الــفـصــل الاولـــ : الاستحــواذ / البـــاب الاولــ : الـــغــــام الــــــغـــذر

 

لقد ضاقت حيلتي ... لا انا بقوة الصبر ولا انا بضعف الاستسلام .. احارب كأنني غريقا يستنجد باقي الغارقين .... كانني عصفورا التصق رجله بحافة البراكين ... لم اعد أطيق هذه الجنة بعد ... لانني شيطان فارحمني يا رب بالجحيم ... جنة هاؤلاء الملائكة لم ترق لي .. انا شيطان .. انا الشخص الملام في كل شيء ... انا الشخص الخاطئ .. فجازيني يا رب بالجحيم .. لم أعد اطيق جنتهم ..... هم ملائكة وأجنحتهم تحجب عني النور يا الله تحجب عني الحياة تحجب عني الطموح تحجب عني كل شيء .... اخبرهم ان يبعدو أجنحتهم ويدعوا الشيطان يرى النور !!!!!!!

🔖الفصل الاول : الاستحواذ

🔖الباب الاول : ألغام الغدر

🔖الجزء (1)

بداية الزمن الألفيني / مستعمرة أوشن
أوشن .. أو ميمون السراج , سنة 2000 كانت هي أوج عطاائه و جبروته وقساوته .. هي بداية ثرائه ..و بداية تألقه ...و أوج حكاامو و قسوتو ...
بالقامة القصيرة ديالو .. نازل فدروج بخطوات ثقيلة لي متناسقة مع طقطقات العكاز , لي الدور ديالو ماشي هو المساعدة على المشي انما الهبة و الكاريزما ...
صدى خطواتو وطقطقات العكاز " طق طق طق" كايتسمع فالارجاء ... وكايعلم الجميع انه جاي .....
نازل درجة بدرجة ...ونظراتو كلها قوة و صراامة بحال الثعلب تماما ... رأس أصلع كون ما اللباس العصري والسلهام التقليدي كان غايتشبه بقطاع الطرق ... بسباب الرأس الاقرع والعيون الخادعة ....ولكن لباسو الفخم مغطي عليه التهمة .... كيف ولا وحنا فزمان المظاهر ...كاع لي لابس ربطة عنق مرتبة كنقولو عليه رجل مهم !!!!!
هز صبعو صغير لي مزين بخاتم كبير و مسح على السنة المنقرة لي ففمو ... وهبط بيديه كيرتب سلهامو لي لابسو فوق بذلة عصرية ، شخص مهيب كايعطيك احساس بالهيبة و الخوف ، نظراتو إجباريا تتجبرك تنزل راسك و تتعثلم فكلامك ...
فآخر درجة لي بقات ليه ....وقف على طاولة أكل كبيرة ... محاطة بأولادو الذكور لي كايتسناو جلوس الكبير ...باش يشرعو فالغداء
أولادو الرجال الستة گلسو بعد ما گلس هو ، وكل واحد من ولادو واقفة عليه مراتو مثل الخادمة للتقديم الطعام وتغرف ليه فالطبق ديالو ... وحتى ياكلو الرجال ويمشيو .. عاد النساء عنهم الحق انهم ياكلو البقايا ديالو ....وهادي هي حياة الكنات او العروسات د اوشن ... حياة الذل وانعدام المساواة ... وهادشي عكس بناتو وحفيذاتو ... كايعيشو كيف الاميرات وعندهم اجنحة خاصة والماكلة الزوينة ديالهم ...لانهم بحال شي قطيع ديال الاكباش .... كايوجدوهم ويتهلاو فيهمم باش يجيبو ليهم الثمن فالسوق !!!!! وغير يتزوجو ...الزوج عندو الحق يجوعهم كيف بغا !!!
الكناات واقفات بعباياتهم و الحجاب على ريوسهم لي منخفضة احتراما لمن لا يستحقون الاحترام .... كل واحد فدوك الابناء الست واقفة عليه مراة صغيييرة فالسن وكاين فيهم لي يلاه حاملة ..الا الابن الاكبر ديال اوشن لي هو حفيظ لي ما واقفة عليه حتى شي مرأة لانه أرمل وعاد كايرتبو لزواجو ...
اوشن عطا اشارة باليد لي فيها الخاتم للزوجتو لي بدورها واقفة عند راسو تقدم الاكل و بكل طاعة استاجبات واشارت للكنات يقدمو الطعام ... ووسط الطاولة الخاصة بالكبار كنلقاو كرسي عليه طفل صغير بجانب اوشن ... ألا وهو الحفيذ المدلل .. منير ابن حفيظ ... 8 سنوات .. كالس وغير كايشوف بعينيه ويحاول يقلد الجد ديالو فالگلسة وفطريقة كيفاش نشر المنديل على ركبتو ... حتى هو كيشوف فيه ويدير بحالو ....ومأثر بجدو لاقصى درجة ..... كان هو الحفيذ الاول الذكر فالمستعمرة ... ومعاه 3 حفيذات بنات ... راهم منفيات فاجنحتهم ماعنهمش الحق يشاركو فطاولة الطعام وباقين صغار مقابلين غير الدراسة اصغرهن فعمرها 7 سنوات
الكنات قدمو الطعام ورجعو لور بضع خطوات الى حتاجو شي حاجة .... ماعندهمش الحق فمشاركة الاكل فوق الطاولة او اعطاء رأيهم او الشكوى ...هما مصنوعين فقط للنكاح و لاستجابة الاوامر بالطااعة ...
اوشن: ( كلا واحد اللقمة لي لقمها بيديه كيف جميع المغاربة ... بعد مامضغها مزياااان شاف فولادو بنظراتو القوية الجبارة وسرط اللقمة باش يقدر يتكلم) وصل الكاميو ??? علمكم شي حد ??
حفيظ : ( مسح على فمو وجاوب ونبرة الغضب فكلامو ) رجعو آ بابا ( مع ترقيق الباء)
اوشن : ( خنزرر بنظرات كايخلعو وضرب فالطاولة حتى تهزو جميع الاطباق وتهزو معاهم القلوب بالخلعة ) كيييفااااش رجعوووو واش هادو باغين يحمقووووني ... الكاميو الخااامس هذا لي كنوجدو ليييهم وكايرجعووووه اشنوووو بااااغييين هاااادو
حفيظ : ( ممهبط عينو متقي شر غضب اوشن ولعثم ) ر .. راك .. راك عارف ابابا ...ل ... لمامون ر راه
اوشن : ( وقف وشد بيديه على الطاولة وقاطعو بصخب ) الماااامون الماااامووون الماااامون ... واش هاد المامون مغاديش يبعد مني !!!!! واش التجار لي نتعامل معاهم يجي يزااااحمني فيهم ( كيغوت وحبيبات البزاق كترش من فمو بالغضب ) ياك كانعطيوه نفس السلعة .. علاش كايشريو غير على المامون ويخلييييو دياااالنا !!!!! حتى كانوجدو الكاميو ويمشيو ياخدو عليه ويخلييييونا ?????? سلعتنا حنا ضييييع !!!!!
حفيظ : هانتا كاتشوف ... ماعرفنا كيف نديرو معاهم والعداوة مغاتنفعناش فالسوق .... انا مافهمتش !! ياك عندنا نفس الاراضي ونفس الخدددمة ..... علاش التجار كايفضلو سلعتو على ديالنا !!!!!
اوشن : (رجع كلس فالكرسي ديالو شاد على راسو لي ولا سخون بالفقصة دالمنافس ديالو وولادو حبسو الماكلة وهضر بهدوء مهدود) انا بغييت غير نعرف شنو عند هاد المااامون ماعنديش انا .... ( شاف فولادو ) شنووووو عندوووو ????????

🔖الفصل الاول : الاستحواذ

🔖الباب الاول : ألغام الغدر

🔖¤الجزء (2)

مستعمرة المامون / آيت قمرة إقليم الحسيمة

على طاولة مستديرة خشبية مزخرفة .. فصالون تقليدي أصيل ... مجموعة العائلة على الغداء ... الصالون كيبان فيه النوور كثيير رغم انه فيه غير سرجم واحد !!!! .... وماشي غير الصالون انما المستعمرة بأكملها منورة ومبهجة ... فيها ريحة الحياااة ..ريحة الهناء والسعادة .... كلها تقليدية اصيلة بسواري من الجبص التقليدي المغربي ...

قهقهات سعيدة كتسمع من الصالون ... اصوات رجالية ونسائية و حديث بالريفية الحسيمية .. كل الكلام غالبة عليه كلمة تسا ينو ....

جالس الجد البشوش ذو الوقار و الحكمة ... صاحب الضحكة اينما وجد ....كيضحك مع الصغير والكبير ... صديق الاطفال والحيونات ....لدرجة هو كالس يتغدا والقطيطة ديالو تحت من طاولة تاهي ... الجد الحنون على الجميع ... صاحب الحكايات والحجايات لي نعسو عليها ولادو و أحفاذو ... وركابيه ملجئ لكل رأس متعب .. كايتحط عليه وبيديه الحنونين كيمشط على خصلات الشعر حتى كيحس المتعب بالراحة ... ركيزة العائلة و صاحب الدعابة .... فينما مشا كاينشر السعادة والضحك .. تجاوز الستينات ومزال عندو واحد الشباب رهييييب فالقلب ... وواحد الرومانسية خيااالية كايصدم بيها جميع ولادو فاش ييبن على مهاراتو فيها قدام زوجتو راضية .. لي مكتقلش عليه حنان .. واصلا مكاينش لي يعاشر المامون ومايكونش حنين ومرتاح .... زوجتو لي كايسميها كنزو ... لانها ولدات ليه ولاد كايفتاخر بيهم ... ماعطاهش الله بنات .. عطاه الله 4 اولاد ذكور .. البكر " أحمد " ثم " حسن " ثم "علي" والصغير " رياض " كلهم مزوجين ماعدى رياض لي كايوجدو لزواجو حاليا وقريب جدا .....

اصلوهم العريقة من كتامة .. ولكن ملي تزوج المامون براضية قرر يبني حياتو بعيدا على كتامة لي عندو فيها ذكريات قباح مع الاخ ديالو ... وهاجر للحسيمة لي شيد فيها مستعمرتو وولد فيها ولادو وحفاذو... كانت الفرحة عاااارمة ملي تزاد عندو اول حفيذ من الابن البكر لي تعطل انجابو سنوات بالعلاج والاعشاب .. ونهار حملات الزوجة ديالو حملها كلو داز اهتمام ودلع وفرحة.... اما فالولادة الجد مكرهش ينزل النجوم هدية ليها وولدو على هاد الحفيذ لي جا بعد طوووول انتظار .... بعدما هزو الجد بين يديه وشاف عينيه الخضرين .... لي كايوحيو بالامل ... وان الحياة كلها أمل مدام بعد كل هاد العقم تزاد ... وتما سماه جدو " تونّار " اسم امازيغي مشتق من كلمة توناروز ... لي كاتعني الامل .... وحاليا فعمرو 10 سنوات ...والام ديالو "سلطانة " مايمكنش ليها الانجاب مزال .... لانها تعطلات باش ولداتو وبعد مدار عماين دخلات لسن اليأس والجد والزوج حاولو يواسيوها انها ولدات ليهم الحفيذ المهم بنسة للعائلة هو الخليفة ....ومكيهمش شي انجاب آخر فقط تونار فيه الكفاية ... اما الكنات ديالو الاخرين وحدة ولدات مع حسن زوج بنيتات توأم وطفل باقي فيديها كتهزو عندو غير اشهر قليلة ...ولوخرا ولدات مع علي بنيتة عندها عام ...وكلهم الاولاد والاحفاذ متّسمين بالحروف الزعرة ... كلهم ورثو عليه الملامح الشقراء .. بييضين وحرفوهم زعرين مغلوقين ماايلين للبني

وكلهم مجموعين على طاولة الاكل وشادين المعالق فيديهم وكايضحكو على دعابات المامون لي مكتقضاش ..... كان رجل ابيض الشعر واللحية ... لباسو تقليدي ودائما كايلبس قميص وربطة عنق تحت من الجلباب التقليدي ...شاد المعلقة وكايضرب بيها فالطاولة خالق الضجيج كايتسنى كسكسو يتحط

المامون: اوا دغيا ... سلطاااااانة آيجي ينو " آبنتي) واش هاد سيسو" الكسكس" غايجي على رجليه ....دغيا آيجّي

راضية: (حيدات ليه المعلقة من يدو ) سكت صدعتييينا ...هايا جايا مالها تموت ... نتا ماعارفش سيسو شحال خصو باش يتقاد فالقصرية ويتصاوب

لمامون : ( شاف عندها ) واعطووووني نجرب ونصاوب ليكم حتى انا ( شاف عند ولادو ) ياك آثاوا ينو ( ولادي ) ها احمد وانا وعلي وحسن ... ووليدي رياض ندخلو نصاوبوه وتشوف الى ماكليتو عليه صبااااع يديييكم

سلطانة : هااانا هااانااااا اعمي جايا هانا

جايا كتزرب وهازة القصرية فيديها مسگمة كسكسو بسبع خضاري كايشهي من المنظر لمامون ريوگو سالو كيما الاخرين لي فطاولة لي كل واحد مكلس حداه مرتو وولادو .... و راضية مكلسة على رجليها بنت علي ....وحطاتو وكلسات مبتسمة هزات واحد البنيتة على مرات حسن حيت عندها تويميات ....وكلساتها عنها توكلها هي

المامون : ( كايشم الريحة ) مممممم الله يعطييييك الصحة ... قصرررية واشمن قصرية

يلاه غايقول بسم الله ضور عينو على طبلة جاه شي حد ناقص .... مايمكنش ياكل بلا بيه ... مستحيييييييل

المامون : آفين آسُوكااار ينووو !!!! " ذكر الحجل "( نادى بصوت مرتفع ) توونااار ... توووناااار مايثجيييد (فييينك )

🔖الفصل الاول : الاستحواذ

🔖الباب الاول : ألغام الغدر

🔖¤الجزء (3)

فبلاصة مايجاوب تونار على نداء جدو .. جاوبات سلطانة لي كتوكل فالبنيتة لي عندها
سلطانة : غير خليه آعمي عيت معاه مابغا يسمع ليا ... كنبقى نهضر معاه وهو ميك عليا حتى كايعصبني ...حرام واش كايسمع داك الولد
المامون : ( حط المعلقة ولحححنها ) هاااااا الخبار الجديييييد .. آمال اسُوكّار ينو شكون قلقو ( شاف عند احمد )ياكما زعفتي عليه
احمد : اياااااو انا مشفتوش نهار كامل
سلطانة: لا لا اعمي مازعف عليه حد ... راك عارفو كيف داير ... انا مابقيتش عارفة كيندير ليه كاع ... هضر ولا گلس مكيديهاش فيا كاع .. حتى كنبقى نقول ياكما الولد مكيسمعش والله .. وادابا عيت فيه يهبط يتغدا راه ماكلا من لفطور ... كايقوليا غير لا اماما لا اماما .. راه هو والخيوط ديالو قالك هو بقا يصايب شي عجب بواحد البولة ماعرفتو شنو كايصنع .. نخاف غير يتخلخل ليا الولد ولا يكون مقيوس الله يستر ( ضربات فالطبلة )
راضية : ديمااا كانقوليك يلاه نمشيو نزورو الولد مكتسمعيش ... يا العين الله يستر .. يا مقيوووس ... داك الغوات والهضرة لي مكيهضرش مسرحة خالعاني ... واش الولد عندو 10 سنين وباقي مكيقادش الهضرة !!!!!
رياض : ( القاري فيهم والواعي ) اعطيو تيقار للولد .. هداك عقليتو بوووووحدها هاداك مايتفاهمش معاكم ... واش عارفين شنو هي يقوليك الاستاذ ديالو هاد الولد خصو شي حاجة فوق 20 على 20 ... الولد نابغة وعندو عالمو الخاص ... مافييييه وااالو ... راه كايين اطفال بحالو ... غير نتوما خصكم تعقدو كووولشي ...
المامون : وغير طبعو هاكاك اسلطانة ماتخافيش ... الولد ذكي تباركالله راك كتسمعي شنو كايقولو عليه فالمدرسة
احمد : انا لي كنتعجب هو الى عطيتيه 1 زائد 1 مايعرفش يحلها ويبقى يشوف فيك .... ويلا عطتيه شي حاجة كبيرة يحلها ليك مبااااشرة .. انا كايخلعني بعد المرات ... ( شاف عند المامون ) عرفتي داك الورقة آبابا دالضريبة لي عطتيني ... حطيتها لهيه وقتلو جيبها لي ... غير فداك الوقت لي هازها جابها ليا حفظ كاع شنو فيها !!! عندو شي داكا ديال الجنووون
سلطانة : راه داكشي باش خالعني حتى انا ....كنخاف ولدي يخلخلوه ليا الوراق والحسابات .. الولاد يباتو ناعسين هو يبات فالسرجم كيعرض ويحسب فالنجوم ... البارح كانقولو اجي تنعس هو قالك حاضي القمر واش كاتحرك ..... والبارح خملت ليه غير البيت جمعتو من الوراق بغا ياكلني وبقا كايتركل ويغوت قاليك علاش نقيس ليه حوايجو ...كايكبر وكايصعاااب ... نشوفو ليه شي فقي كيف قالتي لالة راضية حسن
رياض : ( بغضب )وها التخخخخلف لي مكايعجبنيش واش راحنا عاد عايشين فثمانينات !! وراه الالفين هادي ....راه كاين شي حاجة سميتها طبييب .... هزو الولد لطبيب ديال دراري صغار هو يفهمو .... كنقوليكم الولد عندكم نااااابغة ... عقلو ماشي بحااالكم ... مغايتسطنش هو لتدقديق ديال المعااالق ...هداك لاعندك شي كتااااب شي مووضووع شي جوورنال هاهو معاك ...
المامون: ( خلاهم تاسالاو هضرتهم )واااااش غاتبعدو ليا من ولدي ولا لا !!!! ... تاواحد فيكم مكيفهم آسُوكّار ينو انا لي كنفهمو بعدو ليا من ولدي وماتعصبوووووهش .... ( ناض وقف وكيعمر الماكلة فواحد طبسيل )
احمد : ( كايشوف معاه ) آميندگذ ابابا !!! " شنو كدير آبا"
المامون:مانتغداش بلا تونار ينو .... مابغاش يهبط ... نطلع عندو ناكل معاااه... بصصصحتكم
هز طبسيل وداز من حدا بنت ولدو باااسها وطلع وهوما كملو غداهم .... طلع فدروج حتى توجه للبيت ديال تونارر ....دقها وحلها عليه بشوووووية كايطل عليه .... كان كالس مربع فالارض شعرو الزعيعر القوي مسبسب على عينيه .... ضوء السمش داخل من السرجم وضااارب فالبيوضية ديال البشرة ديالو خلاتو يبان كيف شي بقعة من النور ! ... شنيفاتو صغااار مجموعين حمرين وعويناتو خوووضر بلون حبات العنب الطازج.... يديه الصغارر شادين وحد اللقاط وكايقطع فشي سلوكة منشورين حداه .... وشي خشبات وبولة صغيرة ... وكالس منهمك كايحاول يصايب ڤايوز من الصنع ديالو .... اما بيتو كولو اشياء يدوية الصنع .... وكنشوفو اعادة التدوير بزاااف عندو كاياخد اشياء عادية وكيعاودها ويردها حاجة اخرى .... مكتب عليه الكتب ديالو وعلى الكرسي المحفظة ديالو .. البيت ديالو فووضووووي بلا قياااس ...كيحس بالراااحة فداك الفوضى العااارمة لي ضااايرة بيه .... منهمك فدوك الاسلاك وشعرو هابط عليه مغطي ليه النصف فوجو ....
الجد ضحك ببشااشة من منظر حفيدو .... وحط الطبق وقرب لعندو كلس على سريرو .... تونار غير شاف رجلين جدو طلّع راسو وضحك ليه .... ضحكتو كيف شمس الصباح ملي كتشرق ... قمة فالبرااااااءة والوساااااامة الأخااادة و جدابية الملامح الزعرة ... ابتسم ليه ورجع هبط راسو كايكمل ومحافظ على الابتسامة

