🌸أحببت رئيس عصابة🌸
المقدمة:
البطلة: مرام عمرها 18سنة جابت الباك هي طفلة هادية و متخالطش مي لي يغلط معاها يخلص عندها خوها رياض فالحبس بتهمة القتل معندهاش باباها توفى كي كان عندها 10سنين ماماها خدمت فالديار باه توكلهم و تقريهم متخليهمش يحتاجوا أي حاجة كانت الأم و الأب فنفس الوقت عندها صحبتها وحدة أميرة ملي كانوا صغار و هوما كيف كيف
البطل: ياسر عمروا 28سنة رجل أعمال معروف عندوا سلسلة مطاعم طبعوا مقلق و متكبر كل يوم مع طفلة و عندوا صاحبوا واحد لياس....
يتبع
الحلقة📖الأولى📖
مرام راحت تشري الخضرة كانت قاطعة طريق حتى قاسها واحد ****: واش نتي عمية تقطعي بلا متشوفي مرام: أنننعععععم شكون لعما أنا ولا نتا. جاي تجري راك طيحتلي ڨااع الخضرة واش نطيب أنا ليوم ****: بففففف خصتيني غير نتي دوك هاكي دراهم عاودي شري وبعدي من طريقي مرام: أك تشوفني نطلب عندك واقيل راحت لايمتهم مي نصهم كانوا فسدوا راحت و خلاتوا طريق كامل وهي تعاير فيه لحقت لدار شافتها ماماها خديجة( يماها): علاه طولتي و وشبيك مشنفة مرام: واحد زدم فيا بالطونوبيل و طاحتلي كامل الخضرة خديجة: معليه يا بنتي و نتي ياك راكي مليحة مرام: إيه لاباس .ماما مدام ديت فكونس غدوة نروح نحوس على الخدمة مكله تروحي عند الناس تخدمي ديجا ضهرك راهوا يوجعك خديجة: ربي يفتح عليك و يخليك ليا ياسر يحكي: كنت خارج مالدار نجري خاتش عندي إجتماع وباأني المدير لازم نلحق بكري ركبت فالطونوبيل وديماريت بزربة قعدت نجري حتا عيطولي فالتلفون جيت حا نشوف شكون حتى قست وحدة كنت مقلق بديت نعيط و هي تعيط راحت و أنا بقيت غير نتبع فيها بعينيا حتى مولاتش تبان مفهمتش علاه بقيت زدت شوية وركبت ورحت لحقت سواسوا مع الوقت غير دخلت قابلني صاحبي و شريكي لياس: واشبيك طولت حا يبدى الإجتماع ياسر: متفكرنيش زدمت فوحدة ليوم لياس:ياك سلامات ياسر: واش من سلامات الطفلة لسانها لاحق لرقبتها 😒😒 لياس: هههه علاه واش قاتلك ياسر: هيا ندخلوا أومبعد نحكيلك كلش . جوزت نهار كامل و أنا نخمم فيها مفهمتش علاه تصويرتها محبتش تروح من عقلي
الحلقة 2
نرجعوالمرام من داك الغدوة ناضت صباح بكري وجدت القهوة لماماتها و لبست حوايجها و خرجت تحوس على خدمة الحانوت لتدخل عندوا يقلها مخصناش خدامين حتى صابت مطعم كبير ويبان شيك مرام تهدر معا نفسها؛: لوكان ندخل زعمة يقبلوني أصلن ماني خاصرة والوا ندخل و نشوف . هي غير دخلت قابلها ياسر لقاسها بطونوبيل مرام: بببببف نتا وين نروح نصيبك ياسر: بلعي دوك نجي نكسرلك راسك مرام: هاهاها راني خفت راحت وخلاتوا كان واقف واحد يخدم لتم راحت لعندوا مرام: سلام؛ وين راه لمعلم الخدام: مكاشوا مزال مجا كاش مسحقيتي مرام: إييه راني نحوس على خدمة إذا كاين بلاصة هنا الخدام: خلي نمروا ديالك كي يجي لمعلم نقولوا إذا قبل يعيطولك مرام: أوكيي . خلاتلوا نمروا وراحت ياسر راح عند هذاك الخدام ياسر: مراد واش سحقت منك هاذيك الفرخة مراد: كانت تحوس عليك راي تحوس على خدمة خلات نيميرو ديالها ياسر: أوكي عطيني نمروا ديالها..😊😊
