﺎ : ﺃﻻﻟﺔ ﻓﻴﻦ ﺩﺍﺧﻠﺔ ﻭﺍﺵ ﺯﺭﻳﺒﺔ ﻫﺪﻱ .. ﻏﻴﺮ ﺷﺪﻫﺎ ﻃﺎﺭﺕ ﻋﻠﻴﻪ ﺑﻘﺠﺔ ﺣﺘﻰ ﺧﺮﺟﻮ ﻋﻴﻨﻴﻪ .. ﻭﻫﻲ ﺗﺘﻨﺰﻝ ﻋﻠﻴﻪ ﻫﺎﻙ ﺑﺎﻻﻙ ﻫﺎﻙ ﺑﺎﻻﻙ .. ﺣﺘﻰ ﺳﺨﻔﺎﺗﻮ ﺗﺠﻤﻌﻮﺍ ﻋﻠﻴﻬﺎ ﺍﻟﺨﺪﺍﻣﺔ .. ﻭﺗﻴﻔﻜﻮﺍ . ﻭﺻﺪﺍﻉ .. ﺷﻮﻳﺔ ﺧﺮﺝ ﻭﺍﺣﺪ ﺍﻟﺸﺎﺏ .. ﺳﺒﺤﺎﻥ ﻣﻦ ﺧﻠﻘﻪ .. ﻏﺰﺍﻝ ﺍﻟﻔﻮﺭﻣﺔ ﻭﺍﻟﻌﻴﻨﻴﻦ ﻭﺍﻟﺸﻌﺮ .. ﺷﺎﻓﺘﻮ ﻋﻴﺸﺔ ﻭﺣﻼﺕ ﻓﻤﻬﺎ .. ﺗﻢ ﺟﺎﻱ ﻟﻌﻨﺪﻫﻢ : ﺃﺵ ﻫﺎﺩ ﺍﻟﺼﺪﺍﻉ .. ﺍﺵ ﻫﺎﺩ ﺍﻟﻔﻮﺿﻰ .. ﺷﻜﻮﻥ ﻫﺬﻱ .. ﻭﺍﺵ ﺣﻤﻘﺔ؟؟ ﺍﻟﻌﺴﺎﺱ : ﺳﻲ ﻣﺼﻄﻔﻰ ﻣﻌﺮﻓﺘﻬﺎ ﻣﻨﻴﻦ ﺧﺮﺟﺎﺕ ﻟﻴﺎ .. ﺟﺎﻳﺎ ﺩﺍﺧﻠﺔ ﺣﺒﺴﺘﻬﺎ ﻭﺩﺍﺭﺕ ﻟﻴﺎ ﻫﺎﺩ ﺍﻟﺤﺎﻟﺔ .. ﻋﻴﺸﺔ ﻓﺎﺵ ﻗﺎﻝ ﻋﻠﻴﻬﺎ ﺍﻟﺤﻤﻘﺔ ﻛﺎﻧﺖ ﻏﺎﺗﺨﻠﻲ ﺩﺍﺭ ﺑﻮﻭﻩ .. ﻏﻴﺮ ﺳﻤﻌﺎﺗﻮ ﺳﻲ ﻣﺼﻄﻔﻰ .. ﻭﻫﻲ ﺗﻔﺮﺍﻧﺎ ﺣﻴﺖ ﻏﺎﺭﺿﻬﺎ ﺑﻴﻪ.

4

ﻣﺼﻄﻔﻰ : ﺍﺵ ﻛﺎﻳﻦ ﺍﻻﻟﺔ ﺷﻜﻮﻥ ﻧﺘﻲ ﻭﺍﺵ ﺑﺎﻏﺎ .. ﻭﺍﺵ ﻧﺘﻲ ﻣﻦ ﺍﻟﻌﻴﺎﻻﺕ ﺩﻳﺎﻝ ﺍﻟﻤﻮﻗﻒ .. ؟ ﺍﺵ ﻫﺎﺩ ﺍﻟﻔﻮﺿﻰ ﺩﺍﻳﺮﺓ ﻟﻴﺎ ... ﻋﻴﺸﺔ : ﺍﻧﺎ ﺟﺎﻳﺔ ﻟﻠﺒﻴﻊ ﻭﺷﺮﺍ ﻫﻨﺎ .. ﻭﻫﺎﺩ ﺭﺍﺱ ﺍﻟﻄﺎﺭﻭ ﺟﺎﻱ ﺷﺎﺩﻧﻲ .. ﻭﺩﺍﺭﺕ ﺑﻐﺎﺕ ﺗﻨﺰﻝ ﻋﻠﻴﻪ ﻭﻫﻲ ﺗﺘﻌﺾ ﺷﻠﻘﻮﻣﺘﻬﺎ .. ﻣﺼﻄﻔﻰ : ﺃﺵ ﻣﻦ ﺑﻴﻊ ﻭﺍﺷﻤﻦ ﺷﺮﺍ ﻟﻲ ﻏﺎﺩﻱ ﻳﻜﻮﻥ ﻋﻨﺪﻱ ﻣﻌﺎﻙ ﻧﺘﻴﺎ؟ !! ﻭﻃﻠﻌﻬﺎ ﻭﻫﺒﻄﻬﺎ ﺩﺍﺭ ﻋﻨﺪ ﺍﻟﻌﺴﺎﺱ : ﺟﻴﺒﻬﺎ ﻟﻠﻤﻜﺘﺐ .. ﻭﻣﺸﺎ ﻭﺧﻼﻫﻢ .. ﻋﻴﺸﺔ : ﻳﺎﻟﻠﻪ ﺃﺭﺍﺱ ﺍﻟﻄﺎﺭﻭ ﻣﺴﻤﻌﺘﻴﺶ ﺳﻴﺪﻙ ﻗﺎﻟﻚ ﺟﻴﺒﻨﻲ .. ﺩﻓﻌﺎﺗﻮ : ﺯﻳﺪ .. ﺩﺍﻫﺎ ﻋﻨﺪﻭﻭ ﻟﻠﻤﻜﺘﺐ .. ﻭﻫﺮﺏ ﺑﺤﺎﻟﻮ .. ﺩﺧﻼﺕ ﺑﻘﺎﺕ ﺣﺎﻟﺔ ﻓﻤﻬﺎ ﻓﻴﻪ .. ﻭﺍﻭ ﺷﺤﺎﻝ ﺯﻭﻳﻮﻥ .. ﺑﺤﺎﻝ ﺍﻟﻤﻤﺘﻠﻴﻦ .. ﻫﺰ ﺭﺍﺳﻮ ﻟﻘﺎﻫﺎ ﻣﺨﺮﺟﺎ ﻓﻴﻪ ﻋﻴﻨﻴﻬﺎ .. ﻭﺣﺎﻻ ﻓﻤﻬﺎ .. ﺟﺎﺗﻮ ﺍﻟﻀﺤﻜﺔ ﻣﻦ ﻣﻨﻈﺮﻫﺎ .. ﻭﺣﺒﺴﻬﺎ ﺑﺰﺯ : ﺷﻨﻮ ﺑﻐﻴﺘﻲ ﻭﺷﻤﻦ ﺑﻴﻊ ﻭﺷﺮﺍ؟؟ ! ﻋﻴﺸﺔ : ﺃﻧﺎ ﺳﻴﺪﻱ ﺧﻀﺎﺭﺓ . ( ﻭﻫﻲ ﻫﺎﺯﺓ ﺭﺍﺳﻬﺎ ﻟﻠﺴﻤﺎ ) ﻭﺳﻤﻌﺖ ﺍﻟﺘﺠﺎﺭ ﺗﻴﻘﻮﻟﻮ ﺭﺍﻙ ﺗﺘﺒﻴﻊ ﺍﻟﺨﻀﺮﺓ ﺑﺜﻤﻦ ﺭﺧﻴﺺ .. ﻭﻣﻊ ﺃﻧﺎ ﺟﺎﻣﻌﺔ ﻓﻠﻴﺴﺎﺕ ﻟﺪﻭﺍﻳﺮ ﺍﻟﺰﻣﺎﻥ .. ﻗﻠﺖ ﻣﻊ ﺭﺍﺳﻲ ﺣﺘﻰ ﺍﻧﺎ ﻧﻮﻟﻲ ﻣﻦ ﻟﺨﻀﺎﺭﺓ ﺍﻟﻜﺒﺎﺭ .. ﻣﺼﻄﻔﻰ ﺷﺎﺩ ﺍﻟﻀﺤﻜﺔ ﻏﻴﺮ ﺑﺰﺯ : ﺷﻨﻮ ﺗﺘﺒﻴﻌﻲ . ؟ ! ﻋﻴﺸﺔ ﻓﺮﺣﺎﻧﺔ : ﺗﻨﺒﻴﻊ ﺍﺳﻴﺪﻱ ﺍﻟﺮﺑﻴﻊ ﻭﺍﻟﻜﺮﺍﻓﺺ .. ﺍﻟﺒﺎﺭﺑﺔ ﻭﺍﻟﺨﻴﺎﺭ .. ﻭﺣﺘﻰ ﺍﻟﺤﻤﺺ ﻓﺎﺯﻍ .. ﻣﺼﻄﻔﻰ ﻣﻘﺪﺭﺵ ﻳﺼﺒﺮ ﻭﺍﻧﻔﺠﺮ ﺑﺎﻟﻀﺤﻚ .. ﻭﻫﻲ ﺑﻘﺎﺕ ﺗﺨﻨﺰ ﻓﻴﻪ : ﻭﻟﻜﻦ ﺩﺍﺑﺎ ﺻﺎﻓﻲ ﺍﻧﻮﻟﻲ ﻣﻦ ﺍﻟﺮﻳﻮﺱ ﻟﻜﺒﻴﺮﺓ 4 ﺳﻨﻴﻦ ﻭﺍﻧﺎ ﻧﺠﻤﻊ .. ﻣﺼﻄﻔﻰ : ﻭﺷﺤﺎﻝ ﺟﺎﻣﻌﺔ؟؟ ﺟﺒﺪﺍﺕ ﻭﺍﺣﺪ ﺍﻟﻤﻴﻜﺔ ﺧﺎﺷﻴﺎﻫﺎ ﻓﺼﺪﺭﻫﺎ .. ﻣﻴﻜﺔ ﻭﺳﻂ ﻣﻴﻜﺔ .. ﻭﻫﻲ ﺗﻜﺒﻬﻢ ﻟﻴﻪ ﻓﻮﻕ ﺍﻟﺒﻴﺮﻭ .. ﻏﻴﺮ 20 ﺩﺭﻫﻤﺎﺕ ﺩﺍﻳﺰﺓ ﻋﻠﻴﻬﻢ ﺍﻟﺤﺮﺏ : ﻫﺎﻫﻮﻣﺎ ﺳﻴﺪﻱ ﺳﻄﺎﺵ ﺭﺍﻟﻒ ﻭ ﺗﻤﻨﻤﻴﺎ .. ﻭﺗﺼﺎﻳﺐ ﻣﻌﺎﻳﺎ .. ﻣﺼﻄﻔﻰ ﺑﻘﺎ ﻳﻀﺤﻚ ﻳﻀﺤﻚ ﺣﺘﻰ ﺑﺎﻧﻮ ﺿﺮﻭﺳﻮ ﻭﻫﻲ ﺗﺘﺨﻨﺰﺭ : ﺍﻟﺨﻀﺮﺍ ﻟﻲ ﻋﻨﺪﻱ ﺭﺍﻩ ﺑﺎﻟﻤﻼﻳﻦ ﺍﻟﺼﺤﻴﺤﺔ .. ﻫﻲ ﺗﺒﺪﻟﻮﺍ ﻓﻴﻬﺎ ﺍﻟﻠﻮﺍﻥ .. ﻭﻫﺰﺍﺕ ﻓﻠﻮﺳﻬﺎ : ﺗﺘﻀﺤﻚ ﺗﻬﺠﺮﻭﺍ ﺍﻥ ﺷﺎﺀ ﺍﻟﻠﻪ .. ﻛﻮﻥ ﻣﺎ ﺣﺸﻤﺘﺶ ﻛﻮﻥ ﻧﺘﻔﺖ ﻟﻴﻚ ﺩﻳﻚ ﺍﻟﺘﺸﻮﻳﻜﺔ ﺑﺤﺎﻝ ﺍﻟﻰ ﻻﺣﺴﻚ ﺣﻤﺎﺭ .. ﻳﺤﺴﺎﺏ ﻟﻴﻚ ﻧﺴﻴﺖ ﺩﻳﻚ ﺣﻤﻘﺔ ﻟﻲ ﻗﻠﺘﻲ ﻟﻴﺎ ﻗﺒﻴﻠﺔ ..