المامون : شنو كادير اآيا سوكار ينو !! كتصايب شي حاجة

🔖الفصل الاول : الاستحواذ

🔖الباب الاول : ألغام الغدر

🔖¤الجزء (4)

تونار : ( طلع راسو لي كيهزو بزاف وبدا كايضحك كايعجبو فاش شي حد يتقرب من العالم ديالو ... وجاوب وهو كايتقطع فالهضرة ) اا .. ك .كنصايب ... ف فايوز ... ك كايجيني .. الخوف بليل و والضو ( شاف للبولة للفوق) الى ب بقا مشعول ب بزاف خطر
المامون : الخوووف !!! اوا قولها ليا اولدي نشري ليك الفايوز واجد علاش غاتعدب راسك وتصايبو !!
تونار : ( كاينفي بيدو ووراسو ) لا لا لاااا اجدي ... ن نصايبو انااا ... و ونصايب بزااااااااف .. و ونبيعوهم ل لناس ل لي كايجيهم ا الخووف بليل... ح ح حيت ف فايوز لي كايتباع .. كايخدم بالكهرباء .. و پريز .. خخ خطر ب بليل ...الكهرباء خ خطييرة ... ا انا غ غانصايبو .. ب بالحجر (وراه ليه كانو الحجر ديال واحد الراديو ) ه هادو ا اجدي م مافيهمش ا الخطر ..
المامون : بولة بالحجر !! كيدايرة هادي اولدي !!!!
تونار : ا ااه اجدي ...ن نساليها وتشووف
المامون : مممم واخا ... ولاكن الى بغيتيني نشوف .... خصك تغدا معاياااا بعدا
تونار اكتفى انو يضور راسو بلااا نااافي الموضوع
المامون : ( قالب راسو داير فيها مقلق ) اوا صااافي خاااامااااص ( كلمة كتعني مخاصمين بلغة الاطفال)
تونار علا عينيه وضحك تا بانو سنيناتو لي كيف حبات اللؤلؤ
تونار : ههههه ر ر راني كبرت آجدي ..... و وليت كنعرف ....أ ان لي م مقلق كاع مكيقلب راسو ...
الجد ضحك من كلامو ورجع ضار عندو
المامون : واشنو دابا ماتغداش مع جدك
تونار حط داكشي لي فيديه وناض عندو ... والجد جاب الاكل وكلاو على المكتب ديالو ...وتونار دائم الصمت وقليل الكلام .. فقط كايجاوب على قد السؤال ... كيهضر بزاف فحالة ما الى شي حد بغاع يشرح ليه شي حاجة وحس انو خصو يشرح ليه مزيان ..مكايتفاك حتى كايفهم للواحد شنو بغا ...
كايتسمع واحد النقيق جاي من واحد الركن فبيت تونار.. كان قفص فيه واحد الببغاء أو كيف كايسميه صديقو " گريندو " صديقو الوحييد ولي كايهضر معاه ويعاود ليه كولشي عكس الغرباء عليه مكيهضر مع تاحد ... مكيعرفش يهضر مع ناس وملي كايلقى راسو كايتلعثم ..كاهبط راسو ويسكت كيحس بنوع من الاحراج ....اما مع گريندو كايهضر بإرياااحية ...
كايخاف بزاااف من الغرباء وكايحس بلي الناس كاملة خطر عليه ... شي لي خلاه كايرتاح غير لجدو بزاااف ... لباقي كيهبط راسو ومكيردش عليهم كاع الكلام ..... وفاش كايتصعب كايبقى يغوت بزاف وكتجيه بحال دي كخيز ..حتى كايترسمو فعينيه الخضرين عروق رقاااق حمرييين ... شي لي كايميز نظرات الغضب ديالو ..
كمل الغداء ديالو مع جدو ... ورجع ينهمك فاختراعاتو وعالمو الخاااص ... والجد خرج

🔖الفصل الاول : الاستحواذ

🔖الباب الاول : ألغام الغدر

🔖¤الجزء (5)

هبط الجد لتحت لقاهم باقين كاياكلو ديسير وكلس وسطهم بعد مادارو ليه لبلاصة
راضية : امضرا كلا شوية
المامون لا لا تغدا تباركالله عليه ... ( شاف عند كنتو الحامل ) كوولي ابنتي ... ( شاف عند راضية ) جبتو ليها اللوز والكركاع !!! عطيوها تااااكل مزياااان ... هادي راه فيها زوج رواح دابا ماشي بحالكم
الكنة : لا لا اعمي كناكل مزياااان ماتخافش ...
المامون : ( شاف عند ولدو ) ديتيها لطبييب !? سيرو عند هاداك لي فامزورن مزيان ... راه دابا زيان الحال والاطباء موجوووودين .. ماشي بحال شحال هادي
الكنة : مشيييت اعمي وقاليا كولشي مزياااان ..
المامون : اوا الحمد الله ... اوا وجدو راسكم راه مابقا والو لعرس رياض ...بداو توجدو مانديو معانا للتما ... 3 شهور دغيا غادوز وها شهر ربعة دغيا غايدخل ...
رياض : زدتي فيه الواليد والله .. علاش غانمشيو حتى لكتامة باش نديرو العرس ... نديييرووه هنا ...
المامون : سكككت نتا مكتعرف فوالو .. فيت تزوجو خوتك كاملين غاتزوج حتى نتا ... جدورنا تما ودارنا الكبيرة تما ... وخوتك كاملين درت ليهم العرس تما فالبلااد ... حتى نتا سواك منهم ...و العائلة ديالنا والبعيد والقريب كولو راه تما يحضر معانا .. نمشيو وسط حبابنا و جدورنا نديرو ليك العرس ونرجعو كيف درت مع خوتك كاملين او لا !!!
حسن : لا هذا هو الحق آلواليد ... نيت تووحشنا البلاد
راضية : فاش يقرب شهر ربعة انا غانسيفط ليها شي ربعة دالعيلات يسيقوا ويوجدو البيوووت نمشيو لقاوها نقية مابقا لينا عضام لتمارة
الماموت : هذاك شغلكم ... 7 ايام دالعرس دولدي آمازوز ينو ( اخر العنقود ) بغيتها دوز على حقها وطريقها وكولشي يهضر على عرسو ... (وقف كينفض حوايجو ) يلاااه هو هذا غانوض نتكا شوية علما يودن العاصر ..
ناض الجد مشا لبيتو ... والعيلات تعاونو على الطبلة جمعوها ..
3 اشهر دازت كيف الريح وجا نهار لي غايسافرو لكتامة ... البلاد ديالهم وفين كاينة العائلة ديال المامون كاملة وفين مدفوين واليديه وجدودو ... كتامة مسقط رأسو وفين كانين كاع اراضيه .....
وصلو السيارات مصافين ...كلهم كانو عبارة على ميرسيديس موديل 1998 ...كل طموبيل فيها واحد من ولادو ... وتونار راكب مع جدو لي مكايفرقوش ...
نزل من الطموبيل وفظهرو المحفظة ديالو وهاز القفص ديال گريندو فيديه .. ولابس طريبيش والكاشكول ديالو فعنقو من البرد ... واخا الجو ربيعي الا ان كتامة معروفة ببرودة الجو كيبقى الجو بارد حتى فأبريل ... كايشوف بعينيه مع الارجاء اول مرة غايجي لهنا ... جا المرة لي قبل كا صغير بزاااف وماعقلش ...كايتسرا بعينيه على الطبيعة وكوولشي خضر ومنور .... والكيف كيبان بعييد شووية الارض ديالو خضرااااا ....
كايضور بعينيه الخضرين لي كيبانو فالشمس خرااافيين ....
جراتو ماماه ودخلو لداخل وهو عينيه غير كيضورو وكيستكشف اي حااجة ...
سلطانة : ( كتشوف مع الارجاء وحطات صاكها ) الله شحال توحشت هاد الدار وهاد الرييييحة لي فيها ....( كدوز يديها على الكراسا وتشوف فصباعها واش كاينة الغبرة ) الله يعطي الصحة لدوك العيلات نقاااااوها ردوها كتشعل .....( شافت عند ولدها ) تووونار عجباتك اليدي !???? ( تونار اكتفى أنو يحرك ليها راسو بالايجاب ) شكوون حسن هنا ولا فدارنا !?
ماجاوبهاش كاع وتطلق من يدييها ...مشا كيقلب بعينيه ....ويكستشفها من كل الجوانب ... دخلو الجميع كيشوفو مع أرجائها ويتفكرو بعض الذكريات معاها ... خصوصا العروسات كانت اول دار غايدخلو عليها هي هادي كل ركن كايفكرهم بتفاصيل عرسهم .... واخا ساكنين فالحسيمة الزفاف ضروري كايكون هنا فبلاصة العائلة ....
تونار سمع النداء من ماماه ومشا عندها وهي داتو لواحد البيييت فيه غير واحد السداري وزربية صغيرة ومراية فالحيط ودخل توار كايشوف فيه
سلطانة : هانا آولدي ...حيد الشكارة ديالك حطها هنا ماتبقاش غير تلوح دابا مارحناش فدارنا ... وحط الطويّر ديالك فوق هاد الصوندري ... انا غاندخل ليك حوايجك لوخرين ... عارفاك عزيز عليك بيتك بووحدك ... ما انا نعّس وليدي معايا
تونار : ( ضار عندها وكيحك فشعرو واضحين عليه الملامح العايبة ) م ... ماعجبنيييش .... ب بغيت بيتي ..

🔖الفصل الاول : الاستحواذ

🔖الباب الاول : ألغام الغدر

🔖¤الجزء (6)

سلاطمة : واا بيتك اولدي خليناه فالحسيمة ... دابا غانگلسو هنا غير 15 يوم وغانمشيو فحالنا باش تبدا القراية راه العطلة دالربيع دغيا غاتسالا ... هانتا غانفرش ليك ديك السداري بحال السرير ديالك .. وحوايجك غانطويهم ليك هنا صافي اولدي !?
تونار : ( شاف مع السرجم عاالي بزاف وهو كايعجبو يتفرج فالسما كل ليلة) غ .. عاااالي ... ب بغيت نوصل نشوف ا الس ... السماا
سلطانة : انا غادي ندير ليك كرسي ... يلاه اولدي دخل غسل يديداتك انا نمشي ندخل الحوايج ...
مشات سلطانة ...وتونار بقا كايشوف مع البيت مااعجبوووش بتاتا ... وگرن حجبانو بغضب ..
كلس على السداري مربع يدو خاسر ليه الخاطر .. حس ان هاد البيت مافيهش الخصووصية و الباب مكايتشدش مزيان ... وهو مكيبغيش شي مكان مفتوح على الجميع وكولشي يشوفو اش كايدر .... كايبغي بووووحدو ويحس بالخصوصية
سلطانة بدات كدخل الحوايج من طموبيل وكولشي تششششغل كايييقاد حوايحو فبيتو ... المامون وولادو خرجو لبرا يشوفو الفلاحة والخدامة ...
سلطانة بعد مارتبات كاع حوايجها هي وراجلها.. دخلات لبيت تونار ترتب ليه حوايجو تاهو... لقاتو باقي فنفس وضعيتو ماتزحزحش ... كالس على سداري مربع يديه ومقلق .... وطلعات حاجبها وتسائلات :
سلطانة : توونااار !????مشيوغين ( مالك )
تونار ماتململش من الگلسة ديالو بقا هاكاك وماردش عليها كاع .. حطات صاكو وقربات عندو
سلطانة : تووناااررر ...
مجاوبهاش يلاه غاتعيط النداء الثالت وهو يغوووت بجججهد... ووقف ضرررب داك المرااية هرسسها وبقا كايغوووت وشاددد على ودنيييه وكايضور فبلااصصصتو وعينيه ولاو حووومرررو كاتولي فيهم واحد اللمعة خطرييييية بحال الشعا دالشمس...
جاو كولشي كيجريو يشوفو مالو ملي سمعو الغوات ... وهو ماسكتش كاع ... لانو ماحسش بالامان والخصوصية... تامن گريندو حبس الحركة كايشوف وكيصدر النقيق ديالو منخفض كأنو كيتسائل على حالو ...
تادخل الجد كايجري وعنقو عندو ضمو بقوةن. .. اما سلطانة بكات كاع بالخلعة على ولدها لي مكاتفسرش حالتو ....ومكيشبهش كاع الوليدات ... ضمو المامون عند صدرو وكلس على السداري كيهدن فيه شوية
بشوية حتى هدا... المامون بوحدو لي كيعرف ليه ... ملي كيحضنو تونار كايحس بالاماااان وكيبدا يهدا شوية بشووووية ... حيت بعد المرات كنكونو مامحتاجينش شي حاجة من غير نحسو بالامان والطمأنينة .... يلاه سكت شوية من الغوات وتهدن فحضن جدو ... المامون طلع فيهم عينيه وقاليهم يخرجو كلهم من البيييت شافو فبعضياتهم وخرجو كيواسيو سلطااالنة لي غير كتبكي ....
و الملمون طلع راس تونار عندو لي باقي كيتنخصص .. كيكبكي بدون دموووع ... فقط لغوات حتى كيتبحبح ليه الصوووت ...

🔖الفصل الاول : الاستحواذ

🔖الباب الاول : ألغام الغدر

🔖¤الجزء (7)

المامون : ششششش .... بشووية عليك اولدي ... نحيبليك تشرب
تونار غير هبط راسو والمامون عرفو مابغاش
المامون : مالك اولدي شنو لي ماعاجبكش نبدلوه !? ها !??? واش خيفان من شي حاجة
تونار بعد من جدو ومشا حدا گريندو فالقفص وكيدوز يدو على السلوكة دالقفص بحالا كيهدن گريندو وكايقوليه مطاري والو .. ورجع ضار عند جو كيشوف غير لتحت
تونار : ب بغيت .. بغيت نمشي ل لبيتي
المامون : اااااه ... ( رجع قرب عندو ) قوووليا بغيتي بييييتك .... ( تونار هبط راسو حتى كايطيحو شفارو الطواال والمامون قرب كلس حداه ) هانتا اولدي باش نفهمك ( تونار ملي كايوشف الهضرة جدية موجها ليه كيطلع عينيه ويركز ) عمك رياض غايتزوج ... وهنا غانديرو ليه العرس .. خصنا نبقاو حتى هو يتزوج .... ونزيدك هاد البيت لي ماعاجبكش فيه واحد الحاجة كاع مكاينة فبيتك لاخور .... اش باليك نوريها ليك !!!!
تونار : ( علا معاه عينو وكيفرك بصبعانو ) هاا ????? ش ششنو فيه
المامون : السسحررر ...
تونار : ( حل عينو ) هااا ????
المامون : السحر .. تبغي نووريك ??
تونار بقا غي كايشوف فجدو .. والمامون كايعرف مزياااان يهدنو ...
المامون خشا يديه تحت الجلباب ديالو باش يوصل لجيب دالسروال وتونار متبعو بواحد الفضووول ... وكيتسائل شنو طبيعة هاد السحرلي كاين فهاد البيت .... كيهضر مع دماغو خصو يعرف اي حاااجة .... متبع مع جدو كل حركة .... طلع المامون من جيبو واحد الحلوى ...
لمامون : هاااااهي ( كيوريها ليه ) شنو هادي !???
تونار : ( باستغراب وجاوب ببساطة ) بون بون !!!
المامون : ها !??? موهيم مانعرف كيف كتسميها ... هادي حلوى ... الى قتليك غااااطييير .. وتختفي !!! تيقني!!!!!
تونار : ك كيفاش طير ( هزها من يدو كيقلبها وشاف عند جدو ) م م ماعندهاش الجناح !?
المامون بحناااان كايشوف فيه وتونار مركز معاه . وغير كيهضر بصوتو المتلعثم كايخرجو الحروف من فمو بحال شي بلسم ...
المامون : واخا بانت ليك هاد الحلوى ماعندهاش جنحين ... وماتقدر طير .... ولكن الى كان عندها الاصرار ... والثقة ...وأهم شيء يكون عندها توناروز " الامل" راه تقدر طييير بلا جنحييين
تونار : ( شبه مصدوم مستغرب ) اء! م ... مايمكنش اجدي ... خ خصها جناح باش طير .... ا تونااروز !! ك كيفاش الأمل غايخليها تطير !!! واش توناروز كايدير الجنحين !?
المامون : مممم توناروز كيدير المعجزات ماشي غير الجناح .... توناروز بوحدو لي غايخلي هاد الحلوة طير ... ويرجع تاني يررجعها .... شنو !??? نجربو !!!!!
تونار ظهرات على فمو ابتسامة شغوووفة متحمسة فضووولية ... وحرك راسو بالايجاب مكرر الحررركة بزاف كايزيد يأكد
المامون هز ليه يدو الصغيرة وحط ليه حلوة وشدها ليه .... وتونار متبع معاه شاد على داك الحلوة مخبيها وسط القبضة بأصابعو تامبقاتش كتبان
المامون : هاد الحلوة .... شنو خاصها باش طير !!!!
تونار : ج جناح ...
المامون : لا ... خاصها تونااااروز ... شيء لي خلاك نتا تزاد ... هو ي غايخلي الحلوى طير ... وغايخلي شحال من معجزة تطرا ..... يلاه قول معايا ... { أيوز ...أيووز ...يسضويط تونااروز } " ايوز ايوز الامل طيرها "
تونا: ا أيوز ... أيوز ( شاف فجدو وكيكمل من موراه ) ي يسضويط توناروز
فتح يديه ومالقاش الحلوى !!! وبقا قلبو كيضرب وكيقلب فجنابو ويعاود يحل يديه ويقلب فيدين جدو ورجع شاف فيه بحزن
تونار : ف فييين الحلوى !!!!!
المامون : (بابتسامة ) يسضوييييط توناااروز " طيرها الامل "
تونار بقا غير كايشوف ويرمش بعينيه والمامون أضاف
المامون : نرجعوها !!!!
تونار حرك ليه راسو بآه وهو قرب يتيق الخدعة
المامون : يلاه قووول التعويدة لي قلتيها فاش طارت ... باش ترجع !!!! غير هاد المرة خاصك تطلب من توناروز يرجعها ليك ماشي يطيرها ...
تونار: ( بعد تردد ببراءة و وإيمان طفولي ) ا ... أيوز أيوز ... ياااريث تووناروز " ايوز ايوز ردها توناروز "
المامون ضحك من بعد التعويدة لي قال تونار وقرب خشا يدو فجيب الجاكيت ديال تونار وجبد الحلوى ووراهاليه وتونار حل عينو بعدم تصدييق !!
المامون : الحلوى تاقت فالامل وقدرات طير بلا جنحين وقدرات تحرر من القبضة لي كانت مشدودة بإحكام .... وتونار ملي تاق فالامل رجعها تالبين يديه بعد مكانت فالمجهول !!! ..... شفتي اش كايقدر يدير الامل !!!! توناروز اولدي مااااهر فاللعب بالاقداار ......
تونار : ( بشغف ) علممني
گريندو : ( ردد موراه ) علمني علمني علمني