الحلقة 3
راحت مرام لدار والمورال هابلطها خاتش ملقاتش خدمة و إحتمال صغير يقبلوها فهذاك المطعم لحقت 18:00 عيطلها نمروا سوطات من بلاصتها و قاعدة تدعي يكون من المطعم مرام: ألوو!! ياسر: وييي ياك نتي لكنتي تحوسي على خدمة فالمطعم *** مرام: أأأأه إييه أنا هي ياسر: أوكي غدوة على 8:30 نلقاك لتم واضح مرام: إييه واضح و كوبات وقعدت تسوطي مالفرحة راحت تجري باش تبشر يماها بالخدمة من داك الغدوة ناضت على 7 طيبت القهوة لماماها و لبست باستها وارحت لحقت سواسوا مع الوقت غير دخلت صابت مراد راحت لعندوا مرام: صباح الخير وين راه المكتب تاع لمعلم مراد: أطلعي فالدروج تلقايه مقابلك .راحت طبطبت حتى سمعت واحد قالها تفضلي هي غير دخلت صابت ياسر مرام: واش راك الدير فالمكتب تاع لمعلم ياسر: واش راكي تهدري مرام: أأأأ باين نتا شوفار ديالوا ياسر: أنا هو لمعلم مرام بقات غير تخزر فيه مشوكية و تهدر بسيف: أنا...م.كا.. ياسر قاطعها و قالها: راكي تحوسي على خدمة ملا هههه 😈😈 إيييه كاين تولي تغسلي ماعن و الخدمة م 9 حتا 21 و تخلصي 4ملاين ومنحبش الروطار واضح مرام:إيييه واضح 😞 ياسر: واش إسمك و قداش عمرك مرام : مرام 18سنة ياسر: فرخة ولسانك لاحق لرقبتك المهم ليوم تبداي الخدمة ودوك نعيط المراد باه يفهمك فالخدمة ودوك تقدري تخرجي .خرجت و بقات تهدر مع روحا: كيفاه هاذي يحاوزني هكا واش حاسب روحوا لوكان منيش مستحقة هاذ الخدمة والله مانبقى دقيقة هنا وراحت عند مراد ياسر كان قدام الباب سمعها ڨاع واش قالت
وقال والله غير نكرهك فالخدمة
الحلقة 4
فاتوا شهرين ولات تعجبوا مولاش يقلقها خطرة كملت خدمتها حتى 23 خرجت تحوس على طاكسي ملقاتش حتا حبستلها طونوبيل ياسر: أيا أركبي منبقاش نسنى فيك مرام: لالا يعطيك الصحة دوك نشوف كاش طاكسي ياسر: بفففف شحال من خطرة قتلك منحبش نعاود هدرتي زوج خطرات أركبي مرام: خلاص اني ركبت. بقاو وحد5دقائق سكتين ومبعد قالها. ياسر': واش درت فيك ومحبيتيش تحبسي الخدمة علاه مرام: الضروف الله غالب ياسر: وين راهم والديك خاوتك هما لي لازم يخدموا عليك ماشي نتي مرام: بابا مات كي كان عندي 10سنين و ماما دوك كبرت وراهي مريضة من ضهرها ملازمش تخدم دوك دالتي أنا ياسر: الله يرحموا . ومعندكش خاوتك مرام: عندي واحد برك رياض ياسر: وحبيبنا واش يدير نتي تخدمي عليه واقيل مرام: تقدر تقول هكاك راهوا فالحبس ياسر: أأأاه ربي معاك كاش مانقدر نعاونك مرام: هههه لالا صحا أبقا برك متكبر كيما كنت متجيش عليك حنين ياسر: ملا موتي ياخي حلا 😒. وصلها كي جات هابطة قالها ياسر: غدوة صباح أسنايني على 7 مرام: علاه حا نروحوا نحاربوا ياسر: منعدو... مرام؛ إييييه متعودش هدرتك زوج خطرات و واضح . بقاو يضحكوا وقالها ياسر: محلاك ونتي تضحكي أبقاي كل يوم هكا مرام هبطت راسها حشمت :ههه أوكي أيا باي نتلاقاو غدوة صباح ياسر: وتحشمي تانيت 😂😂 أيا أهبطي. دخلت لشمبرتهاو بقات تخكمم فيه وهو تانيت بات يخمم فيها زعمة ولاو يحبوا بعضاهم..؟.