5

ﻣﺼﻄﻔﻰ ﺑﺪﺍ ﻳﺨﻨﺰﺭ ﻓﻴﻬﺎ .. ﻭﺑﺤﺮﺍ ﺑﻐﺎ ﻳﻨﻮﺽ ﻟﻴﻬﺎ .. ﻭﻫﻮ ﻳﺘﺤﻞ ﺍﻟﺒﺎﺏ ﺑﺠﻬﺪ . ﺩﺧﻠﻮﺍ ﻭﺍﺣﺪ ﺍﻟﺰﻭﺝ ﺻﺤﺎﺡ ﻭﻣﻜﻠﻀﻤﻴﻦ : ﺳﻲ ﻣﺼﻄﻔﻰ ﻣﺒﻐﻴﺘﻴﺶ ﺗﺤﺸﻢ .. ﻳﺎﻙ ﺳﻲ ﺍﺣﻤﺪ ﻗﺎﻟﻴﻚ ﺑﻌﺪ ﻣﻦ ﻃﺮﻳﻘﻮ ! ﻭﻗﺮﺑﻮ ﻣﻨﻮ ﻭﺍﺣﺪ ﺟﺒﺪ ﻣﻮﺱ .. ﻃﺎﺭﺕ ﻋﻠﻴﻪ ﻋﻴﺸﺔ ﺑﻮﺍﺣﺪ ﺍﻟﻌﻀﺔ ﻟﻴﺪﻳﻪ ﺣﺘﻰ ﺗﻼﺡ .. ﻧﺎﺽ ﻟﻴﻬﺎ ﺑﻐﺎ ﻳﻀﺮﺑﻬﺎ .. ﻭﻫﻲ ﺗﺠﺒﺪ 2 ﻛﻴﻠﻮ ﻛﺎﻧﺖ ﻫﺎﺯﺍﻫﺎ ﻓﺠﻴﺒﻬﺎ .. ﻭﻧﺰﻻﺕ ﻋﻠﻴﻪ ﻟﻠﺮﺍﺱ ﺣﺘﻰ ﻃﻮﺵ ﺩﻣﻮ .. ﻻﺧﺮ ﺑﺪﺍ ﻳﺪﺍﺑﺰ ﻣﻊ ﻣﺼﻄﻔﻰ .. ﻭﻫﺎﺯ ﻋﺼﺎ ﺿﺮﺏ ﺑﻴﻬﺎ ﻣﺼﻄﻔﻰ ﻟﻴﺪﻳﻪ ﻏﻮﺕ .. ﻭﻫﻲ ﺗﻄﻴﺮ ﻋﻠﻴﻪ ﻣﻦ ﻟﻮﺭ ﻋﻀﺎﺗﻮ ﻣﻦ ﻋﻨﻘﻮﻭ ﺣﺘﻰ ﻃﺎﺡ ﻻﺭﺽ .. ﺳﻤﻌﻮﺍ ﺍﻟﺨﺪﺍﻣﺔ ﺍﻟﻐﻮﺍﺕ ﺟﺎﻭ ﺗﻴﺠﺮﻳﻮ .. ﻟﻘﺎﻭ ﺟﻮﺝ ﻃﺎﻳﺤﻴﻦ ﺩﻣﻬﻢ ﺳﺎﻳﺢ .. ﻭﻣﺼﻄﻔﻰ ﺷﺎﺩ ﻳﺪﻳﻪ .. ﻋﻴﺸﺔ ﻭﺍﻗﻔﺔ ﺑﺤﺎﻝ ﻋﻼﻝ ﺍﻟﻘﺎﺩﻭﺱ ﻫﻪ ﻃﻠﺐ ﻣﻨﻬﻢ ﻣﺼﻄﻔﻰ ﻳﻌﻴﻄﻮﺍ ﻟﻠﺒﻮﻟﻴﺲ .. ﻭﻟﻠﻄﺒﻲﺏ .. ﺟﺎﻭﺍ ﺍﻟﺒﻮﻟﻴﺲ ﺩﺍﻭﺍ ﺩﻭﻙ ﺍﻟﺠﻮﺝ .. ﻭﺟﺎ ﺍﻟﻄﺒﻴﺐ ﻳﻔﺤﺺ ﻣﺼﻔﻄﻰ .. ﻟﻘﺎ ﻳﺪﻳﻪ ﻭﺭﺟﻠﻴﻪ ﻣﻔﺪﻭﻋﻴﻦ .. ﻭﺩﺍﺭ ﻟﻴﻪ ﺍﻟﺒﺎﻧﻀﺎﺕ .. ﻗﺎﻟﻴﻪ ﺧﺎﺻﻚ ﺭﺍﺣﺔ 10 ﺍﻳﺎﻡ ﻣﺼﻄﻔﻰ ﻃﻠﻊ ﻟﻴﻪ ﺍﻟﺪﻡ ﺣﻴﺖ ﻣﻌﻨﺪﻭﺵ ﻟﻲ ﻳﻘﺎﺑﻞ ﻟﻴﻪ ﺷﻐﻠﻮﺍ ﻭﺍﻟﺨﺪﺍﻣﺔ .. ﻋﻴﺸﺔ ﺟﻤﻌﺎﺕ ﺍﻟﻮﻗﻔﺔ ﺗﻤﺸﻲ ﺑﺤﺎﻟﻬﺎ .. ﻋﻴﻂ ﻟﻴﻬﺎ ﻣﺼﻄﻔﻰ : ﻣﻌﺮﻓﺘﺶ ﻛﻴﻔﺎﺵ ﻧﺸﻜﺮﻙ ﺣﻴﺖ ﻛﻮﻥ ﻣﺎ ﻧﺘﻴﺎ .. ﻳﻌﻠﻢ ﺍﻟﻠﻪ ﻛﻮﻥ ﺭﺍﻧﻲ ﻣﺖ .. ﺳﻤﻌﻲ .. ﺷﻨﻮ ﺳﻤﻴﺘﻚ ﺑﻌﺪﺍ؟ !! ﻋﻴﺸﺔ : ﺳﻤﻴﺘﻲ ﻋﻴﺸﺔ ﻭﻫﻲ ﺗﺘﺤﻚ ﻋﻴﻨﻴﻬﺎ .. ﻣﺼﻄﻔﻰ : ﺳﻤﻌﻲ ﺃﻋﻴﺸﺔ .. ﻣﻦ ﺑﻌﺪ ﻫﺎﺩﺷﻲ ﻟﻲ ﺩﺭﺗﻲ ﻭﻻﺕ ﻋﻨﺪﻱ ﺍﻟﺘﻘﺔ ﻓﻴﻚ .. ﻋﻨﺪﻱ ﻟﻴﻚ ﻭﺍﺣﺪ ﺍﻻﻗﺘﺮﺍﺡ .. ﻧﺘﻲ ﻣﺤﺘﺎﺟﺔ ﻟﻠﺨﻀﺮﺓ .. ﺍﻧﺎ ﻣﺴﺘﻌﺪ ﻧﻌﻄﻴﻚ ﻟﻲ ﺑﻐﻴﺘﻲ .. ﻭﻟﻜﻦ ﺑﺸﺮﻁ .. ﺗﺠﻲ ﺗﻘﺎﺑﻠﻲ ﻟﻴﺎ ﺍﻟﻔﻴﺮﻣﺔ .. ﻭﺍﻟﺨﺪﺍﻣﺔ ﻫﺎﺩ ﺍﻟﻌﺸﺮﻳﺎﻡ .. ﻣﻦ ﺑﻌﺪ ﻧﻮﻟﻲ ﺍﻧﺎ ﻻﺑﺎﺱ ﻧﻌﻄﻴﻚ ﺍﻟﺨﻀﺮﺓ ﻟﻲ ﺑﻐﻴﺘﻲ .. ﺃﺵ ﻗﻠﺘﻲ؟؟ ﻋﻴﺸﺔ ﺑﻘﺎﺕ ﺗﻔﻜﺮ : ﺍﻳﻮﺍ ﻭﻛﺮﻭﺳﺘﻲ .. ﻭﺍﻟﺮﺑﻲﻉ ﻭﺍﻟﻜﺮﺍﻓﺺ .. ﻣﺼﻄﻔﻰ : ﺃﻻﻟﺔ ﻛﻞ ﻧﻬﺎﺭ ﻧﻌﻄﻴﻚ ﺩﺍﻛﺸﻲ ﻟﻲ ﻣﻮﺍﻟﻔﺔ ﺗﺼﻮﺭﻱ .. ﺷﺤﺎﻝ ﺗﺘﺼﻮﺭﻱ ﻓﻨﻬﺎﺭ .. ﻫﺰﺍﺕ ﺭﺍﺳﻬﺎ ﻟﺴﻤﺎ ﺑﺤﺎﻝ ﺍﻟﻰ ﺗﺘﺼﻮﺭ ﺍﻟﻤﻼﻳﻦ : ﺍﻟﻨﻬﺎﺭ ﺍﻟﻌﻴﺎﻥ ﺗﻨﺼﻮﺭ ﺳﻄﺎﺷﺮﻣﻴﺎ....

6

ﻣﺼﻄﻔﻰ : ﺃﻻﻟﺔ ﻛﻞ ﻧﻬﺎﺭ ﻧﻌﻄﻴﻚ 500 ﺩﺭﻫﻢ ﺳﻤﻌﺎﺕ ﺍﻟﺘﻤﻦ ﻭﺧﺮﺟﻮﺍ ﻋﻴﻨﻴﻬﺎ ﻭﺣﻼﺕ ﻓﻤﻬﺎ : ﺍﻩ ﺃﺳﻴﺪﻱ ﻣﻮﺍﻓﻘﺔ .. ﻓﻮﻗﺎﺵ ﻧﺒﺪﺍ؟؟ ! ﻣﺼﻄﻔﻰ : ﻣﻦ ﻏﺪﺍ ﺍﻥ ﺷﺎﺀ ﺍﻟﻠﻪ .. ﺟﺒﺪ ﻋﻄﺎﻫﺎ ﺷﻲ ﻓﻠﻮﺱ : ﺳﻴﺮﻱ ﺷﺮﻱ ﺣﻮﺍﻳﺞ ﺑﺪﻟﻲ ﻫﺎﺩ ﺍﻟﺤﺎﻟﺔ ﻋﻴﺸﺔ : ﻣﺎﻟﻲ ﻫﺎﺩ ﺍﻟﻜﻴﻄﺔ ﺭﺍﻩ ﻣﻦ ﻟﻤﻴﺮﻳﻜﺎﻥ ﺷﺮﻳﺘﻬﺎ ﻣﻦ ﺍﻟﺒﺎﻝ ﺑﺴﺘﻤﻴﺎ . ﻫﻮ ﺣﺒﺲ ﺿﺤﻜﺘﻮﺍ : ﻻ ﻏﻴﺮ ﺭﻣﻴﻬﺎ .. ﻭﺷﺮﻱ ﺣﻮﺍﻳﺞ ﺧﺮﻳﻴﻦ .. ﺭﺍﻩ ﺍﻟﺸﻴﻔﻮﺭ ﺃﻳﻮﺻﻠﻚ ﻟﺪﺍﺭﻛﻢ . ﺑﺎﺵ ﺍﻟﺼﺒﺎﺡ .. ﻳﺠﻲ ﻳﺠﻴﺒﻚ .. ﺧﺮﺟﺎﺕ ﻋﻴﺸﺔ .. ﻭﻫﻲ ﻫﺎﺯﺓ ﺭﺍﺳﻬﺎ ﻟﻠﺴﻤﺎ ﻛﺎﻥ ﻳﺤﺴﺎﺏ ﻟﻴﻬﺎ .. ﻭﺻﻼﺕ ﻟﻠﻘﻤﺮ .. ﺭﻛﺒﺎﺕ .. ﺣﺪﺍ ﺍﻟﺸﻴﻔﻮﺭ .. ﻭﺻﻠﻬﺎ ﺣﺘﻰ ﺍﻟﺤﻮﻣﺔ .. ﺩﺧﻼﺕ ﻓﺮﺣﺎﻧﺔ ﺑﺤﺎﻝ ﺍﻟﻰ ﻣﺮﻭﺣﻴﻨﻬﺎ ﻋﺮﻭﺳﺔ .. ﻛﻠﺸﻲ ﺗﺠﻤﻊ ﻋﻠﻴﻬﺎ .. ﻭﺧﻮﺗﻬﺎ ﺍﻟﺼﻐﺎﺭ ﻃﻠﻌﻮﺍ ﻓﻮﻕ ﺍﻟﻄﻮﻣﻮﺑﻴﻞ ﺗﻴﺸﻄﺤﻮﺍ .. ﺧﺮﺝ ﺍﻟﺸﻴﻔﻮﺭ ﻣﺴﻜﻴﻦ ﻣﻦ ﺍﻟﺤﻮﻣﺔ ﻏﻴﺮ ﺑﺰﺯ .. ﻭﻗﺎﻟﻴﻬﺎ : ﻏﺪﺍ ﻧﺘﻼﻗﺎﻙ ﻓﺎﻟﺸﺎﺭﻉ ﺍﻟﻜﺒﻴﺮ ﻃﻠﻌﺎﺕ ﻟﺪﺍﺭﻫﻢ ﻏﻴﺮ ﺣﻼﺕ ﺍﻟﺒﺎﺏ ﺗﻼﻗﺎﺗﻬﺎ ﻣﻬﺎ ﺑﺎﻟﻤﻌﻴﻮﺭ : ﺃﻭﻳﻠﻲ ﺃﺑﻨﺖ ﺍﻟﺤﺮﺍﻡ .. ﻭﻻﻭ ﻳﺠﻴﺒﻮﻙ ﺍﻟﻄﻮﻣﻮﺑﻴﻼﺕ ﺣﺘﻰ ﻟﻠﺪﺍﺭ .. ﺻﺎﻓﻲ ﺧﺮﺟﻮﺍ ﺭﺟﻠﻴﻚ ﻟﻠﺸﻮﺍﺭﻱ .. ﻫﺪﻱ ﻫﻲ ﺃﺧﺮ ﺗﺮﺑﻴﺘﻲ .. ﻭﻃﺎﺭﺕ ﻋﻠﻴﻬﺎ ﺑﻨﺘﻔﺔ .. ﺧﻼﺕ ﺷﻌﻨﺎﻧﺘﻬﺎ ﻃﺎﻟﻌﺔ ﻟﻠﺴﻤﺎ .. ﻋﻴﺸﺔ : ﻭﺍﻣﻲ ﻭﺍﻣﻲ ﻭﻏﺎﻧﺸﺮﺡ ﻟﻴﻚ ﻣﻬﺎ : ﻣﻌﻨﺪﻙ ﻣﺎ ﺗﺸﺮﺣﻲ ﺍﻟﻠﻔﻌﺔ ﺍﻟﻜﺮﻃﻴﻄﺔ .. ﻣﻦ ﻏﺪﺍ ﻧﺠﻮﺟﻚ ﻟﻤﻮﺣﺎ ﺍﻟﺼﻨﺎﻙ .. ﺭﺍﻩ ﺩﻳﻤﺎ ﺗﻴﺨﻄﺒﻚ .. ﻭﻫﺰﺍ ﺯﻧﻔﺎﺭﺗﻚ ﻋﻠﻰ ﺯﻳﻨﻚ .. ﻭﻛﺤﻞ ﻋﻴﻮﻧﻚ .. ﻋﻴﺸﺔ : ﻭﺍﻣﻲ ﻏﻴﺮ ﺳﻤﻌﻲ .. ﺑﻘﺎﺕ ﻋﻴﺸﺔ ﺗﺸﺮﺡ ﻟﻤﻬﺎ .. ﻋﺎﻭﺩﺍﺕ ﻟﻴﻬﺎ ﻋﻠﻰ ﺍﻟﺨﺪﻣﺔ .. ﻭﺟﺒﺪﺍﺕ ﻟﻴﻬﺎ ﺍﻟﻔﻠﻮﺱ ﻋﻄﺎﺗﻬﻢ ﻟﻴﻬﺎ .. ﻗﺎﻟﺖ ﻟﻴﻬﺎ ﺩﺍﻙ ﺍﻟﺮﺍﺟﻞ ﻣﻦ ﻫﻨﺎ ﻋﺸﺮﻳﺎﻡ ﻳﻌﻄﻴﻬﺎ ﺍﻟﺨﻀﺮﺓ ﻭﻏﺎﺩﻱ ﻳﻮﻟﻴﻮ ﻣﺮﻓﺤﻴﻦ .. ﻋﺎﺩ ﻣﻬﺎ ﺳﻜﺘﺎﺕ ﻣﻦ ﺍﻟﻤﻌﻴﻮﺭ .. ﺧﺮﺟﺎﺕ ﻟﻠﺒﺎﻝ ﺗﺘﻜﺴﻰ .. ﺷﺮﺍﺕ ﻭﺍﺣﺪ ﺍﻟﺴﺮﻭﺍﻝ ﺯﺭﻕ .. ﻭﺗﺮﻳﻜﻮ ﻏﻮﺯ .. ﻣﺸﺎﺕ ﻟﻠﺪﺍﺭ ﻓﺮﺣﺎﻧﺔ .. ﺩﻭﺷﺎﺕ .. ﻭﺍﻟﻮﺳﺦ ﻣﺎ ﺑﻐﺎ ﻳﺤﺒﺲ .. ﻋﻄﺎﺕ ﻟﻤﻬﺎ ﺗﻔﻚ ﻟﻴﻬﺎ ﺷﻌﺮﻫﺎ .. ﻣﻬﺎ ﺗﺘﻤﺸﻂ ﻭﻫﻲ ﺍﻟﺪﻣﻮﻉ ﻭﺍﻟﺨﻨﻮﻧﺔ ﻫﺎﺑﻄﻴﻦ : ﺃﻱ ﺃﻱ ﻣﻲ ﻗﺼﺤﺘﻴﻨﻲ ﻣﻬﺎ : ﻗﻄﻌﻲ ﺍﻟﺤﺲ .. ﺗﻨﻘﻮﻟﻚ ﺩﻳﻤﺎ ﻣﺸﻄﻲ ﺷﻌﺮﻙ ﺍﻟﻤﻌﻔﻮﻧﺔ .. ﺭﺍﻩ ﺧﺎﺻﻮ ﻳﻄﺮﻭ ﺩﻳﺎﻝ ﺍﻟﺰﻳﺖ ﻋﺎﺩ ﻳﺘﻔﻚ .. ﻧﻌﺴﺎﺕ .. ﻭﻫﻲ ﺗﺘﺤﻠﻢ ﺑﻨﻬﺎﺭ ﺟﺪﻳﺪ ﺩﻳﺎﻝ ﺍﻟﺨﺪﻣﺔ .. ﻭﺑﻤﺼﻄﻔﻰ ﻟﻲ ﻋﺠﺒﻬﺎ .. ﻓﺎﻗﺖ ﺍﻟﺼﺒﺎﺡ .. ﻟﺒﺴﺎﺕ ﺣﻮﺍﻳﺠﻬﺎ ﺟﺪﺍﺩ ( ﻛﻞ ﻟﻮﻥ ﻣﻦ ﺑﻼﺻﺔ ) ﺑﺪﻻﺕ ﺍﻟﺰﻳﻒ .. ﻫﺎﺩ ﺍﻟﻤﺮﺓ ﻛﻌﺴﺎﺕ ﺑﺰﻳﻒ ﺧﻀﺮ .. ﺣﺴﺎﺕ ﺑﺮﺍﺳﻬﺎ ﻣﻔﺮﻛﺴﺔ ﺧﺎﺭﺟﺔ ﻭﻫﺎﺯﺓ ﺯﻧﺎﻓﺮﻫﺎ .. ﺳﻠﻤﺎﺕ ﻋﻠﻰ ﻣﻬﺎ ﻭﺧﻮﺗﻬﺎ ﻟﻲ ﻣﻐﺎﺗﺸﻮﻓﻬﻤﺶ ﻋﺸﺮﻳﺎﻡ ﻫﺒﻄﺎﺕ ﻏﺎﺩﻳﺎ ﻟﻠﺸﺎﺭﻉ ﺗﺘﻼﻗﺎ ﻣﻊ ﺍﻟﺸﻴﻔﻮﺭ ..