🔖الفصل الاول : الاستحواذ

🔖الباب الاول : ألغام الغدر

🔖¤الجزء : 8

تونار شد على ودنيه من ضجيج گريندو لي كيردد كلمة " علمني " بصخب ودار عندو مخنزر فيه يسسسكت
تونار : شششش گرااااند .. شش ( سكت الببغاء وطيح راسو معتذر ورجع تونر شاف عند جدو ) ك .. كيفاش درتي ليها آ .. ج جدي
المامون ضحك وقاد الگلسة ديالو مزيان وجاوب وهو كيلعب بصبعانو فالهواء بحذاقة
المامون : السححر
تونار : ( بعدم الإيمان و بتلعثم ديالو المعتاد ) م م مايمكنش ... ا اي حاجة كاتطرا .. ا إلا و منطقية ... ( كايشوف فالحلوى فيديه ويدورها بين صباعو ويفحصها ) م ماعندهاش جنحين ... و الامل م مجرد إيمان .. و احساس ... و التعويذة حتى هي غير تمويه .. ا أكيد كايينة شي حاجة منطقية م مور هاد الخدعة آجدي ..( كيحك فشعرو ويسرط فريقو ويفحص فداك الحلوة )
المامون : هههههه ( عنقو عندو ) تبارك الله على ولدي ذكي ... ولكن سمع ليا نقوليك واحد الكلام ماعمرك تنساه آياسكوور ينو ... ماشي كولشي لي كايطرا فحياتنا منطقي ... كاينين شي حوايج كايطراو بلا مكانلقاو ليهم حتى تفسير ... ماتكونش منطقي بزاف اولدي باش ماينعدموش فيك الاحساسيس ويموتو المشاعر فاش تكبر وتعيش كيف شي آلة كتقلب غير على المنطق !!! خصك تعرف بلي فالداخل ديالك هنا ( حط يدو على قلبو ) كاينة شي حاجة سميتها القلب ... وهو الوحيد لي غايأكد ليك كلامي ...وهو الوحيد لي غايخليك تصرف بلا ماتفكر فالمنطق ... ( تونار غير كايشوف معاه ويسجل فكلامو فداكرتو الصغيرة المكتضة بالمعلومات) خصك تكون كتآمن حتى بقدرة الأمل ... بقدرة الخالق عز وجل ... وتآمن حتى بقدرة السحر ... حيت هو كاين وموجود ..... ومذكور فالقرآن الكريم .... وكاينين مواليه لي كايعرفو ليه .... ولكن جدك غير راجل بسيط مكايعرف لا لسحر لا والو ... هادي غير خدعة كتحتاج ليد تكون خفيفة .. ولكن واخا هاكاك اولدي عمرك تستهن بالسحر... وعمرك تستهن بالحوايج لي ماشي منطقين ....
تونار مدة ساكت كايشوف ويحاول يفهم كلامو والمغزى مزيااان الجد مدة ملي سالا كلامو وتونار باااقي على نفس التركيز ... عاد تكلم بفضول
تونار : علمني ....
گريندو : ععلل(ماجا فين يكملها تاكان تونار ضار عندو مخنزر فيه يسكت وهو يحني راسو ونقنق بخفت ) قققغغغغغغ ....
الجد ضضحك وهزو حطو على واحد الصوندري قدامو
المامون : نعلم ولدي علاش لا ... فاللحظة لي انا حطيت ليك الحلوة فيديك آتونار ينو بحال هاكا ( كايعود يمثل حداه وحطاهالو فيديه ) نتا شديتي يديك.... وعند بالك الحلوة فيديك لداخل ... ولكن لااااا ..... حيت انا راه رجعتها معايا بحال هاكاا وغير وهمتك بلي حطيتها ..... خاصك غير تكون يدك خفيفة باش ديرها بلا ماتحصل ...واهم شيء تصرررف عادي وبثقااااالة قدام هداك لي غادير ليه الخدعة ... فنفس الوقت ززرررب غير بينك وبين راسك بلا مايحس بيك راك كتصرف بسرعة ...يعني هضر بثقااالة ومرتاح ...ويديك لي خدمهم بززربة ... ووهمو بلي راك حطيتيها وراه شادها فيديه ولكن هي راها فيديك .... وهنا خاصك تزيد تخليه يتيق ... وقول ليه لتعويذة لي غايقول موراك باش تصدق الخدعة زعما .... وبينما هو مركز كايحفظ فيها ... نتا خاول تقرب ودير الحلوى فشي جيب ديالو بحاااال هاكا...( خشاها فجيبو ) فهمممتي !!!!!!!
تونار بقا غير كايشووف .... عاد ترسمات على فمو ابتسامة ملي فهم الخدعة ... ابتسامة ديال الشمتة ... وبدا كايعاودها حدا جدو كتر من عشر مرات باش يتعلم ليها ويخدع جدو ...
ببينما هو منهمك مع جدو ..سلطانة داخلة خارجة كترتب ليه حوايجوو وكتشوف كيفاش دغيا ولدها تهدن وضحك ومابقاوش كايغوت فداك الحالة الهيستيرية ... فعلا المامون هو الوحيد لي كايعرف ليه مزيااان وكايعرف كيفاش معاه ....
يلاه غاتخرج من البيت بانليها لوسها رياض تاهو متكي على الكادر ديال الباب كايتفرج فيهم ....
سلطانة : ( ضارت شافت فييهم ورجعات شافت فيه ) كايعرف لييه
رياض : ( تنهد وشاف لعندها ) موهيم كنت جاي نهضر معاك ... هضرت مع واحد صاحبي طبيب قبيلة فاش كان كايغوت ... ملي حكيت ليه كاع الاعراض وكيفاش كايتعامل معانا وهاد الحركات ... والكلام لي مزال ماتسرحش ليه واخا عندو 10 سنين ... قاليا بلي غايكون فيه واحد المرض سميتو التوحد
سلطانة : ( ضربات لصدرها ) اياااااااووو ابابا ينووو ... اشمن مررض
رياض : شششش مااتخلعيش ماشي شي حاااجة غير مرض نفسي ... وقالي الى تعالج وهو صغير ان شاء الله غايبرا ... بعدااا يولي اجتماعي شوية ويتصحح ليه النطق ويبني شخصية ....
سلطانة : ( شدات على راسها ) الله ياربي ينو ... لا لا مغايكون فولدي والو غير باقي صغيييررر ... راه غاتجيب ليه لالة راضية الراقي يقرا عليه ولدي فيه غالعين
رياض : ودابا غير سمعي ليا وديري ليا الخاطر اخالتي سلطانة ... هاحنا غانرجعو لحسيمة ونديوه عند داك طبيب ونشوفو ولا بصح ولا لا .. راه ماشي شي مرض خطيير عااادي وليدات فالعالم مراضين بالتوحد ...
سلطانة : يااااربي العليم ومنين كايسلاط علينا هادشي .... يكون خير اولدي يكون خير .... زيد زيد يلاه نمشيو لايسمعنا خالي المامون ويتخلع ..

🔖الفصل الاول : الاستحواذ

🔖الباب الاول : ألغام الغدر

🔖¤الجزء :9

*مستعمرة اوشن
بجبرتو وجلستو الملكية متربع على الكرسي ديالو فالمكتب وكيدقدق بأصابعو على الحرف ديال طاولة المكتب بحال حركات البيانو ... وعقلو شاااااارد كايفكر بعد ماوصلو خبار زواج ابن المامون ... او ابن العدو ديالو ... ولي غايكون فكتامة ... افكار كاتديه وافكار كاتجيبو ... والشيطان متربص فدماغو كايفتي عليه .... حتى قاطع شرودو دقة فالباب ...بعدها دخل البكر ديالو حفيظ (اب منير) وبقا واقف فالباب
حفيظ : عيطتي عليا !!!
اوشن: دخل دخل .... ( قاد گلسو وبدل داك وضعية الشرود وتنحنح وهو كايشير بيدو للكرسي لي قدامو ) كلس
حفيظ : ياك مكاين باس !?
اوشن : المامون
حفيظ : ( مسح على جبينو بملل ) فففف هاد المامون مغانتهاونوش من قصتو ....
اوشن : راه فكتامة ....هو و طاسيلتو كاملة
حفيظ : ( علا حاجبو ) وعلاش !?
اوشن : غايدير العرس لولدو ..
حفيظ : وحنا اش دخلنا ? ياكما نمشيو نباركو ليهم
اوشن : هه !
ضحك ضحكة خفيفة شوية بشوية ولات متعااالية وصداها ملا المكان ...شيء لي خلا ميمون غير كايشوف .... وناض كيمشي ويجي ورجع ضار عندو
اوشن : اشنو بانليك نتا ???
حفيظ : واقلة كاضحك معايا !?
اوشن : شنو فيها لامشينا باركنا ليه !????? حنا ناس دالصواب اولدي ( كيكمل كلامو راجع للكرسي ديالو يگلس ) خصنا نديرو معاه الصواب ... ونديو بووجه الجوووورة لي دايرينها معاه ..وبوجه حتى العداااوة لي بيناتنا ولا لا !!! .... ( كلس وتقاد مزيان وشاف فيه بجدية وميمون ماعارفو واش كايهضر بصح ولا كايتفلى ) علم كلشي .... غدا غانصبحو فكتامة
حفيظ : ياكما ماشربتيش دواك اليوم ابابا ( مع ترقيق الباء ) ... واش عارف راسك اش كاتقول
اوشن : ( بغضب وصرامة ) راه واقلة انا لي والدك ماشي نتا !..وواقلة انا لي سابقك للحرفة ماشي نتا .... وانا لي سابقك للعداوة مع المامون ماشي نتا ....(رجع لور بكرسي وكيكمل بحدة ) كلامي مفهموووم !! انا عااارف راسي اش كاندير ..وعارف المخروج ديالي فين كاين ... قصة المامون خصها تسالي ...والنقطة خصها تكتب فتالي ديال السطر ليوم قبل غدا ....(بأمر) علم خوتك غدا غانصبحو فكتامة ....
حفيظ بقا غير كايشوف ماقدر ينطق بحتى كلمة من بعد النبرة الاخيرة لي هضر بيها اوشن ولي كاتبين وتوضح ان شي حاجة فراسو لا محالة .... ورجع ناض منفد الأمر لي تعطا ليه بالطاااعة .... واشن رجع للشرود ديالو ولحك الذقن و للتخطيط ....

🔖الفصل الاول : الاستحواذ

🔖الباب الاول : ألغام الغدر

🔖¤الجزء : 10

اما مستعمرة المامون لي كلها انتقلات لكتامة .... كتعج بالتحضيرات وباستقبال الضيوف .. البعيد قبل من القريب ...تونار معمر وقتو بالخدعة لي علم ليه جدو ..وبالحديث مع گريندو ... ومرة مرة كايخرج لبرا يتسرا فالربيع ...
تلاتة ايام داازت على المجيئ دالمامون لكتامة .... التحضيرات غير مزادت قوات .. الحلوى و الفراش والزينة .... وكل صباح الشطيح والرديح والزغاريد والدار فرحانة بزواج المازوز " الابن الاصغر " ديال نسل المامون ....وكيف جرات العادة زواج المازوز كايكون فيه سيمانة ديال الاحتفال .... والتحضيرات ... والنهار السابع كايكو فيه " تعلاق العلام " لي هي عادة كايحرصو عليها الريف ... كيطلع العريس لسطح ديال الدار او اي مرتفع ... ويعلي العلام الابيض فوق الدار لي كايعني " السلم والسلام " ولي كايعني عليكم الامان ... يعني جميع الحضور مرحب بيهم سواء احباب ولا اعداء وممنوع الضرب او الجرح الان علم السلم معلي فوق الدار ... ومكاين عداوة مع تاحد ... وطبعا بقات العادة متوارثة عبر الاجبال الى يومنا هذا ... وكايعليو معاه العلام الامازيغي ايضا ...اما فالليل كاتكون الحناااء ... او كيف كايسميوها الرااازيق ... لي كايدار للعريس ... وعاد اليوم الثاااامن هو لي كتجي فيه العروسة للدار .. وهكادا كتسالا مراسيم الزفاف الريفي ...
اما دابا عاد اليوم الثالث العيلات فوسط الدااارر كالسين على فراش حاادر ووسطهم طوابل كبار ارضيين عليهم العجيين ديال الحلوى ... وفالارض الصفيحات ديال الفرن ... ومعاهم الجيران والاقارب ... وكلهم دايرين يدييهم كايصايبو الحلوى ... اما العيلات الكباااار لي اولهم راضية مرات المامون شادين أجّون " البندير " وكايشطحو بيه ويغنييييو قصائدهم لي كتسمى " إيزران " ....
تونار غير شاد على وذنيه فبيتو .... وكايمشي ويجي مامستحملش هاد الصداااع كاااامل وفيه رغبة لداخل يغووووت بججججهد من حر هاد الضجيج وهو كابتها بزز...
وزاد كمل عليه گريندو لي مابغاش يسكت من النقيق والثرثرة ديالو ... فالخر خرج من بيتو بعصبية بعد ما ردخ الباب وخرج لبرا كاع... لبس سبردينتو ... وخرج كايحاول ماا أمكن يبعد على الصداع و الضجيج والصخب ... كايعجبو الهدوووووء والسكاااات .. مكيستحملش الصداع ... كانت الساعة تقريبا العشرة ديال صباح ... الجو مشمش ربيعي .... والفراشات كايتراقصو مع هبوب النسيم ... وكولشي كايبان خضر وجميع انواع الورود متفتحة ... وهو رجليه غادية بيه فواحد طرييق طويييلة بين الحقووول ... مارتاح حتى مابقااش كايتسمع ليه الصداع ديال البنادر عاد رد النفس ديالو واسترخى ... وعلا عينو كايشوف مع الارجاء ومع روعة الجووو .. وهاد اللوحات الطبيعية لي بدع الخااالق فرسمها ... مرة كيشوف للورد وكايتحنا عندها يتمعن فشكلها وكيفاش دايرة ... ويشم ريحتها ويمشييكمل طريقو ...كايتفدا انو يقطفها ولا يعفط عليها باش مانهيش ليها حياتها وينهي ليها جامالها وتذبل .... الذكاء ديالو موزع على اي حاجة وكيعرف كوولشي ودماغو كبير بزاااف على السن ديالو ...
ساقوه رجلييه حتى لقا راسو بعدد بزاااف على الدار ... وجبينو بدا كيتعرق من الشمش لي ضاااربة ... حتى بانت ليه واحد الشجرة ومشا تحت الضل ديالها وكلس كيشوف ويتمعن فالطبيعة قدامو .. وغمض عينيه مدددة حس ان هنا كاين نوع من الخصووووصيية ... وهو الراحة ديالو هي شي بلاصة بعيييييدة على الناس ومايشوفو تاحد شنو كايدير وتاحد مايشوف شنو عندو ولا شنو كايصنع ... تمنى لو يقد يهز بيتووو لهنا ويكلس فيه ... ولكن مايمكنش !! گرن حجبانو بغضب حيت فكرة يجيب بييتو لهنا مستحيلة ....
لاكن دغيا ترسمات لى فمو ضحكة زوينة ملي تحسس شنو موراه .... كاينة شجرة !!
ضار موراه كايشوف فيها وعلا عينو مع جدوعها لفووووق كاايشوف فيها وضضحك بففررررحة ... وعلاش لي ماتكونش بيييييتو !!!!! بعد وهو كاضور بييها وبانت ليه شجرة اخرى حداها قرييبة ليها يعني كان جوج شجرات ... شاف فيهم بفرحة وبدا كايضور بيهم وكايميز بعينيه القياسات مايحتاج لا يقيد فورقة لا والو .. عينيه كاااافية تشوف الحاجة مرة وحدة كتسجل فدماغو بدقة .... ومشا تايججري لدااار ..
بدا كيقلب فأي حاجة يقدر يحتاجها لي مالقاهاش كايطلبها وتاهوما مكيرفضوش ليه حتى طلب عارفينو عزيز عليه يصنع ويخترع ....
جمع الثووواب ووالميكات الكباااار و الحبااال ومقابط دالنشير وأي حاجة تطيح فالبال وكل مرة يمشيي يدي حاجة يحطها تما ويرجع ... والكل مشغول بالتحضيات مكيردوش البال كاع لشنو كايدير .... يلاه المامون لي رد ليه الباب انو مكاينش فبيييتو ... يلاه غايعيط عليه فين كاين ...حتى كان ولدو أحمد واقف عليه
احمد : الواليد.... اجي نهضرو شوية ضروري
المامون : ياك لاباس اولدي اش كاين !
احمد : لا والو لا .... غير اجي
جروه ومشاو لواحد الصالة وكلسو كايهضرو كانو تما الخوت كاملين
المامون : آهيا ?? خلعتوني اش كاين
احمد : ماشفتيش شكون جا هاد اليوماين لهنا
المامون : شكوووون ?
رياض : اوووشن ابابا
المامون : ( تأفف باطمئنان ) خلعتوني يحسابتني غير شنو كاين .... وهاهو كاع جا !? نحيدو ليه حنا دارو ورزقو ولا شنو ??????

🔖الفصل الاول : الاستحواذ

🔖الباب الاول : ألغام الغدر

🔖¤الجزء : 11

علي : ياك كان ملي كايجي هنا ويلقانا كاينين... هو كايكحل بالعمى وكايخوي لبلاد كاااع .... وملي كانجيو حنا ولقاوه هنا حنا لي كانخليوه ونمشيو .... علاش دابا يوماين هادي ملي جا وشاف طموبيلاتنا قدام الباب علاش مارجعش فحالو !!!!! و ولادو كاملين هنايا تاهوما !!!! شي حاجة ماشي هي هاديك آبابا

المامون : اولاادي الله يهديكم ... راه دارو هاديك واش انحيدوها ليه ? .. بغا يمشي يمشي بغا يكلس يكلس ... حنا مالنا ? جايين نديرو العرس ديالنا لولدنا ونمشيو فحالنا ..كلا وأرضييه وكلا و دارو وبيناتنا الحدود .... وزايدون بقات غاربعيام ونعليو لعلام فوق دار ....ماخصنا خصااااام وضحك الناس ...