الحلقة 5
لحق صباح مرام ناضت على 6 طييت القهوة لماماتها ولبست حوايجها وقعدت تسنى فيه برا 7:15..7:30 ...8:30!!! لحقت 9:00 ومجاش رحت للخدمة روطار مرام: منوضني صباح ربي بكري وهو مجاش باينة دارها بلعاني 😥 ياسر يحكي: كي شفت هديك الطفلة لضربتها بالطونوبيل فالمطعم تحوس على خدمة قلبي بدا يخبط بزربة مفهمتش علاه وزيد عرفت بلي تحوس على خدمة حاوزت لكانت تغسل ماعن باش ندخلها عيطتلها باش تجي صباح فليل بقيت غير نخمم فيها صباح كي شافتني تخلعت حسبتني الشوفار هههه قبلت الخدمة وليت نديرلها فلي بروبلام مفهمتش واش صرالي و ماشي معوايدي كامل نبقى فالمطعم هملت الشركة فجرة الفرخة وليت نحبها !! كل يوم نخمم فيها كل ما تخرج مل مطعم نبقى نتبع فيها حتى توصل لدار خطرة وصلتها كي حكاتلي غاضتني حبيت نعونها مي محبتش قتلها نتلاقاو صباح قبلت كنت حاب نقولها بلي نحبها وهي تقرر نضت صباح بكري وجدت روحي حتى عيطولي ****:شاف جبناه واش راك حاب نديرولوا ياسر: مديروا والوا كي نجي أنا نتفاهم معاه...كي عيطولي نسيت كامل مرام كان هامني هذاك السيد برك...
الحلقة 6
نرجعوا لمرام: غير دخلت قابلني مراد مراد: هدا وين تجي راهي 11:00 هذا مطعم تاع بباك واقيل تجي الوقت لينفحلك برك ياك😤 أنا. غير سمعت كلمت مطعم تاع بباك عينيا تعمروا بدموع أصلن كنت معمرة و حبا نبكي جيت حا نهدر حتى نصيب واحد ضرب مراد درت لقيتوا ياسر!! هبطت للكوزينا باه نغسل ماعن لحقني ياسر: مرام أرواحي نهدر معاك مرام: منجيش خليني نخدم كاين بزاف ماعن ....خزر فيهم رماهم كامل فالأرض ياسر: دوك خلاصوا أرواحي مرام: منجيش 😠...جبدني من يدي و أنا نسيي نجبد روحي مي والوا ركبني فالطونوبيل بسيف طريق كومبلي وهو يتكيف ويجري مهدر معايا والوا لحقنا قدام لبحر ياسر: أهبطي😡..هبطت رحت قعدت فالرمل جا قعد قدامي ياسر: ستنيتي بزاف مرام:هههه علاه شكون نتا باه نستناك أصلن نسيت بلي. قتلي أسنايني ياسر: ممممم ملا علاه لحقتي روطار الخدمة مرام: واش دخلك منضتش بكري ياسر: سمحيلي كي مجيتش كانت عندي خدمة مرام: ميهمنيش ربي يسهل عليك أصلن قتلك مسنيتكش ومدابيك توصلني المطعم هذا إذا محاوزتنيش☺ بقا ساكت حتا جات وحدة ****: ياسوووو عاش منشافك توحشتك 😍وعنقاتوا ياسر: أوووو مارية حتا أناتوحشتك مرام: باين هذي هيا الخدمة تاع صباح😉 ورحت وخليتوا طريق كامل و أنا نبكي غرة كي شفتها معنقاتوا وليت نحبوا 😢 مزية بقا شهر وندخل نقرا نتهنى مالخدمة ديالوا حتا حبستلي طونوبيل وهبط ياسر منها.