7

ﺑﺪﺍﻭ ﻭﻻﺩ ﺍﻟﺤﻮﻣﺔ ﻳﻨﻜﻮ ﻋﻠﻴﻬﺎ : ﻋﻴﺸﺔ ﻭﺍﻟﺰﻳﻦ .. ﺷﻔﻨﺎﻙ ﻣﻠﻮﻧﺔ ﺍﻟﻴﻮﻡ .. ﻫﺰﺍﺕ ﺣﺠﺮﺓ .. ﺗﻴﺮﺍﺕ ﻋﻠﻴﻬﻢ .. ﻓﺮﻛﺘﺎﺕ ﺍﻟﻤﺠﻤﻊ : ﺷﻤﺎﻛﺮﻳﺔ ﻟﺨﺮﻳﻦ .. ﺧﺮﺝ ﻟﻴﻬﺎ ﻣﻮﺣﺎ ﺍﻟﺼﻨﺎﻙ : ﻋﻮﻳﺸﺘﻲ ﻣﺎﺯﺍﻝ ﻣﺎﺑﻐﺎ ﻳﻬﺪﻳﻚ ﻋﻠﻴﺎ ﺍﻟﻠﻪ .. ﻋﻴﺸﺔ : ﺻﺒﺤﻨﺎ ﻉ ﺍﻟﻠﻪ ﺃﻭﺟﻪ ﻣﻮﻛﺎ .. ﺭﺍﻩ ﻭﺍﺧﺎ ﻳﺘﻘﺎﺩﻭ ﺍﻟﺮﺟﺎﻝ ﻣﻨﺘﺠﻮﺟﻜﺶ .. ﺣﻴﺪ ﻣﻦ ﻗﺪﺍﻣﻲ ﻗﺒﻞ ﻣﺎﻳﻄﻠﻊ ﻟﻴﺎ ﺍﻟﺪﻡ ﺯﺍﺩﺕ ﻭﺧﻼﺗﻮ ﻭﺑﺪﺍ ﻳﻬﻀﺮ : ﻫﺎ ﺍﻟﻌﺎﺭ ﻟﻤﺎ ﺣﻨﻲ ﻋﻠﻰ ﻫﺎﺩ ﺍﻟﻌﺒﺪ ﺍﻟﻀﻌﻴﻒ .. ﺑﺤﺮﺍ ﺩﺍﺭﺕ ﻫﺰﺍﺕ ﺣﺠﺮﺓ ﻏﺎﺩﻳﺎ ﺗﺸﻴﺮ ﻋﻠﻴﻪ .. ﻭﻫﻮ ﻳﺸﺪﻫﺎ ﺑﻜﻌﻄﺔ .. ﻣﺸﺎﺕ ﻟﻘﺎﺕ ﺍﻟﺸﻴﻔﻮﺭ ﺗﻴﺘﺴﻨﺎﻫﺎ .. ﺭﻛﺒﺎﺕ .. ﻭﻣﺸﺎﻭ ﻟﻠﻔﻴﺮﻣﺔ .. ﺍﻟﺸﻴﻔﻮﺭ ﻛﺎﻥ ﻃﺎﻟﻖ ﺍﻏﻨﻴﺔ ﺍﻟﺪﻭﺩﻳﺔ " ﻭﺍﻋﺮ ﻭﺍﻋﺮ " ﻭﻫﻲ ﺑﻘﺎﺕ ﺗﺘﻐﻨﻲ ﺑﻮﺍﺣﺪ ﺍﻟﺤﻠﻮﻕ ﻳﻄﻴﺢ ﺍﻟﺰﺭﺯﻭﺭ ﻣﻦ ﻓﻮﻕ ﺍﻟﺼﻮﺭ .. ﻭﺍﻋﺮ ﻭﺍﻋﺮ ﺍﻧﺘﺎﻳﺎ ﺩﺍﻭﻧﺠﻲ .. ﺍﻟﺸﻴﻔﻮﺭ ﻣﺴﻜﻴﻦ ﻛﺮﻩ ﺍﻻﻏﻨﻴﺔ .. ﻭﻧﺪﻡ ﺣﺘﻰ ﺩﺍﺭﻫﺎ ﻛﺎﻉ .. .. ﻭﺻﻼﺕ ﻟﻠﻔﻴﺮﻣﺔ .. ﺩﺧﻼﺕ ﻟﻠﻔﻴﻼ ﺗﺸﻮﻑ ﻣﺼﻄﻔﻰ ﻛﻴﻒ ﺻﺒﺢ .. ﺩﺧﻼﺕ ﻟﻘﺎﺗﻮ ﻓﻮﻕ ﻭﺍﺣﺪ ﺍﻟﻔﻮﺗﺎﻱ .. ﻻﺑﺲ ﻛﻴﻄﻤﺔ ﻓﺎﻻﺑﻴﺾ .. ﺗﻴﺒﺎﻥ ﻏﺰﺍﻝ ﺗﻴﺤﻤﻖ .. ﺣﻼﺕ ﻓﻴﻪ ﻓﻤﻬﺎ .. ﻫﻮ ﺷﺎﻓﻬﺎ ﻣﻘﺪﺭﺵ ﻳﺤﺒﺲ ﺍﻟﻀﺤﻜﺔ .. ﺑﻘﺎ ﺗﻴﻤﻮﺕ ﺑﺎﻟﻀﺤﻚ : ﺃﻣﺎﻟﻚ ﻋﻠﻰ ﻫﺎﺩ ﺍﻟﻠﺒﺴﺔ؟؟ !! ﻋﻴﺸﺔ : ﺟﻴﺖ ﺯﻭﻳﻨﺔ ﻳﺎﻙ .. ﺭﺍﻩ ﺃﻟﻔﺮﺍﻧﻚ ﻟﻠﺒﻴﺎﺳﺔ .. ﻣﺼﻄﻔﻰ : ﻳﺎﻙ ﻋﻄﻴﺘﻚ ﺍﻟﻔﻠﻮﺱ .. ﻛﻮﻥ ﻣﺸﻴﺘﻲ ﻟﺸﻲ ﺑﻮﺗﻴﻚ ﻭﺷﺮﻳﺘﻲ ﺷﻲ ﻟﺒﺎﺱ ﻉ ﺍﻟﻤﻮﺿﺔ .. ﻋﻴﺸﺔ : ﻭﺍﺳﻲ ﺍﻟﻤﺼﻄﻔﻰ .. ﺭﺍﻩ ﻗﺎﻟﻴﻚ ﻟﺒﺲ ﻗﺪﻙ ﻳﻮﺍﺗﻴﻚ .. ﺍﻧﺎ ﺧﻀﺎﺭﺓ .. ﺍﻟﺒﺎﻝ ﻟﻲ ﻳﻘﺒﻞ ﻋﻠﻴﺎ ﻣﺼﻄﻔﻰ : ﺩﺍﺑﺎ ﻧﺘﻲ ﻏﺎﺗﻨﻮﺑﻲ ﻋﻠﻴﺎ .. ﻗﺪﺍﻡ ﺍﻟﺘﺠﺎﺭ .. ﺧﺎﺻﻜﻲ ﺗﻜﻮﻧﻲ ﻻﺑﺴﺔ ﻣﺰﻳﺎﻥ .. ﺻﺎﻓﻲ ﺍﻧﺎ ﺍﻧﺘﻜﻠﻒ ﺑﻤﻮﺿﻮﻉ ﺍﻟﺤﻮﺍﻳﺞ .. ﺩﺍﺑﺎ ﺳﻴﺮﻱ ﻣﻊ ﺍﻟﻌﺴﺎﺱ .. ﺗﺸﻮﻓﻲ ﺧﺪﻣﺘﻚ .. ﻭﻛﻮﻧﻲ ﻋﻠﻰ ﺑﺎﻝ ﻣﻊ ﺍﻟﺘﺠﺎﺭ .. ﺧﺮﺟﺎﺕ ﻣﻊ ﺍﻟﻌﺴﺎﺱ .. ﺗﻴﺸﻮﻑ ﻓﻴﻬﺎ ﻣﺴﻜﻴﻦ ﻏﻴﺮ ﺑﻨﺺ ﻋﻴﻦ .. ﻭﻣﺰﺍﻝ ﻣﺴﻜﻴﻦ ﻣﻔﻜﺮ ﺍﻟﺴﻠﺨﺔ ﺩﻳﺎﻝ ﺍﻟﺒﺎﺭﺡ .. ﺑﻘﺎ ﻏﺎﺩﻱ ﺑﻴﻬﺎ ﻭﺳﻂ ﺩﻳﻚ ﺍﻟﻔﻴﺮﻣﺔ .. ﺗﺒﺎﺭﻙ ﺍﻟﻠﻪ ﻋﻠﻰ ﺧﻴﻮﺭﺍﺕ ﻫﺎ ﺍﻟﺨﻀﺎﺭﻱ ﻋﻠﻰ ﺍﻻﻧﻮﺍﻉ .. ﺩﻟﻔﻮﺍﻛﻪ ﺗﻴﺸﻬﻴﻮ .. ﺍﻟﺨﻴﺮ ﻟﻲ ﻣﻌﻤﺮﻫﺎ ﺷﺎﻓﺘﻮ .. ﺩﺍﻫﺎ ﻟﻮﺍﺣﺪ ﺍﻟﻈﻠﻴﻠﺔ .. ﻓﻴﻬﺎ ﻃﺒﻠﺔ ﻭﻛﺮﺳﻲ .. ﺟﻠﺴﺎﺕ ﻭﺑﺪﺍﻭ ﻳﺠﻴﻮﺍ ﺍﻟﺘﺠﺎﺭ ﻳﺸﺮﻳﻮﺍ ﻣﻨﻬﺎ .. ﺟﺎﻟﺴﺔ ﺩﺍﻳﺮﺓ ﺭﺟﻞ ﻓﻮﻕ ﺭﺟﻞ .. ﻭﻭﺍﺣﺪ ﺗﺎﺭﺍﺯﺓ ﻓﻮﻕ ﺭﺍﺳﻬﺎ .. ﺑﺪﺍﻭ ﺍﻟﺘﺠﺎﺭ ﻳﺠﻴﻮﺍ .. ﻭﻣﻊ ﻫﻲ ﺗﺒﺎﺭﻙ ﺍﻟﻠﻪ ﺩﺍﻳﺔ ﻭﺟﺎﻳﺒﺔ ﻓﺎﻟﺰﻣﺎﻥ .. ﺷﺤﻔﺎﺗﻪ ﻡ .. ﻛﺎﻧﺖ ﺗﻄﻠﺐ ﻟﻴﻬﻢ ﺗﻤﻦ ﻣﻀﻮﺑﻞ ﻋﻠﻰ ﻟﻲ ﻛﺎﻥ ﺗﻴﺒﻴﻊ ﺑﻴﻪ ﻣﺼﻄﻔﻰ .. ﻛﺎﻧﺖ ﻋﺎﺭﻓﺎﻫﻢ ﺗﻴﺸﺮﻭﺍ ﺑﺎﻟﺮﺧﻰ .. ﺑﻘﺎﻭ ﺍﻟﺘﺠﺎﺭ : ﺃﻻﻟﺔ ﺳﻲ ﻣﺼﻄﻔﻰ ﻛﺎﻥ ﺗﻴﺒﻴﻊ ﻟﻴﻨﺎ ﺑﺘﻤﻦ ﻣﻨﺎﺳﺐ .. ﻧﺘﻲ ﺭﺍﻛﻲ ﺑﻐﻴﺘﻲ ﺗﻘﻄﻌﻲ ﺭﺯﻗﻨﺎ ﻋﻴﺸﺔ : ﺃﺳﻤﻌﻮﺍ ﺃﺩﻭﻙ ﺍﻟﺸﻼﻫﺒﻴﺔ .. ﺭﺍﻧﻲ ﺑﻨﺖ ﺍﻟﺤﺮﻓﺔ .. ﻫﺎﺩ ﺍﻟﺜﻤﻦ ﻟﻲ ﻗﻠﺖ ﻟﻴﻜﻢ .. ﺭﺍﻛﻢ ﺭﺍﺑﺤﻴﻦ ﻣﻨﻮﺭﺍﻩ ﺍﻟﻤﻼﻳﻴﻦ .. ﻭﺳﻲ ﻣﺼﻄﻔﻰ .. ﺭﺍﻧﻲ ﻧﺎﻳﺒﺔ ﻋﻠﻴﻪ .. ﻟﻲ ﻋﺠﺒﻮﺍ ﺍﻟﺜﻤﻦ ﻳﺸﺎﺭﺟﻲ ﻟﻲ ﻣﻌﺠﺒﻮﺵ ﺍﻟﺒﺎﺏ ﺍﻟﺤﺒﺎﺏ.... حسابي الشخصي