احمد : ابابا سمع ليا الله يهديك ...هداك خينا مافيه ثقة حنا مابغيناش تانهار العرس ويدير لينا شي مشكل خلينا نرجعو لحسيمة ونكملو عرسنا ....

رياض : احمد عندو الحق ..كون كتسمع خلينا نبعدو من المشاكيل هداك خصو غير منين يدوز لينا لا هو لا ولادو .. يلاه نخويو ليهم حنا كاع ونمشيو فحالنا ماخصنا صداااااع

المامون : ( بغضب ) وهااااا ثمازييغت " الهضرة " لي مانبغيييش نسمعها ...واش حنا نخافو منو !? شكون يكوون هداك كاااع لي يمنعني مانفرحش بولدي فأرضي وارض جدودي ...واش حنا نخافو منو ولا شنو

علي : واش دابا حنا بنا ليك خيفاين .? عارفنا الى عولنا عليه نشتتوه .... ولكن حنا رااه هربانين من الصداع ... حييت عندنا العرس ومابغينا شوهة مع الناس وراحنا وسط البلااد كولشي خاصو غير يدي مايعاود علينا

المامون : ياك هو أرضو فالشمال وحنا فليمن ... وبيناتنا الغاااابة فين غايوصلنا وفين غانوصلوه ?.. و حنا اصلا الى مافتحناش ليه البيبان وعلمنا الرجال والله لادخل .... بلعوووو عليا ها الموضوع ورجعو كملو شغالكوم وماتردو البال لحد ... دابا يمشيي فحااالو ... حسبوه ماكاينش

حسن : حنا غير هضرنا معاك ونتا تعرف .... مغانخسروش ليك الخااااطر ....

المامون :وهاكاك الله يرضي عليكم ... يلاه نوضو كملو شغالكم تابعنا شلااا مايدار ....

ناض المامون خرج وتبعوه ولادو وهوما مامرتاحينش ابدا للمجيء ديال اوشن وولادو ....

اما تونار نهار كامل وهو تحت داك جوح شجرات كايحاول يصاوب خيمة تحتهم ونجح اكييد .... صاوب ملاذ آمن ليه وعالم خاص بيه تما ... حيت فكتامة مالقاش الخصوصية بحال لي فبيتو فالحسيمة ..... داكشي علاش قرر يديرها بيديه بعييييد على الناس فهاد البلاصة ... وجاب ليها كاع حوايو لي كايحتاج والكتب ديالو وحتى القفص د گريندو ... ودار تما فراش علاش يكلس وواحد الصوندي صغييرة ... وداك الفايوز لي صااايب كايخدم بالحجر ... عجبااااتو بزااااف الخيمة ديالو لي من صنع يديه وارتاح فيها ... سمع آذان المغرب ورجع كايجري لدار باش مايحسوش بغيابو ويخاصمو عليه..... خدا العشاء ديالو ودخل لبيتو طلع فوق الكرسي وبقا كايتفرج من السرجم فالنجوم لي فالسما .... و فين مايشوف شي نججم مضوي بزاااف كايبقى مستغررب فييه ... عندو بزااااف دالاسئلة كاضور ليه فالدماغ مالاقييييش ليها جواب رغم انو كايقرا بعض الكتب ....الا ان شي حوايج كايحتاج انو يفسرها هو بملاحظاتو واكتشفاتو ملي ماكلقاششي تفسير يقنعو .... وفاش كايشوف شي حاجة غريبة فالسما وفالكون لي مكيلقاش ليها تفسير كايحس بلي مزال ملاحظها تواحد من العلماء باش يفسرها ..... وكاينوض يجيب مذكرة ديالو وقلم .. ويقيد ملاحاظاتو وتوقعاتو فداك الظاهرة ....

الجد شاف الى باقي الضو مشعول فبيتو ... ومشا باتجاهو ... فتح عليه لباب لقاه فوق الكرسي كيشوف من السرجم والمذكرة ديالو فيديو هي والستيلو لي شادو بين سنانو ومتأمل فالسماء الليلية ... حتا قفزو !

الجد : توونااار !!!

🔖الفصل الاول : الاستحواذ

🔖الباب الاول : ألغام الغدر

🔖¤الجزء : 12

تونار تخطططف ملي سمع الصوت دجدو على غفلة

تاكان غايطيح وشدو الجد كايسمي الله ....

المامون : باسم الله عليك آتونار ينو باسم الله ... مزال مانعستي

تونار بعد ماتهدن كلس على السداري وحط المذكرة ديالو

تونار : م م مزال اجدي. ...

المامون : ( شاف لسرجم ورجع شاف فيه ) شنو كنتي كاتشوف

تونار : ف فالسما... آ ج جدي.. د دابا ... دابا حنا عندنا غير ثمانية دكواكب فالمجموعة .. ا اش اشمسية اجدي !!

المامون : م مانعرف اولدي ههه عاد كنسمعها من عندك

توتار : ا آه كاين ( كايحسب بصبعانو ) عطارد ,الزهرة , الارض , المريخ , المشتري , زحل ,اورانوس , و ... و ونبتوون ..... و ولكن اجدي ... زعما يكون شي حد اخور باااقي ماعرفينوش ! ووكيفاش اجدي الحياة كاينة غير فكوكب الارض !? علاش للكواكب الاخرى لا ???? و وشنو القاسم ا ل لمشترك ب بين هاد الكواكب كاملة !!!!! و وعلاش تقسمات ? ت تكون كانت غ غير كوكب واحد ???

المامون : ( ضحك ورجع كلس ) دابا جدك اولدي ضربو حمار ليل يوض يشرب كاس دالما .... تلاقاه نتاا بهاد السؤالات .. جدك اولدي كايعرف غا السما والارض وللشمش والگمرة .... ياك عندك الكتوبا .. قرااا اوولدي وشوف اش كاين... و ورييني معاك حتى انا نعرف

تونار : مم مكانلقاش فيهم ( كايفرك يديه ) د داكشي لي كانبغي انا ن نعرفو ... مكايفهمونيش كولشي ومكايشبعوونيش .. ومكايجاوبوش على كاع الاسئلة لي ف فدماغي ... ا انا باغي نعرف .. سس س السما شحال فيها من نجمة .. و والارض شحال فيها من ش شجرة ... و البحر ش شحال فيه من حوتة ... و ج جسمنا شحال ف فيه من شعرة ... و قلبنا ش شحال فيه من د دقة ..... انا باغي نعرف كووووولشيي اجدي كوولشي ... ععلاش لي مانعرفش اناا علاش ( كايهضر بزربة ويتووتر حتى كايولي حممررر )

المامون : شششش تهدن .. تهدن اولدي .. راه ميمكنش تعرف كولشي حنا عقلنا غير صغير ومحدود يلاه نعقلو فين حطينا حوايجنا وشنو كلينا البارح ... ماتبقاش تبزز على عقلك يهز كتر من طاقتو باش ماتوقعش ليك شي حاجة الله يستر اولدي .... و و الكتوبا إلى مالقيتيش فيهم لي تبغي بقا ترجع للقراآن ....قراه وشرحو راه حتى هو غايجاوبك على بزاااااف د الحوايج اولدي ...

تونار : ( هبط راسو ) و و اخا اجدي...

الماموون : ( وقف كايتفوه ) يلااه تصبح على خير آياسكور ينو .... وباركا عليك ودوز تنعس .... ( شاف مع البيت ) فين الببغاء ديالك

تونار : ( بضحكة مرحة علا يدو بجوج ) ايوووز ايووووز .. يسضويييث توووونارووووز

المامون : هههههه ياك آلعرفييييت ماباغيش تقول ليا شنو كنتي كادير قبييلة .... وفين دييتي گرينو

تونار : ( بمرح وفاش كيضحك عينيه بوحدوهم كيحكيو قصة على الجمال) ههههه السحرررر اااجدي هههه

🔖الفصل الاول : الاستحواذ

🔖الباب الاول : ألغام الغدر

🔖¤الجزء : 13

ضضحك المامون وخرج من عندو ضاحك وتونار خطف شوفة اخيرة فالسما ورجع تخشا فبلاصتو مغمض عينيه يرتاح شوية من قوة الاسئلة لي كاتنهال على دماغو الصغيييرر .... ولي بسبابها عندو تلعثم فالكلام وكترة الححرركة وعدم التركيز والتشتت فبعض الاحيان ونسيان الاشياء البسيطة مثلا الى حط شي حاجة فشي بلاصة مكايعقلش عليها فين حطها .. والفوضى ديما تابعاه فوضوي بلا قياس .. هادشي كلو السبب ديالو هو انو كايرغم على دماغو الصغير يهززز شي حوايج كتر من الطاااقة الاستعابية ديالو .... وهدا ما يسمى بمتلازمة العباقرة ....

فاليوم الرابع فاق تونار بكري قبل من كولشي ... ووقصد خيمة الشجرة ديالو .... لي كايلقى فيها رااااحتو ... صباح كامل هو تما بين خيوطو و أسلاكو .... بعد ماشاف عند جدو واحد الهاتف إريكسون كحل وعندو واحد ريزو طويييل ...وشاف كيفاش كايوصل الهضرة ..و عقلو كايقوليه علاش حتى نتا ماتجربش شي حاجة بحال هاكا !!!! دماغو كولو وتركيزو كامل على يصنع شي حاجة توصل الهضرة ... وجاب دوك الحكاك ديال مركز الطماطم ... وبدا كايصاوب بيهم شي حاجة توصل الهضرة ... ( الهاتف لي كلنا صااااايبناه فصغرنا ديال حكاك ماطيشة واليوغورت ) .....

گريندو : قغغغغغغ ت تونار تونار تونااار

تونار : شششش گراند خليني ن . ن نركز .. ك كنصاوب ب بورطابل ب بحال د دجدي

گريندو : پووطابل پووطاااابل

تونر : ششششششش ( ضربو بواحد الحك للقفص تاقلبو ) ماااانسمعش صوووتك

گريندو : ( مقلوب بيه القفص كايشوف كولشي مقلوب ) قغغغغغغ

ملي بدات شمس كتشرق مزياااان والحرركة ضاااارت عرف غايكونو فاقو فالدار ... ورجع باش ياخد الفطور ومايحسوش بغيابو ويخرجو يقلبو عليه ويتفضح مكانو السري او ملاذو الآمن .... خدا الفطور ديالو بززززربة وا معاه حتا الماكلة لگريندو .... ورجع مااشي للخيمة .... كايتنمنضر فالربيييع والفرشات لي ضايرين بيه ....حتى كايبان ليه شي واحد كايضيور ليه بالخمية ... گرن حجبانو ومشا كايجري لتما .... وهداك الولد شافو وبعد على الخيمة كايضحك.... كان حتى هو غير وليد صغير وكيبان صغر منو شوووية ... سميييمر وحوايجو مبعثرين وحالتهم حالة بالتراب .. عكس تونار لي محافظ على نظافة دحوايجو وترتيبهم ... تونارر عقد غووباشتو كايهضر غير بعينيه مع الغرباء بمعنى ماتقربش حدا خيمتي وداك الولد غير كايضضضحك بشقاوة وخاطبو بريفية

- سلااام ... واش ديالك هادشي

تونار قلب راسو ماجاوبوش كاع ومشا دفعو بكتافو حتى كان غايطيحو ودخل للخيمة ديالو ... وداك الولد بقا غيير كايشوف جاه مغرور .. ورجع طلع كتافو بلا مبالاة ومشا كاااينقز ويثرثر كايكمل على اللعب ديالو ... كاضور بين سنابل الززرع .. باش كايجمع واحد الحاجة كاتكون مع الزرع فاش كانفخو فيها كادير واح الصوت بحال الزماااارة ... " راكم غاتعرفوهاا يا ملعبنا بيها فصغرنا " كايجمعهم ويدا يززمر فييهم ويضحك ....

وتونار مراقبو من واحد الشششقة فالخيمة ديالو .. ماحتسش بالراحة لان شي حد قريب ليه و تععصب ... وكايصغر عينو فداكشي ل كايدر ديك الوليد وشنو داكشي لي عندو !! ... وخرج شوووية من الخيمة ديالو يزييد يكتشف شتو تما وفضولو كايتحرك تاني .. و هداك الولد دااار وهو يشوفوو موراه ... وبدا كايلوح ليه بيديه يمشي عندو ... اما تونر ماداهاااش فيه ومعلي راسو لفوق بغرووور ... داك الولد جمع بزااف ومشا عندو

- اجي تلععععب معااياا ... شوووف شنو عندي

تونار غير سااااكت وكايشوف لدييه شنو عندو ورجع قلب راااسو كيمثل عدم الاهتمام ..

- ماااالك ???? مابغيتيش تلعب معايا .... ( رجع عاود نفس الحركة بكتافو ) ضبررر رااااسك ...

🔖الفصل الاول : الاستحواذ

🔖الباب الاول : ألغام الغدر

🔖¤الجزء : 14

كلس غير تما حداه وبدا كايزمر بيهم وتونار كايقلب راسو لعندو شوووية بشوية وكايشوووف فيه ... الفضول كاياكل فيه ...كيفاش ربيع كاصدر صوت بحال هذاك !??? وهو طيح فبالو فكرة !!! الهاتف ديالو كملو بالصنع ... بقا خاصو غير شي حاجة بحال الررررنة لي تبين ان الهاتف كايصووني كيف شاف عند جدو ... وبقا كييرمش ساااهي فداك الصوت لي كايصد داك الوليد من داك الربيعة فاش كاينفخ فيها .... وتونار خلاه ومشا تاهو للحقل ديال الززرع كايقلب عليها بحالو ويجرب ولكن ماكايعررفش حتا تعصصب ولا غير كايقطع فداكشي ويلوح .... وداك الوليد تبعووو .... مشاااااغب وباين فيه مكايتفاكش .... ماشي عندو كايضحك عليه

- وماااااشي هاكااااك آلححمق ... اجي نويك اجي ...

تونار نتر من يدو معععبس مامعاهاش التعامل هاداك كاااع ....

- ومااالك اجي غير نوريك مالي غاناكلك ... اجي نقلبو عليهم ونوريك كيف دير ... اجججي امالك

تونار بقا واقف شحال عااد تبعو وبدا كايوريه ويقطف ليه داك الربيعة ويعطييه يجرب

- شووف !! نفخ فيييها بحال هاكاك ... ( تونار بدا كايجرب بدون جدوى ) وااااالااااا ماشي تما ... هاانتا هنا .. دير النفس بحال هاكا ( كايوريه كيفااش ينفخ )

تونار تبع معاه مزيان وركز ... ورجع جرب هي تززمر !!!

بلفرررحة بداا كاايضحك لانو داارهاا .... وبدا يجرب جوج مرات تلاتة وررربعة .. بغا يطيير بالفرحة وداك االولد تاهو كااايضحك ..

- ششفتي هاااانتا تعلمتي ..شفتي شحال زويينة

تونار : ( اخييرااا هضر الان بالفرحة مشعرش ) وااااااو ....

- نمشيو نقلبو عليهم ونجمعو بزاااااف !!!!!

تونار شاف فيه وضضضحك ليه وتبعو كايجريو وسط الزززرع وكايجمعو فيهم ...

تونار شوية بشوية كايرتاح ليه ....حيت خاصو غير يشعر بلامان تجاه داك الششخص وغايرتاح ليه ويهضر معاه .... هو ماشي مغرور .. هو غير طططفل متوحد كايخاف من الناااس وما كايرتاح حتى يشعر بالامان وبلي داك الطرف مغايآديهش وغايفهمو .... مليكايلقى بحال هاد الشخص كايبقى هضر ويضضضحك ويقوليه كوولشي ويضحي على قبلو بكولشي ..وفحياتو كاملة لقا غير جدو لي فيه هاد المواصفات و گريندو ....ولكن الاول مرة فتاريخ حياتو كايرتاح لشخص آخر ... وهو هاد الولد الغريب لي بان من العدم ...

جمعو داكشي ومشاو راجعين للخيمة كل واحد هاز الربيع ديالو فيدو وداك الوليد شاف معاه ..كايتأمل فعينيه لي ضاربة فيهم الشمس

- عينيك شحااال خضرييييييين واااااو بحال داك الربيع لي فيديك

تونار : ( رمش ) ب بصاح

- والله اجي تشوووف

جرو لواحد الواد وبدا كايوريه .....والما كايترقرق بأشعة الشمس و وجه تونار معكووووس فيه ... كايبانو عنيه خضرييين وزادتهم زرقة ديال المياه جمااالية .. عنين صاااافييييين ...خرااافين !!

تونار علا راسو بضضضحكة معجبة بعينيه الزوينن وشاف فداك الولد

تونار : و وعلاش نتا عينيك ماشي بحالي !!!!

- مممممم ( كايرمش بعينيه ) م مانعرف .... هااااا قوليا شنووو سميييتك !!!

- تونار : ت تن .... توناااار

- توناار ??? عمرررني سمعت هاد السمية .... انا سميتي منيييررر

تونار : منيرررر ? ...

منير : ااه منير .. ( شد الربيع بيد وحدة و مد ليه يدو الاخرى بعد مامسحها فحوايجو من تراب ) توولي صااااحبي !??

🔖الفصل الاول : الاستحواذ

🔖الباب الاول : ألغام الغدر

🔖¤الجزء : 15

تونار بقا كايشوف مع يدو ...خلاها ليه مطلوقة .... وزاد للخيمة بمعنى تبعني .... منير باس يدو لي خلاها مطلوقة ... وتبعو لداك الخيمة ... تونار حط داك الربيع وكلس حدا قفص گريندو ومنير كايشوف بعينيه تاسمعو كايهضر وشاف عندو :

تونار : ( كايجبد داك الهاتف البديل لي صاوب وكايهضر ) ا.. ا الصحبة ... مماشي غ غير ... م مصافحة باليدين ... ولا نسلم عليك و ونقوليك صاحبي ... ا الصحبة ك كاتكون ب بالافعال ... ا انا .. ا انا ماقلتش ليك نتا صاحبي ... و ولكن خ خليتك تتدخل ل لبلاصتي السرية لي م مكيعرفها تاحد ... ا انا عبرت ليك على الصحبة ديالي ب بالافعال ... ( شاف عندو ومنير غير كايرمش مافاهموش كاع اش كايقول ) ا الى ب بغيتي تكون صاااحبي ... بين ليا .. م ماشي غير تقولها بفمك

منير : (ببلاهة ) هااا !!

تونار : ( عيب فيه ملامحو كيكره الشخص الثقيل فالفهم ) گلس.. گلس

منير حط داك الربيع وكلس حداه شاااف گريندو وهو يحححل فمووو

منير : ياااااااااه باباغيووووون

تونار : (خدام بيديه فداك الخيوط وكايشوف عندو غير من لتحت ) سسميتو گراند

منير : اااه و كااايهههضررر ???