الحلقة 7
ياسر: علاه رحتي ومخليتينيش نفهمك مرام: علاه واش نكون أنا باه تفهمني هاذي حياتك دير واش تحب ياسر: إيييه عندك الحق😠 أطلعي نوصلك . طلعت طريق كامل وحنا ساكتين حطني وراح قعدت نخدم حتا عيطلي ياسر: نحسب منا 10 نلقاك عندي مرام: بص.....مخلانيش نكمل هدرتي كوبالي فوجهي طلعت لعندوا غير دخلت ناض وغلق الباب بالمفتاح مرام:أأ..و.اش....را..ك.ديي..ر أفتح الباب قرب لعندي وأنا نبعد حتى وصلت للحيط حصرني بين يديه وقرب الوجهي و بدا يلعبلي بشعري ياسر: علاه راكي تخشني في راسك. علاه محبيتيش تخليني نفهمك مرام: و..اش تفه..مني ياسر : هذيك الطفلة (مارية) بنت خالي مكان والوا بيناتنا مرام طبعاتوا: وأنا واش دخلني علاه راك تفسرلي ربي يسهل عليك تمعشقوا كيما حبيتوا ياسر: ههههه ياالغيورة والله مكاين والوا بيناتنا مرام: منيش غيورة ياسر: ممممممم أوكي . زاد قربلي ولايتنفس فوجهي . شحال ستنيتي مرام: مسنيتكش ياسر زاد قرب: شحال مرام: أأ...م.7 حتى 9 😥 ياسر: مممم سمحيلي والله كان عندي شغل مرام: وي باينة مع هديك المصفارة😒 ياسر: هههههه غيورة والله مكاين والوا بيناتنا قتلك . شدلي راسي بيديه وقالي والله نحبك غير نتي و نموت عليك كي تغيري قرب ليها و هيا ولات ترجف حط شفافوا على خدها طبعلها بوسة خفيفة و عميقة نسات روحها ولات حمرة و يديها يعرقوا ممبعد جبد روحوا و همسلها: عندي غير نتي واسمحيلي كي طولت عليك ودوكا تسمحيلي نروح عندي خدمة ، مرام: ر..و.ح معليش وبلاك تزيد تعودها ياسر : غزرلها وراح وخلاها تاكل روحها يموت على هبلها
الحلقة 8
هو راح وهي راحت تجري تعيط لصحبتها مرام: نحبوا والله غير نحبوا أميرة: هههههه حتى أنا نحبوا مي شكون مرام: ياسر 😍 أميرة: لمعلم ديالك ؟ مرام: إيييييه هو بذات أميرة: وهو يحبك؟ مرام: إيييه قالي نحبك أميرة: ياااي حالة 😍أرواحيلي دوك لدار وأحكيلي بالتفصيل مرام: أوكي أني جاية نرجعوا لياسر لكان ميت بالفرحة ليحبها ولات ديالوا وحدوا 😍راح لواحد المخزن قدييم تسمع فيه غير حس الرصاص والضرب والبكا ياسر: وين راه ****: راهوا داخل محب يهدر والوا ياسر: أوكي دوك أنا نعرف كيفاه نهدروا شارجة السلاح ديالوا وراح لعندوا ياسر: مرحبا بيك عندنا ياك تهلاو فيك وضربوا بكف ****: خليني نروح والله منعرف والوا خاف ربي عندي ولاد ياسر ولا يعيط: وأنتوما كي يتمتوني مخفتوش ربي حرمتوني من والديا وأنا فعمري 10سنين وضربوا بكرتوشة فرجلو ***:بدا يبكي سمحلي والله. غير أنا بعثوني برك ياسر: ر*** شكون بعتك أنطق واش راك تسنى ****: معلاباليش شكون ياسر: 1....2.. ****: واحد وااحد يعيطولوا #صقر ياسر: وين نلقااه؟! ****: معلاباليش وين ياسر: عندك بنتك شابة...يتبع