8

ﺍﻟﺘﺠﺎﺭ : ﺍﻧﺎﺭﻱ ﺍﻻﻟﺔ ﻋﻴﺸﺔ ﺷﺤﺎﻝ ﻗﺎﺻﺤﺔ .. ﻋﻴﺸﺔ : ﻭﺭﺍﻩ ﺍﻟﺰﻣﺎﻥ ﻟﻲ ﻗﺎﺻﺢ .. ﻗﺮﺏ ﻣﻨﻬﺎ ﻭﺍﺣﺪ ﺍﻟﺘﺎﺟﺮ ﻟﻮﺫﻧﻴﻬﺎ : ﺃﺵ ﺑﺎﻥ ﻟﻴﻚ ﺗﺒﻴﻌﻲ ﻟﻴﻨﺎ ﺑﺎﻟﺘﻤﻦ ﺍﻟﻘﺪﻳﻢ .. ﻭﻧﻌﻄﻴﻮﻙ ﺣﺼﻴﺼﺘﻚ ﻭﻏﻴﺮ ﺑﻴﻨﺎﺗﻨﺎ .. ﻭﻏﻤﺰﻫﺎ .. ... ﻣﺤﺴﺶ ﺑﻴﻬﺎ ﺣﺘﻰ ﻃﺎﺭﺕ ﻋﻠﻴﻪ ﺑﻘﺠﺔ ﻭﺗﺘﻐﻮﺕ ﻭﺗﻬﻠﻞ : ﺃﻳﻮﺍ ﺭﺍﻧﻲ ﻋﻴﺸﺔ ﺑﻨﺖ ﺍﻟﺠﻴﻼﻟﻲ .. ﻣﺘﻨﺴﺮﻕ .. ﻣﺘﻨﻜﺬﺏ .. ﻣﺘﻨﺎﺧﺪ ﺭﺷﻮﺓ .. ﻣﺎﻓﻜﻮﻩ ﻣﺴﻜﻴﻦ ﻣﻦ ﻳﺪﻳﻬﺎ ﻏﻴﺮ ﺑﺎﻟﻜﺸﺎﻳﻒ .. ﻓﺎﻻﺧﻴﺮ ﺷﺮﺍﻭ ﺍﻟﺘﺠﺎﺭ ﺑﺎﻟﺜﻤﻦ ﻟﻲ ﺑﻐﺎﺕ ﻫﻲ .. ﺷﺪﺍﺕ ﺍﻟﺤﺼﻴﺼﺔ .. ﺑﻘﺎﺕ ﺗﺘﺤﺴﺐ ﻓﻴﻬﺎ .. ﻭﻣﺸﺎﺕ ﺍﻟﻔﻴﻼ .. ﺩﺧﻼﺕ ﻟﻘﺎﺕ ﻣﺼﻄﻔﻰ ﺟﺎﻟﺲ ﻭﻣﻌﺎﻩ ﻭﺍﺣﺪ ﺍﻟﺒﻨﺖ ﺯﻋﺮﺓ ﻻﺑﺴﺔ ﺷﻮﺭﺕ ﻗﺼﻴﺮ .. ﻭﺩﻳﺒﺎﺭﺩﻭﺭ ﻭﺭﻗﻴﻘﺔ .. ﻭﻃﻮﻳﻠﺔ .. ﻏﻴﺮ ﺷﺎﻓﻬﺎ ﻣﺼﻄﻔﻰ ﻭﺑﻘﺎ ﻳﻀﺤﻚ : ﻋﻴﺸﺔ ﻋﺎﻭﺩ ﻟﻴﺎ ﺍﻟﻌﺴﺎﺱ ﻋﻠﻰ ﺷﻨﻮ ﺩﺭﺗﻲ ﻣﻊ ﺍﻟﺘﺠﺎﺭ .. ﺻﺮﺍﺣﺔ ﺑﺮﺍﻓﻮﻭ ﻋﻠﻴﻚ ﻋﻴﺸﺔ ﻓﺮﺣﺎﺕ : ﻫﺎﻛﺎ ﺳﻴﺪﻱ ﺭﺯﻗﻚ .. ﻭﺑﻘﺎﺕ ﺗﺤﺴﺐ ﻟﻴﻪ ﻭﻫﻮ ﺗﻴﻀﺤﻚ .. ﻣﺼﻄﻔﻰ : ﺑﻼ ﻣﺘﺤﺴﺒﻲ ﺃﻋﻴﺸﺔ .. ﺻﺮﺍﺣﺔ ﺑﺤﺎﻟﻚ ﻗﻼﻝ ﻓﻬﺎﺩ ﺍﻟﺰﻣﺎﻥ .. ﻫﺎﺩﻳﻚ ﺍﻟﺒﻨﺖ ﺗﺘﺨﻨﺰﺭ ﻓﻴﻬﺎ : ﻣﺼﻄﻔﻰ ﺷﻜﻮﻥ ﻫﺪﻱ ﻭﺍﺵ ﺍﻟﺨﺪﺍﻣﺔ؟؟ ! ﻋﻴﺸﺔ ﻃﻠﻌﻮﺍ ﻟﻴﻬﺎ ﺍﻟﻜﺮﻭﻥ : ﺍﻟﺨﺪﺍﻣﺔ ﻫﻲ ﻧﺘﻲ ﺍﻟﺼﻔﺮﻳﻄﺔ .. ﺍﻟﻌﻮﺝﺓ .. ﺃﻣﺴﻴﺴﻲ ﻣﺼﻄﻔﻰ : ﺗﻬﺪﻧﻲ ﺃﻋﻴﺸﺔ .. ﻧﺴﺮﻳﻦ ﻣﻘﺼﺪﺍﺗﺶ .. ﻧﺴﻴﺖ ﻣﻘﺪﻣﺘﺶ ﻟﻴﻚ .. ﻧﺴﺮﻳﻦ ﺻﺪﻳﻘﺘﻲ .. ﻭﺩﺍﺭ ﻋﻨﺪ ﻧﺴﺮﻳﻦ .. ﻫﺪﻱ ﻋﻴﺸﺔ ﺧﺪﺍﻣﺔ ﻣﻌﺎﻳﺎ .. ﻓﻬﻤﺘﻲ .. ﻭﺧﻨﺰﺭ ﻓﻴﻬﺎ .. ﻧﺴﺮﻳﻦ : ﺃﻭ ﻣﺎ ﺷﻴﻐﻲ .. ﺷﺤﺎﻝ ﻣﺘﻮﺣﺸﺔ .. ﻋﻴﺸﺔ ﺑﻘﺎﺕ ﺗﻌﻮﺟﻬﺎ .. ﻣﻜﺮﻫﺎﺗﺶ ﻃﻴﺮ ﻋﻠﻴﻬﺎ ﺑﻨﺘﻔﺔ .. ﻣﺼﻄﻔﻰ : ﺻﺎﻓﻲ ﺑﺎﺭﻛﺔ .. ﻭﺩﺍﺭ ﻋﻨﺪ ﻋﻴﺸﺔ : ﺑﻐﻴﺖ ﺷﻲ ﺷﻬﻴﻮﺓ ﻣﻦ ﻳﺪﻳﻚ .. ﻓﻴﺎ ﺍﻟﺠﻮﻉ .. ﻋﻴﺸﺔ ﻓﺮﺣﺎﻧﺔ : ﺷﻨﻮ ﻧﻮﺟﺪ ﻟﻴﻚ ﺍﻟﺮﻓﻴﺴﺔ ﺍﻟﻌﻤﻴﺔ .. ﻭﻻ ﻛﺴﻜﺴﻮ ﺑﺎﻟﻜﺪﻳﺪ ﻟﻲ ﺣﺐ ﺍﻟﺨﺎﻃﺮ .. ﻧﺴﺮﻳﻦ ﺑﻘﺎﺕ ﺗﺘﻌﻮﺝ : ﻳﺎﻱ ﺷﻬﺎﺩ ﺍﻟﻤﺎﻛﻠﺔ .. ﻋﻴﺸﺔ : ﻻ ﺑﻨﻴﺘﻲ ﻫﺎﺩ ﺍﻟﻤﺎﻛﻠﺔ ﻣﺘﺼﻼﺣﺶ ﻟﻤﺼﺎﺭﻧﻚ .. ﻣﺼﺎﺭﻧﻚ ﻏﻴﺮ ﺩﻳﺎﻝ ﺩﺍﻧﻮﻥ .. ﻭﺑﻘﺎﺕ ﺗﻔﺮﻧﺲ ﻭﻣﺼﻄﻔﻰ ﺗﻴﻤﻮﺕ ﺑﺎﻟﻀﺤﻚ ﺩﺍﺭﺕ ﻋﻨﺪ ﻣﺼﻄﻔﻰ : ﺃﻧﻮﺟﺪ ﻟﻴﻚ ﺍﻟﺮﻓﻴﺴﺔ ﺑﺎﻟﺪﺟﺎﺝ ﺍﻟﺒﻠﺪﻱ .. ﺑﺎﺵ ﺗﻘﻮﻱ ﻋﻀﺎﻣﻚ .. ﻭﺩﺍﺭﺕ ﻋﻨﺪ ﻧﻨﺴﺮﻳﻦ : ﻭﻏﺎﺩﻳﺎ ﻧﻜﺘﺮ ﺍﻟﺘﻮﻣﺔ ﻭﺍﻟﺤﻠﺒﺔ .. ﻭﺗﺘﻄﻠﻊ ﻟﻴﻬﺎ ﻓﺤﻮﺍﺟﺒﻬﺎ ﻫﻬﻪ ﻧﺴﺮﻳﻦ ﻣﺸﺎﺕ ﺑﺤﺎﻟﻬﺎ .. ﻋﻴﺸﺔ ﻣﺸﺎﺕ ﻟﻠﻜﻮﺭﻱ ﺩﻳﺎﻝ ﺍﻟﺪﺟﺎﺝ .. ﺑﻘﺎﺕ ﻣﻀﺎﺭﺑﺔ ﻣﻊ ﺍﻟﺪﺟﺎﺝ .. ﺣﺘﻰ ﺷﺪﺍﺕ ﻟﻴﻚ ﻭﺍﺣﺪ ﻣﻮﻻﺗﻲ ﺍﻟﺪﺟﺎﺟﺔ .. ﻋﻄﺎﺗﻬﺎ ﻟﺴﻠﻴﻤﺎﻥ ﺍﻟﻌﺴﺎﺱ ﺩﺑﺤﻬﺎ .. ﺭﻳﺸﺎﺗﻬﺎ .. ﻭﺑﺪﺍﺕ ﺗﺼﺎﻳﺐ ﻟﻴﻚ ﺍﻟﺮﻓﻴﺴﺔ .. ﺳﻠﻴﻤﺎﻥ ﺗﺼﺎﻟﺢ ﻣﻌﺎﻫﺎ .. ﻭﺗﻴﻌﺎﻭﻧﻪﺍ ﻓﻠﻲ ﺑﻐﺎﺕ .. ﻭﺣﺘﻰ ﻫﻲ ﺑﺎﺳﺖ ﻟﻴﻪ ﺭﺍﺳﻮ ﻭﻃﻠﺒﺎﺕ ﺍﻟﺴﻤﺎﺣﺔ.......

9

ﺭﻳﺤﺔ ﺩﻳﺎﻝ ﺍﻟﻤﺴﻤﻦ .. ﻭﺭﻳﺤﺔ ﺍﻟﺮﻓﺎﻳﺲ ﻭﺍﺻﻠﺔ ﺣﺘﻰ ﻟﺒﺎﺏ ﺍﻟﻔﻴﺮﻣﺔ . ﻭﺟﺪﺍﺕ ﺍﻟﻐﺪﺍ ﻗﺎﺩﺍﺗﻬﺎ ﻭﺯﻭﻗﺎﺗﻬﺎ ﺑﺎﻟﺪﺟﺎﺝ ﺍﻟﺒﻠﺪﻱ .. ﻭﺩﺍﺗﻬﺎ ﻟﻤﺼﻄﻔﻰ : ﺍﻣﻤﻢ ﻫﺎﺩﺷﻲ ﺑﺎﻳﻦ ﺑﻨﻴﻦ .. ﺟﻠﺴﻲ ﺃﻋﻴﺸﺔ ﻭﻧﺴﻴﻨﻲ .. ﻋﻴﺸﺔ : ﺻﺎﻓﻲ ﺃﺳﻲ ﻣﺼﻄﻔﻰ ﺍﻧﺎ ﺍﻧﺎﻛﻞ ﻓﺎﻟﻜﻮﺯﻳﻨﺔ ﺍﻧﺎ ﻭﺳﻠﻴﻤﺎﻥ .. ﻣﺼﻄﻔﻰ : ﻛﻮﻧﻲ ﺗﺴﻤﻌﻲ ﻭﺟﻠﺴﻲ ﺗﻮﻧﺴﻴﻨﻲ .. ﻣﺘﻨﺒﻐﻲﺵ ﻧﺎﻛﻞ ﺑﻮﺣﺪﻱ .. ﺟﻠﺴﺎﺕ ﻭﻫﻲ ﺣﺸﻤﺎﻧﺔ .. ﺃﻭ !! ﻋﻴﺸﺔ ﺍﻟﻤﻘﺰﺩﺭﺓ ﺣﺸﻤﺎﺕ .. ﺃﺵ ﻭﻗﻊ؟؟ ! ﻫﻪ ﺟﻠﺴﺎﺕ ﻋﻴﺸﺔ ﺷﻤﺮﺍﺕ ﻭﺑﺪﺍﺕ ﺗﺎﻛﻞ .. ﺗﺘﻬﺰ ﺍﻟﺤﻠﺒﺔ ﻭﺍﻟﺘﻮﻣﺔ ﻭﺗﺘﺤﻄﻬﻢ ﻟﻴﻪ : ﻛﻮﻝ ﺑﺎﺵ ﻋﻀﺎﻣﻚ ﻳﺒﺮﺍﻭ ﺩﻏﻴﺎ .. ﻭﺍﺧﺎ ﻫﻮ ﻣﻌﻨﺪﻭﺵ ﻣﻊ ﺍﻟﺤﻠﺒﺔ .. ﻋﺠﺒﻮﺍ ﺍﻟﺤﺎﻝ ﻭﻋﺠﺒﻮﺍ ﺍﻫﺘﻤﺎﻡ ﻋﻴﺸﺔ .. ﻭﺣﺲ ﺑﺎﺣﺴﺎﺱ ﻏﺮﻳﺐ .. ﺣﻴﺖ ﻭﺍﻟﺪﻳﻪ ﻣﺎﺗﻮﺍ ﻭﻣﻌﻨﺪﻭ ﺣﺘﻰ ﺣﺪ ﻓﺎﻟﺪﻧﻴﺎ .. ﺍﻭﻝ ﻣﺮﺓ ﻳﺤﺲ ﺑﺸﻲ ﺣﺪ ﺃﻣﻴﻦ ﻭﺗﻘﺔ ﻭﺑﺎﻏﻲ ﻟﻴﻪ ﺍﻟﺨﻴﺮ .. ﻛﺎﻉ ﻟﻲ ﺩﺍﻳﺮﻳﻦ ﺑﻴﻪ ﺍﻣﺎ ﺧﺎﻳﻔﻴﻴﻦ ﻣﻨﻮ .. ﺍﻣﺎ ﻃﺎﻣﻌﻴﻦ ﻓﻴﻪ .. ﻛﻤﻠﻮﺍ ﻏﺪﺍﻫﻢ .. ﺟﺎﺑﺖ ﻟﻴﻪ ﻋﻴﺸﺔ ﺍﺗﺎﻱ : ﻫﺎﻛﺎ ﺳﻲ ﻣﺼﻄﻔﻰ ﺃﺗﺎﻱ ﺑﻤﺮﺳﻴﻄﺔ ﻭﺍﻟﺰﻋﺘﺮ .. ﺿﺮﻭﺭﻱ ﻣﻊ ﻫﺎﺩ ﺍﻟﺮﻓﻴﺴﺔ .. ﻣﺼﻄﻔﻰ : ﺍﻳﻮﺍ ﻛﺒﻲ ﻧﺸﻮﻓﻮﺍ .. ﻭﺑﻼ ﺩﻳﻚ ﺳﻲ ﻋﻴﻄﻲ ﻟﻲ ﻏﻴﺮ ﻣﺼﻄﻔﻰ .. ﻛﺒﺎﺕ ﻟﻴﻪ ﻋﻴﺸﺔ ﺃﺗﺎﻱ ﻭﺑﻘﺎ ﻳﺴﻮﻟﻬﺎ ﻋﻠﻰ ﺣﻴﺎﺗﻬﺎ ﻭﻋﺎﺋﻠﺘﻬﺎ .. ﺑﻘﺎﺕ ﺗﻌﺎﻭﺩ ﻟﻴﻬﺎ ﻋﻠﻰ ﺑﺎﻫﺎ ﻟﻲ ﻣﺎﺕ ﻭﺧﻠﻰ ﻟﻴﻬﺎ ﺍﺳﺮﺓ ﻛﺎﻣﻠﺔ .. ﻫﻲ ﻟﻲ ﻣﺴﺆﻭﻟﺔ ﻋﻠﻴﻬﺎ .. ﺑﻘﺎﺕ ﺗﺤﻄﻲ ﻟﻴﻬﺎ ﻋﻠﻰ ﻋﺎﻟﻢ ﺍﻟﺴﻮﻕ ﻭﺍﻟﺪﻳﺎﺑﺔ ﻟﻲ ﻓﻴﻪ .. ﻭﻛﻴﻔﺎﺵ ﺍﻟﺪﻧﻴﺎ ﺧﻼﺗﻬﺎ ﺗﻮﻟﻲ ﺳﺒﻊ ﺑﺎﺵ ﻣﻴﺎﻛﻠﻮﻫﺎﺵ ﺍﻟﺪﻳﺎﺑﺔ .. ﻛﺎﻧﺖ ﺗﺘﻬﻀﺮ ﻭﺗﺘﺤﻚ ﻓﻌﻴﻨﻴﻬﺎ .. ﺳﻮﻟﻬﺎ ﻣﺼﻄﻐﻰ ﻋﻠﻴﻬﻢ ﻗﺎﻟﺖ ﻟﻴﻪ ﻋﻨﺪﻱ ﺍﻟﺤﺴﺎﺳﻴﺔ .. ﻭﻗﺎﻟﻲﻫﺎ ﺧﺎﺻﻚ ﺿﺮﻭﺭﻱ ﺗﺘﻌﺎﻟﺠﻲ ﺣﻴﺖ ﺍﻟﻌﻴﻨﻴﻦ ﺃﻫﻢ ﺣﺎﺟﺔ ﻋﻨﺪﻧﺎ .. ﻭﺭﺍﻫﺎ ﻣﺼﻄﻔﻰ ﺑﻴﺘﻬﺎ ﻓﻴﻦ ﺗﻨﻌﺲ .. ﺩﺧﻼﺕ ﻛﺎﻧﺖ ﺑﻴﺖ ﺯﻭﻳﻦ ﻭﻣﺮﻳﺢ .. ﻣﺸﺎﺕ ﻟﻠﻤﺮﺍﻳﺔ ﻭﺗﺘﺸﻮﻑ ﻓﺮﺍﺳﻬﺎ ﻭﺗﺘﻔﻜﺮ ﻣﺼﻄﻔﻰ ﺍﻟﻀﺮﻳﻒ .. ﻭﻛﻴﻔﺎﺵ ﺗﻴﺘﻌﺎﻣﻞ ﻣﻌﺎﻫﺎ ﻣﺰﻳﺎﻥ .. ﺗﺘﺸﻮﻑ ﻓﻮﺟﻬﺎ ﻭﻣﻼﻣﺤﻬﺎ ﻭﺗﺘﻘﺎﺭﻧﻬﺎ ﻣﻊ ﻣﺴﻴﺴﻲ ﺩﻳﺎﻝ ﻧﺴﺮﻳﻦ .. ﻭﺑﻘﺎﺕ ﺗﺘﻀﺤﻚ ﻋﻠﻰ ﺭﺍﺳﻬﺎ : ﺃﻓﻴﻘﻲ ﻣﻦ ﺍﻟﻜﻠﺒﺔ ﺃﻋﻮﻳﺸﺔ .. ﻭﺍﺵ ﺍﻳﺨﻠﻲ ﺩﻳﻚ ﺍﻟﺰﻳﻦ ﻭﻳﺪﻳﻬﺎ ﻓﻴﻚ .. ﻫﺪﻳﻚ ﻣﻦ ﺗﻮﺑﻮ ﻭﺑﺤﺎﻟﻮ .. ﻧﺘﻲ ﻏﻴﺮ ﺧﻀﺎﺭﺓ .. ﻋﻨﺪﻙ ﻣﻌﺎﻩ ﻋﺸﺮﻳﺎﻡ .. ﻭﺍﻟﻠﻪ ﻳﻌﺎﻭﻥ ... ﻧﻌﺴﺎﺕ ﻓﻮﻕ ﺍﻟﻨﺎﻣﻮﺳﻴﺔ ﻋﺠﺒﺎﺗﻬﺎ ......