تونار : همممم ... و وانا دابا ماباغييهش يهضر .. والى ه هضر وصدعني غاتخرجو ... غ غاتخرجو نتا و ياه

منير: ( كايبوس فاليد ديالو بالرغيب ) غير نسمعو عفاااااك حموااالديك غير نسمعو ...عفااااك

تونار علا فيه عينو ورجع هبطهم بدون جواب خدام كايصايب فواحد السلك ويلسقو فدوك الحكاك

منير : ( كيهضر مع گريندو ) قوول شي حااجة .. وااااهضر .... انا منيرر ..قول منييير

گريندو : مونير مونير مونير مونير قغغغغ مونير

منير : (غايطير بالفرحة ) واااااااا قال سيميييي ولله تاقال سميييتي

تونار : شششششش

منير تقطع فيه الحس ... عاد رد ليه لبال شنو كايدير

منير : كتصاوب لحريرة ? ( شاف لحكاك دماطيشة )

تونار دار فيه واحد النظرة دمنيتك

🔖الفصل الاول : الاستحواذ

🔖الباب الاول : ألغام الغدر

🔖¤الجزء : 16

منير : ااحم شنو كاتصاوب !?

تونار : پورطابل

منير : هااء !??? بمااطيييشة !!!

تونار : راه نتا لي عندك ... م ماطيشة ف فعقلك... ع عطيني د داكشي لي جبنا ... عطيني وحدة

ناض جابليه وحدة من الربيع لي جابو ... وربع حداه كايشوفو اش كايدر ... تونار لسق واحد الربيعة مع التااالي ديال داك الخيط البلاستيكي .. وللسقو حتا فالجيهة الاخرى ... وبدا كايجرررب كاينفخ فيه وكايتسمع داك الصووت فالحك الاخوررر من جيهة الاخرى

تونار : ( بضحكة ) مزياااان .. د دابا مزيان .... ( شاف عندو ) شووف منيير ... شد هادي ( عطاه الطرف الاخر ) وغاتمشي بعيييييد راه الخيط طويييييل بزاااف غير سير

هزو منير وخرج كايتشمى تابعد على الخيييمة وهو شاد داك الطرف ... حتى قفززو ملي سمع تزميرة فالحك وضلاتو ... حيت الخيط لي مربوط فالحك خاوي من داخل بحال شي تيو كايوصل النفس حتى للزمارة باش كاتزمر.. والطرف الاخر كاينفخ فييييها من جيهة الاخرى ...

غير سمع داك الصوت رجع كايجري لعندو كايجمع فداك الخيط معاه

منير : زمراااااات والله تااازمراات

تونار : بصااح !???? ص صافي خدامة ... ص صاوبت بحاال پوورطابل دجدي ....

منير: وااااااو .... ن نبقااا ن نلعب بيه حتى انا !!!!

تونار: للي بغيتي .... هاهو هنا غا ..غايبقا

منير : شكككرا اصااااااحبي ( عنقو ورجع كمل هضرتو ) اجي ..علاش مكتهضرش مقاد ??? واش فيك الحلاقم

تونار : ( بقا كايشوف فيه وقلب الهضرة ) ا انا غ غانمشي .. بباش م مايتخلعوش ع عليا

منير : حتى اناا خصني نمشي باش مايخاصمش عليا جدي.... تالغدا ونتلاقاو ونلعبو البي .. كتعرف تلعب البي ?

تونار : ( ضور راسو بلا ) ش شنو هذا ?

منير : غدا غانجيبو ونعلمك ... يلااااه بسلاااامة

خرج منير كايجري وتونار تاهو قصد دارهم .... دااز نهار زوين وهادئ .... تقريبا كلو غير تحضيرات واستقبالات وهدايا كايوصلو للعريس...

فاليوم الخامس تونار كيف العادة غير فاق خدا الفطور ديالو ومشا للخيمة السرية كيف كايسميها ... كايدوز فيها نهارو كامل بدون ملل ... كل شوية يطل واش جاي منير تعطل عليه.... خرج القفص ديال گريندو لبرا وكلس مسند على الششجرة وكايشوف فالسما وفالغيووووم ساااااهي حتى حس بشي ظل قدامو ..لقاه منيررر لي جااا

منير : سلاااااام ( گلس حداه ) اش كادير ( شاف بحالو لسما ) شنو كاتشوف

تونار : ( كايشير بيدو للفوق ) شووووف لهيييييه

منير : (متبع معاه ) شنووو????

تونار : غيوووووم

منير: هاااء !!! وكاااانعرفهم ...ديما كايكونو فاسما

تونار : ( شاف فيه ) على اساس غايكونو ... ف ف البحر !?

منير : آلا ولكن.. عادي غير الغيوم !!! علاش غاننشوفو فيهم ???

تونار : ( رجع تقابل معاه كايشوف فيه ) م م ماكرهتش ... ماكرهتش ن نلقا فيهم د ..دار ليا ... بغيت نسكن فيهم ...بعييييد ع على الناس كااملين ... و قريب لسما ... ب بغيت ن نسكن ف فشي بلاصة بعيييييييييدة ... ف فالغييوم

منير : تسكن فالغيوم ? علاش معندكش دارركم !?

تونار : ( تنهد ) و واش مكتفهمش !? ق تليك ..ب بغيت بلاصة ب بعيييييدة

منير : (طانز) اوا قول لگريندو يعطيك جناح وسير لسما وسكن فالغيوم بحال الجنون ...

تونار: كتعرف عباس من فرناس ?

منير : اااه راجل عمممتي ( تونار ضرب ليه واحد تخنزيرة ) وافين غانعرف انا هاد عباس !? اااه صافي صافي سماحلي ... احم يلاه قوليا شكون هاد عباس بنوكرداس

تونار : ابن فرناااس ... اشمن ك كرداس .. سسميتو هي ابو القاسم عباس ابن فرناس ابن ا ابن ورداس التاكرني

منير : (حال فمو ) اواااااه هادي ك كاملة سمية

تونار : اااه .. و هو ا ا ول واحد ج جرب يطير ... ك كان كايشوف ط طيور .. و وكايبغي شي حاجة طويييييييلة ي يركب ف فوقها توصلو ل لغيوم ي يقيسهم ب بيديه

منير : كون ركب غا فوق سميييتو

تونار: ( بغضب ) منيييييير ...

منير : صافي صافي ..... ( شد على فمو

🔖الفصل الاول : الاستحواذ

🔖الباب الاول : ألغام الغدر

🔖¤الجزء : 17

تونار : ( خنزر فيه ورجع كمل كلامو ) هو اول واحد جرب يطير ....

منير: وطاااار !????

تونار : اكيد ... وخا استهزأو ليه بالفكرة ....كيف ما استهزأتي ن نتا ... ح حيت ا البشر ز زوج انواع .. ن نوع لول كايكون ع عندو ح حلم و وطموح .. و ونوع تاني كا كايبغي غ غير يحطم ....

منير : وكااااين النوع لي مافاهم وااالو بحالي ( وقف كينفض حوايجو ) نتا حمق وباغي تحمقني نوض نلعبو نووض اشمن غيوم ليغاتطلع ليهم طارزان نتا

ناض معاه تونار تاهو كاينفض فحوايجووو ومشا تابعو ومنير رسم واحد الخط بالتراااب وشكّل شي حفرات وكلس للارض ...وتونار شاف تما التراب بزاف مبغاش يكلس

تونار : م مغانگلسش ...تما الوسخ

منير : ( شاف لسما ورجع شاف فيه ) ياكما نفرش ليك الغيوم !??? وااااگلس لعبو ... نتا الارض وماقديتيش تكلس عليها غاتكلس على الغيووووم .....

تونار : ( غووبش ) نننننننن وووسخ

منير : ( ناض كايتأفف ) ووااااشحال فيك د الشيييكي ( حيد تريكو ديالو وبقا غير بسوفيطة وفرشو ليه ) يلاه كلس دابا

تونار تتتبسم وكلس فوق داك التريكو ... وبدا كايوريه كيفاش يلعبووو وگريدو قالب حداهم الدنياااا بتنقنيق

گريندو : للبي .. لبي .. بي بببي ..قغغغغ بيبي بببي بي

منير : ششششش .. بي بي بيبي ??? الفروووج لا ! سسسكتنا خلينا نلعبو

تونار : شششش گراند ...

گراند غير زعف عليه تونار سكت ومنير بقا يرمش

منير : علاش ملي قتليه انا يسكت ماسكتش وغير قلتيها نتا سكت .... شششش ديالك ماشي بحال شششش ديالي ولا كيفاش

تونار : و واش..... واش هاكا صافي !???

منير : ااه يلاه ضضرررب ولا غانربحك

🔖الفصل الاول : الاستحواذ

🔖الباب الاول : ألغام الغدر

🔖¤الجزء : 18

انهمكوا كايلعبوا والشمس متمركزة فوق راسهم ... ومنير كايعلمو كيفاش ييلعععب ....ما طلق منو تااعلمو مزياان ... نهار كامل كايلعبو بجوج نساو الماكلة ونساو كووولشي .... تاسمع توناار التعياط ديال ماماه عليه من بعيييد وناض بزززربة

تونار : ي يما .. يما كاتعيط عليا ... ت تعطلنا غانمشي

منير : ونرجعو نتلاقاااو !????

تونار : و واخا ...

مشا كايجري وتا منير رجع فحالو ...

تونار لقاهم كايقلبو عليه باش يتغدا ... خدا ماكلتو وبقا كايقلب على جدو يعاود ليه على صاحبو لي لقا جديد .... قاتليه ماماه را فبيتو و مشا عندو مباشرة فتح لباب لقاه كالس على واحد الكرسي قدام واحد الطاولة بحال المكتب ... مهبط النضاضر على عينيه وكايشوف فشي وراق قدامو وكايحسب شي فلوس

تونار : جججدي

المامون سمع صوت حفيذو وابتسم كايجي كايزرع فيه الحياة ... ودار عندو بعد ماحيد نضاضرو وبقاو غير معلقين فعنقو بالسلسة ديالهم

المامون : توناار ينوووو .. دخل آ ياسوكّار أجي

دخل عندو تونار وا كلس على رجليه كيف مولف ...

المامون : فين كنتي نهار كامل شحال قلبات عليك ماماك

تونار : ( بابتسامة كايهضر ويشرح بيديه بحماس ) ع ع عندي ص صاحبي ... ل لفيت صاااحبي

المامون : اوووه !!! هنا ???

تونار : ا ااه ... ك كايلعب معايا

المامون : مزياااان واهاكا نبغيك ديرر الصحاب وبقا تلعب معاهم وماتبقاش بوحدك ... وخرج تسارااا وضور كيف عجبك راك فأرض جدووودك مكاين لي يقييسك ... جدودك ضارين بيك ... شي تحت الارض وشي فوق الارض ...( كيمشط ليه خصلاتو شعرو الذهبي يبعدهم على عينيه )

تونار كيضحك وقلب راسو لطبلة هو يبان ليه سلاح كحل محطوط ومدد يدو يهزو وهو يحيدو ليه

مامون : لا لااااا طلق من هادشي ماتقربش ليه لاااا ( خباه فواحد المجر ) عمرك تقررب لهادشي اووولدي

توتار : ( بخوف ) ها ? .. مااااايمي ?? ( علاااش )

المامون : حيت هدا حاجة خاااايبة اولدي ... ماخسكش تقيس فيه ( شد ليه يديه وباسهم ) انا بغيت يديدات آسكُّور ينو يشدو غير الستييييلو .... مايقربوووووش لهادشي القبيح

تونار : ق قبييح !??? و و نتا ع علاش عندك حاجة قبييحة !??

المامون : ( تنهد ) حيت بعد المرات اولدي كانلقاو راسنا غارقين فحوايج قباااح بلا مانشعرو ولا نحسو ... كانكونو درنا دنب وبقينا كانطولو فيه حتى غرقنا ومابقاش عندنا كيفاش نديرو نطلعو منو وغرقنا معانا ناس اخرين بلا مانشعرو ... وكنستلسلمو ليه .... ولكن مانبغيوش لي عزيز علينا نشوفوه تاهو غايدير بحالنا !!! نبغيو نشوفوه حسن منا ... يا اتونار ينو ديما كانقوليك بغيت نشوفك حسن مني ... مابغيتش نشوفك بحالي .... داكشي لي كاندير انا مانبغيكش دييرو ...

تونار : وو وشنو كادير

المامون : ملي تكبر غادي تفهم ...

تونار : ( بغوووبااااشة وغضضب كايكره لي يقوليه هاد الكلمة دباقي صغير ) اناااا كبييييررر

المامون : ع عارف عارف اولدي راك كبرتي و لكن ماشي قدي ? نهار تولي قدي غاتفهم .... بغيت نشوفك شاد غير حوياج زوينيييين ... ستيلو و تلاوة ديالك .... عمرك تقرب لهادشي صافي اولدي !??? نتا غاتخرج حسن من جدك و من باباك ومن عمامك ... نتا غاتخرج حسن منا كاملين ونتا لي غادخل الضو للظلام ديالنا آياسكُّور ينوو

🔖الفصل الاول : الاستحواذ

🔖الباب الاول : ألغام الغدر

🔖¤الجزء : 19

تونار تبع مع جدو كلمة كلمة والقلق بدا كايحفر فيه

تونار : ب بغيت نعرف هاد الحوايج ا آ جدي

المامون : راه قتليك تكبر وتفهمني

خنزر و نزل من عند جدو بغغضب وعصبية والجد كايخاف فاش كايشوفو هاكا حيت عصبيتو قبيييحة كايبقا غير يييغوت ويهرس حتى كايدخل فاحد الكخيز هيسترية كايجيب فيها يوماين مريض

تونار : ( بالغوات وكلام متلعثم وبزززربة وعنيه كاوليو فيهم عرووق حوووومر ) ا انا كبييررر وكاااننننفهم ...ب باغي نعررررررف ... ع ع لاش علاش ..علاااش كاديير حوايج خ خايبيييين اجججدي علاااااااش !!!!!!

خرج كايجري غضبان ...اما المامون رجع كلس على الكرسي كااايتنهد ....عارف انه بدا كايكبر شوية بشوية ومغايتقبلش المهنة ديالو .... وهو ديما فيعنيه داك القدوة الحسنة وكايبغيه يشوف عليه غير الحوايج الزوينين ..... باش يكبر ويلقاهم كايتاجروا فالحشيش اكيد مغايتقبلهاش خصوصا طفل ذكي بحالو وعندو غير النور فعقلو ....

* مستعمرة اوشن ... " مكتب اوشن "

گالس اوشن فالكرسي الهزاااز مقابل مع السرجم كاشوف الغروب والسيگار فيديه كانفخ الدخاان وحداه قهوة كحلة .... منين جا لكتامة وهو غير سااااهي وكيواااطي الضررربة ديالو ويبلاني ليها مزيااان ... تاسمع الحلة ديال لباب وضار براسو بانليه منير لي داخل كايتعلا مع الپواني ديال لباااب باش يشدو وشاف فيه

منير : جدي ... ر راه .. راه كنت غير كااانلعب

اوشن : ممم ... اجججي قرب لعندي....

قررب منير وكلس على الكرسي حداه

اوشن : ( تننحنح ورد سيكار لجنب لاخور ففمو عاض عليه وكايهضر ) شحال فعمرك دابا

منير : ت ت تسعووود

اوشن : مم تسع سنيين ... هاد العمر سالا اللعب دابا ....مانسمعش منك راه كنت كانلعب .... حاجة الوحيدة لي نبغي نشوفك كاتلعب بيها هي الفلووووس .... خاااصك تكون راااااجل وتفرح جدك وتعلي ليه رااااسو بين العدياااان ... راك نتا هو لي غاتوووورث كووولشي ... فخبارك بلي هادشيي كامل دياااالك !? ونتا كااتلعب ليا برا ????? ( منير غير مطيح راسو واوشن حيد سيكار من فمو ) علي راااسك شوف فياااا

علا رااسو وبقا كايشوف فيييه ويرمش بعينيه

اوشن : نتاا هوو الخلييفة ديالي وحفيدي لي غايكمل على داكشي لي بنيتو انا فالجيل ديالو ...

منير : و واخا اجدي .. ب بصح اانا مكنعرف لوالو !!!!!

اوشن : غااتعلم ... شوية بشوية غاتعلم وغاتعرف كولشي .... البيع والشرا وتحرميات ديال السواق.... وعرفتي شنو خاص يكون عندك باش تكون بززناز كبيييررررر !?

منير : لا ماعرفتش ? ... شنو !???

اوشن : القلب الميييييت ..

🔖الفصل الاول : الاستحواذ

🔖الباب الاول : ألغام الغدر

🔖¤الجزء : 20

منير غير كايضور عويناتو مافهمش بيت القصيد واوشن كاكمل كلامو بخبث كبير فعينيه ونبرة ثقيلة الخامات

اوشن : خاصك تكون قاسح القلب بحال الحجرة وماتحن فحتى واحد ...التبزنيز امنير بحال الحححرب الى ماقتلتيش غايقتلووووك ... والى ماسرقتيش !! غاايسرقوووك .. والا مانصبتيش غاينصبوووو عليك ... خصك ديما تكون نتاا هو الثثثعلب ... نتا هوو اووووشن

منير غير كايشوف معاه ومعجب بكلامو بزااف و بالقوة ديال جدووو وشخصيتو ....

اوشن : ماخصكش تحن فحتى واحد ... تكون مصلحتك عااااد مصلحة الناس .. حيت هاكا بغات الووووقت .. نوووض اجي عندي

ناض منير وهزو گلسو على واحد الطبلة صغيرة قدامو فيها مجر صغير

اوشن :غانعطيك شي حاجة ... وبغيتك تحاااافظ عليها ... حيت حتى انا حاافظت عليها بزاف .. ونتا دابا راك كبييير .... الى ماتعلمتيهاش دابا وماولفتيهاش دابا ملي غاتكبر بزاف مغاتقدرش .. من دااابا خاصها تحط فيديك ( حل المجر الصغير وجبد منو مسدس رمادي باين عليه قديييم وحطو فيديه ومنير شادو بيديه الصغااار وعينيه لممعوو عجبووو بزاف ) شفتيه شحاااال زويييييين

منير : ز زوييييين ( بدا كايقلبو ) ك كاابوووس

اوشن : ولكن هذا مااشي بحال هادوك داللعاب لي عندك هذا راه حقيقي ...

منير : ( طلع فيه رااسو بذهول ) واش بصااااااح .. ح حقييييقي ?? .... كاتكدب عليا آجدي ياك ?????

اوووشن تببسسسم بخبث تابدا كايضضحك بججهد وقرب حل الزاج ديال السرجم لي حداه ....كايباانو لتحت جوج ديال رجالو شادين العسة مااشيين جااايييين على كتافهم السلاح

اوشن : هانتا غاتشوف بعينيك واش حقيقي ....

دوور منير لزااااج وبدا كايقاد ليه السلاح فيدييه ... كايعلمو كيفاش يشدو وكيفاش ينيّش ... وصوبو معاه لراااس واحد من رجااالووو

اوشن : غمض هاد العييين .. وحححل غير وحدة حطها على الهدف ... ( منير كايقلد اش كايقوليه وسلاح فيديه مزند و اووشن موراه شاد معاه ) غانحسب حد تلاتة وغاااتتتكي هنايا ...

منير : و ولكن ا الى ... الى ضربناه بصح ?????