الحلقة 9
****: يا***** والله وتوشيها غير نقتلك ياسر: ههههه ماكش فموقف يخليك تهددني شوف يا تقلي وين نلقاه يا تموت ***: والله معلابالي وين والله ياسر: أوكيي وعطاه بكرتوشة بين عينيه ياسر ميهموا حتى واحد شحال من عايلة يتمها شحال من مرا رجعت أرملة بسبتوا لي يغلط فحقوا يقتلوا ديراكت نرجعوا لمرام أميرة: شوفي أحكيلي كلش مل بداية . مرام حكاتلها كلش ملي قاسها. بطونوبيل حتى لليوم لحقت 21 راحت لدارهم عيطلها ياسر : توحشتتتك مرام: هههههه أنا تانيت *،* ياسر: ممممم طلي من التاقة مرام: علاه؟! ياسر: طلي وبلعي تعرفيني منعودش هدرتي زوج خطرات مرام: إييييه أوكي . كي طلت صابت دبدوب كبير حمر و شيكولة وهو واقف يروشلها و يضحك مرام: أأأا أصبر أني جاية. راحت قالت لماماها راهي رايحة عند أميرة وهبطت تجري راحت عنقاتوا ياسر: نحبك مرام مرام: انا تانييت.....يتبع
الحلقة 10
من داك الغدوةكان قاعد فالبيروا ياسر يخمم فمرام حتا جاه تلفون *****: شاف رانا جبنا نقطت ضعف #صقريكوبي يروح يجري للمخزن غير دخل لقى المفاجأة مرام: ياسر!!!😱😱 ياسر: أطلقوا ر**** علاه راكوم رابطينها *****: شاف هاذي هي نقطة ضعف #صقر . نحولها الخيوط راحت عندوا وعينيها معمرين بالدموع ضرباتول بكف وشداتوا متريكوه مرام: ستنيتها كامل منهم غير نتا لالا علاه درت فيا هكا . ياسر حكملها يديها ورماها فالأرض: سمحيلي والديا قبل كلش دار يمشي وهي تبكي وتعيط وتقول ندمت لعرفتك حبيت واحد كيما نتا ياسر دمعتوا هبطت مسحا وخرج...يتبع
الحلقة 11
بعت ياسر واحد مرجالوا يصور مرام وهي تبكي وقعد يخمم واش علاقة مرام بصقر حتا جاه واحد مرجال وجابلوا التصاور قلبوا وجعوا شافها تبكي عفس على قلبوا وبعتها الصقر نروحوا لصقر كان صقر قاعد فالبيروا يتكيف ويتفكر فاليامات لجوزهم مع خديجة(يمات مرام) نرجعوا قبل 19سنة كانت كاينة قصة حب بين خديجة و كمال (صقر) حتى جا أيمن لبدلهم حياتهم ولا يحب خديجة وهي تحبوا خلات كمال على جالوا وتزوجت بأيمن جابوا مرام كي سمع كمال بلخبر تشوكا ودخل معا المافيا باه ينساها حتى ولا لمعلم بعد 10سنين تلاقى كمال بأيمن قتلوا باش ينتقم كي دالوا حب الديالوا حاليا: لحق لفيديو لصقر كي شاف الفيديوا. ضحك عرفها بلي بنت خديجة عندها نفس الملامح ديالها قرر يروح يجيبها وبيها يهدد خديجة باه تولي معاه ( ياسر حاسب صقر خال مرام).