10

ﻋﻤﺮﻫﺎ ﻧﻌﺴﺎﺕ ﻓﻮﻕ ﺷﻲ ﻧﺎﻣﻮﺳﻴﺔ .. ﻃﻠﻌﺎﺕ ﻓﻮﻗﻬﺎ ﻭﺗﺘﻨﻘﺰ .. ﺯﻟﻘﺎﺕ ﻃﺎﺣﺖ ﻻﺭﺽ : ﺃﻱ ﻣﻴﻤﺘﻲ ﺟﻨﺎﺑﻲ .. ﻃﻠﻌﺎﺕ ﻭﻫﻲ ﺗﺘﻌﺮﺝ .. ﺗﻜﺎﺕ ﺑﺤﻮﺍﻳﺠﻬﺎ .. ﺗﻐﻄﺎﺕ ﻭﻧﻌﺴﺎﺕ ... ﻃﻠﻊ ﺍﻟﻨﻬﺎﺭ ﺑﻜﺮﻱ ﻓﺎﻟﻔﻴﺮﻣﻰ .. ﻓﺎﻗﺖ ﻧﺎﺷﻄﺔ .. ﻫﺒﻄﺎﺕ ﻟﻠﻜﻮﺯﻳﻨﺔ ﺍﻟﺨﺪﺍﻣﺎﺕ ﺟﺎﻭ ﺣﻴﺖ ﺗﻴﺠﻴﻮ ﻏﻴﺮ ﻓﺎﻟﺼﺒﺎﺡ ﻭﺍﻟﻌﺸﻴﺔ ﺗﻴﻤﺸﻴﻮ .. ﻟﻘﺎﺕ ﺍﻟﻔﻄﻮﺭ .. ﺍﺷﻤﻨﻚ ﻳﺎ ﻣﻼﻭﻱ ﺍﺷﻤﻨﻚ ﻳﺎ ﺑﻐﺮﻳﺮ .. ﺷﻬﻴﺔ ﻣﻔﺘﻮﺣﺔ ﻟﻴﻬﺎ .. ﻋﺮﻛﺎﺗﻬﺎ ﻭﺧﺮﺟﺎﺕ ﻟﻠﻔﻴﺮﻣﺔ ﺗﺸﻮﻑ ﺷﻐﻠﻬﺎ .. ﻣﺸﺎﺕ ﻣﻘﺎﺑﻠﺔ ﺍﻟﺒﻬﺎﻳﻢ .. ﻣﻘﺎﺑﻠﺔ ﺍﻟﻨﺎﺱ ﺍﻟﻤﻬﺘﻤﻴﻦ ﺑﺎﻟﺤﻠﻴﺐ .. ﻭﻣﻘﺎﺑﻞﺓ ﺍﻟﺨﺪﺍﻣﺔ ﻟﻲ ﻓﺎﻻﺭﺽ .. ﻛﻞ ﻭﺍﺣﺪ ﻋﺎﺭﻑ ﺧﺪﻣﺘﻮ .. ﻭﺗﻴﺘﻘﻨﻬﺎ .. ﺩﺍﻙ ﺍﻟﻨﻬﺎﺭ ﻛﺎﻧﻮ ﻏﺎﺩﻳﻴﻦ ﺑﺎﻟﺨﺮﻓﺎﻥ ﻟﻠﺴﻮﻕ ﻳﺘﺒﺎﻋﻮﺍ .. ﻭﻛﺎﻥ ﺧﺎﺻﻬﺎ ﺗﻤﺸﻲ ﻣﻌﺎﻫﻢ ﺑﺎﺵ ﺗﻮﻗﻒ ﻋﻠﻰ ﺷﻐﻠﻬﺎ .. ﺭﻛﺒﺎﺕ ﻓﺎﻟﻜﺎﻣﻴﻮ .. ﻭﺻﻠﻮﺍ ﻟﻠﺴﻮﻕ ﻭﺩﺍﺭﻭﺍ ﺑﻴﻬﻢ ﺍﻟﻜﺴﺎﺑﺔ .. ﻣﻊ ﺗﺒﺎﺭﻙ ﺍﻟﻠﻪ ﺍﻟﺴﻠﻌﺔ ﺯﻳﻨﺔ ﻛﻠﺸﻲ ﺑﻐﺎ ﻳﺎﺧﺪﻫﺎ .. ﺑﻘﺎﺕ ﺗﺒﺎﻳﻊ ﻭﺗﺸﺎﺭﻯ .. ﻃﻠﻌﺎﺕ ﻟﻴﻬﻢ ﺍﻟﺘﻤﻦ ﻟﻠﺴﻤﺎ ﺣﻴﺖ ﻋﺎﺭﻓﺔ ﻋﻨﺪﻫﺎ ﺍﻟﻤﻠﻴﺢ .. ﻓﺎﻻﺧﻴﺮ ﺑﺎﻋﺘﻬﻢ ﺑﺎﻟﺘﻤﻦ ﻟﻲ ﺑﻐﺎﺕ .. ﻭﺭﺑﺤﺎﺕ ﻓﻴﻬﻢ ﺣﺼﻴﺼﺔ ﻛﺒﻴﺮﺓ ﺗﺒﺎﺭﻙ ﺍﻟﻠﻪ .. ﻣﻮﺣﺎ ﺍﻟﺼﻨﺎﻙ .. ﺑﺎﻧﺖ ﻟﻴﻪ ﻋﻴﺸﺔ ﺷﺎﺩﺓ ﺍﻟﻔﻠﻮﺱ ﻭﺗﺘﺒﺎﻳﻊ .. ﺟﺎﻱ ﻋﻨﺪﻫﺎ ﺣﺎﻝ ﻓﻤﻮ ﻭﻣﻌﺎﺭﻑ ﻭﺍﻟﻮ : ﻭﺍ ﻋﻮﻳﺸﺔ .. ﻭﺗﻲ ﻣﻨﻴﻦ ﺟﺎﻙ ﻫﺎﺩﺷﻲ ﻫﺎﻭ؟؟ ! ﻋﻴﺸﺔ : ﻭﺗﺎ ﻣﺎﻟﻚ ﻛﻲ ﺍﻟﻨﺤﺲ ﺗﺎﺑﻌﻨﻲ .. ﺍﻟﻠﻪ ﻳﻠﻜﻴﻬﺎ ﻟﻴﻚ .. ﻭﻣﺸﺎﺕ ﺧﻼﺗﻮ ﺟﺎﺕ ﺗﺎﺑﻌﻬﺎ .. ﺷﺪﻫﺎ ﺑﺎﺵ ﻳﻬﻀﺮ ﻣﻌﺎﻫﺎ .. ﻏﻴﺮ ﻗﺎﺳﻬﺎ .. ﻓﺮﺟﺎﺕ ﻋﻠﻴﻪ ﺍﻟﺴﻮﻕ ﻛﺎﻣﻞ .. ﺿﺮﺏ .. ﻗﻤﻴﺶ ﻭﻋﻀﺎﻥ ﻭﺭﻛﻴﻞ .. ﻛﻤﻼﺕ ﻣﻨﻮ ﺑﺤﺎﻝ ﺍﻟﻰ ﻛﺎﻧﺖ ﻓﺎﻟﺤﺮﺏ .. ﺷﻌﻨﺎﻧﺘﻪﺍ ﻃﺎﻟﻌﺔ ﻟﻠﺴﻤﺎ .. ﻭﺟﻬﺎ ﺣﻤﺮ .. ﻭﻛﻠﻬﺎ ﻣﻐﺒﺮﺓ ﻗﺎﻟﺖ ﻟﻤﻮﻝ ﺍﻟﻜﺎﻣﻴﻮ : ﻳﺎﻟﻠﻪ ﺗﺤﺮﻙ ﻧﻤﺸﻴﻮ .. ﻣﻮﺣﺎ ﺗﻴﺒﻜﻲ : ﻭﺍﺧﺎ ﻋﻴﺸﺔ ﺍﻟﻰ ﻣﺨﻠﻴﺘﻬﺎ ﻓﻴﻚ ﻣﻨﺘﺴﻤﺎﺵ ﺍﻧﺎ ﻣﻮﺣﺎ ﺍﻟﺴﻮﺳﻲ .. ﻭﺻﻼﺕ ﻟﻠﻔﻴﺮﻣﺎ ﺑﺪﻳﻚ ﺍﻟﺤﺎﻟﺔ .. ﺩﺧﻼﺕ ﻟﻠﺪﺍﺭ ﺷﺎﻓﻬﺎ ﻣﺼﻄﻔﻰ ﺗﺨﻠﻊ : ﻳﺎﺭﺑﻲ ﺍﻟﺴﻼﻣﺔ ﻣﺎﻟﻜﻲ ﻓﻬﺎﺩ ﺍﻟﺤﺎﻟﺔ .. ﻋﻴﺸﺔ : ﻏﻴﺮ ﻣﻮﺣﺎ ﻭﺟﻪ ﺍﻟﻔﻜﺮﻭﻥ .. ﺗﺎﺑﻌﻨﻲ ﻛﻲ ﺍﻟﺘﺎﺑﻌﺔ .. ﻭﻣﻜﻤﻠﻪﺍ ﺷﺎﺩﻧﻲ .. ﺑﺎﻟﺤﻖ ﺧﻠﻴﺖ ﺩﺍﺭ ﺑﻮﻭﻩ .. ﻣﺼﻄﻔﻰ ﺗﻴﻤﻮﺕ ﺑﺎﻟﻀﺤﻚ : ﻭﺍﺑﺮﺩﻱ ﺷﻮﻳﺔ ﻣﺎﻟﻜﻲ ﻋﺰﻳﺰ ﻋﻠﻴﻚ ﺍﻟﻤﻀﺎﺭﺑﺔ .. ﻭﺍﻟﻤﺶﺍﻛﻴﻞ . ﻋﻴﺸﺔ : ﻭﺭﺍ ﺑﻨﺎﺩﻡ ﺣﻜﺎﺭ ﻳﺸﻮﻓﻚ ﺩﺭﻭﻳﺶ .. ﻳﺎﻛﻠﻮﻙ ﻭﻳﻐﻠﺒﻮﺍ ﻋﻠﻴﻚ......