اوشن : شششش وتبع معايا .... واحد .... زوووووج ثلااا

ماجا فين يكملها تاكان منير ضغط وبسباب الطلقة والاهتزاز القوي لاااحووو من يديه فور ماضغط وتطلقات رصااصة وهو جامد بالخلعة.....جات مباشرة فظهر داك الراجل .... وطاح فدماياتو مغدور ... وكولشي لي تما طلعوا راسو كايشوفو شكون تيييرا ..... و اووشن كااايضضحك مفتاااااخر على عكس الطفل منيرر لي كااايترعد بالخخخخلعة حتى ولا لونو زززززرق

منير : ضضض ضرررربببتو .. غ غير غير قستو اججدي غير قسسسستوووو ( كايببكي ) و و الله ووالله مااااضربتوو والله

اوشن : شششش ( عنقو فحظنو كااايهدنو ) صاافي سسسسكت حنا ماعنددناش لي كايبكيييو سسسكت مالك مرااا ... سسسككتنااا

بداا كايتنخخصص واوشن كايسكككت فيه وهو كايحلف ويعاود يبرر بلي غير قاسو

منير: حسابتني غ غير د اللعاب .. م مات مات اجدي

اوشن : ( جابو قدامو ) وهاهو مااات !???? مهم هو تعلمتي كيفاش ضرب بالسلاح ... الموت ديالو فيها فائذة لييييك ..... ياااك عاد قلت ليك خاص يكون قلبك مييييت الى بغيتي تكون بزناااز !??? شتك بغيتي تولي بحال المرا و نتا ولدناك راااااجل

تنترر منو منيرر وبعدد كيبكي ويغووووت

منير : مااابغيييتش انا نكون بزناااااز ماابغيييييتش

بدا كايبكي وخرج كاايجي .... واوشن عععقد غوووبااااششتو .... وكلس كايكمل على سيكارو بعصبية

🔖الفصل الاول : الاستحواذ
🔖الباب الاول : ألغام الغدر
🔖¤الجزء : 21

اليوم السادس ....
فاااق تونار وخرج من بيتو لطابلة الفطور بدون مااايشوف فحتى واحد غير مغوووبش ... مكيهضر حتى مع جدو .. عرفو مقلق منو .. والى مشا تا غضب مكيرجعش دغيا للطريق ..العناد عندو فالدم ... خدا فطورو ورجع لبس سبردينتو وخرج يمشي للخيمة ديالو فين كايرتاح ... غير دخل لداخل لقا منير تما كالس كايلعب مع گريندو سبقووو ...
ماهضر ماتكلم وكلس فالارض مغووبوش مرربع يديه ومنير كتتترر منو طايح عليهم الضيم بجوج بيهم ... ومشا كلس حداه ممدة عاد نطق
منير : بغيت نمششي معاك... للغيووم ... نسكنو تما
تونار : و واحد النهار غانمشي ... ت تمااا ... تما مكاينش حوايج قباح .....
منير: وااديني معاك !? نتا غاتمشي ... و انا ! تخليني فالحوايج القباح !?????
تونار : ب بقا صاحبي ديما ... و وغانديك ....
منير : اء نسيييييت
تونار : ( شاااف عندو ) شنو نسيتي
منير : ( قاد گلستو وضحك ) جبتيليك واحد الحاااااجة
تونار : شنووو هي ???
منير خشا يدو فجيبو وجبدها ...شاد عليها فالكف ديالو موراهاش ليه
منير : كنت كنجمع البي ديالي وانا نلقاها ... ك كتشبه لعييينيك بزاااااف
حل يديه وهي تباااان داك الكرة دالبينيغ خضرااااا زجاجية فعلا كتشبه بزاف لعينين تونار .. وتونار ترسمات على شفايفو ضضحكة زوييييينة
تونار : واااااو
منير : ( حطاهاليه فيديه ) خليها عندك ....
تونار : ( شدها بيديه عجباتوو ) ششكررررااااا ( قرب عنقووو عناااق طفووولي عفوي ) زوينة بزااااااف
منير : عندي بزاااااف انااا ....
تونار ضحك ... شوية وهو يقلب ملامحو للحزن
تونار : ولكن انا م ماعندي مانعطيك ????
منير : هااااااء ?? مااااشي موشكيل اصااااحبي ...
تونار : ( شوية جااتو فكرة وضحك بعفوية )) ااء وولكن .... غانعلمك و و وااحد الحاجة ززز ز زويييينة .... علمها ليا ج جددي
منير : شنو هي !????
تونار : ( بضحكة ) السسسحررر

🔖الفصل الاول : الاستحواذ
🔖الباب الاول : ألغام الغدر
🔖¤الجزء : 22

منير حل فيه عينو مفاهمش !! ... وتونار حط ليه داك البي فيدو
تونار : والى قتليك ليك ه ه هاد البي غايططير
منير : مااايمكنش !!!
تونار : اوا ش شووف .... شد عليها يديك مزيان ( تونار خطف يدو ومنير زير عليها ) قووووول معايا .... أيووووز أيووووز .. يسظويت توناوووووز
منير : ايوووز ايوووز .. يسظويييت توناروززز
تونار : يلاه حل يديك دابا
منير حل يدو و مالقاهاش وبدا كايقلب مع جنابو وقال بذهووول
منير : وفيييييييين هي !?????
تونار : شفتتتي السحر ??? ههه ...نر . نردوها !????
منير بقا غير حال فمو كايشوف فيه
تونار : يلاه قوووول معايا تاني ... أيووز أيوووز ... يااااريث تووناروز
منير عاود معاه نفس التعويدة وهو يجبدهاا ليه من جيبو
منيرر : اوااااااه ... ن نتا خطااااارررر ... وريني كييفااااش درتيي لييييهااا ??? واش نتا سحاااارررر
بدا كيضحك عليه حتى خرجها منو عاد قاليه سر الخدعة ... حتى هو بدا كايتعلمها ويدير بحالووو .. كيفما علمو يلعب البي تونار علمو الخدعة ...... شوية شوية كااتكبر بيناتهم صداااقة زويييينة بريييييئة عفووويية وصااادقة ...
منير : غانمشي نععلمهااا لكوووولشي
تونار : هه لا .. لا ا الح آلحمق ... م م ماخصش تعطس لسر د ديالها حتى و واحد ... غ غير ل لي عزيز عليك .... أ أنا علمها ليا جدي المامون
منير : ااااه بصصح ... ( شاف فيه ) جدك سميتو المامون !!! كيشبه لسمية دجدي
تونا : ششنو سمية جدك
منير : ميييمون
تونار : ا ااه بحال بحال
منير : موهيم ( وقف ) انا خصني نمشي دابا تعطلت غايخاصم عليا جدي عاوتاني ... نتغداو ونجيو لهنا نلعبو صااافي ????
تونار : صااافي...انا ك كولشي م مشغوول ...ك كايوجدو لع عرس عمي كاااااع م ماكيردو ليا البال.. و ولكن ن نمشي حتى انا ف فيا الجوع
منير : سعداتك مكايقلبوش علييييك .... يلله نوض
خرجو بجوج قصدو ديورهم .. تونار مشا لبيتو ومنير تاهو دخل لدار لقاها خاوية حيت مجاوش العيالات جاو غير عمامو وجدو وباه ... بقا كايقلب عليهم تاسمع هضرتهم فواحد البيت وحلو غير بششششوية كايبان ليه اوووشن شاد فيدو واحد الرساااالة كايطويها وولادو كالسين كايشوفو فيه
سعيد : ( الابن ) شي واحد يفهمني راني مفااااهم والو
حفيظ : بحالنا بحالك .... شنو باغي دير الواليد فهمنا
اوشن : كيفاش اش باغي ندير !! ياك قريت عليكم زوج دالمرات شنو كتبت !!( بدا كايرجع يفتحها ) نعاود نقراااا !!!????
حفيظ : حننا ماشي مافهمناش شنو مكتوووب ... حنا راه مافهمناش القصووود من هادشي !!!! علاش غانطلبو منو الصلح !?????? واش ولا كايخلعك لهاد الدررجة هاد المامون لي كاطلب منو تصالح معاه ولا شي حجة هادي باغي تمشي ليها وكاتصفي لخواطر !!!
اوشن : ( بخبث ) ومالو الصلح !??? صلح حاااجة مزياااااانة ( رجع گلس ) وكااايقوي العلاااقة وكايصفي النففوووووس وكااايدير الثقة ... وكانوليلو حباب !! وعلى الحبااااب مكنسدووووش البيبان اولا !!! ومانديروش عليهم الحراسة ومكناخدوش عليهم الاحتياطات .... حيت هادوك حبب وتصالحنا مغايآديوناش !!!!! .....الى ولينا حباااب الماااامون غايسضفنا فدارو بلا ماااايهزو السلااااح !!!! غايتلاقاونا بالحليب والتمر اولدي ....شتي الصلح شحال زوين !!!!!! غادخل لدار المامون بلا ماتخاف يهزو عليك سلاح وتقدر دير مابغيتي !!!!!

🔖الفصل الاول : الاستحواذ
🔖الباب الاول : ألغام الغدر
🔖¤الجزء : 23

حميد شاف مع خوتو مطووول كايهضرو غير بعينيهم متسائلين واش شي حد فيهم فهم المقصود.. ورجع شاف فاوشن
حميد : لا لا لا هادشي مكيدخلش لراس ..... وحنا شنو غانستافدو الى دخلنا لدااارو مثلا !!!!!
سعيد : قطع داكشي آلوايد ورجع لعقلك ...
حفيظ : الولليد .... فلول قلتي ليا نجيو لكتامة جيينا ودرنا ليك الخاطر .. ودابا كتكتب فرسالة باغي الصلح مع المامون ....فهّمنا راحنا مافاهمين والو !!! حنا مابغيناااش الصلح معاهم وماعندنا ماااندييرو بييييييه ... وااش حنا بااغين نتهناو منهم ولا نتصالحو معاهم????
اوشن : هااااباش انا مامعولش عليكم وكانربي فموونير ينو .... ( اشار بيدو بمعنى صفر ) نتوماااا زيييروو فهامة .. مكتفهمو والو كاع ومكاتخدموش عقلكم وكاتشوفو غير حداكم .... انا بنت ليكم معشوق فالمامون انا !!!! مكتشوفونيش كيف كنغلي عليه ??? تجارتي وااقفة بسبابو وكاميواتي كايرجعو ليا بالواحد !!!
سعيد : اوا دابا شنو ناوي عليه ? فهّمنا نمشيو معاك حتى حنا فالخط
اوشن : ( تحنحن ) واسمعوووو ليا مزياااااااان وحلو وذنيكم معايا .... هضرتي مغانعاودهااااش ..... ولي غانقولو ليكم دابا غاااتعقلو عليه بالحرف وتردو بالكم هادشي راه ماشي ساهل ( فقمة الجدية ديالو ) خاصكم تكونو رجال معايا وتحضرو عقلكم الى بغيتو نتهنااااو فخطرة وحدة من الماااامون وعمّر قصتو ماتجبد مزاااال......
الولاد بقاو واحد كايشوف فواحد كايتسناو اش غايقول باهم لي عمرهم ماشافوه كايتكلم بهاد الجدية كااااملة من قبل ... فعينيه نظرات حمراااااء بحال الجمر الشاااعل ... وكاينطق كل كلمة وهو مزير عليها وعلى القبضة يدو ....
اوشن : هاد الرسالة خصها توصل للمامون ليوووووم وداابااااا ... ماعندناش الوقت عندنا غير يووماين ... ليلة عندهم الطْلبة ( للمة د صدقة ) وهي الفرصة لي غانمشيييو فيها بعد ماتصفا الخواااطر ..... فاش غايقراا المامون بلي باغين منو الصلح غايفتح لينا بيبان دارو ... وغانمشيو نباركو ليه عرس ولدو ... البيبان غايتحلو والحراسة غاتحيد علينا .... فالغفلة رجالنا لي غااايدخلو ... ( قرب كتر لعندهم وكايهضر مغزززززف وولادو مرركزين ) غايزرعو المين " قنابل " تحت الارض ديالو كاااااااملة ... الاراضي والكوريااااات و حتى الدار .... كولش يتزرع فالغفلة بغيييت منطقتو تولي كاملة قنااابل ... والتفجير غايكون نهار السابع دالعرس
حفيظ : غدا !!!!!!!!
اوشن : ااه غداااا ... مع الفجررر ... اما القنابل هاد لييلة بغيتهم يتتزرررعو ....بغيييت نهارهم السابع مايطلعش فيه ضوووو ولا راه نتووووما لي غاتسبقووهم
منير فالباب كايرمش بعويناتو وكايخدم داك شوية د الذكاء لي عندو ..ويتسائل واش هاد المامون هو نفسو الجد دتونار !!! ياك تونار لي قاليه عندنا العرس دعمي ! وهدا كايهضر على شي عرس .... اذن غايكون كايهضر على جد تونار .....مونير كايسمع وقلبو كايدق بسرعة
حفيظ : وكيفاش حنا غااندخلو ليوم الواليد واش عارف راسك اش كاتقول !!!!!!
اوشن : كولشي ضارب ليه حسابو نتا غي سمعني وكونو معايا رجال الى بغيييتو تهناو منو فخطرة ...غانفجروهم غدا مع العلام لي غايكون كولشي ملهي معاااه ... حيت فالعلام الطاسيله ( العائلة) كاملة غاتكون حاضرة ... وانا بغيييت كوووووولشي ييموت .... كوولشي تّصفا ليه مابغيت تاواحد يبقى ححي ...باش ماشي من هنا لغدا يجيني لي ينبش ليا فالماضي ... العشبة السامة كنقلعوها من الجذر اولا ????? ... القط ديالهم هو اللخر بغيتو يمووووت ...صغيرهم وكبيرهم ...( منير حالو فموووو ) مابغيييت حتى شي أثثثررررر يبقى منهم ... بيهم بالكسيبة ديالهم بحشيشهم بأراضيهم كلشي بغيتو تشعل فيه العافية ويتفجججر ... غاتقاس شوية من ارضنا ماشي مشششكل عماين وغاتصلح للزراعة ... ونزيدو تأراضيه معانا فاش يفوتها الحححريق ...
سعيد : ( سرط ريقو ) هادشي لي كاتقول الواليد راه خطططر وبزاااااف .. واش واعي براسك !?
اوشن : (بالغوات وضرب فالططططبلة ) مااااايزيييييد معايا تاشي واحد الهههضرة .. تااااااشي واحد ..... ( رجع تنفس ونقص من نبرة صوتو ) عاااام ... عام ونا كنوجد لنّهار لي يرجع فيه لارضو ويكون كولشي حاااضر باش نضرب الضررربة دياالي ...عاام وانا كنننخطط.... وكنتسنى فهاد العرس ... ( بدا كيدوز يدو على جبهتو ) كنت خااايف .... كنت خايف يمشي يدير لعرس لولد فلحسيمة ....ولكن الامور مشات كيف بغيت .....جا لهنا برجليه لهلاكو .... ( غزز على سنانو وضرب بصبعو فطبلة ) كنننقسسسسم يمييينااااا تاااانحرق اخر عضم فيهم .... اصلهم كاااامل لي عايشين غايتمحى ليهم الاثر ... الجثث لي غايتدفنو بيها هي اللخرا مغااتبقاش .... اسمهم غااايتمحى من التاريخ ...غاتولي عائلة المامون غيرر كدوووووب !!!!! وحتى لي فالقبوووورا غايعااودو يتحرقووو ويتفجرو معاهم تحت الارض ... ( بعينين بحال الناار كلها حقد ) كوووووولشي يتتمحا ... بحالا عمرهم كانو على وجه هاد الاررررررض كووووووولشي

🔖الفصل الاول : الاستحواذ
🔖الباب الاول : ألغام الغدر
🔖¤الجزء : 24

حفيظ : ( خلعو ولكن متحكم فراسو بزز مايزيدش يعصبو ) و واخا الوايد .. نزيدو نفكرو شوية هااادشي لي كاتقول فيه راه صعييييب ... ولكن نتا شنو خلاك متأكد المامون غايبغيي يتصاالح معاك ويفتح ليك بيبانو !??? منبعد هاد سنين دالعداوة كاملة
اوشن طووول فيه الشوووفة وهو يطلق الضحكة بجاااااهد
اوشن : هههههههههه ... ( رجع شاف فالعدم كيحك على الذقن ديالو ) انا لي عاااارررف المامون مززياااااان ... هاداك المامون قلبو البيض هو لي غايخرج عليه ( شاف عند ولادو ) شششفتو علاش كانقوليكم ديما قلبكم خضو يكون كححححل ?????? هاهو قلبو بيض اش قضا بيه !? هههههه وااالوووو غير غايخرج عليه
سعيد : علاش كاتهضر بحالا كتعرفو من زمان !????? الواليد ! واش هادشيي كااااااامل غير حيت عدونا فالتجارة !????? ولا شي حاجة اخرى مور هاد العداوة لكبيرة لي ملي فتحنا عينينا وحنا معادين معاه ? ومكنعقلش حتى على امتى بدات العداوة ديالكم ... كبيرنا حتى هو معارفش ( شاف عند حفيظ )
حفيظ : تانا بحالكم ملي فتحت عيني والواليد معادي مع المامون والحرب بيناتنا وديما واحد من الرجال مقتول ... شي حاجة اخرى ماعرفينهاش آلواليد !????
اوشن سهاااا مدة مسااافر لخليج المااضي ... متذكر نهار كان هو وخوه باقين صغار وحلو عينيهم على باااهم بزناز كايزرع الحشيش ويبيعو .... عااقل على خوه شحال كان عزيييز على باهم كتر منو ... ديما الحاجة الزوين دالمامون .. اما ميمون كان هو غير الابن العاااااق وداك الباسل ولي مكايفكرش ومتهور ... عكس المامون لي كان عندهم عزييز على صغير ولكبير وديما الفرزيات بيناتهم ... والعداوة كتكبر كل مازادو فالعمر ....حتى لنهار لي كان باهم على فراش الموت ... وجمعهم كتب الاراضي لكبييرررة ولي خصبة فالزراعة كلها للمامون لي قال عليه مول الععععقل والفطنة ولي كايعول عليه ...وخلا لميمون غي نصيب صغيييررر حيت هو متهور خافو يضيع كولشي ... رغم ان ميمون هو الكبير .... الحقد والغيرة زااادت كبرات بعد هاد القسمة دالورث لي مكانتش عاااادلة بتاتا فحححقو ... مات باهم والمامون هز المشعل و شد الاراضيي كاملة والنصف الكبييررر ديال التجارة والتبزنيز .... اما ميمون مكايعرفو حتى حد كايبقى ديما غير خو المامون .... حتى نهار لي الكاس ديال اوشن فاااااض ومشا هز عليه السلاح وهو باقي فعمرو 22 عام والمامون فعمرو 20 عام ...هز ليه سلاح فراسو باش يدير بيناتهم حل ..... المامون ملي شاف العداوة كبرات ووصلو لقتيلة ولجيل اخر من قابيل وهابيل ... قرر يصلح الخطأ لي دار باهم قبل مايموت ويرجع يلم الشمل ... وقرر يرجع يقسم الارااضي بالتساوي .... على شرط ترجع اخوتهم كيف كانت ... واافق ميمون وعاودو القسسسة حتى ولاو كيف كيف ... وقد ارض المامون , قد ارض ميمون فكتامة ... الميمون غير شد وراق أرضو ضربها ليه بنكرة ونكر أخوتهم ومشا دار الحدود بين الارااضي ومنع عليه مايدخلش لارضووو ... ثم شيّد مستعمرةخاااصة بيه وبدل حتى سميتو وسما راسو اوشن ...ودار رجال ديالو وبغا ينافسو فالتجارة ... المامون حس براسو تغدر حيت فالوقت لي هو كااايتعب باش يجمع الشمل ويرد خوه لعندو .. خوه كاان كافكر غير فالقسسسمة والانانية والغيرة باقية عامية ليه عينيه .... شاف تاهو بالمنظور ديال المنافسة وكبرات بيناتهم العداوة فالتجارة ...ومابقاوش خوت ولاو غيرر منافسان .... المامون هرب من الصداع ومشا الحسيمة شيّد مستعمتو وتما تزوج .. وميمون مشا للناظور وتما تزوج تاهو وحتى واحد مكايقول هذا خويا ولا هداك خويا ... وحتى من العائلة تبرات من ميمون بعد داكشي لي دار لخوه وكولشي جا مع المامون فصفو ونكرو ميمون ... الريوس الكبار فالعائلة لي شاهدين على اخوتهم ونزاعهم مااااتوو .. اما هادو لي باقين فعائلة ديال المامون تاواحد ماعارف واش هادو خووووت .... كولشي عارفهم غير اعداء فالخدمة .... وهاكا تفرق الشمل ودم الاخوة رجع مااااء .....
اوشن فيقو النداء ديال ولادو عليه لي شافوه سهاا بززااااف ... ملي استفاق تنهد وقرب بالكرسي
اوشن : ماتبقاوش تسوولوو بزاف .... كاين شي حوايج خير لينا مانعرفوهمش .... نتوما غير نفدو الى بغيتو تربحو .... وتبعو عقل اوشن ( ضرب بصعبو لدماغو ) حيت هاد العقل هو لي وصلكم لهادشي لي نتوما فيه ورد منكم لبزنازا لكبار دالمغرب ... وهاد العقل هو لي قادر يزيدكم كتررر ويردكم البزنازا الكبار فافريقيا كااااملة .. تبعوووني وماتخافوش ... المامون قصتو غاتسالي ... طوالات بزاف تاحماضت وخصنا نحطو ليها النقطة .... ( حقد عينيه ) غدا ... غدا كوووولشي غايشششهدو على ان عمّْر كانت هنا شي حاجة سميتها دار المامون ولا عائلة المامون ... ( بحدة كتر ) .. كتااامة حاكمها اوووشن وغير اوووووشن لي غايبقى حاكمها ..... مفهوووووم !????