الحلقة 12
نرجعوا لمرام وياسر ياسر دا الماكلة لمرام حطهالها باش تاكل ياسر: كولي مرام طبعت الطبسي : منكلش ياسر: ر*** تاكلي متهلكيش صحتك مرام: نتا آخر واحد يخمم فيا ياسر رما الطبسي و بدا يعيط: أفهمي والله ما بيدي هذا قتلي والديا يتمني وأنا فعمري 10سنين شفتهم يموتوا قدامي وقعد فالأرض و بدا يبكي راحت مرام عندوا وعنقاتوا وبدات تبكي : والله منعرف صقر جامي سمعت بهاذ الإسم ياسر: علاه ماشي خالك مرام: لالا. بقا يخزر فيها أومبعد عنقها :، سمحيلي ضلمتك معايا . جات حا تهدر مرام حتى يدخل صقر وجبد السلاح كمال: هههه عصافير الحب طلع راسوا ياسر جا حا يجبد السلاح تيرا عليه صقر على يدو وراح عند مرام و قالها صقر،: ودعي حبيبك جا حيتيري عليه ياسر: علاه قتلتهم علاه قتلتلي والديا صقر: هههههههه قول لمرام تقولك شكون قتلهم أااا ولا أصبر أنا نقولك رياض خو مرام هو لقتلهم هههههه وراهو فالحبس يتعاقب متخافش علاه محكاتلكش مرام...يتبع
الحلقة 13
ياسر: كيفاااه 😱😱 مرام قولي كاش حاجة كان علابالك بڨاع هاد الشي ومقوتيليش مرام: والله مكان علابالي والله😭 هي مزالها تبكي حتى تسمع صوت الرصاص وصقر طاح عليها ياسر رفد راصوا لقاع صاحبوا لياس ياسر: لياس عاوني باه نوقف ونروحوا منا . رفدوا لياس على ضهروا وداه راحت معاهم مرام داوه لسبيطار داوولوا لجرح ديالوا دخلت مرام ياسر: أخرجي منيش حبا نشوف وجهك 😠 مرام: بصاح علاه أنا درت😧 ياسر بدا يعيط: أخرجي خير مندير حجا متعجبكش 😠مرام بدات تبكي: أوكي سمحلي وراحت راحت لدارهم تبكي راحت عندها ماماها خديجة: بنتي وشعندهاليوم طولتي باه جيتي مرام: ماما تعيشي عيطيلي لأميرة تجيني راحت يماها عيطت لأميرة 5دقائق وكانت عندها أميرة: وشبيكي تبكي لبارح برك كنتي فرحانة مرام: حكاتلها كلش . أميرة: خليه والله غير يجي نهار ويندم باتت عندها هذيك اللليلة لقات تونسها نرجعوا عند ياسر لياس: علاه قتلها هكا متحبهاش ياسر: متزينيش همك نتا دوك خوها قتلي والديا لياس: إيييه خوها وهي واش دخلها باه ديرلها هكا ياسر: معلبليييييش علاه درت هكاك 😥 مي والله ماني حاب نشوفها لياس: دوك يجي نهار وتندم وراح وخلاه
الحلقة 14
فاتت سمانة وياسر خرج مالسبيطار وبقا يعيط لمرام مي محبتش تريبوندي ندم وحب روحوا خسرها نولوا لمرام لي مصباح وصحبتها تعيطلها وهيا غالقة في شومبرتها وتبكي حتى رقدت يمات مرام(خديجة): جوزي بنتي مرحبا بيك اميرة:يسلمك طاطا واش وين راهي شكارة الرقاد خديجة:راهي في بيتها عندها مدة مهيش مليحة يا بنتي يسجيك خرجيها شوية غملت هه اميرة: هه وانا جيت غير باش نبدللها جو متخميش طاطا راهي معايا راحت اميرة لبيتها تجري و سوطات فوقها مرام: نوضي يا الخرية عمبالك رقيقة بعدي خليني نرقد اميرة:نوضي نوض والله ليوم نخرجوا كاينة وحد الحفلة ليوم واش نحكيلك مرام:اخرجي عليا منيش في القوسطو اميرة:هيا ميمي تبقاي هكدا ماماك تقلقت عليك اي خايفة عليك هيا نخرجوا ساعة ونولوا منطولوش وشوفي واش جبتلك معايا😍مرام:وشني هاديييي يا عمرييييي يا يما تهبل تاعك؟ اميرة:هيا نوضي ادوشي والبسي خليني نمكييو ونروح راح الحال..