11

ﺭﺍﻩ ﻟﻲ ﻳﻔﻜﺮ ﻳﻘﻴﺴﻨﻲ .. ﺗﻨﻘﻄﻊ ﻟﻴﻪ ﻳﺪﻳﻪ .. ﺑﻘﺎ ﻣﺼﻄﻔﻰ ﺗﻴﻀﺤﻚ ﻭﻫﻲ ﺗﺘﺨﻨﺰﺭ ﻓﻴﻪ : ﻫﺎﻙ ﺷﺪ ﻓﻠﻮﺳﻚ .. ﻭﺣﺴﺒﻬﻢ .. ﻣﺼﻄﻔﻰ ﺷﺪ ﺍﻟﻔﻠﻮﺱ ﺗﻴﺤﺴﺒﻬﻢ : ﻫﺎﺩﺷﻲ ﺑﺰﺍﻑ ﺃﻋﻴﺸﺔ .. ﻣﻤﻮﺍﻟﻔﺶ ﻧﺮﺑﺢ ﻫﺎﺩﺷﻲ ﻛﺎﻣﻞ .. ﻋﻴﺸﺔ : ﺣﻘﺎﺵ ﻣﺨﺪﻡ ﻣﻌﺎﻙ ﺍﻟﺮﻋﺎﻭﻳﻴﻦ .. ﻭﺭﺍﻩ ﺧﺎﺻﻚ ﺗﻜﻮﻥ ﺣﺎﺭ ﻓﺎﻟﺒﻴﻊ ﻭﺍﻟﺸﺮﺍ .. ﺧﺎﺻﻚ ﺗﻜﻮﻥ ﻣﻮﺱ ﻭﻣﺎﺿﻲ .. ﻣﺼﻄﻔﻰ ﻗﺮﺏ ﻋﻨﺪﻫﺎ ﻭﺑﻘﺎ ﻳﺸﻮﻑ ﻟﻴﻬﺎ ﻓﻌﻴﻨﻴﻪ .. ﻭﺍﺧﺎ ﻋﻴﻨﻴﻬﺎ ﻣﺨﺒﻴﻬﻢ ﺩﺍﻙ ﺍﻟﻌﻤﺶ .. ﻭﻟﻜﻦ ﺣﺲ ﺍﻥ ﻭﺭﺍﻫﻢ ﺳﺤﺮ ﻋﺠﻴﺐ .. ﻫﻲ ﺗﻠﻔﺎﺕ : ﻫﺎ ﻫﺎ ﺍﻧﺎ ﻧﻤﺸﻲ ﻧﻮﺟﺪ ﺍﻟﻌﺸﺎ .. ﻣﺸﺎﺕ ﻭﺧﻼﺗﻮ .. ﺩﺧﻼﺕ ﺍﻟﻜﻮﺯﻳﻨﺔ .. ﻭﻫﻲ ﺗﺘﻔﻜﺮ ﻓﻴﻪ .. ﻣﻌﺮﻓﺎﺗﺶ ﻋﻼﺵ ﻗﻠﺒﻬﺎ ﺗﻴﻀﺮﺏ ﺑﺰﺍﻑ ﻣﻨﻴﻦ ﺗﻴﺸﻮﻓﻮﺍ .. ﺍﻭﻳﻠﻴﻰ ﻳﺎﻛﻤﺎ ﻫﺪﺍ ﻫﻮ ﺩﺍﻙ ﺍﻟﺤﺐ ﻭﺍﻟﻐﺮﺍﻡ .. ﺃﻭﻳﻠﻲ ﻳﺎ ﻋﻴﺸﺔ .. ﻳﻌﻄﻴﻚ ﺣﺒﻮﺑﺔ ﻟﻤﺎ ﻓﻴﻘﻲ .. ﺁﺵ ﺟﺎﺏ ﺍﻟﻘﺼﺪﻳﺮ ﻟﻠﺬﻫﺐ .. ﺻﺎﻭﺑﺎﺕ ﻭﺍﺣﺪ ﻣﻮﻻﻱ ﺍﻟﻄﺎﺟﻴﻦ ﺑﺎﻟﺨﻀﺮﺓ .. ﺻﺎﻳﺒﺎﺕ ﺷﻼﻇﺔ .. ﻭﺟﺎﺑﺖ ﻟﻤﺼﻄﻔﻰ ﺍﻟﻌﺸﺎﺀ .. ﻭﻛﻴﻔﻤﺎ ﺩﻳﻤﺎ .. ﺷﺪﻫﺎ ﺗﺘﻌﺸﺎ ﻣﻌﺎﻩ .. ﺑﻘﺎﻭ ﻳﻬﻀﺮﻭﺍ .. ﻭﻳﺘﻌﺎﻭﺩﻭ .. ﺑﻘﺎ ﻳﺤﻜﻲ ﻟﻴﻬﺎ ﻗﺼﺘﻮﻭ .. ﻗﺎﻟﻴﻬﺎ ﺑﺎﻥ ﻭﺍﻟﺪﻳﻪ ﻣﺎﺗﻮ ﻭﺧﻼﻭ ﻟﻴﻪ ﻓﻠﻮﺱ ﺑﺰﺍﻑ .. ﻭﻫﻮ ﻛﺎﻥ ﻋﺎﻳﺶ ﻓﻔﺮﻧﺴﺎ .. ﺟﺎ ﻟﻠﻤﻐﺮﺏ ﺑﺎﺵ ﻳﻘﺎﺑﻞ ﻣﻼﻛﺎﺗﻮ .. ﻟﻜﻨﻪ ﻣﺘﺄﻗﻠﻤﺶ ﻭﺗﻴﻔﻜﺮ ﻳﺮﺟﻊ ﻋﻦ ﻗﺮﻳﺐ .. ﻫﻲ ﻗﻠﺒﻬﺎ ﺗﻜﻤﺶ ﻣﻨﻴﻦ ﺳﻤﻌﺎﺗﻮﻭ ﻏﺎﺩﻱ ﻳﺴﺎﻓﺮ : ﻭﺍﺵ ﻛﺎﻳﻦ ﺷﻲ ﻭﺍﺣﺪ ﻋﻨﺪﻭﻭ ﻫﺎﺩ ﺍﻟﺠﻨﺔ ﻳﺴﺎﻓﺮ ﻭﻳﺨﻠﻴﻬﺎ .. ﻋﻼﺵ ﻣﺘﻌﻴﺶ ﻫﻨﺎ ﺗﺰﻭﺝ ﻭﺗﺪﻳﺮ ﻭﻻﺩﻙ .. ﻫﻮﻣﺎ ﻳﻌﻤﺮﻭﺍ ﻋﻠﻴﻚ .. ﻣﺼﻄﻔﻰ : ﻣﺰﺍﻝ ﻣﻠﻘﻴﺘﺶ ﻫﺪﻱ ﻟﻲ ﺗﺨﻠﻴﻨﻲ ﻧﺒﻐﻲ ﺍﻻﺭﺽ ﻭﻧﺘﺸﺒﺖ ﺑﻴﻬﺎ .. ﻋﻴﺸﺔ : ﻭﺩﻳﻚ ﺍﻟﺒﻨﺖ ﻧﻴﺴﺮﻳﻦ( ﺑﻐﺎﺕ ﺗﺸﻮﻑ ﺷﻨﻮ ﺗﺤﺖ ﺭﺍﺳﻪ ) ﻫﻮ ﺿﺤﻚ : ﻧﺴﺮﻳﻦ ﻫﺎﻫﺎﻫﺎ ﻧﺴﺮﻳﻦ ﺩﻳﺎﻝ ﺍﻟﺨﺮﻭﺝ .. ﺍﻟﻤﺴﺎﺭﻳﺔ .. ﺍﻟﺢﻓﻼﺕ .. ﺍﻣﺎ ﺍﻟﺰﻭﺍﺝ ﻭﺍﻟﻔﻴﺮﻣﺔ ﻣﺘﺼﻼﺣﺶ ﻟﻴﻬﻢ . ﺷﺎﻓﻴﻬﺎ : ﺭﺍﻫﺎ ﻣﺠﺮﺩ ﺻﺪﻳﻘﺔ ﻣﻦ ﻳﺎﻣﺎﺕ ﻓﺮﻧﺴﺎ ﻣﻴﻤﺸﻴﺶ ﺗﻔﻜﻴﺮﻙ ﺑﻌﻴﺪ .. ﻟﻲ ﺗﺼﻼﺡ ﻟﻴﺎ ﻣﺮﺓ ﻣﺄﺻﻠﺔ .. ﺑﻨﺖ ﺍﻟﺒﻼﺩ .. ﺗﺒﻐﻲ ﺍﻻﺭﺽ .. ﻭﻟﻜﻦ ﺧﺴﺎﺭﺓ ﻋﻴﺸﺔ ﻓﻨﻔﺴﻬﺎ : ﻫﺎﺍﻧﺎ ﻗﺪﺍﻣﻚ ﻟﻌﻤﺔ ﻟﻌﻤﺔ .. ﻭﻟﻜﻦ ﻧﻤﺸﻲ ﻧﺸﻮﻑ ﺭﺍﺳﻲ ﻓﺎﻟﻤﺮﺍﻳﺔ ﺑﺎﺵ ﻧﻔﻴﻖ ﻣﻦ ﺍﻻﺣﻼﻡ ﻫﻬﻪ ﻛﻤﻠﻮﺍ ﻋﺸﺎﻫﻢ .. ﻛﻞ ﻭﺍﺣﺪ ﻃﻠﻊ ﻟﺒﻴﺘﻮﻭ .. ﻭﻫﻲ ﺗﺘﻔﻜﺮ ﻓﻴﻪ ﻭﻓﻬﻀﺮﺗﻮﻭ.....