🔖الفصل الاول : الاستحواذ
🔖الباب الاول : ألغام الغدر
🔖¤الجزء : 25

منير عينيه ولاو قد الكاس من هادشي لي سمع وشد الباااب وخرج كايجري حتى للبرا وكلس فالدروج ديال دار كايفكررر ويحك فشعرو ويحسب بصبعانو ويحلل
منير : الممامون... مامون جد .. جد تونار !? غيقتلو جدي !? المامون جد تونار غاايقتلو جدي! غايقتل عائلة دتونار كاااملة ..غاقتل لي صاحبي !? و گريندو !? ... كووولشي غااييمووووت ... جدي غدا غايقتلهم ( وقف خخيفااان قرب يبكي ) لا لا اا
لااااااااا تونار مايموتش صصااااحبي
خرج كااججري بزززززرزبة والعروق كتصب معاه تاوصل للخيمة كااايقلب فيها مالقاش تونار وبقا غير كايعيط بججههد وييييييغوووت عليييه وقلبو غاااايسسكت بالخخعة وغير كايييمششي ويجي وييعيط على امل يسمعو حيت ماعارفوش فين ساكن....
منير : تووووناااااار ... صاااااااااااحبي .توووونااااااار
تونار تغدا فالصمت كييف العاااادة وهدووووء ... جدو بغا يهضر معاه هو يتنتر منو ومشاااا مخنزر ... مابغاش يحكر عليه عارفو الى حكر عليه غايبقا يغوت حتى تجيه ديك الكريييز وأجاب مايسكتو ليهم كايتعاملو معاه كيف البيضة .. وقال حتى يبرد على خاطرو حيت هدا طبعو كايتقلق دغيا ويغضب وملي كايبرد كايرجع راسو ... اما لي يهضر معاه فالوقيتة لي هو غضبان غير مكايزيد يجعر .... واقل حاجة كايغغغضب عليها ...داير هاد الحالة غير حيت قاااليه نتا باقي صغير ....
خرج بشوووية عليه راجع للخيمة يكمل لعبو هو يسمع تعياط والغواط جاي من بعييد ومشا بززربة ومنير غير شافو بدا كاايلهت الصوت مشا ليه بقوة الغوات عليه...
تونار تخلع من المنظر ديالو وقف فبلاصتو وبقا كافكر فتريكو ديالو ويفرك فصبعاااانووو وكاايرمش بعينه مكيحملش هاكا شي حد مخلوووووع كايخاف وكيبانو اعراض التوحد فيه وااضحين ...
منير : ( كاينهج ) ف فين كنتي .... فيييييين ????من قبااااايلات انا كنعييييط علييييك ( كايسرط فريقو باشيقدر يهضر مبحوح بالغوات ).. عنداااك تمشي لداركم عندااااااك سير قلب فين تمشي جججدي.. جدي راه غايقتتتلكووم كااااااااملين .... هررررررب ( بالغوااات والحخوف ) ههههههرااااب اصاحبي
توناررر دقات القلب ديالو بدا كايتسارعووو والنفس بغات تقطق فيه وعينيه دازو فيهم عرووووق حووومرر ماقدش يهضر ولا شبه مغيب
منير : مكنضضحكش اتونارر كنهضر بصاااح ..ياك نتاا هو لي جدك سميتو المامون وعندكم عرررس ! سمعت جدي كايقول غايسيفط لجدك شي رسالة باش يقوليه يتصالحو .... عنداك تخلي جدك يتصالح معاه راه باغين يدخلوووو ويدييرو ليكم القنباااااال فدار .... عنداكم تخليوهم يدخلوووو عنداكم ... جددي رااااه بحاال الووووحش
تونار ولا زرق ويديه كاييترررعوووو والتنفس مايغاش يدوز لييييه والدوخة قداااامو الصورة كتراقص.. هاكا كايولي ملي كايشوف شي حد كايغوت ولا كايسمع شي حاجة ديال الخطر قريبة ليه كايدخل فهاد الكريز
تونار : ( بهيستيرية ) و وو حش وووحش
منير : تونااار ( مشا كايجري شدو حيت قرب يطيح ) تونار مااالك تووونااااررر مالك اصاااحبي
تونار كااايغووت والصوت كايخرج خافت حيت قلبو كايتساررع وماعندوش السوف باش يغوت بصوت مرتفع كايخرج غير صوت بحال الفحيح ويديه ولاو حووووومر بقوة مااامزير عليييهم وكاايعض فشفايفو ويغزز وعينيه كايرمشو بزااااف
منير : واجري جررررري قولها لجججدك جري راه غدا غايقتلووكم جججججررررري
يلاه غايدفعو يمشي حتى لقاااه طاح كولو كااييترعععد ومنير معارفش طبيعة مرضو غيير شافوو طاح تخخخخلع ماعررف شنو يديير بقا غير كايضور فبلاصتو وينهج .... كايعرف غير ان شي حد فاش كاييسخف كايلوحو عليه الما ..... ومشا كيجري لواحد الواد غير حداهم كايعمر الما فيديه ويرجع عند توناار كايبغي يخوي عليه كايلقا داك الما تخوااا ليه فالطريق ويديه خاوين .. ويرجع تاني ييجيييري كايبغي يعمر فاااش كايرجع كايلقا والو كايتخوا ليه فالطريق .. شي 3 دالمرات وتونار كااييصرااااع يحل عينيه كايترعدد كامل ولونو ولا زرررق و عينيه حووومرررر ... اطفال التوحد صعيييييب يتخلعو ولا يحسو ان الخطر ضاير بيهم كاتجيهم كخيييز صعيييبة ....
منير دخل للخيمة بانليه واحد لكاس عاد مشا كيجري عمرو وكايجي عند تونار كايفيقو وكايشررربووو المااا
منير : توونارر توونار( كايرش عليه الما ويشربو )

🔖الفصل الاول : الاستحواذ
🔖الباب الاول : ألغام الغدر
🔖¤الجزء : 26

بدا تونار كايحل عينيه بتثااااقل وهو كايشوف راسو بين يدين صديقو لي كايرش عليه الما و مخلووع عليه... رجعات تسربات لمسامعو الجمل الاخيرة لي قالها منير , جمل الرعب بالنسبة ليه
منير : ( كيحاول يگلسو ) نوووض نوض بشوية عليك .. فين داركم نديك ????
بدا كايحاول يوقف وغير كاينتر يديه من منير محامل حتى واحد وعينيه ولاو مجبدين وفيهم نظرة العنف والهضرة تقطعات ليه
منير : يلاااه غير نوصلك غاطيح
تونار خنزر فيه وحقد حجبانو ومشا بششوية كايشد غير فالشجر تاسمع من موراه
منير : مااتبقااااش تما اتونار آجي لهنا ... قول لجدك ماتصاااالحش معاه عنداك تخليو جدي يييدخل ... تووووونااار .... ضور عندي اصااااحبي ماباغيكش تموووووت
هو ماشي والعبارات دالتوصية دمونير تابعاع ومزير على عينيه وقلبو كايتصارع ورجع ضار عندو براسو ..كايشوفو واقف وعينيه ذابلين وفيهم حزن كبير
منير : تونار ... غانبقى نجي لهنااا نتسنااااك ديما .... تووونار عفااااك عندا تخليهم يتصالحو معاااه
تونار قللب راسو وكمل طريقو شاد فالشجر وقلبو كايحسو بحال الى غايخونو ويسكت ليه .... هاد اللحظة ديال الخوف عند هاد نوع دالاطفال بحال تونار كايحسو بالسواااد وبالخنقة وبحال شي ظل تاابعهم ومحاصرهم حتى من الهضرة مكتخرججش ليهم ... وصلو للدار ... يلاه غايعتب يدخل شافتو ماماه ومشات كتججري عندو مخلووووعة
سلطانة : (بهلع كتقلب فيه) توووونار ينوو ???? مييينووو مييشسوووغين اتسا ينوووو ( ماالك اولدي شواقع ليك )
تونار غير ساكت وممخنزززر .....داتو لبيتو كاتعرف فاش كاتجيه هاد الحااالة كايولي عننننفي بزاف ومكايهضر مع حد ...خلاتو ومشات تجيب فوطة تنشف ليه شعرو لي فاااازگ بالما لي كان كايخوي عليه منير ...اما هو غير شافها مشات وهو خرج ماشي بجيهة جدو كايتمشى بشششوية شاد فالحيوووط وكل خطوة كايقول غايطيح فيها ...
المامون كان فواحد الصاالة وولادو واقفين وهو شاد الرساالة كايقراها والتبسيمة دايزة على فمو ... لدرجة قراها كتر من تلاتة دالمرات ....تنهد وكلس كايطوي فيها وطلع عينو فولادو لي كايشووفو مخنزرين
المامون : مااااالكم !???? اش فيها الى شي حد ندم وبغا يصلح غلاطو ?????
رياض : ( مشا گلس حداه ) الواليد يهديك الله .. واش هداك عندو الفيگورة ديال الندامة !???
المامون : ( وراه الرسالة ) وهادشي شنو هو !????
علي : وتيقتيييه !??? يمكن ملي شاف راسو هابط فتجارة و الكليان كولشي هرب ليه جا بغا بستغلنا نعاونوه ....
المامون : يستغلنا ولا مايستغلناش ... ناوي الصلح ولا لا ... مهم انا مغانرفضش شي واحد بغا الصلح .. أي حاجة لي تخلي الخواطر يتصفاو وهاد الحرب تسالي .. مغانترردش نقبلها
احمد : ( بحدة) ااااش كتخخخربق الواالييييد آش !?
المامون : سمعوووووني وسمعو كلام الصح ... انا مغانبقاش معيش العائلة ديالي فالحرب ..مااالنا اش واقع فالدنيا كاع !!! كل ماخرج شي كاميو كايتقتل واحد من رجالي وديما خايفين عليييكم شي نهااار يتقتل شي حد فيكم ... خايف على تونارر لي كايمشي للمدرسة يشدو شي حد شي نهار .... مالنا ومال هاد العداوة كاملة .... انااا مسسسستعد نتصااالح معاه ونساليو هادشي .... والى كانت النية ديالو غير يستغلنا باش نعاونوه .. نعاونوه اش فيها ! تاهو عندو ولاد وحفاذ وعائلة .... ومانبغيوش ليهم الضرار
رياض : ( شد على راسو ) لا لا لا انا هادشي بزااف علياااا لاااا .... ( بالغوات ) واش وااااحد كايقيل ييززهق لينا فالارواااح ودمايات كاتسيل مع كل كاميو ماباغيش ليه نتا الضررررر .. لا لا انا غااانتسطااا
ناض ضرب الطبلة برررجلو وتخطاا خوتو وخرج ... اما هوما بقاو غير كايشوفو

🔖الفصل الاول : الاستحواذ
🔖الباب الاول : ألغام الغدر
🔖¤الجزء : 27

حسن : راجع راسك اش كادير الواااليد راااجع ....
المامون : ( بزعفة ) واش دابا نا لي والدكم ولا نتوووووماااا همم??????
علي : حنا ماابغينا صلح معاه ومابغينا نشوفو تافووجهو على قليل مادار فيناااا !?
المامون : ياك هو لي بغا الصلح ماشي حنا !? هو لي بغا يتلم الشمل ماشي حنا ? هو لي طيح رااااسو ماشي حنا .. ( وراهم داك الرسالة ) وهاد الرسالة اكبر دليل على انوووو استسلم وغلبنااااه وطيح راسو وطلب السماحة ... ولكن الصلح مكااايعنيش غانوليلو صحاب .. ولكن على الاقل مغاتبقاش العداوة والرواح كتهزق .. على الاقل غايتهدن الجو ونكملو هاد اليام لي بقاو فعمرنا هانين
حسن : ( ربع يدو ) شنو دابا .... غاتقبل بالصلح وترد عليه
احمد : فكر مزياااااان عاد قرر وفكر فكاع داكشي لي دااار ليينا وشحال خلوض من مورانا وحرق لينا فالكاميوات
المامون : هادشي مافيهش تفكييير ... جيب ليا ورقة وستيلو ... مرحبا باي واحد طلب سماحة .. ربي سبحااانو بعظامتو كايسااامح ... شكون نكون انا لي مانسااامحوش
مع كملللها مع تونار طلق غوووتة كان غير فالباب كااايسمع ليهم وسمع كووولشي ....نااضو بزززربة وتونار خرج لوسط الدار مججن وكايعض فيديييه وكايضرب فالحوايج وييههههرس ....هوما كايشدوه وهو كييضرب ..جا عندو عمو شدو ماخلاش فيه بالقميش والغواااااات ... كااايتعععصررر ويضرب فراسو ويعض فيديييه ولا زززررررق وعينيه حووووومر كيف النار ... عمو حطو وبدا كاييضرب راسو مع الحييييط ويتججنن كولشي تخخخلع فدار وسلطانة سخفااات كاع فاش كاتشوف ولدها كيفاش كايديييرررر .. تاتلاح عليه جد منلوور شد ليه يدووووه وحكمو مزيان مزييرو عندو كايهدن فيه .... وهو ماشي بحال المرات لي فاتو كان غير كايحضنو كايسكت .. دابا مااابغاش وكايحسو بححرقة فغوات ووبحالا كايصارع باش يهضر ويقول شي حاجة ولكن هد الحالة النفسية مكاتخليش ليه القدرة والقوة دالكلام ... الحاجة الوحيدة لي كاينطق بيها هي
تونار : و و ااحش وووححش .. وحش ... وحححش .. غ غايجي .. غايجي واااحش ..غ غاايقتلنا .. وحححش غاييقتلنا
يدا كايررد غايقتلنا الوحش وهوما مافااهمين والو مخلوعين عليه والعيلات كايفيقو فسلطانة.. والرجاال كايحاولو يهدنوووه باش مايآدي رااااسسو ومخلوعين عليه تادخلوه لبيتو وشدو البااااب والجد كيتصبب بالعرق وكاينهج وباباه مششا كايشدووو تاااتهدن شوووية ...ولكن مزير على صبعانو ومهبط راسو وكيهضر غير بوحدو بهستيرية بنفس الجمل كايتعادو " وحش , غايقتلنا "
احمد : شششششش تهدن اولدي تتهدن مكاين والو اولدي .. شووف ها باباك معاك وها عمامك ها جدك .... مكاين والو غير كاااتخيييييل تهههدن اولدي
توناار : ( بهستيرية ) و وححش غااايقتلنا .....غااايقتلنااا .... و وحش .. م مايجيش مايججيش آجدي مااايجيييش

🔖الفصل الاول : الاستحواذ
🔖الباب الاول : ألغام الغدر
🔖¤الجزء : 28

الجد قرب لعندو وتكا على ركابيه يوصل لمستواه
الجد : غيير كاتخيل اولدي راه مكاين حتى شي وحش هنا .. شوووف ها عماامك وباباك ... هانتا فداركم .. واش خلعاتك ش حاجة برا اولدي !??? حلمتي شي حاجة ولا شنو !??? هااا
تونار : و ووححش وححش اجدي وحححش ...مايجيش ماااتخليهش يجي .. الى جا غاا غ غايقتلناااااا كاااملييييين
هزو الجد لحظنو وعنقوو كايهدن فيه وشاف عند ولادو
الجد : عيطو على الفقيه دالجامع يجي يقرااا عليه ... غايكون حلم شي حاجة خلعاتو
احمد : راه بسيف يتخلع كايقييل مقااااابل الحسابات والكتوبا بسيف مايحماق ليا الولد ... سير احسن اخويا عيط على الفقيييه عفااااك .. انا نمشي نشوووف سلطانة ...
خرج احمد و حسن وبقى علي ورياض معاهم ...
علي : ( كايعطيه يشرب ) ششرب اولدي ششرب .. ماتخافش شوف عمماماك شششحال معاك ونتا كاتخاااف ( كايحاول يضحكو )ورينيا هاد الوحش ندخلو فيه شووف كتاف عمك رياض قداش ( كايضرب فكتاف خوه كايحاولو يضحكوه ) الى مشا شدو غير عمك حسن يفرعو ... حداك عماماك وكاتخاف الهبيل
رياض : وا نتا راااااجل دابا وكبييررر وتخاف م الوحوش .. لا اولدي ماعندك مناااش تخاف .... نتا راك رااجل ولد الرجال ....
تونار : ووحش اعمي .. غاااا غ غايججججي ج جدي مااتخخليييييهش يججي غانموتو
الجد: صاافي صاااافي مانخليهش .... مغايجي حتى شي وحش غير تهدن اولدي ... صافي مغانخليوش الوحوش يجيو .. وتبقى تنعس معايا ولا مع ماماك مانشوفكش كتنعس بووحدك ...
بدااو كايهدنو فيه غي قاليه جدو مغانخليوش الوحش يجي عاااد رتاح وتهدن وظن انهم غايكونو فهموه وتيقوه .... وهوما راه كايقولو انه غير كايتخيل ولا حلم بشي كااابوس بقا ليه فعقلو .. خصوصا مع الحالة ديالو ... وهدا اكبر خطأ غايديرو ... هو تكدييييب طفل صغير .... والجد غايندم فواحد الوقت لي غايكون فااات الفوووووت .. وغايقول #المتوحد_كان_محقا
تلعثم لي اللسان ... لم ادرك سبب هذه الفوضى التي تصفر في حلقي ... الحروف خائفة .. والنبرات متوترة .... كل حروف الهجاء أحست بالفزع وكلها تتسابق لطلب النجدة ... ولما تدافعت في حلقي , لم اقدر على تشكيل اي جملة مفيدة .... لان كل الحروف تود الكلام .... أصاااارع من اجل ترتيبها , لكن بدون جدوى .... نظرات الفزع أراها في عيون عائلتي .. ونظرات الشفقة على حالي ايضا .... يحسبونني مخبولا ! احمقا يتوفه بالهراء .... لا يعلمون ان ما أصراع لقوله انا وحروفي كلاما ميزانه حياتنا ... ولو يعلمون ما في داخلي .... ولو يعلمون ان الوحش الذي اتكلم عليه حقيقة ....لوضعو جنودا مجندة امام باب المنزل .. لوضعوا جيشااا كاااملا ... لكن للاسف كذبوا هدا المتوحد الغير القادر عن الكلام .... واستهانوا بذاك الوحش الذي يفزعه ... وقالوا عليه فقط كاابوسا .. لا يعلمون ان الكاااابوس الحقيقي هو من ينتظرهم اذ استسلموا لمَكره ....