لبسوا و وجدوا روحهم خرجوا يهبلوا و مرام خرجت تهبل بروبة😍, كي لحقوا لجنينة لي مقابلة البحر لقاو ناس بزاف و تشطح الدنيا مقلوبة كي شافوها ولاو يصفقوا وكامل وبصوت واحد قالولها joyeux anniversaire maram😍 عيد ميلاد سعيد اي وي حتا هيا نسات عيد ميلادها بداو يسلموا عليها ومدولها les cadeaux ممبعد تعشاو فالبحر تماك جا ياسر كان زل يهبل بالكوستيم والشعر باجال كان حطة و كلاس عينيها خرجوا بصح مبينتش قرب ليها و قالها عيد ميلاد سعيد ملكتي ودرت هاد الشي كامل باش تسامحيني ولات مخلوعة شافت اميرة قاتلها هوا دارلك كامل هادا حتى الروبة حنا كبر في عينيها قربت ليه وحضناتوا بقوة خرجت كامل الوحش والحب الصادق بيناتهم قعدوا متحاضنين😍 حتى دارلهاdj غنية slow تحبها قتلوا تعيش نشطحوا داها حملها حطها فاوسط ولاو يشطحوا ومع كل ايقاع كاان يقولها نحبك ومبعد. قالها ياسر:معليش تسمحيلي نخطفك مرام:ونتا دوكا متحبسش من لمافيا تاعك ياسر: اسكتي جبدها ليه شبك يديهم ولا يمشي وهيا معذبة ب talonمشي موالفة 😂 كي لحقوا لبلاصة خالية ياسر:ودوكا بقا cadeau تاعي( وخزرها بخبث) مرام:يا يما لالا ياسر تعيش مشي وقت التمعشيق ياسر: اسكتي عليا وغمضي عينيك ، قرب ليها ودورها ليه وجبد سنسلة شابة فيها قلب يهبل دارهولها ياسر:حلي عينيك وبصحتك جاك يهبل مرام:يا عمرررررررييي هادا ليا والله هايل راني طفلة محظوظة كامل مرسييييييييي ياسر:تستاهلي ما كثر وقرب ليها مقدرش يصبر وقالها تتزوجي بيا ولات ترجف و ترخفت كامل وتحس les papillons في بطنها بدات تبكي وقاتلوا إييبه رفدها وبدا يدور بيها ويقولها نحبك..
الحلقة_الأخييييرة
فاتت سمانة وراح ياسر يخطبها من ماماها لبست قفطان يهبل وهو كوستييم جاو يهبلوا تفاهموا على العرس على شهرين حبيبنا مزروب ههههه أميرة ولياس ولاو كيف كيف ملي شافها فالعرس عجباتوا لحق نهار العرس جاتها يماها تنوضها خديجة: بنتي نوضي باش تروحي الحفافة مرام: لالا بطلت منتزوج خليني نرقد خديجة: بركاي متبهليل ونوضي مرام: قتلك لالا منتزوج خديجة : يا تنوضي يا والله غير نجيب لبليغة مرام: خلااص اني نضت راحت للحفافة ولبست لاغوب بلونش جات تهبل شوية وسمعوا طونوبيلات يصونيو قلبها ولا يخبط ماخوف دخل عندها ياسر عينيه ولاو قلوب شدها من يدها وباسها من راسها و قالها كلام جميل منقولهولكمش إحتراما لمشاعر البايرين كي حالتي ههه وخرجها دارت مندبة بلبكة هههه لحقوا لاصال ڨل بالشطيح فات عرس فووور لحق الليل دا ياسر مرام وصرا لي صرا هههه أميرة لياس موراهم ب 4شهر تزوجوا وعاشوا بسعادة وهناء.
♥🌸♥🌸الـنهاية🌸♥🌸