12

ﺣﺘﻰ ﻫﻮ ﺗﻴﻔﻜﺮ ﻓﻴﻬﺎ ﻋﺠﺒﻮﺍ ﻋﻘﻠﻬﺎ ﺃﻣﺎﻧﺘﻬﺎ ﺃﺧﻼﻗﻬﺎ ﻃﻴﺒﻮﺏ ﺗﻬﺎ ﺗﻤﻨﻰ ﻫﺎﺩﺷﻲ ﻛﺎﻣﻞ ﻳﻠﻘﺎﻫﻢ ﻓﺸﻲ ﻣﺮﺍ ﺗﻜﻮﻥ ﻉ ﺍﻻﻗﻞ ﻓﻴﻬﺎ ﻏﻴﺮ ﺷﻮﻳﺔ ﺩﻳﺎﻝ ﺍﻻﻧﻮﺗﺔ ﻓﺎﻗﺖ ﺍﻟﺼﺒﺎﺡ ﻧﺰﻟﺖ ﻓﻄﺮﺍﺕ ﻭﻣﺸﺎﺕ ﺗﻘﻠﺐ ﻋﻠﻰ ﻣﺼﻄﻔﻰ ﻗﺎﻟﻮﺍ ﻟﻴﻬﺎ ﺭﺍﻩ ﻫﺒﻂ ﻟﻠﻤﺪﻳﻨﺔ ﺧﺮﺟﺎﺕ ﻟﻠﻔﻴﺮﻣﺔ ﻳﺪﻳﻬﺎ ﺑﻴﺪ ﺍﻟﺨﺪﺍﻣﺔ ﺗﻌﺎﻭﻥ ﻫﺬﺍ ﻭﻫﺪﺍ ﻫﺎﻫﻲ ﻣﻊ ﺍﻟﺒﻘﺮ ﻭﺍﻟﻐﻨﻢ ﻫﺎﻫﻲ ﻓﺎﻻﺭﺽ ﻣﻘﺎﺑﻠﺔ ﺍﻟﺨﺪﺍﻣﺔ ﺷﻮﻳﺔ ﻣﺸﺎﺕ ﻟﻠﻈﻠﻴﻠﺔ ﺟﺎﻭ ﺍﻟﺘﺠﺎﺭ ﻫﺎﺩ ﺍﻟﻤﺮﺓ ﻛﺎﻉ ﻣﻨﺎﻗﺸﻮﺍ ﻣﻌﺎﻫﺎ ﺍﻟﺜﻤﻦ . ﺷﺮﺍﻭﺍ ﺑﻠﻲ ﻗﺎﻟﺖ ﻟﻴﻬﻢ ﺑﺎﻋﺖ ﻭﺷﺮﺍﺕ ﺷﻮﻳﺔ ﺟﺎﻱ ﺳﻠﻴﻤﺎﻥ ﺍﻟﻌﺴﺎﺱ ﺗﻴﺠﺮﻱ ﻗﺎﻟﻴﻬﺎ ﺗﻜﻠﻤﻲ ﻟﺴﻲ ﻣﺼﻄﻔﻰ ﻣﺸﺎﺕ ﺗﺘﺠﺮﻱ ﺩﺧﻼﺕ ﻟﻘﺎﺕ ﻣﺼﻄﻔﻰ ﻣﻊ ﻭﺍﺣﺪ ﺍﻟﺮﺍﺟﻞ ﻭﻣﺮﺍﺓ ﻣﺼﻄﻔﻰ : ﺯﻳﺪﻱ ﺃﻋﻴﺸﺔ ﺩﺧﻠﻲ ﻫﺬﺍ ﺍﻟﺪﻛﺘﻮﺭ ﻳﻮﺳﻒ ﺍﺧﺘﺼﺎﺻﻲ ﻓﺄﻣﺮﺍﺽ ﺍﻟﻌﻴﻮﻥ ﺻﺪﻳﻘﻲ ﻋﺎﺩ ﺟﺎ ﻣﻦ ﻓﺮﺍﻧﺴﺎ ﺟﺎﺏ ﺑﺎﺵ ﻳﺪﻭﺯ ﻟﻴﻚ ﻋﻠﻰ ﺍﻟﻌﻴﻨﻴﻦ ﻭﻫﺪﻱ ﺍﻳﻤﺎﻥ ﻣﺮﺍﺗﻮ ﺭﺍﻫﺎ ﺍﺧﺘﺼﺎﺻﻴﺔ ﻓﺎﻟﺘﺠﻤﻴﻞ ﺭﺍﻫﻢ ﺍﻳﺒﻘﺎﻭ ﻣﻌﺎﻧﺎ ﻭﺍﺣﺪ ﺗﻼﺕ ﻳﺎﻡ ﻭﺗﻬﻼﻱ ﻓﻴﻬﻢ ﻋﻴﺸﺔ : ﻋﻠﻰ ﺍﻟﺮﺍﺱ ﻭﺍﻟﻌﻴﻦ ﺳﻠﻤﺎﺕ ﻋﻠﻴﻬﻢ ﻣﺸﺎﺕ ﻟﻠﻜﻮﺯﻳﻨﺔ ﺣﻤﺮﺍﺕ ﺍﻟﺪﺟﺎﺝ ﺍﻟﺒﻠﺪﻱ ﻭﺫﺑﺤﻮﺍ ﺧﺮﻭﻑ ﺻﻴﻔﻄﻮﻩ ﻟﻠﻔﺮﺍﻥ ﻳﺘﺸﻮﻯ ﺍﻟﻔﻮﺍﻛﻪ ﻭﺍﻟﻤﺸﺮﻭﺑﺎﺕ ﻛﻠﺸﻲ ﻋﻠﻰ ﺣﻘﻮ ﻭﻃﺮﻳﻘﻮ ﻓﺎﻟﻌﺸﺎ ﻛﻠﺸﻲ ﺗﺒﻬﺮ ﺑﻴﻬﺎ ﺑﻄﻴﺎﺑﻬﺎ ﻭﺗﺎﻭﻳﻠﻬﺎ ﻟﻲ ﻟﻼﺳﻒ ﻏﻴﺮ ﻓﺎﻟﻤﺎﻛﻠﺔ ﺍﻣﺎ ﺍﻟﺸﻜﻞ ﺩﻳﺎﻟﻬﺎ ﻛﻠﻮﻭ ﻣﺨﺮﺑﻖ ﺧﺮﺟﻮﺍ ﺍﻟﺮﺟﺎﻝ ﺑﺮﻩ ﺑﻘﺎﺕ ﻏﻴﺮ ﻫﻲ ﻭﺍﻳﻤﺎﻥ ﺍﻳﻤﺎﻥ ﺿﺮﻳﻔﺔ ﻭﻣﺤﺒﻮﺑﺔ دﻏﻴﺎ ﺍﻧﺴﺎﺟﻤﺎﺕ ﻣﻌﺎﻫﺎ : ﻋﻴﺸﺔ ﺣﺒﻴﺒﺔ ﻣﺼﻄﻔﻰ ﺗﻴﺸﻜﺮ ﻓﻴﻚ ﻋﻠﻰ ﺍﺧﻼﺻﻚ ﻭﺧﺪﻣﺘﻚ ﻋﻴﺸﺔ ﺣﺪﺭﺍﺕ ﺭﺍﺳﻬﺎ ﺣﺸﻤﺎﺕ : ﺣﺘﻰ ﻫﻮ ﻳﺎ ﺧﺘﻲ ﺿﺮﺍﻳﻒ ﺍﻳﻤﺎﻥ ﺣﺴﺎﺕ ﺑﻴﻬﺎ ﺗﺘﻤﻴﻞ ﻟﻴﻪ ﻭﺑﻘﺎﺕ ﺗﻀﺤﻚ : ﻋﻴﺸﺔ ﻋﻼﺵ ﺍﺣﺒﻴﺒﺔ ﺩﺍﻳﺮﺓ ﻓﺮﺍﺳﻚ ﻫﺎﺩ ﺍﻟﺤﺎﻟﺔ ﻧﺘﻲ ﻣﻼﻣﺤﻚ ﻭﻓﻮﺭﻣﺘﻚ ﺯﻭﻳﻨﻴﻦ ﻭﻟﻜﻦ ﻣﻜﺮﻓﺴﺎﻫﻢ ﺑﻬﺎﺩ ﺍﻟﺪﺭﺍﺑﻞ ﻟﻲ ﺗﺘﻠﺒﺴي ﻭﻫﺎﺩ ﺍﻟﺸﺮﻭﻳﻄﺔ ﻟﻲ ﺩﺍﻳﺮﺓ ﻓﻮﻕ ﺭﺍﺳﻚ ﻋﻼﺵ ﻣﺒﻐﻴﺘﻴﺶ ﺣﺘﻰ ﻧﺘﻲ ﻳﺘﻐﺮﻡ ﺑﻴﻚ ﺷﻲ ﻭﻟﺪ ﺍﻟﻨﺎﺱ ﻭﻳﺘﺰﻭﺝ ﺑﻴﻚ ﻋﻴﺸﺔ : ﺍﻳﻮﺍ ﻟﺒﺎﺱ ﻣﻮﻻﺕ ﺍﻟﻘﺰﺑﻮﺭ ﻫﻮ ﻫﺬﺍ ﺍﻳﻤﺎﻥ : ﺩﺍﺑﺎ ﻧﺘﻲ ﺧﺪﺍﻣﺔ ﻣﻊ ﻭﺗﻘﺎﺩﻱ ﺩﻳﺮﻱ ﻣﻜﻴﺎﺝ ﻋﻴﺸﺔ : ﺃﻭﻳﻠﻲ ﻳﺎ ﺧﺘﻲ ﺑﻐﻴﺘﻲ ﻧﻮﻟﻲ ﺑﺤﺎﻝ ﺍﻟﻤﻮﻧﻴﻜﺎ ﺍﻳﻤﺎﻥ ﺗﺘﻀﺤﻚ : ﺧﻠﻲ ﻫﺎﺩﺷﻲ ﻋﻠﻴﺎ ﺍﻧﺎ ﻣﻦ ﻋﺪﺍ ﻧﺒﺪﺍ ﻓﻴﻚ ﺍﻟﺨﺪﻣﺔ ﺭﺍﻩ ﺧﺎﺻﻜﻲ ﻣﺠﻬﻮﻭﻭﻭﺩ ﻭﺑﻘﺎﺕ ﺗﺘﻀﺤﻚ ﺑﻘﺎﻭ ﻳﺘﻌﺎﻭﺩﻭ ﻭﻳﻀﺤﻜﻮﺍ ﺍﻳﻤﺎﻥ ﻛﺎﻧﺖ ﻏﺰﺍﻟﺔ ﻛﻴﻒ ﺍﻟﻤﻤﺘﻼﺕ ﻭﺣﺘﻰ ﺭﺍﺟﻠﻬﺎ ﺑﺤﺎﻟﻬﺎ ﻗﺎﻟﺖ ﻋﻴﺸﺔ ﻣﻊ ﺭﺍﺳﻬﺎ : ﺣﺘﻰ ﻣﺼﻄﻔﻰ ﻧﻬﺎﺭ ﻳﺘﺰﻭﺝ ﺧﺎﺻﻮ ﻭﺣﺪﺓ ﻛﻴﻒ ﺍﻳﻤﺎﻥ ﺟﺎ ﺍﻟﺪﻛﺘﻮﺭ ﺃﻣﻴﻦ ﻛﺸﻒ ﻟﻴﻬﺎ ﻋﻠﻰ ﻋﻴﻨﻴﻬﺎ ﻗﺎﻟﻴﻬﺎ : ﻣﻜﺮﻓﺼﺔ ﻋﻠﻰ ﻫﺎﺩ ﺍﻟﻌﻴﻨﻴﻦ ﻭﻟﻜﻦ ﻋﻨﺪﻱ ﻭﺍﺣﺪ ﺍﻟﺪﻭﺍ ﺟﺎﻳﺒﻮ ﻣﻌﺎﻳﺎ ﻣﻦ ﻓﺮﻧﺴﺎ ﺍﻳﻔﻴﻜﺎﺱ ﻋﻄﺎﻫﺎ ﺍﻟﺪﻭﺍ ﻗﺎﻟﻴﻬﺎ ﺩﻳﺮﻳﻪ ﻣﻦ ﺍﻟﻠﻴﻞ ﻟﻠﻴﻞ ﻃﻠﻊ ﻫﻮ ﻭﻣﺮﺍﺗﻮ ﻟﺒﻴﺘﻬﻢ ﺑﻘﺎﺕ ﻫﻲ ﻭﻣﺼﻄﻔﻰ ﻗﺎﻟﺖ ﻟﻴﻪ : ﺷﻜﺮﺍ ﺃﺳﻲ ﻣﺼﻄﻔﻰ ﻋﻤﺮﻱ ﻧﺴﺎ ﺧﻴﺮﻙ ﻭﺟﺒﺪﺍﺕ ﻓﻠﻮﺱ ﺍﻟﺒﻴﻊ ﻋﻄﺎﺗﻬﻢ ﻟﻴﻪ ﺧﺪﺍ ﻣﻨﻬﻢ 50 ﺍﻟﻒ ﻗﺎﻟﻴﻬﺎ ﺳﻴﻔﻄﻴﻬﻢ ﻏﺪﺍ ﻟﺪﺍﺭﻛﻢ ﻣﻊ ﺍﻟﺸﻴﻔﻮﺭ ﻋﺎﻭﺩﺍﺕ ﺷﻜﺮﺍﺗﻮ ﻗﺎﻟﻴﻬﺎ : ﻣﺘﻌﺎﻭﺩﻳﺶ ﺗﺸﻜﺮﻳﻨﻲ ﺭﺍﻩ ﺣﻘﻚ ﻫﺪﺍ ﻭﻣﺸﺎ ﻳﻨﻌﺲ ﺧﻼﻫﺎ ﻏﺎﺭﻗﺔ ﻓﺎﻟﺘﻔﻜﻴﺮ ﻭﺗﺼﺮﻑﺍﺗﻮ ﻧﻬﺎﺭ ﻋﻠﻰ ﻧﻬﺎﺭ ﺗﺘﺨﻠﻴﻬﺎ ﺗﺘﻌﻠﻖ ﺑﻴه ﻃﻠﻌﺎﺕ ﻟﺒﻴﺘﻬﺎ ﺗﻨﻌﺲ ﺩﺍﺭﺕ ﺍﻟﺪﻭﺍ ﻭﺍﺧﺎ ﺣﺮﻗﻬﺎ ﺣﺴﺎﺕ ﺑﺎﻟﺮﺍﺣﺔ ﻭﻣﺒﻘﺎﺗﺶ ﺗﺘﺤﻚ .. ﻓﺎﻗﺖ ﻫﺒﻄﺎﺕ ﺗﻌﺎﻭﻥ ﻓﺎﻟﻔﻄﻮﺭ ﻓﺎﻗﻮﺍ..

ﻫﺒﻄﺎﺕ ﺗﻌﺎﻭﻥ ﻓﺎﻟﻔﻄﻮﺭ ﻓﺎﻗﻮﺍ ﺍﻻﺧﺮﻳﻦ ﺩﺍﺕ ﻟﻴﻬﻢ ﺍﻟﻔﻄﻮﺭ ﻛﻠﺸﻲ ﻋﻠﻰ ﺣﻘﻮ ﻭﻃﺮﻳﻘﻮﻭ . ﻣﺼﻄﻔﻰ ﺗﻴﺸﻮﻑ ﻓﻴﻬﺎ ﻭﺧﺘﻰ ﻫﻲ ﺍﻳﻤﺎﻥ ﻻﺣﻀﺎﺕ ﻫﺪﺷﻲ ﻭﺑﻘﺎﺕ ﺗﺘﻀﺤﻚ ﻋﻴﺸﺔ ﻃﻠﺒﺎﺕ ﻣﻦ ﻣﺼﻄﻔﻰ ﺗﻤﺸﻲ ﺗﺸﻮﻑ ﻋﺎﺋﻠﺘﻬﺎ ﻭﺗﺪﻱ ﻟﻴﻬﻢ ﺍﻟﻔﻠﻮﺱ ﻗﺎﻟﻴﻬﺎ ﺗﻄﻠﺐ ﻣﻦ ﺍﻟﺸﻴﻔﻮﺭ ﻳﻮﺻﻠﻬﺎ ﻟﻜﻦ ﺍﻳﻤﺎﻥ ﻗﺎﻟﺖ ﻟﻴﻬﺎ ﺍﻧﺎ ﺍﻧﻮﺻﻠﻚ ﻭﻧﺘﺴﺎﺭﻭﺍ ﺷﻮﻳﺔ ﻭﻧﺠﻴﻮﺍ ﺭﻛﺒﺎﺕ ﺣﺪﺍ ﺍﻳﻤﺎﻥ ﻓﺎﻟﻄﻮﻣﻮﺑﻴﻞ ﺩﺍﺯﺕ ﺷﺮﺍﺕ ﻟﺨﻮﺗﻬﺎ ﺍﻟﺤﻠﻮﻯ ﻭﺍﻟﺸﻜﻼﻁ ﻭﻣﺸﺎﺕ ﻏﻴﺮ ﺷﺎﻓﻮﻫﺎ ﺑﻘﺎﻭ ﻳﻌﻨﻘﻮﻫﺎ ﺑﺤﺎﻝ ﺍﻟﻰ ﻏﺎﻳﺒﺔ ﺷﻬﺮ.......