🔖الفصل الاول : الاستحواذ

🔖الباب الاول : ألغام الغدر

🔖¤الجزء : 29

ضحكاااات شيطاانية كاتعاود صداها فالارجاااء .... ضحكات الانتصااار والاستغبااااء .... ضحكات بصوت اوشن فالمكتب ديالو وهو كايقرا رسالة الرد من المااامون وولادو واقفين بضضحكة حتى هوما .....وهو عاطيهم بالظهرر كااايضحك ويلعب بالرساالة فيديه وينش بيها على وجهو من حر الجو ..... هو الجو معتدل بنسبة للاخرين ... ولكن بانسبة ليه هو الجو حااااار بزاف ... لان ابواب جهنم فهاد اللحظة مفتوحة فوجهو مباااااشرة ....
منير فالباب كاايشوف بعينين خيفانين وكايتمنى من تونار يدير شي حاجة او تطرا شي معجزة .. بغا يمشي للخيمة وشاف انو المغرب غايودن والحال غايضلام وجدو مغايخليهش يخرج .... وبقا غير كايشوف ويعض فشفايفو بالخووووف ....
اوشن دار لعند ولادو بعد مانظف صوتو من الضحك وحط الرساالة
اوشن : وجدو راسكم .... غانمشيو نبااارركو لولد الماااامون هههههههه
كملها بالضضحك ولادو خرجو منفدين الاوامر وهو غير خرجو ...حقّد عينيه فالعدم ... وهو كاتذكر التمييز والفرزيااات لي كانت كادار بيناتهم ... ويزيد يصمم على فعلتو الشنيعة .....
لبسو ووجدو راسهم بستيل تسعيني انيق رغم انهم فالبداية الالفينية الى انهم محتفظين على الستايل التسعيني والتسريحة ديالو ... شد الجد فيد منير واتجهو وهوما هازييين فيديهم الصواب لي غايدخلو بيه فاليد اليمنى وهازين الغدر فاليد اليسرى ....
كان الاستقبال من طرف الماامون استقبال عاااادي جدا كأنه كايستقبل ضيوف عادين ... وغير جات يدو فيد ميمون الاخ الاصغر ديالو ... تفتحو جروح الماضي والنظرات كتهضر مع بعضها فالخفاء ... نظرات مشتاقة والاخرى حاقذة ... تصافح نقدرو نقولو عليه #تصافح_الغدر .... بينما اليدين كايتصافحو .. القنابل كتزرع فغفلة من الجميع من طرف رجال اوشن لان المامون منع الحراسة بعد ما رد بالصلح ... والرجال لي حيد من الباب دليل على انو رفع الراية البيضة و عطاهم الامان ...

🔖الفصل الاول : الاستحواذ

🔖الباب الاول : ألغام الغدر

🔖¤الجزء : 30

الاولاد رافضين يتصافحو معاهم ... ورافضين رفض تام هاد الصلح ... دايرين راسهم مكيعرفهومش غير دايرين الخاطر لباهم وغير كايجيو العينين على بعضها كايتبادلو نظرات كلها كره وحقد .... منير كايقلب بعينيه على تونار ولاكن فينو تونار !!! تونار من بعد الكخيز لي جاتو طلعات ليه السخااانة بزاااااف وبقا فبيتو مغطيينو ومعاه سلطانة دايرة ليه سربيتة فازگة على راسو وكتقرا القرآن حداه تالراقي قرا عليه ماتيسر وتهدن ملي سمع للقرآن حتى داه نعاس .... كولشي ظن ان الغوات ديال تونار ماهو الا مس من الشيطان ... ماعارفين ان الشيطان بفسو معاهم فالدار وداخل باذنهم .... منير ملي مالقاش تونار بقا غير حدا جدو كلس بعقلو مع عمامو وعقلو شارد وخيفان ... اما الجد كايهضر ويضحك مع الماامون... والمامون عمرو كره خووه والا غايكرهو .. هو فقط غضبان منو ... واوشن كايضحك حتى كااايببانو سنانو الخلفيين ... وييمثل أنو فرحان بالعلاقة لي تجمعات من جديد اما المامون مكايضحكش معاه وكايجابو ثقيل ...
كلسو فصاااالة طويييييلة عاااامرة حتى لاخر بالرجال وفالمقدمة كااين الطلبة ( الفقهى ) ومعاهم الفقيه دالجامع كايقراو ماتيسر من الذكر الحكيم ... وكولشي مطيح راسو متخشع مع تجويدهم ... والعريس بجلبابو البيض تاهو معاهم .... وتاواحد ماحل ريحة اوشن وولادو معاهم .... ساااعااات والرجاال كايزرعوا فالقنابل ... سالاو من الدار لي دوروها كااااملة .... ولي سولهم كايقولو انهم غير البستانيين كاينقو الارض والجردة باش غدا تصبح مزيانة فالمنظر .... دااازو للاسطبل تاهو والكوارى ... ودفعة اخرى كاتخدم القنابل وتزرعهم فالاراضي ديال الحشيش .. وكولشي كايوجد للكارثة ..... ولاد المااامون گالسين على اعصاهم كاتسناو امتى الوليمة تسالي اكثر من 30 طاولة لي تعشات هاد ليلة فدار المااامون كانو غير الرجال حيت صدقة كاتكون خاصة بالرجال .. اما النساء حتى لنهار لي غاتكون فيه العروس عاد كايجيو .... العشاء تحط مع منتصف الليل.... وماسالاو مو حتى تقريبا كانت الوحدة ونص .... انتهاء العشاء كايعني ان الوليمة تاهي سالات .. اوشن وقف ورد سلهامو لجنب الاخر وولادو تاهوما وقفو بحااالو وحفيدو شاد ليه فيدو .... وتمشى بجيهة المااامون سلم عليه وقال بكل خبث انو كاتسنى نهار لي يرطاب فيه قلب المامون من جيهتو وخا هو اكتر واحد عارف ان هاد النهار مغايوصلش ... المامون جاوبو غير بابتسامتو الصافية ... وتاجهو للباب مشاااو بحالهم بعد ماعطاوهم الرجال ديالهم اشارة على انهم سالاو الزرع ... واراضي المامون ولات عبارة على حقل ألغاااام مووقوووت ......
خوات الدار وقلال الهاراااج حتى كانت الساعة تقريبا 2 ونص دياال الصباح بقات غير الاسرة لي كالسة ... والتحقات سلطااانة هي الاخيييرة عينيها ذاااابلين كلسااات ..
المامون : امضرا شووية ??? نعس
سلطانة : نعس خليت معاه مليكة ..كايتخطف بزااف وكايفيق مخلوع ...
المامون : دابا يبرا ان شاء الله مادريش فبالك شي حلم خايب هو لي شاف اعود بالله من الشيطان الرجيم
رياض : واشنو دابا ضرررووووري نتا لي تمشي آلوايد .... خلي حسن يمشي فبلاصتك مانطلعش انا علامي بلا بيك
سلطانة : فين غاتمشي آخالي
المامون : وراه غدا الجمعة غايدخلو لكاواما وخصني نشوووف السلعة ...خلي خوتك يحضرو معاك ماتجي سبعة دالصباح حتى نكون انا هنا نخلط عليكم باقين كاتدقوا الحنة
حسن : ( شاف لساعة ) وامااابقا والو للربعة دصباح ونعليو العلام وسير داك ساع
المامون : لا اوولدي مغايقدنييش الوقت .. الكاواما غايدخلو مع الفجر خصني نشوفهووم باش نطلقو ليهم الطريق ونرجع ....
رياض : ووااااشحال معكككس آلوليد .. ودابا حگرة هادي انا نعلي علاامي بلا بيك ....
المامون : ششلااااا مغااندوزوه مزال ...( شدليه على يدو ) بااقي نديرو ليك الحنة وسبحان الراازيق ونجيب العروووسة ديالك اولدي ونديرو ليك آرررزف ... شششلا ماباقي نحضر معاك فيييييه آيامازوز ينو ..

🔖الفصل الاول : الاستحواذ
🔖الباب الاول : ألغام الغدر
🔖¤الجزء : 31

حسن : انا نمشي فبلاصتك آلواليد غير خليك
المامون : لا والو العلام درياض خاصو خوتو كولهم يكونو حداه ...و نتا مغاتعرفش بحاااالي ومغايسمعوش ليك دوك الشوافريا المساخط .. وااهذااا الله خليوني نمشي نقضي شغاالي ها رااااضية فييييها الكفاية ( رتب على رجليها وهي كالسة كتسبح حداهم ) ولالا اثبنانت ينووو ( بنانة ديالي )
كولشي ضحك من هاد الدلع الهزل لي كايدير ليها واخا ولاو فمقتبل العمررر عمرو توقف على تدليعها .... وراضية كتححشم وسط ولادها
راضية : وواحشم غاا على شيبك وولادك حداااك اهاد الراجل ... صافي اولادي خليوه يقضي شغالو راه عارف المخروج ديالو فين كاين
المامون : سسسبعة دالصباح غانكون هنا ان شاء الله بببغيت اولاي نجي ... ونشوف العلااام فوق الداررر من الدخلة دكتامة يبانليا بييييض كايديه الرييييح
رياض : ( باس ليه يديه ) كون هاني آلواليييييد ... العلان الابيض وعلام تمازيخت يتعلاو مع الفجر كيف جرات العادة ....
المامون : ( وقف ) اوا انا غانوض نمشي بحرااا (راضية كتلبس ليه سلهامو)
علي : صصوگ بشوية آلوااليد راك عارف الضبابة فالطريق ونتا الشوف ديالك على قد الحال رد الباااال ....
المامون : كونو هانيين ردو نتوما بالكم هنا .... سلطانة ماتخليش ابنتي داك الولد ناعس بوحدو بقاي حداه ... وماتنعسوش يديكم النعاس ويجيو الناس مايلقاو حد ...رااااضية قووومي بالناااااس وعمري بلاصتي
وسط التوصيات المتكررة كايسلم عليهم واتجه للباب وهوما كولشي خرجوو معاه حتى لباب كان الضلااااام غير الگمرة لي مضوية وبعض البولات قلال ضارين بالداار ... ركب فالمرسيديس 290 گرونة وشاف بجيهة ولادو كانو كلهم فالباب وراضية تاهي وكايديرو ليه بايباي .... حس بشي غصة فقلبو بحال الدبحة ملي غايمشي ويخليييهم ويخلي ولدو يعلي علامو بلا بيه ... ورجع تنهد وديمارا الطموبيل ومشا وهوما كايديرو ليه بايباي مادخلو حتى بانليهم مشااا وغبر اثروا .... دخلو كل واحد فين تكا شوية كايتسناو الفجر .. حيت غاييججييو عاوتاني العائلة كاملة مع الفجر باش يصليو جماعة ويطلعو يعليو العلام .. خالات وخواال أعمام وعمات قريبب وبعيد .. كل واحد كيجيب صينية دالفطور فيديو ولي قسم الله .. بغرير رغايف مسمن حرشة ككيكات كل واحد اش كاييجيب حيت الفطور ديال العلام كايديروه الاحباب .... تكاو شوية كايهضرو على التوجاد غير فالصالون تامسعو طموبيلات كايوصلو اغلبهم كانو فورگويات 207 هازيين بزااااف دناس ... وبداو كايستقلبو واحد بواحد تونار كل مرة يفيق على الصداع وترجع تنعسو مليكة المساعدة ديالهم ....اما اوشن مشافش النعاس لاهو لا ولادو وكتسناو اللحظة المناسبة لي يفجرو فيها الالغام .. اما منير لي كولشي كايضن انه فبيتو .. هو راه برااا كايبكي وخااااايف وكايتسنى شي معجزة تطرا لي مااتخليش هادشي ييوقع ....

🔖الفصل الاول : الاستحواذ

🔖الباب الاول : ألغام الغدر *آخر جزء في هذا الباب *

🔖¤الجزء : 32

آذااان الفجججر تعالا فقرية كتااامة ... والكل لي فالدار كايصليو جمااااعة والعريس فالامام بجلباب ابيض وداير القب .... صلاو الفجر ... وجوج ركعات من أجل التيسيرر للعريس ... معارفينش انهم كاايصليو على ارواحهم ....

الدار كانت عاامرة على الاخر بالعائلة كللها القريب والبعييييد .... بعد ماسالاو الصلاة وخرجو من الصالة لكبيرة تعالات الزغاارييييد ديال العيالات والعريس فالمقدمة شاد فيه الوزير ديالو والقب على راسو هااابط .... والعياالات بداو بالاهازييييج ديالهم وكل وحدة شنو هازة فيديها ... سلطاانة هازة طبق فيه الحنة أوراق ... و راضية الششمع وكاين لي هازة طبق فيه الطحيييين كايديرو فيه دبليييج لداخل هادشيي كوولو خصو يتبع مع العلام باش الحنة كاااتدق وبلليييل عاد كايديروهاليه ....زادو الرجال هوما لوالا و الوزير ديال العريس هو لي خصو يكون معاه طيلة العرس ويتصخر ليييه ويهتم بيه وفين ماا يمشي يمشي معاه وكايگلس حداه وكايدير معاه الحنة ... الشرط فالوْزير خصو يكون صغير وباقي بلا زوارج عزري بحال زعما فال انو غايتزوح من موراه ... واقف قدامو هاز دوك الرايات بجوج وطالعين باش يعليوهم فالسطح ... والعيلات مورراهم كايزغرتو ويقولو فإزران ( قصائد ) بواحد الصوووت ششجي .. كايتعاود فالصدى ديالو بين ثنايا الفجججررر .. صوت رنااااان كااتقشعر ليه الابداااان وبعض العيون كتبكي معاه ..... وهوما طالعين فالدروووج وخيوط الفجر المضييئة كتسلل فسماااء السواد ....

- ررحاااني ناااغ ذااااميييييمون ...رحاااني ناااغ ذاميون رحاني ناغ ذاامييموون ...رحااني نااغ ذاامييييييمون .... ياااربي گييييث ذييمييمان ... ييااربي گيييث ديممييمان .. يااااربي كيييث ديمييييمااااان .... ( قصيدة على الحناء باللهجة الريفية)

- رااااعرام نااغ سنج نثااداث يخزاااا .. يطلاب كيينغ آررزااق ذ واانزااا .... يطالاب التيسيييررر يموووراي نااغ ... يطالاب آررضااا ييتااسريييت ناااغ ... راعرام سنج نثاااداث يخخزاااا .... وتشماااااس ثعدار يخفينس ذ وومااااس رانطا يحضااا .. يماااس ثاااطرو ذ باباس يفاااح يييخزاااا ... ( علامنا فوق دار كايشوف .. طالب معانا الرزق والشتاء ... كايطلب التسير للعريس الرضا للعروس ... ختو مقادة راسها وخوه حتى هو حاضر .... ماه كاتبكي وباه فرحان كااايشوف )

ايزراان كايتنشدووو ورياااض العريس كايطلع العلام فوووق الدار والبرد ديال الفجر كايخليه يرفرف بقوة ...كانت واحد الرييييح قوووووية بحالا كتحذرهم وكتعطي ليييهم اشارة على ان شي حاجة غاتوقع ....كولشي فرحاااان وكولشي كايزغررررت ....

طلع العلام الامازيغي كايرفرف فالاعالي بشموخ وتبعو العلام الابيض حتى هووو ....وضار عندهم العرررييس مبتسم فرحان وهوما كايرشو عليه الزززهرر و الورد والعيالات فالارض يلاه كايستعدو يدقو الحنا ويدابزو على الدبلييج لي كاين وسط الطحين شكون يلقاه اللول ....

حتى .......... وقع فغفلة من الجيييمممميع... اعضمم انفجااااااااار لي تسمع الصووووت ديالو على بعد 10 كيلومتراااات ..... انفجااار #ألغاااام_الغدر ..... صووووت طنااااان ونييران ولههب تلبسااااات كل الاراااضي

تمزق العلام الابيض وتقسم لقطع صغيييرة .... وكل قطعة كفنااااات روح من هااد الارواح لي رجعات لربها راااضية مرضيية ....

مشا عريس بإبتسااااامتو الخجوولة ....ومشاااات أم بدموووع الفرحة ... ومشاااو إخوة بالنخووة ديالهم ... مشااات عائلة على قددددهااا ضااااحكة ...

الكل مشاااا فرحاااان لقاء ربو فغفلة ماتوقعها حتى وااااحد اخر حاجة سمعوها هو صوووت الانفجار لي ماخلاش ليهم الوقت فين يفكرو ولا يحسو ولا يشهدوا..

ماهي الا لحظات ماابقى حتى شي اثر لاي جسد ... كولشي تححرق ... كولشي كلااااه لهييب الغدر .... وبقا الرماااد والارض السوداء شاااااهدة على ان #هنا ..... كان واحد النسب طيب .... كانت واحد العائة فرحااااانة ... وكانو رجااال وعز الرجاال ..... وكان علااام السلم والاماااان فوق السطح كايرفرف .... لي رجع ككفن ليهم بعد الانفجار...... وبقات الاسطورة كاتقول كل مداز شي واحد من حدا داك الارض القاحلة السودااااء ...

#كان_هناك_نسبا_يوما_ما_اين_ذهبوا ????