13

ﻋﻄﺎﺕ ﻟﻤﻬﺎ ﺍﻟﻔﻠﻮﻭﺱ .. ﻭﺳﻠﻤﺎﺕ ﻋﻠﻴﻬﻢ ﻭﻣﺸﺎﺕ .. ﻭﺍﻣﻬﺎ ﺗﺘﺮﺿﻲ ﻋﻠﻴﻬﺎ .. ﺭﻛﺒﺎﺕ ﺣﺪﺍ ﺍﻳﻤﺎﻥ .. ﻭﻣﺸﺎﻭ ﻟﻮﺍﺣﺪ ﺍﻟﻤﻮﻝ ﻓﻴﻪ ﺳﻮﻧﺘﺮ ﺩﻳﺎﻝ ﺍﻟﺘﺠﻤﻴﻞ .. ﻭﻓﻴﻬﺎ ﺑﻮﺗﻴﻜﺎﺕ ﺭﺍﻗﻴﺔ ﺩﻳﺎﻝ ﺍﻟﺤﻮﺍﻳﺞ .. ﺍﻳﻤﺎﻥ : ﺟﺒﺘﻚ ﻫﻨﺎ ﺑﺎﺵ ﺗﻮﻟﻲ ﺍﻧﺴﺎﻧﺔ ﺟﺪﻳﺪﺓ .. ﺗﺤﻴﺪﻱ ﻫﺎﺩ ﺍﻟﺸﺮﻭﻳﻄﺔ ... ﺗﻘﺎﺩﻱ ﺣﺎﻟﺘﻚ .. ﻋﻴﺸﺔ : ﻻ ﺧﺘﻲ ﺍﻳﻤﺎﻥ ﺧﻠﻴﻨﻲ ﻏﻴﺮ ﻓﺼﺒﺎﻏﺘﻲ .. ﺍﻳﻤﺎﻥ : ﻗﻮﻟﻲ ﻟﻲ ﻳﺎﻙ ﺗﻴﻌﺠﺒﻚ ﻣﺼﻄﻔﻰ .. ؟؟؟ ﻋﻴﺸﺔ ﺑﺪﺍﺕ ﺗﺘﻠﻮﻥ .. ﻭﺗﻠﻌﺘﻤﺎﺕ ﻣﻌﺮﻓﺎﺕ ﻣﺎ ﺗﻘﻮﻝ .. ﺍﻳﻤﺎﻥ : ﺍﻳﻮﺍ ﺍﻟﻰ ﻋﺎﺟﺒﻚ ﻭﺑﺎﻏﺎﻩ ﺧﺎﺻﻚ ﺗﺘﻐﻴﺮﻱ ﻋﻠﻰ ﻗﺒﻠﻮ ﻋﻴﺸﺔ : ﺍﺵ ﺟﺎﺏ ﻟﺠﺎﺏ ﺍﺧﺘﻲ ﺍﻳﻤﺎﻥ .. ﺍﻧﺎﺵ ﺷﻔﺘﻴﻨﻲ ﻓﻴﻦ ﻋﺎﻳﺸﺔ .. ﻗﻠﺔ ﺷﻲ ﻭﻋﻨﺪﻱ ﻟﻴﺘﺎﻣﺔ .. ﺍﻳﻤﺎﻥ : ﻣﺼﻄﻔﻰ ﺑﻐﺎ ﻏﻴﺮ ﻟﻲ ﻳﺒﻐﻴﻬﺎ .. ﻭﺗﺒﻐﻴﻪ ﻭﺗﻔﻬﻤﻮﺍ .. ﺷﻨﻮ ﻏﺎﻳﺪﻳﺮ ﻫﻮ ﺑﻮﺣﺪﺓ ﻋﻨﺪﻫﺎ ﺍﻟﻔﻠﻮﺱ .. ﻋﻼﺵ ﻧﺎﻗﺼﻴﻨﻮﻭ .. ؟؟ ﺍﻳﻮﺍ ﺗﺒﻌﻴﻨﻲ ﻭﺳﻜﺘﻴﺲ ﺩﺧﻠﻮﺍ ﻟﻠﺴﻮﻧﺘﺮ .. ﻛﺎﻉ ﺍﻟﺒﻨﺎﺕ ﺗﻴﺸﻮﻓﻮ ﻓﻴﻬﺎ ﻭﻳﻀﺤﻜﻮﺍ .. ﻋﻴﺸﺔ : ﺕ ﻫﺠﺮﻭﻩ ﺍﻧﺸﺎﺀ ﺍﻟﻠﻪ ﻣﺎﻝ ﻣﻜﻢ ؟؟ﺍﻳﻤﺎﻥ ﺗﻘﻠﻘﺎﺕ .. ﻭﻋﻴﻄﺎﺕ ﻟﻠﻤﺪﻳﺮﺓ : ﺑﻐﻴﺖ ﻧﺤﺠﺰ ﺑﻴﺖ ﻟﻼﻧﺴﺔ ﻋﺎﺋﺸﺔ .. ﻭﻛﺎﻉ ﺍﻟﺒﻨﺎﺕ ﻟﻲ ﻫﻨﺎ ﻳﺘﻜﻠﻔﻮﺍ ﺑﻴﻬﺎ .. ﻭﺟﺒﺪﺍﺕ ﺣﺰﻣﺔ ﺩﻟﻔﻠﻮﺱ ﻻﺣﺘﻬﺎ ﻟﻴﻬﺎ .. ﻭﺭﺍﺗﻬﺎ ﻛﺎﺭﺕ ﻓﻴﺰﻳﺖ .. ﻏﻴﺮ ﻋﺮﻓﺎﺗﻬﺎ ﻣﻮﻻﺕ ﺃﻛﺒﺮ ﻣﺮﻛﺰ ﺗﺠﻤﻴﻞ ﻓﺒﺎﺭﻳﺲ ﻭﺑﺪﺍﺕ ﺗﺘﺮﻋﺪ ﻭﺗﺘﻘﻔﻘﻒ .. ﻃﻠﺒﺎﺕ ﻣﻨﻬﻢ ﻳﻘﺎﺩﻭ ﻋﻴﺸﺔ ﻣﻦ a ﺣﺘﻰ ﻝ z ﺩﺍﺭﻭ ﻟﻴﻬﺎ ﺍﻟﻜﻴﺮﺍﺗﻴﻦ ﻟﻠﺸﻌﺮ .. ﻭﻻ ﻣﺴﺒﺴﺐ ﻛﻴﻒ ﺍﻟﺤﺮﻳﺮ .. ﻭﻋﺎﺩ ﺑﺎﻥ ﻟﻮﻧﻮ ﺍﻟﺤﻜﻞ ﻟﻲ ﺗﻴﺒﺮﻱ .. ﺩﺍﺭﻭﺍ ﻟﻴﻬﺎ ﻛﻮﺏ ﺟﺪﻳﺪﺓ .. ﻗﺎﺩﻭ ﻟﻴﻬﺎ ﺍﻟﻮﺟﻪ ﺳﻮﺍﻥ ﺩﻭ ﻓﻴﺰﺍﺝ .. ﺍﻟﺤﺠﺒﺎﻥ .. ﺍﻟﻌﻴﻨﻴﻦ .. ﻟﻲ ﻣﻊ ﺍﻟﺪﻭﺍﺀ ﺗﺤﺴﻨﻮﺍ .. ﺍﻟﻴﺪﻳﻦ ﻭﺍﻟﺮﺟﻠﻴﻦ .. ﻻﺳﻴﻎ .. ﺍﻳﻤﺎﻥ ﺧﻼﺗﻬﻢ ﻣﻌﺎﻫﺎ .. ﻭﺧﺮﺟﺎﺕ ﺗﺠﻴﺐ ﻟﻴﻬﺎ ﻣﺎ ﺗﻠﺒﺲ .. ﺷﺮﺍﺕ ﻟﻴﻬﺎ ﺑﺰﺍﻑ ﺩﻟﺤﻮﺍﻳﺞ .. ﺩﺧﻼﺕ .. ﺣﻼﺕ ﻓﻤﻬﺎ .. ﻭﺍﺵ ﻋﻴﺸﺔ ﻫﺪﻱ؟؟ﺷﺎﻓﺖ ﺍﻧﺴﺎﻧﺔ ﺃﺧﺮﻯ .. ﺃﻧﻮﺗﺔ ﺟﺪﺍﺑﺔ .. ﺟﻤﺎﻝ ﺧﻼﺏ ﻓﻴﻦ ﻛﺎﻥ ﻫﺪﺷﻲ ﻣﺨﺒﻲ ﻛﺎﻣﻞ .. ﻟﺒﺴﺎﺗﻬﺎ ﺳﺮﻭﺍﻝ ﺩﺟﻴﻦ ﻭﺷﻮﻣﻴﺰ ﻗﺼﻴﺮﺓ .. ﺻﺒﺎﻁ ﺑﺼﺎﻛﻮ .. ﻭﻋﺎﺩ ﺩﻭﺭﺍﺗﻬﺎ ﻟﻠﻤﺮﺍﻳﺔ .. ﻋﻴﺸﺔ ﺷﺎﻓﺖ ﺭﺍﺳﻬﺎ ﺗﺼﺪﻣﺎﺕ ﻭﻧﺰﻟﻮﺍ ﺩﻣﻮﻋﻬﺎ .. ﻋﻨﻘﺎﺕ ﺍﻳﻤﺎﻥ ﻭﻫﻲ ﺗﺘﺒﻜﻲ : ﻋﻤﺮﻱ ﻧﻨﺴﺎ ﺧﻴﺮﻙ ﺃﺧﺘﻲ .. ﺭﺍﻩ ﺧﺘﻲ ﻛﻮﻥ ﻛﺎﻧﺖ ﻋﻨﺪﻱ ﻣﺘﺪﻳﺮﺵ ﻣﻌﺎﻳﺎ ﻫﺎﺩﺷﻲ .. ﺍﻳﻤﺎﻥ ﺗﺘﻀﺤﻚ : ﺑﺎﺭﻛﺔ ﻣﻦ ﺍﻟﺒﻜﺎ ﻏﺎﺩﻳﺎ ﺗﺨﺴﺮﻱ ﺍﻟﻤﻜﻴﺎﺝ ﻳﺎ ﺍﻟﺤﻤﻘﺔ .. ﺭﻛﺒﻮﺍ ﻓﺎﻟﻄﻮﻣﻮﺑﻴﻞ .. ﻏﺎﺩﻳﻴﻦ ﻟﻠﻔﻴﺮﻣﺎ .. ﻗﻠﺒﻬﺎ ﺗﻴﻀﺮﺏ ﺑﺠﻬﺪ .. ﻫﻲ ﻭﻻﺕ ﺗﺘﺤﺲ ﺑﺮﺍﺳﻬﺎ ﺍﻧﺴﺎﻧﺔ ﺟﺪﻳﺪﺓ .. ﻛﺎﻧﺖ ﺧﺎﻳﻔﺔ ﻣﻦ ﺭﺩﺓ ﻓﻌﻞ ﻣﺼﻄﻔﻰ .. ﺍﺵ ﻏﺎﺩﻱ ﻳﻘﻮﻝ ﻋﻠﻴﻬﺎ .. ﻭﺻﻠﻮﺍ ﻟﻠﻔﻴﺮﻣﺔ .. ﺩﺍﺧﻠﺔ ﻭﺑﺤﺎﻝ ﺍﻟﻰ ﻣﺎﺷﻴﺔ ﻋﻠﻰ ﺍﻟﺠﻤﺮ .. ﺗﺘﺤﺴﺐ ﺍﻟﺨﻄﻮﺍﺕ .. ﻭﺗﺘﺴﻨﻰ ﺭﺩﺓ ﻓﻌﻞ ﻣﺼﻄﻔﻰ ﻛﻴﻒ ﻏﺎﺩﻳﺎ ﺗﻜﻮﻭﻭﻥ .. ﺩﺧﻠﻮﺍ ﻟﻠﺼﺎﻟﻮﻥ ﻭﺗﻤﺎﻭ ﻟﻘﺎﻭﻫﻢ .. .. ﻟﻘﺎﻭ ﻣﺼﻄﻔﻰ ﺟﺎﻟﺲ ﻓﺎﻟﺼﺎﻟﻮﻥ ﻫﻮ ﻭﺃﻣﻴﻦ ﺗﻴﺘﻔﺮﺟﻮﺍ ﻓﺎﻟﻜﻮﺭﺓ .. ﻫﺰﻭﺍ ﺭﺍﺳﻬﻢ ﻓﻴﻬﻢ ﺑﺎﺳﺘﻐﺮﺍﺏ .. ﺃﻣﻴﻦ : ﺗﻌﻄﻠﺘﻲ .. ﺷﻚﻭﻥ ﻫﺎﺩ ﺍﻟﺴﻴﺪﺓ .. ؟؟ ﻣﺼﻄﻔﻰ : ﻓﻴﻦ ﻋﻴﺸﺔ؟؟ ﺍﻳﻤﺎﻥ ﺑﻘﺎﺕ ﺗﺘﻀﺤﻚ : ﻏﻴﺮ ﻣﺸﻴﻨﺎ ﺩﺭﻧﺎ ﺑﺮﺍﺳﻨﺎ ﺍﻧﺎ ﻭﻋﻴﺸﺔ .. ﻛﻴﻒ ﺟﺎﺗﻜﻢ ؟؟ ﺗﺼﺪﻣﻮﺍ ﺑﺰﻭﻭﺝ .. ﻛﻴﻔﺎﺍﺵ؟؟؟ ﻫﺪﻱ ﻋﻴﺸة

ﺍﻳﻤﺎﻥ : ﻋﺎﺋﺸﺔ ﺍﻟﻠﻪ ﻳﺨﻠﻴﻜﻢ ... ﻣﺼﻄﻔﻰ ﺗﻠﻒ ﻭﺩﺍﺭﺕ ﺑﻴﻪ ﺍﻟﺪﻧﻴﺎ ... ﻗﺮﺏ ﻋﻨﺪﻫﺎ : ﻋﻴﺸﺔ .. ﻓﻴﻦ ﻛﻨﺘﻲ ﻣﺨﺒﻴﺔ ﻫﺎﺩﺷﻲ ﻛﺎﻣﻞ .. ﻋﻴﺸﺔ ﺑﺪﺍﺕ ﺗﺘﺮﻋﺪ ﻛﺎﻣﻠﺔ : ﻫﺎ ﺍﻧﺎ ﻣﺎﺷﻴﺔ ﻧﻮﺟﺪ ﻟﻴﻜﻢ ﺍﻟﻌﺸﺎ .. ﺷﺪﻫﺎ ﻣﻦ ﻳﺪﻳﻬﺎ .. ﻫﺎﺩ ﺍﻟﻤﺮﺓ ﻣﺎ ﺿﺮﺑﺎﺕ ﻣﺎ ﻋﻀﺎﺕ .. ﺑﺎﻟﻌﻜﺲ ﻋﺠﺒﻬﺎ ﺍﻟﺤﺎﻝ ﻭﺑﻘﺎﺕ ﺗﺘﺮﻋﺪ : ﺍﺟﻲ ﺷﻤﻦ ﻋﺸﺎ ﻧﺘﻲ ﺭﺍﻩ ﺗﺠﻠﺴﻲ ﻛﻴﻒ ﺍﻻﻣﻴﺮﺓ .. ﻭﺍﻟﻌﺸﺎ ﻳﺠﻲ ﻟﺤﺘﻰ ﻟﻌﻨﺪﻙ .. ﺷﺪﻫﺎ ﻣﻦ ﻳﺪﻳﻪ ﻭﺩﺍﻫﺎ ﻟﻠﻄﺒﻠﺔ .. ﺟﺎﺑﻮﺍ ﺍﻟﺨﺪﺍﻣﺎﺕ ﻟﻠﻌﺸﺎ .. ﺗﻌﺸﺎﻭ ﻭﻫﻮﻣﺎ ﺗﻴﺸﻮﻓﻮﺍ ﻓﺒﻌﻀﻴﺎﺗﻬﻢ .. ﺍﻳﻤﺎﻥ ﻭﺃﻣﻴﻦ ﺗﻌﺸﺎﻭ ﺑﺰﺭﺑﺔ .. ﻭﻓﻬﻤﻮﺍ ﺭﺍﺳﻬﻢ .. ﻃﻠﻌﻮﺍ ﻭﺧﻼﻭﻫﻢ .. ﻣﺼﻄﻔﻰ ﻃﻠﺐ ﻣﻨﻬﺎ .. ﻳﺨﺮﺟﻮﺍ ﻋﻠﻰ ﺑﺮﻩ .. ﺑﻘﺎﻭ ﻣﺎﺷﻴﻴﻦ .. ﺷﻮﻳﺔ ﻣﺼﻄﻔﻰ ﺩﺍﺭ ﻋﻨﺪﻫﺎ ﻭﺷﺪﻫﺎ ﻣﻦ ﻳﺪﻳﻬﺎ .. ﻋﻴﺸﺔ ﺻﺮﺍﺣﺔ .. ﻣﻦ ﻧﻬﺎﺭ ﻟﻲ ﺟﻴﺘﻲ ﻫﻨﺎ ﺗﺸﺪﻳﺖ ﻟﻴﻚ .. ﺷﺪﻭﻧﻲ ﺃﺧﻼﻗﻚ .. ﺃﻣﺎﻧﺘﻚ .. ﺻﺪﻗﻚ .. ﻭﺷﻬﺎﻣﺘﻚ .. ﻭﻟﻜﻦ ﻛﻨﺖ ﺗﻨﺸﻮﻓﻚ ﻧﺎﻗﺼﺔ ﻣﻦ ﻭﺍﺣﺪ ﺍﻟﻨﺎﺣﻴﺔ .. ﻛﻨﺖ ﺑﻐﻴﺘﻚ .. ﺗﺘﺒﺪﻟﻲ ﻏﻴﺮ ﺷﻮﻳﺔ .. ﺗﻠﺒﺴﻲ ﻣﺰﻳﺎﻥ .. ﺗﻬﻼﻱ ﻓﺮﺍﺳﻚ .. ﻭﻟﻜﻦ ﺍﻳﻤﺎﻥ ﻭﺭﺍﺕ ﻛﺎﻉ ﺍﻟﺤﻮﺍﻳﺞ ﻟﻲ ﻣﺨﺒﻴﻴﻦ ﻓﻴﻚ .. ﻣﻜﻨﺘﺶ ﻣﺘﻮﻗﻊ ﺍﻧﻚ ﺑﻬﺎﺩ ﺍﻟﺠﻤﺎﻝ ﻭﺍﻻﻧﻮﺗﺔ ﻛﺎﻣﻠﺔ .. ﻗﺮﺏ ﻣﻨﻬﺎ ﺷﺪﻫﺎ ﻣﻦ ﻳﺪﻳﻬﺎ : ﻋﻴﺸﺔ ﺗﺰﻭﺟﻴﻨﻲ .. ﻭﻏﺎﻧﻜﻮﻥ ﺍﺳﻌﺪ ﻭﺍﺣﺪ ﻓﺎﻟﺪﻧﻴﺎ .. ﻋﻴﺸﺔ ﻛﺎﻧﺖ ﺍﺗﺴﺨﻒ ﺑﺎﻟﻔﺮﺣﺔ .. ﻭﺍﻓﻘﺖ ﻭﻋﻨﻘﻬﺎ ﺑﺠﻬﺪ ﻣﺸﺎ ﺧﻄﺒﻬﺎ ﻣﻦ ﻣﺎﻣﺎﻫﺎ .. ﻭﺩﺍﺭﻭﺍ ﻋﺮﺱ ﻛﺒﻴﺮ ﻓﺎﻟﻔﻴﺮﻣﺔ .. ﻭﺟﺎﺏ ﻣﺎﻣﺎﻫﺎ ﻭﺧﻮﺗﻬﺎ ﻋﺎﺷﻮﺍ ﻣﻌﺎﻫﺎ .. ﻭﻣﻮﺣﺎ ﻣﻮﻝ ﺍﻟﺼﻨﻚ ﺍﻧﺘﺤﺮ ﻫﻬﻬﻪ

 ﺍﻟﻨﻬﺎﻳﺔ ************